Webrwanda Backend

Category: Uncategorized

  • Ikiguzi cyo kwipimisha Covid-19 kigiye kugabanuka #Rwanda #RwOT via @kigalitoday #rwanda #RwOT

    Uwo muyobozi atangaje ibyo mu gihe abantu hirya no hino bari bamaze iminsi bavuga ko ikiguzi cy’amafaranga ibihumbi 10 acibwa umuntu ukeneye kwipimisha Covid-19 gihanitse, ku buryo hari n’abajyaga bikekaho ibimenyetso byayo, bagatinda kugana inzego z’ubuzima, ngo basuzumwe hakiri kare, bikaba byanabaviramo kurembera mu ngo zabo.

    Dr Nsanzimana mu kiganiro Ubyumva ute cyatambutse kuri Kt Radio ku wa Gatatu tariki 23 Kamena 2021, na we yahamije ko amafaranga ibihumbi 10 y’ikiguzi cyo kwipimisha Covid-19 ari menshi, akaba ari na yo mpamvu Leta imaze iminsi ikora inyigo, ndetse igirana ibiganiro n’abahanga mu gutunganya ibyo bipimo, kugira ngo harebwe uburyo kigabanyuka, mu rwego rwo korohereza abisuzumisha.

    Yagize ati: “Nababwira ko intambwe y’ingenzi iganisha ku kuba ikiguzi cyo kwipimisha Covid-19 cyagabanyuka isa n’iyarangiye. Leta irangije inyigo ndetse n’ibiganiro n’abakora biriya bipimo, kugira ngo harebwe uburyo haboneka igipimo gishobora kugabanya igiciro, kikaba cyajya nibura hagati y’amafaranga ibihumbi bitanu n’ibihumbi bitandatu”.

    Yongera ati “N’ubwo tutaratangira kubishyira mu bikorwa, nabizeza ko Leta imaze iminsi ibishyizemo ingufu, kandi twiteze ko nibishyirwa mu bikorwa umubare w’abipimisha Covid-19 uziyongera, bigafasha benshi kujya bamenya uko bahagaze”.

    Dr Nsanzimana ntiyatangaje igihe nyacyo iyo gahunda izatangira gushyirwa mu bikorwa, gusa yizeza abanyarwanda ko ari mu gihe cya vuba. Yanongeyeho ko inzego zibifite mu nshingano zirimo kureba uko kwipimisha byahuzwa na serivisi z’ubwishingizi.

    Kubahiriza amabwiriza yo kwirinda Covid-19 abantu bambara agapfukamunwa, bakaraba intoki n’amazi meza n’isabune, bahana intera n’izindi ngamba zo kwirinda iki cyorezo; buri bu muryo bwizewe kandi bworoshye butuma abantu babasha kwirinda Covid-19 nk’uko inzego z’ubuzima zakunze kubigaragaza.

    Dr Nsanzimana ati “Aho ni ho numva twanashyira ingufu nyinshi bitandukanye n’abibwira ko igihe bipimishije Covid-19 bibaha ubudahangarwa bwo kunyuranya na ya mabwiriza, bakigira nko mu tubari, kuramukanya n’abo bahuye na bo bose, gukuramo agapfukamunwa n’ibindi nk’ibyo. Mu gihe uzaba uyihaye ubwinjiriro, Covid-19 ntizareba ngo wipimishije, byanze bikunze uzayandura. Ni yo mpamvu dusanga abantu bakwiye gushyira imbaraga cyane mu bwirinzi, noneho n’icyo gipimo umuntu akaba yagifata igihe bibaye ngombwa”.

    Kuva Leta y’u Rwanda yatangiza gahunda yo kwipimisha Covid-19 kuva muri Nyakanga 2020, aho ikiguzi ku wipimisha Covid-19 ku bushake, cyari gihagaze ku mafaranga y’u Rwanda 47.200; uko ingamba mu kwirinda iki cyorezo zagiye zoroshywa, ni na ko ikiguzi cyagabanyijwe kigezwa ku mafaranga ibihumbi 10 ari na ho gihagaze kugeza ubu, kandi abakenera iyo serivisi bayegerejwe hafi, aho ubu bayibonera mu mavuriro ya Leta n’ayigenga.

  • Hakajijwe ingamba zo kwirinda COVID-19 mu gihe Shampiyona ikomeza kuri uyu wa Gatanu #Rwanda #RwOT via @kigalitoday #rwanda #RwOT

    Nyuma y’impugenze zari zimaze iminsi hibazwa igihe shampiyona izasorezwa kubera guhagarika ingendo zihuza uturere, ndetse n’izihuza utundi turere n’Umujyi wa Kigali.

    Nyuma y’amabwriza mashya yatanzwe na Minisiteri ya Siporo, amakipe yemerewe kuva mu karere kamwe akajya gukinira mu kandi, ariko bikaba habanje gusabwa uruhushya n’ishyirahamwe ry’umupira w’amaguru mu Rwanda

    Perezida w’agateganyo wa FERWAFA Habyarimana Marcel Matiku, yatangaje ko ubu shampiyona igomba guhita ikomeza nk’uko byari biteganyijwe, aho amakipe yagomba gukinira ndetse n’isaha byose bikaguma uko byari biteganyijwe.

    Yavuze ko gihinduka ari ingamba zo kwirinda, aho bagomba kwaka uburenganzira ako karere, abazagira uruhare muri uwo mukino bose bagomba kuba bapimwe bakabyoherereza akarere, hakaba nta wundi muntu wemerewe kujya kuri Stade, usibye abakinnyi, staff, abasifuzi ndetse n’abashinzwe gukurikirana imikino.

    Umukino ukomeye kuri uyu wa Gatanu urahuza AS Kigali na Police FC
    Umukino ukomeye kuri uyu wa Gatanu urahuza AS Kigali na Police FC

    IMIKINO ISIGAYE MURI SHAMPIYONA Y’U RWANDA 2021

    AMAKIPE 8 YA MBERE

    Tariki 25 Kamena 2021

    Marine FC vs Bugesera FC (Ubworoherane Stadium, 15.30PM)
    APR FC vs Rutsiro (Huye Stadium, 15.30PM)
    AS Kigali vs Police FC (Muhanga Stadium, 15.30PM)
    Rayon Sports FC vs Espoir FC (Bugesera Stadium, 15.30PM)

    AMAKIPE 8 YO HASI

    Tariki 25 Kamena 2021

    Gorilla FC vs Mukura VS&L (Bugesera Stadium, 12.00PM)
    Kiyovu SC vs Etincelles FC (Mumena Stadium, 12.00PM)
    AS Muhanga vs Gasogi United (Muhanga Stadium, 12.00PM)
    Sunrise FC vs Musanze FC (Nyagatare Stadium, 12.00PM)

    Tariki 28 Kamena 2021

    Mukura VS&L vs Muhanga (Huye Stadium, 15.00PM)
    Gorilla FC vs Sunrise FC (Mumena Stadium, 15.00PM)
    Gasogi United vs Kiyovu SC (Bugesera Stadium, 15.00PM)
    Etincelles FC vs Musanze FC (Muhanga Stadium 15.00PM)


  • Gakenke: Urubyiruko rw’abakorerabushake rwatangiye korozanya inka #Rwanda #RwOT via @kigalitoday #rwanda #RwOT

    Batangiye gahunda yo korozanya inka
    Batangiye gahunda yo korozanya inka

    Ku ikubitiro bakusanyije amafaranga akabakaba ibihumbi 400, baremera inka mugenzi wabo witwa Bangankira Jean Bosco wo mu Murenge wa Coko mu Karere ka Gakenke, mu rwego rwo kumushimira ubwitange bukomeje kumuranga mu kazi kabo ka buri munsi, ahesha isura nziza akazi k’ubukorerabushake aho atuye.

    Dunia Sadi, Umuhuzabikorwa w’urubyiruko rw’abakorerabushake mu Karere ka Gakenke, yabwiye Kigali Today ko mu byo bakora harimo guharanira guteza imbere igihugu cyababyaye, badategereje izindi nkunga yise Akimuhana kaza imvura ihise.

    Ngo ni uburyo bwo gutanga urugero no kwigisha abaturage gukunda igihugu, babereka ko igihugu gikeneye imbaraga zabo, no kwishakamo ibisubizo aho guhora bateze amaso Leta.

    Yagize ati “Ntabwo twakwemera ko Leta ikomeza kubazwa ibintu byose kandi duhari dufite amaboko nk’imbaraga z’igihugu, ntabwo bishoboka, ni yo mpamvu tugomba kwishakamo ibisubizo dufasha igihugu cyacu dukunda, twe ubwacu twishatsemo imbaraga tugura iyi nka amafaranga agera ku bihumbi 380, turavuga tuti reka tuyiremere mugenzi wacu akirigite ubukire bivuye mu maboko yacu no mu bushobozi buke dufite”.

    Arongera ati “Uyu mugenzi wacu ni we twahisemo ku ikubitiro, ni mu buryo bwo kumushimira ubutwari bukomeje kumuranga mu kwitabira umurimo n’ibikorwa by’abakorerabushake, tumuziho no gukunda umurimo ndetse n’imyifatire myiza, ni we iki gikorwa kibimburiyeho kandi turagikomeza kugeza ubwo inka izagera kuri bose muri twe, kandi tumutegerejeho kwitura abandi”.

    Bangankira Jean Bosco waremewe, yashimiye bagenzi be bamuzirikanye bamugenera inka, abizeza ko atazigera abatetereza mu gukora ibikorwa byubaka igihugu, anabizeza ko agiye korora neza inka agabiwe aho yiteze kwitura abandi”.

    Zimwe mu ntego z’urubyiruko rw’abakorerabushake mu karere ka Gakenke, harimo kurwanya abashaka guhungabanya umutekano w’igihugu, gukunda igihugu n’abagituye, baharanira kugiteza imbere nk’imbaraga z’ejo hazaza nk’uko Dunia Sadi akomeza abivuga.

    Ati “Ntabwo ushobora kuvuga ko ukunda igihugu ureberera abahungabanya umutekano wacyo, ntabwo ushobora gukunda igihugu ubona umwana w’umunyarwanda yicwa na bwaki, ntabwo ushobora gukunda igihugu ureba ikibi ukagihishira, rero nk’urubyiruko rw’abakorerabushake ni ugukunda igihugu mu gukora ibikorwa biganisha kuri iyo ndangagaciro yo Gukunda igihugu”.

    Yavuze ko kwishakamo ibisubizo ariyo ntero yabo, aho bemeza ko bazakomeza ibikorwa byose biganisha ku iterambere ry’igihugu.

    Ati “Igihugu cyacu aho kigeze ni heza, tumeze neza tuyobowe neza, ni yo mpamvu rero dukwiye kuba dutekereza neza, kuko turabizi ko cyavuye kure hashoboka, ubu rwose igihugu cyacu kiraryoshye, ni yo mpamvu natwe dukwiye kuryoha, tukaryohesha bagenzi bacu, tukabaremera, uru ni rwo rugamba turwana na rwo rw’iterambere, kandi turabishoboye nta rundi rwitwazo”.

    Ni urubyiruko kandi rukomeje ibikorwa byo gufasha abacitse ku icumu rya Jenoside yakorewe Abatutsi mu 1994, aho batangiye igikorwa cyo kubakira inzu uwasizwe iheruhero na Jenoside utuye muri ako karere, ibikorwa bakora bifashishije imbaraga zabo badategereje inkunga ivuye ahandi.


  • Pasiteri Claude arasaba Apotre Mutabazi kumera nka Me Evode agasaba imbabazi Abanyarwanda #rwanda #RwOT

    Pasiteri Claude agaruka ku biherutse gutangazwa na Apotre Mutabazi ko Imana yamuhaye ubuhanuzi bwo guha Abanyarwanda.

    Uyu mukozi w’Imana Past. Claude avuga ko abona Apotre Mutabazi agarutse ariko ko 'agarutse nabi.'

    Avuga ko mugenzi we Apotre Mutabazi yatangiye mu nzira zitari nziza kuko 'yasebyaga Igihugu n’Ubuyobozi bw’Igihugu avuga ko ari Imana yamutumye yamuhaye iyerekwa.'

    Akomeza agira ati 'Hanyuma tukibaza iyo Mana itasanze Perezida wa Repubulika ngo imwibwirire.'

    Avuga ko niba Mutabazi yaratumwe n’Imana ku buyobozi bw’Igihugu atari akwiye kujyana ubwo butumwa ku mbuga Nkoranyambaga. Ati 'Ni ukuvuga ngo icyo gihe ntabwo yabwiraga Ubuyobozi bw’Igihugu yabwiraga Isi yose.'

    JPEG - 214.6 ko
    Pasiteri Claude

    Pasiteri Claude kandi avuga ko Apotre Mutabazi yagarutse avuga ko yagize irindi yerekwa ry’ubutumwa bugenewe Abanyarwanda kandi ko Imana yamusabye kubutambutsa ku binyamakuru bibiri bikorera kuri YouTube birimo UKWEZI TV.

    Ibi na byo arabinenga akavuga ko niba Ubutumwa Mutabazi yahawe n’Imana bugenewe Abanyarwanda bwagombaga guca ku bintangazamakuru bikurikirwa n’umubare munini wabo.

    Pasiteri Claude ati 'Yakabaye yagiye kuri Televiziyo y’u Rwanda Imana yari kumushoboza akagera kuri Televiziyo Rwanda, Imana yari kumushoboza akajya kuri Radiyo Rwanda aho rubanda nyamwinshi y’Abanyarwanda babasha kumva ubwo butumwa.'

    Pasiteri Claude avuga kandi ko Mutabazi yatangiye asebya abayobozi b’u Rwanda nk’aho yavugaga ko hari bamwe bo muri Guverinoma bafata ibyemezo bahubutse, akamusaba ikintu kimwe.

    Ati 'Ubu rero uyu munsi nifuzaga ko agaruka akavuga ati 'Banyarwanda Banyarwandakazi, buyobozi bw’Igihugu cy’u Rwanda, hari amagambo navuze mbere, uyu munsi Imana yampaye iyerekwa riza ribabwira ngo mumbabarire nsabye imbabazi aho naba naragushije umuntu uwo ari we wese mumbabarire’.'

    Namere nka Senateri Evode

    Pasiteri Claude wagarutse kuri Senateri Evode Uwizeyimana wigeze kujya avuga nabi ubuyobozi bw’u Rwanda ariko akaza kubivamo, yasabye Apotre Mutabazi na we guhindukira nk’uyu mushingamategeko.

    Claude ati 'Na Mutabazi navuge ati cya gihe byari umwanda none ubu ndi mu isuku. Honorable Evode niyubahwe.'

    KURIKIRA IKIGANIRO CYOSE

    UKWEZI.RW

    Source : http://www.ukwezi.rw/mu-rwanda/3/Pasiteri-Claude-arasaba-Apotre-Mutabazi-kumera-nka-Me-Evode-agasaba-imbabazi-Abanyarwanda

  • Bugesera : Gusambanya abana n’amakimbirane yo mu ngo byiganje mu birego RIB yakiriye #rwanda #RwOT

    Umuvugizi w’umusigire wa RIB Dr Murangira Thierry, yabwiye UKWEZI ko mu birego bari kwakira higanjemo ibirego byo gusambanya abana, ibirego by’amakimbirane yo mu ngo n’ibirego by’ibiyobyabwenge.

    Muri iyi gahunda ya RIB yo kwegereza serivise abaturage batuye kure ya sitasiyo zayo iganiriza abaturage muri rusange, ikabasaba kwirinda ibyaha, ari nako ibashishikariza gutanga amakuru ku byaha.

    Kuri iyi nshuro bitewe no kubahiriza amabwiriza yo kwirinda COVID-19, RIB iri kuganiriza abayobozi bahagarariye abandi aho kuganira n’abaturage bose nk’uko yabikoraga iki cyorezo kitaragera mu Rwanda.

    Dr Murangira ati 'Ikigamijwe ni ugushishikariza abaturage uruhare rwabo mu kwirinda ibyaha by’umwihariko icyaha cyo gusambanya abana, icyaha cy’ibiyobyabwenge, amakimbirane yo mu ngo n’icyaha cy’icuruzwa ry’abantu.'

    Akomeza agira ati 'Muri rusange abantu icyo tubasaba ni ukwirinda ibyaha, cyane cyane icyaha cyo gusambanya abana. Abantu bareke umuco wo guhishira ibyaha, kiriya cyaha nticyungwa ; batange amakuru tukirwanye hari icyizere ko gishobora gucika.'

    Kabera Enock uhagarariye abajyanama b’ubuzima mu murenge wa Juru avuga ko atari azi ko hari uburyo Isange One Stop Center ifasha umwana wasambanyijwe ntiyandure indwara zandurira mu mibonano mpuzabitsina, ikindi avuga ko atari aziko umuntu wakorakoye umwana agamije kwishimisha, afatwa nk’uwamusambanyije kabone n’iyo yaba atakoresheje igitsina.

    Ati 'Icyo twahise dufata nk’umwanzuro, buri wese agiye kuba ijisho rya mugenzi we, kandi buri muntu wese akajya atangira amakuru ku gihe kugira ngo iki cyaha gise n’igicika burundu.'

    Tamani Triphine, umuhuzabikorwa w’inama y’igihugu y’abagore mu murenge wa Juru avuga ko yari asanzwe yumva ko abana basambanywa ariko ngo ntabwo yari aziko biri ku ntera yabyumviseho.

    Yagize ati 'Ikigiye gukurikiraho ni ugushyiramo imbaraga nyinshi tugasaba ababyeyi cyane cyane ababyeyi b’abagore, kuko burya nibo bagomba kuba hafi y’abana bakabaganiriza, umwana wagize ikibazo akabasha kukibwira mama we, dore ko akibwira mama we mbere y’uko akimbwira papa we.'

    Rurangirwa Freddy, Umunyamabanga Nshingwabikorwa w’Umurenge wa Juru, yavuze ko kuba RIB yabasuye ikaganiriza abayobozi bahagarariye ku ngingo yo kwirinda ibyaha birafasha uyu murenge muri gahunda umazemo iminsi wise 'Umudugudu utagira icyaha’.

    Yagize ati 'Muje nyuma y’iminsi myinshi natwe dutangiye gahunda y’umudugudu utagira icyaha, aho twagiye tugaragariza abaturage ibyaha bikunze kugaragara mu midugudu aho batuye, tugenda tujya inama tugaragaza ibihazi, abacuruza ibiyobyabwenge, abakekwa n’abacuruza utubari mu buryo bunyuranyije n’amategeko.'

    Yakomeje agira ati 'Nkurikije isura nkuye hano, babwishimiye kuba hari urundi rwego (RIB) rushinzwe kubarenganura, mwumvise ko biyemeje kujya batangira amakuru ku gihe ntekereza ko dufatanyije nabo hari byinshi tuzageraho byo kubungabunga umutekano w’Abanyarwanda.'

    Mu Rwanda icyaha cyo gusambanya abana ni kimwe mu byaha bihangayikishije kuko ubushakashatsi bwa Minisiteri y’Uburinganire n’Iterambere ry’Umuryango bugaragaza ko abana 70 614 batewe inda kuva mu mwaka wa 2016 Kugeza mu 2018.

    Iyi mibare y’ubushakashatsi igaragaza ko Intara y’uburasirazuba yo ifite abana benshi batewe inda bangana na 19 838 bangana na 36.1%, Intara y’Amajyepfo ifite abana batewe inda bangana na 21%, Intara y’uburengerazuba ifite abana 15.2% batewe inda, intara y’Amajyaruguru ifite 16.5% naho Umujyi wa Kigali ukagira abagera kuri 11.2% .

    Uretse icyaha cyo gusambanya abana ikindi cyaha kiganje mu baturage ni amakimbirane yo mu ngo. Ibi bigaragazwa n’ubwiyongere bukabije bwa gatanya.

    Ikigo k’Igihugu gishinzwe Ibarurishamibare (NISR), cyatangaje ko mu mwaka wa 2019 imiryango 8,941 mu Rwanda yemerewe n’inkiko gutandukana, ivuye ku 1,311 yariho muri 2017.

    Ernest NSANZIMANA
    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Bugesera-Gusambanya-abana-n-amakimbirane-yo-mu-ngo-byiganje-mu-birego-RIB-yakiriye

  • Abana babaye amagufa gusa kubera inzara batunzwe n'ibyondo muri Madagascar #rwanda #RwOT

    Ishami rya ONU rishinzwe ibiribwa ku Isi-WFP/PAM ritangaza ko izuba ryinshi rimaze imyaka 40 mu majyepfo ya Madagascar riri guteza inzara n'ibintu bimeze nk'amapfa.

    Umuyobozi wa PAM , David Beasley, aherutse kugendera ako karere, avuga ko, n mfashanyo ibonetse mu maguru mashya, abantu barenga ibihumbi 500 bashobora guhitanwa n'amapfa ndetse n'abandi basaga ibihumbi 800 bari kuhagana.

    Avuga ko yababajwe n'ibyo yabonye muri Madagascar.

    Yagize ati:' Abana basigaye ku ruhu n'amagufa gusa, imiryango irya ibyondo n'imbuto zo mu ishyamba bita Tamarind kubera nta kintu na kimwe cyo kurya gihari.'

    Yabyise amahano ababaje abera mu karere kibagiranye.

    Beasley yavuze ko ayo mahano yazanywe n'ihindagurika ry'ibihe, izuba ryinshi ryatumye abantu bimuka.

    Asaba ibuhugu bikize gufasha abahatuye.

    Mu mpera z'umwaka ushize, ibiro ntaramakuru by'Abafaransa, AFP byavuze ko abantu bo mu majyepfo ya Madagascar baryaga ivu.

    AFP isubiramo amagambo y'umuhinzi Doday Fandilava Noelisona ugira iti: 'Turyita ivu [igitaka mu Kinyarwanda] ry'ubukiriro kuko rifasha mu kumira izo mbuto za 'Tamarind' zirura, mu kurwanya inzara.'

    'Muri iyi minsi ntitubona ibiribwa byo kutubeshaho ahubwo dushaka uko twakuzuza ubusa mu nda.'

    Barya kandi ibindi byatsi byitwa 'Cactus', byo mu ishyamba abantu bari basanzwe barya nabyo byarumye kubera izuba.

    PAM  ivuga ko abantu miliyoni n'igice bo mu karere ko mu majyepfo  ya Madagascar bakeneye imfashanyo y'ibiribwa byihuse.

    ifoto yakoreshejwe ; yafashwe na UNICEF France

    Src: BBC

    Source : https://impanuro.rw/2021/06/24/abana-babaye-amagufa-gusa-kubera-inzara-batunzwe-nibyondo-muri-madagascar/

  • Mu Nteko ishinga Amategeko muri Uganda Coronavirus iravuza ubuhuha imaze gufata abantu 200 #rwanda #RwOT

    Intumwa za rubanda n'abakozi barenga 200 bo mu Nteko Ishinga Amategeko ya Uganda, bamaze kugaragaraho ubwandu bwa COVID-19 mu gihe cy'ibyumweru bitatu gusa.

    Ikinyamakuru Daily Monitor gikorera muri Uganda cyatangaje ko Abadepite basabwe kumara ibyumweru bibiri bataza mu Ngoro y'Inteko ndetse abakozi baho baragabanywa hasigara bake b'ingenzi. Bategetswe kandi kwishyira mu kato, bakanahita batangira kwivuza.

    Urwandiko rwohererejwe Inteko imenyeshwa ifungwa ry'ingoro rugira ruti 'Inteko Ishinga Amategeko ya Uganda kimwe n'ahandi hose mu gihugu yagezweho n'inkubiri ya kabiri ya COVID-19 aho 17.1% bayanduye.'

    Iyi nkubiri ya kabiri yatumye mu minsi ishize Perezida Museveni ashyiraho gahunda ya Guma mu rugo izamara iminsi 42, biturutse ku bwandu bushya n'impfu bigenda byiyongera ubutitsa.

    Igihangayikishije kurushaho ni uko ubuvuzi bw'abanduye icyorezo bugoye kububona muri icyo gihugu kuko haba ibitaro bya leta n'ibyigenga umurwayi arishyuzwa hagati ya miliyoni na miliyoni eshanu z'amashilingi.

    Imibare yerekana ko Uganda imaze kugira ubwandu bwa Coronavirus bugeze ku 74,260. Muri bo 752 yarabahitanye.

    Source : https://impanuro.rw/2021/06/24/mu-nteko-ishinga-amategeko-muri-uganda-coronavirus-iravuza-ubuhuha-imaze-gufata-abantu-200/

  • Muhanga: Abasaga 400 bavuye mu mujyi wa Kigali barakomeza gukurikiranwa #Rwanda #RwOT via @kigalitoday #rwanda #RwOT

    Abantu bake ni bo byagaragaye ko bakererewe gutaha saa moya. Hari abageze i Muhanga baturutse mu Mujyi wa Kigali
    Abantu bake ni bo byagaragaye ko bakererewe gutaha saa moya. Hari abageze i Muhanga baturutse mu Mujyi wa Kigali

    Avuga ko Umurenge wa Nyamabuye wihariye igice kinini cy’Umujyi wa Muhanga kandi ari na wo wakiriye abantu benshi baturutse mu Mujyi wa Kigali no mu tundi turere baje kwigumira iwabo i Muhanga cyangwa bashaka gukomeza bajya ahandi.

    Nshimiyimana avuga ko imibare y’abinjiye bashya itarahuzwa yose ariko nibura abasaga 400 bo bizwi kandi hakomeje kubarurwa abavuye mu tundi turere, kandi hashyizweho uburyo bwo kubakurikirana ku buryo bibaye ngombwa abagaragaza ibimenyetso bya COVID-19 bashobora gupimwa bagatangira gukurikiranwa.

    Abafite imirimo mu nkengero z’umujyi muri Kamonyi na Ruhango barakomeza gufashwa kujyayo

    Avuga kandi ko mu rwego rwo kwirinda ko abafite imirimo mu nkengero z’umujyi wa Muhanga mu turere twa Ruhango na Kamonyi ihagarara, abashaka kurenga imbibe bashobora kwegera inzego z’umutekano n’iz’umurenge zikabafasha kubona uburenganzira bwo kwambuka aho kunyura mu nzira zitazwi.

    Agira ati “Aho duhurira n’utundi turere by’umwihariko ku bakoresha imihanda minini yambukiranya umurenge ujya mu yindi cyangwa mu tundi turere nka Ruhango na Kamonyi twabasaba kwegera inzego z’umutekano aho kunyura inzira zitazwi zanarushaho kwinjiza ubwandu mu buryo bwa rwihishwa turi gukorana n’inzego z’ibanze kugera ku mudugudu duhana amakuru kugira ngo turusheho kwirinda”.

    Avuga ko nibura imodoka umunani zitwara abagenzi bake (twegerane) zifashishijwe mu gufasha abaturage bashakaga kugana hirya no hino muri iyo mirimo, ariko imodoka nini zitwara abagenzi zo ntabwo zemerewe gukora ako kazi.

    Kugeza ku mugoroba wo kuri uyu wa 23 Kamena 2021 ubwo hatangiraga gushyira mu bikorwa amabwiriza mashya yo kwirinda ikwirakwira ry’icyorezo cya COVID-19 yo gutaha saa moya za nimugoroba no kuguma mu karere, byagaragaye ko hari bakeya barengeje amasaha yo gutaha, barimo abakoresha moto n’bagenda n’amaguru.

    Umujyi wa Muhanga nta bwandu butumbagiye nk’ahandi nk’uko bigaragazwa n’imibare y’uko ubwandu bwiyongera ya Minisiteri y’ubuzima cyakora ngo nta kwirara ahubwo ni ugushyira imbaraga mu gukomeza kubahiriza amabwiriza, ari nayo mpamvu kugeza mu masaha ya saa mbiri z’ijoro inzego zose wasangaga ziri kugenzura uko umutekano wifashe.

    Abafite utubari twihishe cyangwa dukora mu buryo bunyuranyije n’amategeko baraburirwa kandi ko bakomeza gufatwa bagafungirwa kandi ufungiwe ntazongera gufungurirwa igihe COVID-19 itarangiye.

    Abaturage bakaba basabwa gukomeza kwitwararika kuko ingamba ziba zashyizweho kubera impamvu kandi bakayubahiriza mu nyungu za bose kugira ngo icyorezo gicike intege abantu bongere basubire mu buzima busanzwe.

    Urwego rw’abikorera PSF rwishimiye ko bashyiriweho umwanya wo kwitegura gukurikiza amabwiriza mashya

    Umuyobozi w’urwego rw’abikorera mu karere ka Muhanga Kimonyo Juvenal avuga ko kuba Inama y’abaminisitiri isigaye ishyiramo umwanya wo kwitegura gukurikiza amabwiriza mashya, bituma nibura abikorera bitegura kuyashyira mu bikorwa bitandukanye n’uko byagendaga mbere.

    Kimonyo avuga ko n’ubwo ingamba zishyirwa mu bikorwa zigatanga ibisubizo nyuma hakabaho kongera kudohoka ubwandu bukongera kwiyongera, bidakwiye gukomeza gutyo kuko bihombya abikorera, hakaba hakwiye kwisubiraho mu buryo burambye.

    Agira ati, “Kongera guteshuka biduhaye isomo nk’abikorera ni ukureba niba tutakwisubiraho kugira ngo tutazahora muri iyo mikino yo kudohoka ahubwo dukwiye gufata ingamba zihamye zo kwirinda”.

    Kimonyo avuga ko kudohoka kwabayeho kandi inzego z’abikorera zigiye kurushaho gukurikiza amabwiriza kandi ko abantu bamze kumenya aho ingamba zishyirwaho zicika intege, isoko rishya rya Muhanga rikaba ryashyizeho ingamba zikomeye zirimo gupima umuriro abinjiramo, babanje gukaraba intoko cyangwa bakoresheje umuti wabugenewe.


  • Hagarutswe ku mvugo zidakwiye kuvugwa n’abayobozi batuma Leta ijyanwa mu nkiko kubera imicungire mibi y’abakozi #rwanda #RwOT

    Byagarutsweho kuri uyu wa Gatatu tariki 23 Kamena 2021 mu nama yigaga ku micungire y’abakozi ba Leta n’imyitwarire mbonezamurimo ikwiye kubaranga kimwe n’abakoresha.

    Komisiyo y’abakozi ba Leta igaragaza ko imicungire mibi y’abakozi ba leta mu bigo bitandukanye, biri mu bikomeza kuzamura igihombo biteza leta kubera kuyishora mu manza biturutse ku bigenerwa abakozi batabona.

    Mu 2017-2018 leta yishyuye amafaranga arenga Miliyoni 224 Frw kongeraho ibihumbi 16 USD mu manza 83 yatsinzwe n’abakozi ba leta, mu nzego za leta 43.

    Muri 2018-2019, Leta yishyuye Miliyoni 520 mu nzego z’imirimo zigera kuri 65 yarezwemo imanza, mu gihe muri 2020 leta yishyuye Miliyoni 970 harimo Miliyoni 761 abakozi bakabaye barahawe mbere y’uko bajya mu nkiko kubera amakimbirane n’abakoresha babo.

    Umunyamabanga nshingwabikorwa wa Komisiyo ishinzwe abakozi ba Leta, Angelina Muganza avuga ko kuba hakira abayobozi batita ku bakozi no kubafasha bitera leta igihombo kubera imanza itsindwa.

    Ati ”Umuyobozi akavuga ngo ndakwirukanye, ugasanga amwirikanye atarigeze amukurikirana, ndetse hari abatubwiraga ngo ndamwirukana narega tuzayamuhe, tuza kwibaza ngo ariko ayo mafaranga umuha ni ayande ? twari tubizi ko atari aye ari aya leta. icyagaragaye ni uko leta itanga amafaranga menshi ku bakozi baba bayireze.”

    Senateri Habiyakare Francois avuga ko mu rwego rw’umurimo, hakigaragaramo inzitizi zitandukanye zinabangamiye imyitwarire mbonezamurimo.

    Yagize ati ”Hari imikorere iganisha kuri ruswa mu buyobozi bw’igihugu, hagaragaramo ruswa ku kigero cya 51,4% mu gihe mu buyobozi bw’inzego z’ibanze icyo gipimo kigera kuri 61% ndetse no mu nzego z’abikorera bikagera kuri 58%, ni ukuvuga ngo iyi mikorere abaturage barayibona ariko si abaturage bayibona gusa kuko no mu madosiye hagaragaramo abakozi bagiye birukanwa kubera imikorere mibi, ubuhemu, gucunga nabi ibya rubanda, icyenewabo, kudakorera mu mucyo.'

    Umuyobozi w’umuryango urwanya ruswa n’akarengane (Transparency International Rwanda), Ingabire Marie Immaculee yemeza ko hakigaragara imitangire ya serivise mbi mu nzego z’ibanze, akenshi biturutse ku buryo bw’imikorere y’abakozi itanoze y’abakozi ba leta n’imyitwarire mbonezamurimo.

    Yagize ati ”Abayobozi ntibita ku gucunga abakozi kubera ko ntawe uzabibabaza, serivise nubwo twishimira aho bigeze mu nzego za leta hari aho ikiri hasi cyane, niho hakomoka ka karengane gakomeye ku muturage, ya ruswa hanyuma bikarangira ba baturage ubateranije na leta kandi umuturage wanga leta ye biba biganisha no kwanga igihugu, cya kimenyane kirahari, ruswa irahari, icyenewabo kirahari.”

    Minisitiri w’abakozi ba Leta n’umurimo, Rwanyindo Kayirangwa Fanfan, we asanga hakwiye gufatwa ingamba zikomeye mu kunoza ubunyamwuga no kwimakaza imyitwarire mbonezamurimo muri ibi bihe bidasanzwe.

    Avuga ko abakozi ba leta bagomba kugira uruhare mu kuzahura ubukungu bw’igihugu binyuze mu kuyobora impinduka zishingiye ku myumvire, imyitwarire n’imikorere itanga umusaruro by’umwihariko mu bihe bidasanzwe igihugu kirimo.

    Source : http://www.ukwezi.rw/mu-rwanda/3/Hagarutswe-ku-mvugo-zidakwiye-kuvugwa-n-abayobozi-batuma-Leta-ijyanwa-mu-nkiko-kubera-imicungire-mibi-y-abakozi

  • Uganda : Mu Nteko Ishinga Amategeko abantu 200 bamaze kwandura COVID-19 #rwanda #RwOT

    Ikinyamakuru Daily Monitor gikorera muri Uganda cyatangaje ko Abadepite basabwe kumara ibyumweru bibiri bataza mu Ngoro y’Inteko ndetse abakozi baho baragabanywa hasigara bake b’ingenzi. Bategetswe kandi kwishyira mu kato, bakanahita batangira kwivuza.

    Urwandiko rwohererejwe Inteko imenyeshwa ifungwa ry’ingoro rugira ruti 'Inteko Ishinga Amategeko ya Uganda kimwe n’ahandi hose mu gihugu yagezweho n’inkubiri ya kabiri ya COVID-19 aho 17.1% bayanduye.'

    Iyi nkubiri ya kabiri yatumye mu minsi ishize Perezida Museveni ashyiraho gahunda ya Guma mu rugo izamara iminsi 42, biturutse ku bwandu bushya n’impfu bigenda byiyongera ubutitsa.

    Igihangayikishije kurushaho ni uko ubuvuzi bw’abanduye icyorezo bugoye kububona muri icyo gihugu kuko haba ibitaro bya leta n’ibyigenga umurwayi arishyuzwa hagati ya miliyoni na miliyoni eshanu z’amashilingi.

    Imibare yerekana ko Uganda imaze kugira ubwandu bwa Coronavirus bugeze ku 74,260. Muri bo 752 yarabahitanye.

    Source : http://www.ukwezi.rw/Mu-mahanga/Politiki/article/Uganda-Mu-Nteko-Ishinga-Amategeko-abantu-200-bamaze-kwandura-COVID-19