Category: Uncategorized

Bitungura benshi kumva ko umubyeyi wiyubashye asambana n’ umukozi we cyangwa umushoferi nyamara afite umugabo mwiza umukunda
Umugabo umwe utashatse kugaragaza umwirondoro we hano mu itanganzamakuru yatangaje ko byamubayeho. Uyu mugabo uri mu kigero cy’ imyaka 50 ngo muri Nyakanga 2017 nibwo yamenye ko umugore we amuca inyuma akaryamana n’ umushoferi we.
Akibimenya yirinze guhita agaragariza uburakari umugore we, dore ko nubwo umugore we yamucaga inyuma yakomeje kumwubaha nk’ umugabo we akamwitaho nk’ uko bisanzwe.

Yakomeje kumuneka amenya ko afite inzu yakodesheje ahuriramo n’ uyu mushoferi bagakorerayo ayo mabi barangiza umushoferi akamucyura bagataha. Uretse icyo kandi ngo inshuro nyinshi uwo mugore yabaga arimo kwiganirira n’ umushoferi we ibiganiro basanzwe kuri terefone baterana ububyara, umwe abarira undi inkuru umugabo ntabyiteho.
Yatubwiye ko nyuma y’ amezi atanu abimenye yagushije neza umugore bagahuza urugwiro ntibyari bisanzwe mu mubano wabo yarangiza akamwereka ko afite amakuru yose y’ uburyo amuca inyuma anamugaragariza ibimenyetso amubaza ikibitera.

Ngo umugore yaguye mu kantu nyuma yo kumva ko umugabo we amaze amezi atanu abizi ko amuca inyuma nyamara akaba ataramugaragarije umunabi. Ibi ngo byatumye umugore yiyemeza kubwiza umugabo we ukuri.

Yabwiye umugabo we ko impamvu aryamana n’ umushoferi akaba ari nawe akunda kuvugisha inshuro nyinshi kuri terefone ariko iyo ahamagaye umugabo we amubwira nabi 'ngo aramutesha umutwe kandi yibereye mu kazi, nyamara umushoferi we baganira bacishije make akamubarira inkuru akanamutera urwenya.
Uyu mugore yeruriye umugabo we ko nubwo amuca inyuma atamwanga ahubwo aba ashaka uwamufasha ku ruhuka igikabwe n’ igitsure umugabo amushyiraho iyo ashatse ko baganira. ‘
Umugore yongeyeho ko impamvu aryamana n’ umushoferi ari uko baba baganiriye bagahuza urugwiro, bigatuma umwe yisanzura kuwundi kugeza ubwo basambanye.
Uyu mugabo yakomeje avuga ko nawe yasubije inyuma amaso agasanga koko ibyo umugore amuvuzeho abigira. Ngo kuva uwo munsi umugabo yiyemeje kujya afata umwanya akaganiriza umugore we neza nk’ abantu bakundana. Umugore nawe areka kongera guca inyuma uwo bashakanye. Umugabo ati 'Rwose ubu butabanye neza ntabwo akinca inyuma. Inama nagira abagabo ni ukumenya ko abagore bashimishwa no guteteshwa bakabibakorera'
Ushobora kuba utekereza ko impamvu nyamukuru ituma abakozi basambana na nyirabuja ari uko baba batabonye ibyinshimo bihagize mu buriri kuko umugabo adashoboye. Abahanga mu bijyanye n’ imibonano mpuzabitsina 'sexologue’ bavuga ko ibyishimo byo mu gitanda bituruka ku kuntu umugabo n’ umugore babanje kuguyaguyana n’ uburyo umwe yirekuriye mugenzi we.

Dore ibaruwa uyu muyobozi yanditse

Abamotari baganiriye na IGIHE, bavuze ko amakoperative yabo ntacyo abamariye, ahubwo ko ari nk'inzira abayobozi babo bishyiriyeho yo 'Kubakamuramo amafaranga', bitewe n'uko ari bo agirira akamaro mu gihe abanyamuryango bayo bahora bicira isazi mu jisho, n'ubwo bwose batanga umusanzu wa koperative buri kwezi.

Bavuga ko batiyumvisha icyo amafaranga 5 000 Frw batanga nk'umusanzu akoreshwa, kuko iyo bamwe muri bo bakeneye amafaranga nk'inguzanyo, batajya bayahabwa.

Umumotari witwa Habiyambere Patrick yagize ati 'Ntacyo koperative zitumariye ahubwo zikimariye abo bayobozi. None se koperative itakuguriza amafaranga kandi buri kwezi utanga 5 000 Frw byawe iyo iba ikumariye iki? Ariko uzagende usure abo bayobozi urebe uzasanga bose bafite imodoka, bafite na moto zigera ku 10 mu muhanda'.

Yongeyeho ko ubuyobozi bw'Impuzamashyirahamwe y'abamotari, FERWACOTAMO, bukwiye kubazwa aho amafaranga angana na miliyoni 6 Frw bahabwa na Airtel buri kwezi ajyanwa n'icyo akoreshwa.

Uwitwa Bizimungu Innocent, yavuze imibereho y'abamotari muri Kigali yasubiye inyuma kandi ntacyo koperative zikora mu kubafasha kuzamuka.

Ati 'None se nabura kukubwira ko abahinzi baturusha kubaho neza mu gihe iyo bizigamiye muri koperative hashira igihe ukabona irabagurije? Twebwe abayobozi na ya 5 000 Frw umuntu atanze ntushobora kubabaza ayo umaze kwizigamira ngo bayakwereke, ubwo se mu gihe batayakweretse wavuga ko aba yaragiye hehe?'

Yakomeje avuga ko hari amabwiriza ajya ashyirwaho n'ubuyobozi bwa FERWACOTAMO bakabona nta nyungu abazaniye, ahubwo ameze nk'uburyo bwo kubanyunyuzamo amafaranga.

Ati ' Mu minsi ishize ntimwumvise badutegeka gusiga amarangi kuri izi casque zacu ngo utazabikora azajya afatwa banadutegeka umuntu uzajya udusigiraho ayo marangi, ubuse baracyabibaza? None se uragira ngo impamvu batakibibaza si uko bamaze gukuramo ayabo muri uwo mushinga?'

Ku ruhande rwa FERWACOTAMO, Umuyobozi wayo, Ngarambe Daniel, yabwiye IGIHE ko Covid-19 ariyo yatumye batabasha kubonana n'abamotari ku buryo ari yo mpamvu bamwe babona ko ubuyobozi bwabo ntacyo bubafasha.

Yagize ati 'Bakwiye gutandukanya iby'ubuyobozi bwavuyeho kuko habayeho amavugurura kubera iyo mikorere mibi yari imaze kugaragara, bityo hashyirwaho umurongo wo kubaka amakoperative mashya hatorwa n'ubuyobozi bushya kuva 2018'.

Yongeyeho ko 'Ubu ni bwo manda igiye kurangira ariko noneho muri iki gihe twagakwiye kuganiriza abamotari no kubasobanura. Tumaze umwaka tudaterana ngo tubasobanurire ibyo dukora n'ibyo twakagombye kuba twabafashije kubera igihe turimo cya Covid 19.'

Yasobanuye ko mbere ya Covid-19, bari baratangiye kuzenguruka mu bamotari babereka imishinga bafite, ndetse n'ibihombo byatejwe n'ubuyobozi bwa mbere, n'uburyo ibyo bihombo bikwiye gukemurwa.

Uyu muyobozi kandi yavuze ko amafaranga bahabwa na Airtel bayakoresha mu bikorwa byo kwishyura abakozi ba FERWACOTAMO.

Mu Rwanda hari amakoperative 182 y'abamotari barenga 45 000, aho kimwe cya kabiri cyabo bakorera muri Kigali.

Abamotari bavuga ntacyo koperative zibamariye

Ni nyuma y'uko mu minsi ishize abayobozi bakuru muri Denmark bayobowe na Minisitiri w'Ubutwererane n'Iterambere ndetse na Minisitiri w'Abinjira n'Abasohoka bagiriye uruzinduko mu Rwanda bagirana ibiganiro n'Umunyamabanga wa Leta muri Minisiteri y'Ububanyi n'Amahanga ushinzwe Ibikorwa by'Umuryango wa Afurika y'Uburasirazuba, Prof. Nshuti Manasseh.

Muri urwo ruzinduko, impande zombi ku wa 28 Mata 2021, zasinye amasezerano y'ubufatanye mu gukemura ibibazo by'impunzi n'abimukira ndetse n'ubufatanye mu bya politiki.

Impande zombi zisobanura ko ari amasezerano ajyanye no kongera imbaraga mu bufatanye hagati y'u Rwanda na Denmark, buzibanda no ku zindi nzego zirimo ubucuruzi, ishoramari ndetse n'imihindagurikire y'ikirere.

Ubwo hamaraga gushyirwa umukono ku masezerano hagati ya Minisitiri Prof. Nshuti Manasseh na mugenzi we Flemming Møller Mortensen, impande zombi zavuze ko azafasha ibihugu byombi mu guhangana n'ibibazo bibyugarije.

Icyo gihe Prof Nshuti yagize ati 'Aya masezerano aragutse, azibanda ku kibazo cy'ubuhunzi ku Isi, yaba mu Rwanda no mu bindi bihugu birimo na Denmark, azanagaruka ku zindi ngingo zirimo ishoramari, ubucuruzi, gusangira ubunararibonye mu bijyanye n'imihindagurikire y'ikirere ndetse n'ikoranabuhanga kuko bateye imbere cyane mu bijyanye n'ikoranabuhanga.'

Nyuma y'isinywa ry'aya masezerano hari ibitangazamakuru by'umwihariko ibyo muri Denmark byatangaje ko u Rwanda rwemeye kwakira abasaba ubuhungiro muri Denmark.

Mu itangazo ryashyizwe ahagaragara Guverinoma y'u Rwanda yatangaje ko Denmark isanzwe ifasha Ikigo cyakira Abamukira by'igihe gito cya Gashora [Emergency Transit Mechanism Centre], Ku rundi ruhande ariko, iri tangazo rya Guverinoma rivuga ko muri aya masezerano ntaho impande zombi zigeze zemeranya ko u Rwanda ruzakira abasaba ubuhungiro baturutse muri Denmark.

Riti 'Kwakira mu Rwanda abasaba ubuhungiro baturutse muri Denmark no gukurikirana ibijyanye n'abasaba ubuhungiro muri Denmark ntibikubiye muri ayo masezerano.'

U Rwanda na Denmark ni bimwe mu bihugu byashyize umukono ku masezerano yo mu 1951 ajyanye no kwita ku mpunzi ndetse n'ayo mu 1967 yo kurengera impunzi n'abasaba ubuhunzi ndetse ngo ibihugu byombi birateganya gukomeza ibiganiro byubaka hagati yabyo.

Minisiteri y’Ububanyi n’Amahanga y’u Rwanda yashyize hanze itangazo rivuga ko mu masezerano yagiranye na Denmark hatarimo ibijyanye no kwakira impunzi ziturutse muri iki gihugu

U Rwanda rwatangaje ko mu masezerano ruherutse gusinyana na Denmark hatarimo ibijyanye no kwakira impunzi ziturutse muri iki gihugu

Umuhanzi Semivumbi Daniel wamamaye nka Danny Vumbi mu muziki, ku munsi umugore we, Jeannette Muhawenimana yizihizaho isabukuru y’amavuko yamubwiye amagambo aryoheye amatwi.

Buri tariki ya 7 Gicurasi 2021, umugore wa Danny Vumbi akunze kwita Mama Jayz yizihiza isabukuru y’amavuko.

Kuri iyi nshuro abinyujije ku rukuta rwe rwa Instagram, Danny Vumbi yabwiye umugore we ko n’ubwo abantu benshi bamwita uko bashaka bitewe n’uburyo baziranye ariko kuri we ni byose bye.

Ati'Bamwe bagufata nk’umuntu usanzwe baziranye; abandi bakagufata nk’umuturanyi wabo; hari abakuzi nk’uwo bafitanye isano hari n’abakubona nk’umukozi cyangwa umukoresha muri ubu buzima bwacu bwa buri munsi. Njye rero si uko; kuri njye uri umubyeyi, uri nyina w’abana banjye, nyina w’umuntu; inshuti yanjye; byose byanjye. Umunsi mwiza w’amavuko.'

Danny Vumbi n’umugore we bamaranye imyaka 16 babana nk’umugabo n’umugore. Bakoze ubukwe nyuma yo kumara imyaka ine. Urukundo rwabo rwatangiriye mu ngando z’abanyeshuri rukomereza muri kaminuza none ubu bafitanye abana batatu b’abahungu.
Ni bamwe mu byamamare bafite ingo zishikamye mu rukundo ku buryo bugaragara. Bakunda gukorera hamwe haba mu bijyanye n’umuziki w’umugabo n’ibindi bikorwa byabo by’ubucuruzi.

Danny Vumbi yifurije isabukuru nziza umugore we bamaranye imyaka 16

Danny Vumbi yakoresheje umugore we mu ndirimbo Urukundo Rwa Mbere

Uyu mukozi ushinzwe imyitwarire (Préfet de discipline) witwa Muhire Felix yanditse iriya baruwa ku wa 04 Gicurasi 2021.

Umunyeshuri yahannye by’indengakamere ni umukobwa witwa Bayubahe Adeline wiga mu mwaka wa gatandatu w’amashuri yisumbuye.

Muri iyi baruwa ya Muhire Felix asabamo imbabazi uyu munyeshuri w’umukobwa, avuga ko bagiranye ikibazo 'muri classe cyo gusuzugura yangaragarije mu bandi nkamukubita. Nkaba nsaba imbabazi ko narengereye nkamuhana cyane ko bitazasubira.'

Umukozi w’Akarere ka Ruhango ushinzwe uburezi, Mugabe Aimable yemeye ko iki kibazo cyabayeho ubwo uriya mukozi ushinzwe imyitwarire yajyaga kwibutsa abanyeshuri kujya gufata amafunguro, aho kugira ngo bajyeyo bakamusuzugura bakamutera ingwa.

Uyu ushinzwe uburezi, avuga ko uriya mukozi w’ishuri atasabye imbabazi ngo birangrire aho ahubwo ko 'n’ishuri ryahise rimuhagarika iminsi 8 atari mu kazi nk’igihano, ibindi biracyakurikiranwa.'

Iriya baruwa yanditswe n’uriya murezi ndetse n’ifoto igaragaza aho yakubise uriya munyeshuri bikomeje gucicikana ku mbuga nkoranyambaga benshi bagaya uriya ushinzwe imyitwarire y’abanyeshuri ahubwo na we udafite myiza kuko gukubita umwana ubundi bitakiri mu bihano bitangwa mu mashuri.

Inzego zishinzwe uburezi mu Rwanda yaba Minisiteri y’Uburezi ndetse n’Ikigo cy’Igihugu gishinzwe Uburezi REB nta makuru arambuye biratangaza kuri iki kibazo, gusa REB yo yavuze ko itari ikizi ariko ko igiye kugikurikirana.

UKWEZI.RW