Urayeneza Gérard yakatiwe igifungo cya burundu
Category: Uncategorized
-
Rayon Sports yavuguruye amasezerano na Skol #rwanda #RwOT
Ikipe ikunzwe n'abanyarwanda hano mu Rwanda ndetse no hanze yarwo Rayon sport yamaze kongera amasezerano y'ubufatanye n'umuterankunga wayo mukuru Skol.
Kuri uyu wa Kane tariki ya 25 Werurwe 2021, nibwo uruganda rwa Skol brewery n'umuryango wa Rayon sport bavuguruye amasezerano y'ubufatanye aho iyi kipe igiye kuzajya ihabwa akayabo k'amafaranga arenga million 200 z'amanyarwanda n'uru ruganda yambara mu gatuza.
Rayon Sports ifatwa nk'ikipe ikunzwe kurusha izindi mu Rwanda yatangiye kwamamariza uruganda rwa Skol mu mwaka w'imikono wa 2013/14.
Mu mwaka ushize nibwo hatangiye urugendo rwo gushaka guhindura amasezerano ubwo iyi kipe yayoborwaga na Munyakazi Sadate waje gukurwaho kubera ubwumvikane buke bwari muri iyi kipe.
Source : https://impanuro.rw/2021/03/25/rayon-sports-yavuguruye-amasezerano-na-skol/
-
Ishingwa rya MRCD/FLN n’uko Paul Rusesabagina yakoranye n’abahoze muri FDLR (Amafoto na Video) –
UKO IBURANISHA RYAGENZE:
14:39: Urugereko rwihariye rw’Urukiko rukuru ruburanisha Ibyaha Mpuzamahanga n’ibyambukiranya Imipaka rwanzuye ko iburanisha rya none risojwe. Urubanza ruzakomeza ku wa 31 Werurwe 2021, Ubushinjacyaha buvuga ku byaha bishinjwa Nsengimana Herman wabaye Umuvugizi wa MRCD/FLN asimbuye Nsabimana Callixte ‘Sankara’.
14:22: Umushinjacyaha Habarurema Jean Pierre yasobanuye ko kuva mu 2009, Paul Rusesabagina yashinze ishyaka PDR Ihumure, uko yakoranye na FDLR ndetse akaza kwihuza n’andi mashyaka arimo CNRD Ubwiyunge na RRM. Aya mashyaka yaje kwiyongeraho RDI-Rwanda Nziza ya Faustin Twagiramungu [Rukokoma].
Mu buryo bw’imiyoborere, abaperezida bane b’amashyaka yihuje ni bo batangaga amabwiriza ku barwanyi ba FLN.
Mu 2018, MRCD yatangiye kugaba ibitero mu Rwanda, byaguyemo abantu, hatwikwa ibikorwa, ibinyabiziga, hasahurwa imitungo n’ibindi.
Habarurema yavuze ko ibyo bikorwa iyo byasozwaga byahitaga byigambwa n’abayobozi.
FLN yashatse kwimurira ibikorwa byayo mu Rwanda ariko inyuze mu Burundi.
Icyo gihe Gen Hamada wayoboraga FLN yohereje Nsanzubukire Felicien na Munyaneza Anastase kuyihagararira mu Burundi ariko barafatwa.
Ibikorwa bya FLN ntibyacogoye kuko Col Nizeyimana Marc yayoboye ibitero byagabwe muri Nyaruguru birimo ibyo ku wa 19 Kamena no ku wa 1 Nyakanga 2018.
FLN imaze kugaba ibitero hagati ya Gicurasi n’Ukwakira 2019, hateguwe ibitero byagabwe mu Karere ka Rusizi hakoreshejwe Bizimana Cassien, alias BIZIMANA Patience, alias Passy, alias Selemani n’abandi.
Muri iki gikorwa kandi harimo Matakamba Jean Berchmans, Nikuzwe Simeon, Ntabanganyimana Joseph [wambutsaga abarwanyi Ikivu bakinjira mu Rwanda] n’abandi.
Habarurema ati “Icyari kigamijwe ni uko FLN yashakaga guhatira Leta kwemera bimwe mu byo yashakaga.’’
14:18: Umushinjacyaha Habimana yavuze ko bitewe no kuba ibitero byagabwe na MRCD byaragize ingaruka no ku butaka bwa RDC, byatumye ingabo z’icyo gihugu zitangira ibikorwa byo kubohereza mu Rwanda ndetse mu baburana hari abagejejwe mu gihugu muri ubwo buryo.
Ku wa 30 Gicurasi 2019, Ubushinjacyaha bw’u Rwanda bwasabye inzego z’ubutabera mu Bubiligi ubufatanye mu iperereza, hakabaho isakwa mu nyubako ya Paul Rusesabagina, Munyemana Eric n’uwitwa Ingabire Marie Claire.
Ubushinjacyaha bwasabye ko abo bantu babazwa ndetse barasatswe, hafatwa ibikoresho bitandukanye byanashingiweho hakorwa dosiye.
Ku wa 28 Kanama 2020 ni bwo Paul Rusesabagina yafatiwe mu Mujyi wa Kigali, atangira gukurikiranwa.
14:04: Umushinjacyaha Habimana Jean Cabin yavuze ko ku bijyanye n’ibitero, MRCD/FLN yagabye muri Nyaruguru, Nyamagabe na Rusizi, ni bwo Ubugenzacyaha bw’u Rwanda bwatangiye iperereza ku byaha hanategurwa dosiye.
Iyo dosiye yaregwagamo Nsabimana Callixte ‘Sankara’, Paul Rusesabagina, Gen Irategeka Wilson n’abandi.
Ku wa 9 Ugushyingo 2018, hakozwe inyandiko mpuzamahanga yo gufata Paul Rusesabagina agakurikiranwa.
Ku wa 13 Mata 2019, binyuze mu bufatanye bw’u Rwanda n’Ibirwa bya Comores, Nsabimana Callixte ‘Sankara’ yafatiwe muri icyo gihugu.
Yisobanura ibyaha byose yaregwaga yarabyemeye, asobanura uruhare n’urwa bagenzi be barimo Paul Rusesabagina.
13:56: Umushinjacyaha Dushimimana Claudine yavuze ko mu nyandiko zasanzwe muri mudasobwa ya Rusesabagina ubwo Polisi yo mu Bubiligi yasakaga urugo rwe mu Bubiligi harimo iyerekana imikorere ya MRCD.
Ati “MRCD ni umutwe w’iterabwoba bitewe n’ibyo bakoze n’icyari kigamijwe muri ibyo bikorwa. Imitwe y’iterabwoba yose ntikora iterabwoba inyuze mu mitwe y’ingabo. MRCD yo yahisemo gukoresha umutwe w’ingabo [FLN]. Ibijyanye n’igisirikare cyari kimwe mu bikorwa byinshi, cyayobowe mu mutwe w’ingabo.’’
Yavuze ko MRCD yari ifite uruhande rwa demokarasi, urwo gushaka inkunga yo gushyigikira ibikorwa by’iterabwoba.
13:48: Umushinjacyaha Ruberwa Bonaventure yavuze ko umutwe w’iterabwoba uvugwa ari MRCD/FLN kuko MRCD ukwayo ari umutwe wa Politiki wari uhuje amashyaka atatu [CNRD Ubwiyunge, PDR Ihumure na RRM].
Ati “Hari umutwe wa Politiki ariwo MRCD, hakaba uw’ingabo [FLN] hakaba n’uw’iterabwoba wa MRCD/FLN.’’
13:42: Umushinjacyaha Habyarimana yavuze ko abarwanyi batwitse imodoka bari bahawe amabwiriza yo kurasa ku modoka yose babonye nta kurobanura, icyo yasobanuye ko cyerekana ko ntacyo bapfaga kuko batari babazi.
Umushinjacyaha Mukuru wungirije Habyarimana Angelique ni we uyoboye itsinda ry’abashinjacyaha
Umushinjacyaha Mukuru wungirije Habyarimana Angelique n’Umushinjacyaha Habimana Jean Cabin imbere y’Inteko iburanisha13:37: Mu nyandiko mvugo Matakamba Jean Berchmas yabajijweho mu Bushinjacyaha ku cyo yatekereje amaze kubona amasasu na grenade yagombaga gushyikiriza abarwanyi bateye ibisasu mu Karere ka Rusizi, yasubije ko yari azi ko bibujijwe.
Matakamba wari ushinzwe gucunga no gutanga ibikoresho bya gisirikare yasubije ko intego bari bafite ari ugukomeza kugaba ibitero no gusaba imishyikirano na Leta nyuma yo kwerekana ko bari mu gihugu.
13:36: Umushinjacyaha Mukuru wungirije, Habyarimana avuga ko amatangazo yasohowe mu bihe bitandukanye yerekana ko ibyakorwaga na MRCD/FLN byari bigamije gutera ubwoba abaturage no kuburira abanyamahanga bashaka gusura u Rwanda.
Ku wa 30 Mata 2019, Paul Rusesabagina yasohoye itangazo rigenewe itangazamakuru ahamagarira Abanyarwanda n’abanyamahanga kwirinda kujya mu gice intambara yaberagamo.
Iri tangazo ryasangaga andi yatanzwe na Nsabimana Callixte ‘Sankara’ mu 2019 ahamagarira abatuye Amajyepfo no mu nkengero za Nyungwe kwirinda kugenda mu ijoro, kudakora amarondo muri ako gace karimo ibikorwa bya gisirikare.
RUSESABAGINA WIKUYE MU RUBANZA, INTEBE YE NTA MUNTU UYICARAHORusesabagina Paul w’imyaka 66 ntiyagaragaye mu rukiko ku nshuro ya kabiri. Mu iburanisha ryo ku wa 12 Werurwe 2021, urukiko rwatesheje agaciro ubusabe bwe bwo kongererwa amezi atandatu yo gutegura neza dosiye ye, ahita yivana mu rubanza.
Icyo gihe yagize ati “Ndagira ngo mbwire urukiko n’ubucamanza ko uburenganzira bwanjye bw’ibanze bwo kwiregura no kugira uburenganzira ku rubanza ruboneye, urukiko rwanze kubwubahiriza.”
Yakomeje agira ati “Kuba rero uburenganzira bwanjye bwanze kubahirizwa, ndagira ngo menyeshe urukiko ko nta butabera na bumwe ntegereje hano bityo nkaba mbamenyesha ko ntazongera kwitabira uru rubanza. Urubanza rwanjye ndaruhagaritse.”
Ubusanzwe mu gihe umuburanyi [Rusesabagina] yanze kwitaba urukiko, birashoboka ko yavugana n’umwavoka we akamuhagararira ariko Gatera Gashabana [ukiri i Arusha muri Tanzania] na Me Rudakemwa Félix bamwunganira nta wigeze ahakandagira.
Intebe Rusesabagina Paul yicaragaho kuva iburanisha ryatangira muri dosiye ihuriwemo abaregwa 21, nta muntu wayihawe. Iburanisha ryakomeje nta we uyicayeho.
Intebe ya Rusesabagina nta muntu uba uyicayeho nubwo nyir’ubwite yikuye mu rubanza13:25: Umushinjacyaha Mukuru wungirije Habyarimana Angelique yavuze ko yaba Nsabimana Callixte ‘Sankara’ na Paul Rusesabagina bagiye bumvikana bigamba ibitero byagabwe ku butaka bw’u Rwanda mu bihe bitandukanye.
Ibitero byagabwe mu Turere twa Nyaruguru, Nyamagabe na Rusizi mu bihe bitandukanye.
Habyarimana yavuze ko ‘kimwe mu biranga ibikorwa by’iterabwoba harimo gutera abaturage ubwoba ariko ushaka gutanga ubutumwa ku bandi butuma bagira ubwoba.’
IVUKA RYA MRCD/FLN MU BIKORWAUmushinjacyaha Ruberwa yavuze ko Rusesabagina akimara kubura Habiyaremye Noël yacuditse na Gen Ndagijimana Laurent alias Irategeka Wilson uzwi ku izina rya Lumbago wahoze muri FDLR akaza kwitandukanya nayo.
Gen Irategeka yasohokanye abarwanyi benshi muri FDLR, ashinga umutwe witwa CNRD Ubwiyunge.
Ku wa 4 Nyakanga 2017 ni bwo Paul Rusesabagina na Gen Irategeka bumvikanye gushyiraho umutwe wa Politiki uhuriweho na CNRD Ubwiyunge na PDR Ihumure ya Rusesabagina.
Iyo Mpuzamashyaka bashinze yiswe MRCD ndetse imaze gushingwa ni bwo Paul Rusesabagina yari ageze ku nzozi ze zo kugira igisirikare.
Ku wa 18 Werurwe 2018, MRCD yinjijwemo undi mutwe wa Politiki witwaga RRM wa Nsabimana Callixte ‘Sankara’. Uyu yavuze ko yinjijemo amaraso mashya ndetse atanga abasore 30 bashyirwa mu gisirikare.
Aho ni ho havuye umutwe w’ingabo za FLN. Kuva MRCD yashingwa, Paul Rusesabagina ni we wari Perezida, Gen Irategeka yari Visi Perezida wa Mbere mu gihe Sankara yari Visi Perezida wa Kabiri.
Mu buryo bw’imiyoborere yumvikanyweho, buri shyaka ryagombaga gufata ubuyobozi mu buryo bwo gusimburana. Paul Rusesabagina yakomeje kuba Perezida wa MRCD.
Umutwe wari ufite ingabo za FLN wihuje na Rusesabagina kuko ariwe wari ufite ubushobozi bwo kuwushakira amafaranga, kugura ibikoresho no gutunga ingabo.
Umutwe wa FLN waje gushaka uko wiyubaka ushaka abandi binjira mu gisirikare ndetse abenshi bashakwaga mu nkambi zirimo Abanyarwanda mu bihugu birimo Uganda, u Burundi, RDC n’ahandi.
Muri icyo gisirikare hinjijwemo n’abana batarageza ku myaka 18.
Nizeyimana Marc wari Commander muri FLN aho yari afite ipeti rya Colonel, mu mabazwa atandukanye mu Bugenzacyaha [muri Nyakanga] no mu Bushinjacyaha [Nzeri] 2020 basabye ko abana bemererwa kwinjira mu gisirikare.
Mukandutiye Angelina na we wari Komiseri ushinzwe Iterambere ry’abakobwa n’abahungu yavuze ko abana b’abakobwa bahatirwaga kujya mu gisirikare.
Inkunga zo gushyigikira MRCD zavaga ahantu hatandukanye ariko cyane cyane umuterankunga wari ukomeye nkuko na we yabyivugiye mu nyandiko mvugo yo ku wa 31 Kanama 2020 yavuze ko yatanze inkunga ku giti cye, anakora ubuvugizi butandukanye hagamijwe kubonera uwo mutwe ubushobozi, aho hakozwe ibikorwa byo gukusanya imisanzu yo kugurira ingabo za FLN ibikoresho.
Rusesabagina wagaragazaga ko utakora politiki udafite igisirikare, akimara kubona FLN yahise atangira undi mugambi wo gusenya ibikorwa n’ibindi bigamije guhungabanya ituze.
13:04: Inteko iburanisha yagarutse mu byicaro byayo. Iburanisha rigiye gukomeza, Umushinjacyaha Ruberwa Bonaventure asobanura uko MRCD/FLN yavutse.
11:59: Iburanisha rirasubitswe, biteganyijwe ko risubukurwa saa Saba, Ubushinjacyaha butangira gusobanura amavu n’amavuko ya MRCD/FLN.
11:55: Umushinjacyaha Ruberwa Bonaventure yavuze ko ifatwa rya Lt Col Habiyaremye Noël ryaciye intege umugambi wa Paul Rusesabagina wo gushinga umutwe w’ingabo ushamikiye kuri PDR Ihumure.
Lt Col Habiyaremye ni we wari watangiye ibikorwa byo kubaka igisirikare ndetse ifatwa rye ryatumye uburyo bwo guhana amakuru hagati ya Rusesabagina n’abo yashakaga kugira abarwanyi be risa n’iricitse intege.
Umushinjacyaha Ruberwa Bonaventure yasobanuye ko ishingwa rya MRCD/FLN ari umugambi watangiye kuva kera11:46: Umushinjacyaha ku rwego rw’Igihugu, Ruberwa Bonaventure yavuze ko MRCD/FLN bifite inkomoko ya kure kuva kera mbere y’uko ishingwa mu 2018.
Yavuze ko Paul Rusesabagina nka Perezida wa PDR Ihumure yagize igitekerezo cyo gushinga umutwe w’ingabo ushamikiye ku ishyaka rye.
Mu 2009, ni bwo yasabye Lt Col Habiyaremye Noël kumufasha gushinga umutwe w’ingabo ndetse ubushobozi bwo kubikora butangira gutangwa.
Yavuze ko Paul Rusesabagina yoherereje Habiyaremye amafaranga hagamijwe gushing umutwe w’ingabo ushamikiye kuri PDR Ihumure.
Ati “Igitekerezo cyo gushinga umutwe w’ingabo cyongeye gushimangirwa n’umutangabuhamya [Habiyaremye Noël].’’
11:28: Umushinjacyaha Dushimimana Claudine yavuze ko mu ibaruwa Rusesabagina yandikiye Nkurunziza Pierre ntaho yerekana ibijyanye n’ibikorwa byo gufasha ahubwo hari ibya politiki biri mu murongo w’ibyo bakoraga mu buryo bw’ibanga.
Ati “Aratangira avuga ko yanditse ibaruwa mu izina rya Hotel Rwanda Rusesabagina Foundation yashinze. Akavuga ibyo yakoze, amateka y’ibihugu n’impinduka zabaye mu Karere k’Ibiyaga Bigari mu 1994. Ko ashima cyane uruhare rw’uwo yari yandikiye mu kugarura demokarasi mu Karere no mu Burundi. Aho nta na kimwe tubona kuri wa muryango wita ku gufasha abana, kubarihira amashuri, urabishaka ukabibura.’’
Umushinjacyaha Dushimimana ClaudineYakomeje avuga ko nyuma yo gushimira Nkurunziza, yongeyeho ko mu Rwanda bimeze nabi bishingiye ku butegetsi buriho.
Dushimimana ati “Foundation igamije gufasha abana b’imfubyi kubona uburyo bwo kwiga no kwivuza ariko ikigira mu bijyanye na politiki biganisha no ku bikorwa by’iterabwoba. Ibiri muri iyi baruwa yashingiragaho asaba guhura na Nkurunzuza [wari Perezida w’u Burundi] ntaho bihuriye n’intego z’umuryango.’’
11:14: Umushinjacyaha Dushimimana Claudine yavuze ko Rusesabagina yabanje gushaka gukorana na FDLR, bashaka no kuyikuramo umutwe w’ingabo. Yavuze ko nyuma yo kubona icyasha cyari kuri FDLR, Rusesabagina yakomeje gushakisha umutwe w’ingabo wo gukoresha ibikorwa by’iterabwoba.
Ati “Twashakaga kwerekana ko ubuhamya bwatanzwe na Dr Michelle Martin bushimangira uko hagiye habaho gukorana kwa Rusesabagina na FDLR. Ni igitekerezo cyatangiye kera kandi byose bigaragaza MRCD/FLN nk’umutwe w’iterabwoba bishingiye ku bikorwa byatangiye kera.’’
10:52: Umushinjacyaha Dushimimana Claudine yavuze ko umuryango ‘Hotel Rwanda Rusesabagina Foundation’ wagize uruhare mu bikorwa byo gushyigikira iterabwoba.
Mu gitabo kivuga ku buzima bwe yise ‘An ordinary man’ ku ipaji ya 63, Rusesabagina avuga kuri Hotel Rwanda Rusesabagina Foundation, ayerekana nk’umuryango washyiriweho gutanga ubufasha mu burezi n’ubuzima ku bihumbi by’abana b’imfubyi bari mu Rwanda batagira aho baba.
Dushimimana ati “Foundation ifite intego nk’iyi yagakwiye gukora ibyo. Umutangabuhamya [Michelle] yagaragaje ko Hotel Rwanda Rusesabagina Foundation yeretse urukiko, turashaka kugaragaza ibaruwa iri mu zo twagaragarije urukiko. Ni ibaruwa Rusesabagina yandikiye nyakwigendera Nkurunziza Pierre wahoze ari Perezida w’u Burundi ku wa 9 Gicurasi 2017.’’
Iyo baruwa yarimo ubusabe bwa Rusesabagina bwo kuganira na Nkurunziza ku bibazo yari afite avuga ko bikeneye gukemurwa ku butaka bw’u Rwanda.
Yakomeje ati “Iyi baruwa ntacyo ipfana n’intego y’umuryango ahubwo birereka urukiko imiryango inyura muri ibyo bikorwa ariko ifite izindi gahunda.’’
10:48: Ubushinjacyaha bwavuze ko Rubingisa na Fernando batangije Komisiyo y’ukuri n’ubwiyunge ariko utagamije ibyo. Buvuga ko mu nyandiko bohererezanyije nta na kimwe cyerekanaga ko ari ibyo bifuza gukora.
Muri izo nyandiko bavuze ko bashaka gukora icyerekana ko mu gihugu bitameze neza, ndetse bashaka uko batera ibisasu muri Gisenyi na Ruhengeri ngo berekane ko hari ibibazo mu gihugu.
10:30: Ubushinjacyaha bwavuze ko emails zohererejwe Rubingisa zivuye kuri Ngamije Fernando zirimo iyerekana ko ‘yiyemereye gukurikirana ibya FDLR kandi ibibazo byayo bigakemurirwa muri iryo shyaka.’
Umushinjacyaha Dushimimana Claudine yavuze ko ibyakozwe na MRCD/FLN bifite umuzi hambere ndetse mu butumwa bahanaga bakoresheje imvugo zabo ‘jargon’ nko kumanura ibinyoni ‘indege’, ibiturika no kohereza abanyeshuri mu Rwanda.
Yavuze ko muri email yo ku wa 17 Ugushyingo 2007, Fernando yabwiye Rubingisa ko hari amazina y’abantu bazajya bahabwa amafaranga biganjemo abari batuye mu Mujyi wa Goma, ndetse anamubwira ko igihe bizabera.
Ati “Izo email ni nyinshi kandi zerekana umugambi w’iterabwoba kuva mu 2007, PDR Ihumure imaze igihe ishinzwe.’’
10:26: Ubushinjacyaha bwavuze ko Rubingisa na we akwiye gufatwa nk’uwari uhuriye mu mugambi w’imikoranire hagati ya PDR Ihumure na FDLR.
Ati “Kuva PDR Ihumure yashingwa mu 2006, batangiye umugambi wabo wo gukorana na FDLR kandi yari yaramaze gushyirwa mu mitwe y’iterabwoba.’’
10:21: Umushinjacyaha Dushimimana Claudine yavuze ko ibikorwa byo gushaka gukorana na FDLR bitari ibya Rubingisa nk’umuntu. Yavuze ko ibyo yakoranye n’uwitwa Ngamije Fernando byari bigamije gukora iperereza niba ibitero byatumye FDLR ishyirwa mu mitwe y’iterabwoba bitaba byarakozwe na Leta y’u Rwanda.
Mu butumwa Rubingisa yandikiranye na Ngamije bwerekana ko kuvuka kwa MRCD ari umugambi watangiye kera, ahubwo wakomezaga.
10:10: Umushinjacyaha Dushimimana Claudine ni we wakomeje asobanura ku miterere y’ibyaha abaregwa bakurikiranyweho. Yatangiye avuga ko ibyo umutangabuhamya Dr Michelle Martin yabwiye urukiko byerekana ko kuva Ishyaka PDR Ihumure rya Paul Rusesabagina kuva ryashingwa yashakaga gukorana na FDLR.
Mu buhamya bwe Dr Michelle Martin yagarutse cyane ku witwa Rubingisa Providence, Ubushinjacyaha bwerekana ko afite aho ahuriye n’urubanza.
Rubingisa yatangiranye na Paul Rusesabagina PDR Ihumure. Mu ibazwa ryakozwe na Polisi y’u Bubiligi, Rubingisa yabajijwe niba kuva yagera muri Amerika hari imiryango cyangwa amashyirahamwe yakoranye nayo ifitanye isano n’u Rwanda.
Yasubije ko ‘yari umunyamuryango wa PDR Ihumure kuva mu 2006-2010, nabaye muri RNC kuva mu 2010 kugeza igihe yabazwaga. Yari mu bashinze PDR Ihumure, afatanyije n’abarimo Nayigiziki Gerome utuye Texas, Clement, Paul Rusesabagina n’abandi bari muri komite.’
Rubingisa yavuze ko ishyirahamwe bari bahuriyemo ryo kwita ku burenganzira bw’Ikiremwamuntu mu Rwanda, basabye Rusesabagina kubabera umuyobozi muri PDR Ihumure kuko yari amaze kumenyekana binyuze kuri filime ‘Hotel Rwanda’.
10:03: Lt Col Habiyaremye Noël yabanje gusinya ku nyandiko y’urubanza mbere y’uko iburanisha rikomeza.
09:55: Byukusenge Jean Claude uri mu baregwa yabajije Habiyaremye Noël ingaruka abasirikare bari kugirwaho zatumaga badahabwa amakuru cyangwa bahuzwe na Minani Innocent.
Ati “Byagombaga gukorwa mu ibanga rikomeye. Uwo Minani twavuganaga ni umusivili uba mu Bubiligi, kuvanga Minani n’abasirikare bato ntacyo byari gufasha. Murakoze.”
09:54: Lt Col Habiyaremye Noël yavuze ko ubwo bamaraga kuvugana na Gen Nshimirimana Adolphe batongeye kuganira kuko nyuma baje gutabwa muri yombi.
09:49: Lt Col Habiyaremye Noël yavuze ko aho FDLR yabarizwaga ntabwo hose haburaga network.
Ati “Nakoraga recruitment y’abasirikare, iby’abaturage byagombaga kuza nyuma. Igihe habaga hari imirwano byasabaga ko bayishaka, ni yo mpamvu twashakaga kugura ‘téléphone satellite’ kugira ngo tujye tuvugana neza.’’
09:42: Lt Col Habiyaremye yabajijwe uburyo (strategy) yari gukoreshwa mu kugaba ibitero avuga ati “Hagombaga gukoreshwa amasasu n’igitero cya gisoda, bigakorwa mu nzira n’ahateguwe mu buryo butworohereza kubona aho kunyura.’’
Yakomeje avuga ko atakwemeza ko ibyabaye i Nyabimata byari muri uwo mugambi kuko we ntacyo abiziho.
09:38: Lt Col Habiyaremye yavuze ko mu baregwa muri uru rubanza uwo azi ari Col Nizeyimana Marc wahoze muri FDLR.
Ati “Col Marc ndamuzi. Ntabwo twakoranye na we na Rusesabagina.’’
09:32: Lt Col Habiyaremye yavuze ko yatangiye gukorana na Paul Rusesabagina mu ntangiriro za 2008 kugera mu 2009 afatirwa mu Burundi.
Lt Col Habiyaremye yavuze ko yafashwe amaze kuganira n’abantu batandukanye ariko akenshi yavuganaga n’abashobora kwifatanya na bo mu ishyamba.
09:23: Lt Col Habiyaremye yavuze ko yari mu mugambi wo gutera igihugu ari muri FDLR. Yasobanuye ko aganira na Rusesabagina yamubwiye ko inzira yose yakunda kugira ngo habeho impinduka mu gihugu zakwifashishwa.
Yakomeje avuga ko Rusesabagina yamubwiraga ko “Ni yo byananirana hakoreshwa imbaraga.’’
Uko Lt Col Habiyaremye yahuye akanakorana na RusesabaginaLt Col Habiyaremye Noël yavuze ko yahuye na Nsengiyumva Appolinaire Minani Innocent baganira ku bijyanye na politiki n’igisirikare.
Muri iki gihe ni bwo yongeye guhuzwa na Paul Rusesabagina baganira ku byerekeye n’aho yari ari. Icyo gihe yari yaramubwiye ku byerekeye ishyaka rye PDR Ihumure.
Minani yaje kumubwira ko mu mugambi we akeneye abarwanyi ndetse ahabwa inshingano zo gushaka ingabo.
Ati “Ibikoresho bya gisirikare kandi bihenze byasabaga amafaranga ariko Rusesabagina yambwiye ko atari ikibazo bihari.’’
Rusesabagina yagiye amwoherereza amafaranga mu byiciro bitandukanye.
Yavuze ko yanakoranye na Lt Col Nditurende Tharcisse, ndetse na we yabahuje na Rusesabagina baravugana.
Ati “Icyo gihe tuvugana sinari nzi ko avugana na Ingabire. Ntekereza ko yagendaga abagarira yose atazi irizera mbere. Twakomeje kuvugana numva twajyana muri iyo gahunda.
Nditurende yamubwiye ko afite gahunda yo kujya mu Burundi, amubwira ko afitanyeyo gahunda na Gen Adolphe Nshimirimana wari ukuriye Iperereza.
Ati “Nabibwiye Rusesabagina. Yavuye Lusaka ajya Dar es Salaam mu gihe Nditurende yavuye mu Majyaruguru ya Kivu anyura i Nairobi bahurira muri Tanzania.
Kubera ibyangombwa byabo byari byarangiye basabye Rusesabagina kubaha amafaranga, abaha 2000$ abicishije kuri Minani mu Bubiligi.
Ayo mafaranga yakiriwe na Nditurende, nyuma yaho yohereje andi mafaranga 1000$.
Habiyaremye yahise ajya Kigoma gushaka ibyangombwa kuko we yari umuturage wa RD Congo.
Nditurende yaje kumusanga Kigoma berekeza mu Bujumbura aho bahuriye na Gen Adolphe Nshimirimana bamusaba ubufasha bwo kubona ibikoresho, ndetse u Burundi bukabafasha kugera mu Rwanda.
Ati “Yatubwiye ko abanza kuvugana na bagenzi be, anatwizeza ko umushinga ari mwiza. Twabibwiye Rusesabagina ko umushinga washimwe.’’
Habiyaremye yabwiye Rusesabagina ko bakeneye telefoni zifashisha satellite kugira ngo bajye bashobora kuganira. Icyo gihe yamuhaye 1870$ n’andi 900$ yoherejwe biciye muri Western Union.
Ubwo bajyaga mu Bujumbura gufata ayo mafaranga, Habiyaremye na Nditurende bafashwe n’ubuyobozi bw’u Burundi boherezwa mu Rwanda banyujijwe ku Akanyaru.
Habiyaremye Noël wahoze muri FDLR yatanze ubuhamya bwerekana uko yakoranye na Rusesabagina
Ubuhamya bwa Habiyaremye Noël wahoze muri FAR akaza no kwinjira muri FDLRHabiyaremye Noël ukomoka mu Murenge wa Gahengeri mu Karere ka Rwamagana mu Ntara y’Uburasirazuba. Yavutse ku wa 25 Ukuboza 1968.
Yafunzwe imyaka itatu n’igice, ahamijwe ibyaha bifitanye isano no kuba mu mutwe w’iterabwoba.
Yagiye muri FAR mu 1991, aza kuva mu Rwanda ajya muri Centrafrique aho yaje kuva ajya muri Congo. Icyo gihe ageze muri RDC yagiye mu Mutwe wa ALIR [Armée pour la Libération du Rwanda] ya kabiri.
Mu 2000, hamaze kuvuka umwuka mubi yafashe umwanzuro wo kujya mu ishyamba.
Icyari ALIR mu 2005 yahindutse FDLR hagamijwe kuyobya amarari kuko ibyaregwaga byari byinshi.
Habiyaremye wakurikiranaga amakuru mu bitangazamakuru yumvaga abanyapolitiki batandukanye barimo na Paul Rusesabagina.
Mu 2007 uyu mugabo ngo yagiye kwivuriza mu Mujyi wa Lusaka muri Zambia, ahahurira n’Umunyarwanda witwa Nsengiyumva Apollinaire.
Yagiye mu Bubiligi ahura n’uwitwa Rubingisa Projecte uzwi nka Malumba, yaje kumutumira amubwira gahunda afite, yumva gahunda ye ni nzima.
Baje kuvugana kuri telefoni amubwira ko ayoboye batayo muri FDLR, anamubwira ko hari ibyo yamufasha ubwo bari bakomoje kuri Rusesabagina.
08:46: Ubushinjacyaha bwasabye ko iburanisha ryatangira humvwa undi mutangabuhamya.
Me Nkundabarashi Moïse aganira n’umukiliya we Nsabimana Callixte ‘Sankara’ mbere y’uko iburanisha ritangira
08:44: Inteko iburanisha igeze mu rukiko, urubanza rugiye gutangira kuburanishwa.
Urutonde rw’abaregwa muri uru rubanza
1. Nsabimana Callixte alias Sankara
2. Nsengimana Herman
3. Rusesabagina Paul
4. Nizeyimana Marc
5. Bizimana Cassien, alias BIZIMANA Patience, alias Passy, alias Selemani
6. Matakamba Jean Berchmans
7. Shabani Emmanuel
8. Ntibiramira Innocent
9. Byukusenge Jean Claude
10. Nikuze Simeon
11. Ntabanganyimana Joseph alias Combe Barume Matata
12. Nsanzubukire Felicien alias Irakiza Fred
13. Munyaneza Anastase alias Job Kuramba
14. Iyamuremye Emmanuel alias Engambe Iyamusumba
15. Niyirora Marcel alias BAMA Nicholas
16. Nshimiyimana Emmanuel
17. Kwitonda André
18. Hakizimana Théogène
19. Ndagijimana Jean Chrétien
20. Mukandutiye Angelina
21. Nsabimana Jean Damascène alias Motard
KANDA HANO UREBE ANDI MAFOTO MENSHI
Indi nkuru wasoma: Umunyamerika Dr Michelle Martin yatanze ubuhamya ku ruhare rwa Rusesabagina mu gushyigikira ibikorwa by’iterabwoba (Amafoto na Video)
Amafoto: Igirubuntu Darcy
-
Kwibumbira muri sendika byafashije abarimu guhangana n’ingaruka za COVID-19 –
Mu bihe bya COVID-19 aba bose bashoboye kuganira n’abakoresha babo uko bakwitwara mu rwego rwo guhangana n’ingaruka za COVID-19. Bahuriza ku kuba barabonye ibiribwa, abandi babona ubutumwa bw’amafaranga bikomoka muri Sendika yabo ihuza abakozi bo mu mashuri yigenga -SYNEDUC.
Umuyobozi wa Ste Therese School, Ishuri riri mu Murenge wa Murama mu Karere ka Ngoma mu Ntara y’Iburasirazuba, Sr Stella Kanyunyuzi Mukamusoni, yavuze ko mu bihe bya COVID-19, bicaranye n’abarezi biga ku buryo umwarimu yakwitwara mu bihe bikomeye.
Yagize ati “Muri ibi bihe bya COVID-19, abarimu bo mu mashuri yigenga bahise bahagarikirwa imishahara. Urumva ko ubuzima bwatangiye kuba bubi. Twe rero twicaranye n’abarimu tuganira ku buzima tugiyemo kandi barabyumvise. Nyuma ni bwo nanone twahawe ibiribwa byanadufashije cyane. Abari muri sendika bo banahawe amafaranga yo kubafasha ariko abatayirimo ntayo babonye. Naranezerewe, mbona ko batwitayeho.”
Umuyobozi wa Umucyo Friendly School, Ishuri riri mu Murenge wa Kibungo i Ngoma, Sesonga Emmanuel, yavuze ko akamaro ka Sendika kagaragaye mu bihe bikomeye.
Yasobanuye ko byanatumye haba imyumvire imwe ku mitunganyirize y’akazi kabo, kuko begereye ubuyobozi bakaganira.
Ati “Muri ibi bihe bya COVID-19, Sendika yatumye abakozi bashyira hamwe. Umuyobozi ntiyihereranye ibibazo kandi abarezi bahari. Sendika yatanze ubufasha ku bakozi, bahawe ibyo kurya, abandi bahabwa amafaranga. Ibyo byatumye imibereho ya mwarimu ukora mu kigo cyigenga kandi akaba muri Sendika ubuzima bwe butandukana n’ubw’utayirimo.”
Mukasine Theopista wigisha muri E.P La Decouverte mu Karere ka Rwamagana yavuze ko mu bihe bya COVID-19, umwarimu wo mu mashuri yigenga yashaririwe bituma hari abahitamo gukora ubucuruzi bworoheje n’ibindi.
Agira ati “Abari muri Sendika ntitwababaye cyane. Sendika yaganiraga n’abayobozi b’ibigo ndetse na banki duhabwa inguzanyo zo kwishyura twasubiye mu kazi. Twahawe ibiribwa birimo umuceri, amavuta n’ibindi. Twanatunguwe na SMS y’amafaranga, mbanza gukeka ko ari abatekamutwe kuko tutari tuyiteze. Naketse ko ari umuntu uyobeje amafaranga, ariko naje kubona ubutumwa ko ari sendika iyaduhaye. Twahise twumva dusubijwe.”
Mbarushimana Rugwiro Don d’Eve uhagarariye abandi barimu akaba n’Umuyobozi wa Sendika SYNEDUC muri GS APACOPE mu Mujyi wa Kigali yavuze ko mu bihe bya COVID-19 baganiriye n’umukoresha bahabwa 50.000 Frw yo kubafasha mu gihe imishahara yari yahagaze.
Ati “Imibanire yacu n’umukoresha yabaye myiza cyane ku buryo no mu bihe bya COVID-19 twigishije twifashishije ikoranabuhanga kandi amafaranga ababyeyi batanze yatugezeho. Sendika na yo hari amafaranga yoherereje buri munyamuryango kandi abatayirimo ntayo babonye.”
Ubuyobozi bwa SYNEDUC bwashimye imyitwarire y’abanyamuryango muri ibi bihe kuko bashoboye guhatana n’ubuzima ariko kandi bakegera abakoresha babo bagafatanya gushaka ibisubizo.
Umunyamabanga Mukuru wa SYNEDUC, Nkotanyi Abdon, yashimye abafatanyabikorwa babafashije kwita ku buzima bwa mwarimu wo mu mashuri yigenga mu gihe umushahara we wari wahagaze.
Mu butumwa bwe yasabye abanyamuryango ba Sendika gushyira hamwe, bagahuza ijwi, bakagirana ibiganiro n’abakoresha kuko ‘umukozi umeze neza ari we utanga umusaruro’.
Mbarushimana Rugwiro Don d’Eve ni we uhagarariye abandi barimu akaba n’Umuyobozi wa Sendika SYNEDUC muri GS APACOPE mu Mujyi wa Kigali
Mukasine Theopista wigisha muri E.P La Decouverte mu Karere ka Rwamagana yavuze ko mu bihe bya COVID-19, abarimu bo mu mashuri yigenga bashaririwe n’ubuzima bituma hari abahitamo gukora ubucuruzi bworoheje n’ibindi
Umuyobozi wa Umucyo Friendly School, Sesonga Emmanuel, yavuze ko akamaro ka Sendika kagaragaye mu bihe bikomeye
Umuyobozi wa Ste Therese School iri mu Karere ka Ngoma mu Ntara y’Iburasirazuba, Sr Stella Kanyunyuzi Mukamusoni, yavuze ko mu bihe bya COVID-19 bicaranye n’abarezi biga ku buryo umwarimu yakwitwara mu bikomeye
-
Kwibumbira muri sendika byafashije abarimu guhangana n'ingaruka za COVID-19 – #rwanda #RwOT
Mu bihe bya COVID-19 aba bose bashoboye kuganira n'abakoresha babo uko bakwitwara mu rwego rwo guhangana n'ingaruka za COVID-19. Bahuriza ku kuba barabonye ibiribwa, abandi babona ubutumwa bw'amafaranga bikomoka muri Sendika yabo ihuza abakozi bo mu mashuri yigenga -SYNEDUC.
Umuyobozi wa Ste Therese School, Ishuri riri mu Murenge wa Murama mu Karere ka Ngoma mu Ntara y'Iburasirazuba, Sr Stella Kanyunyuzi Mukamusoni, yavuze ko mu bihe bya COVID-19, bicaranye n'abarezi biga ku buryo umwarimu yakwitwara mu bihe bikomeye.
Yagize ati 'Muri ibi bihe bya COVID-19, abarimu bo mu mashuri yigenga bahise bahagarikirwa imishahara. Urumva ko ubuzima bwatangiye kuba bubi. Twe rero twicaranye n'abarimu tuganira ku buzima tugiyemo kandi barabyumvise. Nyuma ni bwo nanone twahawe ibiribwa byanadufashije cyane. Abari muri sendika bo banahawe amafaranga yo kubafasha ariko abatayirimo ntayo babonye. Naranezerewe, mbona ko batwitayeho.'
Umuyobozi wa Umucyo Friendly School, Ishuri riri mu Murenge wa Kibungo i Ngoma, Sesonga Emmanuel, yavuze ko akamaro ka Sendika kagaragaye mu bihe bikomeye.
Yasobanuye ko byanatumye haba imyumvire imwe ku mitunganyirize y'akazi kabo, kuko begereye ubuyobozi bakaganira.
Ati 'Muri ibi bihe bya COVID-19, Sendika yatumye abakozi bashyira hamwe. Umuyobozi ntiyihereranye ibibazo kandi abarezi bahari. Sendika yatanze ubufasha ku bakozi, bahawe ibyo kurya, abandi bahabwa amafaranga. Ibyo byatumye imibereho ya mwarimu ukora mu kigo cyigenga kandi akaba muri Sendika ubuzima bwe butandukana n'ubw'utayirimo.'
Mukasine Theopista wigisha muri E.P La Decouverte mu Karere ka Rwamagana yavuze ko mu bihe bya COVID-19, umwarimu wo mu mashuri yigenga yashaririwe bituma hari abahitamo gukora ubucuruzi bworoheje n'ibindi.
Agira ati 'Abari muri Sendika ntitwababaye cyane. Sendika yaganiraga n'abayobozi b'ibigo ndetse na banki duhabwa inguzanyo zo kwishyura twasubiye mu kazi. Twahawe ibiribwa birimo umuceri, amavuta n'ibindi. Twanatunguwe na SMS y'amafaranga, mbanza gukeka ko ari abatekamutwe kuko tutari tuyiteze. Naketse ko ari umuntu uyobeje amafaranga, ariko naje kubona ubutumwa ko ari sendika iyaduhaye. Twahise twumva dusubijwe.'
Mbarushimana Rugwiro Don d'Eve uhagarariye abandi barimu akaba n'Umuyobozi wa Sendika SYNEDUC muri GS APACOPE mu Mujyi wa Kigali yavuze ko mu bihe bya COVID-19 baganiriye n'umukoresha bahabwa 50.000 Frw yo kubafasha mu gihe imishahara yari yahagaze.
Ati 'Imibanire yacu n'umukoresha yabaye myiza cyane ku buryo no mu bihe bya COVID-19 twigishije twifashishije ikoranabuhanga kandi amafaranga ababyeyi batanze yatugezeho. Sendika na yo hari amafaranga yoherereje buri munyamuryango kandi abatayirimo ntayo babonye.'
Ubuyobozi bwa SYNEDUC bwashimye imyitwarire y'abanyamuryango muri ibi bihe kuko bashoboye guhatana n'ubuzima ariko kandi bakegera abakoresha babo bagafatanya gushaka ibisubizo.
Umunyamabanga Mukuru wa SYNEDUC, Nkotanyi Abdon, yashimye abafatanyabikorwa babafashije kwita ku buzima bwa mwarimu wo mu mashuri yigenga mu gihe umushahara we wari wahagaze.
Mu butumwa bwe yasabye abanyamuryango ba Sendika gushyira hamwe, bagahuza ijwi, bakagirana ibiganiro n'abakoresha kuko 'umukozi umeze neza ari we utanga umusaruro'.
Mbarushimana Rugwiro Don d'Eve ni we uhagarariye abandi barimu akaba n'Umuyobozi wa Sendika SYNEDUC muri GS APACOPE mu Mujyi wa Kigali
Mukasine Theopista wigisha muri E.P La Decouverte mu Karere ka Rwamagana yavuze ko mu bihe bya COVID-19, abarimu bo mu mashuri yigenga bashaririwe n’ubuzima bituma hari abahitamo gukora ubucuruzi bworoheje n'ibindi
Umuyobozi wa Umucyo Friendly School, Sesonga Emmanuel, yavuze ko akamaro ka Sendika kagaragaye mu bihe bikomeye
Umuyobozi wa Ste Therese School iri mu Karere ka Ngoma mu Ntara y'Iburasirazuba, Sr Stella Kanyunyuzi Mukamusoni, yavuze ko mu bihe bya COVID-19 bicaranye n'abarezi biga ku buryo umwarimu yakwitwara mu bikomeye -
Rulindo-Murambi : Amafaranga bishyura kugera i Kigali yikubye 2 kubera iyangirika ry’umuhanda #rwanda #RwOT
Muri uyu muhanda hahoze ligne ya tagisi zatwaraga abagenzi mu buryo bwa rusange ariko iyi linge Nyabugogo-Rutongo -Mugambazi ntigikora bitewe n’uko uyu muhanda wangiza imodoka nk’uko bitangazwa na banyiri izo modoka.
Hagabimana Jeremie wo mu Murenge wa Murambi mu Karere ka Rulindo avuga ko bafite iterambere kuko bafite ishuri ry’ubucukuzi bw’amabuye y’agaciro riri mu Murenge wa Masoro bakanagira ibitaro byiza bya Rutongo, gusa ngo kurundi ruhande bari mu bwigunge kubera ko umuhanda wabo udatunganyije.
Uyu mugabo ufite imodoka yakoraga tagisi muri uyu muhanda avuga ko byamuteraga igihombo kuko yahoraga mu igaragaje akoresha.
Ati 'Kuva aho nyakubahwa Perezida wa Repubulika atwemereye uyu muhanda hashize imyaka myinshi. Ubu rero dutegereje uwo muhanda, ariko namwe mwawunyuzemo mwabonye ko wangiritse. Hashize imyaka iri hejuru y’itanu, twibaza impamvu uyu muhanda udakorwa ariko turacyategereje, hamwe rero n’ubuvugizi twizera ko uyu muhanda uzakorwa ibinyabiziga byacu ntibikomeze kwangirika'.
Akomeza agira ati 'Nkanjye ntunze imodoka ariko usanga buri cyumweru njya mu igaraje ibintu byangiritse kubera uyu muhanda'
Umuturage witwa Twizeyimana Pacifique avuga ko akarere kagerageza kagashyiramo abakozi bashyira ibitaka mu binogo ariko ngo uhita wongera ukangirika kubera ko udafite rigore rimanura amazi.
Akomeza avuga ko kuba uyu muhanda wangirika bya hato na hato ari byo byatumye tagisi zabagezaga i Kigali zihagarika ingendo ubu bajya i igali bateze moto ibintu bavuga ko bibahendesha kuko igiciro bagenderaga kikubye inshuro zirenga ebyiri.
Tagisi bayishyuraga 1000frw kuva I Mugambazi kugera Nyabugogo ariko ubu moto bayishyura 2000frw kuva I Mugambazi kugera Nyacyonga bakagerekaho andi 250frw ya tagisi ibageza Nyabugogo.
Abamotari bakoresha uyu muhanda nabo bavuga ko nubwo moto ari munyurahato nabo uyu muhanda ubatera ibihombo, bagasaba ko uyu muhanda washyirwamo kaburimbo.
Uwiringiyimana Polin ati 'Kuva Nyacyonga ugera hano hari ibice binyerera cyane, ku buryo ibinyabiziga hari igihe biraramo bagategereza ko hongera kumuka. Icyo rero ni imbogamizi kuko usanga ibinyabiziga bihora mu igaraje hafi ya buri munsi'
Akomeza agira ati 'Muri gare ya Nyabugogo hari ligne ya Rutongo-Mugambazi, hari ligne yindi ya bisi za onatracom zakomezaga kuri Base ugasanga biroroshya ubuhahirane kubera ko umuhanda wari nyabagendwa ariko ubu byose byarahagaze'.
Muri Gashyantare 2014 ubwo Perezida Paul Kagame yari yasuye abaturage b’akarere ka Rulindo nibwo abaturage bamugejejeho icyifuzo cy’uko uyu muhanda washyirwamo kaburimbo, arabibemerera.
Perezida Kagame icyo gihe yagize ati 'Ibirometero mirongo itatu niba dushobora kubigenda n’amaguru, ubanza kubyubaka ku gihugu bitatugora.'
Muri Kamena 2019, uwari Umunyamabanga wa Leta ushinzwe gutwara abantu n’ibintu, Eng. Jean de Dieu Uwihanganye yavuze ko uyu muhanda Nyacyonga-Mugambazi-Mukoto w’ibirometero 30 uzatangira gushyirwamo kaburimbo muri 2021.
Abaturiye uyu muhanda bavuga ko nta kigaragaza ko uyu muhanda uri hafi gukorwa kuko ntawe urababarira ingurane, ndetse no ku nkengero z’uyu muhanda nta mambo zirahashingwa nk’uko bigenda ku mihanda y’ibitaka igiye gushyirwamo kaburimbo.
- Ubu batega moto ngo nta modoka zigipfa kuhagenda
UKWEZI.RW
-
Ubunyunyusi, indirimbo ya Mico The Best na Ri… – #rwanda #RwOT
Mico The Best yabwie INYARWANDA ko igihe cyari kigeze ko akorana indirimbo n'umuraperi, ahitamo gukorana na Riderma usanzwe ari inshuti ye y'akadasohoka.
Avuga ko ubwo yagezaga igitekerezo kuri Riderman yasanze nawe afite igitekerezo cy'uko umunsi umwe bazakorana indirimbo.
Uyu muhanzi washyize imbere injyana ya Afrobeat, yavuze ko Riderman abaye umuraperi wa mbere bakoranye indirimbo igasohoka mu gihe cya nyacyo, ifite amashusho yayo n'ibindi.
Yibutsa ko izindi ndirimbo yagiye ahuriramo n'abaraperi ari izo yabaga yakoranye n'abo bari bahuriye muri Label ya Super Level.
Mico The Best yavuze ko we na Riderman mu ndirimbo 'Ubunyunyusi' baririmba bumvikanisha icyanga cy’urukundo n’umusore ubwira umukobwa ko agiye kumwitaho bikamurenga.
Ati 'Ubunyunyusi ni ijambo risobanura icyanga, uburyohe cyangwa se kurya ubuzima.
'Ni ukutananiza umukobwa aho kugira ngo umurushye abe ari we wikorera ibintu byose atera intambwe zose mu rukundo, ukamubwira uti bimparire. Ni nko kubwira umuntu uti 'tuza nkuteteshe. Ukamubwira ko ugiye kumwitaho.'
Uyu muhanzi avuga ko iyo umaze gutetesha umukunzi bikurikirwa no kumva ko ari ‘ubunyunyusi’.
Mico yavuze ko iyi ndirimbo ibaye iya Gatatu kuri kuri Album ye nshya ari gutegura. Ni Album iriho indirimbo nka 'Jamais', 'Twembi', 'Save the Date', 'Umunamba' ndetse n'Igare'.
Yavuze ko muri iki gihe yihaye gahunda ivuguruye yo gukorana indirimbo n'abaraperi, kandi ko biri no mu murongo wo gusubiza ibyifuzo bya benshi bagiye bamusaba gukorana indirimbo n'abaraperi.
Uyu muhanzi wakoze igitaramo cyo kwizihiza Umunsi Mpuzamahanga wo kurwanya indwara y'Igituntu mu ijoro ry'uyu wa Gatatu, yavuze ko cyagenze neza ashingiye ku bitekerezo yakiriye n'uburyo yashyigikiwe n'abarimo Minisitiri w'Ubuzima, Dr Daniel Ngamije n'abandi.
Mico The Best yasohoye amashusho y’indirimbo ye nshya yise “Ubunyunyusi” yakoranye na Riderman
Riderman yaririmbye mu ndirimbo ‘Ubunyunyusi’, aba umuraperi wa mbere ukoranye na Mico The Best
KANDA HANO UREBE AMASHUSHO Y’INDIRIMBO “UBUNYUNYUSI” YA MICO THE BEST NA RIDERMAN
-
Amasezerano : Skol na Rayon basinyiye Miliyoni 600 Frw #rwanda #RwOT
Aya masezerano y’imyaka itatu, ateganya ko uruganda rwa Skol ruzakorera Rayon Sports ibikorwa bifite agaciro ka Miliyoni 200 Frw buri mwaka.
Ibyo bikorwa biri mu byiciro bitatu, birimo amafaranga uru ruganda ruzajya ruha iyi kipe, ibikoresho by’ikipe ndetse n’ibikorwa remezo nk’ikibuga n’amacumbi.
Izi miliyoni 200 Frw zizatangwa mu myaka itatu, ni ukuvuga ko aya masezerano azarangira afite agaciro ka Miliyoni 600 Frw.
Skol na Rayon Sports bari basanzwe bafitanye imikoranire, ikaba yayihaga miliyoni 66 Frw buri mwaka.
Aya masezerano yagombaga kurangira muri 2022, yajemo ibibazo mu minsi yashize ubwo hazagamo ubwumvikane bucye gusa aya masezerano akaba yavugaga ko mu myaka ibiri ya mbere y’uko arangira, hashobora kubaho ibiganiro byo kuyavugurura.
Ubuyobozi bw’Ikipe ya Rayon Sports buherutse gutangiza uburyo bwo kubarura abakunzi bayo ariko banatanga imisanzu yo kuyifasha.
Ubu buryo bwo kwiyandikisha hakoreshejwe ikoranabuhanga, kwiyandikisha hari ikiguzi abakunzi b’iyi kipe batanga kugira ngo bashyigikire ikipe yabo.
UKWEZI.RW
Source : http://www.ukwezi.rw/Imikino/article/Amasezerano-Skol-na-Rayon-basinyiye-Miliyoni-600-Frw
-
Maj. (Rtd) Mudathiru yakatiwe igifungo cy’imyaka 25 –
Kuri uyu wa Kane nibwo Urukiko rwa Gisirikare rwatangaje umwanzuro warwo mu rubanza Maj. (Rtd) Mudathiru yaregwagamo hamwe na bagenzi be 31 bashinjwaga kuba mu mitwe ya P5 na FLN.
Mu baburanishijwe n’uru rukiko harimo itsinda ry’abantu 25 barangajwe imbere na Rtd Major Mudathiru Habib, baregwa kwinjira mu mutwe w’ingabo utemewe wa P5; kugambirira kugirira nabi ubutegetsi buriho; kugirana umubano na Leta y’amahanga bigiriwe gushoza intambara, kurema umutwe w’abagizi ba nabi no gucura umugambi wo gukora icyaha cy’iterabwoba.
Harimo n’irindi tsinda ry’abantu batandatu rifatwa nk’irirangajwe imbere na Pte Muhire Dieudonné, umusirikare muri RDF, riregwa ibyaha byo gutoroka igisirikare, ubufatanyacyaha mu kugambirira kugirira nabi ubutegetsi buriho cyangwa kubuhirika hakoreshejwe intambara cyangwa izindi mbaraga, kurema umutwe w’abagizi ba nabi no koshya abandi kuwujyamo, no kugira uruhare mu bikorwa by’ishyirahamwe rikora iterabwoba.
Abasirikare batanu b’u Rwanda baregwa muri iyi dosiye ni Pte Muhire Dieudonné, Corporal Kayiranga Viateur, Corporal Dusabimana Jean Bosco, Private Igitego Champagnat na Private Ruhinda Jean Bosco watorotse igisirikare, wakurikiranwe adahari.
Ubushinjacyaha bwari bwasabiye Mudathiru igifungo cya burundu, gusa urukiko rwavuze ko yaburanye yemera ibyaha, akemera n’ubufasha yagiye ahabwa n’abandi bantu barimo inzego z’igisirikare cy’u Burundi.
Rwavuze ko kandi mu iburana rye yemeye ko yatoje abarwanyi ba P5 abaha imyitozo itandukanye ya gisirikare n’uburyo bagomba kwitegura kugaba ibitero k’u Rwanda.
Rushingiye ku buryo yagiye yiregura, rwamukatiye igifungo cy’imyaka 25, cyo kimwe n’abandi bareganwa hamwe barimo Pte Ruhinda Jean Bosco utarigeze agaragara imbere y’urukiko cyo kimwe na Pte. Muhire Dieudonné.
