Category: Uncategorized

Ibinyomoro (tree tomato cg tamarillo) ni urubuto rw'ingirakamaro kandi rwiza, rushobora kwera ahantu hato, nko mu busitani.Izi mbuto zatangiye guhingirwa muri amerika y'amajyepfo. Siho zera gusa cyane kuko no mu Rwanda, afurika y'epfo, Australiya na New Zealand ari bimwe mu bihugu byeramo cyane ibinyomoro.

Ibinyomoro biri mu moko 3; hari ibitukura (ibi nibyo bizwi cyane mu gace duherereyemo), iby'umuhondo ndetse n'ibifite ibara rya zahabu

Ibinyomoro bikungahaye kuki?Ese ubiriye ni izihe ntungamubiri wabona?

• Ikinyomoro ni imvano ikomeye ya vitamin A, C, E na B zitandukanye; harimo B1, B2 na B6. Izi vitamine zose zifasha mu mikorere y'umubiri, kubona neza, mu kugira imbaraga mu mubiri ndetse no gukorwa kw'imisemburo itandukanye.
• Izi mbuto zikungahaye kuri potasiyumu cyane. Potasiyumu izwiho kugabanya ibibazo bishobora guterwa n'umunyu mwinshi (sodium), harimo gufasha umutima gutera neza no kugabanya umuvuduko w'amaraso ndetse no kuringaniza amatembabuzi aba mu turemangingo.
• Ibinyomoro (cyane cyane ibitukura) bibamo ibyitwa 'anthocyanin' bizwiho kurinda indwara nyinshi zitandukanye cyane cyane iza kanseri. Kubera izi mbuto zikize kuri vitamini A, zirakenewe cyane mu kugufasha kubona neza
• Zimwe muri aside zigize ikinyomoro, ubushakashatsi bwerekana ko zifasha mu kugabanya isukari cyane cyane ku barwayi ba diyabete yo mu bwoko bwa 2.
• Ibinyomoro bifasha mu kugabanya ibiro. Bikora gute? Ushobora kubikoresha nka salade, ukabirya byonyine cg ugakora umutobe wabyo. Kubera aside igaragara muri izi mbuto bifasha mu gutwika ibinure mu mubiri, ubifatanyije no gukora imyitozo wagabanya ibiro byinshi mu gihe gito
•  Umutobe w'ibinyomoro ufasha mu gusukura umubiri cyane, no kubuza kwinjira mu mubiri kw'amavuta mabi.
  Ibinyomoro ni imbuto ziboneka henshi, haranira kurya ikinyomoro 1 ku munsi.

Source : https://yegob.rw/akamaro-gahambaye-ko-kurya-ibinyomoro-buri-munsi/

Kuri uyu wa mbere tariki ya 28 Kamena 2021, nibwo umunyezamu wa Rayon Sports n'Ikipe y'Igihugu, Amavubi, Kwizera Olivier, na bamwe mu bo bareganwa bagejejwe imbere y'urukiko bakaba bahakanye icyaha cyo gukoresha ibiyobyabwenge basanzwe bakurikiranweho.

Kwizera Olivier yagejejwe mu rukiko ari kumwe n'abandi barindwi bareganwa.

Umucamanza yabajije abaregwa niba bemera icyaha cyo gukoresha ibiyobyabwenge, Kwizera Olivier, Runanira Amza barabihakana. Ntakobisa David kimwe na Sinderibuye Seif bemeye ko banywa urumogi abandi bagezweho bavuga ko ababunganira mu mategeko bataraza kandi ko batakwemera cyangwa ngo bahakane icyaha bacyekwaho n'ubushinjacaha abanyamategeko babo bataraza.

Umucamanza yahise abaza ubushinjacyaha icyo buvuga ku bavuze ko bataburana badafite ababunganira mu mategeko buvuga ko kuburana bafite abanyamategeko biri mu burenganzira bwabo ariko ikibazo kikaba ari uko urubanza bari bazi ko ruhari bakaba bataranashyize muri Sytème ko batari buboneke.

Me Safari Ibrahim wunganira Kwizera Olivier yahise avuga ko umunyamategeko mugenzi wabo ari mu nzira aza ku rukiko ko urukiko rwakwihangana akahagera.
Umucamanza yahise afata icyemezo cyo kuba asubitse urubanza mu gihe uwo munyamategeko ataraza.

Kwizera Olivier areganwa na Ntakobisa David, Runanira Amza, Mugabo Ismael, Mugisha Adolphe, Rumarigabo Wafiq, America Djuma na Sinderibuye Seif, batawe muri yombi ku wa 4 Kamena 2021 mu Murenge wa Kigarama, Akarere ka Kicukiro.

Source : https://yegob.rw/kwizera-olivier-na-bagenzi-be-bareganwa-imbere-yurukiko-bireguye-ku-byaha-bashinjwa/

Banki Nkuru y'u Rwanda (BNR) irasaba abantu bose kudaha agaciro amakuru y'inoti y'ibihumbi icumi (10 000 Frw) yakwirakwijwe kuri zimwe mu mbuga nkoranyambaga kuko ari impimbano.

Banki Nkuru y'u Rwanda irasaba abantu bose kudaha agaciro iriya shusho y'iriya noti yakwirakwijwe ku mbuga nkoranyambaga.

BNR yibutsa kandi ko Leta y'u Rwanda ari yo yonyine ishyiraho inoti n'ibiceri by'amafaranga, ikabitangaza inyuze muri Banki Nkuru y'u Rwanda.

Yaboneyeho no kumenyesha abantu bose ko 'Kwigana, guhimba cyangwa gukwirakwiza ishusho y'inoti n'ibiceri by'ibihimbano bibujijwe kandi bihanwa n'amategeko.'

Ku mbuga nkoranyambaga haramutse hacicikana ishusho y'inoti y'ibihumbi 10 000 Frw iriho n'ifoto ya Perezida Kagame Paul.

Bamwe mu bakurikiranira hafi iby'ubukungu bahise batangira kubeshyuza iby'iriya shusho y'iriya noti kuko ubusanzwe inoti nshya itangazwa na Banki Nkuru y'Igihugu ikaba ari na yo ibifitiye ububasha.

Source : https://impanuro.rw/2021/06/28/banki-nkuru-y-u-rwanda-irasaba-abantu-kudaha-agaciro-inoti-y-ibihumbi-icumi-yakwirakwijwe-ku-mbuga-nkoranyambaga/

Nyuma y’umwaka akinira ikipe ya Kiyovu Sports, rutahizamu ukomoka muri Nigeria yasezeye kuri iyi kipe avuga ko byari byiza gukorana nabo.

Nyuma y’umukino wa nyuma wa shampiyona iyi kipe yatsinzwemo na Gasogi United 1-0, abinyujije ku mbuga ze nkoranyambaga, Babuwa Samson yasezeye kuri Kiyovu Sports.

Yagize ati”Byari urugendo rwiza twagiranye na Kiyovu Sports, ariko nta kundi ngomba kubasezera. Nzabakumbura mwese kandi mbifurije amahirwe masa mu bihe biri imbere. Murakoze cyane Kiyovu.”

Muri Gicurasi 2020 nibwo uyu rutahizamu yatandukanye na Sunrise FC yakiniye imyaka 4 asinyira Kiyovu umwaka umwe atanzweho agera kuri miliyoni 7.

Mu mwaka ayimazemo yagiye ahura n’imvune za hato na hato zatumye adatanga umusaruro yari yitezweho, muri shampiyona yatsinze ibitego 2 gusa.

Ntabwo hazwi ikipe ashobora kwerekezamo ariko amakuru avuga ko Rayon Sports yaba yaramwegereye ndetse n’ikipe ya Musanze FC ikaba imwifuza.

Babuwa Samson yamaze gusezera kuri Kiyovu Sports

Source : http://isimbi.rw/siporo/article/rutahizamu-wa-kiyovu-sports-yayisezeyeho

Imikino yo kwibuka kwibuka ku nshuro ya 27 abari abanyamuryango ba Volleyball bazize Jenoside yakorewe Abatutsi mu Rwanda mu 1994 yasojwe mu mpera z'icyumweru twarangije aho mu kiciro cy'abagbo ikipe ya Gisaga VC yegukanye igikombe itsinze REG VC mu bagabo, ni mu gihe ikipe ya Rwanda Revenue Authority VC yatsinze ikipe ya APR VC ku mukino wa nyuma.

Ni imikino yatangiye kuwa gatanu tariki ya 25 Kamena 2021 ibera muri NPC, Petit Stade i Remera ndetse no muri Kigali Arena.

Mu bagabo, ikipe ya Gisagara yegukanye igikombe itsinze ikipe ya REG VC amaseti 3-1 kimwe no mu bagore ikipe ya Rwanda Revenue Authority Women Volleyball Club yatsinze amaseti 3-1 ikipe ya APR Women Volleyball Club.

Mu bagabo kandi ikipe ya UTB VC yegukanye umwanya wa gatatu nyuma yo gutsinda APR VC, naho mu bagore ikipe ya Nairobi Water isoza ku mwanya wa gatatu.

Mu gutanga ibihembo, Gisagara VC yahawe igikombe na miliyoni ebyiri z'amafaranga y'u Rwanda (2,000,000 FRW) mu gihe REG VC yahawe miliyoni imwe (1,000,000 FRW) naho UTB VC ifata ibihumbi magana atanu (500,000 FRW).

Mu cyiciro cy'abagore naho RRA WVC yahawe igikombe na miliyoni ebyiri z'amafaranga y'u Rwanda (2,000,000 FRW), APR WVC ihabwa miliyoni imwe (1,000,000 FRW) naho Nairobi Water ifata ibihumbi magana atanu (500,000 FRW).

The post Gisagara Volleyball Club yegukanye igikombe cya GMT mu bagabo naho RRA Women Volleyball Club icyegukana mu bagore. appeared first on RUSHYASHYA.

Source : https://rushyashya.net/55328-2/?utm_source=rss&utm_medium=rss&utm_campaign=55328-2

Ku wa Kane w’icyumweru gishinzwe nibwo RIB yataye muri yombi Dj Brianne n’umuhanzi Ish Kevin n’abandi bantu bane barenze ku mabwiriza yo kwirinda icyorezo cya Coronavirus no gukoresha ikiyobyabwenge cy’urumogi.

Ku wa Gatandatu w’icyumweru gishize nibwo RIB yatangaje ko bafatiwe mu birori kandi bitemewe bitewe n’ibihe bidasanzwe by’icyorezo ndetse bahasanga n’urumogi.

Ku munsi w’ejo nibwo uyu mukobwa yafunguwe ariko Ish Kevin we agumamo, aganira na ISIMBI, DJ Brianne yasobanuye uko byagenze kugira ngo afungwe.

Ati'Hari abashuti banjye twari twapanze ko turi buze gusangira ku Gisozi, bafata inzu(apartment), bayifashe barambwira ngo mbazanire ibyo kunywa iwanjye muri Dj Brianne Store, banyoherereza umushoferi mu rugo, tujyana ku kazi dufata ibyo kunywa, tujyana n’ahandi hantu bari bakoresheje ibyo kunywa ndabifata ndabibashyira.'

Yakomeje avuga ko abibagejejeho yahise ababwira ko we arushye ajya mu cyumba kuri telefoni ategereje ko umushoferi wamuzanye aza akamucyura kuko hari abandi yari yagiye gucyura ndetse bakanamwishyura amafaranga y’ibyo kunywa bye yari yabashyiriye. Yaje gukanguka akanguwe bamubwira ko polisi yaje babicaza mu ruganiriro.

Baje guhita babajyana kubafunga bagenda mu modoka y’irondo, bahageze bavuga ko barengeje amasaha kandi aho bari bari bahasanze n’itabi(Urumogi), Brianne bararumweretse bamubwira kwihumuriza bamubaza niba atari rwo avuga ko atabizi.

Yavuze ko bababwiye ko bagomba kujya kubapima kugira ngo barebe niba barakoresheje ibyo biyobyabwenge cyangwa ntabyo bakoresheje, bityo ko uwo babisangamo agumya afunzwe.

Ati'batubwiye ko bagomba kudupima, uwo basanga yarakoresheje ibyo biyobyabwenge azagumya afunzwe, basanga ntabyo bagataha, twiriwemo ku wa Gatanu, ku wa Gatandatu ku manywa nibwo badutwaye kudupima Kacyiru, baradupima inkari dusubira aho turimo kuba dutegereza ibizavamo.'

Baje ku mubwira ko agomba gutaha abanza kugira ngo barimo kumukinishaha kuko yari yamaze kwiyakira.

Ati'Ku Cyumweru baratubwiye ngo mwitegure mwishyure amande musohoke, mbwira umupolisi nti ariko afande waretse kutubeshya, njye nari niyakiriye. Nta biyobyabwenge nywa mu mubiri harimo inzoga gusa. Bapima nta bwoba nari mfite.'

Avuga ko amakuru yamenye ari uko batanzwe n’umuntu wari wazanye umukunzi we nyuma amuhamagaye ntiyamwitaba.

Ati'icyo namenye batanzwe n’umuntu wari wazanye umukunzi we arahamusiga nyuma amuhamagaye ntiyamwitaba, kubera gufuha ahita yitabaza polisi avuga ko habereyemo ikirori ariko ntiyari azi ko bigera hano hose.'

Yakomeje avuga ko nta bihe bibi yigeze agirira muri gereza kuko abapolisi babafashe neza nta kibazo na kimwe bagize, uretse ikibazo cyo kwiheba gusa avuga ko ashobora kuzafungwa icyaha kikamuhama.

DJ Briane yavuze byinshi ku ifungwa rye

Source : http://isimbi.rw/imyidagaduro/article/dj-brianne-yavuye-imuzi-iby-ifungwa-rye-n-uko-yafunguwe-video

Kuwa gatanu ushize nibwo umucamanza Vagn Joensen wo mu rwego rwahawe inshingano zo kurangiza imirimo y'Urukiko Mpuzamahanga Rwashyiriweho u Rwanda, yahamije icyaha cyo gutera ubwoba no guha ruswa abatangabuhamya, kugirango batange amakuru ashinjura Augustin Ngirabatware, wahoze ari Minitiri w'igenamigambi muri Leta y'abicanyi.

Ibi byaha byo kuyobya urukiko byakozwe hagati y'umwaka wa 2015 na 2018, Uretse Augustin Ngirabatware wahanishijwe igifungo cy'inyongera cy'imyaka 2, abandi bahanwe ni Anselme Nzabonimpa wari Burugumestiri w'icyahoze ari Komini Kayove muri gisenyi, Mariya Roza Fatuma, umugore wa murumuna wa Ngirabatware, na Jean de Dieu Ndagijimana wari umwarimu ku Gisenyi. Aba uko ari 3 bahanishijwe igifungo cy'amezi 11, ariko bakaba bagomba guhita barekurwa kuko bari bafunze kuva muw'2018.

Augustin Ngirabatware asanzwe yarakatiwe imyaka 30 amaze guhamwa n'uruhare muri Jenoside yakorewe Abatutsi. Ari muri gereza Arusha muri Tanzaniya, mu gihe agitegereje koherezwa kurangiriza igihano cye muri kimwe mu bihugu byemeye kwakira imfungwa z'Urukiko Mpuzamahanga Rwashyiriweho u Rwanda.

Ni umukwe wa Kabuga Felisiyani, nawe uri muri gereza i La Haye mu Buholandi, akaba ashinjwa ibyaha birimo uruhare muri Jenoside yakorewe Abatutsi.
Byakunze kugaragara mu manza nyinshi, aho abatangabuhamya b'ubushinjacyaha bisubiragaho, bakagaruka mu rubanza bafite imvugo itandukanye n'iya mbere.

Icyo gihe cyose byavugwaga ko batewe ubwoba harimo no kubakangisha kubica, abandi bagahabwa amafaranga ngo bahinduke abatangabuhamya bashinjura.

The post Hejuru y'imyaka 30 yakatiwe amaze guhamwa n'uruhare muri Jenoside yakorewe Abatutsi, Augustin Ngirabatware yongereweho indi myaka 2 kubera gutera ubwoba abatangabuhamya appeared first on RUSHYASHYA.

Source : https://rushyashya.net/hejuru-yimyaka-30-yakatiwe-amaze-guhamwa-nuruhare-muri-jenoside-yakorewe-abatutsi-augustin-ngirabatware-yongereweho-indi-myaka-2-kubera-gutera-ubwoba-abatangabuhamya/?utm_source=rss&utm_medium=rss&utm_campaign=hejuru-yimyaka-30-yakatiwe-amaze-guhamwa-nuruhare-muri-jenoside-yakorewe-abatutsi-augustin-ngirabatware-yongereweho-indi-myaka-2-kubera-gutera-ubwoba-abatangabuhamya

Marie Aime umutesi akaba ari umwana w'umujenosideri Lt Col Anatole Nsengiyumva wari ukuriye ingabo za FAR mu gice cya Gisenyi mu gihe cya Jenoside yatanze ubuhamya uburyo ababyeyi babo bimuriye ingengabitekerezo ya Jenoside mu majyaruguru ndetse no mu majyepfo y'intara zombi za Kivu mu burasirazuba bwa Kongo nyuma yo gukora Jenoside mu Rwanda igahagarikwa n'ingabo zahoze ari iza FPR Inkotanyi.

Ibi yabitangarije mu kiganiro cyo kurwanya ihakana n'ipfobya rya Jenoside yakorewe Abatutsi cyateguwe n'Umuryango 'Peace Love Proclaimers'

Umutesi yagize ati 'I Masisi hari Abatutsi kandi bari hafi gutaha mu Rwanda, nuko interahamwe n'abasirikari bakagenda bagatema inka zabo bakagurisha inyama. Ndibuka umunsi abari batashye mu Rwanda barabatangiriye inka zabo bakazirira mu nkambi ya Mugunga. Nyuma yo gucyurwa mu Rwanda n'ingabo zahoze ari iza FPR Inkotanyi, nasubiye mu ishuri nishyurirwa na Leta, iyo Leta batwigishaga ko ariyo izatwica niyo yanyishyuriye, nararangije ubu mfite akazi. nkora ku bitaro bya Rutsiro.

Anatole Nsengiyumva yahamijwe icyaha n'urukiko mpuzamahanga ibyaha bya Jenoside n'ibyaha byibasiye inyoko muntu cyane cyane mu bwicanyi bwabereye muri Kaminuza y'abadive ya Mudende, Paruwasi ya Nyundo ndetse akaba yarifashishijwe mu bwicanyi bwabereye mu Bisesero.

Anatole Nsengiyumba yavukiye mu cyahoze ari Komini Satinsyi muri Perefegitura ya Gisenyi. Mbere yuko akurira ingabo mu cyahoze ari Gisenyi yari ashinzwe ibiro bishinzwe iperereza. Anatole Nsengiyumva avugwa kandi mu kazu kateguye Jenoside kuva mu mwaka wa 1990 hamwe na Bagosora Theoneste, Aloys Ntabakuze na Yozefu Nzirorera.

Mu Bwicanyi bwabereye ku Gisenyi, Anatole Nsengiyumva yafatanyije n'izindi nterahamwe ruharwa arizo Omar Serushago, Bernard Munyagishari, Mabuye, Barnabe Samvura na Tomas Mugiraneza.

Richard Mugenzi wari maneko mu ngabo za Habyarimana avuga ko ku wa 6 Mata 1994, indege ya Perezida Habyarimana imaze kumanurwa Anatole Nsengiyumva yamutegetse gutegura ubutumwa buvuga ko FPR-Inkotanyi imaze guhanura indege y'umukuru w'igihugu.

Uyu mugabo w'umusivili rukumbi wahawe akazi k'ubumaneko mu gisirikare cya Habyarimana mu 1990 mu Kigo cya Gisirikare cya Butotori mu Majyaruguru y'u Rwanda, avuga ko yari yarashyiriweho kuneka Inkotanyi, avuga ko indege ya Perezida Habyarimana ikimara kumanurwa yasabwe gusohora ubutumwa buvuga ko Inkotanyi zirimo kubyina zishimira intsinzi.

Ati 'Ntabwo byari byo, icyari kigamijwe byari ukugira ngo Inkotanyi zishinjwe ko ari zo zayihanuye babone uko batangira gukorera Jenoside Abatutsi.'
Mugenzi avuga ko mu by'ukuri ihanurwa ry'indege ya Habyarimana ryari uburyo byo kumuhirika ku butegetsi bwateguwe n'abahezanguni bari mu buyobozi bukuru bwa Guverinoma ye, bakeka ko amaze gusinya amasezerano y'amahoro i Arusha kandi ayo masezerano ngo yarahaga FPR imyanya ingana na ½ mu basirikare bakuru b'u Rwanda mu gihe bifuzaga kubarimbura.

The post Umukobwa wa Anatole Nsengiyumva yagaragaje uburyo ingengabitekerezo ya Jenoside yimuriwe muri Kongo igihe abicanyi bahungiragayo appeared first on RUSHYASHYA.

Source : https://rushyashya.net/umukobwa-wa-anatole-nsengiyumva-yagaragaje-uburyo-ingengabitekerezo-ya-jenoside-yimuriwe-muri-kongo-igihe-abicanyi-bahungiragayo/?utm_source=rss&utm_medium=rss&utm_campaign=umukobwa-wa-anatole-nsengiyumva-yagaragaje-uburyo-ingengabitekerezo-ya-jenoside-yimuriwe-muri-kongo-igihe-abicanyi-bahungiragayo

Source : http://www.ukwezi.rw/Mu-mahanga/Umutekano/article/Uganda-Abapolisi-barashe-umwana-w-umukobwa-w-imyaka-12-bavuga-ko-isasu-ryabacitse

Mu ntangiriro z'uku kwezi kwa Kamena 2021 nibwo amakuru yagiye hanze ko umuhanzi Diamond Platnumz yamaze kubona umukunzi mushya uwo akaba ari umukobwa w'umunyamideli witwa Andréa Abrahams  ukomoka mu gihugu cya Afurika y'Epfo.

Nkuko tubikesha ikinyamakuru Pulse Live cyo muri Kenya, nyuma gato yuko urukundo hagati ya Diamond Platnumz na Andréa Abrahams  rututumbye, amwe mu mafoto ashotorana ya Andréa Abrahams yahise ajya hanze. Ayo mafoto  ni aya akurikira:

Source : https://yegob.rw/amafoto-10-ashotorana-yumunyamidelikazi-uri-mu-rukundo-na-diamond-platnumz-yashyizwe-ku-karubanda/