Category: Uncategorized

Ibinyamakuru byo muri Tanzania birimo Citizen TV byatangaje ko Perezida wa Tanzania John Pombe Magufuli yitabye Imana azize indwara y’umutima. 

Televiziyo yo mu gihugu cya Tanzania ni yo yatangaje aya makuru, aho ivuga ko yapfiriye mu Bitaro bya Dar es Salaam. Visi Perezida wa Tanzania nawe yemeje aya makuru y’urupfu rwa Magufuli wari umaze igihe arembye.

IMANA IMWAKIRE MU BAYO 

Visi Perezida we, Samia Saluhu Hassan niwe watangaje iyi nkuru y’akababaro ko Perezida Magufuli yaguye mu bitaro bya Mzena biri mu mujyi wa Dar Es Salaam, ariko avuga ko yishwe n’uburwayi bw’umutima yari amaranye imyaka 10.

Kwemera ko Magufuli amaze iminsi mu bitaro ubwabyo hatitawe ku ndwara yari imurembeje, bivuguruzanya n’ibyatangajwe na Minisitiri w’Intebe wa Tanzania, iminsi micye mbere y’urupfu rwe.

Minisitiri w’Intebe aherutse kwemeza ko Perezida wa Tanzania John Magufuli ari mu gihugu kandi ari mu biro bye aho arimo gukora cyane.

Minisitiri w’intebe Kassim Majaliwa yagize ati : “Banyatanzania nimutuze, perezida wanyu arahari, afite ubuzima bwiza, arimo gukora”.

Yabivugiye mu masengesho yo ku wa Gatanu mu musigiti wo mu mujyi wa Njombe mu majyepfo ya Tanzania.

Minisitiri Majaliwa yagize ati : “Afite [Perezida Magufuli] umurundo w’amadosiye. Ubu aho ari [mu biro] arimo aranyura mu madosiye, muravuga muti ‘Ararwaye, niyigaragaze’. Agendere kuri gahunda yanyu bwite cyangwa kuri gahunda ye y’akazi ?”

Ati : “Perezida afite gahunda ye bwite y’akazi kandi ntabwo ashobora kwigaragaza ku mabwiriza yanyu”.

Gusa Minisitiri Majaliwa nta kindi kimenyetso yatanze cyo kunganira ibyo yavuze. Ibyo yatangaje kandi bivuguruzanya n’ibyemejwe n’uruhande rwa Leta ruhamya ko yari amaze iminsi mu bitaro n’ubwo batemera ko yarwaye Covid-19 ahubwo bakemera ko yishwe n’umutima.

Leta ya Tanzania imaze igihe ishinjwa gukerensa ubukana bwa coronavirus ndetse abatavuga rumwe nayo bagiye bashimangira kenshi ko kutita ku ngamba zo kukirinda byagiye bituma hari benshi gihitana Leta ikabigira ibanga, mu bayobozi bakuru bamaze igihe bapfa nabo bigakekwa ko bicwa n’iki cyorezo.

Dr Kayumba ni umwe mu bahanga igihugu gifite, bishimangirwa n'abanyeshuri bamunyuze imbere mu Ishuri ry'Itumanaho n'Itangazamakuru muri Kaminuza y'u Rwanda cyangwa se ubushakashatsi butandukanye yagiye akorera ibigo n'inzego zinyuranye.

Acyigisha yafatwaga nk'umwarimu ubifite mu maraso, wigisha atanga ingero nta guca ku ruhande, bigatuma isomo ricengera abarigenewe. Afite Impamyabumenyi ihanitse mu by'Amahoro n'Iterambere, n'izindi mu bijyanye no gukemura Amakimbirane, Itangazamakuru n'Itumanaho.

Amaze igihe mu itangazamakuru, ibitekerezo bye bikunze guca muri The East African n'ikinyamakuru cye The Chronicles birimo byinshi biba bifutse, bifite icyo benshi mu banyamakuru bita 'Akagufa' kuko aba yarashe ku ngingo mu buryo busobanutse.

Gusa usibye kuba ari umwarimu w'umuhanga ushimwa na benshi, ni umuntu wakunze kwibazwaho kubera ibikorwa bitajyanye n'urwego benshi bamufataho, cyane ko yakunze kugaragara mu ruhame ka manyinya kamubashije.

Hari amashusho yigeze gushyirwa ku mbuga nkoranyambaga mu 2018 agaragaza Kayumba yasinze yaborewe ari guhangana n'abapolisi kugeza n'aho abasabye amakarita abaranga mu gihe bari bambaye impuzankano [uniforms].

Igikorwa cyabaye rurangiza, ni aho yashatse kwinjira mu Kibuga Mpuzamahanga cy'Indege cya Kigali yaborewe bikomeye, atera ubwoba inzego z'umutekano zikirinda ababwira ko yagishwanyaguza, ibi abikorera mu maso y'abagenzi bari baguye mu kantu kubera impagarara Dr Christopher Kayumba yari yateje.

Byatumye atabwa muri yombi mu 2019 hanyuma muri Nyakanga 2020 akatirwa igifungo cy'umwaka umwe nyuma y'uko urukiko rumuhamije ibyaha bikorerwa ku kibuga cy'indege no gukoresha imbaraga cyangwa gukangisha gukoresha imbaraga ku kibuga cy'indege.

Mu bantu babana bya hafi na Dr Kayumba baganiriye na IGIHE, abenshi bahamije ko akunda kuganzwa n'inzoga, ku buryo ashobora gukora na we ibyo atazi. Umwe yagize ati 'Iyo yanyoye akunda no kurwana kuko bimaze kumubaho kenshi. Ntiwabonye uko yabazaga Abapolisi hariya Rwandex ngo muzi icyo ndi cyo?'

Hashize iminsi mike uyu mugabo ufite impamyabumenyi y'ikirenga atangaje ko yinjiye mu ruhando rwa politiki, atangiza ihuriro yise Rwandese Platform for Democracy (RPD), avuga ko rishyize imbere impinduka zigamije iterambere mu Banyarwanda.

Uyu murongo mushya we wakuruye amarangamutima ya benshi aho mu buhamya bwanditse ku rukuta rwa Twitter n'uwitwa Kamaraba Salva, yavuze ko inkuru ya mugenzi we ushinja Dr Kayumba kumufata ku ngufu yasembuwe n'umurongo uyu mugabo yatangaje ko ihuriro rye rya politiki rishingiyeho.

Mu mirongo migari ya politiki ye, avuga ko RPD yimakaje u Rwanda rugendera kuri demokarasi, rutekanye kandi rwuje ubwisanzure. Mu butumwa bwa Kamaraba agira ati 'Ibi bihabanye n'ibikorwa bye. Nta kimwe muri ibyo yimakaza kabone n'umutuzo w'abandi.'

Mu 2017 Dr Kayumba yashatse gusambanya umunyeshuri we

Mu nkuru ya Kamaraba ivuga ku bihe bigoranye mugenzi we yanyuzemo agira ati 'Mu 2017, ubwo nari mu mwaka wa Gatatu muri Kaminuza y'u Rwanda, nasabye kwimenyereza umwuga muri RBA, Kayumba yari umwarimu wanjye, hanyuma mu gihe nari ntegereje igisubizo cya RBA, nabonye telefoni itunguranye yo ku wa Mbere mu gitondo.'

Kuri telefoni Kayumba ngo yabwiye uwo mukobwa ko hari umuntu wo muri RBA wamubajije niba yamurangira umuntu ushaka kwimenyereza umwuga, anongeraho ko 'Mfite ubushobozi mu itangazamakuru nkwiriye kwihutira kujya kumureba akampa inama ndetse n'ibaruwa impesha kujya gukora imenyerezamwuga'.

Yakomeje agira ati 'N'icyizere cyinshi, nemeye guhura nawe, andangira i Remera mu Gihogere. Nyuma naje kumenya ko ari urugo rwe, ntabwo nigeze mbitekerezaho cyane kuko nari umunyeshuri we mu itangazamakuru muri Kaminuza y'u Rwanda, nubahaga cyane.'

Ubwo ngo yageraga mu nzu ya Dr Kayumba, yasanze asa n'uwasinze. Ati 'Nagerageje kugenda ariko yari afite ingufu nyinshi. Arankurura, ansunikira mu ntebe ashaka kumpatira ko turyamana. Ndabyanga atangira kumbwira nabi, antera ubwoba ko azangiza ahazaza hanjye ndetse n'amahirwe yanjye yo kuba Umunyamakuru mu Rwanda.'

Ngo nk'umuntu wumvaga ko afite ijambo muri Kaminuza y'u Rwanda, ngo yibukije uyu mukobwa ko mu gihe yakwibeshya akajya kumurega, nta muntu n'umwe uzigera amwumva kubera ijambo afite mu ruhando rw'itangazamakuru n'uko ari umwe mu barimu bizerwa muri UR.

Nyuma y'umwanya munini bahanganye, uyu mukobwa ngo yagerageje kumwiyaka ariruka, kuko Kayumba atari afite imbaraga zatuma amwiruka inyuma, asaba umukozi we wo mu rugo kumuhagarika, amubwira ko ngo uwo mukobwa hari ibintu yibye.

Umukobwa ngo yagerageje kumvisha umukozi wo mu rugo ko nta kintu na kimwe yibye, ati 'Nsuka hasi ibintu byose nari mfite mu gikapu mu kwereka uwo mukozi wo mu rugo ko nta kintu na kimwe mpisha hanyuma nihutira kubisubizamo vuba nkiza amagara yanjye.'

Akomeza ati 'Ibitutsi na telefoni ze yasinze ntibyahagarariye aho. Nagiye ku ishuri mbimenyesha uwari Umuyobozi w'Ishami ry'Itangazamakuru n'Itumanaho muri Kaminuza y'u Rwanda, Njuguna Joseph ariko ntabwo byari byoroshye cyane ko ntari mfite ikimenyetso na kimwe cyo kwerekana.'

Uyu mukobwa yavuze ko yagiye muri Kaminuza y'u Rwanda afite icyizere ko azashyigikirwa ndetse agafashwa ariko byarangiye aciwe intege. Ati 'Uko imyaka yagiye iza nagerageje kwibagirwa ibyabaye ariko ibintu nk'ibyo ntibijya bisibangana.'

Ati 'Ukuri kubabaje ni uko biba. Abakobwa benshi birangira baguye mu mutego w'abagabo nka Kayumba bakoresha nabi ububasha bafite. Ibyabaye birahagije. Ubu mfite imbaraga zo kuvuga ibyabaye kubera ko byaba bibabaje kurushaho kubona abakobwa bamburwa ahazaza habo n'abantu bagakwiye kuba bazi byinshi. Ihohoterwa ryo ku mubiri ariko ihohoterwa ryo mu mitekerereze n'amarangamutima rirakomeye kuritahura kandi naryo rirangiza.'

Kaminuza yemeye ko iki kibazo ikizi

Uwari Umuyobozi w'Ishami ry'Itangazamakuru n'Itumanaho muri Kaminuza y'u Rwanda, Njuguna Joseph, yemereye IGIHE ko yakiriye iki kirego cy'umukobwa wamubwiye ko Kayumba yamuhohoteye.

Ati 'Yego yaje mu biro byanjye ambwira ko hari umwarimu wagerageje kumuhohotera, namusezeranyije ko nzavugana n'uwo muntu (Kayumba Christophe) ariko igihe kinini ntiyazaga ku ishuri.'

Njuguna yavuze ko atigeze agira icyo abaza Kayumba ku bijyanye n'iki kibazo ngo kuko atari akijya ku ishuri kandi atanitabaga telefoni.

Ati 'Oya ntabwo twigeze tuvugana kuko ntigeze mpura nawe kubera ko atitabaga telefoni, ntiyansubizaga ariko naganiriye ibi n'abakoresha banjye mbasaba kumuvugisha ariko sinzi niba barabikoze.'

'Ibiganiro twagiranye n'abakoresha banjye ni ibyo mu magambo ntabwo nigeze mbandikira kuko nateganyaga guhura nawe gusa ntiyigeze yitaba telefoni yanjye cyangwa ngo aze.'

Njuguna yavuze ko ubwo yongeraga kubonana na Kayumba bataganiriye kuri iki kibazo ngo ahubwo bavuze ku bindi bijyanye n'imyitwarire mibi yari asanzwe agaragaza muri kaminuza.

Ati 'Ubwo nabonaga amahirwe nyuma twaganiriye ibindi bibazo bimwerekeyeho kuko twari dufite ibindi bibazo byinshi bimwerekeyeho ku rwego rwa Kaminuza mu bijyanye n'imyitwarire.'

IGIHE yagerageje guhamagara Kayumba ku murongo wa telefoni, ariko inshuro ebyiri zose twamuhamagaye ntiyitaba ndetse n'ubutumwa bugufi twamwandikiye ntiyigeze abusubiza.

Hashize imyaka igera kuri itatu ku mbuga nkoranyambaga hatangiye inkubiri ya “#MeToo” ihamagarira abagore kwibohora ingoyi y'ubwoba bakerura ihohoterwa bakorerwa. Ni ibikorwa byatumye benshi mu bakora ibikorwa by'ihohotera rishingiye ku gitsina batamazwa, abandi batabwa muri yombi barafungwa.

Uwavuzwe cyane ku Isi ni Harvey Weinstein wari umunyemari washoye mu bijyanye na sinema wahamijwe ibyaha by'ihohoterwa rishingiye ku gitsina agakatirwa gufungwa imyaka 23. Hari kandi n'umuhanzi w'ikirangirire w'Umunyamerika R Kelly na we washinjwe n'abagore ndetse n'abakobwa benshi kubafata ku ngufu ndetse no kubakoresha ibikorwa byinshi ku gahato.

No mu Rwanda naho iyi nkubiri yarahageze, maze abakobwa benshi bifashisha imbuga nkoranyambaga bagaragaza abagabo mu ngeri zitandukanye babahohoteye, gusa Polisi y'Igihugu yakunze kubasaba ko bajya bakoresha imbuga nkoranyambaga neza bakirinda ibisa no gusebanya ahubwo bagatanga ibirego mu nzego zikwiriye.

Mu butumwa bwa Kamaraba, yavuze ko umukobwa wahohotewe na Kayumba yamaze gutanga ikirego muri RIB.

I'm tweeting this for my friend. She filed a case at @RIB_Rw but she was triggered by this. This is her story.

Rwandese Platform for Democracy? My personal experience with @Ckayumba is that what he is advancing is a mockery of who he really is. #Thread 👇🏾 https://t.co/BP4Gsi26r5

— Kamaraba (@kamarabasalva) March 17, 2021

'A freer, democratic, just, secure, peaceful, and developed Rwanda' are what @Ckayumba's forum promises to 'advance'; these are all contrary to his actions. He promotes neither a just nor a secure environment for others.

— Kamaraba (@kamarabasalva) March 17, 2021

He said someone from @rbarwanda reached out to him asking if he would recommend me for the internship. He further said, I had potential in the media industry and that I should immediately go to see him for advice as well as to get the recommendation letter.

— Kamaraba (@kamarabasalva) March 17, 2021

Filled with hope, I agreed to meet him. He directed me to Remera-Gihogere. Later, I found out it was his home. I didn't think much of it since I, as well as other students of Journalism at @Uni_Rwanda, held him in high regard.

— Kamaraba (@kamarabasalva) March 17, 2021

When I arrived at his house, he seemed drunk. I decided to leave but he got physical. He pulled & pushed me on the couch trying to force me to sleep with him. I refused, he got verbally abusive & threatened to destroy my future & any chance I had of being a journalist in Rwanda.

— Kamaraba (@kamarabasalva) March 17, 2021

Moreover, he gloated over the fact that he had power & he was willing to fail me at school. He went on reminding me that even if I reported him, no one would believe me due to the influence he has in the media industry & how he was one of the trusted lecturers at the @Uni_Rwanda

— Kamaraba (@kamarabasalva) March 17, 2021

Trying to convince the houseboy that I had not stole anything, I poured down everything that was in my bag to show the houseboy that I wasn't hiding anything and I quickly put them back & freed myself from the horror.

— Kamaraba (@kamarabasalva) March 17, 2021

Dr Kayumba Christopher yashinjwe n’uwari umunyeshuri we gushaka kumufata ku ngufu

Ku wa 30 Ukuboza 2020 ni bwo Leta yatangiye gushyira mu bikorwa icyemezo cyo kwiyandikishaho ubutaka butandikishijwe na benebwo.

Mu kiganiro abasenateri bagize Komisiyo y'Iterambere ry'Ubukungu n'Imari muri Sena y'u Rwanda bagiranye n'abayobozi b'Ikigo cy'Igihugu Gishinzwe Imicungire n'Imikoreshereze y'Ubutaka kuri uyu wa 17 Werurwe 2021 bagaragaje ko batewe impungenge n'iki cyemezo ahanini bashingiye ku byo bagaragarijwe n'abaturage.

Iki kiganiro cyabaye hifashishijwe uburyo bw'ikoranabuhanga cyari kigamije kumenya impamvu ubu butaka bwanditswe by'agateganyo kuri Leta, imikoreshereze yabwo, imikoresherezwe y'umutungo uburiho nk'inzu, amashyamba n'icyo nyirabwo asabwa kugira ngo azabusubizwe igihe azaboneka.

Ku bijyanye n'impamvu Leta yafashe icyemezo cyo kubwiyandikishaho, Umuyobozi w'Ikigo cy'Igihugu Gishinzwe Imicungire n'Imikoreshereze y'Ubutaka, Mukamana Espérance yabwiye aba basenateri ko biteganywa n'itegeko.

Yabwiye abasenateri ko ingingo ya 20 y'Itegeko rigenga ubutaka mu Rwanda iha inshingano buri wese kwandikisha ubutaka aho ivuga ko 'kwandikisha ubutaka ku muntu wese ubutunze ari itegeko'.

Mukamana yavuze ko Itegeko rigenga ubutaka rishyira mu mutungo bwite wa Leta ubutaka butagira umuntu n'umwe ubufiteho uburenganzira bwihariye, yemeza ko ubutandikishijwe na bwo bwafatwa nk'aho butagira ubufiteho uburenganzira kugeza igihe ubukoresha azabwandikisha.

Abasenateri bagaragaje impungenge z'uko iki cyemezo kidashingiye ku Itegeko cyangwa ibwiriza kandi kigira ingaruka ku baturage ndetse banemeza ko Itegeko Nshinga rivuga ko umutungo w'umuntu ari ntavogerwa, basaba ko hakorwa ubukangurambaga abaturage bakandikisha ubutaka aho kubwandika kuri Leta.

Umuyobozi wa Komisiyo y'Iterambere ry'Ubukungu n'Imari muri Sena y'u Rwanda, Nkusi Juvénal, yabwiye IGIHE ko izi mpungenge baragaraje ahanini zaturutse ku bibazo bagaragarijwe n'abaturage.

Ati 'Impungenge dufite zishingiye ku kuba hari abaturage bamwe bafite impungenge cyane cyane bafite n'ubutaka butarandikwa.'

Yakomeje avuga ko zimwe mu mpamvu zigaragazwa na Leta nk'izituma abaturage batandikisha ubutaka zirimo kunyereza umusoro, guhisha umutungo no kutagira ibyangombwa ubwazo ari ikibazo cyagakwiye gushakirwa igisubizo aho gufatira ubutaka.

Ati 'Baratubwira [Leta] ko impamvu batandikisha harimo ikibazo cyo gukwepa imisoro, urumva ikibazo cyo gukwepa imisoro byaba ari uguhishira abantu kandi bagomba gutanga umusoro, abantu bagombye kucyitaho kugira ngo abantu batange umusoro.'

'Kuba abantu badafite ibibaranga bivuze ko mu Rwanda hari abantu badafite ibibaranga ku buryo byatuma batandikisha ubutaka bwabo. Ikindi guhisha umutungo w'abantu, ese hari abantu bashaka guhisha umutungo wabo, niba bahari nitubashakishe kuko ibikorwa barimo ntabwo ari bizima.'

Nkusi yavuze ko icy'ingenzi ari ukumenya impamvu abantu batandikishije ubutaka bwabo kugeza aho Leta ifata icyemezo cyo kubwiyandikishaho.

Ati 'Kuvuga ngo Leta ibwiyanditseho by'agateganyo, iyo bavuze agateganyo ni ukuvuga ko kagira igihe karangirira. Ese bisobanuye iki? Kuko agateganyo kagomba gusobanuka, yego nubwo bavuga ngo abazabona ibyangombwa bazaza bamwandikire nta kibazo, ariko igikomeye ni ukumenya impamvu abantu batandikishije.'

Nkusi yakomeje avuga ko umutungo w'umuntu ari ntavogerwa, asaba ko habaho uburyo bwo kubakangurira kubwandikisha aho kugira ngo Leta ibwiyandikisheho.

Ati 'Ese nta zindi mbaraga zakoreshwa kugira ngo hatahurwe ibyo bibazo bya nyuma birimo bituma imicungire y'ubutaka idakorwa neza kugira ngo tuvuge ngo tubwiyandikishijeho, kugira ngo abantu tubyumve neza tubikemure.'

'Kuko birajyana n'uko umutungo w'umuntu ari ntavogerwa kuko nubwo abo bantu bahari (abantu batandikisha ubutaka) umutungo ni uwabo kandi itegeko ribemerera ko uko wawubonye kose, ukurikije umuco, waba warabuguze buguma ari ubwawe ahasigaye kubwandika bikaba ari ukugira ngo babyemeze.'

Ibi biganiro hagati ya Sena n'Ikigo cy'Igihugu Gishinzwe Imicungire n'Imikoreshereze y'Ubutaka bizakomeza kugira ngo iyi gahunda irusheho gusobanuka kandi hirindwe ko yagira ikibazo iteza.

Kugeza ubu ubutaka Leta yamaze kwiyandikishaho kuva iki cyemezo cyatangira ku wa 30 Ukuboza 2020 bugera ku bibanza 1 499 845 gusa bikaba ari iby'agateganyo ku buryo ba nyirabwo babonetse babwiyandikishaho.

Abasenateri bagize Komisiyo y'Iterambere ry'Ubukungu n'Imari muri Sena y'u Rwanda bagaragaje impungenge ku cyemezo cya Leta cyo kwiyandikishaho ubutaka butandikishijwe na ba nyirabwo