Webrwanda Backend

Category: Uncategorized

  • Nyaruguru: Akarere kihaye ukwezi kumwe ko gutuza imiryango 134 itagira aho kuba –

    Byavuzwe kuri uyu wa Gatandatu ubwo mu Murenge wa Ruheru hakorwaga umuganda wo kubakira imiryango ine itari ifite aho kuba. Uwo muganda wateguwe n’abanyamuryango ba FPR Inkotanyi mu Karere ka Nyaruguru, aho bifatanyije n’abaturage ndetse n’ubuyobozi mu gukora icyo gikorwa.

    Bamwe mu bari kubakirwa bavuze ko bamaze igihe kinini basembera, bityo kuba bagiye kubona aho kuba bizabafasha gutuza.

    Harerimana Saverine yari asanzwe acumbitse mu Mudugudu wa Mubuga mu Kagari ka Uwumusebeya, avuga ko yari abayeho mu buzima bubi.

    Ati “Nari mbayeho mu buzima bubi kuko nararaga aho bwije ngeze nahamara ukwezi bakanyirukana kubera kubura ubushobozi bwo kwishyura ubukode. Umugabo yarantaye arigendera kubera kubura amafaranga yo kwishyura inzu. Nkimara kumva ko ndi ku rutonde rw’abagiye kubakirwa byaranshimishije cyane kuko ngiye kubaho ntuje.”

    Imibare itangwa n’Akarere ka Nyaruguru yerekana ko kugeza ubu mu miryango 527 yasenyewe n’ibiza hamaze kubakirwa 473 inzu zikaba zaratashywe, icyenda ziri mu mirimo ya nyuma, 40 zamaze gusakarwa hasigaye kuzikinga, ebyiri ni ibikanka bitarasakarwa naho eshatu zimaze kubonerwa ibibanza biranasizwa.”

    Mu miryango 253 yavanywe mu manegeka, hamaze kubakwa inzu 165 ziratahwa, imwe igiye kuzura, 45 zirasakaye ariko ntizirakingwa, 16 ni ibikanka bikeneye isakaro, 27 ziracyazamurwa inkuta naho imwe ntiratangira kubakwa.

    Iyi mibare yose yerekana ko kugeza ubu imiryango 134 ari yo idafite aho kuba kuko harimo 54 yasenyewe n’ibiza n’indi 80 yakuwe mu manegeka.

    Umuyobozi w’agateganyo w’Akarere ka Nyaruguru, Gashema Janvier, yavuze ko mbere bari bafite imiryango 328 itagira aho kuba barayubakira yose, kuri ubu bakaba bari kubakira abasenyewe n’ibiza n’abakuwe mu manegeka.

    Ati “Ubu rero tugeze hejuru ya 90% kandi intego ni uko biterenze ukwezi kwa turaba twazirangije. Ni igikorwa dufatanyamo n’abaturage.”

    Gashema yavuze ko mu kubakira abo batagira aho kuba hifashishwa umuganda w’abaturage naho amabati yo gusakara agatangwa n’akarere ndetse n’udafte ikibanza akakigurirwa.

    Ubuyobozi bw’Akarere ka Nyaruguru buvuga ko usibye abari kubakirwa kuri ubu, hari umuhigo ko umwaka w’ingengo y’imari wa 2021/22 uzasiga nta muturage uba mu nzu idashimishishije.

    Umuyobozi wa FPR Inkotanyi mu Karere ka Nyaruguru, Nshimiyimana Jean Claude, yavuze ko bateguye umuganda bagamije kunganira akarere mu gushakira abaturage aho kuba hababereye.

    Ati “Umuryango FPR Inkotanyi uharanira ineza n’iterambere ry’Abanyarwanda bose, ibikorwa dukora ni ibigamije imibereho myiza y’abaturage. Si ibi byo kububakira gusa dukora kuko hari n’ibindi nko kubaka amashuri.”

    Abubakiwe inzu basabwe kuzifata neza kugira ngo zitazangirika kandi bashishikarizwa kuyoboka ibikorwa by’iterambere kugira ngo imibereho yabo irusheho kuba myiza.

    Abanyamuryango ba FPR Inkotanyi mu Karere ka Nyaruguru bifatanyije n abaturage ndetse n’ubuyobozi mu kubakira abatagira aho kuba

    Abayobozi bifatanyije n’abaturage mu gukora umuganda wo kubakira abadafite aho kuba

    Akarere ka Nyaruguru kihaya ukwezi kumwe ko gutuza imiryango 134 itagira aho kuba

    Kuri uyu wa Gatandatu mu Murenge wa Ruheru hakozwe umuganda wo kubakira imiryango ine idafite aho kuba

    [email protected]

  • Umugaba Mukuru w’Ingabo z’u Rwanda n’uwa Centrafrique basinye amasezerano #rwanda #RwOT

    w’Ingabo z’u Rwanda, Gen Jean Bosco Kazura yakiraga Umugaba Mukuru w’Ingao wa Centrafrique, Maj Gen Zephlin Mamadou n’itsinda ayoboye mu ruzinduko rw’iminsi irindwi mu Rwanda.

    Minisiteri y’Ingabo mu Rwanda yatangaje ko urwo ruzinduko rwari rugamije kuganira ku bufatanye bw’u Rwanda n’icyo Gihugu mu bya gisirikare nk’uko bigaragara mu maseserano y’ubufatanye mu bya gisirikare yasinywe mu kwezi k’Ukwakira 2019.

    Maj Gen Zephlin Mamadou, yavuze ko isinywa ry’ayo masezerano mashya rikurikira ubufatanye mu bya gisirikare bwatanze umusaruro ufatika ku Gihugu cye.

    Yagize ati 'Nazanye mu Rwanda n’itsinda ry’impuguke mu bya gisirikare ngo tuganire ku masezerano y’ubufatanye mu bya gisirikare bw’ibihugu byombi yasinywe mu bihe byashize. Amasezerano mashya twasinye uyu munsi akurikira ubufatanye bwa hafi Ingabo z’ibihugu byombi zifitanye.'

    Kuri ubu u Rwanda rufite Batayo ebyiri muri Santarafurika n’Ibitaro bya Gisirikare byo ku rwego rwa kabiri, mu Butumwa bw’Umuryango w’Abibumbye bwo kubungabunga amahoro muri icyo Gihugu (MINUSCA).

    Nanone kandi, u Rwanda rwohereje muri icyo Gihugu indi Batayo y’Ingabo zo mu mutwe wihariye (special forces) mu rwego rwo kubahiriza ayo masezerano, zagize uruhare rukomeye mu kugarura amahoro n’umutekano muri icyo Gihugu.

    UKWEZI.RW

    Source : http://www.ukwezi.rw/mu-rwanda/2/article/Umugaba-Mukuru-w-Ingabo-z-u-Rwanda-n-uwa-Centrafrique-basinye-amasezerano

  • Kigali: Bafashwe bari mu nama y'ubukwe barenze ku mabwiriza yo kurwanya COVID-19 #rwanda #RwOT

    Mu Karere ka Gasabo mu Murenge wa Nduba mu Kagari ka Gasanze,mu Mudugudu wa Nyabitare,  ahagana saa tanu za mugitondo kuri uyu wa Gatandatu tariki ya 8 Gicurasi nibwo abapolisi bafashe abantu 30 bari mu rugo rwa Rudasingwa Jean Claude w'imyaka 37 bari mu nama yo gutegura ubukwe bwe.

    Umuvugizi wa Polisi y'u Rwanda Commissioner of Police (CP) John Bosco Kabera  yavuze ko bariya bantu bari bateraniye mu cyumba cy'uruganiro begeranye cyane, ni mugihe nyamara amabwiriza avuga ko abantu bagiye guteranira mu nama barenga 20 bagomba kuba babanje kwipimisha icyorezo cya COVID-19 kandi ntibarenge 30% bitewe n'ingano y'icyumba bagiye guhuriramo.

    CP Kabera yongeye ko abantu bagomba kumenya ko igihe cyose bagomba kubahiriza amabwiriza ya Leta ajyanye no kurwanya icyorezo cya COVID-19. Bagomba  kubahiriza amabwiriza yose ajyanye n'ubuzima kandi bakamenya ko Polisi y'u Rwanda itazigera irambirwa kugenzura iyubahirizwa ry'amabwiriza.

    CP John Bosco Kabera kandi yashimiye abaturage bagize uruhare mu gutuma bariya bantu bafatwa nyuma yo gutanga amakuru.

    Rudasingwa Jean Claude ari nawe witegura gukora ubukwe tariki ya 15 Gicurasi 2021 yemeye ko yakoze amakosa yo kurenga ku mabwiriza abisabira imbabazi.

    Aba bantu uko ari 30 bajyanywe muri sitade ya ULK kugira ngo bongere baganirizwe ku bukana bw'icyorezo cya COVID-19 ndetse banibutswe amabwiriza yo kukirinda, inzego zibishinzwe zikaba zigomba kubaca amande nk'uko amabwiriza abiteganya.


    Rudasingwa Jean Claude yemeye ko yakoze amakosa yo kurenga ku mabwiriza abisabira imbabazi

    Abafatiwe mu nzu kwa Rudasingwa bahise bajyanywe muri sitade ya ULK kugira ngo bongere baganirizwe ku bukana bw'icyorezo cya COVID-19

    Source : https://impanuro.rw/2021/05/09/kigali-bafashwe-bari-mu-nama-yubukwe-barenze-ku-mabwiriza-yo-kurwanya-covid-19/

  • Abantu 47 banduye Covid-19 abandi 59 barayikira mu Rwanda #rwanda #RwOT

    Minisiteri y'Ubuzima yatangaje ko kuri uyu wa Gatandatu nta muntu n'umwe wishwe na COVID-19 mu Rwanda bityo abo imaze guhitana ni 338.

    Uyu munsi habonetse abarwayi bashya 47 hakira abantu 59, bityo abamze gukira bose bageze kuri 94.2%.

    Abarwayi bakirimo kwitabwaho n'abaganga ni 1,129 ariko muri bo ntawe urembye.

    Ishami ry'umuryango w'abibumbye ryita ku buzima (OMS/WHO) ryahaye uruhushya rwo gukoreshwa nk'ubutabazi bwihuse urukingo Sinopharm rwa Covid-19 rukorwa na kompanyi ya leta y'Ubushinwa.

    Uru ni rwo rukingo rwa mbere rutakorewe mu bihugu by'i Burayi n'Amerika rwemejwe na OMS.

    Uru rukingo rwari rwaramaze guhabwa abantu babarirwa muri za miliyoni mu Bushinwa n'ahandi.

    Mbere, OMS yari yaremeye gusa inkingo zakozwe na Pfizer, AstraZeneca, Johnson & Johnson na Moderna.

    Ariko, inzego z'ubugenzuzi bw'imiti zo mu bihugu bitandukanye – cyane cyane ibicyennye byo muri Afurika, Amerika y'epfo n'Aziya – zari zaremeje inkingo z'Ubushinwa ngo zikoreshwe mu buryo bw'ubutabazi bwihuse.

    Mu gihe mbere mu mahanga hari hatangajwe amakuru macye ajyanye n'inkingo zitandukanye z'Ubushinwa, umusaruro wazo wari umaze igihe utazwi.

    Ariko ku wa gatanu, OMS yavuze ko yemeje “umutekano, gutanga umusaruro n'ubwiza” by'urukingo rwa Sinopharm.

    OMS yavuze ko kuba uru rukingo rwiyongereye ku zindi zemejwe “bishobora kwihutisha cyane kugera ku rukingo rwa Covid-19 mu bihugu bishaka kurinda abakora mu rwego rw'ubuvuzi n'abaturage bafite ibyago byinshi byo kwandura”.

    OMS itanga inama ko urwo rukingo rutangwa mu buryo bwa doze ebyiri ku bantu bafite imyaka 18 no hejuru yayo.

    Mu minsi iri imbere, hitezwe icyemezo cya OMS ku rundi rukingo rw'Ubushinwa rwakozwe na kompanyi Sinovac, mu gihe urukingo rw'Uburusiya rwa Sputnik rurimo gukorerwa igenzura.

    Kuki kwemezwa na OMS ari ingenzi?

    Kwemezwa n'iri shami rya ONU ryita ku buzima ku isi, bitanga amabwiriza ku nzego z'ubuvuzi mu bihugu ko urukingo nta kibazo ruteza ku buzima kandi ari ingirakamaro.

    Umukuru wa OMS Tedros Adhanom Ghebreyesus yavuze ko kwemezwa kwarwo biha ibihugu “icyizere cyo kwihutisha gahunda yabyo yo kurwemeza”.

    Binavuze ko uru rukingo rushobora gukoreshwa muri gahunda yatangijwe mu 2020 yo gusaranganya inkingo hagati y'ibihugu bikize n'ibicyennye ku isi, izwi nka Covax.

    Icyemezo cyo gushyira uru rukingo rw'Ubushinwa ku rutonde rw'inkingo za Covid-19 zo gukoresha mu rwego rw'ubutabazi bwihuse, cyitezweho kongerera ingufu gahunda ya Covax, ikomeje kugorwa no kubona inkingo.

    Mbere yuko rwemezwa na OMS, urukingo rwa Sinopharm rwari rumaze gukoreshwa ahantu henshi. Amakuru avuga ko bigereranywa ko doze miliyoni 65 zarwo zari zimaze gutangwa.

    Usibye mu Bushinwa, ibindi bihugu bisanzwe birukoresha birimo nka Emira Zunze Ubumwe z'Abarabu (UAE), Pakistan na Hungary (Hongrie).

    Icyemezo cyo ku wa gatanu cyo kurwemeza ngo rukoreshwe mu buryo bw'ubutabazi bwihuse, cyafashwe n'itsinda rigira inama OMS mu bijyanye na tekinike, ryasuzumye amakuru ya vuba aha ajyanye n'amageragezwa yarwo ku barwayi n'uburyo rwakozwe.

    Iryo tsinda ryavuze ko umusaruro warwo ku bagaragaza ibimenyetso bya Covid-19 no ku bayirwaye bari mu bitaro ugereranywa ko uri ku kigero cya 79%.


    Source : http://umuryango.rw/amakuru/mu-rwanda/ubuzima/article/abantu-47-banduye-covid-19-abandi-59-barayikira-mu-rwanda

  • Perezida Kagame yatsindiye igihembo cy'Umuyobozi w'Indashyikirwa muri Afurika #rwanda #RwOT

    Ni nyuma y'amatora yakozwe hifashishijwe ikoranabuhanga, aho Perezida Kagame yari ku rutonde rw'abayobozi b'Abanyafurika bagombaga gutoranywamo abahize abandi mu kugaragaza umwihariko mu buyobozi mu mwaka wa 2020.

    Mu cyiciro cy'Umunyafurika w'Umwaka, Perezida Kagame yahatanaga na Perezida wa Ghana Nana Akufo-addo, Umushoramari akaba nyiri ikigo BUA Group cyo muri Nigeria Abdulsamad Rabiu na Nana Kwame Bediako Umuyobozi w'Ikigo Kwarleyz Group cyo muri Ghana wamenyekanye cyane nka 'Freedom Jacob Caesar'.

    African IMPACT Magazine yatangaje ko Perezida Kagame yatsinze muri icyo cyiciro cy'Umunyafurika w'Umwaka, mu gihe Umuyobozi w'Umuryango Mpuzamahanga w'Ubucuruzi (WTO)Dr. Ngozi Okonjo Iweala yagizwe Umuyobozi w'Umunyafurika w'Umwaka w'umugore .

    Mu bandi batsindiye ibihembo harimo Folorunso Alakija wahawe igihembo cy'Umunyenganda w'Umwaka, n'abandi Banyafurika 10 begukanye ibihembo mu byiciro bitandukanye.

    Amatora yakorewe ku rubuga rwa murandasi no kuri e-mail abahatanaga bakaba baratoranyijwe mu Burengerazuba bw'Afurika, mu Burasirazuba no hagati. Nyuma yo gushyira hanze urutonde rw'abatowe muri Mata uyu mwaka, haririwe amajwi y'abasaga 500,000.

    Biteganyijwe ko Perezida Kagame n'abatsindiye ibihembo bose bazambikwa imidali y'ishimwe tariki ya 4 Nyakanga 2021, mu muhango ngarukamwaka uzabera i Accra ukazitabirwa n'abanyacyubahiro baturutse mu bihugu bitandukanye byo ku Mugabane w'Afurika.

    Abanyarwanda n'Abanyafurika benshi bakomeje kwifashisha imbuga nkoranyambaga mu kwishimira intsinzi ya Perezida Kagame bagaragaza ko nta washidikanya ko igihembo agikwiriye, cyane ko ari mu Banyapolitiki baharanira ubumwe n'iterambere ry'Afurika batizigama.

    Perezida Kagame ni umwe mu bayobozi b'intangarugero bagaragaje ubwitange by'umwihariko mu mwaka wa 2020, waranzwemo n'ibihe bigoye byo guhangana n'icyorezo cya COVID-19 ndetse n'ingaruka cyagize ku buzima, ubukungu n'iterambere ry'Afurika muri rusange.

    Yakunze cyane kugaragara mu bikorwa bishakira umuti ibibazo byugarije Afurika no muri ibyo bihe bigoye kugeza ubu, aho akomeje gufatanya n'abandi bayobozi ndetse n'abafatanyabikorwa mu guharanira ko Afurika na yo yakwikorera inkingo z'icyo cyorezo.

    U Rwanda rwatangiye gukorana n'abafatanyabikorwa ngo harebwe uko izo nkingo zatangira gukorerwa bwa mbere muri Afurika, ikaba ari intambwe yitezweho kugabanya ibyago byo guhora inyuma ku murongo w'abategereje guhabwa inkingo.

    By'umwihariko mu mwaka ushize, u Rwanda rwakoze ibikorwa byinshi by'intangarugero mu rugamba rwo guhangana na COVID-19 kubera ubuyobozi bwiza burangajwe imbere na Perezida Kagame.

    Rukomeke kuza mu bihugu bike ku Isi byagragaje umwihariko mu guhangana na COVID-19, gutanga urugero rwiza muri Afurika mu guhangana n'icyo cyorezo, no gushyiraho ingamba zigamije kwikura mu ngaruka cyagize mu nzego zirimo n'urw'ubukungu.

    African Impact Leadership ni igihembo gikomeje gushyirwamo imbaraga mu gutegurirwa kuzaba kimwe mu bihembo bikomeye ku Isi bihabwa Abanyafurika bashimirwa uruhare bagira mu mpinduka zikenewe ku Mugabane wabo,a haba mu rwego rwa Politiki n'urw'ubukungu.

    Source: IMVAHO NSHYA

    Source : http://umuryango.rw/amakuru/mu-rwanda/politiki/article/perezida-kagame-yatsindiye-igihembo-cy-umuyobozi-w-indashyikirwa-muri-afurika

  • Bugesera: Umunyamakuru yatawe muri yombi azira guhohotera umugore – #rwanda #RwOT

    Amakuru agera kuri IGIHE avuga ko ku wa Gatandatu tariki ya 8 Gicurasi aribwo uwo munyamakuru yafashwe agafungirwa kuri Station ya RIB iri mu Karere ka Bugesera.

    Ni nyuma y'aho ngo afashe imbwa ye akayuriza mu nzu icururizwamo inyama hanyuma ikazirya.

    Umugore ugenzura ubwo bucuruzi ngo yamubajije impamvu ari kumwangiriza, maze undi aramusingira amukanda amabere.

    Umuvugizi wa RIB, Dr Murangira B. Thierry, yemeje aya makuru, avuga ko iperereza ryatangiye, ko ibizarivamo bizamenyeshwa abanyarwanda.

    Hari amakuru avuga ko uwo mugabo ibyo bikorwa ashobora kuba yabikoreshejwe n'ubusinzi.

    Source : http://igihe.com/amakuru/u-rwanda/article/bugesera-umunyamakuru-yatawe-muri-yombi-azira-guhohotera-umugore

  • BPR na EACO batangije ubufatanye bwo kugeza telefoni zigezweho kuri bose – #rwanda #RwOT

    Aya masezerano yasinyiwe ku cyicaro gikuru cya BPR Plc giherereye mu Mujyi wa Kigali, agiye gushyigikira no guteza imbere gahunda yo kugira telefoni igezweho kuri buri wese mu bihugu bitandatu bigize Umuryango w'Ibihugu bya Afurika y'Iburasirasuba.

    Iyi gahunda yashyizweho mu kuzamura iterambere ry'abaturage bo muri ibi bihugu mu buryo bw'ikoranabuhanga no kubafasha kugera ku makuru byoroshye.

    Izi telefoni zizahabwa abaturage binyuze mu nguzanyo ziciriritse zizatangwa na BPR Plc.

    Umuyobozi wa BPR Plc, Maurice K. Toroitich, yavuze ko banejejwe no gusinya aya masezerano azafasha abakiliya babo n'abandi baturage muri rusange kubasha kugera kuri serivisi zitandukanye z'ikorabuhanga.

    Ati 'Twishimiye ko tugeze ku cyiciro cyiza nk'iki cyo gusinya aya masezerano na EACO, twizeye ko ubu bufatanye buzafasha abanyamuryango bacu kwegerana n'Isi bakabasha kubona amakuru ku buzima, imari, uburezi n'izindi zitandukanye zituma imibereho yabo imera neza.'

    Umunyamabanga Nshingwabikorwa wa EACO, Dr. Ally Yahaya Simba, na we yavuze ko banyuzwe no gusinya aya masezerano na BPR isanzwe itanga serivisi nziza ku baturage.

    Ati 'Tunejejwe no kuba twatangiye ubufatanye na BPR isanzwe itanga serivisi nziza kuri benshi, tugiye kuba ikiraro kizacaho telefoni zigezweho zizagera ku baturage bose ba Afurika y'Iburasirazuba bakabasha kugendana n'iterambere.'

    BPR Plc yatangiye gukora mu 1975, kugeza ubu ifite amashami 135 hiryo no hino mu gihugu, ATM 51 ndetse n'aba-agent 350.

    BPR na EACO basinye amasezerano y’ubufatanye yo kugeza telefoni zigezweho ku baturage

    Impande zombi zanyuzwe no kuba zigiye kwegereza abaturage ikoranabuhanga

    Dr Nora Sitati yari ahagarariye Umuyobozi Mukuru wa EACO muri uyu muhango

    Umuyobozi wa BPR Pc, Maurce K.Toroitich, yavuze ko iyi banki inejejwe no gusinya aya masezerano azafasha abaturage

    Source : http://igihe.com/amakuru/u-rwanda/article/bpr-na-eaco-batangije-ubufatanye-bwo-kugeza-telefoni-zigezweho-kuri-bose

  • LIVE: Rutsiro FC 0:2 Rayon Sports: Umukino w… – #rwanda #RwOT

    Rutsiro FC: Dukuzeyezu Pascal 30, Kwizera Emilien 17, Habagusenga Gerard 3, Hatangimana Eric 18, Iradukunda Pacifique 2, Mutsinzi Claude 4, Mugiraneza Jean Claude 6, Maombe Jean Pier 5, Ndarusanze Jean Claude 11, Nova Bayama 10, Ndikumana Landry 20

    Rayon Sports XI: Kwizera Olivier, Habimana Hussein, Ndizeye Samuel, Niyigena Clement, mujyanama Fidelel, Nshimiyimana Amran, Luvumbu Hertier, Nishimwe Blaise, Ciza Hussein, Sugira Ernest na Manace Mutatu Mbendi.

    Uyu mukino ugiye gusifurwa na Twagirumukiza Abdulkarim uba uhagaze hagati mu kibuga.

    1′ Umukino utangijwe na Rutsiro FC, Nova Bayama ahereje Ndarusanze ashatse gucenga Amran ahita awukuraho

    3′ Rayon Sports itangiranye imbaraga nyinshi igaragaza inyota y’igitego hakiri kare

    5′ Ndikumana Landry wa Rutsiro yari acomekewe umupira neza ariko umusifuzi Twagirumukiza asifura ko yaraririye

    7′ Manace Mutatu agerageje uburyo bwa mbere ku mupira ahinduye imbere y’izamu nyuma yo gucenga Habagusenga Gerard wa Rutsiro

    10′ Mujyanama Fidele agerageje uburyo bwa kabiri ku mupira yari azamukanye ku ruhande rw’ibumoso awuhinduye imbere y’izamu umunyezamu Dukuzeyezu Pascal arawufata neza

    11′ Rutsiro FC igerageje uburyo bwa mbere ku mupira wari uhinduwe na Habagusenga ariko umunyezamu Kwizera Olivier arasimbuka arawufata

    13′ Ciza Hussein ateye ishoti rikomeye mu izamu rya Rutsiro ariko umunyezamu Pascal amubera ibamba

    15′ Rayon Sports yacuritse ikibuga, iri kurusha cyane Rutsiro FC ari nako abakinnyi bari gushaka uburyo bwose bafungura izamu 

    Amran Nshimiyimana niwe wambaye igitambaro cya kapiteni wa Rayon Sports kuri uyu mukino nyuma yuko Rugwiro yicaye ku ntebe y’abasimbura kubera amakosa yakoze ku mukino baheruka gukina wa Kiyovu batsinzwemo 3-2.

    18′ Mutsinzi Claude agerageje ishoti rikomeye mu izamu rya Rayon Sports ariko umupira uca ku ruhande gato rw’izamu

    23′ Rayon Sports ihushije uburyo bwo gufungura amazamu ku ishoti rikomeye cyane ritewe na Hertier Luvumbu ariko umunyezamu Dukuzeyezu Pascal aratabara umupira awukuramo, Mutatu asobyamo Pascal yongera awukuramo

    26′ Goaaaaaaal Rayon Sports ifunguye amazamu ku gitego gitsinzwe na Hertier Luvumbu ku ishoti rikomeye cyane atereye inyuma y’urubuga rw’umunyezamu, Pascal ntiyamenya aho umupira unyuze.

    28′ Umutoza Guy Bukasa utonganya Ciza Hussein uri gutakaza umupira mu buryo budasobanutse

    30′ Rutsiro FC iri kugerageza uburyo bwo kwishyura igitego, ibonye Coup Franc itagize icyo itanga

    32′ Mugiraneza Jean Claude wa Rutsiro FC ahawe ikarita y’umuhondo ku ikosa akoreye Mutatu

    34′ Nova Bayama azamukanye neza umupira yihuta, awuhinduye imbere y’izamu Habimana Hussein awushyira muri koruneri

    35′ Sugira Ernest ahawe umupira mwiza na Luvumbu imbere y’izamu wenyine atera agashoti k’abana Pascal agafata katamugoye, bwari uburyo bwiza Rayon Sports yari ibonye bwo gutsinda igitego cya kabiri

    38′ Koruneri ya Rutsiro itewe na Nova ariko ntiyagira icyo itanga

    40′ Amran Nshimiyimana aryamye mu kibuga hagati ku ikosa akorewe na Landry

    42′ Manace azamukanye umupira ku ruhande rw’iburyo awukaraga imbere y’izamu, Sugira Ernest bimunanira gukoraho gusa ngo atsinde igitego cya kabiri

    43′ Ndarusanze Jean Claude yari yibye umugono ubwugarizi bwa Rayon Sports ariko umusifuzi avuga ko yaraririye

    45′ Rutsiro FC yacanye umuriro imbere y’izamu rya Rayon Sports ikaba ibonye koruneri, barashaka kujya mu karuhuko bishyuye

    Ku musozi wa Rubavu hari itsinda ry’abafana ba Rayon Sports bari gukurikira umupira n’ibyapa byanditseho amagambo ari mu ibara ry’umweru n’ubururu

    Igice cya mbere cy’umukino kirangiye Rayon Sports iri imbere n’ikinyuranyo cy’igitego 1-0 cyatsinzwe na Hertier Luvumbi ukinnye umukino we wa mbere muri Rayon Sports

    46′ Igice cya kabiri cy’umukino gitangijwe na Rayon Sports, Sugira agereje Niyigena Clement ahita atera umupira muremure kwa Luvumbu ariko umubana muremure urarenga.

    48′ Rutsiro itangiranye igice cya kabiri gahunda yo kwishyura igitego, babonye Coup Franc itagize icyo itanga.

    53′ Coup Franc ya Rutsiro iri ahantu heza ku ikora rikorewe Emilien rikozwe na Habimana Hussein

    54′ Hbagusenga ateye umupira mu rukuta rw’abakinnyi ba Rayon Sports, umupira bahita bawukuraho

    55′ Ikarita y’umuhondo ihawe Kwizera Emilien ku ikosa akoreye Sugira Ernest, umusifuzi ahita atanga Coup Franc iri ahantu heza cyane.

    57′ Sugira Ernest ateye Coup Franc nziza ariko umupira uca hejuru gato y’izamu

    58′ Umutoza Bisengimana Justin wa Rutsiro FC akoze impinduka, Munyurangabo Cedric asimbuye Ndikumana Landry

    60′ Nova Bayama wari uzamukanye neza umupira akagwa mu rubuga rw’amahina ashaka penaliti, umusifuzi amubwiye ko nta kosa ryabayeho

    61′ Umuzinga w’ishoti urekuwe na Hertier Luvumbu unyuze hejuru gato y’izamu, ryari ishoti riremereye cyane atereye inyuma y’urubuga rw’umunyezamu

    65′ Ikarita y’umuhondo ihawe Amran Nshimiyimana ku ikosa akoreye Munyurangabo Cedric

    66′ Rayon Sports ikoze impinduka, Mudacumura Jackson’ Rambo’ hasohoka Ciza Hussein

    69′ Coup Franc ya Rutsiro itewe na Nova Bayama wigaragaje muri uyu mukino, ashiraho umutwe Ndarusanze ariko umupira uca hejuru y’izamu

    70′ Nova Bayama, Cedric Munyurangabo, Mutsinzi Claude na Maombi bacuritse ikibuga barashaka igitego cyo kwishyura ariko Ubwugarizi n’umunyezamu Olivier bakomeje kuba ibamba.

    74′ Mutatu ateye ishoti rikomeye ku mupira wari uvuye kwa Luvumbu ariko abakinnyi ba Rutsiro bararyama umupira bawukuramo.

    76′ Impinduka ebyiri ku ruhande rwa Rayon Sports, Manace ahaye umwanya Niyonkuru Sadjat, mu gihe Idrissa Dagnogo asimbuye Sugira Ernest

    80′ Rutsiro ikoze impinduka ebyiri, Nova Bayama asimbuwe na Olivier, mu gihe Mutsinzi Claude ahaye umwanya Hamza

    82′ Ikarita y’umuhondo ihawe Hamza ku ikosa akoreye Hertier Luvumbi wari winjiranye umupira yihuta cyane.

    83′ Luvumbu ateye ishoti rikomeye mu izamu, Umunyezamu Pasvcal akozeho arashya ubwugarizi buratabara

    85′ Rutsiro FC ihushije uburyo bwa kwishyura igitego ku ishoti ritewe na Munyurangabo Cedric wari wenyine imbere y’izamu ariko Olivier Kwizera amubera ibamba

    87′ Rutsiro FC irashaka igitego cyo kwishyura, yacanye umuriro imbere y’izamu rya Rayon Sports

    90′ Goaaaaaaaal Rayon Sports ibonye igitego cya kabiri cyitsinzwe na Kwizera Emilien ku mupira wari ukarazwe neza na Hertier Luvumbu

    Rugwiro Herve yinjiye mu kibuga asimbuye Blaise

    Source : https://inyarwanda.com/inkuru/105433/live-rutsiro-fc-00-rayon-sports-umukino-wishiraniro-uri-kubera-kuri-stade-umuganda-105433.html

  • LIVE: Bugesera iri gushaka intsinzi yayo ya 2… – #rwanda #RwOT

    KURIKIRA UMUKINO WA APR FC NA BUGESERA FC

    52′ Nsanzimfura Keddy ahawe ikarita y’umuhondo ku ikosa akoreye Niyongira Danny.

    48′ Bugesera FC ntirasimbuza iri gukinira mu kibuga hagati

    45′ Habaye gusimbuza ku ruhande rwa APR FC Nshuti Innocent avuyemo asimburwa na Mugunga Yves.

    45′ Reka twongere tubahe ikaze kuri sitade ya Bugesera mu mukino wa shampiyona wahuje Bugesera na APR FC. Igice cya mbere cyarangiye ari igitego 1 ku busa bwa Bugesera FC.

    45’+1′ Igice cya mbere kirarangiye ari igitego kimwe ku busa cyatsinzwe na Manishimwe Djabel ku munota wa 13

    45′ Umusifuzi yongeyeho umunota umwe gusa kuhira ngo igice cya mbere kirangire.

    42′ Masudi yongeye gukuramo umupira wari wabazwe, ishoti rirerire ritewe na Nshuti Innocent.

    38′ Ntagungira Masudi uri mu minota igoye cyane, amaze gukuramo imipira ibiri yikurikiranya ya Ruboneka Bosco

    34′ Masudi ufatira Bugesera asohotse nabi ariko inyuma ye harimo Myugariro uhise atabara izamu umupira awushyira muri Koroneri.

    33′ Bugesera FC yatangiye kwiganza ku mukino irimo kugera imbere y’izamu kenshi.

    31 Koroneri ya Bugesera itewe na Kwitonda Alain ariko umupira urengera ku rundi ruhande.

    27′ Bugesera ibonye uburyo bwiza Niyongira Danny atera ishoto rito Ishimwe ahita awufata.

    25′ Umupira ubu uri gukinirwa mu kibuga hagati amakipe yombi ari guhererekanya umupira bisanzwe.

    21′ Omborenga azamukanye umupira neza ariko awuteye imbere y’izamu Innocent ayishyiza umutwe Masudi umupira arawuryamira neza.

    18′ Kufura ya Bugesera FC itewe na Kwitonda Alain ariko umupira uguma mu rukuta.

    16′ Igitego Manishimwe Djabel atsinze kibaye icya 18 APR FC itsinze Bugesera FC muri shampiyona kuva aya makipe yatangira guhura.

    13′ Goalllllllllllll igitego cya mbere cya APR FC gitsinzwe na Manishimwe Djabel

    11′ APR FC yakunze kubona imipira y’imiterekano n’ubu ibonye kufura ariko Keddy ayiteye ijya hanze.

    7′ Umupira muremure utewe na Mutsinzi Ange ariko Bugesera iwushyira muri Koroneri.

    6′ Kufura ya APR FC ku ikosa rikorewe Nshuti Innocent

    3′ Kufura ya Bugesera FC itewe na Kwitonda Alain ariko umupira umusifuzi avugako ko habaye ikosa.

    15:02′ Umukino uratangiye ku mpande zombi aho Bugesera ariyo itangije umupira.

    Bugesera na APR zihuye ku nshuro ya 11, aho mu nshuro 10 ziheruka, Bugesera yatsinze APR FC inshuro imwe gusa. Umwaka wa 20216/2017 warangiye APR idatsinze Bugesera kuko banganyije umukino wo kwishyura ariko umukino ubanza Bugesera yari yanize APR iyitsinda ibitego 2-1.

    Bugesera imaze kwinjiza ibitego 5 mu izamu rya APR FC mu myaka 10 ishize muri shampiyona mu gihe APR imaze gutsinda ibitego 17 mu izamu rya Bugesera FC. APR imaze gutsinda Bugesera imikino 7 banganya ibiri Bugesera itsinda umwe.

    Abakinnyi ba Bugesera babanjemo:

    1. Ntagungira Masudi

    2.Niyonkuru Daniel

    3.Rucogoza Djihad

    4.ganijuru Elie

    5. Mukengere Christian

    6.Dori Souleymanou

    7. Mugisha Francois

    8.Rucogoza Ilias

    9.Nyandwi Theophile

    10.Alain Kwitonda

    11.Niyongira Danny

    Abakinnyi ba APR FC babanje mu kibuga:

    1.Ishimwe Patrick

    2.Omborelnga Fitina

    3.Manishimwe Emmanuel

    4.Manzi Therry

    5.Mutsinzi Ange

    6.Ruboneka Bosco

    7.Niyonzima Olivier

    8.Nsanzimfura Keddy

    9.Manishimwe Djabel

    10. Nshuti innocent

    11. Usengimana Danny

    Source : https://inyarwanda.com/inkuru/105431/live-bugesera-0-0-apr-fc-umukino-uri-kubera-kuri-sitade-ya-bugesera-105431.html

  • Abantu 25 bishwe n' igisasu muri Afuganisitani #rwanda #RwOT

    Igisasu cyaturikiye hafi y'ishuli mu mujyi wa Kabul muri Afuganisitani kimaze guhitana abantu 25. Benshi muri bo ni abanyeshuli, nk'uko byemezwa n'umuvugizi wa leta.

    Umuvugizi wa ministiri y'umutekano mu gihugu Tariq Arian, yavuze ko habayeho kwitabaza imbangukira gutabara kugirango baramire ubuzima bw'abandi banyeshuli bo ku ishuli rya Syed Al-Shahda mu gake gatuwe cyane n'abayisilamu b'abashiyite.

    Ariko kubera umubabaro n'agahinda habayeho guterana amagambo no gutuka abakozi bari baje gutabara. Ministeri y'ubuzima yasabye abaturage kubaha no kureka abo bakozi bakagerageza kuramira ubuzima bw'abakomeretse.

    VOA dukesha iyi nkuru ivuga ko abantu barenga 50 bakomeretse, kandi ko umabare w'abapfa ushobora kwiyongera.

    Kugeza ubu nta muntu cyangwa umutwe wari wigamba icyo gitero, n'ubwo akenshi itangondwa za leta ya kiyisilamu zigamba ibitero bigabwa kubashiyite.Ibi bitero bibaye mu gihe hasigaye umunsi umwe ngo Leta zunze ubumwe z'Amerika itangire gucyura abasirikali bayo bari muri Afuganisitani.

    Source : https://impanuro.rw/2021/05/08/abantu-25-bishwe-n-igisasu-muri-afuganisitani/