Category: Uncategorized

Diamond yemeje ko Andrea Abrahams ko ari we mukobwa mushya bari mu rukundo 

Nta kwezi kurashira humvikanye amakuru avuga ko Diamond ari mu rukundo n'umunyamiderikazi ukomoka muri Africa y’Epfo witwa Andrea Abrahams. Aya makuru akijya hanze hari abavuze ko ari ibihuha abandi bagashimangira ko ari impamo. Ku mpande zombi hagati ya Diamond n'iyi nkumi nta wari wakagize icyo ibivugaho. Diamond yatunguranye kuri Radio ye Wasafi FM maze agira icyo avuga kuri iyi nkumi y'uburanga byari bimaze iminsi bihwihwiswa ko bari mu rukundo.

Diamond yahamije ko ari mu rukundo binyuze mu kiganiro kuri Radio ye Wasafi FM

Mu kiganiro kuri radio ye, Diamond yagize ati 'Ni umuntu mwiza, mwiza cyane. Azi kubana neza n'umuryango wanjye kandi nta buryarya'. Diamond yahamije ko byamutwaye imyaka 9 kugira ngo abashe ku ureshya. Yongeyeho ko yatangiye kwiyumva muri iyi nkumi mu 2013 yabiyibwira igakomeza kwijijisha ariko ikaza kumwemerera urukundo umwaka ushize wa 2020.

Andrea Abrahams nawe aherutse gushyira ifoto ya Diamond kuri Instagram ye maze asaba abakunzi be gutora Diamond mu bihembo bya BET Awards ahatanyemo. 

Diamond amaze kubyarana n'abagore batandukanye barimo Zari wamubyariye kabiri, Hamisa Mobetto na Tanasha wamubyariye umuhungu akaba ari nawe baherutse gutandukana.

Mu minsi ishize ku munsi wo gusoza Igisibo Gitagatifu cya Ramadan ubwo yahaga ibyo kurya abaturage bo mu gace akomokamo, yabwiye itangazamakuru ko ikindi gisibo kitazagera adafite umugore. Andrea Abrahams ni umunyamiderikazi ukomeye muri Africa y’Epfo wamamaye mu marushanwa y'ubwiza. Yegukanye ikamba rya Miss 7 Continents 2016 ryabereye muri Turkey.

Andrea ubwo yegukanaga iri kamba mu 2016

Yahatanye kandi muri Mamelodi Sundowns Mpumalanga mu 2019 aho yageze muri 11 bageze kuri final. Iri rushanwa ni iryo muri Africa y’Epfo rikaba rifite intego yo guharanira iterambere ry'umwali n'umutegarugori kuri uyu mu bumbe nk’uko ibinyamakuru nka The-star.co.ke byabigarutseho.

Andrea Abrahams ubwo yahatanaga muri Mpumalanga yageze muri 11 bageze kuri final 

Iyi nkumi ifite uburanga buyemerera guhatana mu marushanwa y’ubwiza 

Uyu ni we mukunzi mushya wa Diamond nk’uko uyu muhanzi yabihamije

MOCA ni Inama Mpuzamahanga ikomeye ku Isi ihuriza hamwe ibihugu byo muri Afurika bimurika ibikubiye mu muco wabyo. Yatangijwe n'ikigo African Cultures Center (CCA) kuva mu 2016, igahuriza hamwe ibihugu birenga 50 kuva itangijwe binagizwemo uruhare na Minisiteri y'Umuco mu Bufaransa.

Iyi nama iba rimwe mu mwaka, igahuriza hamwe abashoramari, abavuga rikijyana n'abafata ibyemezo muri Afurika, u Burayi n'ahandi ku Isi bakigira hamwe ibibazo by'ingutu kuri bamwe n'amahirwe ahari mu guhanga udushya mu Inganda Ndangamuco.

MOCA izaba mu gihe cy'iminsi ibiri kuva tariki 17-18 Kamena 2021 mu Mujyi wa Paris, ni isoko ryagutse ku Banyafurika mu bijyanye no kugaragaza ubukungu buri mu muco.

Perezida w'u Bufaransa, Emmanuel Macron yise iyi nama 'Africa 2021'. Izahuriza mu Bufaransa ibihugu 54, bigaragaza ishusho y’umuco wa Afurika n'uko uyu mugabane wafashwa.

KANDA HANO WIYANDIKISHE MURI IYI NAMA

U Rwanda rwahawe umwanya w'icyubahiro mu bihugu 30 byatumiwe muri iri serukiramuco ryiswe Moca 2021. Ruzahagararirwa n'abantu babiri mu Bufaransa Judo Kanobana na Raoul Rugamba, mu gihe abandi bazabikurikirana bakanamurika ibyo bakora bifashishije imbuga nkoranyambaga.

Mu bazitabira iri serukiramuco hifashishijwe ikoranabuhanga harimo Umuyobozi w'Umujyi wa Kigali, Prudence Rubingisa, Umuyobozi Wungirije w'Ikigo cy'Igihugu Gishinzwe Iterambere, RDB, Zephanie Niyonkuru n'Umuyobozi Mukuru wa Rwanda Society of Authors Jean De Dieu Turinimana.

Hari kandi Carole Karemera washinze ikigo Ishyo Art Center, Dorcy Rugamba washinze Rwanda Art Inititiave Umuyobozi Mukuru wa Positive Production Kanobana Roman [Judo], Raoul Rugamba washinze iserukiramuco rya Africa in Colors, umuhanzikazi Nirere Shael ubarizwa mu Bufaransa na Robert Mugisha washinze Dopepps.

Iyi nama yiswe Moca 2021 izaba umwanya mwiza n'amahirwe akomeye ku bashoramari bo mu bihugu bitandukanye bashaka kugaragaza ibyo bakora cyane cyane byubakiye ku muco. By'umwihariko u Rwanda ruzagaragaza ubukungu buhishe mu muco.

Rizafasha abahanzi bo mu bihugu bizitabira kugaragaza ibyo bakora ku isoko mpuzamahanga, ndetse u Rwanda ruzahamagarira abashoramari n'abandi bafite aho bakora n'inganda ndangamuco gushora imari mu Rwanda no kuhakorera ubucuruzi.

Rugamba Raoul ategura utegura iserukiramuco rya Africa in Colors, yabwiye INYARWANDA ko iyi nama igiye kuba ku nshuro ya Gatandatu mu Bufaransa igamije kugaragariza ibihugu byo mu Burayi 'imico itandukanye yo mu bihugu bya Afurika'.

Iserukiramuco rya Africa in Colors rikorera mu bihugu 20 byo muri Afurika na bitandatu byo hanze y'umugabane wa Afurika. Mu 2020, iri serukiramuco ryahurije hamwe abavuga rikijyana barenga 100, ibikorwa birenga 20, rihugura urubyiruko rurenga 1,000 rwo mu bihugu umunani byo muri Afurika, rikoresha irushanwa rya 'Video Game Competition' n'abandi.

Judo Kanobanana uzahagararira u Rwanda muri iyi nama yagize uruhare rukomeye mu gutegura no guteza imbere ibitaramo bikomeye byabereye mu Rwanda birimo nka Acoustik night, Groupov tour, culture soirée of the African Union Summit, World economic forum.

Hari kandi Next Einstein Forum, Kwita Izina, Fespad, Kigali Up festival, Amani Festival, Isaano Festival, Groove Awards, Mashariki film festival, Kina festival, Rwanda Christian Film Festival, Mashariki Film Festival, Kwibuka, EU Street fair festival, Kigali Fashion Week, Umuganura Festival, Hamwe Festival n'ibindi.

Uyu mugabo yanarambitse ukuboko ku bitaramo n'amaserukiramuco arimo nka Femi Kuti, Ismael Lo, Ikobe, Sean Paul, Ice Prince, Beenie Man, Kassav', Lokua Kanza, Gael Faye, PathéO, Habib Koite, Akon, Oliver Mtukuzi, Lauryn Hill, Nneka, Stromae, Tiken Jah Fakoly, Oumou Sangare, Faustin Linyekula n'ibindi.

Raoul Rugamba watangije iserukiramuco Africa In Colors [Uri Iburyo] na Judo Kanobana washinze Positive Production itegura ibitaramo [Uri Ibumoso] bazahagararira u Rwanda mu inama izabera mu Bufaransa
Inama “MOCA 2021” igiye kubera mu Bufaransa, igamije gufasha ibihugu byo muri Afurika kugaragaza uko Inganda Ndangamuco zihagaze n’ibindi

KANDA HANO UREBE INTEGUZA YA 'MOCA 2021'

“>

Petersbakers yatangiye guha Salle yo kwiyakiriramo abantu bose bafite ubukwe, ndetse inaborohereza kujya babona ku giciro kiri hasi ibindi byinshi bikenerwa mu bukwe birimo ibyo kurya n’ibyo kunywa, ukabisanga kuri iyi Salle yabo iherereye i Remera, bityo bikagufasha utiriwe uvunika kwakira abatashye ubukwe bwawe. Akarusho ni uko umuntu wese uzajya ukodesha iyi salle bazajya bamuha ‘Cake’ y’ubuntu yo gukoresha mu bukwe bwe.

Abakoze ubukwe n’abasanzwe babutegura bari kumva neza uburemere bw’iyi promotion kuko Cake zo mu bukwe zirahenda cyane. Muri iyi promotion izamara amezi atatu gusa, PetersBakers yasanze ari byiza gushyigikira no gutera inkunga abantu bose bafite ubukwe muri iyi minsi ibashyiriraho uburyo bwo kubona Cake y’ubuntu yo mu bukwe. Ni nyuma y’uko hari hashize igihe gukora ibirori byo kwiyakira (Reception) bitemewe mu Rwanda mu rwego rwo kwirinda icyorezo cya Covid-19.

Nta bandi bagukorera cake nk’iyi y’ubukwe uretse PetersBakers

Ikindi kidasanzwe iyi kompanyi yashyizeho ni uko kubera umubare muto w’abitabira ubukwe, abatitabiriye ibirori, Petersbakers yabazirikanye ibashyiriraho uburyo bwo gukurikirana ibirori imbonankubone (Live) kuri Youtube. Petersbakers izanye iyi promotion nyuma yo kubona ko Inama y’Abaminisitiri yakomoreye abantu gukora ubukwe (Reception). Abafite ubukwe bazayigana, bazajya biyakirira muri salle yabo nziza ijyanye n’igihe, ndetse banahabwe serivisi zindi zinyuranye bafitiye ubushobozi, umugeni atiriwe asiragira hirya no hino ashaka ibyo kurya, byo kunywa, n’ibindi.

Biramenyerewe ko iyo umuntu yitegura ubukwe usanga Cake ayifata hariya, ibyo kunywa akabigura ahandi, ibyo kurya bigatumizwa ahandi, ku buryo rimwe na rimwe bitoroha guhuza ku masaha hatabayeho gukererwa kuri bamwe baba batswe serivisi, bityo bikaba byatuma nyiri ubukwe atanyurwa na serivisi zimwe na zimwe yahawe n’abantu batamukoreye uko abyifuza. Ubu byose bibarizwa ahantu hamwe, ni muri PetersBakers. Bagane, hehe no gusiragirira i Kigali ku munsi w’ubukwe.

Biroroshye guhabwa cake nk’iyi ku buntu igihe cyose wakoreye ubukwe muri salle ya PetersBakers

PetersBakers iri muri kompanyi zifitiye umumaro munini abatuye umujyi wa Kigali ndetse n’abanyarwanda bose muri rusange aho usanga itanga serivisi zikenerwa cyane n’abantu benshi. Umuhango w’ubukwe, ni umuhango uhabwa agaciro kanini mu muco nyarwanda, aho iyi kompanyi itangamo umutsima (Cake) ufatwa nk’igikoresho kiryoshya uyu muhango ku rwego rwiza.

Izindi serivisi iyi kompanyi itanga ni ukwigisha ibijyanye no ‘Guteka’, nabyo ni umwuga ufatwa nko kungura ubumenyi abanyarwanda bayigana ikabafasha kwiteza imbere aho abenshi mu bitabiriye amahugurwa itanga banayabyaza umusaruro bagatangira kwikorera, abandi bagashaka akazi bikomotse kuri ayo mahugurwa y’ubumenyi ngiro ngarukakwezi. N’ubu baracyakomeje kwakira abanyeshuri bose babyifuza, ntucikwe n’aya mahirwe niba wumva ushaka kuba intyoza mu gukora umutsima.

N’abo mu bindi bihugu bya kure baza mu Rwanda kurahura ubumenyi muri Petersbakers

Iyi kompanyi itanga kandi serivisi zo guteka; aho iyo ukeneye gutekera ibirori cyangwa inama, izo serivisi bazikugezaho mu buryo bunoze. Ni muri urwo rwego banatekereje uburyo bafashamo abageni bafite ubukwe muri iyi minsi. Mugwaneza Jean Pierre washinze iyi kompanyi akaba ari nawe Muyobozi wayo Mukuru, yemeje ko abantu bose bafite ubukwe bazajya babagana, ibirori byabo bizajya bigenda neza kuko serivisi nyinshi zikenerwa mu bukwe ababagana bazajya bazisanga ahantu hamwe.

Bimwe mu bidasanzwe iyi kompanyi igiye gutanga harimo gukodesha abageni ‘salle y’ubukwe’ yiswe ‘SMART WEDDING HALL’, iryo zina rikaba rijyanye n’uko ibikorwa byose nkenerwa mu bukwe bizajya bitangirirwa hamwe n’iyo salle ku muntu wese ubyifuza kuko hari ushobora kuvuga ko akeneye ibyo kurya gusa, undi akavuga ko ashaka ibyo kunywa gusa, ndese hakaba hari n’ushobora gukenera Cake gusa kuko wenda amenye amakuru y’iyi Promotion yaramaze gufata indi Salle. Aba bose PetersBakers yabatekerejeho nabo ibahananurira ibiciro ku byari bisanzwe.

Nk’uko PetersBakers ibitangaza, mu guhabwa Salle ukoreramo ubukwe harimo inyungu nyinshi cyane kuko uzajya uhabwa byoroshye ‘Package’ yuzuye y’ubukwe igizwe no; Gutekera ubwo bukwe, hakiyongeraho Umuyoboro (Link) uzajya ugaragaraho umuhango w’ubwo bukwe aho abatabubonetsemo bijyanye n’ingamba zo kwirinda coronavirus bazajya bakurikiranira uko ibirori biri kuba Live, ku gutegurira ibinyobwa. Akarusho ni uko bazajya banaguha umutsima (Gateau de marriage/Wedding cake) ku buntu aho uzajya usanga bawuteguye bityo gahunda z’ingezi zose z’ubukwe zigakorerwa mu gice kimwe.

Tegurira ubukwe bwawe muri salle ijyanye n’igihe iri muri iyi nyubako ikoreramo Petersbaters

PetersBakers, iherutse kwagura ibikorwa byayo mu rwego rwo kugera ku banyarwanda benshi, aho yaguriye ibikorwa byayo mu karere ka Rubavu mu Burengerazuba bw’u Rwanda, ubu ukaba wahasanga umutsima (Cake), imigati, ibyo kunywa n’ibyo kurya bitandukanye harimo na Coffee, ndetse no kwigisha abashaka kumenya gutegura umutsima n’ibindi binyuranye tuvuze haruguru. Mugwaneza Jean Pierre n’abakozi bamufasha konoza akazi, biyemeje kwakira neza na yombi abayigana ndetse bakanatanga serivisi mu buryo bw’indashyikirwa.

Ukeneye iyi salle ugahita uhabwa na cake y’ubuntu cyangwa ukaba ushaka ibindi bisobanuro kuri iyi promotion ya PetersBakers, wabahamagara kuri izi nimero zikurikira; Niba uri muri Kigali bahamagare kuri: 0786048392. Niba ushaka serivisi zabo zitangirwa mu Karere ka Rubavu, bahamagare kuri: 0789944444. Twakwibutsa ko PetersBakers i Rubavu ikorera mu Kizungu ahateganye na Army Shop naho mu mujyi wa Kigali ikaba ikorera i Remera hafi na Zigama CSS.

PetersBakers Rubavu bagufitiye ahantu heza cyane waganirira n’inshuti

Petersbakers mu gikorwa cy’amahugurwa ku bashaka kwiga gukora cake

Ibaze gukorera ubukwe ahantu heza nk’aha ukanahabwa Cake y’ubuntu!

Ushaka ‘Decoration’ nk’iyi cyangwa indi yose wakwifuza, Petersbakers ibigufashamo

PetersBakers bagukorera Cake y’ubukwe izahora ari urwibutso rwiza rw’ubukwe bwawe

Bamwe mu banyeshuri bari guhugurwa na Petersbakers

Abakorewe cake na Petersbakers ni abagabo bo guhamya ubuhanga bw’iyi kompanyi

Ukeneye iyi salle ugahita uhabwa na Cake y’ubuntu cyangwa ukaba ushaka ibindi bisobanuro kuri iyi promotion ya PetersBakers, wabahamagara kuri izi nimero zikurikira. Niba uri muri Kigali bahamagare kuri: 0786048392, niba ushaka serivisi zabo zitangirwa mu Karere ka Rubavu, bahamagare kuri: 0789944444. Twakwibutsa ko PetersBakers i Rubavu ikorera mu Kizungu ahateganye na Army Shop naho mu mujyi wa Kigali ikaba ikorera i Remera hafi na Zigama CSS.

Olivier Nduhungirehe ni Ambasaderi w' u Rwanda mu bwami bw'u Buholandi kuva ku tariki 14 Kanama 2020 ubwo Inama y'Abaminisitiri yateranaga ikamushyira muri izi nshingano nyuma yo kuba Ambasaderi mu Bubiligi no muri Ethiopia n'ahandi.

Umuryango wa Amb. Olvier Nduhungirehe

Mu kiganiro kirambuye kimara amasaha atatu, iminota 59 n'amasegonda 58 gikorwa n'umunyamakuru Ally Soudy cyitwa Ally Soudy On Air aho umutumirwa w'umunsi yari Ambasaderi Olivier Nduhungirehe, muri icyo kiganiro umunyamakuru baganiriye ku bintu byinshi bitandukanye bijyane na Politiki, ubuzima busanzwe ndetse na Siporo.

Muri icyo kiganiro kimara hafi amasaha ane, Ally Soudy hari igice yamubajije ku muryango we by'umwihariko umugore we n'abana be, indirimbo yamutura ndetse n'uburyo babanye nk'umuryango by’umwihariko icyo bakwigisha urubyiruko n'abibaza ko abanyepolitiki batajya babonera umwanya umuryango.

Aha Amb. Olivier Nduhungirehe niho yahereye asobanura avuga ku bukwe bwe uko bwagenze n'aho bwabereye, indirimbo umugore we akunda, uburyo umugore we yagurishije Saloon de Coiffure bakajya mu butumwa bw'akazi ubwo yari agiye guhagararira u Rwanda, n'ibindi.

Ally Soudy yabanje kumubaza amazina y'umugore n'abana afite

Amb. Nduhungirehe yagize ati “(…) Mfite umugore n'abana babiri. Umugore yitwa Ingabire Virginie n’abana babiri umukobwa w’imyaka 14 n’umuhungu w’imyaka 12 n’igice. Twahuye ndi mu Rwanda muri 2004 twahujwe n’inshuti, n’umuntu w’inshuti yacu twembi ni we waduhuje turasangira nyine turamenyana ni bwo bwambere nari mubonye”.

Umugore wa Ambasaderi Ingabire Virginie akunda indirimbo yitwa ‘Brown Eyes’ ya Children’s Destiny

Ati: “Nkimubona bwa mbere ntabwo navuze ngo tujye gusangira, ariko duhura icyo gihe nabonye ari umukobwa mwiza kandi dushobora kuganira no kumvikana, nuko nyine twumvikanye twahuje turasohokana nyuma tuza no kurushinga no gukora ubukwe. Twarongeye turahura bwa kabiri turi twenyine turaganira mbona Virginie ahuje n’ibyo nifuza.''Ally Soudy ageze ku wasabye undi bwa mbere ko barushinga, Ambasaderi Nduhungirehe atazuyaje yahise abyemera ko ariwe wabimusabye ariko avuga ko amagambo yakoresheje atayibuka.

Yagize ati: “Oya ntabwo nyibuka ntakubeshye ntabwo nyibuka ariko ni amagambo asanzwe ntabwo njyewe ndi umusizi uvuga amagambo atatse. Hari abantu bakunda gukoresha amagambo nyine yuje imitoma ntabwo njyewe nize ibintu by’indimi (literature) ariko nyine namubwiye amagambo amwumvisha ko nifuza ko twasohokana”.

Ally Soudy kandi yamubajije ku bukwe bwabo ubwo Virginie yari amaze kumwemerera urukundo, n’uko bwari bumeze, amusubiza agira ati “Bwari bumeze neza cyane. Ku itariki 23/9/2006 hariya kuri Primature mu busitani bwaho inyuma aho bakoreraga amakwe ariko ubu ntabwo bakibikora”.

Ally Soudy ati “Icyagushimishije mu bukwe bwawe kurenza ibindi ni ikihe?” Amb. Nduhungirehe ati “Bwari ubukwe bwari burimo abantu benshi cyane ngira ngo twari twatumiye abantu nka 700 ariko haje abarenga igihumbi bwari burimo abantu benshi twarariye, turanywa, turasangira turaganira, bwari ubukwe bwiza.''

Amb. Nduhungirehe yavuze ko ijambo umugore we akunda kumubwira aba ari ubuzima bwe bwite ariko hari indirimbo umugore we yakundaga ndetse no mu bukwe bwabo yaracuranzwe iyo ndirimbo yitwa Brown eyes ya Destiny's Child ari nayo yamutuye. Ambasaderi Olivier kandi yahaye isomo urubyiruko ndetse anakomoza ku rukundo rw'abanyapolitiki ruba rugoye anavuga ku bana be bavukiye muri Ethiopia anahishura uburyo umugore we yagurishije Saloon de Coiffure.

Yagize ati “Akazi k’abanyapolitiki karagora cyane cyane ku bantu bashakanye nakubwiye ko nabaye umunyapolitiki muri Ethiopia, Addis Ababa cyane cyane niho abana babiri bacu bavukiye,  nyuma tujya i New York muri Amerika nyuma tuza mu Rwanda,  nyuma tujya mu Bubiligi, tugaruka mu Rwanda ubu noneho turi mu Buholandi”. 

“Bivuze ko kuwo twashakanye haba harimo koroherana n'ubwitange kubera ko umugore aba asabwa gukurikira umugabo, ndetse umugore we yari amaze kwinjira mu bucuruzi hari Salon fe Coiffure yari afite ariko asabwa kuyigurisha urumva ko harimo ubwitange n'ubwitange”. Ambasaderi Nduhungirehe yahawe guhagararira u Rwanda mu Bwami bw'u Buholandi asimbuye Karabaranga Jean Pierre wagizwe Ambasaderi w'u Rwanda muri Repubulika ya Sénégal.

Nyuma yo guhabwa uwo mwanya mushya wo guhagararira u Rwanda tariki 14 Kanama 2020 Amb. Nduhungirehe abinyujije ku rukuta rwe rwa Twitter, yashimiye Perezida Kagame wamugiriye icyizere cyo kumuha inshingano nka Ambasaderi w'u Rwanda mu Buholandi. Yagize ati 'Nijeje kuzakoresha imbaraga n'ubunararibonye bwanjye mu gutsura umubano no kubaka ubuhahirane mu by'ubukungu [hagati y'u Rwanda] n'u Buholandi n'ibindi bihugu nzaba nshinzwe.''

Amb. Nduhungirehe ubwo yakirwaga mu bwami bw’u Buholandi