Category: Uncategorized

Benjamin Gicumbi na Jean Luc bashyize umukono ku masezerano yo kwamamaza iyi nzoga kuri uyu wa Gatanu tariki 18 Kamena 2021, mu muhango wabereye kuri Land Mark i Nyarutarama mu Mujyi wa Kigali.

Mu kwamamaza Label 5, aba banyamakuru bazifashisha Radio B&B FM-Umwezi, imbuga nkoranyambaga n'izindi nzira.

Ntihatangajwe amafaranga buri umwe yahawe n'igihe iyi kontaro bashyizeho umukono izamara. Label 5 ni 'liquor' y'icyubahiro iri mu icupa rya Litiro n’agacupa gato ka Cl 25.

Label 5 ni Whisky yengerwa muri Scotland kabuhariwe mu gutegura agasembuye. Mu Rwanda iyi nzoga iri mu biganza bya kompanyi ya Ares Import&Export Ltd ikorera mu nyubako Marthias House i Remera.

Label 5 iboneka muri Liquor Store zose zo mu gihugu no muri Supermarket zitandukanye.

Benard Nahabwe Umuyobozi Ushinzwe Imenyekanishabikorwa muri kompanyi Ares Import%Export Ltd, yabwiye itangazamakuru ko bahisemo Benjamin Gicumbi na Jean Luc kubera ko bafite umubare munini ubakurikira cyane, kandi babitezeho umusaruro.

Avuga kandi ko bifashishije aba banyamakuru kugira ngo bamamaze Label 5, by'umwihariko muri iki gihe cy'imikino ya Euro 2021. Ati 'Bagiye kutwamamariza cyane cyane muri iki gihe cya Euro 2021…Guhitamo Umunyamakuru cyangwa ukwamamariza icya mbere ni ukuba uzwi.'

Akomeza ati 'Impamvu twabahisemo ni uko babimenyereye, ntabwo ari twebwe bwa mbere bagiye kwamamariza ni abantu basanzwe mu kazi bamamaza kandi bikagenda neza. Twabonye ko bashoboye, baracyari bato, kandi bamaze kubaka izina ryabo.'

  

Jean Luc Imfurayacu ukurikirwa n'abantu barenga ibihumbi 210 yavuze ko yishimiye gukorana na Label 5, kuko ari inzoga y'Abagabo.

Ati 'Label 5 ni ikinyobwa cyiza ngira ngo ku muntu wese usanzwe anywa inzoga cyangwa se akunda agasembuye, inzoga nk'iyi ngiyi y'Abagabo uraza kongera kubona ko ikinyobwa nk'iki cyagarutse mu Rwanda cyangwa se se gihari ku byinshi araza kwishima.'

'Turabashimira rero ko batugiriye icyizere kugira ngo dukorane tubafashe kuyigeza ku banyarwanda, ku badukunda, inshuti zacu zigiye zitandukanye.'

Benjamin Gicumbi ukurikirwa n'abantu barenga 151 kuri Instagram, yavuze ko hari impamvu zirenga eshatu Abanyarwanda bashingiraho banywa Label 5.

Avuga ko ari byiza kwamamaza inzoga nawe anywa, kandi ko yiteguye gukora ibishoboka, inshuti ze, abamukurikira kuri Radio n'abandi bakayoboka iyi nzoga.

Uhereye Ibumoso: Benjamin Gicumbi, Bernard Nahabwe Umuyobozi Ushinzwe Imenyekanishabikorwa muri kompanyi Ares Import%Export Ltd na Jean Luc Imfurayacu

Bernard Nahabwe [Uri iburyo] na Benjamin Gicumbi ugiye kumenyekanisha Label 5

Bernard Nahabwe [Uri iburyo] na Jean Luc Imfurayacu wasinyiye kwamamaza Label 5 Me Steven Gatari Umujyanama mu by'amategeko muri kompanyi GG Entertainment wahagarariye isinywa ry’amasezerano

AMAFOTO: jimmy_adnan44

Miss Mutesi Jolly yanditse kuri konti ye ya Twitter, kuri uyu wa Gatatu tariki 18 Kamena 2021, avuga ko ari iby'icyubahiro kwakirwa no kugirana ibiganiro na Dr Peter Mathuki Umunyamabanga Mukuru wa EAC kuva tariki 27 Gashyantare 2021.

Uyu mukobwa uri muri Tanzania mu gihe cy'ibyumweru bibiri, yavuze ko impanuro yahawe na Dr Peter Mathuki zizafasha mu gutuma ijwi ry'umugore ryumvikana, by'umwihariko binyuze mu irushanwa rya Miss East Africa 2021.

Dr Peter M. Mathuki aheruka mu Rwanda, aho tariki 6 Gicurasi 2021, yakiriwe na Perezida Paul Kagame bagirana ibiganiro n'itsinda yari ayoboye.

Yari aherekejwe na Perezida w'Urukiko rwa EAC, Nestor Kayobora, Perezida w'Inteko Ishinga Amategeko ya EAC, Martin Ngoga n'Umunyamabanga Mukuru Wungirije wa EAC, Christophe Bazivamo.

Dr Mathuki yashyikirije impano Perezida Kagame, anamubwira imigabo n'imigambi ye nk'umuyobozi wa EAC harimo kuzamura 40% by'ubucuruzi bukorerwa muri EAC.

Dr Peter Mathuki yatangiye kuyobora EAC asimbuye Libérat Mfumukeko wo mu Burundi. Yari asanzwe ari Umuyobozi Nshingwabikorwa w'Inama y'Ubucuruzi ya EAC, kuva mu 2018.

Ejo, ku wa Kane tariki 17 Kamena, Miss Mutesi Jolly yagiranye ibiganiro n'Umunyamabanga wa Leta muri Minisiteri y’Ububanyi n’Amahanga akaba anashinzwe Afurika y'Uburasirazuba Hon. Amb. Mbarouk Nasser.

Dr Peter Mathuki Umunyamabanga Mukuru w'Umuryango wa Afurika y'Uburasirazuba, yagiranye ibiganiro na Mutesi Jolly Visi-Perezida wa Miss East AfricaMiss Mutesi Jolly yatangaje ko impanuro yahawe na Dr Peter Mathuki zizafasha mu kuzamura ijwi ry'abakobwa, by'umwihariko muri Miss East Africa 2021

Umurava, urukundo, ubwitange, icyizere cy’ejo hazaza, gukora cyane, ndetse n’ikinyabupfura, ni bimwe mu byaranze Imurora Japhet. 

Imurora Japhet yakiniye amakipe atatu mu Rwanda arimo Marine FC, Musanze FC, na Police FC. Gusa Musanze yayikiniye inshuro ebyiri.

Mu kiganiro yagiranye ni InyaRwanda.com ubwo yari amaze gusezera, yatugarukiye ku rugendo rwe avuga ko rwaranzwe no kwihangana ari bimwe mu byatumye ahirwa mu mupira w’amaguru. Ati: “Murakoze, kuri uyu munsi nsezeye kuri Ruhago yatwaye igice gikomeye cy’ubuzima bwanjye, ariko birangiye iminsi igeze ku musozo”. 

“Ndashima cyane urugendo nanyuzemo kugira ngo ubu mbe ndi aha. Ndibuka neza natangiye umupira w’amaguru ndi umuzamu, aha nigaga, kuri Esa Gisenyi, mpava njya kuri Auto Gitarama ariho natangiye gukina nka Rutahizamu. Ndangije amashuri y’isumbuye, nahise njya i Gisenyi ariho nyuma nisanze  muri Marine FC icyo gihe nari mfite imyaka 18, Marine nyikinira kuva 2007 kugera 2009”.

Marine nayo yari yazanye impano nk’umukinnyi wabakiniye 

“Sinzibagirwa umunsi nahembwaga ibihumbi 15 ariyo mafaranga ya mbere nakuye mu mupira w’amaguru” Imurora Japhet. Yakomeje ati “Nkigera muri Marine ntabwo nahise mpabwa ibyangombwa ariko nahabwaga amafaranga ibihumbi 15 by’umushahara, nyuma naje kugira amahirwe Bekeni ampa umwanya nza gukina umukino wa mbere twahuyemo na Police FC nsindamo n’igitego cyari icya mbere muri shampiyona nsinze kikaba ari nacyo gikorwa nibuka mu mupira w’amaguru cyiza cyambayeho.”

Imurora Jephet yavuye muri Marine ahembwa ibihumbi 40 agurwa na Musanze ibihumbi 800, atangira ubuzima bushya mu rugo.

“Mu Musanze ntabwo twatangiye neza kuko ikipe amafaranga yari yaratwemereye itayaduhaye, ahubwo hajemo ibibazo kugeza ubwo ikipe imanutse mu cyiciro cya 2 ariko itabarwa n’uko Atraco FC yari imaze gusenyuka.” Imurora Japhet aracyatuganiriza.

Nyuma ikipe yaje kumanuka mu cyiciro cya 2, mu 2011-2012 ihita izamuka itwaye igikombe cy’icyiciro cya 2 ari nacyo gikombe cya mbere yari yegukanye mu buzima bwe. Mu myaka 6 yakiniye Musanze mbere yo kwerekeza muri Police yari umukinnyi ngenderwaho, ndetse byatumye atangira ubuzima bushya muri Police FC aho yagiye muri iyi kipe aguzwe Miliyoni 2 ku mwaka umwe yari asigaranye w’amasezerano.

Ati: “Muri Police nasanzemo Cassa nk’umutoza mukuru, gusa ubuzima bwarangoye, kuko nasanze Tuyisenge Jacques ariwe Kapiteni kandi twarakinaga ku mwanya umwe. Nyuma yaragiye nanjye ntangira gukina, twegukana igikombe cy’Agaciro mu 2014-2015 cyari igikombe cya 2 negukanye mu buzima bwanjye.”

Umwaka wa 2017 wari uwa nyuma muri Police ndetse no muri Kigali, gusa byari bigoye kuko icyo gihe Imurora Japhet yashakaga kujya gukina hanze ariko ntibyamukundira ariyo mpamvu yahise asubira muri Musanze ari naho yashoreje umwuga we wo gukina n’ubwo yari yize ibijyanye n’amashanyarazi atigeze akoramo na rimwe.

Jephet yatangiye gukina mu cyiciro cya mbere ku myaka 18 akaba asezeye kuri Ruhago afite imyaka 32.

Ati: “Ndi umuntu ufata ibyemezo bikakaye abenshi batatekerezaga, ari nayo mpamvu mfashe uyu mwanzuro wo gusezera hatazagira nubaza ngo runaka yagiye he. Musanze nziza yabayeho ni iya 2013-2014 yari ikipe nziza twari dukomeye kurenza ikindi gihe cyabayeho, sinzayibagirwa.”

N’ubwo amanitse inkweto yemeza ko ibyo atakoze muri Ruhago ari byo agiye gukora hanze y’ikibuga. Yagize ati “Hari byinshi nashatse kugeraho nkiri umukinnyi ariko mbona bitagikunze ariyo mpamvu nsezeye kuri Ruhago, numvaga nshaka kuzakina hanze ariko ntibyakunze gusa ngomba kuzareba niba nzabikora nshoje cyangwa se nkavamo umutoza ukomeye, umucuruzi, n’ibindi.”

Marine yayikiniye imikino 30 kuva 2007-2009 ayitsindira ibitego 7, Musanze FC kuva 2009-2015 yayikiniye imikino 117 atsindamo ibitego 28, ajya muri Police kugeza mu 2017 ayikinira imikino 49 atsindira ibitego 15, agaruka muri Musanze FC akinamo kugeza uyu mwaka w’imikino asezeye, yari amaze gukina imikino 83 atsindamo ibitego 18.

“Kwinjira mu cyiciro cya mbere mvuye ahantu hatazwi nkaza nkatsinda ibitego, ndi umunyarwanda kuko icyo gihe abanyamahanga bari bemewe 100% icyo gihe ni bwo nagize ibihe byiza ntazanibagirwa.” Imurora Japhet

Hono ni indirimbo yanditswe n'umuhanzi Mr Kagame, itangira ifite umudiho cyane w'ijwi ku bakunda kwibyinira izi mbyino zigezweho ndetse bakabasha kwizihirwa binyuze mu buhanga n'umudiho biri muri iyi ndirimbo yatunganyijwe n'umwe mu ba Producer bagezweho mu Rwanda, Element.

Mu kiganiro uyu muhanzikazi yahaye InyaRwanda.com, yatangiye asobanura byinshi kuri iyi ndirimbo ye nshya n'aho igitekerezo cyavuye kugira ngo isohoke iryoheye amatwi ndetse n'abayireba bayisubiremo inshuro zirenze imwe.

Uyu muhanzikazi yahishuye kandi ko ari indirimbo yanditswe na Mr Kagame, anavuga uburyo yatekereje gukoreshamo umukinnyi ndetse n'umwe mu banyarwenya Rutambi mu ndirimbo aho akina ari nawe ushingirwaho ku bivugwa mu nkuru y'uyu muryango.

Alyn Sano yabwiye abafana be ko aribo akorera umunsi ku wundi

Yagize ati “Iyi ndirimbo ivuga ku bagabo baburira umwanya wabo  abagore bakitwaza akazi buri gihe ariko mu byukuri atar ibyo rero n'ibyo ngibyo nashatse kuvugaho ni igitekerezo cyaje uko nguko.Ni indirimbo yanditswe na Mr Kagame naramwisunze kubera ko ari umwanditsi mwiza kandi ibyo namushakagaho narabibonye.

Ni Video igaragaramo umukinnyi wa Firime witwa Rutambi. Umuhanzikazi Alyn Sano yavuze ko impamvu yatekereje Rutambi ari uko ajyanye n'ibyo we n'ikipe ye bashakaga kandi agaragara neza ni byo bashingiyeho bamukoresha.

Alyn Sano yasoje avuga ko akora umuziki kugira ngo ahe ibyishimo abakunzi be rero nibayireba bakishima araba ageze ku byifuzo bye n'ubundi ahora yifuza mu buzima bwe ko abakunzi be ni bo akorera kugirango bishime.

KANDA HANO UREBE HONO INDIRIMBO NSHYA YA ALYN SANO

Muri serivisi iyi Laboratwari itanga harimo serivisi zo gupima ADN hagamijwe guhuza ibimenyetso n'ahabereye icyaha cyangwa umuntu n'abo bafitanye amasano ya hafi hifashishijwe uturemangingo, cyangwa serivisi zo gupima ibyashobora guhumanya umuntu bikaba byanamuviramo urupfu nk'igihe yarozwe.

Umuhanzi Israel Mbonyi  ukunzwe mu ndirimbo zo guhimbaza Imana ndetse n'umuhanzikazi Clarisse Karasira ukunzwe mu njyana ya Gakondo ni bamwe mu basobanukiwe n'izi serivisi ndetse bakaba bari mu bukangurambaga bwo gushishikariza abantu kugana iki kigo cya Rwanda Forensic Laboratory (RFL) kubera ko serivisi zatangirwaga mu mahanga ubu zose ziri gutangirwa mu Rwanda.

Mu kiganiro na InyaRwanda.com, Israel Mbonyi yagize ati ''Njyewe numva ari byiza kumenyesha abantu uburengazira bwabo kubabwira ko gupima ADN bitagisaba kujya hanze ko ari ibintu bikorerwa mu Rwanda kuko hari igihe abantu bamaze igihe barengana kubera kutamenya serivisi zimwe na zimwe zitandukanye zikorwa ku birebana n'ibyaha biba byabayeho”. 

Ati “Rero kuba ubungubu dufite iterambere rigeze kuri uru rwego nanjye kuba natanga umusanzu wanjye mu kubwira abanyarwanda ko ibyo bintu bihari numvise ko ari umugisha kuri njyewe kandi birareba abantu bose abakirisitu n'abatari abakirisitu.''

Umuhanzikazi Clarisse Karasira nawe yunze mu rya Israel Mbonyi agira ati: “Inyungu ya mbere abanyarwanda bazakuramo ni uko hari abanyarwanda bajyaga gushakira izi serivisi mu mahanga nabo bagoma kubimenya ntibatekereze kuzishakira hanze kandi twabitangiye gushishikariza abanyarwanda hari abari kutubaza tukabasobanurira bigaragare ko umusaruro uzaboneka”.

Yakomeje ati “Icyo twababwira ni uko izi servisi zose ziboneka hano mu Rwanda kandi rwose n'ibisobanuro byose birahari nta n'ubwo ari ADN gusa, ni Serivisi zose n'ibimenyetso bya gihanga bikoreshwa mu butabera bamenye ko zihari hari numero zabo zirahari bakorera ku Kacyiru banabahamagara kuri 4636 ni ibintu biri hafi yabo buri muntu wese yageraho.''

Mu kiganiro InyaRwanda.com yagiranye n'umuvugizi wa Rwanda Forensic Laboratory, Samvura Jean Pierre yavuze impamvu bahisemo gukoresha abahanzi ndetse n'abakurikirwa cyane, asobanura ko ari uburyo bashaka kumenyekanishamo ikigo n'ubutumwa bashaka gutanga kugira ngo abajyaga gushakira Serivisi y'ibimenyetso bya gihanga byifashishwa mu butabera hanze bamenye ko mu Rwanda izo serivisi zihari. 

Yagize ati “Bariya bantu bakurikirwa n'abantu benshi icyo bavuze kimenywa n'abantu benshi icyarimwe n'abo bakurikirwa bakabasha kugisangiza abandi batandukanye rero intego yacu ni ukumenyekanisha ikigo ku batakizi kugira ngo ufite ikibazo wese akigane. Abo twifuza ko bigeraho ni abanyarwanda bose muri rusange n'abanyamahanga nabyo bigomba kubageraho kandi ubu bukangurambaga buri gutanga umusaruro kubera ko ukurikije uko twatangiye abantu twari dufite tugomba kwakira uyu munsi bagenda biyongera ku buryo bugaragara ku buryo ubona kwamamaza, kumenyekanisha ikigo bigenda bibyara umusaruro ugaragara”.

“Ubundi inshingano z'iki kigo ni ugufasha mu gutanga ibimenyetso bya gihanga bikoreshwa mu butabera, mu buzima busanzwe twari tumenyereye ko umuntu avuga ngo kanaka yankubise noneho bavuga ngo yankubise icyo bakoraga babazaga abantu babibonye ni bande ariko muri abo bantu babibonye ntawagaragazaga ubumuga wagize kubera iyo nkoni bagukubise ubu ngubu aho tugeze twebwe dushobora kwerekana ngo ubumuga bwageze kuri uwo muntu bungana gute”.

Uyu muvugizi wa RFL yakomeje agira ati “Icyo ni kimwe, umuntu ashobora kuza akiba nk'ahantu cyangwa bakamukeka ko yibye ahantu ariko ugasanga bazanye nk'itsinda ry'abantu nk'ijana icyarimwe ntabwo abantu 100 bashobora kwiba mu rugo rumwe, birashobora ko babikora ariko ntabwo bakwinjira mu rugo rw'umuntu icyarimwe icyo gihe twebwe dushobora gufata ibintu by'aho hantu habereye icyaha tukamenya ngo muri abo bantu uko bangana gutya ni nde wakoze ahangaha akahinjira, ibyo urumva bitandukanye no kuvuga ngo nabonye kanaka akora ibi. Ibyo nabonye kanaka akora ibi bishyigikiwe n'ibimenyetso bya gihanga”.

Ati “Tujye nko kuri DNA muri iyi minsi ujya ubona abana b'abanyeshuri batewe inda cyangwa se basambanyijwe. Ubungubu iyo uvuze ngo kanaka yateye kanaka inda ubungubu aho bigeze twerekana se w'umwana na nyina w'umwana, urumva ntabwo ushobora kuvuga ngo barambeshyera kandi ibimenyetso biri kwerekana ko uri se w'umwana, nayo ni indi ntera bigezeho nziza ubungubu ntibikiri ikibazo”.

Samvura kandi yavuze ko bari kwakira abantu baburanye n'ababo aho bahuje abantu baburanye n'abana mu gihe cya Jenoside yakorewe Abatutsi mu 1994 ukabona umuntu amaze imyaka 24, 28 atari azi umuryango we ariko Rwanda Forensic Laboratory ikagaragaza umuryango w, akaba ari ikintu cyiza ku gihugu.  

Binyuze ku rukuta rw'iyi kipe rwa Twitter, Sunrise FC yemeje ko Mugabo Gabriel yagizwe umwere, ararekurwa. Ubwo butumwa bugira buti: 'Buri gihe ukuri kuratsinda! Welcome back Gaby'. Munsi bahise bashyiraho ifoto y'uyu mukinnyi yambaye umwenda wa Sunrise FC.

Uyu mukinnyi yafatiwe ku kibuga cya Sunrise (Stade Amabati) ku mugoroba wo ku wa Kane tariki ya 10 Kamena 2021, nyuma y'umukino wa shampiyona Sunrise FC yari amaze kunganyamo na Gasogi United 1-1.

Byavugwaga ko Mugabo yakoze icyo cyaha tariki ya 12 Gicurasi 2021 akomeza kwihisha inzego z'umutekano. Uyu myugariro yamaze kugaruka mu rugo, akaba agiye gukomeza gufasha iyi kipe mu rugamba irimo rwo gushaka uko yasoza shampiyona y'uyu mwaka iri mu makipe meza.

Mugabo yageze muri Sunrise avuye muri KCB yo muri Kenya, akaba yaranakiniye amakipe atandukanye yo mu Rwanda arimo Mukura, Police FC na Rayon Sports.

Mugabo yamaze kurekurwa na RIB

Mugabo Gabriel agiye kugaruka gufasha Sunrise mu mikino ya shampiyona

Producer Eleeeeh