Webrwanda Backend

Category: Uncategorized

  • Icyishaka David uzwi nka Davis D na Ngabo Richard uzwi nka Kevin Kade bari mu maboko y'Urwego rw'Igihugu rw'Ubugenzacyaha (RIB). #rwanda #RwOT

    Icyishaka David uzwi nka Davis D na Ngabo Richard uzwi nka Kevin Kade bari mu maboko y'Urwego rw'Igihugu rw'Ubugenzacyaha (RIB) bakekwaho icyaha cyo gusambanya umwana w'umukobwa

    Umuhanzi Icyitegetse David (Davis D)

    Uyu musore usanzwe akunda kuririmba indirimbo zigezweho kandi zikunzwe n'urubyiruko akunze kutavugwaho rumwe kuko ngo bamwe mubakuze bamushinja kuririmba indirimbo bamwe bemezako zuje amagambo y'urukozasoni (Ibishegu), ari mumaboko y'ikigo kigihugu cy'ubugenzacyaha RIB na mugenzi we nawe wumuhanzi uzwi mundirimbo zigezweho nka Kevin Kade.

    Ngabo Richard uzwi nka Kevin Kade

    Aba bombi bakurikiranyweho icyaha cyo gusambanya umwana w'umukobwa utaruzuza imyaka y'ubukure. aba bombi kandi bahuriye mundirimbo imwe yitwa Like you nayo itaravuzweho rumwe nabakurikirana umuzi nyarwanda ngo kubera imyambarire igaragara muriyo ndirimbo.

    Aba bombi icyaha nikaruka kibahamye bazahanwa hakurikijwe igitabo cyamategeko ahana y'u Rwanda. Kigalinews24 yagerageje kuvugana n'umuvugizi w'urwego rwigihugu rwubugenzacyaha RIB ariko ntibyadukundiye ariko tubizeje ko turaza gukurikirana tukamenya aho bigeze.

    The post Icyishaka David uzwi nka Davis D na Ngabo Richard uzwi nka Kevin Kade bari mu maboko y'Urwego rw'Igihugu rw'Ubugenzacyaha (RIB). appeared first on .

    Source : https://kigalinews24.com/2021/04/25/icyishaka-david-uzwi-nka-davis-d-na-ngabo-richard-uzwi-nka-kevin-kade-bari-mu-maboko-yurwego-rwigihugu-rwubugenzacyaha-rib/

  • Hashyinguwe mu cyubahiro imibiri y’abazize Jenoside irimo iherutse kuboneka mu Bitaro bya Gitwe –

    Igikorwa cyo gushyingura iyo mibiri cyabaye kuri iki Cyumweru tariki ya 25 Mata 2021 ubwo mu Karere ka Ruhango bibukaga ku nshuro ya 27 Jenoside yakorewe Abatutsi.

    Umuyobozi w’Akarere ka Ruhango, Habarurema Valens, yavuze ko imibiri yashinguwe mu cyubahiro irimo iyakuwe mu cyobo kiri mu Bitaro bya Gitwe n’indi yari isanzwe ishyinguye mu mva.

    Ati “Uyu munsi twashyinguye imibiri 100, muri yo 20 twayikuye mu Bitaro bya Gitwe aho yari imaze igihe kuko amakuru yayo yari yarahishwe, hanyuma hari n’indi mibiri 68 twimuye mu mva yari ahitwa i Rubona mu Murenge wa Bweramana, ni imva twabonaga ko idahesha agaciro abayishyinguyemo.”

    “Indi mibiri yose isigaye ni iyagiye iboneka mu matongo hirya no hino aho abantu birwanyeho bagashyingura munsi y’urugo.”

    Yakomeje avuga ko ibikorwa byo gushyingura mu cyubahiro bizakomeza igihe cyose bazabona imibiri yahishwe cyangwa se aho bazabona idashyinguye mu buryo bwiza.

    Bamwe mu barokotse Jenoside yakorewe Abatutsi bavuze ko kuba babashije gushyingura ababo by’umwihariko abakuwe mu Bitaro bya Gitwe, bibaruhuye imitima.

    Mugabo Seleman ati “Mu by’ukuri iyo ushyinguye uwawe uba wishimye, igihe cyose utarabona uwawe kenshi unatekereza ko atapfuye, ugatekereza ko wenda hari igihe uzajya mu isoko cyangwa utembera mugahura, ariko iyo ushoboye kubona umubiri we ukawushyingura, birumvikana ntuba ubuze agahinda ko kuba warabuze uwawe, ariko ku rundi ruhande uba wishimye byibura uvuga uti ‘uwanjye nzi aho ari, nzi aho aruhukiye, igihe cyose byaba ngombwa namusura’.”

    Perezida wa Ibuka mu Karere ka Ruhango, Mukaruberwa Jeanne d’Arc, yavuze ko kuba kugeza ubu hakiboneka imibiri y’abazize Jenoside yakorewe Abatutsi hirya no hino aho yajugunywe, bigaragaza ko hari abantu bakinangiye imitima.

    Ati “Ibyo tubibonamo ko hari bamwe bakinangira; ni ukuvuga ngo Abatutsi bicwa ababicaga ntibifuzaga ko bazamenyekana, ndetse bifuzaga ko babamaraho kugira ngo hatazagira ubashinja. Kuba rero hashize imyaka 27 tukibona imibiri ni bwa buryo bwo guhisha amakuru.”

    Yakomeje asaba ababa bazi amakuru y’ahari imibiri y’abazize Jenoside yakorewe Abatutsi ko babohoka bakayatanga kugira ngo ishyingurwe mu cyubahiro.

    Kugeza ubu urwibutso rwa Jenoside rwa Ruhango rushyinguyemo imibiri y’abazize Jenoside yakorewe Abatutsi igera ku 20244.

    Imibiri yashyinguwe kuri iki Cyumweru harimo iherutse gukurwa mu bitaro bya Gitwe

    Abantu batandukanye bifatanyije n’abatuye Ruhango kwibuka ku nshuro ya 27 Jenoside yakorewe Abatutsi

    Bamwe mu barokotse Jenoside yakorewe Abatutsi bavuze ko kuba babashije gushyingura ababo by’umwihariko abakuwe mu Bitaro bya Gitwe, bibaruhuye imitima

    Minisitiri w’Ubuzima Dr Ngamije Daniel n’umufasha we bifatanyije n’Akarere ka Ruhango kwibuka Jenoside yakorewe Abatutsi

    Umuyobozi w’Akarere ka Ruhango, Habarurema Valens, yunamiye Abatutsi bashyinguye mu rwibutso rw’akarere

    Minisitiri w’Ubuzima Dr Ngamije Daniel n’umufasha we baje kwifatanya n’abatuye akarere ka Ruhango kwibuka Jenoside yakorewe Abatutsi

    Mugabo Seleman yatanze ubuhamya avuga ko kuba bashyinguye ababo bibaruhuye umutima

    Umuhanzi Bonhomme yifashishije indirimbo ze mu guhumuriza abarokotse Jenoside

    Kugeza ubu urwibutso rwa Jenoside rwa Ruhango rushyinguyemo imibiri y’abazize Jenoside yakorewe Abatutsi igera ku 20244.

    [email protected]

  • Inyama y'ikinyamujonjorerwa i Musanze iragurwa n'ufite ikofi irimo agatubutse #rwanda #RwOT

    Aka kaboga kadakunze kuvugwa mu nyama ziribwa mu Rwanda, kamuritswe bwa mbere mu mujyi wa Musanze muri Hotel izwi nka Centre Pastoral Notre Dame de Fatima. Abatinyutse kurya bwa mbere kuri Brochette y'inyama y'ikinyamujonjorerwa-Ikinyamushongo( bitewe n'uko bamwe bakita), bahamya ko nta nyama iryoshye nkayo, ariko kandi ibiciro si ibya buri wese, iribwa n'uwifite ku mufuka.

    Ibinyamushongo cyangwa se ibinyamujonjorerwa, byororwa na Rwiyemezamirimo witwa Imbabazi Domnique Xavio utuye mu Murenge wa Nkotsi, Akarere ka Musanze. Avuga ko yatekereje umushinga w'ubu bworozi nyuma yo kurangiza amasomo ye muri Kaminuza y'u Rwanda ishami ry'ubuhinzi n'ubworozi rya UR-CAVM riherereye I Musanze akabura akazi.

    Umwe mu bariye kuri aka kaboga witwa Varelienne Maritha wo mu Murenge wa Cyuve yabwiye Kigali today dukesha iyi nkuru ko yaje kurya aya mafunguro mashya y'ibinyamujonjorerwa, ko ndetse nk'umubyeyi agomba kubanza kugira ngo naha abana abahe ibyo yabanje kugerageza kuko ngo yumvise ko aka kaboga gafite intungamubiri nyinshi.

    Yishimiye uburyohe bwazo ati ' Mbega inyama ziryoshye! Zirenze inyama z'inkoko kuko iz'inkoko ziraryoha ariko ziba zumye ukuntu, ariko izi ziroroshye cyane zifite umwihariko, mu buryohe nazishyira hagati y'inkoko n'ifi ikaranze neza'.

    Akomeza ati 'Iki kiribwa gifite intungamubiri, bakagombye kugishyira muri gahunda ya Leta bakagikangurira abana, indwara ziterwa n'imirire mibi zigacika, kandi mwibuke ko twiteguye abashyitsi muri CHOGM, ni ngombwa ko abantu baza bisanga, ntibaze ngo baburare kuko babuze ibiribwa by'iwabo'.

    Kwizera Bienvenue, Umwarimu muri Kaminuza ya UTAB, na we wanyuzwe n'icyo kiribwa yagize ati 'Ni ikiribwa nishimiye impumuro yacyo, ni inyama nziza kandi ziraryoshye, njye naziriye, ntaho zihuriye n'inyama z'inkoko izi zirarenze, ahubwo uyu musore umushinga we awugeze ku banyarwanda bose borore aya matungo, ndi urugero rwiza rwo guhamya ko amafunguro y'ibinyamushongo aryoha'.

    Intore Jean Bosco umwe mu bakozi ba Hoteli wayoboye icyo gikorwa cyo guteka izo nyama, yavuze ko batetse izo nyama mu rwego rwo kongerera Abakiriya babo serivise zinyuranye, aho yizeye ko bizongera abakiriya ubwo inama ya CHOGM izaba itangiye.

    Ati 'Hoteli yacu yakiriye amafunguro adasanzwe, ariko tuba dufite muri gahunda mu rwego rwo kongera abakiriya no kubaha ibibanezeza bitandukanye, ni byiza ko dutegura amafunguro adasanzwe y'ibinyamujonjorerwa bisanzwe bituye ino iwacu mu makoro, numva ko muri CHOGM bishobora kongera abakiriya muri Hoteli yacu'.

    Akomeza avuga ko ari kenshi bajya bakira ubutumwa bw'abashaka kuza muri Hoteli babaza niba bafite amafunguro y'ibinyamujonjorerwa, avuga ko mu rwego rwo gutuma abakiriya banyurwa n'ibyo basanze muri hoteli, izo nyama ari kimwe mu bizabafasha kunguka abakiriya benshi.

    Ku bijyanye n'ibiciro aho byagaragaye ko izo nyama zihenze kurusha izisanzwe, yagize ati 'Ku biciro urabona ni amafunguro mashya yinjiye muri hoteli, turashaka kubimenyereza abantu mu biciro biciriritse, Burusheti tuzajya tuyitangira 1500FRW, ipura isanzwe iriho amashaza n'ibindi ntituzarenza 3000 FRW, ariko ku muntu w'umunyamahanga iyo pura tuzajya tuyimuhera 15000FRW, kuko iwabo usanga igura hafi ibihumbi 30 FRW, ni mu gihe isambusa izajya igurishwa 1000FRW'.

    Imbabazi Dominique Xavio nyiri umushinga Golden Insect Ltd worora ibinyamujonjorerwa, yavuze ko yatekereje ubwo bworozi agamije gufasha abanyarwanda kubona ibiribwa bifite intungamubiri, kandi afasha igihugu kwakira abanyamahanga banyuranye baba bashaka kubonera mu Rwanda amafunguro y'iwabo.

    Uyu Rwiyemezamirimo, akomeza avuga ko yiteguye kubona Abaguzi benshi bityo bikazamufasha kuzamura umushinga we no kuwuteza imbere. Avuga ko iyo ibintu ari bishya umuntu atangirana na bikeya, uko isoko ryaguka akaba ari nako wongera umusaruro. Ahamya ko uko abantu bazagenda babishaka ari benshi ari nako azongera umusaruro w'ibyo akora mu bwinshi no mu bwiza, agahaza igihugu cyose ndetse akaba yanakoreza mu mahanga'.

    Munyaneza Theogene / intyoza.com

    Source : https://www.intyoza.com/inyama-yikinyamujonjorerwa-i-musanze-iragurwa-nufite-ikofi-irimo-agatubutse/

  • Umwarimukazi w'umuzungu yifotoye akandagiye ku munyeshuri w'umwirabura arangije ayoherereza ababyeyi be #rwanda #RwOT

    Umwarimukazi wo muri Leta ya Texas muri US yahagaritswe ku mirimo ye nyuma yo gushyira hanze ifoto akandagiye umunyeshuri w'Umwirabura w'imyaka 10 nyuma yo kumenya ko umupolisi witwa Derek Chauvin ahamwe n'ibyaha 3 birimo icyo kwica George Floyd.

    Uyu mwarimukazi utavuzwe amazina w'ahitwa Lamar Elementary muri Greenville yahagaritswe ku mirimo ye nyuma y'uko iyi foto igiye hanze kuwa 20 Mata by'umwihariko ku rubuga rwa Facebook.

    Iyi foto yagiye hanze nyuma y'urubanza rwa Derek Chauvin wakoraga akazi k'Ubupolisi uherutse guhamwa n'icyaha cyo kwica umwirabura witwa George Floyd.

    Uyu mwarimukazi yari asanzwe ari inshuti ya nyina w'uyu mwana w'umuhungu ariko yatunguranye amwoherereza iyi foto akandagiye ku ntugu uyu mwana.

    Uyu mubyeyi yavuze ko atari azi ko uyu mwarimu agira ivanguraruhu cyangwa se ko ashobora kubura akazi ke kubera gukinisha abantu.

    Se w'uyu mwana witwa Shamell,yagize ati 'Ntabwo nakunze ibyo nabonye.Sinumvise neza ibyabaye ariko icyo nzi neza nuko bitari bikwiriye kubaho.'


    Source : http://umuryango.rw/imyidagaduro/imikino/article/umwarimukazi-w-umuzungu-yifotoye-akandagiye-ku-munyeshuri-w-umwirabura-arangije

  • RDF yahishuye uko itoza abifuza kuba abofisiye (Video) –

    Inshingano z’ibanze z’ingabo ni ukurinda Abanyarwanda n’ibyabo binyuze mu kubacungira umutekano no kurinda amahoro. Kubera uyu mwihariko, abasirikare bategurirwa kwinjira mu gisirikare bahabwa umwihariko kugira ngo bazarangwe n’imyitwarire ikwiye muri uwo mwuga.

    Kuva ku basirikare bato kugera no ku bofisiye bitegura kwinjira mu ngabo bahabwa imyitozo iherekejwe n’amasomo atandukanye abatyaza mu ngeri zitandukanye.

    Muri iyi nkuru turagaruka by’umwihariko ku myitozo ihabwa abofisiye bitegura kwinjira mu ngabo z’u Rwanda.

    Imyitozo bahabwa ahanini iba ishingiye ku kudasobanya, kuvuduka mu byo bakora no guhuza intego byose bikorwa mu nyungu rusange z’igihugu n’abagituye.

    Ubusanzwe mu mwuga wa gisirikare, abofisiye baba ari abayobozi b’ingabo bashinzwe abasirikare n’ibikoresho mu gihe cy’amahoro n’icy’intambara.

    Muri izi nshingano, basabwa kumenya gufata ibyemezo mu gihe gikwiriye ndetse n’ibikorwa binoze kugira ngo byihutishe ikigenderewe.

    Mu kubaka igisirikare cy’umwuga gishingiye ku bumenyi, RDF yashyize imbaraga mu Ishuri rya Gisirikare rya Gako (RMA) riri mu Karere ka Bugesera rigira uruhare rukomeye mu gutoza abofisiye.

    Intego y’iri shuri ni ugutoza no kwigisha abitegura kuba abofisiye, indangagaciro z’umwuga wa gisirikare.

    Kuva mu 1999 kugeza mu 2015, RMA yatangaga amasomo y’umwaka umwe ku bitegura kuba abofisiye, ariko kuva muri uwo mwaka hatangijwe amasomo y’imyaka ine ku bufatanye na Kaminuza y’u Rwanda, aho kuri ubu iri shuri rifite amashami arindwi arimo Ubuvuzi, Ikoranabuhanga, Ubuhanga mu by’Ubukanishi, Ubumenyi mbonezamubano, Ubugenge, Imibare, Ubutabire n’Ibinyabuzima.

    Abategurirwa kuba abofisiye banyura muri iri shuri batozwa mu buryo butandukanye aho bakora ibikorwa bigenda byuzuzanya, birimo imyitozo ngororamubiri, amasomo yo mu ishuri, imikino n’imyidagaduro ndetse n’umuco.

    Abanyeshuri bitegura kuba abofisiye bahuriza kuba urubyiruko arirwo rufite mu biganza byarwo kurinda igihugu ndetse bakanarushishikariza kwinjira mu gisirikare.

    Alice Mukashyaka yagize ati “Nanjye mbere numvaga bizangora cyane cyane nk’umukobwa. Ikintu cya mbere ni ubushake kuko iyo ushaka ikintu uragiharanira. Rubyiruko nimuze dukorere igihugu cyacu, nitwe mbaraga zacyo kuko abatubanjirije bakeneye abazaza nyuma yabo kugira ngo u Rwanda turusigasire.’’

    Jean de Dieu Gisa Gatsinzi yavuze ko igisirikare gifite inyungu nyinshi ziva ku muntu umwe zikagera ku gihugu cyose.

    Yagize ati “Ni umwuga mwiza cyane, ufasha ukagufungura mu mutwe, ukagufasha no kubaka umubiri bigufasha bikakugirira akamaro. Urubyiruko bagenzi banjye ndabashishikariza kwinjira mu mwuga w’igisirikare bakaza tugafatanya kubaka igihugu cyacu kuko aribo Rwanda rw’Ejo.’’

    Mu gihe cy’imyitozo ndetse na nyuma yayo, abitegura kuba abofisiye baganirizwa n’abasirikare bakuru, abagize guverinoma, intiti ziri mu ngeri zitandukanye ndetse n’Umugaba w’Ikirenga w’Ingabo z’u Rwanda, Paul Kagame babashishikariza guhora biteguye kurinda no kurengera igihugu.

    Mu butumwa butandukanye, Perezida Kagame, yakunze kwerekana ko u Rwanda rukwiye kubaka ubushobozi mu kwigira, kwiteza imbere, kwihaza ndetse n’ubwo kurengera inyungu z’igihugu.

    Yagize ati “Tugomba kurengera inyungu zacu, tugomba kurengera iterambere ryacu, tugomba kurengera abaturage bacu.’’

    Mu mwaka ushize, ku wa 29 Ukwakira, Perezida Kagame yasuye abitegura kuba abofisiye batorezwa i Gako.

    Ishuri rya Gisirikare rya Gako ritanga amahugurwa y’ibyiciro bitatu birimo icy’ababa bararangije Kaminuza bahugurwa umwaka umwe, abarangije Kaminuza bafite ubumenyi bwihariye bukenewe mu ngabo biga amezi atandatu n’abahabwa amasomo y’igihe kirekire mu mashami atandukanye biga imyaka ine.

    Inyubako z’iri shuri zubatswe mu 1960. Mu mwaka wa 1974 ni bwo hatangiye gutangirwa amahugurwa ku binjira mu gisirikare bato.

    Iri shuri rifite umwihariko w’uko mu 1994 ariho hahurijwe ingabo za Ex-FAR zije kwinjizwa mu Gisirikare cya RPA. Mu 1999 ni bwo hatangiye gutangirwa amahugurwa ku bofisiye bakuru.

    Amafoto y’abofisiye basoje amasomo ku wa 16 Ugushyingo 2019

    Abasoje amasomo ya gisirikare biyemeje kucyitangira no kwegera abaturage mu kugicungira umutekano

    Abasoje amasomo babwiwe ko kurinda umutekano w’igihugu n’abagituye ari umwuga mwiza, udateye ubwoba, ushimishije kandi ko kuwujyamo ari amahirwe atagira uko asa

    Mu basoje amasomo barimo abagera kuri 283 bamaze umwaka umwe, bane batorejwe hanze y’u Rwanda na 37 bari bamaze imyaka ine biga mu Ishuri rya Gisirikare i Gako

    Abasoje amasomo ya gisirikare babwiwe ko bahisemo neza kuko umwuga wabo ari ingenzi cyane mu buzima bw’igihugu

    Abakobwa 29 nibo basoje amasomo mu basirikare 320 bari bamaze igihe bari mu myitozo n’amahugurwa bya gisirikare i Gako

    Abofisiye 320 ni bo basoje amasomo mu Ishuri rya Gisirikare rya Gako

    Bagaragaje ko bahawe ubumenyi bukenewe mu gihe bamaze mu Ishuri rya Gisirikare riri i Gako mu Karere ka Bugesera

    Perezida Kagame ni we wahaye ipeti abofisiye bose uko ari 320 barimo abagera kuri bane bigiye amasomo ya gisirikare mu bihugu by’amahanga

    Mu mwaka ushize, Perezida Kagame yasuye abitegura kuba abofisiye i Gako

    Perezida Kagame n’Umugaba Mukuru w’Ingabo z’u Rwanda, Gen Jean Bosco Kazura, ubwo bageraga mu Kigo cya Gisirikare i Gako

    Perezida Paul Kagame yasuye abitegura kuba abofisiye batorezwa mu Ishuri rya Gisirikare riri i Gako mu Bugesera

    Perezida Kagame yahaye impanuro abitegura kuba abofisiye batorezwa i Gako

    Bateze amatwi bumva impanuro zitandukanye bahawe n’Umugaba w’Ikirenga w’Ingabo z’u Rwanda, Perezida Paul Kagame

    Abofisiye batorezwa kwinjira mu Ngabo z’u Rwanda basabwa guhora bari maso no guharanira inyungu z’abaturage

    -  Reba akarasisi k’abofisiye ubwo basozaga amasomo mu 2019

    Kanda hano urebe andi mafoto menshi

    Amafoto: Niyonzima Moïse

  • RDF yahishuye uko itoza abifuza kuba abofisiye (Video) – #rwanda #RwOT

    Inshingano z'ibanze z'ingabo ni ukurinda Abanyarwanda n'ibyabo binyuze mu kubacungira umutekano no kurinda amahoro. Kubera uyu mwihariko, abasirikare bategurirwa kwinjira mu gisirikare bahabwa umwihariko kugira ngo bazarangwe n'imyitwarire ikwiye muri uwo mwuga.

    Kuva ku basirikare bato kugera no ku bofisiye bitegura kwinjira mu ngabo bahabwa imyitozo iherekejwe n'amasomo atandukanye abatyaza mu ngeri zitandukanye.

    Muri iyi nkuru turagaruka by'umwihariko ku myitozo ihabwa abofisiye bitegura kwinjira mu ngabo z'u Rwanda.

    Imyitozo bahabwa ahanini iba ishingiye ku kudasobanya, kuvuduka mu byo bakora no guhuza intego byose bikorwa mu nyungu rusange z'igihugu n'abagituye.

    Ubusanzwe mu mwuga wa gisirikare, abofisiye baba ari abayobozi b'ingabo bashinzwe abasirikare n'ibikoresho mu gihe cy'amahoro n'icy'intambara.

    Muri izi nshingano, basabwa kumenya gufata ibyemezo mu gihe gikwiriye ndetse n'ibikorwa binoze kugira ngo byihutishe ikigenderewe.

    Mu kubaka igisirikare cy'umwuga gishingiye ku bumenyi, RDF yashyize imbaraga mu Ishuri rya Gisirikare rya Gako (RMA) riri mu Karere ka Bugesera rigira uruhare rukomeye mu gutoza abofisiye.

    Intego y'iri shuri ni ugutoza no kwigisha abitegura kuba abofisiye, indangagaciro z'umwuga wa gisirikare.

    Kuva mu 1999 kugeza mu 2015, RMA yatangaga amasomo y'umwaka umwe ku bitegura kuba abofisiye, ariko kuva muri uwo mwaka hatangijwe amasomo y'imyaka ine ku bufatanye na Kaminuza y'u Rwanda, aho kuri ubu iri shuri rifite amashami arindwi arimo Ubuvuzi, Ikoranabuhanga, Ubuhanga mu by'Ubukanishi, Ubumenyi mbonezamubano, Ubugenge, Imibare, Ubutabire n'Ibinyabuzima.

    Abategurirwa kuba abofisiye banyura muri iri shuri batozwa mu buryo butandukanye aho bakora ibikorwa bigenda byuzuzanya, birimo imyitozo ngororamubiri, amasomo yo mu ishuri, imikino n'imyidagaduro ndetse n'umuco.

    Abanyeshuri bitegura kuba abofisiye bahuriza kuba urubyiruko arirwo rufite mu biganza byarwo kurinda igihugu ndetse bakanarushishikariza kwinjira mu gisirikare.

    Alice Mukashyaka yagize ati 'Nanjye mbere numvaga bizangora cyane cyane nk'umukobwa. Ikintu cya mbere ni ubushake kuko iyo ushaka ikintu uragiharanira. Rubyiruko nimuze dukorere igihugu cyacu, nitwe mbaraga zacyo kuko abatubanjirije bakeneye abazaza nyuma yabo kugira ngo u Rwanda turusigasire.''

    Jean de Dieu Gisa Gatsinzi yavuze ko igisirikare gifite inyungu nyinshi ziva ku muntu umwe zikagera ku gihugu cyose.

    Yagize ati 'Ni umwuga mwiza cyane, ufasha ukagufungura mu mutwe, ukagufasha no kubaka umubiri bigufasha bikakugirira akamaro. Urubyiruko bagenzi banjye ndabashishikariza kwinjira mu mwuga w'igisirikare bakaza tugafatanya kubaka igihugu cyacu kuko aribo Rwanda rw'Ejo.''

    Mu gihe cy'imyitozo ndetse na nyuma yayo, abitegura kuba abofisiye baganirizwa n'abasirikare bakuru, abagize guverinoma, intiti ziri mu ngeri zitandukanye ndetse n'Umugaba w'Ikirenga w'Ingabo z'u Rwanda, Paul Kagame babashishikariza guhora biteguye kurinda no kurengera igihugu.

    Mu butumwa butandukanye, Perezida Kagame, yakunze kwerekana ko u Rwanda rukwiye kubaka ubushobozi mu kwigira, kwiteza imbere, kwihaza ndetse n'ubwo kurengera inyungu z'igihugu.

    Yagize ati 'Tugomba kurengera inyungu zacu, tugomba kurengera iterambere ryacu, tugomba kurengera abaturage bacu.''

    Mu mwaka ushize, ku wa 29 Ukwakira, Perezida Kagame yasuye abitegura kuba abofisiye batorezwa i Gako.

    Ishuri rya Gisirikare rya Gako ritanga amahugurwa y'ibyiciro bitatu birimo icy'ababa bararangije Kaminuza bahugurwa umwaka umwe, abarangije Kaminuza bafite ubumenyi bwihariye bukenewe mu ngabo biga amezi atandatu n'abahabwa amasomo y'igihe kirekire mu mashami atandukanye biga imyaka ine.

    Inyubako z'iri shuri zubatswe mu 1960. Mu mwaka wa 1974 ni bwo hatangiye gutangirwa amahugurwa ku binjira mu gisirikare bato.

    Iri shuri rifite umwihariko w'uko mu 1994 ariho hahurijwe ingabo za Ex-FAR zije kwinjizwa mu Gisirikare cya RPA. Mu 1999 ni bwo hatangiye gutangirwa amahugurwa ku bofisiye bakuru.

    Amafoto y'abofisiye basoje amasomo ku wa 16 Ugushyingo 2019

    Abasoje amasomo ya gisirikare biyemeje kucyitangira no kwegera abaturage mu kugicungira umutekano

    Abasoje amasomo babwiwe ko kurinda umutekano w'igihugu n'abagituye ari umwuga mwiza, udateye ubwoba, ushimishije kandi ko kuwujyamo ari amahirwe atagira uko asa

    Mu basoje amasomo barimo abagera kuri 283 bamaze umwaka umwe, bane batorejwe hanze y'u Rwanda na 37 bari bamaze imyaka ine biga mu Ishuri rya Gisirikare i Gako

    Abasoje amasomo ya gisirikare babwiwe ko bahisemo neza kuko umwuga wabo ari ingenzi cyane mu buzima bw’igihugu

    Abakobwa 29 nibo basoje amasomo mu basirikare 320 bari bamaze igihe bari mu myitozo n’amahugurwa bya gisirikare i Gako

    Abofisiye 320 ni bo basoje amasomo mu Ishuri rya Gisirikare rya Gako

    Bagaragaje ko bahawe ubumenyi bukenewe mu gihe bamaze mu Ishuri rya Gisirikare riri i Gako mu Karere ka Bugesera

    Perezida Kagame ni we wahaye ipeti abofisiye bose uko ari 320 barimo abagera kuri bane bigiye amasomo ya gisirikare mu bihugu by’amahanga

    Mu mwaka ushize, Perezida Kagame yasuye abitegura kuba abofisiye i Gako

    Perezida Kagame n’Umugaba Mukuru w’Ingabo z’u Rwanda, Gen Jean Bosco Kazura, ubwo bageraga mu Kigo cya Gisirikare i Gako

    Perezida Paul Kagame yasuye abitegura kuba abofisiye batorezwa mu Ishuri rya Gisirikare riri i Gako mu Bugesera

    Perezida Kagame yahaye impanuro abitegura kuba abofisiye batorezwa i Gako

    Bateze amatwi bumva impanuro zitandukanye bahawe n'Umugaba w'Ikirenga w'Ingabo z'u Rwanda, Perezida Paul Kagame

    Abofisiye batorezwa kwinjira mu Ngabo z'u Rwanda basabwa guhora bari maso no guharanira inyungu z’abaturage

    -  Reba akarasisi k'abofisiye ubwo basozaga amasomo mu 2019

    Kanda hano urebe andi mafoto menshi

    Amafoto: Niyonzima Moïse

    Source : http://igihe.com/amakuru/u-rwanda/article/rdf-yahishuye-uko-itoza-abifuza-kuba-ba-ofisiye-video

  • Davis D na Kevin Kade batawe muri yombi bakekwaho icyaha cyo gusambanya umwana #rwanda #RwOT

    Icyishaka David umaze kwamamara mu muziki nka Davis D na Ngabo Richard uzwi nka Kevin Kade batawe muri yombi bakurikiranyweho icyaha cyo gusambanya umwana n'ubufatanyacyaha mu gusambanya umwana w'umukobwa w'imyaka 17.

    Aba bombi Urwego rw'Igihugu rw'Ubugenzacyaha, RIB, rwabataye muri yombi tariki ya 21 na 24 Mata 2021. Aba bahanzi bafunganywe na Habimana Thierry usanzwe ukora akazi ko gufotora.

    RIB ivuga ko ibi byaha babikoreye muri Kicukiro na Nyarugenge ku matariki atandukanye ariyo ku wa 18 na 19 Mata 2021.

    Amakuru agera kuri IGIHE ni uko Habimana Thierry yasambanyije uyu mwana nyuma yo kumutumira mu birori by'isabukuru tariki 19 Mata 2021, byabereye muri amwe mu mahoteli i Kigali, hanyuma akaza kumutahana, akaza gufatirwa iwe mu Murenge wa Nyarugenge.

    Umuvugizi w'Umusigire wa RIB, Dr. Murangira B. Thierry, yabwiye IGIHE dukesha iyi nkuru ko aba bahanzi bari mu maboko y'inzego z'ubutabera.

    Yakomeje ati 'Uwakorewe icyaha n'abagikekwaho boherejwe kuri Rwanda Forensic Laboratory itanga serivisi z'ibimenyetso byifashisha ubuhanga n'ikoranabuhanga bikoreshwa mu butabera kugira ngo hafatwe ibimenyetso bizashingirwaho mu butabera.''

    RIB yavuze ko icyaha cyo gusambanya abana gikwiriye guhashywa ndetse isaba abaturage gutanga amakuru ku gihe ngo gikumirwe.

    Dr Murangira yagize ati 'RIB ntizihanganira umuntu wese uzasambanya umwana. Iributsa kandi ko umwana ari umuntu wese utarageza imyaka 18 y'amavuko. Ubukure ntibureberwa mu gihagararo cyangwa ikimero. Nta rwitwazo rwagombye kubaho, igihe cyose umwana atarageza imyaka 18 amategeko azakomeza kumurengera. Dufatanye twese kurinda umwana gusambanywa. Watanga amakuru ku 166, 116 cyangwa kuri website ya RIB e-menyesha.''

    Abafashwe bafungiye kuri Sitasiyo ya RIB ya Nyamirambo mu gihe iperereza rikomeje kugira ngo hakorwe dosiye ishyikirizwe Ubushinjacyaha.

    Igitabo cy'amategeko ahana ibyaha mu Rwanda giteganya ko icyaha cyo gusambanya umwana gihanwa n'ingingo ya 133 y'itegeko No 68/2018 ryo ku wa 30 Kanama 2018 riteganya ibyaha n'ibihano muri rusange. Ugihamijwe ahanishwa igifungo kitari munsi y'imyaka 20 ariko kitarenze 25.

    INKURU YA IGIHE

    Source : http://umuryango.rw/amakuru/mu-mahanga/ubutabera/article/davis-d-na-kevin-kade-batawe-muri-yombi-bakekwaho-icyaha-cyo-gusambanya-umwana

  • Guverineri Habitegeko yasuye ibikorwa by'iterambere mu Mujyi wa Rubavu (Amafoto) – #rwanda #RwOT

    Ni uruzinduko Guverineri Habitegeko ari kugirira mu turere dutandukanye tw'Intara y'Uburengerazuba agamije kureba uko bimwe mu bikorwa biri mu mihigo biri gushyirwa mu bikorwa.

    Kuri uyu wa Gatanu aherekejwe n'abayobozi b'Akarere ka Rubavu, abayobozi ku rwego rw'Intara, abashinzwe Umutekano barimo Ingabo na Polisi basuye ibikorwa birimo ahari umuhanda Byahi-Karundo wa kilometero 5,8 ndetse n'inyubako zitandukanye zirimo amashuri, Poste de Sante n'inkuta zizafata umugezi wa Sebeya.

    Aganira n'itangazamakuru nyuma y'urugendo, Guverineri Habitegeko yavuze ko ibikorwa yasuye hari aho yabonye biri mu nzira nziza ariko ko hari n'ahakenewe gushyirwamo imbaraga.

    Ati 'Twasuye imihanda irimo kubakwa mu gice cy'umujyi wa Rubavu. Twasuye ahari kubakwa urugomero rw'amashanyarazi avuye muri Gaz methane, uruganda ruzatanga amazi mu mujyi no mu nkengero z'umujyi ndetse no mu karere ka Nyabihu, ibikorwa by'umushinga wa Sebeya, inyubako zirimo kubakirwa abatishoboye n'izirimo kubakirwa abarokotse Jenoside yakorewe abatutsi.'

    'Muri rusange twasanze hari ibiri ku rugero rwiza ariko dusanga hari n'ibikwiriye gushyirwamo imbaraga kugira ngo nabyo byihute byuzure bikore''.

    Habitegeko yavuze ko muri rusange imihigo ihagaze neza, asaba ababishinzwe gushyiramo imbaraga kuko umuhigo urangira ari uko nyirawo ari we muturage arimo kuwubyaza umusaruro.

    Ati 'Iyi Ntara ifite imihigo myiza izana impinduka mu buzima bw'abaturage. Muri rusange imihigo ihagaze neza ariko iki ni igihe abantu bagomba gukora cyane.'

    Uru rugendo rwatangiriye mu karere ka Karongi hakaba hatahiwe Nyabihu,Ngororero, Rusizi, Nyamasheke na Rutsiro.

    Guverineri Habitegeko yasobanuriwe ku iyubakwa ry’umuhanda Stade Byahi -Karundo uzahuza ibice by’umujyi

    Guverineri Habitegeko yashimye imikorere y’umushinga wo kubungabunga umugezi wa Sebeya

    Guverineri Habitegeko yasobanuriwe ko icyadindije iyubakwa ry’umudugudu w’abatishoboye ari ubuvumo wubatseho bikamenyekana nyuma

    Guverineri Habitegeko yasobanuriwe uko Gaz methane izabyazwamo amashanyarazi

    Shema Power Plant ni umushinga witezweho kuzatanga megawat 15 z’amashanyarazi avuye muri Gaz methane

    Umudugudu wubakiwe abarokotse Jenoside yakorewe abatutsi wa Mudende

    Umuhanda Stade Byahi Karundo wahuje umurenge wa Rubavu n’uwa Gisenyi bituma umujyi waguka

    Umuyobozi w akarere ka Rubavu Habyarimana Gilbert yereka Guverineri Habitegeko aho umugezi wa Sebeya winjirira mu kiyaga cya Kivu

    Urukuta rugabanya ingufu z’umugezi wa Sebeya

    Guverineri Habitegeko yasabye ko imirimo yo kubaka amashuri ya Nyarubande yihutishwa

    Source : http://igihe.com/amakuru/u-rwanda/article/guverineri-habitegeko-yasuye-ibikorwa-by-iterambere-mu-mujyi-wa-rubavu-amafoto

  • Perezida Kagame yazamuye mu mapeti abayobozi bo muri Polisi y'u Rwanda no muri RCS #rwanda #RwOT

    Nyakubahwa Perezida Kagame yazamuye mu ntera abayobozi bakuru muri polisi y'u Rwanda no mu rwego rw'igihugu rushinzwe amagereza.

    Abazamuwe ni:

    Umuyobozi wungirije wa Polisi y'Igihugu ushinzwe Ubutegetsi n'Imari Chantal Ujeneza yahawe ipeti rya Deputy Commissioner General (DCG) mu gihe Umuyobozi wa Polisi wungirije ushinzwe ibikorwa CP Felix Namuhoranye yahawe ipeti rya Deputy Commissioner General (DCG) muri Polisi y'u Rwanda.

    Mu mwaka wa 2018 nibwo Dan Munyuza yagizwe Umuyobozi Mukuru wa Polisi y'u Rwanda. Icyo gihe Felix Namuhoranye yagizwe Umuyobozi Mukuru Wungirije wa Polisi y'Igihugu ushinzwe Ibikorwa.

    Tariki 15 Mata uyu mwaka DCGP Marizamunda Juvénal yagizwe Komiseri Mukuru wa RCS asimbuye CGP George Rwigamba. Mbere yo kujya kuri uwo mwanya, Marizamunda yari Umuyobozi wungirije wa Polisi y'Igihugu ushinzwe abakozi n'imiyoborere.

    Muri izo mpinduka ni nabwo Jeanne Chantal Ujeneza wari Komiseri Mukuru wungirije muri RCS yagizwe Umuyobozi wungirije wa Polisi y'Igihugu ushinzwe Ubutegetsi n'Imari.

    Source : http://umuryango.rw/amakuru/mu-rwanda/umutekano/article/perezida-kagame-yazamuye-mu-mapeti-abayobozi-bo-muri-polisi-y-u-rwanda-no-muri

  • Guverineri Habitegeko yasuye ibikorwa by’iterambere mu Mujyi wa Rubavu (Amafoto) –

    Ni uruzinduko Guverineri Habitegeko ari kugirira mu turere dutandukanye tw’Intara y’Uburengerazuba agamije kureba uko bimwe mu bikorwa biri mu mihigo biri gushyirwa mu bikorwa.

    Kuri uyu wa Gatanu aherekejwe n’abayobozi b’Akarere ka Rubavu, abayobozi ku rwego rw’Intara, abashinzwe Umutekano barimo Ingabo na Polisi basuye ibikorwa birimo ahari umuhanda Byahi-Karundo wa kilometero 5,8 ndetse n’inyubako zitandukanye zirimo amashuri, Poste de Sante n’inkuta zizafata umugezi wa Sebeya.

    Aganira n’itangazamakuru nyuma y’urugendo, Guverineri Habitegeko yavuze ko ibikorwa yasuye hari aho yabonye biri mu nzira nziza ariko ko hari n’ahakenewe gushyirwamo imbaraga.

    Ati “Twasuye imihanda irimo kubakwa mu gice cy’umujyi wa Rubavu. Twasuye ahari kubakwa urugomero rw’amashanyarazi avuye muri Gaz methane, uruganda ruzatanga amazi mu mujyi no mu nkengero z’umujyi ndetse no mu karere ka Nyabihu, ibikorwa by’umushinga wa Sebeya, inyubako zirimo kubakirwa abatishoboye n’izirimo kubakirwa abarokotse Jenoside yakorewe abatutsi.”

    “Muri rusange twasanze hari ibiri ku rugero rwiza ariko dusanga hari n’ibikwiriye gushyirwamo imbaraga kugira ngo nabyo byihute byuzure bikore’’.

    Habitegeko yavuze ko muri rusange imihigo ihagaze neza, asaba ababishinzwe gushyiramo imbaraga kuko umuhigo urangira ari uko nyirawo ari we muturage arimo kuwubyaza umusaruro.

    Ati “Iyi Ntara ifite imihigo myiza izana impinduka mu buzima bw’abaturage. Muri rusange imihigo ihagaze neza ariko iki ni igihe abantu bagomba gukora cyane.”

    Uru rugendo rwatangiriye mu karere ka Karongi hakaba hatahiwe Nyabihu,Ngororero, Rusizi, Nyamasheke na Rutsiro.

    Guverineri Habitegeko yasobanuriwe ku iyubakwa ry’umuhanda Stade Byahi -Karundo uzahuza ibice by’umujyi

    Guverineri Habitegeko yashimye imikorere y’umushinga wo kubungabunga umugezi wa Sebeya

    Guverineri Habitegeko yasobanuriwe ko icyadindije iyubakwa ry’umudugudu w’abatishoboye ari ubuvumo wubatseho bikamenyekana nyuma

    Guverineri Habitegeko yasobanuriwe uko Gaz methane izabyazwamo amashanyarazi

    Shema Power Plant ni umushinga witezweho kuzatanga megawat 15 z’amashanyarazi avuye muri Gaz methane

    Umudugudu wubakiwe abarokotse Jenoside yakorewe abatutsi wa Mudende

    Umuhanda Stade Byahi Karundo wahuje umurenge wa Rubavu n’uwa Gisenyi bituma umujyi waguka

    Umuyobozi w akarere ka Rubavu Habyarimana Gilbert yereka Guverineri Habitegeko aho umugezi wa Sebeya winjirira mu kiyaga cya Kivu

    Urukuta rugabanya ingufu z’umugezi wa Sebeya

    Guverineri Habitegeko yasabye ko imirimo yo kubaka amashuri ya Nyarubande yihutishwa