Icyakora ubuyobozi bukuru bw'iyi banki butangaza ko bufite intego ndetse hari n'ingamba zo kugira ngo iyo ntego izagerweho, cyane ko izi nzego zombi zigaragaramo umubare munini w'Abanyarwanda.
Ariko se ni gute Equity Bank Rwanda Plc izagera kuri izi ntego? Ni gute izahangana n'ibyago by'ibihombo biri muri izi nzego zombi?
Mu kiganiro na IGIHE, Umuyobozi Mukuru wa Equity Bank Rwanda Plc, Hannington Namara, yabisobanuye neza.
Aba batawe batambutsaga ibiganiro ku muyoboro wa YouTube witwa 'Dawa Rwanda TV' usanzwe inyuzwaho inyigisho zitandukanye z'idini rya Islam.
Umuvugizi w'Urwego rw'Ubugenzacyaha, RIB, Dr. Murangira B. Thierry, yabwiye IGIHE ko abo bagabo batawe muri yombi tariki ya 10 Kamena 2025.
Ati 'Batawe muri yombi ku bufatanye bwa RIB na Polisi y'Igihugu, bakekwaho ibyaha bakoze binyuze mu biganiro bacishaga kuri shene ya YouTube yabo 'Dawa Rwanda TV' bagamije gutangaza amakuru y'ibihuha no gukoresha imvugo zigamije gukurura amacakubiri no guteza imvururu cyangwa imidugararo muri rubanda.'
Dr. Murangira yavuze ko ubu abatawe muri yombi bafungiwe kuri Sitasiyo ya RIB ya Remera mu gihe iperereza rigikomeje ku byaha bakurikiranyweho.
RIB yibukije abantu ko imbuga nkoranyambaga zitabereyeho gukoreshwa mu bikorwa bigamije gusenya ubumwe bw'abanyarwanda cyangwa ibikorwa bigize ibyaha, ahubwo ko zikwiriye gukoreshwa mu buryo bwubaka kandi bwubahirije amategeko.
Icyanya cy'imbuto ni umushinga Leta yatangije mu 2021 wo guterera abaturage ibiti by'imbuto kuri hegitari 1337. Abaterewe ibi biti ni abo mu mirenge ya Murama na Kabarondo yo mu Karere ka Kayonza ndetse n'abo mu Murenge wa Remera mu Karere ka Ngoma.
Kuri ubu ibi biti baterewe byatangiye kwera aho abaturage baherutse kugurisha imyembe na Avoka bifite agaciro ka miliyoni 52 Frw.
Aba baturage bavuga ko kutagira umuhanda mwiza ugera aho bakorera ubu buhinzi bibakoma mu nkokora kuko bituma ba rwiyemezamirimo baje kubagurira babahenda kubera umuhanda mubi.
Hanyurwumutima Florence yashimiye Leta yabatereye ibiti by'imbuto mu mirima yabo, avuga ko byamufashije kurihirira umwana we ishuri.
Ati ' Niba rwiyemezamirimo aje kugura avoka kubera umuhanda mubi ntabwo imodoka ihagera neza hari amafaranga agukata rero turasaba ko uyu muhanda bawudukorera.''
Undi mugabo wateye ibiti by'imbuto 50 mu murima we yagize ati ' Ibiti byatangiye kuduha umusaruro ahubwo turasaba Leta ko umuhanda uva kuri kaburimbo ugera hano ko na wo wakorwa neza kugira ngo bidufashe kugurisha kudahenzwe, ubu usanga baduhera ku giciro gito kubera kutagira umuhanda.''
Umuyobozi w'Akarere ka Kayonza, Nyemazi John Bosco, yavuze ko ikibazo cy'umuhanda ugera kuri iki cyanya bakizi ndetse biri no muri gahunda ya Leta kuzawukora wo n'ibindi bikorwaremezo bihakenewe.
Ati 'Hariya hantu mu buryo burambye harimo harateganywa kuzashyirwa imihanda, Minisitiri w'Intebe yaradusuye na we arabibona ubu biri muri gahunda ya Leta ko ibikorwaremezo bizahagezwa, turavuga imihanda, gukorana n'abikorera ngo haze ikusanyirizo no kongerera agaciro ziriya mbuto.''
Meya Nyemazi yavuze ko kandi banifuza ko muri iki cyanya cy'imbuto hashyirwa amakusanyirizo aho kuri ubu bari kuganira n'abafatanyabikorwa mu kurebera hamwe uburyo izi mbuto zajya zisarurirwa mu makusanyirizo kugira ngo abaturage bagurishe neza.
Mu gihembwe gishize muri iki cyanya cy'imbuto cya hegitari zirenga 1300 hasaruwe imyembe ibilo 24850 yinjiza miliyoni zirenga 5,2 Frw Avoka hasaruwe ibilo 209.013 byinjiza arenga miliyoni 46,7 Frw.
Uretse izi mbuto hari n'izindi abaturage bagenda basarura mu bihe bitandukanye harimo ibinyomoro, amacunga n'izindi nyinshi, izi bakaba bazigurisha mu isoko rya Kabarondo kuko zo batari bazibonera umukiliya uhoraho.
Mu myaka irenga 30 irashize Jenoside yakorewe Abatutsi mu Rwanda ihagaritswe, hari ingabo zasigaye zihungira muri Repubulika Iharanira Demokarasi ya Congo (RDC), zigakomeza guharanira gusubiza ku butegetsi ingengabitekerezo ya Jenoside. Izo ngabo, zigizwe n'Interahamwe n'abasirikare ba FAR (Forces Armées Rwandaises), ni zo zaje kwiyita FDLR (Forces Démocratiques pour la Libération du Rwanda), bikaba ari bwo bwoko bushya bw'abanzi b'umutekano w'u Rwanda kugeza n'uyu munsi.
FDLR yavutse nyuma ya Jenoside, igizwe ahanini n'abakoze Jenoside, bagahunga bagana mu nkambi z'impunzi muri Congo, Tanzania n'ahandi. Mu nkambi nka Tingi Tingi na Mugunga, bakomeje gutozwa no kongera gutegura ibikorwa byabo by'iterabwoba. Abagize FDLR bashyigikiwe n'abantu ku giti cyabo n'amashyirahamwe atandukanye ku mugabane w'u Burayi, by'umwihariko mu Bubiligi no mu Bufaransa. Bakoreshaga amashyaka nka RDR, bakagira n'imiryango nk'iya Jambo ASBL ibafasha muri dipolomasi no mu guhakana Jenoside.
FDLR yakomeje ibikorwa by'iterabwoba mu Burasirazuba bwa Congo, aho yakoranye n'abayobozi ba FARDC (igisirikare cya Congo) kugira ngo ibone uburenganzira bwo kugenzura ibice bikomeye nk'amasoko y'ibikoresho by'ingenzi (coltan, zahabu), amashyamba n'imihanda. Aho hose yinjizaga amafaranga atagira ingano.
Bakomeje kugaba ibitero ku Rwanda binyuze mu moko y'ibitero bita 'Muchengesi', aho bakoreshaga abaturage b'inkengero z'igihugu mu gutera inkunga ibikorwa byabo. Ibi bikorwa byagiye bica abasivile benshi, harimo abana n'abagore, nk'uko byabaye i Mudende, aho abimukira b'Abatutsi bakomoka muri Congo biciwe mu buryo bw'agahomamunwa.
Amakuru y'iperereza agaragaza ko FDLR ikomeje kugirana ubufatanye n'ubutegetsi bwa Kinshasa, binyuze mu kuyifasha mu ntambara yo kurwanya M23. Hari n'ibimenyetso by'uko Perezida Tshisekedi yagiye ayifasha mu buryo bw'amafaranga no mu gushyigikira ibikorwa byayo, kugira ngo yereke isi ko ikibazo cy'umutekano gituruka ku Rwanda aho kuba ku burangare bwa RDC.
By'umwihariko, abashakashatsi bamenye ko hari amafaranga yoherezwaga n'aba FDLR mu bihugu by'i Burayi nk'u Bubiligi n'u Bufaransa, agakoreshwa mu guteza imbere ibikorwa byo guhakana Jenoside no kwangisha u Rwanda amahanga.
Nubwo FDLR ibarizwa cyane muri Congo, hari ibikorwa byayo no mu Rwanda, aho yagiye igerageza kwinjiza abantu mu bikorwa by'iterabwoba, igashaka gusubiza ingengabitekerezo yayo mu baturage biciye mu nyandiko, ubutumwa ku mbuga nkoranyambaga, n'ihuriro ry'imiryango ya politiki ishingiye ku nyungu za Jenoside.
Ibi byose bikorwa bifitanye isano n'icyiswe 'double génocide', aho bagerageza kwemeza amahanga ko Jenoside yakozwe ku mpande zombi, igitekerezo gishyigikiwe n'abapfobya Jenoside n'abanzi b'u Rwanda.
Umutekano w'u Rwanda ukomeje gushakishwa ku buryo budasubirwaho, ariko FDLR igumye kuba ikibazo gikomeye, kuko yifashishwa n'amahanga amwe ashaka gukoresha ikibazo cya Congo nka politiki y'inyungu zabo. Niyo mpamvu u Rwanda rwakomeje gutangaza ko ruzakora ibishoboka byose ngo rugume kurinda abaturage barwo, ndetse no gukumira ibikorwa byose by'iterabwoba biturutse ku mitwe nka FDLR.
FDLR si umutwe w'inyeshyamba gusaâ”ni igikoresho cy'imitwe ya politiki, yihishe mu nyuguti z'ubutabera, uburenganzira bwa muntu n'ubwiyunge, nyamara iharanira gusenya ibyo u Rwanda rwubakiyeho.
FDLR ntabwo ari igisigisigi cy'amateka ya Jenoside ni igikoresho gikomeje kwifashishwa n'abanzi b'u Rwanda mu gutoba amahoro. Iyo mitwe igamije gusenya ibyo u Rwanda rwagezeho no guteza umutekano muke mu karere. Gushyira ku ruhande icyago cya FDLR, kwibeshya ko yamaze gutsindwa, cyangwa kuyifata nk'inkuru ishaje ni ukwibeshya gukomeye.
The post FDLR iracyari ihurizo rikomeye ku mutekano w'u Rwanda appeared first on RUSHYASHYA.
Ibyo byatangajwe kuri uyu wa 16 Kamena 2025 ubwo Abasenateri bagize iyi Komisiyo bagaragazaga ibikubiye muri raporo yakozwe nyuma yo gusura ibirwa bitandukanye.
Ni ingendo bakoreye ku birwa byo mu turere twa Bugesera, Musanze, Burera, Rutsiro, Nyamasheke no muri Rusizi hagamijwe kumenya ibibazo bahatuye bafite n'ingamba Guverinoma ifite ngo imibereho yabo igende neza.
Abagize iyo komisiyo bagaragarije Minisiteri y'Ubutegetsi bw'Igihugu ko abatuye kuri ibyo birwa batoroherwa no kubona serivisi z'ibanze Abanyarwanda batuye ahandi babona.
Muri rusange ibibazo abo Basenateri bagaragaje bishingiye ku kutagira ibikorwaremezo by'ibanze ku birwa nk'amashanyarazi, amazi meza, ubwikorezi, serivisi zitangwa n'inzego z'ibanze, n'abimuwe hagasigara abandi.
Hari kandi abana batari ku mashuri n'abayarangije babura ibyiciro byisumbuye, kutagira amavuriro, kuba hari ibirwa bikwiye kwimurwaho abantu ariko bagihari n'ibindi.
Gusa hari ibindi ibirwa nka Nkombo biriho ibikorwremezo aho abaturage babyo bafite imibereho nk'iy'abandi ndetse n'ibindi bibereye ubukererugendo.
Perezida wa Komisiyo y'Imibereho y'Abaturage n'Uburenganzira bwa Muntu, Umuhire Adrie yagize ati 'Usanga hatari serivisi zose nk'uko ku batuye ahandi bimeze kuko bakikijwe n'amazi. Nka serivisi z'irangamimerere bisaba ko abayobozi bambuka bakabasangayo.'
Senateri Kanziza Epiphanie we yavuze ko hari aho basanze hakiri ikibazo cy'abana batajya mu ishuri kandi bari mu myaka yo kwiga.
Ati 'Twageze ku Kirwa cya Mushongo muri Nyamasheke dusanga hari ikibazo cy'abana bato bakabaye bari ku mashuri bari mu makoperative y'uburobyi. Umwe muri bo twari kumwe yahamagaye umwana umwe baraganira asiga abwiye akarere ko agomba gusubira ku ishuri. Hari kandi aho twasanze bafite ivuriro ry'ibanze ridakora n'abadafite ubwato bubahuza b'abandi bari hakurya y'amazi ngo nababashe kugenderarana.'
Visi Perezida Komisiyo y'Imibereho y'Abaturage n'Uburenganzira bwa Muntu, Niyomugabo Cyprien yavuze ko hari ibirwa muri Rusizi na Nyamasheke basanze abayobozi bategera ababituye ngo babaganirize kuri gahunda za Leta ku buryo usanga barasigaye inyuma.
Ati 'Hari abo twasanze babana batarasezeranye noneho abana ugasanga babura uburengazira bwabo. Twasabye uturere ko babegereza serivisi zo gusezerana ariko usanga na none bamwe ari Abanye-Congo abandi ari Abanyarwanda gusa hari uko amategeko ateganya.'
Yagaragaje ko kandi kutagira amashanyarazi kuri bamwe bitera kororoka cyane.
Ati 'Hari Ikirwa cya Kirehe kiriho n'utundi turwa dutoya usanga abaturage baho batunzwe no guhinga ariko kubera kutagira amashanyarazi baryama kare. Iyo baryama kare barabyara cyane na bo barabyivugira kandi twabahabonye abo bana babyara ubona banakeneye kugirirwa isuku.'
Abo basenateri bavuze ko muri rusange abatuye mu birwa bakwiye kwegerezwa serivisi nk'abandi ariko hamwe bakaba bakwimurwa kuko hari nk'aho usanga hari imiryango mikeya iri munsi ya 10 ku buryo bitaba ngombwa kubakayo ibikorwa remezo.
Umunyamabanga wa Leta muri Minisiteri y'Ubutegetsi bw'Igihugu, Kayisire Marie Solange yauze ko hari gahunda yo gukorana n'inzego z'ibanze mu kwimura abaturage bari ku birwa ariko ko bisaba kubanza gukora inyigo ishingiye ku ho batuye.
Ati 'Bisaba kumenya igenamigambi ry'igihe kirekire nko kureba icyo basanzwe bamenyereye gukora n'aho bagiye kujya kandi bisaba ku tubikorana n'uturere. […]. Hari n'abashaka kugurisha ku bashoramari ibirwa batuyeho ariko hagomba kurebwa icyo igishushanyo mbonera giteganya. Tuzagenda dusuzuma ikibazo ku kibazo turebe imibereho bafite kuko bari abafite ubushobozi n'abandi Leta yakubakira.'
Kayisire yongeyeho ko muri rusange ibibazo byagaragagajwe minisiteri arimo bagiye kubisuzuma mu buryo bw'umwihariko hagafatwa ibyemezo bikenewe.
Muri rusange mu Rwanda habarurwa ibirwa 60 harimo ibigera kuri 14 bituweho n'abantu 25638 bari mu ngo 4600.
MINALOC igaragaza ko muri ibyo birwa ibikwiye gukomeza guturwa ari icya Birwa muri Burera, Nkombo muri Rusizi na Bugarura muri Rutsiro mu gihe ibindi 11 bigomba kwimurwaho ababituyeho naho ibindi byo biracyakorerwa inyigo.
Amakuru yashyizwe hanze n'Ingabo z'u Rwanda agaragaza ko Major Faustin Kevin Kayumba yasoje amasomo kuri uyu wa Mbere tariki 16 Kamena 2025.
Ni umwe muri ba Ofisiye bakuru 280 bashyikirijwe impamyabumenyi, nyuma y'umwaka bari bamaze mu masomo ya gisirikare.
Abarangije amasomo barimo abasirikare ba Jordanie ndetse n'abo mu bindi bihugu by'inshuti birimo n'u Rwanda.
Uyu muhango witabiriwe n'Umugaba Mukuru w'Ingabo za Jordanie, Maj Gen Yousef A. Al Hnaity.
U Rwanda na Jordanie bisanganywe umubano ushingiye mu bya gisirikare cyane ko muri Gashyantare 2025 Maj Gen Yousef A. Al Hnaity yagiriye uruzinduko mu Rwanda yakirwa na mugenzi we, Gen Mubarakh Muganga.
Abayobozi bombi bagiranye ibiganiro bigamije gushimangira ubufatanye mu nzego za gisirikare z'ibihugu byombi.
Maj Gen Yousef A. Al Hnaity kandi yanagiranye ibiganiro na Minisitiri w'Ingabo, Juvenal Marizamunda, na byo byibanze ku kurebera hamwe uko barushaho gushimangira Umubano.
Ibihugu byombi bisanganywe umubano mwiza mu ngeri zitandukanye.
Mu 2024, Leta y'u Rwanda n'Ubwami bwa Jordanie byashyize umukono ku masezerano y'ubutwererane mu nzego zirimo ubuhinzi, ubukungu n'ubucuruzi ndetse n'ajyanye n'ubuzima n'ubuvuzi.
Ni amasezerano yashyizweho umukono ku wa 7 Mutarama 2024, mu muhango wakurikiranywe n'Umwami Abdullah II Ibn Al-Hussein wa Jordanie wari mu ruzinduko mu Rwanda ndetse na Perezida Paul Kagame.
Ayo masezerano yiyongereye ku yandi ibihugu byombi byari bisanzwe bifitanye arimo ajyanye no guhana ibitekerezo mu bya politiki hagamijwe gushimangira ubufatanye mu bucuruzi n'ishoramari, ubukerarugendo n'ubuhinzi.
Source : http://igihe.com/amakuru/u-rwanda/article/umunyarwanda-yasoje-amasomo-ya-gisirikare-muri-jordanie
Ni mu gikorwa kizwi nka 'Aalborg Carnival' kiri mu bigize 'Festival du monde' mu Mujyi wa Aalborg uherereye mu Majyaruguru ya Danemark.
Ni umujyi uzwi cyane ku guteza imbere inganda n'ubukerarugendo ndetse unakomokamo Minisitiri w'Intebe w'icyo Gihugu, Mette Frederiksen.
Aalborg Carnival ni igikorwa kinini kibera mu Majyaruguru y'u Burayi (Scandinavie).
Hakorwamo ibikorwa bitandukanye nk'imyiyereko aho abantu baba bambaye imyenda inyuranye, ijyanye n'umuco wabo n'ibindi.
Aalborg Carnival yatangiye mu 1983, igenda ikura aho yitabirwaga n'abagera ku bihumbi 10.
Ni igikorwa gihuza abatuye i Aalborg, binyuze mu mashyirahamwe y'abanyamahanga bakagaragaza umuco wabo n'ibyiza byose bihakomoka birimo n'ubukerarugendo.
Umuryango w'Abanyarwanda wagaragaje Umuco Nyarwanda binyuze mu mbyino, imyambaro, indyo gakondo ndetse banashishikariza abitabiriye gusura u Rwanda binyuze muri gahunda ya Visit Rwanda.
U Rwanda kandi rwagaragaje umwihariko mu bijyanye n'umuganda aho abasore barwo bahageze kare kugira ngo hatunganywe aho ibirori bizabera.
Byatumye umwe mu bayobozi b'uwo Mujyi byabereyemo witwa Nuuradiin S. Hussein, agaragaza uburyo yakunze umwihariko w'u Rwanda, anagaragaza uburyo u Rwanda rwagaragaje ubudasa bw'ubumwe n'ubwiyunge nyuma ya Jenoside yakorewe Abatutsi.
Ati 'U Rwanda ni gihugu cyiza kandi nifuza kuzasura rwose. Abantu benshi bashima aho rumaze kugera.'
Yashimiye Abanyarwanda n'ubudasa bagarageje muri icyo gikorwa anabashishikariza kujya bacyitabira buri mwaka.
Jacqueline Hansen uri mu bateguye iki gikorwa cy'u Rwanda muri iri serukiramuco, yavuze ko basobanuriye abitabiriye amateka y'u Rwanda bagaragaza uburyo rwavuye ahabi ariko rugatera imbere mu buryo bwatunguye abantu benshi.
Ati 'Twagaragaje ko Jenoside yakorewe Abatutsi yasize u Rwanda ahabi ariko kubera ubuyobozi bwiza bwa Perezida Paul Kagame twerekana ko kuba turi aha ari bwa bumwe bw'Abanyarwanda.'
Umuyobozi w'Abanyarwanda batuye i Jyllland & Fyn, Paul Nkubana, yashimiye abanyamuryango bose bitanze kugira ngo iki gikorwa kigende neza.
Uwineza Janviere ushinzwe umuco mu Banyarwanda batuye mu gace ka Jylland & Fyn muri
Danemark, yashimiye itorero, abakobwa n'abasore bitanze , ashimira na Pacifique Mitenawe uyobora urubyiruko n'ababyeyi bateguye ibikoresho bya kinyarwanda byakunzwe cyane.
Source : http://igihe.com/amakuru/u-rwanda/article/danemark-abanyarwanda-bacanye-umucyo-muri-aalborg-carnival
Umuyobozi Mukuru Wungirije wa Action College, Ingabire Cynthia, yagaragaje ko iri shuri rikomeje gushyira imbaraga mu gutanga ubumenyi ku bayigana mu rwego rwo kubafasha mu iterambere ryabo, by'umwihariko rikabafasha mu kwihangira imirimo.
Yashimangiye ko iki kigo kiri kurushaho kwegereza abakigana serivisi zabo binyuze mu kwagura amashami hirya no hino, aho ubu cyamaze gufungura amashami mu ntara harimo Musanze, Rubavu na Kayonza.
Yakomeje agira ati 'Turi kurushaho kwegereza abatugana serivisi zacu kuko ubu tumaze gufungura amashami arindwi mu gihugu. Mbere twigishaga indimi no gutwara ibinyabiziga gusa ariko ubu twaravuze ngo kubera iki tutakongeramo ibindi tukaba ikigo cyigisha ibintu bitandukanye'.
Yagaragaje ko iki kigo uretse kwigisha amasomo arimo indimi nk'Icyongereza, Igifaransa, Igiswahili, Igishinwa, Icyesipagnol, Ikidage ndetse n'Ikinyarwanda, ubu noneho ryaguye rigashyiramo andi masomo y'imyuga.
Ni amasomo yo gusuka ibisuko by'amoko yose, gutunganya inzara (pedicure na manicure), kogosha, , gusiga ibirungo by'ubwiza no guteka n'ibindi.
Iyo umunyeshuri asoje amaso y'imyuga ahabwa impamyabumenyi itangwa n'Urwego rw'Igihugu rushinzwe Amashuri y'Imyuga n'Ubumenyingiro (RTB)
Iri shuri kandi impamyabushobozi zo ku rwego mpuzamahanga zirimo TOEFL, SAT, DELF, IELTS, TEF, Duolingo na HSK, bakanigisha amategeko y'umuhanda no gutwara ibinyabiziga.
Action College inigisha amasomo y'ikoranabuhanga, arimo ICT, Computer Networking, na Computer Maintenance.
Ifasha kandi abakandida bigenga mu masomo y'ubukerarugendo no kwakira abantu, ibaruramari, abize ibjyanye y'Imibare, Mudasobwa n'Ubukungu (MCE), Ubuvanganzo, Ubukungu n'Ubumenyi bw'Isi (LEG) na Networking.
Kuri iki cyumweru tariki ya 15 Kamena 2025, nibwo hasojwe imikino y'agace ka gatatu k'imikino ya Beach volleyball National tour 2025.
Ni agace gasoza imikino ya Volleyball yo kumucanga muri uyu mwaka aho kuri iyi nshuro iri rushanwa ryari ryiganjemo abakinnyi bakomoka mu bihugu umunani bitandukanye birimo n'u Rwanda.
Munezero Valentine ukinana na Mukandayisenga Benitha nibo begukanye iri rushanwa mu cyiciro cy'abagore batsinze kumukino wa nyuma Musabyimana Penelope na Amito Sharon amaseti 2 ku busa.
Mu cyiciro cy'abagabo, Paul Akan ukinana na Ibrahim bombi bakomoka muri Ghana, nibo begukanye iri rushanwa batsinze ku mukino wa nyuma Revis wakinanaga na Mandela Nzirimo amaseti 2-1.
Aka gace ka gatatu ka Beach Volleyball National tour, kitabirwe n'abakinnyi 58 bose hamwe aho mu bagore yari amakipe 13 naho mu bagabo akaba amakipe 16.
Aka gace ka gatatu niko kashyize akadomo ku ngengabihe y'amarushanwa ya volleyball yo kumucanga mu ishyirahamwe ry'umukino wa volleyball 2025.
Iri rushanwa ryari rimaze iminsi itatu ribera muri aka karere ka Rubavu aho ryatangiye taliki ya 13 kujyeza uyu munsi taliki ya 15 Kamena ku nkengero z'ikiyaga cya Kivu ahasanzwe habera imikino yo kumucanga, utundi duce tubiri duheruka twabereye King Fisher resort ku Rwesero ho mu mujyi wa kigali.
Abandi bakinnyi bagukanye ibihembo ku mwanya wa gatatu ni, Ijeoma ukinana na Jennifer Tembo begukanye umwanya wa gatatu mu cyiciro cy'abagore naho David Neeke na Bure Hassan bo mugihugu cya Tanzania begukana umwanya wa gatatu mu cyiciro cy'abagabo.
The post Munezero Valentine afatanyije na Mukandayisenga Benitha begukanye irushanwa rya Beach Volleyball appeared first on RUSHYASHYA.
Abo basirikare bari bamaze umwaka biga barimo Abanyarwanda 82 bo mu Ngabo z'u Rwanda, Polisi y'Igihugu n'Urwego rw'Igihugu rushinzwe igorora (RCS), na ho abanyamahanga ni 26.
Mu bihugu byitabiriye iki cyiciro cya 13 harimo 19 byo muri Afurika, ndetse na Jordanie.
Abo bofisiye bamaze ibyumweru 47 bahugurwa, aho bagize umwanya wo kwiga ku bibazo by'umutekano hirya no hino ku Isi, basesengura ingaruka bigira kuri politiki y'ibihugu n'imibanire n'amahanga n'ibindi.
Umuyobozi w'Ishuri Rikuru rya Gisirikare rya Nyakinama, Brig Gen Andrew Nyamvumba, yasobanuye ko bahawe amasomo yo kubongerera ubumenyi ku buryo bwo guhanahana amakuru, kuyobora ingabo ku rugamba, kunoza imikorere y'akazi kabo ko mu biro n'andi.
Ati 'Aya masomo ntabwo yazamuye ubumenyi mu gusesengura amakuru n'imiyoborere gusa ku basirikare bacu, ahubwo yanabashyizemo umutima wo gukora kinyamwuga no kugira imitekerereze ya ngombwa muri iki gihe cy'ikoranabuhanga.'
Yakomeje ati 'Turabasaba gukomeza gukora neza, kugira umuhate no kuba inyangamugayo mu nshingano muzajyamo ahazaza. Reka ubunararibonye n'ubumenyi mwakuye muri aya masomo bizabayobore mu gutanga umusanzu ku gushakira ibihugu byacu n'Isi muri rusange amahoro n'umutekano.'
Muri abo basirikare barangije amasomo, 73 bahawe impamyabumenyi y'icyiciro cya gatatu cya Kaminuza mu masomo ajyanye n'umutekano (Masters of Arts in security studies) itangwa na Kaminuza y'u Rwanda.
Umuyobozi Mukuru wa Kaminuza y'u Rwanda, Assoc. Prof. Muganga Didas Kayihura, yashimangiye ko umutekano ari urutirigongo rw'iterambere rirambye, asaba abarangije amasomo yabo kugira uruhare mu gukemura imbogamizi zishobora gukoma mu nkokora umutekano n'iterambere.
Minisitiri w'Intebe, Dr. Edouard Ngirente, yagaragaje ko ibihe Isi igezemo bisaba kugira abayobozi beza babasha guhangana n'ibibazo ibihugu bihura na byo umunsi ku wundi ari na yo mpamvu hagiyeho Ishuri Rikuru rya Gisirikare.
Yasabye abarangije amasomo yabo gukomeza kurangwa n'indangagaciro n'imikorere myiza ikwiye kubaranga.
Ati 'Ibi ntabwo ari intambwe nziza ku giti cyanyu gusa ahubwo ni igishoro gikomeye mu by'umutekano ku bihugu byacuâ¦nk'uko mugiye kujya mu nshingano, muzahore muzirikana ko ubuyobozi budashingiye gusa ku gutegeka ahubwo ni ugutanga serivisi ku gihugu cyawe n'abagituye.'
Yongeyeho ati 'Bisaba umurava, gukorera hamwe no kwiyemeza gukorera igihugu, ibyemezo byanyu bizahindura ibisirikare by'ibihugu byacu, umugabane wa Afurika n'Isi muri rusange.'
Muri ibi birori kandi hahembwe abanyeshuri bahize abandi mu gihe cy'amasomo aho Col Dr. Dan Gatsinzi wo muri RDF yahembwe nk'uwahize abandi.
Amafoto: Kwizera Herve