Webrwanda Backend

Category: Uncategorized

  • Haribazwa byinshi ku ndege ya Trump imaze igihe kinini iparitse ku karubanda –

    Amakuru avuga ko iyi indege ihamaze imyaka irenga ine iparitse, kuko inyandiko zerekana ingendo z’indege zigaragaza ko iheruka mu kirere mbere y’irahira rya Perezida Trump ku wa 20 Mutarama 2016.

    Iyi ndege yakozwe mu 1991 ibanza kwifashishwa mu ngendo zihuza Amerika na Mexique, mbere y’uko igurwa n’umuherwe Paul Allen wayigurishije kuri Trump mu 2010.

    Ni indege ifite amateka akomeye kuri Trump kuko ababikurikiranira hafi bemeza ko iyi ndege yagize uruhare rufatika mu gutuma atsinda amatora yo mu 2016, ndetse yari yarahimbwe izina ’Trump Force One’, mu kuyitirira ’Air Force One’ isanzwe itwara Perezida wa Amerika.

    Akenshi Trump yakundaga guparika iyi ndege inyuma y’ahantu ari buhurire n’abamushyigikiye, ku buryo baba bayireba neza yanditseho izina rye, ibyatumaga abantu bamufata nk’umugabo ukomeye wigejeje ku iterambere rihambaye, bikabaha icyizere ko anafite ubushobozi bwo kubageza kuri iryo terambere nyine.

    Nyuma yo kuba Perezida ariko, Trump yaretse kugendera muri iyi ndege inashaje, kuko yari imaze kugaragaza ibibazo bya moteri ebyiri zayo, imwe yarangiritse, indi yaragiye gukoreshwa.

    Ikindi gikomeye kibazwaho n’abahanga mu by’indege, ni uburyo iparitse ahantu habi. Ubusanzwe indege nini nka Boeing 757 itwara abagenzi 228, iba igomba guparikwa ahantu hafunze kugira ngo itanyagirwa cyangwa ngo ijyeho urubura. Bitabaye ibyo yagakwiye guparikwa ahantu mu butayi hakunze kuba hashyushye. Kuba rero iyi ndege iparitse ahantu hadatunganyije neza, ngo byerekana ko Trump ashobora kuba atakiyikoresha, nk’uko CNN yabitangaje.

    Bivugwa ko kimwe mu bigoye uyu mugabo magingo aya, ari uko gukoresha iyo ndege kugira ngo isubire mu kirere byahenda Trump cyane, kuko byasaba amafaranga ari hafi ya miliyoni 1$, kandi ibyo bikaza byiyongera ku kuba n’ubundi iyo ihagurutse, ibarirwa amafaranga ari hagati ya 15 000$ na 18 000$ ku isaha imwe gusa.

    Bijyanye rero n’ibibazo by’ubukene byugarije Trump muri iyi minsi, kuko ibikorwa bye byinshi, birimo hoteli n’ibigo bikinirwaho umukino wa golf, biri mu byagizweho ingaruka zikomeye n’icyorezo cya Covid-19, bivugwa ko Trump yahombye miliyoni zirenga 700$, ndetse akaba afite amadeni arenga miliyoni 400$ agomba kwishyurwa mu 2023, byose bikarushaho gushyira igitutu kuri uyu mugabo, unaherutse kugurisha imwe mu nzu ze kuri miliyoni 49$, akayungukamo miliyoni 31$.

    Iyi ndege imaze igihe kinini itaguruka

    Iyi ndege yakoreshwaga na Trump mu kwiyamamaza mu mwaka wa 2016

  • Miss Rwanda 2021: Miss Mutesi Jolly wanduye COVID-19 yakuwe mu kanama nkemurampaka #rwanda #RwOT

    Miss Rwanda 2016, Mutesi Jolly wari witezwe kuyobora akanama nkemurampaka yagakuwemo ku munota wa nyuma, ni nyuma y’uko basanze yanduye COVID-19.

    Miss Mutesi Jolly wabaye Nyampinga w’u Rwanda 2016, yakuwe mu kanama nkemurampaka ka Miss Rwanda 2016, ni nyuma y’uko basanze yanduye icyorezo cya Coranavirus.

    Miss Mutesi Jolly ni umwe mu bagombaga kuba kubagize akanama nkemurampaka ka Miss Rwanda 2021 irimo kuba uyu munsi muri Intare Conference Arena.

    Mbere y’amasaha make ngo Miss Rwanda 2021 finali ngo itangire, Mutesi Jolly abinyujije ku rukuta rwe rwa Twitter yatangaje ko bitewe n’impamvu zitamuturutseho atari buboneke muri aka kanama nkemurampaka.

    Ati'Nubwo tutari bubane uyu munsi nk’uko byari biteganyijwe, ku bw’impamvu zitunguranye! Ndashaka kwifuriza amahirwe masa ba Nyampinga bacu, mutambuke Gitore.'

    Amakuru ISIMBI yamenye kandi yizeye ni uko Mutesi Jolly impamvu yakuwe muri aka kanama nkemurampaka ari uko bamusanzemo icyorezo cya Coronavirus ahita akurwa muri aka kanama nkemurampaka.

    No mu ijonjora rya nya nyuma bashaka abakobwa 20 bajya mu mwiherero Miss Mutesi Jolly yagombaga kugaragra mu kanama nkemurampaka ariko nabwo yakavuyemo ku munota wa nyuma ku mpamvu zitamenyekanye, ahubwo yaje kugaragara atanga Pass ku bakobwa bakomeje.

    Aka kanama k’uyu munsi kagizwe n’umunyamakuru wa RBA, Evelyne Umurerwa, Munyaneza James wa The New Times, Umusesenguzi mu by’ubukungu Teddy Kaberuka; Agnes Mukazibera wabaye Depite mu Nteko Ishinga Amategeko na Pamela Mudakikwa, ufite uburambe mu itangazamakuru n’itumanaho.

    Miss Mutesi Jolly yagombaga kuba ari mu kanama nkemurampaka uyu munsi

    Mutesi Jolly basanze yanduye Coronavirus

    Abagize akanamankemurampaka k’uyu munsi

    Source : http://isimbi.rw/imyidagaduro/article/miss-rwanda-2021-miss-mutesi-jolly-wanduye-covid-19-yakuwe-mu-kanama-nkemurampaka

  • Haribazwa byinshi ku ndege ya Trump imaze igihe kinini iparitse ku karubanda – #rwanda #RwOT

    Amakuru avuga ko iyi indege ihamaze imyaka irenga ine iparitse, kuko inyandiko zerekana ingendo z'indege zigaragaza ko iheruka mu kirere mbere y'irahira rya Perezida Trump ku wa 20 Mutarama 2016.

    Iyi ndege yakozwe mu 1991 ibanza kwifashishwa mu ngendo zihuza Amerika na Mexique, mbere y'uko igurwa n'umuherwe Paul Allen wayigurishije kuri Trump mu 2010.

    Ni indege ifite amateka akomeye kuri Trump kuko ababikurikiranira hafi bemeza ko iyi ndege yagize uruhare rufatika mu gutuma atsinda amatora yo mu 2016, ndetse yari yarahimbwe izina 'Trump Force One', mu kuyitirira 'Air Force One' isanzwe itwara Perezida wa Amerika.

    Akenshi Trump yakundaga guparika iyi ndege inyuma y'ahantu ari buhurire n'abamushyigikiye, ku buryo baba bayireba neza yanditseho izina rye, ibyatumaga abantu bamufata nk'umugabo ukomeye wigejeje ku iterambere rihambaye, bikabaha icyizere ko anafite ubushobozi bwo kubageza kuri iryo terambere nyine.

    Nyuma yo kuba Perezida ariko, Trump yaretse kugendera muri iyi ndege inashaje, kuko yari imaze kugaragaza ibibazo bya moteri ebyiri zayo, imwe yarangiritse, indi yaragiye gukoreshwa.

    Ikindi gikomeye kibazwaho n'abahanga mu by'indege, ni uburyo iparitse ahantu habi. Ubusanzwe indege nini nka Boeing 757 itwara abagenzi 228, iba igomba guparikwa ahantu hafunze kugira ngo itanyagirwa cyangwa ngo ijyeho urubura. Bitabaye ibyo yagakwiye guparikwa ahantu mu butayi hakunze kuba hashyushye. Kuba rero iyi ndege iparitse ahantu hadatunganyije neza, ngo byerekana ko Trump ashobora kuba atakiyikoresha, nk'uko CNN yabitangaje.

    Bivugwa ko kimwe mu bigoye uyu mugabo magingo aya, ari uko gukoresha iyo ndege kugira ngo isubire mu kirere byahenda Trump cyane, kuko byasaba amafaranga ari hafi ya miliyoni 1$, kandi ibyo bikaza byiyongera ku kuba n'ubundi iyo ihagurutse, ibarirwa amafaranga ari hagati ya 15 000$ na 18 000$ ku isaha imwe gusa.

    Bijyanye rero n'ibibazo by'ubukene byugarije Trump muri iyi minsi, kuko ibikorwa bye byinshi, birimo hoteli n'ibigo bikinirwaho umukino wa golf, biri mu byagizweho ingaruka zikomeye n'icyorezo cya Covid-19, bivugwa ko Trump yahombye miliyoni zirenga 700$, ndetse akaba afite amadeni arenga miliyoni 400$ agomba kwishyurwa mu 2023, byose bikarushaho gushyira igitutu kuri uyu mugabo, unaherutse kugurisha imwe mu nzu ze kuri miliyoni 49$, akayungukamo miliyoni 31$.

    Iyi ndege imaze igihe kinini itaguruka

    Iyi ndege yakoreshwaga na Trump mu kwiyamamaza mu mwaka wa 2016

    Source : http://igihe.com/amakuru/u-rwanda/article/haribazwa-byinshi-ku-ndege-ya-trump-imaze-igihe-kinini-iparitse-ku-karubanda

  • Ibihugu bikize bikomeje kubangamira ibikennye byifuza gukora urukingo rwa Covid-19 #rwanda #RwOT

    Ibihugu byinshi bicyennye cyane byasabye ishami ry'umuryango w'abibumbye ryita ku buzima (OMS/WHO) kubifasha.

    Ariko ibihugu bikize cyane birimo gusubiza inyuma ibisabwa n'amategeko mpuzamahanga byafasha ibihugu bicyennye kugera kuri ibi.

    Ibi bikubiye muri kopi y'inyandiko y'ibiganiro kuri iyo ngingo yatangajwe bitifuzwaga, ikubiyemo umwanzuro wa OMS kuri iki kibazo.

    Muri ibyo bihugu bikize cyane harimo Ubwongereza, Amerika n'ibihugu bigize umuryango w'Ubumwe bw'Uburayi (EU/UE).

    Diarmaid McDonald, wo mu kigo Just Treatment gisaba ko abarwayi bagera ku miti mu buryo bungana, yagize ati:

    “Aho twashobora kuvuga kuburyo bwatuma byorohera kurushaho ibihugu gutubura inkingo nyinshi kurushaho n'imiti myinshi kurushaho mu gihugu, haba harimo na gahunda zatera inkunga kandi zikorohereza ibyo. Ubwongereza buri ku rundi ruhande kuri iyo ngingo rwo kugerageza gukura mu nyandiko ubu busabe bureba ibi bindi byashoboka”.

    Umuvugizi wa leta y'Ubwongereza avuga ko “icyorezo cyibasiye isi gisaba igisubizo gihuriweho n'isi kandi Ubwongereza buri imbere buyoboye, burangaje imbere ibikorwa byo gutuma inkingo n'ubuvuzi bya Covid bigerwaho mu buryo bungana ku isi”.

    Uyu muvugizi yavuze ko Ubwongereza ari kimwe mu bihugu bitanga imfashanyo nyinshi cyane muri iyo gahunda y'ibihugu by'amahanga yo gutuma uyu mwaka ibihugu bicyennye bigerwaho na doze zirenga miliyari imwe z'inkingo za coronavirus.

    Ikibazo cyo kwibaza niba cyangwa ryari leta zikwiye kugira uruhare mu gutuma imiti iba ku giciro giciriritse, kimaze igihe kirekire.

    Ariko, ubushobozi bw'ibihugu bitandukanye bwo kubona inkingo n'imiti bwagaragajwe cyane n'iki cyorezo.

    Impuguke nyinshi zivuga ko kugera ku nkingo mu buryo butarimo ubusumbane ari ingenzi mu kwirinda ubwandu n'impfu ndetse no kugira ngo abatuye isi bagire ubudahangarwa kuri iki cyorezo.

    Ariko ubushobozi bw'isi bwo gukora inkingo ubu bugera hafi kuri kimwe cya gatatu (1/3) cy'ubushobozi bucyenewe, nkuko bivugwa na Ellen t'Hoen, impuguke mu mategeko ajyanye n'imiti n'umutungo bwite mu by'ubwenge (intellectual property).

    Madamu Ellen yagize ati: “Izi ni inkingo zikorerwa mu bihugu bikize kandi muri rusange zikagumanwa n'ibyo bihugu bikize”.

    Yongeyeho ati: “Ibihugu biri mu nzira y'amajyambere birimo kuvuga biti ducyeneye kubonaho, atari gusa ku nkingo, ahubwo no ku burenganzira bwo gutubura izi nkingo”.

    OMS ibikoraho iki?

    Mu gukora urukingo, ntucyenera gusa uburenganzira bwo gukora ibintu birugize (birindwa n'amategeko), ahubwo unacyenera n'ubumenyi bujyanye no gukora inkingo kubera ko ikoranabuhanga ryazo rishobora kuba ari urusobe.

    OMS nta bubasha ifite bwo kurenga kuri ubwo burenganzira bwo kuzikora – ariko irimo kugerageza guhuza ibihugu ngo harebwe uburyo bwo kongera inkingo.

    Ibiganiro birimo no kuba hakoreshwa ibikubiye mu mategeko mpuzamahanga ngo barenge kuri ubwo burenganzira, mu gufasha ibihugu kugira ubushobozi bwa tekinike bwo gukora inkingo.

    Ariko, urwego rw'abakora imiti ruvuga ko gukuraho ubwo burenganzira byabangamira ubushobozi bwo gushora imari mu buvuzi bwa Covid-19 n'izindi ndwara.

    Mu ntangiriro y'uku kwezi, abahagarariye urwego rukora imiti rw'Amerika bandikiye Perezoda Joe Biden bamumenyesha impungenge ibyo bibateye.

    Kompanyi zikora imiti zivuga ko zanatanze inkunga y'amafaranga ndetse zigatanga imiti mu gufasha guhangana n'iki cyorezo.

    Ariko, impirimbanyi zivuga ko amafaranga yavuye mu baturage agera hafi kuri miliyari 125 z'amadolari y'Amerika yatanzwe mu gukora imiti n'inkingo za Covid-19, ko rero abaturage bakwiye kubigiramo umugabane. Izi mpirimbanyi zivuga ko mu gihe iki cyorezo kizaba kirangiye, hari amafaranga menshi azaboneka.

    Madamu Ellen agira ati:

    “Biragaragara ko hari gahunda z'igihe kirekire zo kongera igiciro cy'izi nkingo ubwo icyiciro cyihutirwa cyane cy'iki cyorezo kizaba kirangiye. Rero iyo ni indi mpamvu ibihugu biri mu nzira y'amajyambere birimo kuvuga biti ducyeneye kubona ubushobozi bwo kuba ubwacu twakora izi nkingo ubu”.

    Source : http://umuryango.rw/amakuru/mu-mahanga/ubuzima/article/ibihugu-bikize-bikomeje-kubangamira-ibikennye-byifuza-gukora-urukingo-rwa-covid

  • Gicumbi: Ushinzwe umutekano wa Sacco yarashe mugenzi we – #rwanda #RwOT

    Ahagana saa mbili za mu gitondo kuri uyu wa Gatandatu tariki 20 Werurwe 2021, nibwo uyu mukozi wa ISCO yarashe mugenzi we ukuguru.

    Uyu warashe mugenzi yari agiye kumusimbura mu gihe uwo yarashe ariwe wari waraye ijoro.

    Umunyamabanga Nshingwabikorwa w'Umurenge wa Byumba, Mwumvaneza Didace, yemereye IGIHE, iby'aya makuru anashimangira ko ashobora kuba yabikoze atabigambiriye kuko nta bibazo bari bafitanye.

    Ati 'Nibyo yamurashe ubu umurwayi ari mu bitaro bya Byumba uwarashe ari mu maboko ya RIB gusa ntawavuga ko hari icyo bapfaga kuko bombi bavugaga ko ntacyo bapfa.'

    Source : http://igihe.com/amakuru/u-rwanda/article/gicumbi-ushinzwe-umutekano-kuri-sacco-yarashe-mugenzi-we

  • Gicumbi: Ushinzwe umutekano wa Sacco yarashe mugenzi we –

    Ahagana saa mbili za mu gitondo kuri uyu wa Gatandatu tariki 20 Werurwe 2021, nibwo uyu mukozi wa ISCO yarashe mugenzi we ukuguru.

    Uyu warashe mugenzi yari agiye kumusimbura mu gihe uwo yarashe ariwe wari waraye ijoro.

    Umunyamabanga Nshingwabikorwa w’Umurenge wa Byumba, Mwumvaneza Didace, yemereye IGIHE, iby’aya makuru anashimangira ko ashobora kuba yabikoze atabigambiriye kuko nta bibazo bari bafitanye.

    Ati “Nibyo yamurashe ubu umurwayi ari mu bitaro bya Byumba uwarashe ari mu maboko ya RIB gusa ntawavuga ko hari icyo bapfaga kuko bombi bavugaga ko ntacyo bapfa.”

  • Umuhanzi Platini yasabye aranakwa #rwanda #RwOT

    Nyuma y’icyumweru kimwe asezeranye imbere y’amategeko, umuhanzi Nemeye Platini yasabye anakwa Ingabire Olivia.

    Tariki ya 6 Werurwe 2021, Neyemeye Platini nibwo yasezeranye na Olivia imbere y’amategeko mu murenge wa Remera.

    Nyuma yo gusezerana imbere y’amategeko nta byinshi yigeze yifuza gutangaza ku bukwe bwe cyane ko no gusezerana imbere y’amategeko byabaye bisa nk’ibitunguranye.

    Uyu muhanzi utarifuje gushyira mu itangazamakuru ibijyanye n’urukundo rwe nyuma yo gutandukana na Ingabire Olivia, uyu munsi nibwo yasabye anakwa Ingabire Olivia.

    Nemeye Platini na Ingabire Olivia bakaba bagiye kubana nyuma y’umwaka umwe bakundana. Olivia akaba yiga muri kaminuza y’Abadive ku Gishushu.

    Platini yambika Olivia impeta mu muhango wo gusaba

    Olivia yaje asanganira Platini n’ubwuzu

    Platini mu muhango wo gusaba no gukwa

    Source : http://isimbi.rw/imyidagaduro/umuhanzi-platini-yasabye-aranakwa

  • Joe Biden yanyereye ku ngazi za Air Force One aragwa #rwanda #RwOT

    Kuri uyu wa Hatanu nibwo Joe Biden yanyereye kuri izi ngazi aragwa ndetse abarimo umuhungu w'uwo yasimbuye witwa Donald Trump Jr bamugize igitaramo.

    Biden yaguye ubugira gatatu ubwo yarimo yerekeza muri iyi ndege yari imujyanye muri Atlanta gusa abashinzwe ubuzima bwe bavuze ko ameze neza.

    Umuvugizi wa White House, Karine Jean-Pierre, yavuze koi bi byose byatewe n'umuyaga wari mwinshi ubwo uyu mukuru w'igihugu yinjiraga muri iyi ndege.

    Yagize ati 'Hari umuyaga mwinshi.Nanjye ubwanjye nari ngiye guhanuka ku ngazi.ameze neza 100 ku 100'.

    Uyu Biden niwe muperezida wayoboye amerika akuze kuko ubu afite imyaka 78 ndetse bamwe mu banyamerika bemeza ko ageze mu zabukuru aka kazi atazagakora neza cyane ko atarakora ikiganiro n'abanyamakuru.

    White House yatangaje ko iki kiganiro n'abanyamakuru cya mbere azagikora kuwa 25 Werurwe ubwo azaba yujuje iminsi 65 mu biro.

    Iyi ni inshuro ya 2 Joe Biden aguye bikamenyekana kuko mu Ugushyingo nabwo yanyereye aragwa bimubiramo imvune ubwo yarimo gukina n'imbwa ze ndetse byamusabye kwambara inkweto z'abamugaye mu byumweru byinshi.

    Source : http://umuryango.rw/ubuzima-115/udushya/article/joe-biden-yanyereye-ku-ngazi-za-air-force-one-aragwa

  • Grumeti Air igiye gutangiza ingendo zihuza Kigali na Serengeti muri Tanzania –

    Grumeti Air ni Ikigo cy’indege gitwara abantu bashobora kugera kuri 12, kikaba gikorera Arusha muri Tanzania ari naho icyicaro cyacyo kiri. Ni ikigo gikorera mu bice birimo Serengeti n’ahandi muri Tanzania byakira ba mukerarugendo benshi, birimo Kilimanjaro, Sasakwa, Lamai, Dar es Salaam na Zanzibar.

    Muri Kamena uyu mwaka, iki kigo kizatangira gukora ingendo zigana i Kigali zivuye Arusha, byitezwe ko zizafasha kongera umubare wa ba mukerarugendo basura ibice byombi, dore ko Kigali imaze kwigaragaza nk’umwe mu mijyi itanga icyizere cyo kwakira abakerarugendo benshi mu bice biri imbere.

    Grumeti Air izajya ikora ingendo eshatu za buri cyumweru mu minsi irimo ku wa Mbere, ku wa Gatatu no ku wa Gatanu.

    Grumeti Air ifitanye imikoranire n’Ikigo cya Singita kigenzura amahoteli menshi arimo na hoteli iri mu Rwanda, izwi nka Kwitonda Singita Lodge. Iyi mikoranire ni ingenzi cyane mu gutembereza abakerarugendo mu bice byose iki kigo gifitemo ibikorwa, ibice biri ahantu hari ibyanya by’inyamaswa bikomeye ku Isi.

    Ikigo cya Grumeti Air kizatangira gukorera ingendo mu Rwanda muri Kamena uyu mwaka

    Ikigo gitwara abantu bari hagati ya babiri na 12 mu ndege imwe

    Iki kigo kizwiho gutwara ba mukerarugendo

    Abapilote ba Grumeti Air bafite uburambe burenga amasaha 30.000 mu gutwara indege

  • Gicumbi: Umusekirite wa ISCO yarashe mugenzi we aramukomeretsa bikabije. #rwanda #RwOT

      Umukozi ushinzwe gucunga umutekano (umusekirite) wo muri Kompanyi ya ISCO, urinda ku biro by'Umurenge SACCO-Byumba wo mu Karere ka Gicumbi mu Ntara y'Amajyaruguru, kuri uyu wa Gatandatu tariki ya 20 Werurwe 2021, yarashe mugenzi we aramukomeretsa bikabije.

    Ibi byabaye mugitondo cyo kuri uyu wa Gatandatu, aho uyu mukozi ushinzwe gucunga umutekano kuri SACCO-Byumba yarashe mugenzi we ku kuguru akamukomeretsa cyane ndetse abamubonye bavuga ko bashobora kuguca.

    Uwarashwe muri aba bakozi bombi ba ISCO ni uwari waraye izamu nyuma yo guhereza imbunda mugenzi we wari uje kumusimbura mu masaa mbili zirengaho iminota mike.

    Umwe mu bari ahabereye iki gikorwa, yabwiye Ukwezi dukesha iyi nkuru ko ubwo uriya musekirite yabazwaga n'inzego z'umutekano uko byagenze yarahiye ko atabishakaga ko nawe atazi uko byagenze kuko yamuhaye imbunda yarajemo isasu nk'uko abarara basanzwe babigenza.

    Umunyamabanga Nshingwabikorwa w'Umurenge wa Byumva, Mwumvaneza Didace na we yabwiye iki kinyamakuri twavuze haruguru ko ibyabaye bishobora kuba ari impanuka. Yagize ati: 'Ikigaragara ntabwo yari abyiteguye ni na ko abivuga, bigaragara ko ari impanuka atari agambiriye kumugirira nabi.'

    Amakuru akomeza avuga ko ari uwarashe n'uwarashwe nta makimbirane bari basanzwe bafitanye cyangwa se ikindi bari basanzwe bapfa.uyu warashe yahise atabwa muri yombi n'Urwego rw'Igihugu rw'Ubugenzacyaha (RIB) rwahise rutangira iperereza mu gihe uwarashwe yahise ajyanwa kuvurirwa ku Bitaro bya Byumba.

    Source : https://impanuro.rw/2021/03/20/gicumbi-umusekirite-wa-isco-yarashe-mugenzi-we-aramukomeretsa-bikabije/