Webrwanda Backend

Category: Uncategorized

  • Chelsea FC yasanze Manchester City ku mukino wa nyuma wa UEFA Champions League 2021 #rwanda #RwOT

    Chelsea yakinnye umukino wo gushyira hamwe,yasaruye kugera ku mukino wa nyuma wa Champions League isezereye Real Madrid ifite ibi bikombe inshuro 13 mu gihe iyi yo imaze kugitwara inshuro 1 yonyine.

    Mbere y'uyu mukino,Chelsea yari imaze guhura na Real Madrid inshuro 4 ariko nta na rimwe yigeze itsindwa n'iyi kipe yo muri Espagne kuko yatsinze 2 inganya 2.

    Muri uyu mukino wo kuri uyu wa Gatatu,Real Madrid yatangiye umukino ihererekanya cyane kurusha Chelsea ariko ntiyigeze ikora uburyo bwashoboraga kuyihesha igitego nkuko isanzwe ibizwiho.

    Chelsea yari ifite gahunda mu mikinire yagerageje guhagarara neza mu kibuga ndetse icungira ku mipira Real Madrid itakaje byatumye ku munota wa 19 ibona igitego ariko umusifuzi yemeza ko Timo Werner wagitsinze yaraririye.

    Ku munota wa 28 w'umukino,Chelsea yafunguye amazamu ku gitego cyatsinzwe na Timo Werner ku mupira watewe mu izamu na Kai Havertz ukubita umutambiko ugarukira uyu rutahizamu awushyira mu nshundura.Igice cya mbere cyarangiye ari 1-0.

    Nubwo Madrid yarimo umwenda ndetse ishaka kwishyura nibura ngo umukino ujye mu minota 30 y'inyongera,yagaragaje urwego rwo hasi cyane mu minota yakurikiyeho kuko igikomeye yakoze kwari uguhererekanya kurusha kugera imbere y'izamu ngo ishake ibitego.

    Chelsea itagikina umupira uryoheye ijisho,yari nziza ku bijyanye no guhagarara mu kibuga ndetse no kwambura umupira byatumye Madrid itabona iho imenera ngo yugarize izamu ryayo.

    Umutoza Zidane yagerageje kwinjizamo ba rutahizamu barimo Rodrigo,Asensio na Mariano n'abandi bakinnyi bubaka umukino nka Valverde ariko Chelsea y'abakiri bato yamugoye cyane.

    Ku munota wa 86,Chelsea yatsinzeigitego cya kabiri cyaturutse ku mupira wazamukanwe na N'golo Kante wahereje Christian Pulisic nawe awuhereza Mason Mount warebaga izamuryambaye ubusa ashyiramo igitego cya kabiri.

    Ibi byahise bishimangira ko Real Madrid isezerewe ikwiriye kujya gutegura umwaka utaha cyane ko n'umukino warangiye ari 2-0 byiyongereye kuri 1-1 amakipe yombi yanganyije mu mukino ubanza biba 3-1 bya Chelsea.

    Ibi bivuze ko umukino wa nyuma uzahuza amakipe yo mu Bwongereza gusa kuwa 29 Gicurasi 2021 Istanbul muri Turkia.

    ABAKINNYI BABANJE MU KIBUGA KU MPANDE ZOMBI

    Chelsea XI: Mendy, Rudiger, Silva, Christensen, Chilwell, Jorginho, Kante, Azpilicueta, Mount, Havertz, Werner.

    Real Madrid XI :Courtois, Militao, Ramos, Nacho, Mendy, Modric, Casemiro, Kroos, Hazard, Benzema, Vinicius.


    Source : http://umuryango.rw/amakuru/mu-rwanda/ubuzima/article/chelsea-fc-yasanze-manchester-city-ku-mukino-wa-nyuma-wa-uefa-champions-league

  • Ibyemezo by'inama y'abaminisitiri yateranye kuri uyu wa Gatatu #rwanda #RwOT

    Ku wa Gatatu, tariki ya 5 Gicurasi 2021, Inama y'Abaminisitiri yateraniye muri Village Urugwiro iyobowe na Nyakubahwa Perezida wa Repubulika y'u Rwanda, Paul KAGAME.

    1. Inama y'Abaminisitiri yemeje imyanzuro y'Inama y'Abaminisitiri yateranye ku wa 14 Mata no ku wa 19 Mata 2021.

    2. Inama y'Abaminisitiri yongeye gusuzuma ingamba zafashwe zo gukumira ikwirakwira ry'Icyorezo cya COVID-19. Yemeje ko ingamba zikurikira zigomba gushyirwa mu bikorwa mu Gihugu hose guhera ku itariki ya 06 kugeza ku ya 31 Gicurasi 2021.

    a. Ingendo zirabujijwe guhera saa yine z'ijoro (10:00 pm) kugeza saa kumi za mu gitondo (4:00 am). Ibikorwa byose byemerewe gukomeza bizajya bifunga saa tatu z'ijoro (9:00 pm).

    b. Ingendo zirabujijwe guhera saa moya z'ijoro (7:00 pm) kugeza saa kumi za mu gitondo (4:00 am) mu Turere tw'Intara y'Amajyepfo twa Ruhango, Nyanza, Huye, Gisagara, Nyaruguru na Nyamagabe.

    c. Ingendo hagati y'Umujyi wa Kigali n'Intara ndetse no hagati y'Uturere dutandukanye tw'Igihugu zizakomeza.

    d. Abagenzi bose baza n'abava ku Kibuga Mpuzamahanga cya Kigali bagomba kuba bafite icyemezo cy'uko bipimishije COVID-19 (PCR test) amasaha 72 mbere y'uko bahaguruka, kandi bakubahiriza amabwiriza y'Inzego z'Ubuzima yo kwirinda COVID-19.

    e. Abagenzi bose baza mu Rwanda baturutse mu Gihugu cy'u Buhinde bazajya bashyirwa mu kato mu gihe cy'iminsi irindwi (7) muri Hoteli zatoranyijwe. Abari mu kato biyishyurira ikiguzi cya serivisi zose bahabwa.

    f. Imodoka zitwara abantu mu buryo bwa rusange (za bisi) zemerewe gutwara abantu batarenze mirongo irindwi na gatanu ku ijana (75%) by'umubare w'abantu zagenewe gutwara. Abatwara za bisi barasabwa kugenzura ko abagenzi bahana intera kandi bagatwara gusa abambaye agapfukamunwa.

    g. Inama zikorwa imbonankubone (physical meetings) zizakomeza. Umubare w'abitabira inama ntugomba kurenga 30% by'ubushobozi bwo kwakira abantu bw'aho bateranira. Abitabiriye inama basabwa kwipimisha COVID-19 mu gihe umubare wabo urenze 20.

    h. Ibikorwa by'Inzego za Leta bizakomeza, ariko buri rwego rurasabwa gukoresha abakozi b'ingenzi batarenze 30% by'abakozi bose, abandi bakozi bagakorera mu rugo, ariko bakagenda basimburana.

    i. Ibikorwa by'Inzego z'abikorera bizakomeza, ariko buri rwego rurasabwa gukoresha abakozi b'ingenzi batarenze 50% by'abakozi bose, abandi bagakorera mu rugo, ariko bakagenda basimburana.

    Amasoko n'amaduka (markets and malls) azakomeza gukora ariko hajye hasimburana umubare utarenze 50% w'abacuruzi bemerewe kuyakoreramo.

    j. Moto n'amagare byemerewe gukomeza gutwara abagenzi, uretse mu duce twashyizwe muri gahunda ya Guma mu Rugo. Abatwara moto n'amagare barasabwa kubahiriza amabwiriza y'isuku buri gihe.

    k. Insengero zahawe uburenganzira bwo gukora kuko zujuje ibisabwa mu kwirinda COVID-19, zemerewe kwakira mirongo itanu ku ijana (50%) by'ubushobozi bwazo bwo kwakira abantu.

    1. Resitora na café zizakomeza gukora ariko ntizirenze 50% y'ubushobozi bwazo bwo kwakira abantu. Zemerewe kwakira abakiriya kugeza saa tatu z'ijoro (9:00 pm).

    m. Ibigo bikorerwamo imyitozo ngororamubiri (gyms) bizafungura mu byiciro, gahunda y'ifungura izatangazwa na Minisiteri ya Siporo nyuma yo kugenzura ko byubahirije ingamba zo kwirinda COVID-19.

    n. Pisine (swimming pool) na spas zizakomeza gufunga. Icyakora, abantu bacumbitse muri hoteli bemerewe gukora izo siporo muri hoteli bacumbitsemo, ariko berekanye ko bipimishije COVID-19. o. Ibikorwa bya siporo y'umuntu ku giti cye n'izikorerwa hanze abantu bategeranye bizakomeza. p. Utubari twose tuzakomeza gufunga.

    q. Ibikorwa by'ubukerarugendo bizakomeza hubahirizwa amabwiriza yo kwirinda COVID-19. Muri ibyo bikorwa harimo amahoteli, abashinzwe kuyobora ba mukerarugendo (tour operators) na serivisi zo gutwara ba mukerarugendo. Ba mukerarugendo n'ababafasha bagomba kumenyesha RDB gahunda y'ingendo zabo.

    r. Umubare w'abitabira ikiriyo ntugomba kurenza abantu 10 icyarimwe. Imihango yo gushyingura ntigomba kurenza abantu 30.

    s. Ishyingirwa rikorewe imbere y'Ubuyobozi no mu nsengero riremewe, ariko bikitabirwa n'abantu batarenze 30 kandi hakubahirizwa ingamba zo kwirinda COVID-19. Ibirori byo kwiyakira birabujijwe.

    t. Ibikorwa by'imikino y'amahirwe bizakomeza gufunga.

    Abaturage bose barongera kwibutswa ko ari ngombwa kubahiriza amabwiriza yo kwirinda COVID-19 harimo: gusiga intera hagati y'umuntu n'undi, kwambara agapfukamunwa no gukaraba intoki. Abatazabyubahiriza bazafatirwa ibihano.

    3. Inama y'Abaminisitiri yemeje Amasezerano hagati ya Guverinoma y'u Rwanda n'lkigo ZEP-RE cy'Ubwishingizi gikorera mu bihugu bihuriye ku isoko rusange rya Afurika y'lburasirazuba n'iyo mu Majyepfo, yemerera ZEP-RE kugira icyicaro mu Rwanda.

    4. Inama y'Abaminisitiri yemeje ibi bikurikira:

    • Imbanzirizamushinga y'ingengo y'imari ya Leta y'umwaka wa 2021/2022.

    • Raporo ngarukagihe ya 10 y'u Rwanda ku ishyirwa mu bikorwa ry'Amasezerano Mpuzamahanga yerekeye guca burundu ivangura iryo ari ryo ryose rikorerwa abagore.

    5. Inama y'Abaminisitiri yemeje imishinga y'amategeko ikurikira:

    • Umushinga w'itegeko ryerekeye inyandiko zishobora gucuruzwa.

    • Umushinga w'itegeko rigenga ubwizerane.

    • Umushinga w'itegeko rigenga ibigo by'imari iciriritse byakira ubwizigame.
    • Umushinga w'itegeko rigenga uburyo bwo kwishyurana.

    • Umushinga w'itegeko rishyiraho Urwego rw'u Rwanda rushinzwe Isoko ry'Imari n'Imigabane.

    • Umushinga w'itegeko rigenga fondasiyo.

    • Umushinga w'itegeko ryerekeye igihombo cy'isosiyete n'icy'umuntu ku giti cye.

    • Umushinga w'itegeko ryemera kwemeza burundu amasezerano hagati ya Repubulika y'u Rwanda n'Ikigega Mpuzamahanga gitsura Amajyambere, yerekeranye n'inguzanyo hamwe n'impano zigenewe umushinga wo kugoboka mu bihe bidasanzwe byatewe na COVID-19, yashyiriweho umukono i Kigali, mu Rwanda, ku wa 22 Mata 2021.

    • Umushinga w'itegeko ryemera kwemeza burundu Amasezerano y'inguzanyo hagati ya Repubulika y'u Rwanda na Agence Frangaise de Developpement (AFD), igenewe umushinga wo kwegereza abaturage amashanyarazi no kunoza ubuziranenge bwayo, yashyiriweho umukono i Kigali, mu Rwanda, ku wa 23 Mata 2021.

    6. Mu bindi:

    • Minisitiri w'Uburinganire n'Iterambere ry'Umuryango yamenyesheje Inama y'Abaminisitiri ko ku itariki ya 15 Gicurasi 2021, u Rwanda ruzifatanya n'abatuye isi mu kwizihiza Umunsi Mpuzamahanga w'Umuryango.

    • Minisitiri wa Siporo yamenyesheje Inama y'Abaminisitiri ko amakipe y'u Rwanda arimo kwitabira amarushanwa atandukanye, yaba ay'imbere mu Gihugu na mpuzamahanga harimo isiganwa mpuzamahanga ry'amagare rizenguruka u Rwanda (Tour du Rwanda), irushanwa Nyafurika muri Basketball (Basketball Africa League/BAL), isiganwa mpuzamahanga ku maguru ribera i Kigali (Kigali International Peace Marathon) n'imikino y'irushanwa mpuzamahanga ryo ku mugabane w'Afurika rya Volleyball ikinirwa ku mucanga (CAVE Beach Volleyball Continental Cup).

    7. Inama y'Abaminisitiri yashyize mu myanya Abayobozi bakurikira:
    Mud Kaminuza y'u Rwanda/ University of Rwanda:

    • Prof. Dr. Nosa 0. EGIEBOR, Deputy Vice Chancellor of Academic Affairs and Research

    • Dr. Papias Malimba MUSAFIRI, Deputy Vice Chancellor of Strategic Planning and Institutional Advancement

    • Francoise Kayitare TENGERA, Deputy Vice Chancellor of Administration and Finance

    Bikorewe i Kigali, ku wa 05 Gicurasi 2021.

    Dr. Edouard Ngirente Minisitiri w'Intebe

    Source : http://umuryango.rw/amakuru/mu-rwanda/politiki/article/ibyemezo-by-inama-y-abaminisitiri-yateranye-kuri-uyu-wa-gatatu

  • Umunyamakuru Angel Mutabaruka yarokotse impanuka y'imodoka #rwanda #RwOT

    Umunyamakuru wa Radio&TV 1,uzwi cyane mu biganiro bitandukanye,Angelbert Mutabaruka arokotse impanuka ubwo imodoka ye yari anatwaye yagonzwe n'ikamyo yari ipakiye amabuye.

    Iyi mpanuka yabaye mu mugoroba wo kuri uyu wa Gatatu tariki 05 Gicurasi 2021, yabereye Kimirongo mu Karere ka Gasabo mu Mujyi wa Kigali.

    Ni impanuka y'ikamyo yari ipakiye amabuye yo kubakisha yagonze imodoka nto izwi nk'ivatiri yari itwaye n'uyu Munyamakuru Angel Mutabaruka.

    Uyu munyamakuru Angel Mutabaruka, yabwiye UKWEZI dukesha iyi nkuru ko iyi kamyo yahurudutse igakubita iyi vatiri ku rubavu rw'iburyo aho yari anicaye ariko Imana igakinga akaboko.

    Imodoka ya Angel Mutabaruka yangiritse cyane ku gice cy'imbere aho iriya kamyo yayikubitse ariko avamo ari muzima.

    Angel Mutabaruka avuga ko uretse kuba imodoka ye yangiritse cyane ariko we ntacyo yabaye ndetse ko atanakomeretse.

    Angel yamenyekanye cyane kuri Radio Flash ariko yahise yimukira kuri Radio&TV1 ubwo yari imaze gufungura.


    Angel Mutabaruka yarusimbutse

    Source : http://umuryango.rw/ubuzima-115/imibereho/article/umunyamakuru-angel-mutabaruka-yarokotse-impanuka-y-imodoka

  • Perezida Kagame yakoze impinduka mu buyobozi bwa Kaminuza y'u Rwanda – #rwanda #RwOT

    Prof Dr Nosa wahawe inshingano muri UR yari asanzwe ari umwarimu wigisha mu ishami ry'ibidukikije ndetse akaba no mu buyobozi bwa Kaminuza yo muri Leta Zunze Ubumwe za Amerika ya SUNY ESF [State University of New York College of Environmental Science and Forestry].

    Ni mu mpinduka zakozwe n'Inama y'Abaministiri yateraniye muri Village Urugwiro kuri uyu wa Gatatu tariki 5 Gicurasi 2021, iyobowe na Perezida Kagame.

    Ubusanzwe Kaminuza y'u Rwanda yari ifite abayobozi bane bungirije barimo ushinzwe imyigishirize n'ubushakashatsi, ushinzwe igenamigambi n'imiyoborere, ushinzwe iterambere ndetse n'ushinzwe imari. Gusa mu mpinduka zakozwe bagabanyijwe bagirwa batatu.

    Dr Musafiri Papias Malimba, wari usanzwe ari Umuyobozi wungirije wa Kaminuza y'u Rwanda ushinzwe Igenamigambi n'Imiyoborere, yagumishijwe muri uyu mwanya ariko ahabwa inshingano zivuguruye z'Umuyobozi Wungirije Ushinzwe Igenamigambi n'iterambere rya UR.

    Ku rundi ruhande, Françoise Kayitare Tengera wari ushinzwe imari nawe yongerewe inshingano ahabwa kuba Umuyobozi Wungirije ushinzwe Imari n'Imiyoborere.

    Ibyo wamenya kuri Prof Dr Nosa

    Dr. Nosa Egiebor, ni umwarimu mu ishami ry'ibidukikije. Yabanje kuba umuyobozi uri ku rwego rwo hejuru muri Kaminuza ya SUNY ESF.

    Uyu mugabo ukomoka muri Nigeria, ni Enjeniyeri w'umwuga ufite impamyabumenyi ihanitse mu bijyanye na 'Chemical-Metallurgical Engineering' yakuye muri Queen's University iri ahitwa Kingston mu Mujyi wa Ontario mu gihugu cya Canada.

    Mu myaka irenga 30 amaze ari umwarimu, Dr Egiebor yagiye akora mu myanya y'ubuyobozi ndetse akanayobora amashami atandukanye muri Kaminuza zo muri Canada na Leta Zunze Ubumwe za Amerika.

    Yatangiriye ibijyanye no kwigisha nk'umuntu wari ufite impamyabumenyi ihanitse muri Kaminuza ya Alberta yo mu Mujyi wa Edmonton muri Canada.

    Uyu mugabo ibijyanye n'ubushakashatsi nabyo abifitemo uburambe kuko nko mu myaka ya 2011-2014 yari Visi perezida ushinzwe Uburezi Mpuzamahanga n'Ubushakashatsi muri Kaminuza ya Tuskegee University iherereye muri Leta ya Alabama.

    Kuva mu mu 2014 kugeza mu 2017 yakoraga muri Kaminuza ya Mississippi. Ni umwarimu mpuzamahanga akaba umushakashatsi ndetse unakora akazi ko kwigisha muri kaminuza zirimo Berlin University mu Budage, Ankara University muri Turukiya n'izindi.

    Uyu mugabo kandi amaze kwandika inyandiko zirenga 100 zifashishishwa ndetse akunda gutanga amasomo n'ibiganiro mu nama zaba izo muri Amerika ndetse n'izindi mpuzamahanga.

    Prof Dr Nosa O. Egiebor wagizwe Umuyobozi Wungirije Ushinzwe imyigishirize n’Ubushakashatsi muri Kaminuza y’u Rwanda

    Dr Musafiri Malimba yagizwe Umyobozi Wungirije muri UR ushinzwe Igenamigambi n’Iterambere

    Françoise Kayitare Tengera yagizwe Umuyobozi Wungirije Ushinzwe Imari n’Imiyoborere muri UR. Yari asanzwe ashinzwe imari gusa

    Source : http://igihe.com/amakuru/u-rwanda/article/perezida-kagame-yakoze-impinduka-mu-buyobozi-bwa-kaminuza-y-u-rwanda

  • APR FC yatsinze AS Muhanga, Kiyovu Sports yihaniza Rayon Sports Umunsi wa kabiri wa shampiyona(Amafoto) – YEGOB #rwanda #RwOT

    Ku munsi wa Kabiri wa Shampiyona, aho amakipe ari guhatanira kwikura mu matsinda, APR FC yatsinze AS Muhanga, naho Ikipe ya Kiyovu Sports ikura amanota atatu kuri Rayon Sports bahora bahanganye.

    Wari umukino wa Kabiri ku makipe yose aho buri kipe yaharaniraga intsinzi bitewe n'uko muri buri tsinda hahazamuka amakipe abiri ya mbere.

    Umukino waberaga kuri Stade Amahoro watangiye ikipe ya Rayon Sports ishaka gutungurana dore ko byaje no kuyihira maze ku munota wa 4 Manasseh Mutatu atsinda igitego cya mbere cya Rayon Sports ku mupira mwiza w'umuterekano nyuma y'uko abakinnyi ba Kiyovu SC bakiniye nabi Sugira Erneste.

    Kiyovu Sports yakomeje guhatana cyane ishaka kwishyura igitego, ibintu byanaryoheje umukino bituma impande zombi ziharanira ko zabona igitego. Nyuma y'iminota itanu gusa Kiyovu Sports ibifashijwemo na Robert Sabba yaje kwishyura igitego bituma umukino urushaho kuryoha.

    Amakipe yombi yakomeje kotsanya igitutu ariko uburyo bwinshi bwabonekaga ntibubyazwe umusaruro ku mpande zombi nk'aho ku ruhande rwa Kiyovu Sports ku munota wa 34 Nyirikindi Saleh yasigaranye n'umuzamu bikarangira umupira uwuteye inyuma.

    Mu gice cya kabiri umukino watangiranye impinduka, Muhire Kevin asimburwa na Niyonkuru Sadjati bitewe n'imvune yagize yo mu ivi mu minota ya nyuma y'igice cya mbere ahita ajyanwa kwa muganga ngo hasuzumwe uburemere bwayo.

    Kubwo kotsa igitutu, Kiyovu yaje kubona igitego cyatsinzwe na Armel Gislain kiba icya kabiri nyuma yo guhererekanya neza n'abakinnyi batandukanye bituma iyobora umukino.

    Ku munota wa 70, Rayon Sports yari yakoze iyo bwabaga ngo ibone igitego cyo kwishyura, Drissa Dagnogo winjiye asimbuye Nshimiyimana Amran, yateretsemo igitego ku mupira wari utewe na Manasse Mutatu ku makosa yari yakozwe n'abakinnyi ba Kiyovu Sports.

    Muri uyu mukino habonetsemo ikarita y'umutuku yeretswe Niyibizi Emmanuel nyuma y'amakosa yakoreye umukinnyi wa Kiyovu Sports washakaga gutsinda igitego.

    Ku munota wa 88 Kiyovu Sports yashimangiye intsinzi ku gitego cyatsizwe kuri Penaliti yatewe na Bigirimana Abeddy nyuma y'amakosa yakozwe na Hervé Rugwiro kapiteni wa Rayon Sports.

    Muri iri tsinda kandi Gasogi United yanganyije ubusa ku busa na Rutsiro FC iheruka gutsinda Kiyovu Sports. Bivuze ko kugeza ku munsi wa kabiri Rutsiro FC ariyo iyoboye iri tsinda n'amanota 4, Kiyovu Sports na Rayon Sports zifite amanota 3 naho Gasogi United ikagira inota rimwe.

    Mu Istinda A : APR FC yahiriwe n'urugendo, Bugesera isuzugurwa na Gorilla

    Mu itsinda rya mbere APR FC yanyagiye AS Muhanga kuri Stade yayo, ibitego bitatu kuri kimwe, ibitego bya APR FC icya mbere cyatsinzwe na Danny Usengimana kuri penaliti, Olivier Niyonzima Seif atsinda icya kabari ku mupira wari uturutse muri koruneri yatewe na Nsanzimfura Keddy wazonze cyane abakinnyi ba AS Muhanga ndetse arushaho kwigaragaza ko ari umukinnyi mwiza ku gutera imipira y'imiterekano.

    Nyuma y'uko bavuye kuruhuka abasore ba APR FC batangiranye imbaraga bashaka kubona igitego biza no kubahira Bizimana Yannick wakiniye AS Muhanga yinjiza igitego cy'agashinguracumu.

    Umutoza wa AS Muhanga, Nduwantare Ismael, yagerageje gukora impinduka mu kibuga biranga biba iby'ubusa, ariko umukino ugiye kurangira AS Muhanga yabonye igitego cyatsinzwe kuri Penaliti na Minani Paul Valerie.

    Bugesera FC yatsinzwe umukino wa mbere wayo ibitego bitatu na Gorilla FC kuri bibiri, biha amahirwe ikipe ya Gorilla iherutse gutsindwa na APR FC dore ko muri iri tsinda yahise ifata umwanya wa Kabiri n'ubwo Bugesera na AS Muhanga zifite ikirarane kizabahuza.

    Rayon Sport yatsinzwe  na  Kiyovu Sport

     

    APR FC yanyagiye AS Muhanga kuri Stade yayo ibitego bitatu kuri kimwe

    Leave your vote

    Comments

    0 comments

    Source : https://yegob.rw/apr-fc-yatsinze-as-muhanga-kiyovu-sports-yihaniza-rayon-sports-umunsi-wa-kabiri-wa-shampiyonaamafoto/

  • Umusore yahuye n'akaga gakomeye nyuma yo kugaragara akubita nyina akamugira intere. – YEGOB #rwanda #RwOT

    Umusore witwa Sunday Maduegbunam Kosisochukwu ukomoka ahitwa Ogidi, muri Leta ya Anambra,mu gihugu cya Nigeria yahuye n'akaga gakomeye ubwo yajyanwaga mu isoko akazirikwa ku giti arakubitwa cyane azira ko yakubise nyina akamugira inoge.

    Amakuru atangazwa n'ikinyamakuru Antikanews avuga ko uyu musore yafashwe n'abaturanyi be nyuma yo gukubita nyina bamujyana mu isoko bamuzirika ku giti baramukubita bikomeye yambaye ubusa hejuru.

    Urubyiruko rwo mu gace ka Ogidi barakariye cyane uyu Sunday nyuma y'aho amafoto ari gukubita nyina asakajwe hirya no hino ku mbuga nkoranyambaga.

    Mbere y'uko akubitirwa mu isoko,yabanje kubazwa niba ariwe koko uri muri ayo mashusho ari gukubita nyina arabyemera niko kumujyana mu isoko bamutegeka gukuramo imyenda yo hejuru bamuzirika ku giti baramukubita.

    Uyu musore yakubise nyina mu buryo bwa kinyamaswa, nta mutimanama afite. Mu rwego rwo kwihorera, abaturage bahisemo kumuhambira ku giti maze baramukubita bikomeye.

    Leave your vote

    Comments

    0 comments

    Source : https://yegob.rw/umusore-yahuye-nakaga-gakomeye-nyuma-yo-kugaragara-akubita-nyina-akamugira-intere/

  • Umukobwa wavukanye ubumuga bw'uruhu yavuyemo umunyamideli ukomeye ku isi nyuma yo gutabwa n'ababyeyi be akiri uruhinja. – YEGOB #rwanda #RwOT

    Xueli ukomoka mu Bushinwa atangaza ko yatawe n'ababyeyi be akiri uruhinja arererwa mu kigo cy'imfubyi nyuma yo kuvukana ubumuga bw'uruhu, gusa byatumye avamo umunyamideli ukomeye cyane ku Isi.

    Ubusanzwe mu Bushinwa abafite ubumuga bw'uruhu bafatwa nabi ndetse bavuga ko ari igisebo ku muryango ufite bene aba bantu.Abafite ubu bumuga ntibaba basa nk'abandi ku ibara ryuruhu nkuko uyu Xueli yari afite imisatsi yera cyane ,ndetse akabangamirwa n'imirasire y'izuba.

    Ariko uko kudasa n'abandi byatumye Xueli bimwugururira imiryango mubyo kumurika umudeli. Ubu ku myaka 16, aragaragara mu kinyamakuru gikomeye cya Vogue ndetse yamamariza abacuruza imyambaro igezweho.

    Xueli atangaza ko yatangiye kumurika imideli afite imyaka 11 y'amavuko. Akomeza avuga ko mu kumurika imideli, ukudasa n'abandi ari umugisha ukomeye aho kuba umuvumo ndetse ko byatumye amenyekana hose.

    Xueli asigaye amurika imideli

    Src:BBC

    Leave your vote

    Comments

    0 comments

    Source : https://yegob.rw/umukobwa-wavukanye-ubumuga-bwuruhu-yavuyemo-umunyamideli-ukomeye-ku-isi-nyuma-yo-gutabwa-nababyeyi-be-akiri-uruhinja/

  • Umugabo wa Bahavu Jannet yazamuye amarangamutima ye ibyishimo biramusaga barasomana (amashusho) – YEGOB #rwanda #RwOT

    Bahavu Usanase Jannet n'umugabo we Fleury Legend basubije bimwe mu bibazo abakundana bakwiye kubazanya mu rukundo rwabo. Ibi babikoze babinyujije kuri YouTube channel yabo ariyo Fleury&Janet aho buri umwe yari yateguye ibibazo byo kubaza mugenzi we.

    Bimwe mu bibazo bijyanye n'urukundo rwa Bahavu na Fleury harimo n'icy'igisobanuro cy'urukundo rwabo mu ijambo rimwe cyabajijwe Bahavu aho yavuze ko urukundo rwabo ari umunezero. Fleury nawe yunzemo avuga ko koko urukundo rwabo ari umunezero.

    Bahavu yabajije Fleury icyo asobanuye mu buzima bwe nuko Fleury avuga ko Bahavu asobanuye ubuzima, urukundo ndetse n'ibyishimo muri make avuga ko Bahavu ari byose bye. Fleury akivuga ibi, amarangamutima ya Bahavu yahise azamuka maze barasomana.

    Leave your vote

    -1 Points

    Upvote Downvote

    Comments

    0 comments

    Source : https://yegob.rw/umugabo-wa-bahavu-jannet-yazamuye-amarangamutima-ye-ibyishimo-biramusaga-barasomana-amashusho/

  • Indaya yagiye kurarana n'abasore babiri bigeze nijoro irabanyarira||Ibyakurikiyeho ni akumiro. – YEGOB #rwanda #RwOT

    Umukobwa bivugwa ko akora akazi ko kwigurisha yahuye n'uruva gusenya akubitwa n'abasore bari bamuraranye azira kuba yabanyariye mu ijoro baryamye. Amakuru avuga ko aba basore bamukubise bamushinja kubaraza ahantu hatose mu nkari no kunyarira matera yabo kandi ari umuntu mukuru.

    Amafoto y'uyu mukobwa yasakaye mu binyamakuru bitandukanye akubitwa n'aba basore bamuziza kubanyarira.Amakuru ntabwo avuga neza niba uyu mukobwa utatangajwe amazina n'inkomoko ye, yanyaye ku buriri ari mu nzozi cyangwa se yari mu gikorwa cy'imibonano mpuzabitsina. Abasore babiri bari bariye karungu bamukubita, bamutuka banamubwira amagambo mabi nk'ibintu byabababaje cyane.

    Leave your vote

    Comments

    0 comments

    Source : https://yegob.rw/indaya-yagiye-kurarana-nabasore-babiri-bigeze-nijoro-irabanyariraibyakurikiyeho-ni-akumiro/

  • RIB yafunze umushinjacyaha ku rwego rwisumbuye n'umukozi wa MAJ bo mu karere ka Rubavu #rwanda #RwOT

    RIB yafunze Mukeshimana Adrien, umushinjacyaha ku rwego rwisumbuye na Nzakizwanimana Etienne, umukozi wa Maison d'Accès à la Justice (MAJ) mu Karere ka Rubavu.

    Aba bombi bakurikiranyweho kwaka no kwakira ruswa n'ubufatanyacyaha mu kwaka no kwakira ruswa hagamijwe kuburizamo ikurikiranwa ry'icyaha.

    Turacyarikirana iyi nkuru…

    Source : http://umuryango.rw/amakuru/mu-rwanda/umutekano/article/rib-yafunze-umushinjacyaha-ku-rwego-rwisumbuye-n-umukozi-wa-maj-bo-mu-karere-ka