Webrwanda Backend

Category: Uncategorized

  • Abaforomo n'ababyaza mu rujijo rw'amafaranga bakwa n'ihuriro buri mwaka batazi icyo akora – #rwanda #RwOT

    Ubusanzwe umuforomo cyangwa umubyaza yemererwa kujya mu rugaga no kubona akazi ari uko afite icyo cyangombwa ndetse cyikavugururwa buri mwaka ari uko habanje gutangwa amafaranga. Ni amafaranga angana 15000 buri mwaka kugira ngo umunyamuryango yemererwe muri NCNM.

    Abavuganye na IGIHE, bavuze ko batasobanuriwe icyo ayo mafaranga akoreshwa nubwo babwirwa ko ari ayo kuvugurura urwo ruhushya (License).

    Umwe mu baforomo utuye mu Karere ka Kayonza mu Murenge wa Mukarange, yavuze ko itangwa ry'ayo mafaranga batarisobanuriwe.

    Ati ' Natwe ntituzi impamvu batubwira gutanga 15000 Frw kandi twarabyakiriye. Twabonye ko ari amabwiriza bashyizeho. Biratubangamiye cyane ku buryo tugerageza kubaza ku rubuga duhuriramo, tukibaza niba byibura batagabanya.'

    'Niba umuntu yarakoze akabona impamyabumenyi akabona uruhushya yakoze ikizamini ariko bakaruha igihe cy'umwaka umwe ,buri mwaka ngo ni ukuyiha [license] agaciro kandi ari nako utanga amafaranga, noneho ugasanga hari n'abayivugurura batarabona akazi ubwo umwaka warangira bikaba ngombwa y'uko uruvugurura .Turasaba ko bakongera imyaka rwose.'

    Sibomana Protais wo mu Karere ka Musanze yabwiye IGIHE ko bifuza ko uruhushya rwongererwa igihe bikaba nk'imyaka itanu ngo kuko ushobora kumara imyaka itatu utarabona akazi kandi wishyura uruhushya buri mwaka.

    Ati 'Biratubangamiye cyane. Iyaba batangaga igihe kirekire nibura uruhushya rukamara imyaka itanu kuko ushobora kumara imyaka itatu utarabona akazi.'

    Undi wo mu Karere ka Kicukiro umaze imyaka itanu ari muri NCNM, yavuze ko n'iyo basabye urwo ruhushya badahita barubona ko hashira igihe kinini.

    Ati 'Ubundi umuntu aba yarabonye uruhushya ariko bo bagashaka ko tuzajya tuvugurura buri mwaka kandi nabwo nubwo tuvugurura ntabwo ruzira igihe. Niba usabye mu kwa mbere bazayiguha nko mu kwa gatandatu ,ugasanga ugiye kongera gutangira umwaka nanone usaba kuvugurura .Ni ibintu bigenda biguru ntege. Amafaranga 15000Frw ni menshi ya buri mwaka. '

    Yakomeje ati ' Iyo twaba twari tuzi wenda ngo hari ikigega runaka cyo gufasha wenda tukamenya ko turi gufasha n'abantu. Bashobora kubikuraho cyangwa bakavuga ko tuzajya twishyura mu myaka itanu.

    Umwanditsi Mukuru w'Inama y'Igihugu y'Abaforomo n'Ababyaza (NCNM) Kimonyo Julie, yavuze ko kuba abanyamuryango basabwa kuvugurura uruhushya bigamije kunoza akazi bakora.

    Ati ' Iri si ishyirahamwe, ni ikigo kigendera ku mategeko. Dufite abakozi, dufite serivisi tubaha , dufite n'ibyo byemezo kandi bagomba kugira ibyemezo kugira ngo bajye bakora tuzi neza y'uko ari abantu batekanye bafite ibyangombwa. Ibyo byangombwa bitwara umwanya, bitwara ibikoresho , ibintu byinshi cyane kandi ibyo byose bijyaho amafaranga. '

    Yakomeje ati ' N'ibyo 15000 Frw buri mwaka ugiye kureba ibikorwa byacu ntabwo biba bihagije . Bijya gutangira hashyizweho 5000 Frw, dusanga nta kintu ushobora gukora , nta n'umushahara bitanga, arongezwa.'

    Kimonyo yavuze ko mbere abaforomo n'ababyaza bajyaga bishyura mu myaka itatu ibyangombwa bikabona kuvugururwa ariko baza gusaba ko byahinduka kuko mu myaka itatu ngo hari ababa baribagiwe ko bagomba kuvuguruza impushya.

    Ku cyo kuba bamara igihe batarahabwa icyangombwa, Kimonyo yavuze abaforomo bakunze gutinda gubisaba no kubasubiza bigatinda.

    Ati 'Ibintu birihutshwa ariko abaforomo ni benshi . Babikoze mu gihe nk'uko twabibasabye bazajya babibonera igihe . Njye ndabasabye bajye basaba mu gihe, ntibagakerewe byarenze igihe biri burangire ejo cyangwa ejo bundi.'
    Kimonyo yavuze ko abanyamuryango baramutse bashaka kumenya uko amafaranga batanga akoreshwa, nta kabuza bajya babimenya.

    Kugeza ubu mu Rwanda habarurwa abaforomo n'ababyaza basaga 15 000.

    Mu Rwanda kugeza ubu habarurwa abaforomo n'ababyaza basaga 15 000.

    Source : http://igihe.com/amakuru/u-rwanda/article/abaforomo-n-ababyaza-mu-rujijo-rw-amafaranga-bakwa-n-ihuriro-buri-mwaka-batazi

  • Ujya wibaza icyo wakora ugakundwa?|Wabuze inshuti mu buzima?Dore inama z'ingenzi ukwiye gukurikiza. – YEGOB #rwanda #RwOT

    Mu buzima busanzwe gukundwa burya bisaba ko nawe ubigiramo uruhare waba ubizi cyangwa utabizi.Ushobora kuba wizaba icyo wakora ugakundwa,cyangwa ukagira inshuti.

    Uyu munsi tugiye kurebera hamwe inama z'ingenzi zagufasha kugirango ubashe kongera abagukunda n'abakwishimira kandi urasanga kubyubahiriza bitagoye, Nubwo nanone twese tutoroherwa n'ibintu kimwe.

    1.Menya gushima

    Umuturanyi yaguze ikibanza, yarangije ishuri, uwo mukorana azamuwe mu ntera, ibyo ntibikwiye kugutera ishyari kuko buri wese agira igeno rye. Ahubwo muri ibyo byishimo byabo ifatanya nabo, ubereke ko unejejwe n'ibyo bagezeho. Ababyaye, abakoze indi minsi mikuru inyuranye, ifatanya nabo muri ibyo byishimo.

    2.Ba wowe ubwawe

    Hai igihe wakiyorosa urundi ruhu kugirango ugire abo unezeza nyamara nibigera aho ugaragaza wowe nyawe abakwibeshyeho bazakwanga banakwangishe abandi kuko uba ugaragaye nk'indyarya. Uwo uri we, niba ubona ko bidakwiye hinduka ariko ntiwihishire. Ahantu hose, muri byose igaragaze uko uri ni naho ugukosora azabona aho ahera kandi ugufasha akabona aho abihera

    3.Sabana

    Gusabana bituma benshi bakwishyikiraho. Wikumva ko wageze mu rwego utaganira n'umukozi wawe cyangwa utataramana n'umuturanyi. Gusabana haba mu byishimo no mu byago, kwegera abandi nabo ukabafungurira inzugi z'iwawe mu mutima bizakongerera inshuti

    4.Kunda abandi

    Twabivuze tugitangira ngo uko wifuza kugirirwa banza nawe ubigirire abandi. Niba ushaka gukundwa banza nawe ubakunde. Nubigira inshingano undi nawe akabigira inshingano, bizaba igikorwa ngirana nuko ukunde kandi ukundwe.

    5.Menya kumva abandi

    Nta kinezeza nko kubwira umuntu ukabona ko aguteze amatwi kandi ashishikariye kukumva. Gusa nanone menya kumva ariko wirinde kuvuga cyane cyane ibitakureba kuko abakugana bakakubitsa ibanga baba bashaka inama n'ubufasha bwawe. Ibi bizatuma bakubonamo ingenzi.

    6.Fasha abandi

    Uwo wabuze umuganiriza, uwo ugukeneyeho inama, ubufasha bwaba ubw'amaboko cyangwa amafaranga, uwo ukugannye yashobewe, umwakira ute? Ku bizera Imana gufasha niri mu nshingano zabo z'ibanze kandi bigendana n'urukundo rwitwa ITEGEKO RY'IZAHABU
    Uko ufasha mu byoroshye cyangwa ibikomeye, niko nawe uba utuma imitima myinshi ikugana.

    7.Buri gihe girira abandi uko ushaka kugenzerezwa

    Ese umuntu agututse cyangwa agusuzuguye wumva byagushimisha? Niba igisubizo ari OYA, nawe iyo mico niba wari uyiyiziho nicyo gihe ngo uhinduke. Nugera mu bihe bikomeye, aho usabwa kugira icyo ukora jya wibaza uti ese ari jyewe nakifuza ko ibi babinkorera? Umwanzuro uzafata niwo uzakwereka niba wakundwa cyangwa utakundwa.

    Niba ushaka umukunzi kanda kuri iyi link ukurikize ibisabwa:http://yegob.rw/dating

    Leave your vote

    Comments

    0 comments

    Source : https://yegob.rw/ujya-wibaza-icyo-wakora-ugakundwawabuze-inshuti-mu-buzimadore-inama-zingenzi-ukwiye-gukurikiza/

  • Wa mukobwa uteye neza ukina muri Papa Sava yerekanye umusore yahundagajeho urukundo rwe rwose (amafoto) – YEGOB #rwanda #RwOT

    Noella Niyomubyeyi wamenyekanye ku izina rya Fofo muri filime y'uruhererekane ya Papa Sava, yerekanye umusore yihebeye. Ibi Fofo yabikoze mu ntangiriro z'iki cyumweru ubwo uyu musore yagiraga isabukuru y'amavuko maze uyu mukobwa amuvuga ibigwi karahava ndetse yereka abamukurikira kuri instagram ko akunda uyu musore byahebuje.

    Amagambo ataka ndetse anahamiriza ukuri abafana ba Fofo ko uyu musore yamutwaye umutima Fofo yayavuze nyuma yuko yari amaze gushyira hanze ifoto ikurikira y'uwo musore wamutwaye umutima.

    Nyuma yuko Fofo ashyize hanze iyi foto, yayiherekesheje amagambo agira ati: 'I am blessed and happy because I have you @paternehp_official @paternehp_official in my life my love without you I won't really survive nakupenda penda sana mpenzi wangu na muomba mwenyenzi munguu akulinde mume wangu ili tuzidi kupendana zaidi na zaidi kwasababu naamini wewe ume letwa duniani kwaajili yangu I'm addicted to you and your love I LOVE YOU 💕 more than you could ever imagine. @paterne_official wacha ulimwengu ujue mapenzi yangu kwako hayawezi isha mume wangu peke yangu HP'.

    Noella usanzwe azwi ku izina rya Fofo muri Papa Sava ni umwe mu bakobwa bari muri sinema nyarwanda bakundirwa imiterere y'imibiri yabo.

    Amwe mu mafoto ya Fofo: 

    Leave your vote

    Comments

    0 comments

    Source : https://yegob.rw/wa-mukobwa-uteye-neza-ukina-muri-papa-sava-yerekanye-umusore-yahundagajeho-urukundo-rwe-rwose/

  • Ubuhamya:Charlotte yemeye kuyoborwa n’Imana mu rushako Imana imukorera ubukwe bwiza #rwanda #RwOT

    Murorunkwere Charlotte umukristo mu itorero ADEPR umudugudu wa Nyarugenge, yahuye n’ingorane zo kuba imfubyi akiri muto ariko akomeza gukizwa ndetse igihe cyo kurambagizwa kigeze yakomeje kuyoboza Imana inzira ngo imwereke uwo yamuhitiyemo bazabana kuko yarambagizwaga na benshi. Imana yamubereye umubyeyi imuhishurira uwo bazabana ndetse imukorera ubukwe bwiza agira urugo rw’umugisha ku buryo ari inyigisho ikomeye ku bateganya kurushinga.

    Nkuko bigaragara mu gice cyabanje cy’ubuhamya bwa Charlotte, yagaragaje uburyo Yesu ari se w’imfubyi asobanura uko yamureze na barumuna be ikabakuza. Muri iki gice Murorunkwere Charlotte arasobanura uko Imana yabanye na we mugihe cyo kurambagizwa ikamuyobora akayumvira hanyuma ikamukorera ubukwe bw’agahebuzo kandi imwubakira urugo rw’umugisha.

    'Bitewe n’ubuzima bugoye nari ndimo, abahungu baranadambagizaga nkabahakanira ariko nyuma nza kubona maze gukura ariko bakomeza kundambagiza ariko nakundaga gusenga umuntu yaza nkajya kubaza Yesu nti ese umuntu wateguye tuzabana mu isi ni uriya? Habaga ho ubwo menye ko atari we nkamusezerera nabimenyaga mu buryo butandukanye kuko hari igihe narotaga inzozi cyangwa nkabona imico ye mibi ntabasha naghita musezerera.

    Igihe kimwe nisanze twarakundanye n’umusore twakoranaga ariko we ntiyari akijijwe, negereye Yesu ndamubwira nti nkiza ibi bintu kuko bwari ubwa mbere nkunze sinari nzi uko bigenda ariko Yesu icyo gikombe yarakindengeje. Ntibyarangiriye aho haje undi ariko bitewe n’uko yari umuntu wadufashaga mu rugo numvise mbuze aho mpera muhakanira kuko namubwiye ko ntabana n’umuntu udakijijwe nawe ati 'Gukizwa ibyo na byo ati ngomba kuza gukizwa, yaraje arabatizwa incuti zanjye zo mu itorero ziramumenya. Amaze kubatizwa nahise numva ko ari we Imana yemeye.

    Ngikundana n’uwo musore, nagize ntya ndota inzozi mbona ngiye kugwa mu cyobo kirekire cyuzuyemo ibikoresho byajeho ingese bisa nabi, nabonye amaguru yamanutse ariko amaboko akiri hejuru ndimo kurereta kandi mvuza induru ariko abantu ntibantabare. Nahise mbona abagabo batatu bambaye imyenda yera baraje banzamura muri urwo rwobo banshyira hejuru ku musozi. Muri izo nzozi nahise nsenga amazina y’uwo muntu ko Imana indinze kubana na we. Nkangutse nabishidikanyijeho ariko Imana inzanira umuntu uvuye i Cyangugu ambwira ibihwanye n’inzozi narose arambwira ati 'Uriya muntu si we mureke. Kuko numviraga Imana naramuretse'.

    Mubyukuri uyu mubyeyi yahuye n’ibigeragezo byinshi bitandukanye abasore benshi bashaka kumwiyoberanyaho batari mu mugambi w’Imana ariko igihe cyarageze Uwiteka amuhishurira uwo bazabana ndetse bakora ubukwe bwiza ku buryo buhebuje ndetse bwitabirwa n’abantu bavuye mu bihugu bitandukanye nk’uko Imana yari yarabimubwiye nk’uko Charlotte abisobanura.

    'Hari mu mwaka wa 2003 ndibuka ko nagiye gusengera ahitwa Nzega mu Karere ka Nyamagabe Imana imbwira ubukwe irambwira ngo dore umugabo nguhaye ni umuntu ufite uruhara, ufite akaminibisi gashaje afite umwana w’umukobwa yabyaye hanze. Nahise ngwa mu kantu ndavuga ngo hoya Imana narayubashye none igiye kumpa umugabo wazanye uruhara koko, kuki ushaka kunyita izina ribi ukanyita muka se, umva narisarararanze ngo ndabyanze ariko Imana yakomeje kumbwira ngo inkoreye ubukwe izampa amakado aturutse hanze, izankorera ubukwe buzavugisha benshi nkibaza ngo ko nta bavandimwe mfite bizashoboka bite'.

    Hari umusore twari duturanye mufata nk’inshuti yanjye kuko twagiranaga inama cyane ko yari afite murumuna we wajyaga kenshi ahahamukira ku ishuri kandi yiganaga na murumuna wanjye nawe wari ufite icyo kibazo, twafatanyaga rero kujya kuzana abo bana ku ishuri bagize ikibazo. Hashize nk’iminsi itatu avuye muri ya masengesho yahise ampamagara arambwira ngo arankunda kandi yifuza ko twazabana Imana yari yarambwiye ngo mu basoe 5 bambwiye ko bankunda hazaza undi utarabimbwira uwo ni we mugabo wanjye.

    Yaraje rero ambwira ko ankunda nkurikije ibimenyetso byose mana yampaye nahise mwemerera dupanga gahunda y’ubukwe ariko ndakubwiza ukuri Imana yadukoreye ibitangaza abantu baradutwerereye naguze ibikoresho byiza, imyenda myiza, abantu bazanye imodoka zirakubita ziruzura zigera kuri 65, twiyakiriye muri sale y’akataraboneka, twabonye amafaranga kuburyo twasaguye amafaranga ibihumbi 900.

    Asoza ubuhamya bwe, Charlotte arashima Imana yamubereye umubyeyi, imubera incuti mbese yamubereye byose arashishikariza kandi abadafite kivurira ko kwimeza ku Mana no gukizwa by’ukuri kuko nta wayiringiye ngo imuhemukire cyangwa ngo imukoze isoni. Yibutsa abantu kandi ko ijambo Imana ivuze irikurikirana kugeza irisohoje.

    [email protected]

    Source : https://agakiza.org/Ubuhamya-Charlotte-yemeye-kuyoborwa-n-Imana-mu-rushako-Imana-imukorera-ubukwe.html

  • Umusaruro mbumbe w’u Rwanda wamanutseho 3.4% mu 2020 –

    Mu rusange, umusaruro mbumbe w’u Rwanda mu gaciro warazamutse, uva kuri miliyari 9 315 Frw mu mwaka wa 2019 ugera kuri miliyari 9 746 Frw mu mwaka wa 2020, ni ukuvuga izamuka rya 4.6% ushingiye ku giciro kiri ku masoko kuri uyu munsi.

    Impamvu umusaruro mbumbe wiyongereye ushingiye ku biciro biri ku masoko uyu munsi, ni uko ibyo biciro mu buryo bw’ifaranga byataye agaciro ugereranyije n’uko ibiciro ku masoko byari byifashe mu mwaka wa 2019, 2018 ndetse na 2017 ubwo hashyirwagaho igipimo fatizo kigenderwaho mu kubara umusaruro mbumbe w’igihugu.

    Iki gipimo (cyangwa igiciro) gishyirwaho nyuma ya buri myaka itatu, agaciro k’ifaranga buri mu mwaka kakavunjwa mu gaciro ifaranga ryari rifite mu mwaka fatizo (kuri ubu ni 2017), noneho bakabara umusaruro mbumbe bagashingiyeho.

    Bivuze ko kuba umusaruro mbumbe wariyongereye muri uyu mwaka hagendewe ku biciro biri ku masoko uyu munsi, bidasobanuye ko umusaruro muri rusange wiyongereye mu gihugu, ahubwo bivuze ko wenda ifaranga ry’u Rwanda ryataye agaciro cyane ugereranyije n’agaciro ryari rifite mu mwaka fatizo wa 2017.

    Hashingiwe rero ku gipimo fatizo cyo mu mwaka wa 2017, ari na cyo gipimo kigenderwaho mu gupima umusaruro mbumbe w’igihugu, dusanga uyu musaruro mbumbe mu mwaka wa 2020 waragabanutse ku kigero cya 3.4%, uva kuri miliyari 9 315 Frw mu mwaka wa 2019, ugera kuri miliyari 8 838 Frw mu mwaka wa 2020. Iri gabanuka ryatewe n’igabanuka ry’umusaruro w’inzego zigize igice kinini cy’umusaruro mbumbe w’u Rwanda.

    Nk’umusaruro w’urwego rw’ubuhinzi wazamutseho 1%, ariko ibi bigira ingaruka ku igabanuka ry’umusaruro mbumbe muri rusange ku kigero cya 0.2%. Umusaruro w’urwego rw’inganda nawo wagabanutseho 4%, bituma umusaruro mbumbe ugabanukaho 0.8%.

    Umusaruro w’urwego rwa serivisi nawo waragabanutse ku kigero cya 6%, bigira ingaruka ku musaruro mbumbe w’igihugu kuko wagabanutseho 2.6% mu mwaka ushize.

    Iri gabanuka ry’umusaruro mbumbe muri rusange ryatewe ahanini n’ingaruka z’icyorezo cya Covid-19, cyatumye Leta ifata ingamba zirimo izo gufunga ibikorwa by’ubucuruzi ndetse no guhagarika serivisi zitari zimwe na zimwe.

    Ibi byatumye mu gihembwe cya kabiri cy’umwaka ushize, umusaruro mbumbe ugabanuka ku kigero cya 12.4%, ndetse ugabanuka ku kigero cya 3.6% mu gihembwe cyakurikiyeho, unagabanuka ku kigero cya 0.6% mu gihembwe cya kane. Mu gihembwe cya mbere cy’umwaka ushize, mbere y’uko Covid-19 igera mu Rwanda, ni bwo uyu musaruro wari wazamutse ku kigero cya 3.7%.

    Nk’uko bisanzwe, urwego rwa serivisi rwari ruyoboye, kuko rugize 46% by’umusaruro mbumbe w’u Rwanda mu mwaka ushize, n’ubwo uru rwego ruri mu zazahajwe cyane n’icyorezo cya Covid-19.

    Uru rwego rwakurikiwe n’urw’ubuhinzi rwagize uruhare rungana na 26% ku musaruro mbumbe w’igihugu, mu gihe urwego rw’inganda rwagize umusaruro ungana na 19%.

    Mu rwego rwa serivisi, ibikorwa bya hoteli na restaurants byaradindiye cyane, kuko umusaruro wabyo wagabanutse ku kigero cya 40%, rukurikirwa n’urwego rw’uburezi rwagabanutse ku kigero cya 38% mu gihe urwego rw’ubwikorezi rwagabanutse ku kigero cya 24%.

    Ibikorwa by’ubucuruzi na byo byarazahaye, kuko umusaruro wabyo wagabanutse ku kigero cya 3%, mu gihe umusaruro w’ibikorwa by’ubwubatsi wagabanutse ku kigero cya 6%, nyuma y’uko uru rwego rwari rwazamutse ku kigero gishimishije cya 33% mu mwaka wa 2019.

    Ibikorwa byageze ku musaruro ushimishije mu mwaka wa 2020 ni ibijyanye n’itumanaho n’ihererekanyamakuru, byazamuye umusaruro wabyo ku kigero cya 29%, kimwe n’urwego rw’ubuzima rwazamutse ku kigero cya 19% ahanini bitewe n’ingamba zo kwirinda icyorezo cya Covid-19.

    Umusaruro mbumbe w’u Rwanda waragabanutse mu mwaka ushize

  • Urukiko rwashimangiye iminsi 30 yo gufungwa by’agateganyo kuri CSP Kayumba wayoboraga gereza ya Mageragere –

    CSP Kayumba na SP Ntakirutimana Eric bakurikiranyweho impamvu nkomezacyaha ku cyaha cyo kwiba, kwinjira mu makuru abitse muri mudasobwa cyangwa urusobe rwazo no kwiyitirira umwirondoro bakoze ari abayobozi muri Gereza ya Nyarugenge iherereye i Mageragere.

    Ni mu gihe kandi Mutamaniwa Ephraim wari ushinzwe iperereza (Intelligence officer) muri iyo Gereza akurikiranyweho impamvu nkomezacyaha ku cyaha cyo kwiba n‘icyo kwinjira mu makuru abitse muri mudasobwa cyangwa urusobe rwazo.

    Kuwa 22 Gashyantare 2021, nibwo aba bose bari bakatiwe gufungwa iminsi 30 y’agateganyo n’Urukiko rw’Ibanze rwa Nyarugenge, gusa bahise bajuririra iki cyemezo.

    Ubwo hasomwaga imyanzuro y’iki gifungo, Urukiko rwavuze ko hari impamvu zikomeye zituma CSP Kayumba Innocent na SP Ntakirutimana Eric na Mutamaniwa Ephraim bakekwaho impamvu nkomezacyaha ku cyaha cyo kwiba, icyaha cyo kwinjira mu makuru abitse muri muri mudasobwa cyangwa urusobe rwazo n’icyaha cyo kwiyitirira umwirondoro bakurikiranyweho.

    Urukiko rwavuze kandi ko hari impamvu zikomeye zituma Mutamaniwa Ephraim akekwaho impamvu nkomezacyaha ku cyaha cyo kwiba n’icyaha cyo kwinjira mu makuru abitse muri muri mudasobwa cyangwa urusobe rwazo akurikiranyweho.

    Urukiko rwategetse ko CSP Kayumba, SP Ntakirutimana na Mutamaniwa bakurikiranwa bafunzwe by’agateganyo mu gihe cy’iminsi 30 [Ukwezi kumwe] muri Gereza yemewe.

    Nyuma yo kujurira mu Rukiko Rwisumbuye rwa Nyarugenge, kuri uyu wa Kane, narwo rwatesheje agaciro ubujurire bwabo, bityo rurekeraho iki cyemezo cy’uko bakomeza gufungwa iminsi 30 y’agateganyo.

    Bakurikiranyweho kwiba amafaranga y’imfungwa…

    Bivugwa ko muri Mutarama 2021, uwitwa Kassem Ayman Mohamed, ufite Ubwenegihugu bw’u Bwongereza wari ufungiye i Mageragere yahibiwe amafaranga agera kuri miriyoni 9,144,300.000Frw ahwanye n’amapawundi 7.679.911.

    Bivugwa ko aya mafaranga yakuwe ku ikarita asanzwe akoresha agura ibintu bitandukanye birimo imiti ya Insulin injection n’ibyo kurya bitandukanye, yamara kubigura ikarita igasubizwa Bugingo Eugène ukora mu bijyanye n’imibereho myiza muri Gereza ya Nyarugenge.

    Kassem iyo yongeraga gukenera gukoresha iyi karita yajyaga kuyifata agasubira guhaha kuko yajyagayo kabiri mu kwezi, akaba yaraherukaga kuyikoresha tariki 18 Kanama 2020, itangira kwibirwaho ayo mafaranga muri Nzeri 2020.

    Bugingo abisabwe n’umuyobozi wa Gereza CSP Kayumba Innocent, ngo yakuye iyo karita aho yari ibitse ikaba yaraguriweho ibicuruzwa bitandutanye mu buryo bw’ikoranabuhanga ( online) nyirayo atabizi, hakoreshejwe telefoni ya Gashema Faustin ufungiye muri iyo Gereza akaba ari uburyo abaregwa bakoreshaga ngo bitagaragara ko aribo baguriyeho ibyo bintu bakoresha sim card z’abafungwa zabikwaga na Mutamaniwa Ephraim.

    Umuyobozi wa Gereza CSP Kayumba yifashishije umufungwa witwa Amani Olivier uzwiho kugira ubumenyi mu bijyanye n’ikoranabuhanga (IT), amusaba ko yakura amafaranga kuri iyo karita ya Ayman Muhamed, na we amusubiza ko bitankunda uretse kuba gusa yayikoresha agura ibintu bitandukanye online.

    Icyo gihe ngo nibwo yahise yinjira muri iyo konti ye, hakoreshejwe ikarita imaze kuvugwa kahaba haraguzwe telefone SUMSUNG S8 n’ibindi bintu bitandukanye bigizwe na biscuits, juices n’ibindi muri sosiyete yitwa ‘’VUBA VUBA, ibizana ku murenge wa Mageragere, byakirwa na secretaire witwa Uwamariya Marguerite, maze akabigeza kwa CSP Kayumba.

    Urukiko rwemeje ko CSP Kayumba Innocent na bagenzi be bakomeza gufungwa by’agateganyo

  • Abaforomo n’ababyaza mu rujijo rw’amafaranga bakwa n’ihuriro buri mwaka batazi icyo akora –

    Ubusanzwe umuforomo cyangwa umubyaza yemererwa kujya mu rugaga no kubona akazi ari uko afite icyo cyangombwa ndetse cyikavugururwa buri mwaka ari uko habanje gutangwa amafaranga. Ni amafaranga angana 15000 buri mwaka kugira ngo umunyamuryango yemererwe muri NCNM.

    Abavuganye na IGIHE, bavuze ko batasobanuriwe icyo ayo mafaranga akoreshwa nubwo babwirwa ko ari ayo kuvugurura urwo ruhushya (License).

    Umwe mu baforomo utuye mu Karere ka Kayonza mu Murenge wa Mukarange, yavuze ko itangwa ry’ayo mafaranga batarisobanuriwe.

    Ati “ Natwe ntituzi impamvu batubwira gutanga 15000 Frw kandi twarabyakiriye. Twabonye ko ari amabwiriza bashyizeho. Biratubangamiye cyane ku buryo tugerageza kubaza ku rubuga duhuriramo, tukibaza niba byibura batagabanya.”

    “Niba umuntu yarakoze akabona impamyabumenyi akabona uruhushya yakoze ikizamini ariko bakaruha igihe cy’umwaka umwe ,buri mwaka ngo ni ukuyiha [license] agaciro kandi ari nako utanga amafaranga, noneho ugasanga hari n’abayivugurura batarabona akazi ubwo umwaka warangira bikaba ngombwa y’uko uruvugurura .Turasaba ko bakongera imyaka rwose.”

    Sibomana Protais wo mu Karere ka Musanze yabwiye IGIHE ko bifuza ko uruhushya rwongererwa igihe bikaba nk’imyaka itanu ngo kuko ushobora kumara imyaka itatu utarabona akazi kandi wishyura uruhushya buri mwaka.

    Ati “Biratubangamiye cyane. Iyaba batangaga igihe kirekire nibura uruhushya rukamara imyaka itanu kuko ushobora kumara imyaka itatu utarabona akazi.”

    Undi wo mu Karere ka Kicukiro umaze imyaka itanu ari muri NCNM, yavuze ko n’iyo basabye urwo ruhushya badahita barubona ko hashira igihe kinini.

    Ati “Ubundi umuntu aba yarabonye uruhushya ariko bo bagashaka ko tuzajya tuvugurura buri mwaka kandi nabwo nubwo tuvugurura ntabwo ruzira igihe. Niba usabye mu kwa mbere bazayiguha nko mu kwa gatandatu ,ugasanga ugiye kongera gutangira umwaka nanone usaba kuvugurura .Ni ibintu bigenda biguru ntege. Amafaranga 15000Frw ni menshi ya buri mwaka. ”

    Yakomeje ati “ Iyo twaba twari tuzi wenda ngo hari ikigega runaka cyo gufasha wenda tukamenya ko turi gufasha n’abantu. Bashobora kubikuraho cyangwa bakavuga ko tuzajya twishyura mu myaka itanu.

    Umwanditsi Mukuru w’Inama y’Igihugu y’Abaforomo n’Ababyaza (NCNM) Kimonyo Julie, yavuze ko kuba abanyamuryango basabwa kuvugurura uruhushya bigamije kunoza akazi bakora.

    Ati “ Iri si ishyirahamwe, ni ikigo kigendera ku mategeko. Dufite abakozi, dufite serivisi tubaha , dufite n’ibyo byemezo kandi bagomba kugira ibyemezo kugira ngo bajye bakora tuzi neza y’uko ari abantu batekanye bafite ibyangombwa. Ibyo byangombwa bitwara umwanya, bitwara ibikoresho , ibintu byinshi cyane kandi ibyo byose bijyaho amafaranga. ”

    Yakomeje ati “ N’ibyo 15000 Frw buri mwaka ugiye kureba ibikorwa byacu ntabwo biba bihagije . Bijya gutangira hashyizweho 5000 Frw, dusanga nta kintu ushobora gukora , nta n’umushahara bitanga, arongezwa.”

    Kimonyo yavuze ko mbere abaforomo n’ababyaza bajyaga bishyura mu myaka itatu ibyangombwa bikabona kuvugururwa ariko baza gusaba ko byahinduka kuko mu myaka itatu ngo hari ababa baribagiwe ko bagomba kuvuguruza impushya.

    Ku cyo kuba bamara igihe batarahabwa icyangombwa, Kimonyo yavuze abaforomo bakunze gutinda gubisaba no kubasubiza bigatinda.

    Ati “Ibintu birihutshwa ariko abaforomo ni benshi . Babikoze mu gihe nk’uko twabibasabye bazajya babibonera igihe . Njye ndabasabye bajye basaba mu gihe, ntibagakerewe byarenze igihe biri burangire ejo cyangwa ejo bundi.”

    Kimonyo yavuze ko abanyamuryango baramutse bashaka kumenya uko amafaranga batanga akoreshwa, nta kabuza bajya babimenya.

    Kugeza ubu mu Rwanda habarurwa abaforomo n’ababyaza basaga 15 000.

    Mu Rwanda kugeza ubu habarurwa abaforomo n’ababyaza basaga 15 000.

  • Amagambo abakobwa banga urunuka ku buryo abahungu benshi bakunda kugwa mu mutego wayo #rwanda #RwOT

    Nk’uko hari amagambo meza ushobora kubwira umukobwa mukundana akarushaho kukwiyumvamo bitewe n’uko yumva amunyuze umutima, hari n’andi ushobora kuvuga muri kumwe ukabona urukundo rukura rushonga nk’isabune nk’uko Kitoko yabiririmbye.

    Abahanga mu by’urukundo bavuga ko hari amagambo umukobwa n’ubwo yaba akunda umuhungu gute aramutse yumva ayavuga atangira kumubona nk’umuntu usanzwe kandi umukunzi wawe agomba kukubona bitandukanye n’uko abona abandi basore.

    Dore amwe muri ayo magambo

    1. Kugereranya umukobwa mukundana n’uwo mwigeze gutandukana

    Ibi bikunze kubaho mu gihe habayeho agakosa runaka maze ukaba wacikwa ukavuga ngo runaka (uwo mwakundanaga) si uku yari ateye. Aya magambo rero amutera kwibaza ko ushobora kuba ukimukunda bityo akumva ko mushobora kongera mugasubirana.

    2. Kumubwira ko yabyibushye

    Aha usanga akenshi na kenshi niba umukobwa mukundana akubajije niba yariyongereye ibiro cyangwa yarabyibushye, aha rero niba ngo abikubajije ngo ushobora kumubwira ngo ni ibisanzwe kuko iyo uvuze ko yabwibushye bimuca intege kuko abenshi ntibakunda kubyibuha cyane. Gusa iyi ngingo yo ugomba kubanza gushishoza ukamenya niba umukunzi wawe yishimira kubyibuha kuko hari n’abakobwa baba bashaka kubyibuha. Ariko iyo asanzwe abyibushye ukamubwira ko arushaho kubyibuha ngo biramubabaza cyane ndetse agatekereza ko ubona adateye neza.

    3. irinde kumubwira amagambo amutera kwibaza ko mutari ku rwego rumwe

    Aha by’umwihariko umukobwa ntaba ashaka kumva amagambo aganisha ku mwereka ko mutari ku gipimo kimwe mu bwiza, Ubutunzi n’ibindi. Aha aba abona ko mudakwiranye .

    4. Kumubwira ubwoko bw’abakobwa ukunda mu gihe ataburimo

    Urugero, umukobwa mukundana ni igikara. Nakubaza ngo ukunda abakobwa basa gute ukavuga ko ukunda abakobwa b’inzobe aha uzaba ukishe. Azatangira kumva ko mu by’ukuri we utamukunda kuko Atari mu bwoko bw’abo ukunda.

    5. Kumubwira ko udateganaya kubaka urugo vuba

    Umukobwa iyo mukundanye igihe utaravuga ku byerekeye kubana nawe arakurambirwa. Atangira kwibaza niba urukundo rwanyu ari urw’igihe gito cyangwa kinini. Aha atangira gutekereza ko isaha n’isaha uzamureka.

    Mu gihe rero uri mu rukundo n’umukobwa , irinde kuvuga amagambo nk’aya n’andi ashobora kumutera kwibaza niba urukundo rwanyu ari urw’igihe gito kugirango muzarambane.

    Source : http://isimbi.rw/andi-makuru/article/amagambo-abakobwa-banga-urunuka-ku-buryo-abahungu-benshi-bakunda-kugwa-mu-mutego-wayo

  • Inkende yahisemo urupfu aho kubura umwana w'umuhungu yareze mu gihe cy'imyaka ibiri – YEGOB #rwanda #RwOT

    Burya inyamaswa zigira ubwenge butangaje! Muri Tanzania, haravugwa umwana w'umuhungu watoraguwe n'inkende mu ishyamba yarajugunywe na Nyina.

    Amakuru avuga ko hari umuntu wibarutse umwana ajya kumuta mu ishyamba rya Bukombe riherereye mu ntara ya Geita muri Tanzania. Yamutaye ari muzima, inkende imugezeho iramutora itangira kumwitaho ari muto ikamuha imbuto zo mu ishyamba n'imineke.

    Inkende yamaranye n'uyu mwana witwa Joseph Bukombe imyaka 2. Amakuru yaje kumenyekana ubwo ba mukerarugendo bajyaga mu ishyamba bakabona inkende ikikiye inasimbuka mu biti ifite umwana w'umuntu muto cyane w'ibiro bike, baratangara bamenyesha abarinzi b'iryo shyamba.

    Abaturage bashatse gufata umwana ngo asubire mu buzima busanzwe bamwambure iyo nkende maze ibabera ibamba iramwimana. Byabaye ngomba ko inkende bayica bagafata umwana kuko nta bundi buryo bwari busigaye kuko kuyirukana ku neza yari yaratsimbaraye.

    Joseph Bukombe Mabula, yasubijwe mu buzima busanzwe maze ajyanwa ku kigo cya Upendo Daima cya Malimbe mu gace ka Mwanza. Uyu mwana kwisanga mu bandi byaragoranye cyane nk'uko umuyobozi w'iki kigo yabitangarije Millardayo yamusuye ku kigo. Yavuze ko uyu mwana yari umunyamahane akigera mu bandi, agaterana amabuye maze akagorwa no kubora icyo kurya kuko atari abimenyereye.

    Src: inyarwanda

    Leave your vote

    Comments

    0 comments

    Source : https://yegob.rw/inkende-yahisemo-urupfu-aho-kubura-umwana-wumuhungu-yareze-mu-gihe-cyimyaka-ibiri/

  • Tujyane i Bukomero aho Mbonyumutwa yakubitiwe urushyi, Abatutsi bagatangira guhigwa (Video) –

    Abaryoshya inkuru bavuga ko urwo rushyi rwakubiswe Mbonyumutwa wari Umuyoboke w’Imena w’Ishyaka MDR Parmehutu ryaharaniraga ishyirwaho rya Repubulika isimbuye Ingoma ya Cyami, yarukubitiwe mu Kibaya cya Bukomero rukumvikana mu Ndiza yose.

    Inkuru zimwe zivuga ko ubwo Mbonyumutwa yakubitwaga uru rushyi, yari avuye mu Misa kuri Paruwasi Gatolika ya Byimana, izindi zikavuga ko yari avuye mu rugo rwe rwari i Mwendo ndetse hakaba n’izivuga ko yari avuye mu Nama y’Abarwanashyaka ba MDR.

    Mu gushaka gucukumbura no kumara amatsiko abantu benshi, Abanyamakuru ba IGIHE bakoreye uruzinduko muri aka gace, baganira n’umusaza witwa Mugabo Pio uvuka mu yahoze ari Segiteri Kamusenyi, Komine ya Mukingi, Perefegitura ya Gitarama [ubu ni Umurenge wa Byimana, Akarere ka Ruhango].

    Mugabo avuga ko abasore batangiriye mu nzira Mbonyumutwa avuye mu nama y’abarwanashyaka ba MDR, yari yabereye kuri Paruwasi ya Byimana. Ibintu benshi bahuza no kuba yari avuye mu misa.

    Avuga ko iyi nama yari yitabiriwe n’abarwanashyaka ba MDR, barimo abitwaga Shumbusho, Mivumbi, Utumabahutu n’abandi benshi.

    Ati “Inama yari yabereye iyo ngiyo, ubwo rero agarutse ageze aha ni bwo iyo nkinamico bavuga ngo insoresore z’Abatutsi bamukubise urushyi. Mbonyumutwa yari avuye hariya mu nama ariko bamwe babeshya ko yari avuye mu rugo rwe inyuma hariya i Mwendo. Oya bari bavuye mu nama, mu Byimana hariya kuri paruwasi.”

    Ubusanzwe aho Mbonyumutwa yakubitiwe ni ahantu hari iteme [ikiraro] rito riri munsi gato y’Ishuri Ryisumbuye rya Bukomero [icyo gihe ryari ishuri ribanza], ari naho Mbonyumutwa bivugwa ko yahuriye n’abo basore barimo uwitwa Cyril, umuhungu wa Charles [Karoli], wayoboraga i Mpanda n’abandi.

    -  Urwitwazo rw’urushyi rwakubiswe Mbonyumutwa, byari ikinamico!

    Mu myaka ya 1963, u Rwanda rwari mu bihe by’umwuka mubi wa politiki, aho Ababiligi bifashishije amashyaka y’Abahutu bashakaga gukuraho umwami bagashyiraho Repubulika. Hari Abanyarwanda benshi batumvaga impamvu ya Repubulika n’uburyo bagiye kwibagirwa ingoma ya cyami bari bamaranye imyaka myinshi.

    Amashyaka ya Politiki ni yo yari abishyushyemo cyane ku isonga hari MDR Parmehutu yashakaga Repubulika na UNAR yashakaga Ubwami. Mbonyumutwa Dominique yabarizwaga mu Ishyaka rya MDR-Parmehutu.

    Mugabo avuga ko urushyi rwakubiswe Mbonyumutwa, bikitwa ko ari insoresore z’Abatutsi zamukubise, rutari rukwiye kugirwa urwitwazo rwo gutangira kwica Abatutsi bo hirya no hino mu gihugu, ahubwo ari umugambi wari warateguwe ndetse bikekwa ko n’inama yari avuyemo uwo munsi yigirwagamo uburyo bwo kuwushyira mu bikorwa.

    Ati “Ni ikinamico kuko na we ubyumvise, nta kuntu umuntu yakubita undi urushyi hano, muri kiriya gihe cyo mu 1960, kugira ngo i Kanyanza, i Nyabikenke babyumve batangire kwica Abatutsi baho. Icyo gihe ko nta telefoni yabagaho, nta tumanaho ryabagaho, ntabwo aribyo barabeshyaga kuko ni nk’ikinamico yakinwe.”

    Yakomeje agira ati “Umuntu yakubitirwa urushyi hano uri hariya hakurya we akabyumva? Nonese mu gihugu hose byamenyekanye bite? Ni ibintu bari barateguye, barabeshyaga, ni ukuyobya uburari, burya hari ubwo abantu bakorwa n’isoni bakabeshya.”

    Nyuma y’uko bivuzwe ko Mbonyumutwa akubiswe urushyi kuri icyo gicamunsi, Abatutsi bari batuye hirya no hino mu gihugu by’umwihariko mu gace ko ku Ndiza nka za Mwendo, n’ahandi batangiye kwicwa, barasenyerwa abandi barameneshwa.

    Ati “Aho za Saruhanga hatangira gushya, i Mwendo ku Gatwa [aho Mbonyumutwa atuye] hatangira gushya, urumva i Kanyanza ho byari byatangiye kare, urumva ko u Rwanda rwose rwari rwatangiye.”

    Ku rundi ruhande ariko, Umunyamabanga Nshingwabikorwa wa Komisiyo y’Igihugu yo kurwanya Jenoside, CNLG, Dr Bizimana Jean Damascène, aherutse kubwira IGIHE ko aba basore bavuzweho gukubita Mbonyumutwa bakurikiranywe ndetse bahabwa ibihano.

    Muri Mutarama 1961 ni bwo Mbonyumutwa yatorewe kuba Perezida, nyuma y’icyiswe ‘Coup d’Etat y’i Gitarama’ ubwo MDR Parmehutu yatangazaga ko ubwami buvuyeho u Rwanda ruhindutse Repubulika.

    Mbonyumutwa yabaye Perezida w’u Rwanda kuva ku wa 28 Mutarama 1961 kugeza ku wa 26 Ukwakira 1961.

    Mu 1965 yabaye umudepite aza gusuzugura MDR Parmehutu ubwo yari umudepite (ata umurongo) birangira ahejwe muri politiki. Yapfuye tariki 26 Nyakanga 1986, aguye mu Bitaro bya Ghent mu Bubiligi.

    Mugabo Pio uvuka mu yahoze ari Segiteri Kamusenyi, Komine ya Mukingi asobanura uko Mbonyumutwa yakubiswe urushyi bikitiriwa insoresore z’Abatutsi

    Igishanga cya Bukomero bivugwa ko ari cyo Mbonyumutwa yakubitiwemo

    Mugabo Pie, aha yatungaga urutoki hahoze iteme ari naryo Mbonyumutwa yari arimo kwambuka ubwo yatangirwaga n’abasore bakamukubita

    Video: Kazungu Armand