Kuri uyu munsi tariki ya 07 Kamena 2021 nibwo habaye umukino wahuje ikipe y'U Rwanda Amavubi n'ikipe ya Central African Republic. Ni umukino warangiye ku ntsinzi y'ibitego 5 by'Amavubi ku busa bwa Central African Republic. Umuzamu wa Central African Republic yakomeje kugarukwaho cyane kubera igitego cya 4 yatsinzwe cyavuye ku burangare bukomeye yakoze. Ifoto ye niyo twabahitiyemo nk'ifoto y'umunsi.
Mu mpera z'iki cyumweru nibwo Miss Pamella Uwicyeza ari kumwe n'abandi bakobwa bagaragiye Miss Jordan Mushambokazi mu birori bye by'ubukwe. Nkuko byagaragaye mu mafoto yagiye hanze, Miss Pamella Uwicyeza yari yambaye impeta tukaba twaraketseko ari iya fiançaille dore ko uyu mukobwa asanzwe ari mu rukundo n'umuhanzi Mugisha Benjamin uzwi nka The Ben.
Kuri ubu The Ben ari muri leta zunze ubumwe za Amerika aho asanzwe atuye. Turakeka ko The Ben ashobora kuba yarambitse impeta Miss Pamella mbere yuko asubira muri Amerika dore ko aba bombi bahoranaga cyane ndetse batanahwemaga kugaragarizanya urukundo rwabo.
Source : https://yegob.rw/the-ben-yambitse-impeta-umukunzi-we-mu-ibanga/
Nzeyimana Esperee, umwarimu wigisha igifaransa mu mwaka wa kane kuri kiriya kigo, bivugwa ko yahaye igihano abana 30 mubo yigisha abaziza kunanirwa imyitozo yari yabahaye.
Abana 30 kuri 45 yigisha ni bo bayinaniwe, bikavugwa ko yahise abaha igihano cyo kuzenguruka ikibuga kirimo amabuye bapfukamye, bituma bakomereka ku mavi kugeza aho bajyanwa kwa muganga.
Umuyobozi wa zone Mubuga aho iryo shuri rya Ngobeke ribarizwa, Manirambona Placide, avuga ko uwo mwwarimu yamaze gufatwa.
Yagize ati: “Nzeyimana Esperee yahagaritswe kuri iki cyumweru tariki 6 z'ukwezi kwa gatandatu mu masaha yo mu gitondo,yahise ajyanwa mu murwa mukuru Gitega aho ategereje kugezwa imbere y'Ubutabera.”
Hari hashize iminsi itandatu abo banyeshuri bakomeretse.
Amakuru atangazwa n'abayobozi avuga ko uyu mwarimu amaze kubona uko aba bana bakomeretse cyane, yamaze iminsi asiba ku kazi.
BBC
Ku mwaka uyu musore azajya yishyurwa miliyoni 10 z'amayero mu gihe FC Barcelona yifuzaga kumuhemba miliyoni 5 ku mwaka. Imyaka 2 niyo asinyira PSG.
Kabuhariwe mu bijyanye no kumenya isoko ryo kugura no kugurisha abakinnyi,Fabrizio Romano, yavuze ko byarangiye Wijnaldum wari umaze imyaka 5 mu ikipe ya Liverpool arasinyira Paris Saint Germain.
Wijnaldum yari yamaze kwemera kwerekeza muri FC Barcelona hari asigaje gukora ikizamini cy'ubuzima gusa ariko akaba yahinduye ibitekerezo ku munota wa nyuma,kubera ifaranga yahawe na PSG.
Georginio Wijnaldum yageze muri Liverpool mu 2016 ayikinira imikino 179 atsindamo ibitego 16 ndetse ayifasha kwegukana Premier League na Champions League mu myaka 5 ayimazemo.
Gini usanzwe akina mu kibuga hagati mu ikipe y'igihugu y'Abahorandi yatandukanye na Liverpool muri uku kwezi,nyuma yo kurangiza amasezerano ye.
Kubera ko yakoranye n'umutoza wa Barcelona Ronald Koeman ubwo yatozaga Ubuhorandi, byari bibaye iturufu yo kuyerekezamo ariko byicwa n'amafaranga.
Mu minsi mike,uyu musore arakorera ikizami cy'ubuzima mu ikipe y'igihugu hanyuma anasinye amasezerano na PSG.
Jamal M.H. Al-Madani ugiye guhagararira Arabie Saoudite yakiriwe n'Umukuru w'Igihugu nyuma yo gushyikiriza Minisitiri w'Ububanyi n'Amahanga, kopi z'impapuro zibimwemerera.
Yemejwe nka Ambasaderi uhagarariye Arabie Saoudite mu Rwanda n'Inama y'Abaminisitiri yateranye ku wa 14 Ukuboza 2021. Azaba afite icyicaro i Kampala aho yatangiye izi nshingano umwaka ushize.
U Rwanda na Arabie Saoudite bisanzwe bifitanye umubano n'ubufatanye mu nzego zitandukanye kuva mu 2006. Mu 2018, ibihugu byombi byasinyanye amasezerano y'ubufatanye mu bya Dipolomasi.
Ni ibihugu kandi bikorana ubuhahirane aho nk'ibikomoka kuri Peteroli byinshi bikoreshwa mu Rwanda biba biturutse muri iki gihugu cyo mu Barabu.
Arabie Saoudite iri mu bihugu 10 u Rwanda rwatumijemo ibintu byinshi mu mwaka ushize, nk'aho mu Ugushyingo 2020 agaciro kabyo kari miliyoni 5,83$ kavuye kuri miliyoni 6,50$ mu 2019.
Uyu muhango wabaye kuri uyu 7 Kamena 2021 ku cyicaro gikuru cy'iyi Ministeri ku Kimuhurura.
Gen Maj Emmanuel Bayingana yahawe izi nshingano nshya kuwa 4 Kamena 2021 na Perezida Paul Kagame akaba n'Umugaba w'Ikirenga w'Ingabo z'u Rwanda.
Uyu mwanya awugiyeho avuye ku mwanya w'Umugaba w'Ingabo zirwanira mu Kirere, yari amazeho umwaka n'amezi umunani, kuko yawugiyeho kuwa 2 Nzeri 2019 avuye ku kuba Umuyobozi Mukuru wa Zigama CSS.
Mbere y'uko aba Umuyobozi wa Zigama CSS yari umuyobozi wungirije wa Komisiyo y'Itorero ry'Igihugu.
Gen Maj Bayingana amaze imyaka irenga 30 ari mu Gisirikare ndetse ni umwe mu barwanye urugamba rwo kubohora igihugu rwatangiye ku ya Mbere Ukwakira 1990.
Nyuma y'aho igihugu kibohorewe mu 1994, yabaye mu nzego zitandukanye zirimo kuba yari umwe mu bacamanza mu Rukiko Rukuru rwa Gisirikare ndetse yabaye Umuyobozi w'Ishami rishinzwe kugenza ibyaha, aba umwarimu mu Ishuri rya Gisirikare rya Nyakinama, aba Umuyobozi ushinzwe Igenamigambi ku cyicaro gikuru cya RDF n'indi myanya itandukanye.
Yize mu Ishuri rikuru rya Gisirikare muri Ghana ndetse no muri Leta Zunze Ubumwe za Amerika, mu ishuri ritanga amasomo ya gisirikare ku ngabo zirwanira mu Kirere riri muri Leta ya Alabama ryitwa Maxwell Air Force Base.
Dosiye ya Karasira yashyikirijwe Ubushinjacyaha nyuma y'iminsi irindwi atawe muri yombi kuko yafashwe ku wa 31 Kamena 2021.
Umuvugizi w'Umusigire wa RIB, Dr Murangira B. Thierry, yabwiye IGIHE ati 'Dosiye yagejejwe mu Bushinjacyaha, ibyaha aregwa ni bine aribyo guhakana, guha ishingiro Jenoside yakorewe Abatutsi mu 1994, icyaha cyo gukurura amacakubiri no kudasobanura inkomoko y'umutungo.”
Yakomeje asobanura ko Ubushinjacyaha bufite iminsi itanu yo kuba bwaregeye Urukiko kuri iyo dosiye.
Dosiye ya Karasira Aimable yashyikirijwe Ubushinjacyaha ku Rwego Rwisumbuye rwa Nyarugenge.
Source : http://igihe.com/amakuru/u-rwanda/article/dosiye-ya-karasira-yashyikirijwe-ubushinjacyaha
Kuri uyu wa Mbere,Minisiteri y'Ubuzima yatangaje ko habonetse abarwayi bashya 62 ba COVID-19 hakira abandi bantu 29 mu Rwanda.Abakirwaye ni 693 barimo 10 barembye.Nta muntu n'umwe wahitanwe n'iki cyorezo uyu munsi.
Abantu 232,322 bamaze guhabwa doze ya kabiri y'urukingo rwa COVID-19 (AstraZeneca) barimo 4,153 bayihawe uyu munsi. Igikorwa cyo gukingira kizakomeza ku munsi w'ejo.
Perezida wa Uganda Yoweri Kaguta Museveni, yatangaje ko amashuri n'ingendo zihuza uturere bihagarara hagamijwe guhangana n'ubwiyongere bw'abandura icyorezo cya COVID-19 bukomeje gufata intera muri kiriya gihugu.
Yabivuze ku wa 6 Kamena 2021, ubwo yatangazaga ingamba nshya zigomba gukurikizwa mu rwego rwo gukumira kiriya cyorezo. Zikaba zatangiye kubahirizwa kuri uyu wa 7 Kamena 2021 zikazamara iminsi 42, nyuma hakazasuzumwa ibyagezweho hagafatwa izindi.
Ingendo zihuza akarere n'akandi (uturere twose ni 135) ntizemewe, uretse iz'amakamyo y'ibicuruzwa, iz'imodoka z'ubutabazi n'iz'ubukerarugendo biteganyijwe ko ari zo zizemererwa kugenda guhera ku wa kane kuzageza mu kwezi kwa Nyakanga hagati.
Abaturage basabwa kuba bageze mu ngo zabo guhera saa tatu z'umugoroba kugeza saa kumi n'imwe za mu gitondo.
Nk'uko byatangajwe n'ikinyamakuru Le Monde, muri izo ngamba nshya harimo ko amasoko amwe n'amwe azajya afungura ariko bigaragara ko yubahiriza ingamba zo kwirinda zashyizweho. Utubari na two dukomeje gufunga. Ubukwe n'imihango yo gushyingura bizajya bikorwa n'abantu bake.
Izo ngamba zifashwe nyuma y'uko mu byumweru bibiri bishize muri Uganda hagaragaye ubwiyongere bw'abandura COVID-19 ndetse n'abo ihitana ku kigero cyo hejuru ugereranyije no mu bihe byatambutse icyorezo kikimara kugera muri Uganda.
Perezida Museveni yagize ati: 'Igipimo cy'ubwiyongere bw'abandura n'abazahazwa na COVID-19 ndetse n'abapfa kiri hejuru muri iyi nkundura, ugereranyije n'ibihe byabanje'.
Abanduye bose kuva icyorezo cyagera muri kiriya gihugu bagera ku bihumbi 51676, abo cyahutanye ni 374. Impuzandengo y'abandura buri munsi nkuko byatangajwe n'ikinyamakuru 'Reuters' bagera kuri 820.
Muri Uganda hakomeje no kugaragara n'imbogamizi ya gahunda yo gukingira kiriya cyorezo itihuta kuko imibare igaragaza ko nibura abantu 750 000 babonye doze imwe y'urukingo, abagera ku 35 000 ni bo babonye ebyiri muri iki gihugu gituwe n'abaturage bagera kuri miliyoni 45.
Mu byo yatangaje muri icyo kiganiro, yavuze ko 'Umuco wo kudahana muri bimwe mu bihugu byo mu Karere k'Ibiyaga Bigari ukomeje kuba ikibazo cy'ingorabahizi.'
Ingabire yahisemo gukoresha iturufu yo kudahana abakoze ibyaha, nk'imwe mu ngingo yazamura ibitekerezo bye, kandi koko nibyo kuko kudahana abanyabyaha biramutse bibaye umuco mu gihugu, byaba ari ikibazo gikomeye.
Ikibazo ni uko ubusesenguzi yakoresheje [asobanura izo ngingo] budafite ukuri, ku buryo busa nk'aho ari ibihuha yumvise ahantu ariko atabifitiye gihamya.
Nk'ubu reka dufate urugero 'rw'ibihugu bimwe byo mu karere' yagaragaje ko byimakaje umuco wo kudahana.
Icyo twakwemeranyaho ni uko igihe cyose Ingabire atunze urutoki 'ibihugu byo mu Karere', aba ashatse kuvuga Leta y'u Rwanda. Muri politiki y'u Rwanda niho ari kugerageza kugira agaciro, ku buryo n'ibi bitekerezo bye ku ngingo yo kudahana abakoseje, ari cyo biganishaho.
Uretse kuba [gushinja Leta y'u Rwanda kwimakaza umuco wo kudahana] bidakwiye, ubwabyo ni ikinyoma cyambaye ubusa ndetse Ingabire ubwe yabihamya.
Mu myaka 11 ishize, Ingabire yatawe muri yombi nyuma yo gukoresha imvugo ihembera urwango n'amacakubiri ku Rwibutso rwa Jenoside rwa Kigali.
Icyo gihe yaragize ati 'Ndemera ko habaye Jenoside yakozwe n'intagondwa z'Abahutu zikayikorera Abatutsi. Uko ni ukuri, ababikoze bagomba kugezwa imbere y'ubutabera. Ariko nanone hari ibindi byaha byibasiye inyokomuntu, birimo n'ubwicanyi bwakorewe Abahutu.'
Mu rubanza rwakurikiyeho mu 2012, Urukiko rwamuhamije ibyaha by'iterabwoba no guhakana Jenoside, akatirwa imyaka 15 nyuma yo kujurira, ariko aza kubabarirwa asohoka muri gereza atararangiza kimwe cya kabiri cy'igihano cye.
Kuri ubu uyu mugore ari mu buzima busanzwe, umuntu akaba atabura kwibaza niba adatangiye gutesha agaciro imbabazi yagiriwe, ku buryo atangiye no kwitiranya ibintu.
Nk'ubu niba Ingabire atekereza ko imbabazi yagiriwe arizo gisobanuro cy'uko u Rwanda rutabererekera abanyabyaha, yagakwiye kubisobanura neza. Naho ubundi umuco wo kudahana mu Rwanda urwanywa mu buryo bwose bushoboka, kandi nta muntu ubizi neza nka Ingabire.
Reka dukoreshe urundi rugero rushobora kubyumvikanisha kurushaho.
Mu 2011, kimwe mu bimenyetso bikomeye byashingirwaho mu gushinja Ingabire icyaha cy'iterabwoba, ni ubufatanye yari afitanye na Paul Rusesabagina. Kuba nyuma y'imyaka 10 Paul Rusesabagina nawe ari mu nkiko yiregura ku byaha by'iterabwoba, byakabaye ikindi kimenyetso cyereka Ingabire ko u Rwanda rutajya rwihanganira umuco wo kudahana.
Ingabire yakomeje gushyigikira bucece Rusesabagina ndetse n'umutwe we w'iterabwoba kugeza ubwo atawe muri yombi.
[Ibi byaterwaga n'uko] umutwe we wa FDU-Inkingi, wakomeje kwizera ko ibikorwa by'imitwe y'iterabwoba nka RNC ya Kayumba Nyamwasa, MRCD ya Rusesabagina na Twagiramungu, n'ingabo za FLN, bishobora kuvanaho Leta y'u Rwanda.
Iki cyizere kiraza amasinde ariko cyayoyotse nyuma y'uko iyo mitwe itsinzwe urugamba rw'intambara, ikananirwa gusobanura impamvu yayo mu buryo bwa dipolomasi, ndetse ikanatsindwa urubanza mu nkiko, ibyatumye Ingabire ahindura amayeri, agatangira kwigira umuvugizi w'amahoro. Ibi ariko ni amatakirangoyi adafite shinge na rugero, ndetse na bamwe mu bamushyigikiye barabyihamirije.
Ingabire kandi yavuze ko 'Urukiko Mpuzamahanga Mpanabyaha rwashyiriweho u Rwanda rwashyizweho kugira ngo rushinje abagize uruhare muri Jenoside, ariko uru Rukiko rukaba rwaraciriye imanza abakoreye ibyaha Abatutsi gusa.'
Icyo twakibaza kuri iyi ngingo ni ukumenya niba Ingabire yarabivuze yikinira cyangwa byari ukwirengagiza ukuri? Ruriya Rukiko rushinzwe guhana ibyaha bya Jenoside, kandi iyo Jenoside yakorewe Abatutsi. Ntabwo ari ikibazo cy'Urukiko kuba Ingabire yizera ko mu Rwanda habaye jenoside ebyiri. Bitabaye ibyo se, ni iyihe mpamvu yatuma ashinja ingabo za RPA kugira uruhare mu cyaha zafashije kurandura â” Jenoside?
Birasa nk'aho ntacyo yize.
Ku wa 6 Kamena 2021, ni bwo RIB yafunze uwo mugabo kubera amagambo yavugiye imbere y'Inteko y'Abunzi ku rwego rw'Umurenge, ubwo yaburanga imitungo n'umugore babana ariko batarashakanye byemewe n'amategeko, ku itariki ya 4 Kamena.
Abunzi nk'urwego rwari rufite mu nshingano gukemura icyo kibazo rwemeje ko agomba kugabana imitungo n'umugore bashakanye.
Uyu mugabo akimara kumva icyo Abunzi bamusabye yahise ababwira ati 'Jenoside iramutse igarutse nabatemagura mwese nkabamara.'
Nyuma yo kuvuga ibyo, ku wa 6 Kamena yafashwe na RIB, kuri ubu afungiye kuri Sitasiyo yayo ya Nyamugari ndetse hari gukorwa iperereza kugira ngo dosiye ishyikirizwe Ubushinjacyaha.
Uyu mugabo akurikiranyweho icyaha cy'ingengabitekerezo ya Jenoside gihanwa n'ingingo ya kane y'itegeko ryerekeranye n'icyaha cy'ingengabitekerezo ya jenoside n'ibyaha bifitanye isano na yo ryo mu 2018.
Iyo ukurikiranyweho iki cyaha abihamijwe n'inkiko ahanishwa igihano cy'igifungo kitari munsi y'imyaka itanu ariko kitarenze imyaka irindwi n'ihazabu y'amafaranga y'u Rwanda atari munsi y'ibihumbi 500 ariko atarenze miliyoni imwe.
RIB iributsa abantu bose ko itazihanganira uwo ari we wese uzafatwa yakoze icyaha nk'iki cy'ingengabitekerezo ya Jenoside inibutsa ko gihanwa n'amategeko.
Ubushinjacyaha bw'u Rwanda buherutse gusohora icyegeranyo kigaragaza ishusho y'ingengabitekerezo ya Jenoside n'ibyaha bifitanye isano na yo mu myaka itatu ishize, aho hagaragazwa ko kugeza muri Kamena 2020, amadosiye 949 ari yo yinjiye mu bushinjacyaha, akurikiranywemo abantu 1172. Muri bo hari harimo abagore 288 bangana na 24,5% n'abagabo 884 bangana na 75,5%.
Intara y'Amajyepfo ni yo yagaragayemo amadosiye menshi y'Ingengabitekerezo ya Jenoside angana 262 ikurikirwa n'Uburasirazuba ahagaragaye amadosiye 22.