Category: Uncategorized

Ni ibaruwa yasinyweho n’aba bakozi 13 bigaragara ko yanditswe tariki 08 Werurwe 2021, yandikiwe Umunyanyamabanga Nshingwabikorwa w’Akarere ndetse n’abandi bayobozi mu Karere barimo Umuyobozi w’Akarere n’abamwungirije.

Aya makosa atandatu bagiye bagaragaza rimwe ku rindi banaritangira ibisobanuro, bahereye ku ikosa ryo Guteranya Abakozi.

Basobanura bavuga ko 'byagiye bigaragara kenshi ko Umunyamabanga Nshingwabikorwa w’Umurenge yihererana bamwe mu bakozi akababwira amagambo abangisha bagenzi babo [bise mbatanye mbayobore] ibi byabaye ku bakozi bose.'

Bamushinja kandi kuyoboza abakozi igitugu, Gutuka abakozi, guhunga inshingano z’ubuyobozi, kudaha abakozi ibyo bemerewe ndetse no guteranya abakozi n’abaturage.

Basoza bagaragaza icyifuzo bagira bati 'Hashingiwe ku nama zitandukanye twagiye tugirana n’Umunyabanga Nshingwabikorwa w’Umurenge tumugaragariza imbogamizi dufite ariko ntihagire igihinduka kugeza ubu, dushingiye kandi ku nama twagiranye n’Umuyobozi w’Akarere wungirije ushinzwe Iterambere ry’Ubukungu akatugira inama ariko tukaba tubona ntampinduka, twifuje kubimenyesha Ubuyobozi bw’Akarere mu nyandiko tunasaba ko mwadufasha ku byifuzo byacu bikurikira bigashyirwa mu bikorwa kugira ngo dutange umusaruro uhagije :

* Guha abayobozi agaciro ;
* Kwita ku nshingano ze ;
* Guhindura imikorere n’imiyoborere.

DORE IBARUWA YOSE

UKWEZI.RW

Umukinnyi wa filime nyarwanda ukunzwe cyane muri iyi minsi muri Papa Sava aho akina yitwa Digidigi, yatangaje ko ari kenshi abakobwa bakundanye bakoze ubukwe maze akababwira ko akibakunda.

Uyu mugabo avuga ko akenshi yabikoraga nk’igihe babaga bagiye gutanga impano ubundi akabibongorera ati“n’ubwo ushatse umugabo, naragukundaga.”

Muri iki kiganiro n’ikinyamakuru ISIMBI, yari kumwe na Mama Sava bakinana muri Papa Sava, bakaba bahishuye byinshi ku mubano wabo abantu batazi.

Ku gicamunsi cy'uyu wa Gatatu tariki 09 Werurwe 2021, ni bwo abakobwa umunani bipimishije Covid-19 kuri Plateau Polyclinic yo mu Mujyi wa Kigali. Ibizamini bigaragaza barindwi ari bazima, umwe muri bo yanduye Covid-19.

Kwipimisha Covid-19 ni amafaranga ibihumbi 11 Frw, igisubizo kikaboneka mu minota 15'.

Nsengiyumva Alphonse Umuyobozi wa SupraFamily Rwanda itegura irushanwa rya Miss Supranational Rwanda riri kuba ku nshuro ya kabiri, yabwiye INYARWANDA ko hashingiwe ku bizamini bya muganga, uwo mukobwa ahise avanwa mu irushanwa kugira ngo hirindwe ikwirakwira rya Covid-19.

Uyu muyobozi yavuze ko mu gihe cy'iminsi ine abakobwa bagiye kumara mu mwiherero bazigishwa ibintu bitandukanye bibategura kugeza ku munsi wa nyuma w'iri rushanwa.

Abakobwa barindwi bagiye mu mwiherero baherekejwe na Miss Umunyana Shanitah wegukanye ikamba rya Miss Supranational Rwanda 2019. Ku wa Gatandatu tariki 13 Werurwe 2021, ni bwo hazamenyekana umukobwa azamusimbura.

Bagiye gukorera umwiherero kuri Century Park Nyarutarama ari naho hazabera umuhango wo gutangaza umukobwa uzegukana ikamba, agahabwa guserukira u Rwanda muri Poland.

Abakobwa barindwi bagiye mu mwiherero ni Urusaro Ange Prince, Umuratwa Anitha, Umuganwa Carine, Ineza Charlene, Uwase Denyse, Mushimiyimana Sandra na Uwingabe Claire. Ni mu gihe uwasigaye ari Munezero Grace.

Umuratwa Ketty Anitha

Urusaro Ange Princess

Uwangabe Claire

Uwase Denyse

Mushimiyimana Sandra

Ineza Charlene

Umuganwa Carine

KANDA HANO UREBE AMASHUSHO Y’UKO BYARI BIMEZE

AMAFOTO + VIDEO: PATRICK PROMOTER-INYARWANDA.COM

Basuye Urwibutso rwa Ntarama ku gicamunsi cy'uyu wa Gatatu tariki 10 Werurwe 2021 bunamira inzirakarengane zihashyinguye zazize Jenoside yakorewe Abatutsi muri Mata 1994. Aba bakobwa bakihagera bafashe ifoto ya rusange mbere y'uko batangira gutemberezwa ibice bigize uru rwibutso.

Urwibutso rwa Ntarama rwahoze ari Kiliziya, abahahungiye bari bizeye kurokoka ariko si ko byagenze kuko bahiciwe, bicishijwe amasasu, Gerenade, baratwikwa, impinja n'abana bakubitwa ku rukuta. Abandi bicishijwe intwaro gakondo, imihoro, amacumu, amahiri bikaba bimwe mu bibitswe muri uru rwibutso byerekana ubukana Jenoside yakoranwe.

Uru rwibutso rwa Jenoside rwa Ntarama rubitse amateka asharira y'ubwicanyi ndengakamere bwabereye mu karere ka Bugesera, rushyinguyemo abarenga ibihumbi bitanu bishwe urw’agashinyaguro muri Jenoside yakorewe Abatutsi. Abatutsi bahungiye i Ntarama bizeye kurokoka kuko hari Kiliziya ariko siko byagenze kuko bishwe urw'agashinyaguro.

Uko ari 20 bahataniye ikamba rya Miss Rwanda 2021 bakoze isuku kuri uru rwibutso. Benshi mu bakobwa bahataniye iri kamba, bavutse nyuma ya Jenoside yakorewe abatutsi, gusura uru rwibutso bikaba byabafashije kumenya amateka yagejeje u Rwanda kuri Jenoside yakorewe abatutsi n'ingaruka yagize ku muryango Nyarwanda.

Nyuma yo gusura Urwibutso, Uwankusi Nkusi Linda uri mu bakobwa bahataniye ikamba rya Miss Rwanda 2021, yavuze ko ibyo bibibonye n'amaso yabo biteye agahinda. Avuga ko yashenguwe n'imyenda y'abantu n'inkweto z'abana yabonye bishwe muri Jenoside yakorewe Abatutsi.

Basuye Urwibutso mu gihe u Rwanda rwitegura kwibuka ku nshuro ya 27 Jenoside yakorewe Abatutsi muri Mata 1994. Abakobwa bafashe umwanya wo kwitegereza no kumva neza amateka yagejeje u Rwanda mu icuraburindi,

Mbere yo gusura Urwibutso Ba Nyampinga babanje kuganirizwa ACP ROSE MUHISONI

ACP Rose Muhisoni Komiseri wungirije muri Community Policing yaganirije ba Nyampinga ku ruhare rw'umwari mu gucunga umutekano we n'uw'abandi.

ACP Rose Muhisoni yatangiye asobanurira ba Nyampinga ko umutekano atari ukurwana intambara y’amasasu gusa ahubwo ko hari ibindi bishobora gutera umutekano muke nko kutagira aho kuba, kutagira ubushobozi bwo kwiga no kwivuza, guhohoterwa, gucuruzwa n’imirire mibi.

ACP Rose Muhisoni yagaragaje ko umwari w’u Rwanda ashobora guhungabanya umutekano mu gihe yishoye mu gukorana n’udutsiko tw’abahungabanya umutekano abizi cyangwa atabizi, amatsinda y’abakoresha ibiyobyabwenge n’ibindi bikorwa bibi.

Ku bijyanye no kwicungira umutekano cyangwa kuwucungira abandi, ACP Rose Muhisoni yavuze ko bikorwa umuntu yirinda agakungu n’abakora ibyaha, kwitwararika, gutangira amakuru ku gihe no gutungira agatoki inzego z’umutekano abashobora guhungabanya umutekano.

Ati “Nyampinga agomba kuba maso kandi akihutira gutanga amakuru ku byo abona byahungabanya umutekano. Ibi bizafasha buri wese aho atuye kugira ibyo yikemurira adategereje ko inzego zishinzwe umutekano ziza” 

Ba Nyampinga basuye Urwibutso rwa Jenoside rwa Ntarama rwo muri Bugesera

Aba bakobwa basobanuriwe byimbitse amateka asharira yagejeje u Rwanda mu icuraburindi

Beretswe ibimenyetso bigaragaza ko Jenoside yakorewe Abatutsi ari umugambi wateguwe ugashyirwa mu bikorwa

Abahatanira kuvamo Miss Rwanda beretswe ibice bitandukanye by'Urwibutso rwa Ntarama aho benshi bahungiye bizeye kurokoka

Abakobwa bakoze isuku ku rwibutso rwa Jenoside rwa Ntarama

Urwibutso rwa Jenoside rwa Ntarama rushyinguyemo imibiri y'Abatutsi barenga ibihumbi bitanu

Uwankusi Nkusi Linda yavuze ko ibyo yiboneye n'amaso biteye agahinda, ashingiye ku mateka u Rwanda rwanyuzemo mu 1994

Basobanuriwe amateka yagejeje u Rwanda kuri Jenoside yakorewe Abatutsi mu 1994

Ikirwa cyo muri America y’Amajyaruguru mu bice bya Caribbean (soma: Karibiyani) ni cyo kizakira iryo rushanwa rizatangira ku wa 21 Ugushyingo 2021 kugeza ku wa 16 Ukuboza 2021.

Ikiganiro n’abanyamakuru n’ubundi cyabereye i San Juan mu Mujyi Mukuru wa Puerto Rica cyitabirwa n’abayobozi batandukanye muri icyo gihugu mu bya Politiki n’Ubukerarugendo.

Ariko kandi umushyitsi w’imena yari Stephanie Del Villa, Nyampinga w’Isi wa 2016 akaba n’umunya- Puerto Rico. Undi wari muri icyo kiganiro ni Umuyobozi w’ikirenga wa Miss World, Julio Morley gusa we yari ari iwabo mu Bwongereza akaba yari muri icyo kiganiro hifashishijwe ikoranabuhanga.

Afashe ijambo, Miss Stephanie yasubiye ku rugendo rwe rwamuganishije ku kuba yaregukanye ikamba rya Miss World 2016. Agaruka ku bihe bikomeye igihugu cye cyanyuzemo harimo umuyaga wa ‘Hurricane’ wibasiye igihugu cye muri 2017.

Anavuga ukuntu Miss World Organisation yamubaye hafi binyuze mu cyitwa ‘Beauty With Purpose’ (ubwiza bufite intego) maze akabasha gukusanya inkunga irenga million 40 z’amadorali y’Amerika yakoreshejwe mu kugoboka abasizwe iheruheru n’ibyo biza.

Ati “Ubukungu bwacu busa nk’ubugiye kongera gusubira ku murongo Covid-19 iba iraje. Twe ibihe bikomeye ntinkaho tubibayemo imyaka ine”

Yakomeje avuga ko Puerto Rico nk’igihugu cyubakiye ku bukerarugendo ubu icyizere cy’ubuzima kikaba cyazamutse. Ati” Ni yo mpamvu twongeye guha ikaze ku bantu bavuye imihanda yose y’isi binyuze mu mahirwe tugiriwe yo kwakira irushanwa rya Miss World.”

Umuyobozi w’ikirenga wa Miss World, Julio Morley ntiyagiye kure y’ibyari bimaze gutangazwa n’uyu mukobwa. Avuga ati “Nishimiye gutangaza inkuru nziza ko Miss World igarutse. Mpaye ikaze abazayitabira bose hirya no hino ku isi mu gihugu cy’icyizere cya Puerto Rico”.

U Rwanda rumaze kwitabira irushanwa rya Miss World inshuro enye guhera 2016 kugeza 2020 aho rwahagaririwe na Miss Mutesi Jolly muri 2016, Miss Iradukunda Elsa 2017, Miss Iradukunda Liliane 2018, Miss Nimwiza Meghan 2019. Ntawigeze abasha kugera no muri 20 ba mbere habazwe ibice byose by’irushanwa.

N’ubwo ari uko bimeze ariko, ba Nyampinga bahagarira u Rwanda muri irushanwa bitwara neza mu duce tumwe na tumwe tw’irushanwa nko mu gace ko kumurika umuco w’igihugu no mu gace ku bwiza bufite intego.

Inzira yo gushakisha uzahagarira u Rwanda mu Miss World 2021 irakomeje, aho abakobwa 20 bose bageze mu cyiciro cya nyuma bari mu mwiherero mu karere ka Bugesera i Nyamata.

Miss Nishimwe Naomi wari guhagararira u Rwanda ku nshuro yarwo ya 5 ntiyasekewe n’amahirwe kuko hahise haduka Covid-19 ingendo zirafungwa, amakoraniro arahagarara, irushanwa rirasubikwa.

Stephanie del Valle wabaye Miss World 2016, Puerto Rico akomokamo niyo izakira Miss World 2021

Uyu munyerondo nyuma yo kumenya amakuru y'uko ari gushakishwa n'inzego z'umutekano kugira ngo akurikiranwe ku cyaha cyo kwaka ruswa abaturage bikekwa ko yakoze ku wa 17 Gashyantare 2021, yahise atoroka, aburirwa irengero.

Nyuma y'igihe ashakishwa, yafatiwe mu Karere ka Rubavu ku wa 8 Werurwe 2021 ku bufatanye bw'abaturage n'inzego zishinzwe kurwanya ruswa.

Umuvugizi w'Urwego rw'Ubugenzacyaha RIB, Dr Murangira B. Thierry, yabwiye IGIHE, ko uyu mugabo afungiye kuri Sitasiyo ya RIB iherereye i Nyamirambo.

Ati 'Ni byo arafunzwe, akurikiranyweho kwaka abaturage ruswa ngo abahe serivisi. Afungiye kuri Sitasiyo ya RIB i Nyamirambo.'

Yongeyeho ko RIB itazihanganira abantu bose baka ruswa abaturage ndetse ko nabo bakwiye kumenya ko guhabwa serivisi bakeneye bidasaba ikiguzi, anasaba abayobozi bose n'inzego bireba kubafasha kurwanya ruswa.

Uyu munyerondo nahamwa n'icyaha, azahanishwa ingingo ya Kane y'Itegeko ryerekeye kurwanya ruswa iteganya igihano kiri hagati y'imyaka itanu n'irindwi n'ihazabu yikubye gatatu kugera kuri gatanu y'indonke yatse.

---