Category: Uncategorized

Kylian Mbappe wahishuye ko yifuza gukinira Real Madrid,asigaranye amasezerano y'umwaka umwe ndetse yemeje ko muri mpeshyi aribwo azatangaza aho azakina mu mwaka w'imikino utaha ariyo mpamvu PSG yatangiye kumutakariza icyizere.

Ikipe ya Real Madrid ngo yamaze gutegura amafaranga izashora kuri Mbappe ndetse ngo itegereje ko umwaka w'imikino urangira kugira ngo iyashyire ku meza ya PSG ariyo mpamvu iyi kipe yo mu Bufaransa nayo yiyemeje gushaka Mohamed Salah.

Mbappe niwe ufite ibitego byinshi muri Ligue 1 aho kugeza ubu afite 25 ndetse arusha 6 abamukurikiye barimo Memphis Depay na Wissam Ben Yedder.

Kuba PSG ishobora kubura igikombe cya shampiyona na Champions League,bishobora gutuma Mbappe atayigumamo kuko amaze kwakira ko ari umukinnyi ukomeye ugomba kwegukana Champions League bikamufasha kwegukana Ballon d'Or.

Zinedine Zidane arashaka kongera mu ikipe izina rikomeye ryamufasha kubona ibitego aho Karim Benzema yananiwe ariyo mpamvu yifuza Mbappe ngo aze yongere kumugarura ku ruhembe rw'amakipe y'ibigugu.

Real Madrid yaraye inganyije na Sevilla 2-2,ifite amahirwe atari menshi yo kwegukana La LIGA uyu mwaka ariyo mpamvu nta gihindutse ishobora gushora amafaranga menshi ku isoko ryo muri iyi mpeshyi.

Kugeza ubu Mo Salah wifuzwa na PSG,amaze gutsinda ibitego 20 mu mikino 33 amaze gukina muri Premier League aho arushwa kimwe na Harry Kane umuza imbere ku rutonde rw'abamaze gutsinda ibitego byinshi muri shampiyona.

Salah afite amasezerano muri Liverpool azamugeza muri 2023 ariko uyu mukinnyi w'imyaka 28 yavuze ko nta muyobozi w'ikipe uramwegera amusaba kongera amasezerano ariyo mpamvu byavuzwe ko ashobora kwigira muri Barcelona cyangwa Real Madrid.

Source : http://umuryango.rw/imyidagaduro/imikino/article/psg-yatangiye-gushakisha-umusimbura-wa-kylian-mbappe

Kabuga Félicien watawe muri yombi n'inzego z'u Bufaransa tariki ya 16 Gicurasi 2020, nyuma y'imyaka 26 ahunga ubutabera, akurikiranyweho ibyaha birindwi bya Jenoside yashinjwaga n'Urukiko Mpuzamahanga Mpanabyaha Rwashyiriweho u Rwanda (ICTR) kuva mu mwaka wa 1997, bikaba byarakomeje gukurikiranwa n'Urwego Mpuzamahanga Rwashyiriweho Gukora Imirimo y'Insigarira y'Inkiko Mpanabyaha (IRMCT) igihe ICTR yari imaze gufunga imiryango.

Ibiro Ntaramakuru by'Abafaransa AFP bivuga ko byabonye ubusabe bwa bariya banyamategeko kuri iki Cyumweru tariki 09 Gicurasi.

Ngo inyandiko ikubiyemo buriya busabe yatanzwe tariki 06 Gicurasi 2021 bayohereje Urwego IMRCT rwasigaranye imirimo y'Inkiko mpanabyaha z'Umuryango w'Abibumbye.

Umunyamategeko w'Umufaransa, Emmanuel Altit avuga ko batanze kiriya cyifuzo bashingiye kuri raporo za muganga zagaragaje ko Félicien Kabuga adafite ubushobozi bwo kuburana.

Yagize ati 'Gukomeza kumuburanisha ari muri ubwo buzima byaba ari uguhonyora uburenganzira bwa Félicien Kabuga.'

Uyu munyamategeko avuga ko batanze impamvu zihagije zatuma Urukiko ruhagarika kuburanisha Félicien Kabuga.

Avuga kandi ko Félicien Kabuga adafite ubwenge bukoraneza (Mentalement inapte) ku buryo yakwicara akaburanishwa, akavuga ko mu gihe Urukiko rwaba ruteye utwatsi icyifuzo cyabo, bahita basaba ko arekurwa by'agateganyo.

Source : http://umuryango.rw/amakuru/mu-mahanga/ubutabera/article/abanyamategeko-ba-ba-kabuga-basabye-urukiko-guhagarika-kumuburanisha

Nkuko amakuru ava mu Burundi abitangaza ,uwo mutwe warashweho n'ingabo za FARDC za RDC niko kwerekeza mu Burundi,utwika imodoka 4 byatumye abantu 12 bahasiga ubuzima.Gusa FDLR ntiyigeze yigamba iki gitero.

Amakuru avuga ko abayobozi ba FDLR ubu bamaze guhungira mu gihugu cya Zambia ariko abarwanyi b'uwo mutwe bo bakaba bakomeje guteza umutekano muke mu karere.

Abantu 12 ni bo bamaze kumenyekana ko baguye muri iki gitero cy'abo bagizi ba nabi bari bitwaje mu ijoro ryo kuri iki cyumweru muri komine n'intara ya Muramvya yo hagati mu gihugu c'Uburundi.

Abaguye muri icyo gitero ni abasivile 11 n'umusirikare umwe w'ipeti rya colonel wapfanye n'umwe mu bana be mu gihe yari kumwe n'umuryango we berekeza i Bujumbura.

Imodokari ye n'izindi 3 zirimo imwe itwara abantu n'ibintu ya kompanyi yitwa Volcano ni zo zaguye mu mutego w'aba bantu bitwaje intwaro zigeze ahitwa Burambana muri komine n'intara ya Muramvya.

Bamwe mu baturage batuye hafi y'ahabereye iki gitero babwiye Ijwi ry'Amerika ko abakigabye basaga n'abiteguye neza.

Bagize bati' Abateye byagaragaraga ko bari bateguye igitero bihagije. Baje mu kanya ntawe uzi iyo baturutse barasa izo modoka barazitwika.
Bari bambaye imyenda ya gisivili,bafite imbunda nini zirimo na za mitarayeze. Bamaze kugaba igitero bahise biruka binjira mu mashyamba”.

Esperance Nduwayezu, Umuyobozi wa komine Muryamvya yemeje aya makuru ariko nta kindi kinini yarengejeho, uretse kwemeza ko iperereza ryatangiye.

Uretse abantu baguye muri iki gitero hari n'abandi batanu bakomeretse cyane bahita bajyanwa kuvurirwa mu bitaro by'I Muramvya. Abandi bataramenyekana umubare bahise bajyanwa mu bitaro bitandukanye I Bujumbura.

Abinyujije ku rubuga rwe rwa Twitter, perezida Evariste Ndayishimiye yihanganishije imiryango yabuze ababo, ati' Turababajwe n'abambuzi baraye basubiye guhekura u Burundi. Ibigeragezo ntibizoreka kubaho ariko aragowe uwo bizovako. Abagizi ba nabi bose bategerezwa gutuzwa. Turaremesheje imiryango yabuze'.

Mu itangazo ryasohowe na Minisiteri ishinzwe umutekano w'imbere mu gihugu ryavugaga ko ahagana saa moya n'iminota35 aribwo hagabwe igitero ku modoka 4 zerekezaga I Bujumbura aho ebyiri murizo zatwitswe izindi2 zigatobaguzwa amasasu.

Colonel Nizigiyimana Onesphore ari mu bantu 12 baguye muri iki gitero cyagabwe n'abantu bitwaje intwaro mu muhanda uva mu ntara ya Muramvya ugana i Bujumbura mu masaha y'umugoroba.

Source : http://umuryango.rw/amakuru/mu-mahanga/umutekano/article/fdlr-iri-gushinjwa-kugaba-igitero-cyaraye-kiguyemo-abantu-12-mu-burundi

Mu masezerano bagiranye, DJ Pius yavuze ko ' Harimo ko azajya aza mu Rwanda kenshi gashoboka mu rwego rwo kubasha gukora umuziki ndetse no kuwumenyekanisha.

Mu makuru dukesha InyaRwanda , Dj Pius yatangaje ko Babo usanzwe ari umwishywa we ,akaba agiye gutangira umuziki amushyigikira byanatumye amwiyegereza muri Label ya 1K Entertainment.

Ku ikubitiro nyuma yo gusinyana amasezerano, DJ Pius yahise asohora indirimbo 'Go low' Babo yakoranye na The Ben.

Uyu mukobwa ugiye gutangira imikoranire na 1K Entertainment, yamenyekanye cyane mu ndirimbo nka; Ich Liebe Dich na Turn Up yakoranye na Urban Boys.

Ni umuhanzikazi umaze igihe mu muziki ariko wakunze kugorwa no guhuza umuziki we n'ubuzima bw'ishuri aho yigaga mu Budage aho atuye n'ababyeyi be.

Source : http://umuryango.rw/imyidagaduro/article/1k-entertainment-ihagarariwe-na-dj-pius-yasinyishije-imyaka-itanu-umuhanzikazi

Source : http://umuryango.rw/amakuru/mu-rwanda/ubuzima/article/abantu-62-banduye-covid-19-mu-rwanda-abandi-2-barayikira

Iyi mijyi 10 yiganjemo iyo mu gihugu cya Afurika y'Epfo ifte ibikorwaremezo bitangaje ndetse benshi bemeza ko iyo ugeze muri iki gihugu ugira ngo uri I Burayi.

1.Johannesburg— Uyu mujyi uzwi cyane nka Joburg, muri Afurika y'Epfo niwo uza ku isonga mu mijyi ikize cyane muri Africa kuko ubarirwa ubukungu bwa miliyari $248.Uyu mujyi niwo usurwa cyane na ba mukerarugendo kurusha iyindi muri Afurika kuko ubarirwa abashyitsi barenga miliyoni 5 buri mwaka.Utuwemo n'abantu 2 batunze miliyari z'amadolari n'abandi 16000 batunze za miliyoni z'amadolari.

2.Cape Town— uyu nawo n'umujyi wo muri Afurika y'Epfo ubarirwa ubukungu bwa miliyari $133 utuwe n'abarenga miliyoni 3.5.Utuwemo n'umuntu umwe utunze arenga miliyari y'amadolari.

3. Cairo— Umurwa mukuru wa Misiri uri ku mwanya wa 3 ni nawo mujyi munini mu gihugu. Uyu mujyi ubumbatiye 22% by'ubukungu bwa Misiri ndetse uyu mujyi niwo utuwemo n'abatunze miliyari z'amadolari benshi muri Afurika 5, kuko ubarirwamo ubukungu bwa miliyari $129

4. Lagos— Uyu niwo mujyi utuwe kurusha iyindi yose muri Afurika kuko urimo abantu miliyoni 22 ndetse ubukungu bwawo bubarirwa muri miliyari $96.Lagos ituwe n'abantu 2 batunze miliyari y'amadolari n'abatunze miliyoni z'amadolari basaga 5400.

5. Durban— Umujyi uri mu Burasirazuba bwa Afurika y'Epfo ndetse niwo mujyi ubamo abantu bakora cyane kurusha iyindi yose muri Afurika y'epfo.Ubarirwa ubukungu bwa miliyari $54.

6. Nairobi— Umurwa mukuru wa Kenya utuwe n'abaturage bangana na miliyoni 4.5 ndetse ubarirwa ubukungu bwa miliyari $49. Nairobi niwo mujyi ukize ndetse usurwa cyane kurusha iyindi muri EAC. Abantu bawutuyemo batunze miliyoni z'amadolari ni 6200.

7. Pretoria— Umurwa mukuru wa Afurika y'Epfo ubarirwa ubukungu bwa miliyari $45.Utuwe n'abarenga miliyoni 2.5.

8. Luanda— Umurwa mukuru ukaba n'umujyi munini kurusha indi yose muri Angola ubarirwa ubukungu bwa miliyari $42.Uyu mujyi utuwe n'umuntu umwe utunze arenga miliyari y'amadolari.

9. Casablanca— Umujyi munini cyane muri Morocco utuwe n'abantu basaga miliyoni 3.7.uyu mujyi ubarirwa ubukungu bwa $39 miliyari ndetse utuwemo n'abantu 2 bafite arenga miliyari y'amadolari.

10. Accra— Umurwa mukuru wa Ghana ndetse niwo mujyi uyoboye indi muri Afurika y'Iburengerazuba mu bucuruza. Uyu mujyi utuwemo n'abantu barenga 100 batunze arenga miliyoni $100.

Source : http://umuryango.rw/ubuzima-115/imibereho/article/imijyi-10-ikize-kurusha-iyindi-yose-muri-afurika

Ni mu ruzinduko batangiye kugirira muri Tanzania kuva ku Cyumweru tariki 9 Gicurasi 2021. Rugamije gukomeza kwagura imikoranire n'ubufatanye mu by'umutekano hagati y'ibihugu byombi.

Gen Kazura kuri uyu wa Mbere ni bwo yakiriwe na Minisitiri w'Ingabo akaba n'Umudepite mu Nteko Ishinga Amategeko ya Tanzania, Elias John Kwandikwa, bagirana ibiganiro bigamije gukomeza umubano w'ibihugu byombi.

Ibi biganiro byabereye muri Minisiteri y'Ingabo muri Tanzania mu Mujyi wa Dar es Salaam kandi byari byitabiriwe na Ambasaderi w'u Rwanda muri Tanzania, Maj Gen Karamba Charles ndetse n'Umugaba Mukuru w'Ingabo za Tanzania, General Venance Salvatory Mabeyo n'abandi bayobozi batandukanye mu ngabo za Tanzania.

Ku rundi ruhande, Umuyobozi wa Polisi y'u Rwanda, CG Munyuza yakiriwe n'Umuyobozi wa Polisi ya Tanzania, IGP Simon Nyakoro Sirro.

Aba bayobozi bombi bavuze ko ubufatanye bw'inzego z'umutekano w'ibihugu byombi ari ingenzi mu guhashya abagizi ba nabi bambukiranya imipaka.

CG Munyuza yagize ati 'Twumvikanye ko dufatanyije twembi ndetse na polisi z'ibindi bihugu tugomba kurwanya ibi byihebe kandi tukabitsinda, nishimiye uko yanyakiriye, twaganiriye byinshi kandi twemeranyije ko dufatanyije byose bizashoboka.

IGP Nyakoro yavuze ko bumvikanye ko abaturage b'ibihugu byombi bagomba kubaho bisanzuye.

Yagize ati 'Twumvikanye ko abaturage bacu, Abanyarwanda n'Abanya-Tanzania, bagomba kubaho mu mutekano muri ibi bihugu byacu bibiri no mu Karere ka Afurika y'Uburasirazuba ku buryo umuntu ukoze icyaha mu Rwanda agahungira muri Tanzania atazigera agira amahoro.'

Yakomeje ati 'Cyangwa se yakora icyaha, muri Tanzania agahungira mu Rwanda akamenya ko nta mahoro azagirira muri Rwanda. Hari abantu bakora ibikorwa bibi ku mipaka yacu, twumvikanye ko hazakomeza kubaho ubufatanye hagati yacu mu bijyanye no gucunga umutekano.'

Muri uru ruzinduko rwa Gen Kazura na CG Munyuza biteganyijwe ko bazasura ibikorwa bitandukanye muri iki gihugu hagamije kwiga uko bakora ndetse no kungurana ibitekerezo ku mikoranire mu gucunga umutekano.

Umugaba Mukuru w'Ingabo z'u Rwanda, Gen Jean Bosco Kazura, ari mu ruzinduko muri Tanzania

Umuyobozi wa Polisi y’u Rwanda, CG Dan Munyuza, yakiriwe ku cyicaro cya Polisi y’Igihugu ya Tanzania

Umugaba Mukuru w'Ingabo z'u Rwanda, Gen Jean Bosco Kazura n’itsinda bari kumwe bakiriwe na Minisitiri w’Ingabo muri Tanzania

U Rwanda na Tanzania bikomeje gukorana mu bijyanye n’umutekano

---

Source : http://igihe.com/amakuru/u-rwanda/article/gen-kazura-na-cg-dan-munyuza-bagiranye-ibiganiro-na-bagenzi-babo-bo-muri

Mu gitondo cyo kuri uyu wa Mbere mu Mudugudu wa Rwabigaro mu Kagari ka Muganza mu Murenge wa Gatore hamenyekanye amakuru ko inka ebyiri z'umugore witwa Kanziza Jeanne zatemwe n'abataramenyekana.

Umunyamabanga Nshingwabikorwa w'Umurenge wa Gatore, Ntagwabira Oswald, yabwiye IGIHE ko uyu muturage yari asanzwe akama iyi nka amata menshi ariko yatunguwe no kubyuka agasanga inka ze bazitemye.

Ati 'Yari afite inka y'imbyeyi ifite inyana imaze hafi umwaka cyangwa habura amezi make, babyutse bagiye gukama basanga iyo nka bayitemeye mu kiraro n'iyayo, zose bazitemaga imitsi ku buryo zitabasha guhaguruka ngo zigende.'

Yakomeje avuga ko bahise babimenyesha ubuyobozi buhita butangira gushakisha abakoze icyo gikorwa kibi, nyuma ngo abagize inama y'umutekano itaguye y'akarere bayobowe n'Umuyobozi w'Akarere wungirije, abayobozi b'Ingabo na Polisi ngo bahise bahagera baganiriza abaturage bo muri uwo Mudugudu hanafatirwamo imyanzuro.

Ati 'Izo nka zahawe agaciro kuko urebye uko bazitemye ntizakomeza kubaho, basabye ko zagurishwa zikabagwa amafaranga avuyemo akaba make abaturage bazateranya andi agurirwe izindi nka, zose hamwe zahawe agaciro k'ibihumbi 800 Frw.'

Gitifu Ntagwabira yavuze ko guteranyiriza aya mafaranga ari nk'igihano bahaye aba baturage ngo kuko batarinze izo nka kimwe n'umutekano w'umudugudu wabo muri rusange.

Abaturage batuye mu Mudugudu wa Rwabigaro bemeye gutanga amafaranga ngo kuko batakwishimira ko mugenzi wabo atakomeza korora kubera bamwe muri bo batemye inka ze.

Abayobozi b'umutekano basabye abaturage kwirinda ibyaha by'ubugome byo gutema inka kuko bihanwa n'amategeko.

Abantu batanu bahise batabwa muri yombi bakekwaho gutema izo nka bakaba bafungiwe kuri Sitasiyo ya Polisi ya Gatore mu gihe iperereza rigikomeje.

---

Source : http://igihe.com/amakuru/u-rwanda/article/kirehe-umuturage-yatemewe-inka-ebyiri-umudugudu-wose-utegekwa-kuzishyura

Umuraperi w’umunyamerika, Jermaine Lamarr Cole uzwi nka J.Cole byitezwe ko azerekanwa muri Patriots BBC kuri uyu wa Kane tariki ya 14 Gicurasi 2021.

Uyu mukinnyi ari mu bakinnyi iyi kipe igomba gukoresha mu mikino ya BAL izabera mu Rwanda guhera tarik ya 16 kugeza 30 Gicurasi 2021.

Jermaine Lamarr Cole uzwi nka J.Cole ari mu bakinnyi 12 Patriots izakinisha muri iri rushanwa rigiye kuba ku nshuro ya mbere muri Africa, nk’uko umwe mu bakinnyi ba Patriots yabibwiye BBC.

J Cole, usibye impano muri muzika bizwi ko afite n’impano muri Basketball, ndetse bivugwa ko yigeze kugerageza kuba yafatwa n’amakipe yo muri NBA.

Cole kandi ni umukinnyi utarabigize umwuga wa Basketball ukina ku mwanya wa ‘point guard’ cyangwa ‘meneur de jeu’, nk’uko uyu mukinnyi wa Patriots utifuje gutangazwa abivuga.

BAL ni irushanwa rishyigikiwe na NBA, rigiye guhuza amakipe 12 yo muri Tunisia, Misiri, Angola, Morocco, Senegal, Nigeria, Algeria, Cameroon, Mali, Mozambique, Madagascar no mu Rwanda.

Patriots, iri mu itsinda A aho izakina n’amakipe ya GNBC yo muri Madagascar, US Monastir yo muri Tunisia na Rivers Hoopers yo muri Nigeria.

J. Cole ni umuhanzi uzwi cyane watwaye igihembo cya Grammy cya ‘Best rap song’ n’indirimbo ‘A lot’ yakoranye na 21 Savage.

J. Cole byitezwe ko yerekanwa nk’umukinnyi wa Patriots

J. Cole (ibumoso) aramutsa Kemba Walker muri NBA All-Star Game mu kwezi kwa kabiri 2020 i Chicago, Illinois, US.

Source : http://isimbi.rw/siporo/article/umuraperi-w-umunyarwanda-byitezwe-ko-yerekanwa-muri-patriots-kuri-uyu-wa-kane