Webrwanda Backend

Category: Uncategorized

  • Karongi: Croix Rouge yifashishije miliyoni 18 Frw mu kugoboka abashyizwe muri Guma mu Rugo – #rwanda #RwOT

    Hashize icyumweru kirenga gato umurenge wa Bwishyura mu Karere ka Karongi ushyizwe muri Gahunda ya Guma mu rugo mu rwego rwo kurwanya ikwirakwira ry'icyorezo cya Covid 19.

    Ubuyobozi bw'Umurenge wa Bwishyura buvuga ko kuri ubu hari abarwayi bagera kuri 56 ariko ko ibipimo biri gufatwa bigaragaza ko imibare y'abandura iri kugabanuka.

    Umunyamabanga Nshingwabikorwa w'Umurenge wa Bwishyura, Ayabagabo Faustin yavuze ko hari abo Guma mu Rugo yagizeho ingaruka zitari nziza ariko bagashimira ubuyobozi bwa Croix Rouge Rwanda bwafashe iya mbere mu gufasha abaturage.

    Ati 'Nyuma y'aho tugiriye muri Guma mu rugo habashije kugira igikorwa abantu bafite ikibazo kiri hejuru cyane bagira ubufasha batanga ariko noneho by'umwihariko Croix Rouge yabaye iya mbere ituba hafi iduha ubufasha, bakabaha amafaranga mu buryo bw'ikoranabuhanga, atari kwa kundi kubaha ibiryo kandi turi kwirinda.'

    Bimwe mu byiciro byahawe aya mafaranga harimo abakoraga uburaya bakabureka, abarindaga zimwe mu nyubako zo mu mujyi (Abazamu), abarwaye Covid 19 n'abandi batandukanye.

    Bamwe mu baganiriye na IGIHE bavuze ko amafaranga bahawe agiye kubafasha mu mibereho yabo ya buri munsi bityo bagashimira Croix Rouge Rwanda kubazirikana, bikazatuma barushaho kwirinda icyorezo cya Covid-19.

    Mukarusengo Jeannette ati 'Ubusanzwe ncuruza mu isoko rya Bwishyura, nagize ikibazo cy'uburwayi bwa Covid-19 ariko ubuzima bwari bukomeye cyane kuko turi umuryango w'abantu batanu kandi ninjye wahagurukaga nkajya gushakisha imibereho kandi n'aho nari ndi mu kato nasabwaga kurya ibiryo byiza. Iyi nkunga ndagenda njye gushakisha igishoro nsubire mu isoko, Croix Rouge ndayishimiye kuko yashyize ingufu cyane mu kwirinda icyorezo.'

    Ujyakuvuga Lazaro yunzemo ati 'Nari umuzamu muri uyu mujyi ariko muri iyi minsi twari twicaye abaturage bari mu rugo ntaho bakura icyo kuduhemba. Turashima Croix Rouge yatwibutse, tugiye gukora cyane kandi bidufahe kwirinda icyorezo.'

    Visi perezida wa Croix Rouge Rwanda, Mukandekezi Françoise yavuze ko bahisemo guha amafaranga aba baturage kugira ngo nabo bahitemo icyo bikorera kijyanye n'ibyo bashaka.

    Ati 'Ahantu hose hari ikibazo cya Guma mu rugo Croix Rouge yagiye itanga ibiribwa no muri Guma mu rugo ya mbere, ubufasha rero bugenda butangwa uko ubuyobzi bugaragaje ko bayikeneye. Hari igihe abantu batekerereza abaturage ibyo bakeneye ariko nabo ubwabo baba bafite ibyo batekereza, twagira ngo tubahe amafaranga agende ajye mu isoko ahahe ibimufasha. Ushobora kumuha kawunga kandi yari yejeje ibigori akeneye ibishyimbo.'

    Buri muturage yahawe amafaranga 35 650. Amafaranga bahawe yose asaga miliyoni 18.

    Amafaranga yahawe na Croix Rouge Rwanda azamufasha kongera kubona igishoro

    Umwe mu bahawe amafaranga ari kureba ubutumwa bw’amafaranga yagenewe na Croix Rouge Rwanda

    Ujyakuvuga Lazaro yakoraga umwuga w’ubuzamu Guma mu rugo ituma atabona akazi none yagobotswe na Croix Rouge

    Francoise Mukandekezi yagaragaje ko guha amafaranga abaturage bibafasha kwihitiramo ibyo bigurira

    Umunyamabanga Nshingwabikorwa w'Umurenge wa Bwishyura, Ayabagabo Faustin yashimiye Croix Rouge Rwanda uburyo yafashe iya mbere mu kugoboka abaturage

    Abaturage 465 bo mu Murenge wa Bwishyura bari mu bafashijwe na Croix Rouge Rwanda bahabwa amafaranga

    Source : http://igihe.com/amakuru/u-rwanda/article/karongi-croix-rouge-yifashishije-miliyoni-18-frw-mu-kugoboka-abashyizwe-muri

  • Nta gusinzira, umutekano ugomba gushakishwa -Minisitiri Gatabazi – #rwanda #RwOT

    Minisitiri Gatabazi umaze iminsi mu ruzinduko rw'akazi mu Ntara y'Uburengerazuba yatanze ubu butumwa kuri uyu wa Kane tariki 20 Gicurasi 2021, mu biganiro byamuhuje n'abavuga rikumvikana mu Karere ka Rubavu.

    Ibi biganiro byitabiriwe na Guverineri w'Intara y'Iburengerazuba, Habitegeko François, Abagize inzego z'umutekano muri iyi ntara n'abayobozi b'akarere ka Rubavu. Byanitabirwe kandi n'Abayobozi kuva ku rwego rw'Isibo, Abahagarariye Amadini n'Amatorero, Abikorerera n'abandi bayobozi mu nzego zitandukanye.

    Ibi biganiro byabaye nyuma y'uko Minisitiri Gatabazi n'itsinda bari kumwe bari bamaze gusura Umupaka wa Kabuhanga uherereye mu Murenge wa Bugeshi.

    Minisitiri Gatabazi yeretswe ikibaya gihuza u Rwanda na Repubulika Iharanira Demukarasi ya Congo, bamubwira ko imyotsi arimo kubona ari abarwanyi ba FDLR baba bacanye umuriro batwika amatara mu ishyamba ry'ikirunga cya Nyiragongo.

    Ati ''Hari ukuntu narebaga hariya hirya mu byuma birebayo. Nta wakwifuza gusubira mu mashyamba kubaho mu buzima babayeho dufite inshingano zo gukoresha uburyo bwose kugira ngo batahe ariko tunafite kubereka ko imbaraga zihari kuba bahari tugomba kwiga kubana nabo.'

    Yakomeje agira ati 'Turimo kubaka umubano ukomeye na Congo, mu minsi iri mbere muzabibona uwumva icyo yajyana yakora hirya yitegure bariya ni abavandimwe, abenshi tuvuga ururimi rumwe nabo barabishaka uretse abagiye kubatobera.'

    Minisitiri Gatabazi kandi yibukije abaturage ko bafite inshingano zo gufatanya n'inzego z'umutekano ndetse n'iz'ibanze kwicungira umutekano asaba abafite abavandimwe cyangwa inshuti zabo ziri mu mashyamba ya Congo kubabwira bagatahuka mu gihugu cyabo.

    Ati 'Nta gusinzira ntakurangara umutekano ugomba gushakishwa duhora twiteguye nufite umuntu hariya ajye amuha amakuru.'

    Abaturage n'abavuga rikijyana bagaragaje ibyifuzo birimo kuba bakeneye umupaka wo muri iki kibaya cya Cyanzarwe wazafasha mu koroshya ubuhahirane n'abaturanyi bo muri Repubulika Iharanira Demukarasi ya Congo.

    Ntibiringirwa Samuel yagize ati 'Urebye hano Cyanzarwe biratugora kwambuka kuko bisaba kujya Kabuhanga muri Bugeshi cyangwa Gisenyi urugendo rukatubera rurerure kandi natwe dushaka gukorera no guhahirana na Congo nk'abandi. Mudufashije tukagira umupaka mu kibaya bigakorwa kuburyo biteguye twakwiteza imbere.'

    Mu ruzinduko rw'iminsi ine yatangiye ku wa 19 Gicurasi, Minisitiri Gatabazi amaze gusura ibikorwa by'iterambere mu turere twa Nyabihu na Rubavu aho agenda aganira n'abaturage ndetse n'abayobozi bakamugaragariza imishinga y'iterambere ihari ndetse n'iteganywa kubakwa ariko akanakira ibibazo n'ibyifuzo by'abaturage.

    Abaturage bahawe umwanya wo kubaza ibibazo no gutanga ibyifuzo

    Minisitiri Gatabazi yasabye ab’i Rubavu gusigasira umutekano

    Abayobozi batandukanye muri Rubavu bagiranye ibiganiro na Minisitiri Gatabazi

    Minisitiri Gatabazi n’abayobozi mu Burengerazuba basuye umupaka wa Kabuhanga muri Rubavu

    Source : http://igihe.com/amakuru/u-rwanda/article/nta-gusinzira-umutekano-ugomba-gushakishwa-minisitiri-gatabazi

  • Jimmy Mulisa n’irerero rye bakiriye ibikoresho bivuye muri UEFA(AMAFOTO) #rwanda #RwOT

    Umuri Foundation (Umuri Soccer Academy) ya Jimmy Mulisa yakiriye ibikoresho by’umipira w’amaguru bivuye mu mpuzamashyirahamwe y’umupira w’amaguru ku mugabane w’u Burayi(UEFA) bizafasha mu iterambere ry’umupira w’abana mu Rwanda.

    Ibi bikoresho byabagezeho byiganjemo imipira yo gukina, chausuble n’ibindi.

    Ibikoresho iri rerero ryakiriye ku bufatanye na UEFA Children Foundation, ntabwo bizifasha gusa irerero rya Umuri kuko n’andi marero hirya no hino mu gihugu bazagerwaho n’izi nyungu.

    Jimmy Mulisa umuyobozi w’iri rerero yabwiye ISIMBI ko yishimiye cyane kwakira iyi nkunga ivuye muri UEFA.

    Ati”ni ibintu byiza cyane kwakira iyi nkunga ivuye muri UEFA, hari ukuntu bifasha kudacika intege mu byo ukora kuko iyi iba ari inkunga ikomeye, ndabashimira cyane.”

    Yakomeje avuga ko ibi bizamufasha mu ntego ze yihaye zo gufasha abana kugaragaza impano zabo no kugera ku ntego zabo kandi ko atari abana bo mu irerero rye gusa n’abandi bizabageraho.

    Ati”ntabwo ari abana bo muri Umuri gusa n’abandi mu bo hirya no hino mu gihugu ni ukureba uko twabafasha kuko ni ibyo guteza umupira w’abana imbere mu Rwanda si Umuri gusa.”

    “Urebye bizamfasha mu kugera ku ntego yanjye niyemeje yo gufasha abana kugaragaza impano bifitemo no kubafasha kugera ku nzozi zabo.”

    Ibi bikoresho birimo imipira 100 yo gukina, shosible 150, kona(corners), amazamu, amapombo n’ibindi, bigeze mu Rwanda byakiriwe na Jimmy Mulisa ndetse na Samantha Binta akaba Umunyamabanga Nshingwabikorwa wa Umuri Foundation.

    Uyu muryango wa Umuri washinzwe mu Gushyingo 2019, kugeza abana batatu bawo bahamagawe mu ikipe y’igihugu y’abatarengeje imyaka 17 yakinnye CECAFA aribo Irakoze Jean Paul, Nikokwizerwa Benjamin na Sammy.

    Haje ibikoresho byinshi kandi bitandukanye

    Ibi bikoresho byavuye muri UEFA

    Imipira igera mu ijana niyo bahawe

    Babyakiriye mu biro byabo

    Umuri Foundation yashinzwe na Jimmy Mulisa

    Imipira yo gukina

    Jimmy Mulisa(iburyo) na Binta Samantha(ibumoso) akaba umunyamabanga wa Umuri, nibo bakiriye ibikoresho

    Chausible n’imipira yo gukina bi bimwe mu bikoresho bahawe

    Haje n’amazamu

    Jimmy Mulisa arimo n’irerero rye bakiriye ibikoresho bitandukanye bizafasha mu iterambere ry’umupira w’amaguru mu Rwanda

    Barimo bareba bimwe mu bikorejo byaje

    AMAFOTO: Canisius KAGABO / ISIMBI.RW

    Source : http://isimbi.rw/siporo/article/jimmy-mulisa-n-irerero-rye-bakiriye-ibikoresho-bivuye-muri-uefa-amafoto

  • Urukiko rwemeje ko Jay Polly agumya afunzwe #rwanda #RwOT

    Urukiko rw’ibanze rwa Gasabo rwemeje ko umuraperi Jay Polly n’abandi batatu bafunganywe bagumya mafunzwe bitewe n’icyaha cyo gukoresha urumogi bakurikiranyweho.

    Uyu munsi nibwo habaye isomwa ry’urubanza ku ifungwa n’ifungurwa by’agateganyo kuri Jay Polly na murumuna we, Iyamuremye Clément, Shemusa Mutabonwa na Hatunga Fidèle ku cyaha cyo gukoresha ibiyobyabwenge bakurikiranyweho.

    Tariki ya 24 Mata, polisi y’u Rwanda yerekanye abantu 13 barimo n’umuraperi Jay Polly barenze ku mabwiriza yo kwirinda icyorezo cya Coronavirus, aho bari bari bakaba barahasanze umuti wongerera imbaraga abagabo mu gikorwa cy’imibonano mpuzabitsina n’Urumogi. Bafatiwe Kibagabaga bakoreye ibirori mu rugo rwa Jay Polly.

    Bakaba baragiye gukorerwa isuzuma basanga muri aba bantu 13, 4 muri bo(Jay Polly, Iyamuremye Clément, Shemusa Mutabonwa na Hatunga Fidèle) mu maraso yabo hagaragaramo ko harimo ibibyobwenge ku kigero cyo hejuru.

    Byatumye bahita bafungwa bakurikiranyweho icyaha cyo gukoresha ibiyobyabwenge cyane ko babasanganye n’urumugi.

    Ku wa Mbere tariki ya 17 Gicurasi, bagejejwe imbere y’Urukiko rw’Ibanze rwa Gasabo baburana ku ifungwa n’ifungurwa by’agateganyo. Murumuna wa Jay Polly, Iyamuremye Clément yavuze ko ari wari wazanye urwo rumogi mu rugo kwa Jay Polly, abandi bose bahakana ibyo baregwa.

    Ku gicamunsi cyo kuri uyu wa Kane nibwo hasomwe imyanzuro ku ifungwa n’ifungurwa ry’aba basore batatu n’umukobwa umwe.

    Bitewe n’uko icyaha bakoze gihanwa n’igifungo kigera ku myaka ibiri, kandi umuntu ukurikiranyweho icyo cyaha akurikiranwa afunze, hakiyongeraho ko basanze mu maraso yabo harimo ko bakoresha ibiyobyabwenge, umucamanza yavuze ko nta cyakwemeza ko uwo munsi batabikoresheje.

    Urukiko rwanzuye ko bagumya bafunzwe mu gihe cy’iminsi 30 mu gihe hagikusanywa ibindi bimenyetso.

    Jay Polly yasabiwe kugumya afunzwe by’agateganyo

    Source : http://isimbi.rw/siporo/article/urukiko-rwemeje-ko-jay-polly-agumya-afunzwe

  • Umumotari uregwa hamwe na Sankara yavuze uko moto ye yatumye ajya muri FLN –

    Motari akurikiranyweho kuba mu mutwe w’iterabwoba, ubwinjiracyaha mu bwicanyi buturutse ku bushake nk’igikorwa cy’iterabwoba, no gukoresha binyuranyije n’amategeko ikintu giturika ahantu hakoreshwa na rubanda.

    Ni umwe muri 19 bareganwa na Nsabimana Calixte alias Sankara ndetse Paul Rusesabagina ibyaha by’iterabwoba; bari kuburanishwa n’ Urugereko rwihariye rw’Urukiko Rukuru ruburanisha Ibyaha Mpuzamahanga n’Ibyambukiranya Imipaka.

    Mu bwiregure bwe bwo kuri uyu wa 20 Gicurasi, yari yunganiwemo na Me Uwimana Channy. Motari yabwiye Urukiko ko ibyaha aregwa byose abyemera, abyicuza kandi abisabira imbabazi.

    Yasobanuriye Urukiko ko yari umumotari, maze umunsi umwe moto ye irapfa aguza ibihumbi 150 Frw mu ishyirahamwe yabagamo kugira ngo ayikoreshe. Barayamuhaye arayikoresha biranga, abura ubwishyu, ngo ashiduka umurima yari yatanzemo ingwate bagiye kuwugurisha.

    Yahuye na Ntibiramira Innocent bari basanzwe baziranye muri iryo shyirahamwe amubwira ko yamurangira aho yakura amafaranga.

    Yamwohereje kwa Matakamba Jean Berchmas, agezeyo amubwira ko yamuha akazi ko gushaka abarwanashyaka, maze akamufasha kubona amafaranga yo kwishyura ishyirahamwe ndetse akazamugurira moto ye agakora ayishyura.

    Ngo Matakamba yabwiye Motari ko we afite akazi ko gushakira abayoboke abayobozi bari muri RDC bafite ishyaka, bityo ko moto niboneka ari we uzajya amutwara “muri izo ngendo zose n’ikindi gihe cyose ashaka kugira aho ajya akamuhamagara akaza akamutwara bitamugoye”. Abo bombi nabo bari muri uru rubanza.

    Motari yabwiye Urukiko ko yumvise ibyo gushaka abayoboke b’ishyaka rirwanya ubutegetsi buriho kandi we yarabaga muri FPR Inkotanyi arabyanga.

    Ngo yanze kubikora ariko ageze iwe asanga bagarutse kwishyuza abura uko abigenza.

    Yasubiye kwa mubyara we Matakamba amubwira ko yemeye akazi, Ati “Musaba amafaranga ampa amadolari 100 nongeraho andi make nari afite nishyura ishyirahamwe hasigara make”. Hari muri Nzeri 2019.

    Motari yabuze ubwishyu, yinjizwa muri FLN

    Bukeye bwaho Matakamba yaramuhamagaye amusaba ko bajyana ku mugezi wa Rusizi “komora[kwambutsa]” ibyo bari bamwoherereje bivuye muri RDC.

    Yamubajije ibyo ari byo n’ababimuhaye, Matakamba amubwira ko ari ibikoresho bya gisirikare yohererejwe n’abo bakorana ari nabo batanze ya mafaranga Motari yahawe.

    Motari yabwiye Urukiko ko yabyumvise agira ikibazo arabyanga, Matakamba amubwira ko natabikora aragarura amadolari 100 yahawe.

    Ngo yabonye ntaho yayakura aremera ajyayo. Barajyanye amutwaye ngo bageze mu nzira Matakamba amubwira ko na ya moto azamugurira atazamusubiza amafaranga ahubwo “izahita iba iyanjye”.

    Ngo barahageze bahahurira na Sibomana na Byukusenge Jean Claude. Matakamba yarababwiye ati “Uyu ni umumotari wanjye agiye kudufasha kwambutsa ibiukoresho.”

    Matakamaba yahamagaye abo muri RDC bamubwira ko bahageze, ngo maze bajya kubifata bahahurira na Shabani Emmanuel ari kumwe na Bizimana Patience, alias Paccy, nabo bareganywa muri uru rubanza.

    Ibyo bikoresho babizaniye Matakamba. Byari imbunda eshatu, amasasu na gerenade ebyiri n’amakoti ya gisirikare y’imvura.

    Ubwo ni bwo Motari yamenye ko “abo bantu akorana nabo ari abo mu mutwe wa FLN urwanya Leta y’u Rwanda”.

    Hashize iminsi ine ngo Matakamba yabasabye kuza bakajyana i Nyakarenzo. Barahageze amubwira kubanza gushaka aho abasirikirari baherereye kuko bashakaga kuharasira.

    Motari yabajije Matakamba icyo kurasa biraba bimaze, amusubiza ko ari “ikimenyetso cy’uko FLN yageze mu Gihugu maze bakemera imishyikirano”.

    Bamaze kubona aho ikigo cya gisirikari kiri, yahamagaye bagenzi be Sibomana, Ntibiramira na Claude ngo baze.

    Bahageze Ntibiramira yafashe imbunda, na Claude afata indi, Sibomana barayimwima kuko yari yasinze. Motari bamuhaye isigaye ngo ayibafashe ariko bayikuraho “chargeur” kugira ngo atarasa.

    Ngo bagiye mu muhanda barindira ko haza imodoka ngo barase, kikaba ikimenyetso cy’uko bahageze.

    Bagiye mu muhanda bashaka guhagarika imodoka, hakajya haza iz’abantu ku giti cyabo zikanga guhagarara. Ngo banze kuzirasa kuko batashakaga ko hagira umuntu upfa. Nyuma bahagaritse ikamyo nini, bararasa ndetse baturitsa grenade ariko bakuyemo umushoferi aragenda.

    Kwambutsa imbunda n’igitero cy’i Nyakarenzo hari muri Nzeri 2019.

    Nyuma y’aho na none ngo bakomeje gukorana kuko yabwiye Urukiko ko yahamagajwe na Matakamba ngo ajye kumufatira imyenda bamwoherereje muri RDC. Yagiye kuyifata asanga ni Bugingo na Paccy, bamuhereza igipfunyika.

    Yagarutse mu Rwanda asanga Claude amutegereje amuha icyo gipfunyika. Icyo gihe bacungirwaga na Matakamba, Ntibiramira na Sibomana ko ntawaba abareba kuko hari saa sita z’amanywa.

    Yavuze ko icyo gipfunyika basanzemo ipantalo, umupira wa Lacoste, n’imbunda ya pistol n’amasasu yayo, gerenade enye na telefoni igezweho (smartphone). Hari mu ntangiriro z’Ukwakira 2019.

    Bateguraga igitero i Kamembe

    Matakamba yagiye kubika ibyo bikoresho abandi barataha.

    Nyuma yaho Matakamba yongeye kumuhamgara ngo aze ku mutwara amugeze i Kamembe. Yagiye kumutwara bahageze amusaba kumugeza ku rusengero rwa ADEPR Gihundwe.

    Matakamba yahaye Motari gerenade imwe ngo ayijyanire Claude wari uvuye i Nyamasheke, arayifata arayimujyanira.

    Claude ngo yari yasabwe kuyitera mu Mujyi wa Kamembe ariko agira ubwoba. Motari yamugiriye inama yo kuyitera mu ishyamba, undi avuga ko batamuhemba kuko bisaba ko hagaragara ibimenyetso ko yatewe.

    Claude arangije ibyo yarimo yahamagaye Motari agaruka kumutwara, amujyana amubaza aho yateye gerenade amubwira ko yayiteye ku rya Gatatu, ahari akabari kitwa Stella.

    Ngo gerenade yayiteye ku modoka yari ihaparitse nka saa Moya z’umugoroba.

    Umucamanza Mukuru yabajije Motari niba ibyo yari arimo atarabonaga ko ari ikibazo, arasubiza ati “Ikibazo narakibonaga ariko ku mpamvu z’uko nari nahawe ya mafaranga nanabuze uburyo bwo kuyishyura, noneho bigerekaho ko na ya moto bari bayinyemereye; ndavuga nti ‘najye mbonye moto nzajya nkoresha nkagira amafaranga nk’abandi”.

    Umucamanza yamubajije niba hari agahato yigeze ashyirwaho ngo abikore, arahakana avuga ko yabikoze kubw’ayo mafaranga yashakaga gusa.

    Ku munsi wakurikiyeho ngo Claude yamuzindukiye amubwira ko Matakamba abasirikari bamutwaye, amusaba kumuherekeza muri “kariyeri” akajya guhishayo ya pistol yakuwe muri RDC.

    Yanze ko bajyayo, imbunda itabwa ahari umugano mu isambu ya Motari.

    Hashize indi minsi ibiri Claude yahamagaye Motari amusaba ko yaza kumutwara akamujyana i Rusizi gufatayo telefoni ye. Bageze mu nzira bahagaritswe n’imodoka ya gisirikare, Claude baramutwara, Motari asubira inyuma.

    Nyuma y’aho Motari na bagenzi be nabo barabashatse, we na Sibomana baratoroka ngo badafatwa.

    Baragiye bafata ya pistol yari kumwe na gerenade bari babipfunyikanye mu ishashi, barayambukana muri RDC kwa sebukwe wa Sibomana.

    Ngo ageze muri RDC yavuganye n’umugore we amubwira ko baje gusaka bashaka imbunda. Motari yafashe nimero yahawe n’umugore we amubwira ko ari iy’umusirikari wari mu basatse, azana ya mbunda na gerenade abishyira ku giti kiri ku mupaka w’u Rwanda arangije yohereza ubutumwa bugufi aharanga anasaba imbabazi.

    Motari yabwiye Urukiko ko yoherereje n’umugore we ubutumwa buranga aho ibyo bikoresho biri, amusaba kuyereka na gitifu w’akagali.

    Yavuze ko ngo abasirikari bajyanye na RIB na Gitifu barabifata. Yagumye muri RDC aba ari naho afatirwa ku wa 20 ,azanwa mu Rwanda kuwa 28 Kanama 2020.

    Mukandutiye Angelina na Sankara bavugana mu Rukiko

    Nsabimana Calixte alias Sankara wari umugizi wa FLN ahuriye mu rubanza rumwe na Motari wayinjiyemo ashaka kwishyura ideni ry’ishyirahamwe

    Nsabimana Jean Damascene alias Motari ni we watwaraga Matakamba Jean Berchmans na Byukusenge Jean Claude bagiye gutera za gerenade i Rusizi

    Umucamanza Muhima Antoine ni we ukuriye urukiko ruri guca urubanza rwa Rusesabagina na bagenzi be 20

  • Karongi: Croix Rouge yifashishije miliyoni 18 Frw mu kugoboka abashyizwe muri Guma mu Rugo –

    Hashize icyumweru kirenga gato umurenge wa Bwishyura mu Karere ka Karongi ushyizwe muri Gahunda ya Guma mu rugo mu rwego rwo kurwanya ikwirakwira ry’icyorezo cya Covid 19.

    Ubuyobozi bw’Umurenge wa Bwishyura buvuga ko kuri ubu hari abarwayi bagera kuri 56 ariko ko ibipimo biri gufatwa bigaragaza ko imibare y’abandura iri kugabanuka.

    Umunyamabanga Nshingwabikorwa w’Umurenge wa Bwishyura, Ayabagabo Faustin yavuze ko hari abo Guma mu Rugo yagizeho ingaruka zitari nziza ariko bagashimira ubuyobozi bwa Croix Rouge Rwanda bwafashe iya mbere mu gufasha abaturage.

    Ati “Nyuma y’aho tugiriye muri Guma mu rugo habashije kugira igikorwa abantu bafite ikibazo kiri hejuru cyane bagira ubufasha batanga ariko noneho by’umwihariko Croix Rouge yabaye iya mbere ituba hafi iduha ubufasha, bakabaha amafaranga mu buryo bw’ikoranabuhanga, atari kwa kundi kubaha ibiryo kandi turi kwirinda.”

    Bimwe mu byiciro byahawe aya mafaranga harimo abakoraga uburaya bakabureka, abarindaga zimwe mu nyubako zo mu mujyi (Abazamu), abarwaye Covid 19 n’abandi batandukanye.

    Bamwe mu baganiriye na IGIHE bavuze ko amafaranga bahawe agiye kubafasha mu mibereho yabo ya buri munsi bityo bagashimira Croix Rouge Rwanda kubazirikana, bikazatuma barushaho kwirinda icyorezo cya Covid-19.

    Mukarusengo Jeannette ati “Ubusanzwe ncuruza mu isoko rya Bwishyura, nagize ikibazo cy’uburwayi bwa Covid-19 ariko ubuzima bwari bukomeye cyane kuko turi umuryango w’abantu batanu kandi ninjye wahagurukaga nkajya gushakisha imibereho kandi n’aho nari ndi mu kato nasabwaga kurya ibiryo byiza. Iyi nkunga ndagenda njye gushakisha igishoro nsubire mu isoko, Croix Rouge ndayishimiye kuko yashyize ingufu cyane mu kwirinda icyorezo.”

    Ujyakuvuga Lazaro yunzemo ati “Nari umuzamu muri uyu mujyi ariko muri iyi minsi twari twicaye abaturage bari mu rugo ntaho bakura icyo kuduhemba. Turashima Croix Rouge yatwibutse, tugiye gukora cyane kandi bidufahe kwirinda icyorezo.”

    Visi perezida wa Croix Rouge Rwanda, Mukandekezi Françoise yavuze ko bahisemo guha amafaranga aba baturage kugira ngo nabo bahitemo icyo bikorera kijyanye n’ibyo bashaka.

    Ati “Ahantu hose hari ikibazo cya Guma mu rugo Croix Rouge yagiye itanga ibiribwa no muri Guma mu rugo ya mbere, ubufasha rero bugenda butangwa uko ubuyobzi bugaragaje ko bayikeneye. Hari igihe abantu batekerereza abaturage ibyo bakeneye ariko nabo ubwabo baba bafite ibyo batekereza, twagira ngo tubahe amafaranga agende ajye mu isoko ahahe ibimufasha. Ushobora kumuha kawunga kandi yari yejeje ibigori akeneye ibishyimbo.”

    Buri muturage yahawe amafaranga 35 650. Amafaranga bahawe yose asaga miliyoni 18.

    Amafaranga yahawe na Croix Rouge Rwanda azamufasha kongera kubona igishoro

    Umwe mu bahawe amafaranga ari kureba ubutumwa bw’amafaranga yagenewe na Croix Rouge Rwanda

    Ujyakuvuga Lazaro yakoraga umwuga w’ubuzamu Guma mu rugo ituma atabona akazi none yagobotswe na Croix Rouge

    Francoise Mukandekezi yagaragaje ko guha amafaranga abaturage bibafasha kwihitiramo ibyo bigurira

    Umunyamabanga Nshingwabikorwa w’Umurenge wa Bwishyura, Ayabagabo Faustin yashimiye Croix Rouge Rwanda uburyo yafashe iya mbere mu kugoboka abaturage

    Abaturage 465 bo mu Murenge wa Bwishyura bari mu bafashijwe na Croix Rouge Rwanda bahabwa amafaranga

  • Nta gusinzira, umutekano ugomba gushakishwa -Minisitiri Gatabazi –

    Minisitiri Gatabazi umaze iminsi mu ruzinduko rw’akazi mu Ntara y’Uburengerazuba yatanze ubu butumwa kuri uyu wa Kane tariki 20 Gicurasi 2021, mu biganiro byamuhuje n’abavuga rikumvikana mu Karere ka Rubavu.

    Ibi biganiro byitabiriwe na Guverineri w’Intara y’Iburengerazuba, Habitegeko François, Abagize inzego z’umutekano muri iyi ntara n’abayobozi b’akarere ka Rubavu. Byanitabirwe kandi n’Abayobozi kuva ku rwego rw’Isibo, Abahagarariye Amadini n’Amatorero, Abikorerera n’abandi bayobozi mu nzego zitandukanye.

    Ibi biganiro byabaye nyuma y’uko Minisitiri Gatabazi n’itsinda bari kumwe bari bamaze gusura Umupaka wa Kabuhanga uherereye mu Murenge wa Bugeshi.

    Minisitiri Gatabazi yeretswe ikibaya gihuza u Rwanda na Repubulika Iharanira Demukarasi ya Congo, bamubwira ko imyotsi arimo kubona ari abarwanyi ba FDLR baba bacanye umuriro batwika amatara mu ishyamba ry’ikirunga cya Nyiragongo.

    Ati “’Hari ukuntu narebaga hariya hirya mu byuma birebayo. Nta wakwifuza gusubira mu mashyamba kubaho mu buzima babayeho dufite inshingano zo gukoresha uburyo bwose kugira ngo batahe ariko tunafite kubereka ko imbaraga zihari kuba bahari tugomba kwiga kubana nabo.”

    Yakomeje agira ati “Turimo kubaka umubano ukomeye na Congo, mu minsi iri mbere muzabibona uwumva icyo yajyana yakora hirya yitegure bariya ni abavandimwe, abenshi tuvuga ururimi rumwe nabo barabishaka uretse abagiye kubatobera.”

    Minisitiri Gatabazi kandi yibukije abaturage ko bafite inshingano zo gufatanya n’inzego z’umutekano ndetse n’iz’ibanze kwicungira umutekano asaba abafite abavandimwe cyangwa inshuti zabo ziri mu mashyamba ya Congo kubabwira bagatahuka mu gihugu cyabo.

    Ati “Nta gusinzira ntakurangara umutekano ugomba gushakishwa duhora twiteguye nufite umuntu hariya ajye amuha amakuru.”

    Abaturage n’abavuga rikijyana bagaragaje ibyifuzo birimo kuba bakeneye umupaka wo muri iki kibaya cya Cyanzarwe wazafasha mu koroshya ubuhahirane n’abaturanyi bo muri Repubulika Iharanira Demukarasi ya Congo.

    Ntibiringirwa Samuel yagize ati “Urebye hano Cyanzarwe biratugora kwambuka kuko bisaba kujya Kabuhanga muri Bugeshi cyangwa Gisenyi urugendo rukatubera rurerure kandi natwe dushaka gukorera no guhahirana na Congo nk’abandi. Mudufashije tukagira umupaka mu kibaya bigakorwa kuburyo biteguye twakwiteza imbere.”

    Mu ruzinduko rw’iminsi ine yatangiye ku wa 19 Gicurasi, Minisitiri Gatabazi amaze gusura ibikorwa by’iterambere mu turere twa Nyabihu na Rubavu aho agenda aganira n’abaturage ndetse n’abayobozi bakamugaragariza imishinga y’iterambere ihari ndetse n’iteganywa kubakwa ariko akanakira ibibazo n’ibyifuzo by’abaturage.

    Abaturage bahawe umwanya wo kubaza ibibazo no gutanga ibyifuzo

    Minisitiri Gatabazi yasabye ab’i Rubavu gusigasira umutekano

    Abayobozi batandukanye muri Rubavu bagiranye ibiganiro na Minisitiri Gatabazi

    Minisitiri Gatabazi n’abayobozi mu Burengerazuba basuye umupaka wa Kabuhanga muri Rubavu

  • Umuhanzi Jay Polly n ' abo bareganwa bakatiwe gufungwa iminsi 30 #rwanda #RwOT

    Umuhanzi Jay Polly n'abo bareganwa icyaha cyo gukoresha ibiyobyabwenge bakatiwe gufungwa iminsi 30 y'agateganyo mu gihe hagikorwa iperereza.Uyu mwanzuro wasomwe kuri uyu wa 20 Gicurasi 2021 mu rukiko rw'ibanze rwa Gasabo.

    Urukiko rwanzuye ko baba bafunzwe iminsi 30 y'agateganyo kuko hari impamvu zikomeye zituma bakekwaho icyaha bakurikiranyweho.

    Jay Polly, murumuna we witwa Iyamuremye Jean Clément, Shemsa Mutabonwa na Hatunga Fidèle Benedicto uvuga ko ari Umunyamerika ukomoka muri Tanzania. bari baburanye tariki 17 Gicurasi ku ifungwa n'ifungurwa by'agateganyo.

    Icyo gihe Umushinjacyaha yavuze ko impamvu ikomeye yatumye bageza abaregwa imbere y'Urukiko, ari ibipimo byafashwe n'abaganga byagaragaje ko bakoresheje ibiyobyabwenge.

    Yagaragarije urukiko ko mu bipimo by'inkari abaregwa bafashwe, Jay Polly yasanganywe 385, Iyamuremye [198], Mutabonwa [338] mu gihe Benedicto we yasanzwemo 155. Ibi bipimo basanzwemo, Ubushinjacyaha buvuga ko biri hejuru cyane kuko ubusanzwe muri mililitiro imwe y'inkari z'umuntu udakoresha urumogi ariko wafashe imiti ifite aho ihuriye narwo aba afite 20 gusa.

    UKO IBURANA RYAGENZE

    Jay Polly yahishuye ko yatangiye kunywa urumogi mu 2012 arureka mu 2020

    Jay Polly yabwiye Urukiko ko atemera ibyaha aregwa, arusaba ko rwatesha agaciro ubusabe bw'Ubushinjacyaha bwo gufungwa by'agateganyo.

    Uyu muraperi yavuze ko bafashwe ku wa 23 Mata 2021, bitandukanye n'ibyo Ubushinjacyaha bwari bwavuze ko bafashwe ku wa 25 Mata 2021.

    Umwunganizi we ni ho yahereye asaba Urukiko kuzita ku matariki bafatiwe n'igihe batangiriye kubazwa, avuga ko umukiliya we n'abo bareganwa bafunze mu buryo bunyuranyije n'amategeko.

    Jay Polly yavuze ko ubwo inzego zishinzwe umutekano zazaga iwe ariwe ubwe wagiye kubafungurira, bityo ko iyo aba azi ko mu nzu ye harimo urumogi yari kubanza kuruhisha cyangwa kurujugunya.

    Uyu muraperi yavuze ko kuva mu 2012 yakoreshaga urumogi kugeza tariki 1 Nyakanga 2020.

    Iki gihe ngo yaruretse agiriwe inama na muganga nyuma y'impanuka ikomeye yagize akava amaraso menshi ubudahagarara bakamubwira ko byatewe n'uko anywa urumogi.

    Nubwo yari yararuretse ariko, Jay Polly yabwiye Urukiko ko tariko 31 Ukuboza 2021 na tariki 1 Mutarama 2021, avuga ko yongeye kugwa mu gishuko akanywaho.

    Icyakora ngo ni ibintu yari amaze igihe yararetse, ku buryo rwose igihe yafatwaga atari yarunyweye.

    Aha yavuze ko urumogi bamusanzemo ari urwo yanyweye kera, bityo asanga ataruhanirwa cyane ko nubwo bafatwaga we ntarwo yari yanyweye.

    Jay Polly yavuze ko we n'abo bareganwa bagambaniwe n'uwo bakekaho kuba umukozi wa RIB

    Uyu muraperi yavuze ko tariki 23 Mata 2021 yahamagawe n'inshuti ye yitwa Maniriho Rodrigue usanzwe ari n'umuganga. Ngo yamubwiye ko ari kumwe n'abantu bifuza ko bakumvikana uko bakorana mu kwamamaza umuceri wabo.

    Muri aba ngo harimo abasore babiri baturuka muri Amerika na mugenzi wabo wo muri Tanzania.

    Maniriho yasabye Jay Polly ko bamusanga iwe bakaganira ku bucuruzi, bakigerayo uyu muhanzi ngo yababwiye ko afite gahunda yo kujya muri studio bityo ko bakwihutisha ibiganiro.

    Icyakora mu kubakira yatunguwe nuko umubare yiteguraga yasanze wiyongereye.

    Ati 'Nari nzi ko ngiye kwakira abantu batatu, birangira baje barenga. Abageze iwanjye barimo undi ntazi neza uko yitwa ariko akaba inshuti na Maniriho, twakundaga kumwita Kaboko uyu yakundaga kutubwira ko ari umukozi wa RIB.'

    Aba biyongeragaho umukunzi wa Maniriho witwa Cynthia, bose hamwe bagahita baba batandatu. Uko ari batandatu ngo biyongereyeho Jay Polly, murumuna we Iyamuremye n'inkumi yitwa Ariane, bahita bakoranira iwabo ari icyenda.

    Jay Polly yavuze ko yahise atangira ibiganiro n'abari baje kumuha akazi ndetse birangira bemeranyije imikoranire.

    Yongeyeho ko ubwo bari mu biganiro, Maniriho (muganga) yakiriye telefoni ivuye kuri hoteli yari yahuriyeho na ba banyamahanga bamubwira ko hari abapolisi bari kumuhiga.

    Iki gihe Maniriho ngo yabiganirije abo bari kumwe ndetse ahita yihutira gucyura umukunzi we.

    Jay Polly wari umaze gufatwa n'amasaha ya studio ariko afite ubwoba ko Polisi yaza kuhasanga abantu benshi bari kunywa, yavuze ko yasabye buri wese ko namaramo icupa afite yakwinyakura buri wese agataha.

    Saa Munani n'igice ni bwo Jay Polly avuga ko yavuye mu rugo iwe agaruka saa Kumi n'imwe zirengaho. Akigera iwe, yatunguwe no gusanga abantu yasize asabye gutaha biyongereye ndetse basinze cyane.

    Icyo gihe ngo yahise ashyira ku ruhande murumuna we, amusaba gucyura abari aho, we ajya kwiryamira.

    Icyakora ngo yatunguwe no kumva abantu bakomanga ku gipangu n'imbwa imoka cyane, agiye kubakingurira asanga ni abapolisi.

    Jay Polly yakomeje kwinginga abapolisi abasaba ko bamubabarira ku bwo kwica amabwiriza. Yavuze ko yatunguwe n'uko abapolisi bakigera iwe bahise bafata Kaboko binjirana mu bubiko bw'ibiribwa bakuramo ibahasha irimo ibipfunyika by'urumogi birindwi.

    Abari aho bose bahise ngo batabwa muri yombi babwirwa ko uretse kwica amabwiriza yo kwirinda Covid-19, banafatanywe ibiyobyabwenge.

    Jay Polly n'abo bareganwa bavuze ko batunguwe n'uko ubwo bari bageze kuri Polisi, Kaboko ngo yaje kurekurwa mu buryo batazi, abari bafashwe ari 13 birangira bakurikiranywe mu butabera ari 12.

    Abajijwe niba hari icyo yari asanzwe apfa na Kaboko ku buryo yamugambanira, Jay Polly yabwiye urukiko ko ntacyo. Yagize ati 'Ahubwo nyuma naje kumenya amakuru ko yari afitanye amakimbirane na Maniriho byatumye ashaka kumufatisha kubera ibyangombwa bihimbano. Twe urebye twaguye mu mutego yari yamuteze.'

    Abaregwa bavuga ko Kaboko ariwe waguze urumogi ndetse nawe ari mu barunyweyeho

    Iyamuremye wemera ko ari na we wazanye urumogi kwa Jay Polly, avuga ko yarutumwe n'uwitwa Kaboko uyu akaba ari nawe wamuhaye amafaranga ibihumbi icumi byo kurugura, anamurangira urumuha.

    Uyu musore avuga ko yahisemo kugura urw'ibihumbi 7 Frw akisagurira bitatu mu icumi yari ahawe na Kaboko.

    Akirugeza mu rugo, Iyamuremye avuga ko yasabwe na Kaboko kurumutunganyiriza neza.

    Iyamuremye udahakana ko yigeze kunywa ku rumogi nkuko yanabyemereye urukiko, yavuze ko yarumutunganyirije ndetse aranarumwakiriza kuko afite ukuboko kumwe.

    Iyamuremye yemereye urukiko ko yasomye ku rumogi, icyakora arusangira na Kaboko bahanywera bure imwe.

    Ibi yabivuze ashimangira ko iyo abari aho bose baba baranyweye ku rumogi, Polisi itari kuhasanga ibure nk'izo yahasanze muri zirindwi baguze.

    Mu kwiregura kwe, Iyamuremye yavuze ko byinshi mu byo yakoze yabikoreshejwe n'uko yari yanyweye ndetse yasinze cyane. Yongeyeho ko yashutswe na Kaboko.

    Impaka zari zose ku bizamini abaregwa bafashwe

    Abaregwa bose bemereye urukiko ko bakoresheje urumogi, buri wese mu gihe gitandukanye bakaza kurureka, ariko bagahuriza ku kuba baratawe muri yombi nta n'umwe warunyweyeho uretse Iyamuremye.

    Bavuga ko urwo basanzwe mu mubiri ari urwo banyweye kera, banenga kuba batarigeze bafatwa ikizamini cy'amaraso kandi ku bwabo aricyo cyagombaga kugaragaza uwo basanzemo urumogi rwa vuba.

    Ababunganira mu mategeko bose bagaragaje ko mu nkari bishoboka kubona urumogi rumaze igihe mu mubiri w'umuntu bityo ko ikizami bari bakwiye kubafata ari icy'amaraso.

    Usibye Jay Polly na Iyamuremye, Shemusa Mutabonwa we yabwiye urukiko ko yigeze kurunywa mu 2020 ubwo yari yaragiye gukorera muri Repubulika Iharanira Demokarasi ya Congo.

    Hatunga Fidèle Benedicto, Umunyamerika uturuka muri Tanzania we yabwiye Urukiko ko yanywaga urumogi akiri iwabo muri Amerika aho byemewe bityo ko urwo bamusanzemo ari urwa kera.

    Umwunganizi mu mategeko w'uyu musore yavuze ko icyaha akurikiranyweho kidakwiye gutuma akurikiranwa mu nkiko z'u Rwanda.

    Ku rundi ruhande abaregwa bose bagaragaje ko nta mpamvu zikomeye zatuma bakomeza gukurikiranwa bafunze. Bose bagaragazaga ko baramutse barekuwe nta bimenyetso basibanganya ndetse nta n'uwatoroka, bityo basaba Urukiko kurekurwa.

    Kuri Jay Polly na Iyamuremye murumuna we, bo bagaragaje ko bafite umwishingizi ariwe Uwera Jean Maurice mukuru wa bo akaba n'umunyamakuru wa RBA.

    Source : https://impanuro.rw/2021/05/20/umuhanzi-jay-polly-n-abo-bareganwa-bakatiwe-gufungwa-iminsi-30/

  • Yatawe mu musarane, arya imigozi y'ibijumba… Ubuhamya bukomeye bwa Nibagwire muri Jenoside – #rwanda #RwOT

    Mu bagendana intimba banafite ubuhamya bukomeye harimo Nibagwire Didacienne wiciwe ababyeyi n'abavandimwe ndetse nawe akagenda asimbuka impfu nyinshi.

    Uyu mukobwa uzwi muri sinema nyarwanda, tariki 14 Gicurasi 2021 yatanze ikiganiro cyahawe abitabiriye Ihuriro ry'Urubyiruko ryiswe 'Igihango cy'Urungano' ryabaye muri gahunda yo kwibuka Jenoside yakorewe Abatutsi.

    Ni ihuriro kandi ryari rifite intego yo kwibukiranya ingaruka za Jenoside no kwishakamo imbaraga zo gukomeza kubaka amateka mashya ari nako habungabungwa amateka ya Jenoside yakorewe Abatutsi, hanyomozwa abagerageza kuyihakana no kuyipfobya.

    Muri iki kiganiro cyari gifite umutwe ugira uti 'Imizi yo kubaho k'u Rwanda n'urugendo rwacu', yatanzemo ubuhamya bukomeye bw'uko yarokokanye na mukuru we witwa Giramata ndetse akabura ababyeyi be bose.

    Ati 'Mukuru wanjye niwe wagize uruhare mu kuba nicaye aha, yarangendanye. Iyo uri umwana ntabwo ibintu byose uba ubyibuka keretse ibikomeye. Mu 2019 nibwo naganiriye na mukuru wanjye ku rugendo rwo muri jenoside.'

    Avuga ko yavukaga mu muryango w'abana 10 ariko umwe yapfuye mbere ya jenoside. Muri abo icyenda bari basigaye, abarokotse ni bane barimo batatu ba mbere nawe wari uwa cyenda.

    Avuga ko hari musaza we warokotse kubera ko yigaga mu iseminari nkuru. Undi we yafashe inzira agenda ahunga, agize amahirwe ahura n'Inkotanyi atangira gufatanya nazo.

    Ati 'Uwamukurikiraga we bucya bari buze kutwica yarigendeye aza guhura n'Inkotanyi, yitabye Imana mu 2017.'

    Yavuze ko ubwo Jenoside yatangiraga, yari ari kumwe n'umuryango we muri Komine Musange ahahoze ari Gikongoro kuko niho avuka, ariko bagenda batatana.

    Ati 'Umunsi baza kutwica mukuru wanjye yari ari kumwe na papa aramubwira ati ndumva mfite ubwoba uyu munsi baratwica, akibivuga baramurasa arapfa. Nyuma igitero cyaraje mama arababwira ngo abana banjye mwabamaze, bamukubita icumu rirahinguranya aza kwitaba Imana.'

    We na mukuru we Giramata n'abandi bavandimwe baje kugenda bihishahisha.

    Ati 'Twagiye mu bihuru turihishahisha. Giramata ajya ambwira ko yafataga imigozi y'ibijumba agahekenya akampa utuzi twayo kuko nari muto.'

    Nyuma bahungiye mu Cyanika bakwepana n'abicanyi, ngo bahageze hari umukobwa wiganaga na Giramata se akibababona ahita avuga ko agiye kubajyana kubicisha ariko uwo mukobwa aramubeshya arabacikisha.

    Nyuma aho bari bihishe haramenyekanye baza kubatwara babajyana mu musarani babatamo ariko naho kubera Imana baza kuvamo.

    Ati 'Baje kudutwara batujyana ahantu hari icyobo kinini cy'ubwiherero batujugunyamo barafunga. Twari hejuru y'imirambo harimo abantu bishwe. Njye kubera n'ubwana numvaga ko twapfuye. Harimo umugabo witwaga Mvuganyi nta rindi zina rye nibuka yari amazemo iminsi.'

    'Yari yaravuye mu Bugesera ahunze agezeyo bamutamo aho. Ati mwa bana mwe murapfa urwo mfuye. Agerageza kurira ku twobo duto bakoze bacukura umusarani. Ajya gushaka Interahamwe aziha 200 Frw badukuramo. Bazanye umugozi w'ihene tuvamo.'

    Bavuyemo bahuye n'abantu bari bafite amazi bavuye kuvoma bayabasukaho kugira ngo umwanda ubashireho.

    Igihe cyarageze we na mukuru we bahungira muri RDC. Hari mubyara we wamenye ko bari mu gace kamwe na Nibagwire amutumaho aza kumufasha gutaha mu 1995.

    Nibagwire yavuze ko agahinda katajya gashira ariko agerageza kubana nako kandi agakomeza abarokotse.

    Nibagwire Didacienne ayobora sosiyete yitwa Iyugi isanzwe ikora ibijyanye na sinema ndetse ajya ategura amahugurwa yo gufasha abakishakisha mu ruganda rwa sinema.

    Nibagwire yarahuritse kugera ubwo atabwa mu musarane muri Jenoside yakorewe Abatutsi mu 1994

    Source : http://igihe.com/amakuru/u-rwanda/article/yatawe-mu-musarane-arya-imigozi-y-ibijumba-ubuhamya-bukomeye-bwa-nibagwire-muri

  • Yatawe mu musarane, arya imigozi y’ibijumba… Ubuhamya bukomeye bwa Nibagwire muri Jenoside –

    Mu bagendana intimba banafite ubuhamya bukomeye harimo Nibagwire Didacienne wiciwe ababyeyi n’abavandimwe ndetse nawe akagenda asimbuka impfu nyinshi.

    Uyu mukobwa uzwi muri sinema nyarwanda, tariki 14 Gicurasi 2021 yatanze ikiganiro cyahawe abitabiriye Ihuriro ry’Urubyiruko ryiswe ‘Igihango cy’Urungano’ ryabaye muri gahunda yo kwibuka Jenoside yakorewe Abatutsi.

    Ni ihuriro kandi ryari rifite intego yo kwibukiranya ingaruka za Jenoside no kwishakamo imbaraga zo gukomeza kubaka amateka mashya ari nako habungabungwa amateka ya Jenoside yakorewe Abatutsi, hanyomozwa abagerageza kuyihakana no kuyipfobya.

    Muri iki kiganiro cyari gifite umutwe ugira uti ‘Imizi yo kubaho k’u Rwanda n’urugendo rwacu’, yatanzemo ubuhamya bukomeye bw’uko yarokokanye na mukuru we witwa Giramata ndetse akabura ababyeyi be bose.

    Ati “Mukuru wanjye niwe wagize uruhare mu kuba nicaye aha, yarangendanye. Iyo uri umwana ntabwo ibintu byose uba ubyibuka keretse ibikomeye. Mu 2019 nibwo naganiriye na mukuru wanjye ku rugendo rwo muri jenoside.”

    Avuga ko yavukaga mu muryango w’abana 10 ariko umwe yapfuye mbere ya jenoside. Muri abo icyenda bari basigaye, abarokotse ni bane barimo batatu ba mbere nawe wari uwa cyenda.

    Avuga ko hari musaza we warokotse kubera ko yigaga mu iseminari nkuru. Undi we yafashe inzira agenda ahunga, agize amahirwe ahura n’Inkotanyi atangira gufatanya nazo.

    Ati “Uwamukurikiraga we bucya bari buze kutwica yarigendeye aza guhura n’Inkotanyi, yitabye Imana mu 2017.”

    Yavuze ko ubwo Jenoside yatangiraga, yari ari kumwe n’umuryango we muri Komine Musange ahahoze ari Gikongoro kuko niho avuka, ariko bagenda batatana.

    Ati “Umunsi baza kutwica mukuru wanjye yari ari kumwe na papa aramubwira ati ndumva mfite ubwoba uyu munsi baratwica, akibivuga baramurasa arapfa. Nyuma igitero cyaraje mama arababwira ngo abana banjye mwabamaze, bamukubita icumu rirahinguranya aza kwitaba Imana.”

    We na mukuru we Giramata n’abandi bavandimwe baje kugenda bihishahisha.

    Ati “Twagiye mu bihuru turihishahisha. Giramata ajya ambwira ko yafataga imigozi y’ibijumba agahekenya akampa utuzi twayo kuko nari muto.”

    Nyuma bahungiye mu Cyanika bakwepana n’abicanyi, ngo bahageze hari umukobwa wiganaga na Giramata se akibababona ahita avuga ko agiye kubajyana kubicisha ariko uwo mukobwa aramubeshya arabacikisha.

    Nyuma aho bari bihishe haramenyekanye baza kubatwara babajyana mu musarani babatamo ariko naho kubera Imana baza kuvamo.

    Ati “Baje kudutwara batujyana ahantu hari icyobo kinini cy’ubwiherero batujugunyamo barafunga. Twari hejuru y’imirambo harimo abantu bishwe. Njye kubera n’ubwana numvaga ko twapfuye. Harimo umugabo witwaga Mvuganyi nta rindi zina rye nibuka yari amazemo iminsi.”

    “Yari yaravuye mu Bugesera ahunze agezeyo bamutamo aho. Ati mwa bana mwe murapfa urwo mfuye. Agerageza kurira ku twobo duto bakoze bacukura umusarani. Ajya gushaka Interahamwe aziha 200 Frw badukuramo. Bazanye umugozi w’ihene tuvamo.”

    Bavuyemo bahuye n’abantu bari bafite amazi bavuye kuvoma bayabasukaho kugira ngo umwanda ubashireho.

    Igihe cyarageze we na mukuru we bahungira muri RDC. Hari mubyara we wamenye ko bari mu gace kamwe na Nibagwire amutumaho aza kumufasha gutaha mu 1995.

    Nibagwire yavuze ko agahinda katajya gashira ariko agerageza kubana nako kandi agakomeza abarokotse.

    Nibagwire Didacienne ayobora sosiyete yitwa Iyugi isanzwe ikora ibijyanye na sinema ndetse ajya ategura amahugurwa yo gufasha abakishakisha mu ruganda rwa sinema.

    Nibagwire yarahuritse kugera ubwo atabwa mu musarane muri Jenoside yakorewe Abatutsi mu 1994