Category: Uncategorized

Ibi yabigarutseho ubwo abayobozi ba Banki ya Kigali baganiraga n'abakiliya bayo bo mu Karere ka Gatsibo, barebera hamwe uko barushaho kunoza imikoranire igamije iterambere rirambye.

Abayobozi ba Banki ya Kigali babanje gusura ibikorwa bitandukanye bateye inkunga birimo Sosiyete icuruza ibikomoka kuri peteroli ya Escale Petroleum Ltd, uruganda rutunganya inyongeramusaruro rwa API n'ishami ry'iyi banki rya Kabarore n'ibindi.

Goverineri Rubingisa yavuze ko Banki ya Kigali yafashije abaturage b'Akarere ka Gatsibo kwikura mu bukene, binyuze mu kubaha inguzanyo ziborohoye kandi ikabagira inama y'uburyo bazikoresha neza bituma bahanga imirimo mishya.

Yagize ati 'Kera banki zavuganaga n'abanyamishahara gusa cyangwa abafite amafaranga menshi, ariko kuba Banki ya Kigali iza ikegera umuturage yaba umworozi, umuhinzi, umucuruzi n'abandi, igashaka kumenya ibyo akora igamije kumufasha kwiteza imbere ni iby'agaciro gakomeye.'

Umuyobozi wa Escale Petroleum Ltd, Ndahimana Vincent yavuze ko ibikorwa bye yabishoyemo agera kuri miliyari 1.2 Frw ariko yabifashijwemo na Banki ya Kigali ku kigero cya 70% kugira ngo bishyirwe mu bikorwa.

Yagize ati 'Ibyo byose nkora Banki ya Kigali ni yo mufatanyabikorwa wanjye, ni yo impa inguzanyo, ari na yo mpamvu mubona baje kudusura. Ubu imaze kumpa arenga miliyoni 600 Frw, si ayo gusa hari ibindi igenda imfasha.'

Umuyobozi Mukuru wa Banki ya Kigali, Dr. Diane Karusisi yasezeranyije abakiliya bayo ko bagiye kurushaho kuroherwa no kubona inguzanyo kugira ngo barusheho gushyira mu bikorwa imishinga yabo.

Umuyobozi Mukuru wa Banki ya Kigali, Diane Karusisi yijeje gukomeza kugira uruhare mu iterambere ry’abaturage

Abayobozi ba Banki ya Kigali basuye amashami y’iyi banki ari mu Karere ka Gatsibo

Guverineri w’Intara y’Iburasirazuba, Pudence Rubingisa yashimiye Banki ya Kigali uburyo yegera abaturage ikanabatera inkunga mu bikorwa byo kwiteza imbere

Abakozi ba Banki ya Kigali batemberejwe ibikorwa bitandukanye iyi banki itera inkunga

Banki ya Kigali yasuye kandi ikigo gicuruza moto yateye inkunga

Banki ya Kigali yasuye uruganda rutunganya ibiribwa rwo mu Karere ka Gatsibo

Banki ya Kigali yijeje ab’i Gatsibo kubahera inguzanyo ku gihe

Abayobozi ba Banki ya Kigali banasuye ishami ryayo rya Nyagatare

Abayobozi ba Banki ya Kigali banasuye ishami ryayo rya Nyagatare

Amafoto: Rusa Willy Prince

Ni imibare ijyanye n'amadosiye RIB yakiriye kuva muri Nyakanga 2020 kugeza muri Kamena 2025.

RIB igaragaza ko mu myaka itanu yakoze iperereza ku madosiye 148, mu gihe abagera kuri 194 bari bayakurikiranywemo bo bashyikirijwe Ubushinjacyaha ku cyaha cyo kwihesha ikintu cy'undi hakoreshejwe uburiganya.

Ni mu gihe byibuza abagera kuri 368 ari bo bibwe arenga 13 766 012 425 Frw, mu gihe ayagarujwe yo atarenga miliyoni 679 Frw.

Mu iperereza ryakozwe n'Urwego rw'Igihugu rw'Ubugenzacyaha, basanze abiba abantu babikora mu buryo bubiri. Hari abizeza abantu kubagurira imodoka binyuze mu bigo by'ubucuruzi byabo ndetse n'ababikora ku giti cyabo.

Mu 194 bakurikiranyweho iki cyaha 19% (ni ukuvuga abagera kuri 37) bashukishaga abantu kubagurira imodoka binyuze mu bigo by'ubucuruzi byabo, mu gihe 81% (bingana n'abagera ku 157) bo bashukaga abantu ku giti cyabo.

Amwe mu mayeri bakoresha, ni uko bashaka ushaka kugura imodoka bakamwereka amafoto y'izihari hanyuma bakamwizeza ko iyo ashima ari yo bishyura.

Mu gihe waba ujijinganya kwishyura, hari n'abadatinya kukwizeza ko nuramuka uguze iyo modoka bazayishakira akazi ko kuyikodesha ukajya uhabwa ubukode bwa buri munsi.

Urwego rw'Igihugu rw'Ubugenzacyaha rugaragaza ko abakora ubu buriganya rimwe na rimwe bizeza abantu kuba babahaye imodoka zo kugendamo mu gihe bagitegereje iyo baguze, ndetse bamwe bakazigezwaho ku buryo bibarema agatima bakagira icyizere.

Aya kimwe n'andi manyanga akoreshwa arimo guhimba ibyangombwa byerekana ko ikigo runaka gisanzwe gikora ubucuruzi bw'imodoka ndetse bakabyamamaza ku mbuga nkoranyambaga, no kuba ugura n'umutumiriza imodoka bagirana amasezerano yanditse biri mu byongera icyizere kidahari.

Abafatiwe muri ubu buriganya, bakurikiranwaho ibyaha bitandukanye birimo icyo kwihesha ikintu cy'undi hakoreshejwe uburiganya; giteganywa n'ingingo ya 174 y'itegeko nimero 68/2018 ryo ku wa 30 Kanama 2018 riteganya ibyaha n'ibihano muri rusange.

Ugihamijwe n'Urukiko ahanishwa igifungo kitari munsi y'imyaka ibiri ariko kitarenze imyaka itatu n'ihazabu itari munsi ya miliyoni 3 Frw ariko itarenze miliyoni 5 Frw.
Guhimba inyandiko cyangwa gukoresha inyandiko mpimbano cyo ni icyaha giteganwa n'ingingo ya 276 y'Itegeko nimero 68/2018 ryo ku wa 30 Kanama 2018 riteganya ibyaha n'ibihano muri rusange.

Ugihamijwe n'Urukiko ahanishwa igifungo kitari munsi y'imyaka itanu ariko kitarenze irindwi n'ihazabu itari munsi ya miliyoni 3 Frw ariko itarenze miliyoni 5 Frw cyangwa kimwe gusa muri ibyo bihano.

Icyaha cy'ubuhemu giteganywa n'ingingo ya 176 y'itegeko nimero 68/2018 ryo ku wa 30 Kanama 2028 riteganya ibyaha n'ibihano muri rusange.

Ugihamijwe n'Urukiko ahanishwa igifungo kitari munsi y'imyaka itatu ariko kitarenze itanu n'ihazabu itari munsi y'ibihumbi 500 Frw ariko itarenze miliyoni 1 Frw.

Umuvugizi w'Urwego rw'Igihugu rw'Ubugenzacyaha RIB, Dr. Murangira B. Thierry yavuze ko abaturage basabwa kugira amakenga mu bintu byose bibasaba gutanga amafaranga yabo.

Ati 'Bagomba gutekereza impamvu umuntu winjiye mu bucuruzi bw'imodoka agomba kubanza gusaba amafaranga abantu ngo abatumirize, ni ugusaba abantu igishoro ngo atangire ubucuruzi? Mu Rwanda hari ibigo bitumiza imodoka zizewe.'

'Turasaba abantu kugira amakenga ntibahutireho ku byo babonye byose kuko aba atari ukuri kuko rimwe haba harimo kwihesha ikintu cy'undi hakoreshejwe uburiganya. Ikindi ni uko tubasaba kutagendera ku makuru ashobora kuba atari ukuri avuga ko hari ababashije gutumiza imodoka bigakunda bityo bakabahuma amaso bababwira ko nimutanga ayanyu zibageraho mu buryo buhendutse.'

Dr. Murangira yasabye abantu kujya byibuza bagisha inama ku byo badasobanukiwe neza mbere y'uko barekura amafaranga, by'umwihariko bakabanza gushaka amakuru ku bigo biba bibizeza kubatumiriza imodoka.

Ikindi abantu basabwa ni ukwirinda kujya batanga amafaranga mu ntoki bakajya bifashisha banki akaba ariyo yajya yishyura igihe imodoka yamugezeho.

Umuvugizi wa RIB, Dr Murangira B.Thierry yasabye abantu kujya bagira amakenga mbere yo kurekura amafaranga yabo byaba ngombwa bakagisha inama, ariko n’uwibwe agatangira amakuru ku gihe

Ni igikorwa cyabaye mu rwego rwo kwibuka abahoze ari abakozi b'izo minisiteri n'ibigo bitandukanye bizishamikiyeho bishwe muri Jenoside yakorewe Abatutsi mu 1994.

Abayobozi bagaragaje ko bamwe mu bayobozi bayoboraga minisiteri zitandukanye bagize uruhare muri Jenoside yakorewe Abatutsi mu 1994, binyuze mu kubiba urwango, amacakubiri n'ingengabiterezo mu Banyarwanda byatumye Abatutsi barenga miliyoni bicwa urwagashinyaguro.

Minisitiri w'Uburinganire n'Iterambere ry'Umuryango, Uwimana Consolée, yavuze ko bafite inshingano zo gukosora ibyo abari abayobozi n'abakozi b'izo minisiteri bakoze.

Yagize ati 'Kwibuka abahoze ari abakozi b'izo minisiteri bazize Jenoside yakorewe Abatutsi mu 1994, bitwibutsa uruhare bamwe mu bari abakozi bazo bagize mu gutegura no gushyira mu bikorwa Jenoside binyuze mu gushishikariza urubyiruko n'abagore gukora ibikorwa by'urukozasoni. Ibyo bituma twese tugira inshingano zo gukora ibitandukanye n'ibyo abo bakoze turwanya ingengabitekerezo ya Jenoside n'ibindi bishobora gutuma ibyabaye mu 1994 byongera.'

Uwimana yakomeje asaba abayobozi bagenzi be kuba intangarugero ku buryo abakiri bato babigiraho kuko ubwo Jenoside yabaga umubare munini w'urubyiruko rwayikoze rwabishishikarijwe n'abantu bakuru kandi bari abayobozi.

Ati 'Mureke twese tunoze imvugo, imikorere, n'imyumvire byacu kuko ibikorwa dukora twaba tubizi cyangwa tutabizi hari uruhare bigira mu kwanduza abakiri bato batwumva, batubona ndetse batwugiraho.'

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah, yavuze ko amateka mabi igihugu cyagize byagizwemo uruhare n'ubuyobozi bwariho bwari bwuzuye urwango n'amacakubiri ndetse, ibyagize ingaruka mbi Rwanda n'abarutuye.

Yavuze ko ingengabitekerezo ya Jenoside yari yarashinze imizi muri politiki ya repubulika ya mbere n'iya kabiri ari byo byatumye Abanyarwanda bacikamo ibice kandi bari bunze ubumwe.

Yagize ati 'Abatutsi ntibahabwaga amahirwe angana n'ay'abandi ndetse ugasanga hari abakozi bamwe bagiye bakora intonde z'abagenzi babo b'Abatutsi bakoranaga bagomba kwicwa, ariko twe tugomba gukora ibitandukanye n'ibyo bakoze.'

Yibukije uburyo mu 1994 igihugu cyatakaje abakozi b'ingirakamaro bari bafite indangagaciro, bakaba abanyamurava bitangiraga akazi kabo, asaba bagomba kusa ikivi cyabo.

Tito Rutaremara na we yunamiye abazize Jenoside yakorewe Abatutsi bashyinguwe mu Rwibutso rwa Jenoside rwa Kigali

Umunyamabanga Nshingwabikorwa wa Komisiyo Ishinzwe abakozi ba Leta, Angelina Muganza yunamiye abishwe muri Jenoside yakorewe Abatutsi

Umunyamabanga wa Leta muri Minisiteri y'Urubyiruko n'Iterambere ry'ubuhanzi, Umutoni Sandrine, yitabiriye igikorwa cyo kwibuka abahoze ari abakozi b’iyi minisiteri

Perezida wa IBUKA, Dr. Gakwenzire Philbert, watanze ikiganiro yibukije abakiri bato bakora muri ibi bigo ko bakwiriye kwiga amateka kandi ko adakwiriye kubabera umutwaro

Minisitiri w'Uburinganire n'Iterambere ry'Umuryango, Uwimana Consolée, yunamiye abarenga ibihumbi 250 bashyinguwe ku Rwibutso rwa Jenoside rwa Kigali

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah, yunamiye abazize Jenoside yakorewe Abatutsi bashyinguwe mu Rwibutso rwa Jenoside rwa Kigali

Minisitiri Uwimana yavuze ko bafite inshingano zo gukosora ibyo abari abayobozi n’abakozi ba MIGEPROF bakoze

Minisitiri Utumatwishima yerekanye uburyo ingengabitekerezo ya Jenoside yari yarashinze imizi muri politiki y’ubutegetsi bwa Habyarimana na Kayibanda

Abakozi bakorera MOYA na MIGEPROF hamwe n’ibigo bitandukanye bunamiye abazize Jenoside yakorewe Abatutsi

Amafoto: Munyemana Isaac

Mu 2000 ubwo Zimbabwe yari iyobowe na Robert Mugabe, yafashe icyemezo cyo kwisubiza ibikingi byari mu maboko y'Abazungu bari barabigabanye mu gihe cy'ubukoroni, bisubizwa abahinzi b'Abirabura.

Ni icyemezo cyakurikiye umwuka mubi hagati ya Zimbabwe n'ibihugu birimo Leta Zunze Ubumwe za Amerika, u Bwongereza, Australia, Canada n'Umuryango w'Ubumwe bw'u Burayi (EU).

Ibyo bihugu ntibyatinze gufatira ibihano Zimbabwe kuko mu 2001, Amerika yayifatiye ibihano by'ubukungu, bigeze mu 2002 EU ikurikiraho n'ibindi bihugu. Ibyo bihano byazahaje bikomeye ubukungu bwa Zimbabwe ndetse n'uyu munsi ibyo bihano biracyariho.

Gusa mu 2017, ubwo Perezida Kagame yayoboraga AU na nyuma y'izo nshingano, yashyize imbaraga mu kumvikanisha ijwi rya Zimbambwe, asaba ko ibyo bihano byakurwaho.

Ambasaderi Musoni James yabwiye RBA ko ijwi rya Perezida Kagame ryagize akamaro cyane kuko bimwe muri ibyo bihano byakuweho ndetse n'ibisigaye bishobora gukurwaho mu bihe biri imbere.

Ati 'Bashimira Perezida Kagame ku ruhare agira mu kubavuganira muri gahunda yo kubakuriraho ibyo ibihano bagiye bafatirwa. Ijwi rye ryakomeje kumvikana cyane avuga ko ibyo bihano bashyiriyeho Zimbabwe bikwiye kuvanwaho kandi hari n'intambwe imaze guterwa, bimwe byakuweho n'ibindi biri mu nzira zo kuvaho.'

Yakomeje ati 'Urwo ruhare yagize bararumushimira cyane. Ni ikintu wumva mu nzego za Leta, ukacyumva mu bikorera no mu baturage.'

Umubano w'u Rwanda na Zimbabwe wateye intambwe ikomeye mu 2019 ubwo ibihugu byombi byashyiragaho za ambasade ndetse bigenda bisinyana amasezerano y'imikoranire mu nzego zinyuranye.

Kuva mu 2022, ibihugu byombi byagiranye amasezerano mu by'ubucuruzi ndetse ba rwiyemezamirimo ku mpande zombi bishimira umusaruro w'imikoranire wagiye uvamo.

Zimbabwe kandi imaze kohereza mu Rwanda abarimu barenga 150 binyuze mu masezerano ibihugu byombi bifitanye yo guhererekanya abakozi ndetse Ambasaderi Musoni ashimangira ko muri Nzeri uyu mwaka, abandi barimu bazava muri Zimbabwe bakiyongera ku bandi bari kugira uruhare mu guteza imbere uburezi bw'u Rwanda.

Ambasaderi w’u Rwanda muri Zimbabwe, Musoni James yavuze ko abaturage baho bashimira Perezida Paul Kagame uburyo abafasha gukurirwaho ibihano

Ubu buryo bushya bugiye gutangizwa nyuma y'igerageza ryo gukoresha ikarita mu kwishyura amazi ryakorewe ku mavomo rusange 200 yo mu turere twa Gatsibo, Kayonza, Rwamagana, Nyagatare ndetse no mu bice bitandukanye by'Umujyi wa Kigali.

Umuturage ahabwa ikarita nto imeze nk'igiceri yiswe 'token', akajyana amafaranga bakayamushyiriraho nk'uko bikorwa kuri TAP&GO, ubundi akajya ayikoza ku cyuma.

Iyo ajyanye ijerekani ya litiro 20, ku ikarita ye havaho amafaranga 20 Frw ahwanye n'amazi yuzura ijererekani ya litiro 20, iyo amazi ahwanye na ya mafaranga wakuyeho ashizemo, amazi arahagarara.

Uwamahoro Delphine usanzwe uvomesha ku ivomo rusange rya Batsinda riherereye mu Kagari ka Kagugu, avuga ko ubu buryo bufasha abaturage kubona amazi badategereje kuyahabwa n'undi muntu.

Ati 'Nshobora kujya mu karuhuko ngiye kurya ariko umuturage akaza akivomera akagenda, nshobora gutaha Saa Mbiri, Saa Tatu z'ijoro umuturage agakenera amazi akaza agakozaho akavoma akigendera. Igikenewe ni ukuba naramushyiriye amafaranga kuri ka gakarita.''

Shumbusho Joel ucuruza amagi mu isantere ya Batsinda, yavuze ko ubu buryo bushya aho buziye bwamufashije kubona amazi igihe cyose ayashakiye, bituma adahangayikishwa no gusanga ku ivomo batashye.

Ati ' Nk'ubu mba nje kwicururiza amagi yanjye, iyo ntashye nubwo byaba Saa Munani, ndagenda nkazana ijerekani nkakozaho nkabona amazi nta muntu umfunguriye, bitandukanye na mbere kuko hari nubwo wicaga akazi ngo ujye gushaka amazi.''

Mukakigeri Josephine utuye mu Mudugudu wa Nyakabungo mu Kagari ka Kagugu we yavuze ko ubu buryo bwo kuvoma hifashishijwe ikarita bukwiriye no gukoreshwa ku bafite amazi mu ngo.

Ati 'Ubu buryo rwose turifuza ko babumanura mu ngo zacu noneho ibyo kwishyura amafaranga mu kwezi bikavaho, umuntu akajya ahabwa amazi ahwanye n'amafaranga afite. Byaba ari byiza kandi byanakemura ikibazo cyo kutirara ngo dukoreshe nabi amazi mu ngo zacu.''

Umuyobozi Mukuru wa Wasac Group, Prof. Omar Munyaneza, yavuze ko nyuma yo kubona ko ubu buryo bw'ikoranabuhanga mu kwishyura amazi bukora neza, bamaze guhamagara ba rwiyemezamirimo bifuza ko bakorana, kugira ngo baze babafashe mu gukwirakwiza iri koranabuhanga hirya no hino mu gihugu.

Ati “Ubu twamaze guhamagara abantu bashaka gukorana na Wasac ngo baze dufatanye dukore igerageza, bamwe bazabibona mu ngo zabo hari abo tuza kurishyiriramo kugira ngo dutangize ubwo buryo nitubona bigenda neza mu gihe cy'amezi atandatu tubyagure tubishyire mu mavomo yose mu gihugu. Twahereye ku mavomo rusange tubona biragenda neza, ubu rero hakurikiyeho mu ngo.”

Yakomeje agira ati “Ikintu bizadufasha cya mbere ni ukugira ngo umuturage abashe kwicungira amazi akoresha kuko hari igihe tuza kumuha inyemezabwishyu akavuga ngo ayo mazi ntiyayakoresheje, ugasanga biraduteranya. Ikindi natwe mu kubona amafaranga, bizadufasha kubera ko uzajya ubanza kwishyura ukabona gukoresha amazi. Nawe uramutse ubonye uri gukoresha amazi menshi bizatuma uyacunga.”

Kugeza ubu abafite amazi mu ngo ni 18% mu gihe Wasac yifuza ko mu myaka iri imbere iri koranabuhanga ari ryo ryakwifashishwa ahantu hose kugira ngo riyifashe mu gukoresha amazi neza.

Mu 2024 WASAC yinjije miliyari 46 Frw avuye kuri miliyari 42 Frw mu mwaka wari wabanje.

Raporo y'Umugenzuzi Mukuru w'Imari ya Leta y'umwaka warangiye muri Kamena 2024 igaragaza ko WASAC yatunganyije amazi afite agaciro ka miliyari 9,7 Frw ariko ataragurishijwe ahubwo yamenetse gusa.

Agakarita kazwi nka ‘token’ gashyirwaho amafaranga, ku buryo ugiye ku ivomero akozaho hakavaho ajyanye n’amazi ashaka

Ukojejeho rimwe havaho 20 Frw ahwanye na litiro 20 z’amazi

Iyo umuntu ari kuvoma aba ashobora guhagarika amazi mbere y’uko amafaranga yashyizemo arangira, akongera akayafungura ariko iyo amafaranga ashizemo amazi arifunga

Kugeza ubu iri koranabuhanga rikoreshwa ku mavomo rusange ariko no mu ngo rizahagezwa

Byatangarijwe mu gikorwa cyo gutangiza ku mugaragaro ubukangurambaga bugamije kwimakaza isuku mu Karere ka Nyamasheke.

Mu bugenzuri ubuyobozi bw'Akarere bwakoze, bwarebaga niba aho hantu hari ubwiherero bwujuje ibisabwa, niba abakozi baripimishije indwara zandura, niba bafite impuzankano y'akazi, niba ahakirirwa abakiliya hafite isuku n'ibindi.

Umuyobozi wungirije w'Akarere ka Nyamasheke ushinzwe imibere myiza y'abaturage, Mukankusi Athanasie, yavuze ko muri ubu bugenzuzi abo bagiye basanga batujuje ibisabwa bahawe icyumweru cyo kwikosora.

Ati “Tumaze gufunga restaurant mu karere kose 40, ni ukuvuga restaurant zakira abantu na motel zicumbikira abantu, ariko ntabwo twazifunze mu buryo bwa burundu ni mu buryo bw'agateganyo, tubasaba ibyo bakwiye gushyira mu bikorwa”.

Visi Meya Mukankusi yavuze ko muri restaurant 40 zafunzwe by'agateganyo, zirindwi zamaze kongera gufungurirwa, eshatu zafunzwe burundu kuko zitari zifite uburenganzira bwo kwakira abazigana.

Ati “Twabagiriye inama yo kuba bashaka ibindi bintu bashoramo imari kuko aho bari bashoye imari hatari hajyanye n'ibikorwa by'isuku n'isukura “.

Muri restaurant zafunzwe by'agateganyo harimo igaburira abarwayi ku bitaro byo Kibogora n'igaburira abanyeshuri ba Kaminuza ya Kibogora.

Byagarutsweho ku wa 17 Kamena 2025 ubwo Abasenateri bagize Komisiyo y'Imibereho y'Abaturage n'Uburenganzira bwa Muntu, bagaragazaga ibikubiye muri raporo yakozwe nyuma yo gusura ibirwa bitandukanye.

Ni ingendo bakoreye ku birwa byo mu turere twa Bugesera, Musanze, Burera, Rutsiro, Nyamasheke na Rusizi hagamijwe kumenya ibibazo abahatuye bafite n'ingamba Guverinoma ifite ngo imibereho yabo igende neza.

Senateri Cyitatire Sosthène yagaragaje ko ibibazo biri mu batuye mu birwa bishingiye ku mibereho myiza no kutagerwaho n'ibikorwaremezo, asaba ko bakwimurwa mu rwego rw'ubutabazi.

Ati 'Minisiteri na yo yemera ko abaturage batuye ku birwa 11 bakwiye kwimurwa. Birakwiye kuko twasanze nta buzima buhari ndetse abana bato baho bameze nk'imfungwa. Abafite imbaraga bafungiwe aho ngaho kandi badashobora gukoresha imbaraga zabo. Abafite ubushobozi bwo kwiga bariga ariko ntibongera gusubirayo.'

Visi Perezida wa Komisiyo, Senateri Niyomugabo Cyprien, yagaragaje ko abatuye mu birwa bitandukanye usanga batekereza ko ubuzima bafite ari bwiza kuko babumenyereye muri gakondo yabo.

Ati 'Ubuzima bafite, bamwe batekereza ko bwaba ari bwiza kuko babumenyereye muri ya gakondo yabo, bakwiye gutabarwa bakahava.'

Senateri Dusingizemungu Jean Pierre we yerekanye ko abatuye ku birwa bakwiye kwimurwa hagasigara ikirwa kimwe cya Nkombo, ahandi hakaba hategurwa nk'ibyanya by'ubukerarugendo n'ubushakashatsi.

Yavuze ko abafite ubutaka ku birwa bakwiye kwimurwa ariko bakajya babasha kungukira ku butaka bari bahafite.

Ati 'Hakwiye gusigara Nkombo gusa ibindi abaturage bavemo, ibyo ni ibitekerezo abantu batekerezaho bakareba. Hakwiye kubaho ubushakashatsi buhuriweho bugaragaza ibirwa runaka byasigara. Guturwaho, uretse nkombo ibindi byaba iby'ubukerarugendo cyangwa ibyakorerwaho ubushakashatsi nko ku miti ya Kinyarwanda n'ibindi.'

Minisitiri Ushinzwe Ibikorwa by'Ubutabazi, Maj Gen (Rtd) Albert Murasira, yavuze ko abatuye ku birwa bazimurwa ariko bizajya bikorwa hagendewe ku buryo abashoramari bagiye baboneka.

Ati 'Abantu bagomba kwimurwa rwose turabyemeranyaho.'

Yavuze ko mu gihe batarimurwa kuri ibyo birwa, bakwiye kuba boroherezwa kubona serivisi z'ingenzi no kuba ibikorwaremezo bitandukanye nk'amazi n'umuriro w'amashanyarazi byahagezwa.

Imibare ya Minisiteri y'Ibikorwa by'Ubutabazi igaragaza ko u Rwanda rufite ibirwa 60, ibituweho bikaba ari 14, rukaba kandi rufite gahunda ko ibituweho bizagabanywa bikagera kuri bitatu ku buryo abatuye ahandi bakwimurwa.

Senateri Umuhire Adrie yerekanye ko hari ibibazo bikigaragara ku batuye mu birwa bikwiye kwitabwaho

Senateri Cyitatire na Senateri Kanziza bitabiriye iki gikorwa

Abasenateri basabye ko abatuye ku birwa bimurwa

Visi Perezida wa Komisiyo, Senateri Niyomugabo Cyprien yagaragaje ko abatuye mu birwa bitandukanye usanga batekereza ko ubuzima bafite ari bwiza kuko babumenyereye

Abayobora iyi komisiyo ni Umuhire Adrie wungirijwe na Niyomugabo Cyprien

Senateri Twahirwa na Senateri Prof. Dusingizemungu Jean Pierre batanze ibitekerezo

Minisitiri Ushinzwe Ibikorwa by'Ubutabazi, Maj Gen (Rtd) Albert Murasira, yavuze ko abaturiye ku birwa bazimurwa ariko bizajya bikorwa hagendewe ku ko abashoramari bagiye baboneka

Amafoto: Nzayisingiza Fidèle

Ibyo byatangajwe ku wa 12 Kamena 2025 ubwo abayobozi muri Access Bank Rwanda basuraga icyicaro gikuru cya Avega Agahozo kiri i Kigali kinatangirwamo serivisi z'ubuvuzi.

Ubuyobozi bwa Avega Agahozo bwabanje gusobanurira abo muri Access Bank Rwanda amavu n'amavuko y'uwo muryango n'uburyo wagiye wiyubaka kugeza ku mavuriro ufite uyu munsi no kuvuza abapfakazi 19200 bawugize barokotse Jenoside yakorewe Abatutsi harimo n'abarwaye indwara zidakira.

Umuyobozi Mukuru wa Access Bank Rwanda, Faustin R. Byishimo yakozwe ku mutima cyane n'ibikorwa bya Avega Agahozo bituma yiyemeza ko iyo banki izakomeza kubatera inkunga bihoraho.

Aho abayobozi ba AVEGA bari bamaze gusobanura uburyo abo banyamuryango bose babavuza batishuye kandi harimo n'abatuye mu bice by'icyaro ku buryo kugezayo imiti na byo bisaba andi mikoro bamwe ntibabagereho.

Faustin R. Byishimo yavuze ko ibikorwa AVEGA ikora ari iby'indashyikirwa ku buryo ari ngombwa kuyishyigikira mu buryo burambye.

Yagize ati 'Ntabwo dushaka ko dukorana ngo bihite birangira. Dushaka kubashyigikira mu buryo buhoraho kugira ngo mubashe kugeza serivisi z'ubuvuzi ku banyamuryango banyu bose.'

Yashimangiye kandi ko Access Bank Rwanda isanzwe ishyigikira ibikorwa byimakaza kubungabunga ubuzima ari yo mpamvu yiyemeje gushyigikira n'icyo gikorwa.

Visi Perezida wa Kabiri wa AVEGA, Mukarugema Alphonsine yashimye Access Bank Rwanda uburyo yumvise ubusabe bwabo kuko uwo muryango ukura inkunga mu bafatanyabikorwa batandukanye.

Yagize ati 'Turishimye cyane kuko Access Bank Rwanda ikintu idukoreye ni ikintu gikomeye cyane. Dukomanga ahantu henshi hatandukanye cyane cyane mu gihe cyo kwibuka kugira ngo tubone uko dukomeza ibikorwa. Twishimiye ko yumva umurongo w'ibikorwa byacu kandi no kuba uyu munsi badusuye kugira ngo birebere ibikorwa dukora'.

Mukarugema yakomeje avuga ko kuba Access Bank Rwanda yabemereye ubufasha buhoraho byabahaye icyizere cyo kubasha kugeza ubuvuzi ku banyamuryango babo bose kuko buri mu bikenewe cyane.

Ati 'Muri iyi minsi ikintu twashyizemo imbaraga ku banyamuryango bacu ni ubuvuzi kuko abenshi bageze mu zabukuru bagenda bafatwa n'indwara z'abageze muri iyo myaka. Kugira ngo bipimishe bamenye uko bahagaze bibasaba kuza hano ariko abo mu cyaro birabagora kuza i Kigali.'

Iyo nkunga yo gupima no kuvuza abanyamuryango ba AVEGA yatangiriye ku ivuriro rya AVEGA riri ku cyicaro gikuru ikazakomereza ahandi mu gihugu ku banyamuryango basaga 7200.

Umuryango AVEGA Agahozo washinzwe mu 1995 ugizwe n'abapafakazi ba Jenoside yakorewe Abatutsi muri 1994.

Access Bank Rwanda yinjiye mu bikorwa byo kuvuza abanyamuryango ba AVEGA Agahozo

Abanyamuryango ba AVEGA Agahozo bahabwa ubuvuzi ku buntu

Umuyobozi Mukuru wa Access Bank Rwanda, Faustin R. Byishimo yashimye ibikorwa bya Avega Agahozo, bituma yiyemeza ko iyo banki izakomeza kuyitera inkunga

Visi Perezida wa Kabiri wa AVEGA, Mukarugema Alphonsine yashimye ubufasha bwa Access Bank Rwanda

Access Bank Rwanda yemereye AVEGA Agahozo ubufasha buhoraho mu kuvuza abanyamuryango bayo