Webrwanda Backend

Category: Uncategorized

  • Bamwe mu bikomerezwa byo mu butegetsi bwa Mitterand bashatse gutesha agaciro raporo Duclert #Rwanda #RwOT via @kigalitoday #rwanda #RwOT

    Abagize Komisiyo yize ku ruhare rw
    Abagize Komisiyo yize ku ruhare rw’u Bufaransa muri Jenoside yakorewe Abatutsi mu biganiro n’abanyeshuri n’abarimu muri UR-Huye

    Yabigarutseho ku wa Kabiri taliki 29 Kamena 2021, ubwo yari muri Kaminuza y’u Rwanda, ishami rya Huye, mu kiganiro yagiranye n’abanyeshuri bo mu mashami yigisha amateka, amategeko, indimi n’ububanyi n’amahanga ndetse n’abarimu, akaba yari kumwe na bamwe mu mpuguke zigize iyo komisiyo.

    Ni nyuma yo gusobanura ibikubiye muri raporo y’amapaje 1,200 bakoze bahereye ku ishyinguranyandiko zirebana n’u Rwanda mu nzego z’u Bufaransa zitandukanye zirimo Perezidansi y’igihe cya Perezida Mitterand, Minisiteri y’Ububanyi n’amahanga n’ubuyobozi bw’Ingabo.

    Yagize ati “N’ubwo muri rusange Abafaransa bakiriye neza iyi raporo, abari ku isonga mu butegetsi bw’u Bufaransa hagati ya 1990 na 1994 ku isonga, Hubert Vedrine wari umunyamabanga mukuru wa Elysé (Perezidansi y’Ubufaransa), bagerageje kwamagana no gutesha agaciro iyi raporo”.

    Duclert yaje gusobanurira abanyeshuri bo muri UR ibijyanye na raporo y
    Duclert yaje gusobanurira abanyeshuri bo muri UR ibijyanye na raporo y’uruhare rw’Ubufaransa muri Jenoside yakorewe Abatutsi

    Yunzemo ati “Gusa ntacyo bivuze kuko raporo ishingiye ku bimenyetso idashingiye ku marangamutima, n’abayirwanya ni ugushaka guhisha uruhare rwabo rwihariye”.

    Mu byagaragajwe n’iyo raporo harimo kuba u Bufaransa bufite uruhare muri Jenoside yakorewe Abatutsi ariko atari icyitso cy’abayiteguye bakanayikora.

    Abanyeshuri n’abarimu babajije impamvu raporo ica ku ruhande, Duclert avuga ko nta bimenyetso bigaragaza ko kuba u Bufaransa bwarateraga inkunga Leta ya Habyarimana bwarabaga buzi ko iri no gutegura Jenoside. Gusa ngo ntibyabuza abanyamategeko kwifashisha ibimenyetso bikubiye muri raporo.

    Duclert yasigiye isomero rya Kaminuza igitabo gikubiyemo raporo y
    Duclert yasigiye isomero rya Kaminuza igitabo gikubiyemo raporo y’uruhare rw’Ubufaransa muri Jenoside yakorewe Abatutsi mu 1994

    Ubundi Perezida Habyarimana ngo yafataga Mitterand nka se wa batisimu ndetse n’imiryango yabo ari inshuti zihariye, ku buryo ingendo zose yakoraga hanze ya Afurika yabanzaga guca i Paris kandi akakirwa na Mitterand.

    Ibyo ngo byatumye afatwa nk’umwizerwa, bihuma amaso abategetsi b’Abafaransa ku mugambi wo kurimbura Abatutsi intagondwa zo mu butegetsi bwe zari zifite.

    Duclert anavuga ko iyo raporo ari intangiriro nziza y’indi ‘paji’ y’umubano w’u Bufaransa n’u Rwanda, umubano urimo kwemera amateka no kubaka icyizere.

    Banasuye urwibutso rwa Jenoside rwo muri UR-Huye
    Banasuye urwibutso rwa Jenoside rwo muri UR-Huye


  • Icyo abaturage bavuga ku ruzinduko rw’Abakuru b’ibihugu by’u Rwanda na RDC #Rwanda #RwOT via @kigalitoday #rwanda #RwOT

    Ibyo byatewe n’uburyo abaturage babonye Abakuru b’ibihugu basabana, abayobozi b’Intara basabana nta rwikekwe, inzego z’umutekano zibarinze zisabana, abakora mu nzego z’iperereza bakorera hamwe.

    Ni ibyishimo ku batuye umujyi wa Gisenyi babonye Perezida Kagame atwaye mu modoka Perezida Tshisekedi baganira bishimye, kuko uyu mubano bavuga ko bawitezeho byinshi birenze amasezerano yasinywe mu guteza imbere ubuhahirane, ahubwo no kubana neza kw’abatuye ibihugu byombi.

    Mbananayo wari mu mujyi wa Gisenyi wabonye imodoka z’abayobozi agira ati “Twarabibonye turishima kuko tuzi ko Perezida wacu adushakira ibyiza. Twizera ko baganiriye ibizatugirira akamaro, tukabana neza n’abaturanyi, tugakorana neza nta rwikekwe”.

    Mbananayo avuga ko asanzwe akora akazi k’ubuyedi mu mujyi wa Goma ariko hari igihe ku mupaka bitagendaG neza Umunyarwanda agahohoterwa.

    Ati “Byagiye bibaho Umunyarwanda ku mupaka agahohoterwa, tukakwa amafaranga n’ibyangombwa byo kutunaniza bitewe n’umwuka wabaga utari mwiza. Ubwo abayobozi babanye neza n’abakozi ku mupaka bazajya badufata neza kuko badufashe nabi bitashimisha abakuru b’ibihugu”.

    Ku ruhande rw’abanyecongo bavuga ko bishimiye kwakira Perezida Kagame, ibi bikaba byararanzwe n’uburyo bahagaze ku muhanda baje ku mwakira ari benshi bavuga ngo “Urakoze”.

    Basuye ahangijwe n
    Basuye ahangijwe n’imitingito

    Abanyekongo benshi, cyane abatuye umujyi wa Goma, kumva Perezida Kagame mu mujyi wa Goma byari ibintu bidashoboka, umujyi utinywa kubera umutekano mucye wa hato na hato, umujyi wegereye ishyamba ry’ibirunga rihoramo abarwanyi ba FDLR bashaka guhungabanya umutekano w’u Rwanda, bakunze kurangwa n’ibikorwa byo kwica no gushimuta, ibikorwa biheruka bikaba birimo urupfu rw’uwari Ambasaderi w’Ubutaliyani muri RDC, Atannasio.

    Bamwe mu baganiriye na Kigali Today bagira bati “Turishimye cyane kubera guhura kw’abakuru b’ibihugu kuko natwe abaturage tuzabyungukiramo. Hari abacuruzi bato bambukiranya umupaka buri munsi baje gucuruza i Goma natwe tukajya i Gisenyi, nk’uko Perezida wacu yagiye Gisenyi kureba Perezida Kagame na we akaza i Goma, turabibashimira”.

    Issa ni umuturage wa Goma, avuga ko kubona Kagame mu mujyi wa Goma bigaragaza ubushake b’abakuru b’ibihugu mu kubana neza.

    Ati “Guhura kwabo byadushimishije kuko bigaragaza ejo hazaza h’ibihugu byacu, kubona kagame yaje i Goma byatunyuze, azi umutekano mucye duhorana hano, kuba yahaje ni ikimenyetso gikomeye kuko ni ubwa mbere tumubonye. Izindi nshuro yahuye na Perezida Kabila byaberega ku mupaka ariko kuba yemeye kuza i Goma bigaragaza ubushake afite ku banyekongo”.

    Perezida Kagame yakirwa na Tshisekedi i Goma
    Perezida Kagame yakirwa na Tshisekedi i Goma

    Abanyekongo batangariye umubano w’abakuru b’ibihugu byombi bavuga ko bidasanzwe ko abakuru b’ibihugu bagenderana iminsi ikurikirana.

    Umwe mu nzego z’umutekano mu barinda Perezida Tshisekedi, yabwiye Kigali Today ko ibyo Perezida Kagame na Tshisekedi bamaze kugeraho iyo bikorwa ku gihe Perezida Kabila yari ku butegetsi, imitwe yitwaza intwaro mu Burasirazuba bwa Congo iba yararangiye, ndetse ubuhahirane hagati y’ibihugu byombi bwari kuba bugeze kure.

    Si abaturage basanzwe bishimye gusa kuko n’abayobozi bishimye, Guverineri Habitegeko Francis ari mu baherekeje Umukuru w’igihugu kwakira Perezida Tshisekedi i Rubavu ndetse yambuka n’umupaka ajya i Goma, abinyujije kuri Twitter yagize ati “Twahuye na Guverineri wa Kivu y’Amajyaruguru, Lt Ndima Constant, tuganira imibanire myiza, urujya n’uruza rw’abaturage, dushobora kwigana urugero duhabwa n’Abayobozi b’ibihugu byacu”.

    Umwe mu bayobozi mu Karere ka Rubavu ati “Harakabaho u Rwanda na RDC, murakoze Perezida Kagame na Tshisekedi gukomeza ubufatanye bw’ibihugu u Rwanda na RDC bizana hamwe igihe cyose”.

    Abaturage bishimiye umubano hagati y
    Abaturage bishimiye umubano hagati y’Abakuru b’ibihugu byombi

    Kagame ubwo yari imbere y’itangazamakuru yavuze ko kubana neza kw’ibihugu byombi abaturage bazabyungukiramo, urugero atanga ni aho abanyekongo bakiriwe mu Rwanda mu gihe cy’iruka rya Nyiragongo.

    Na ho Perezida Tshisekedi avuga ko u Rwanda rwatekereje gutanga ubufasha bwakira abaturage ba RDC bahungiye mu Rwanda ibirunga mbere y’uko Perezida Tshisekedi abisaba.

    Yagize ati “Nahamagaye Perezida Kagame musaba kwakira abaturage bacu bahungira i Rubavu mu gihe cy’iruka ry’ibirunga, nsanga yarangije gutanga amabwiriza yo kubakira”.

    Basuye ahangijwe n
    Basuye ahangijwe n’iruka rya Nyiragongo

    Amasezerano yashyizweho umukono hagati y’u Rwanda na RDC ashobora kuba intangiriro mu bufatanye bw’ihugu byombi nk’uko bishobora gufasha akarere mu kunga umurunga w’ubumwe, kuko nyuma y’uruzinduko rwa Perezida Kagame mu mujyi wa Goma, Minisitiri w’Ububanyi n’amahanga w’u Burundi yahise ajya guhura na Perezida Tshisekedi.

    Abaturage bari benshi ku mihanda
    Abaturage bari benshi ku mihanda


  • Ahazaza ha Messi wasoje amasezerano ye muri F… – #rwanda #RwOT

    Saa Yine z'ijoro kuri uyu wa Gatatu tariki ya 30 Kamena 2021, nibwo amasezerano ya Messi muri FC Barcelona aza kuba arangiye, akaba yemerewe kujya mu ikipe iyo ariyo yose yigurishije.

    Mu gihe habura amasaha macye ngo Messi abe umukinnyi wigenga, nta kanunu k'ibiganiro hagati ye n'ubuyobozi bw'iyi kipe buyobowe na Joan Laporta, ku bijyanye no kongera amasezerano.

    Uyu munya-Argentine umaze imyaka 21 mu muryango mugari wa FC Barcelona, yanze kongera amasezerano muri iyi kipe nyuma y'ibibazo byagiye biba mu bihe bitandukanye byanatumye iyi kipe iba insina ngufi ku ruhando rw'I Burayi.

    Messi yifuje kugurirwa abakinnyi bakomeye bagomba gufasha iyi kipe gusubira ku rwego rukomeye i Burayi, ariko ntibyigeze bikorwa, byabaye agatereranzamba ubwo iyi kipe yarekuraga bamwe mu bakinnyi bakomeye bari bayifatiye runini barimo na Suarez, ariko ntiyagura abasimbura babo.

    Messi byaramubabaje cyane, bwa mbere atangaza ko atifuza gukomeza gukinira FC Barcelona ndetse yifuza kuyisohokamo. Yagerageje kuyivamo mu mpeshyi y'umwaka ushize, ariko agongwa n'amasezerano yari afite muri iyi kipe, birangira ayigumyemo.

    Guhera ubwo yinginzwe n'ubuyobozi bw'iyi kipe kugira ngo yongere amasezerano, ariko arabahakanira kugeza magingo aya habura amasaha make cyane ngo ayo yari afite agere ku musozo.

    Nubwo bitarashyirwa ahagaragara, biravugwa ko amahirwe menshi Messi aza kongera amasezerano muri Barcelona ariko hakabanza kugira ibyo ubuyobozi bwa Laporta bwemera gushyira ku murongo, birimo kubaka ikipe itajegajega na gato.

    Gusa hari andi makuru avuga ko uyu munyabigwi ashobora gusubira mu ikipe yo mu bwana bwe ya Newell’s Old Boys, akaba ariho asoreza umwuga we wo gukina umupira w'amaguru, ndetse biranavugwa ko uyu mukinnyi ashobora kwerekeza muri Inter Miami ya David Beckham muri Amerika nkuko aherutse kubyitangariza ubwe.

    Messi ni we mukinnyi w'ibihe byose mu mateka ya FC Barcelona, akaba amaze kuyitsindira ibitego 672, mu mikino 778. Messi yafashije iyi kipe kwegukana ibikombe 24 bitandukanye, birimo 4 bya UEFA Champions League ndetse na 10 bya shampiyona ya Espagne 'La Liga'.

    Lionel Messi yasoje amasezerano muri FC Barcelone

    Biravugwa ko Messi ashobora gusubira mu ikipe yo mu bwana bwe ya Newell’s Old Boys

    Messi ashobora kudakinira FC Barcelona umwaka utaha

    Source : https://inyarwanda.com/inkuru/107081/ahazaza-ha-messi-wasoje-amasezerano-ye-muri-fc-barcelona-hakomeje-guteza-urujijo-107081.html

  • Canada: Ababarirwa mu ijana bamaze kwicwa n'ubushyuhe budasanzwe #rwanda #RwOT

    Abantu batari bacye bamaze gupfa muri Canada kubera inkubi y'ubushyuhe itunguranye ikomeje kugera ku bipimo bitigeze biba mbere. Polisi mu gace ka Vancouver kuva ku wa gatanu imaze kugera ku bantu 130 bapfuye bitunguranye. Benshi bari mu zabukuru cyangwa bari bafite izindi ndwara basanganywe. Bavuga ko ubushyuhe ari impamvu mu zateye izi mpfu.

    Kuri uyu wa kabiri, Canada yagize ubushyuhe itigeze igira na rimwe mbere ku munsi wa gatatu yikurikiranya — ni 49.5C muri Lytton, mu ntara ya British Columbia. Mbere y'iki cyumweru, ubushyuhe muri iki gihugu bwari butarigera burenga 45C.

    Inzobere zivuga ko ihindagurika ry'ikirere rizatuma ubushyuhe n'ubukonje bikomeza kugera ku bipimo bidasanzwe. Mu gihe kandi bigoye gusobanura impamvu imwe itera ubushyuhe bw'isi.

    Uburengerazuba bwa Canada n'igice cya Amerika y'amajyaruguru ashyira uburengerazuba biri kugira iminsi y'ubushyuhe butwika.

    Biracyekwa ko ubu bushyuhe ari imwe mu mpamvu y'urupfu rw'abantu 65 mu mujyi wa Vancouver, nk'uko polisi ibivuga. Agace kitwa Burnaby gusa k'uwo mujyi habaruwe abantu bagera kuri 34 bapfuye, mu gihe ahitwa Surrey habaruwe 38.

    Nkuko BBC ibitangaza, Steve Addison wo mu gipolisi cyaho agira ati: 'Vancouver nta na rimwe yigeze igira ubushyuhe nk'ubu, kandi mu buryo bubabaje abantu bari gupfa kubera bwo'.

    Agace gatoya ka Lytton, ku ntera ya 250Km mu burasirazuba bwa Vancouver, uhatuye witwa Meghan Frandrich avuga ko 'bisa n'ibidashoboka' gusohoka hanze. Yabwiye ikinyamakuru Globe&Mail ati: 'Ntiwabyihanganira. Turi kugerageza kuguma mu nzu uko bishoboka kose. Dusanzwe tumenyereye ubushyuhe ariko 30 [dogere] zitandukanye cyane na 47'.

    Umugore uri kwerekeza mu nzu yo kwihorezamo mu zashyizwe muri Vancouver.

    Ikigo gishinzwe iby'ikirere cya Canada cyaburiye ko hashobora kuba ubushyuhe bukabije mu ntara za British Columbia na Alberta, hamwe n'uduce two muri Saskatchewan, Northwest Territories na Manitoba.

    David Phillips, umuhanga mu by'ikirere w'ikigo Environment Canada, ati: 'Turi gihugu cya kabiri gikonja cyane ku isi kandi kigira urubura kurusha ibindi. Ariko si kenshi tuvuga ku kirere gishyushye nk'iki…Dubai ishobora kuba ihehereye kurusha ibyo twe turi kubona ubu'.

    Munyaneza Theogene / intyoza.com

    Source : https://www.intyoza.com/canada-ababarirwa-mu-ijana-bamaze-kwicwa-nubushyuhe-budasanzwe/

  • Kamonyi-Kwibuka27: Bibutse 19 bari abakozi b'Amakomine #rwanda #RwOT

    Abahoze ari abakozi 19 mu byari amakomini y'icyahoze ari Perefegitura ya Gitarama bakaza kwicwa mu gihe cya Jenoside yakorewe Abatutsi, kuri uyu wa 29 Kamena 2021 hifashishijwe uburyo bw'ikoranabuhanga ( Webex) bibutswe n'abakozi bagenzi babo mu karere ka Kamonyi. Abitabiriye uyu muhango basabwe kuba umwe no guharanira kubaka u Rwanda ruzira amacakubiri n'ivangura.

    Mu kiganiro ku itegurwa n'ishyirwa mu bikorwa rya Jenoside yakorewe Abatutsi cyatanzwe na Benedata Zachalie, umuyobozi wa Ibuka mu karere ka Kamonyi, yibukije uko urwango rwagiye rubibwa mu banyarwanda, bigishwa uburyo umututsi ari mubi, ko ari umwanzi w'Igihugu, ahabwa amazina amwambura ubumuntu bikozwe n'abategetsi bakoresheje itangazamakuru, banabinyuza mu biganiro mbwirwaruhame (Mitingi) kugera ku mugambi wa Jenoside, ishyirwa mu bikorwa, Abatutsi basaga Miliyoni baricwa mu gihugu.

    Abari mu cyumba cy'inama cy'Akarere bakurikiye ikiganiro.

    Abitabiriye uyu muhango, basabwe kuba abayobozi n'abakozi beza, baharanira iterambere rirambye ry'umuturage n'Igihugu, birinda urwango n'amacakubiri, bimakaza indangagaciro ya Ndumunyarwanda kandi baharanira kuba umusemburo w'impinduka zigamije guha umuturage ijambo n'uburenganzira bungana.

    Mu butumwa bwatanzwe na Mukarurangwa Immaculee, wavuze mu izina ry'imiryango y'ababuze ababo, yibukije ko aba bari abakozi ba Leta ariko igahindukira ikaba ariyo ibica. Avuga ko ubukungu bwa mbere bw'Igihugu ari abaturage, ko ibindi bijyanye n'ubukungu n'iterambere bigerwaho bigizwemo uruhare n'abo baturage. Yibutsa ko aba bishwe bari amaboko y'Igihugu, ko akamaro kabo ku gihugu ndetse n'imiryango yabo byari ntagereranywa ariko ko bavukijwe ubuzima n'amahirwe yo kwitangira Igihugu n'imiryango yabo.

    Yagarutse kuri amwe mu mazina y'abishwe barimo na Musaza we Nkunzurwanda Innocent, agaragaza ko nubwo bishwe bitwa Inyangarwanda, ko ababyeyi babo bakundaga Igihugu kugera no kubyerekanira ku mazina y'abana babyaraga. Asaba ko nyuma y'ibyabaye, ntawe ukwiye kwemera guha icyuho abahakana n'abapfobya Jenoside yakorewe Abatutsi, yibutsa ko aba ntawe bakwiye kurusha ijwi.

    Ashimira Ingabo zahagaritse Jenoside zikabohora Igihugu. Asaba ko habaho ubufatanye bwa buri wese mu kumva no gushyira mu bikorwa inama z'ubuyobozi bw'Igihugu hagamijwe kucyubaka no kugikomeza.

    Meya Tuyizere asaba abakozi kuba umwe no kwirinda ikibi cyose.

    Umuyobozi w'Agateganyo w'Akarere ka Kamonyi, Tuyizere Thaddee yibukije ko iyo haza kuba hariho ubuyobozi bwiza buha umuturage wese agaciro, abatotejwe kugera ubwo bicwa bitari kubaho, ko ahubwo bari kurindwa na bagenzi babo n'abandi bayarwanda.

    Avuga ko abishwe batari Inyangarwanda, ko bakundaga Igihugu cyabo, ko kandi bagikoreye ariko bakaza kwicwa. Ati' Nibyo koko, bararukundaga, bararukoreye bararwitangira ariko abo bakoranaga, abo bakoreye kubera ubuyobozi bubi ntabwo bwabahaye ayo mahirwe yo kurukorera batizigama, bicwa muri Jenoside yakorewe Abatutsi'.

    Akomeza ati' Ayo mateka rero nubwo bwitanjye ni ukuyazirikana cyane kandi nk'abakozi tukabafataho urugero. Gukora utizigama, kwitangira akazi kawe ndetse byaba ngombwa ukazira kwitangira abo uyobora'. Yakomeje asaba buri wese kwirinda ibikorwa by'ubugwari, ahubwo bagaharanira kuba mu nshingano zabo neza, bakitangira abaturage bashinzwe kugira ngo babeho neza, bakabarinda kandi bakanarinda bagenzi babo bakorana baharanira kugendera kure ikibi cyose.

    Meya Tuyizere yasabye buri wese mu mbaraga n'ubushobozi afite kudatererana abandi ku rugamba rwo kurwanya abahakana n'abapfobya Jenoside yakorewe Abatutsi. Asaba kandi buri wese guhagarara neza ku rugamba rw'iterambere n'urw'imibereho myiza y'umuturage.

    Imbere y'Akarere ahari urwibutso rwanditseho amazina 19 y'abamaze kumenyekana.

    Kwibuka abari abakozi b'amakomine bishwe muri Jenoside yakorewe Abatutsi, byashojwe no gushyira indabo ku rwibutso ruri imbere y'Akarere ruriho amazina y'abari abakozi 19 kugeza ubu bamenyekanye. Aba bakozi bari mu makomini ya Runda, Taba, Kayenzi, Musambira, Mugina na Rutobwe zose zahujwe zikaba akarere ka Kamonyi. Ni igikorwa cyabaye hubahirijwe ingamba zo kwirinda Covid-19.

    Amazina y'abari abakozi b'amakomini ndetse n'uturere bakoreragamo.

    Munyaneza Theogene / intyoza.com

    Source : https://www.intyoza.com/kamonyi-kwibuka27-bibutse-19-bari-abakozi-bamakomine/

  • Myugariro wa APR FC ntakozwa ibyo kongera amasezerano #rwanda #RwOT

    Myugariro wa APR FC ukina ku ruhande rw’ibumoso, Niyomugabo Claude ntakozwa ibyo kongera amasezerano muri iyi kipe, ni nyuma y’uko atabonye umwanya uhagije wo gukina.

    Niyomugabo Claude yinjiye muri APR FC mu mpeshyi ya 2019 avuye muri AS Kigali, mu myaka 2 yari ayimazemo akaba atarabonye umwanya uhagije wo gukina.

    Mu gihe asoje amasezerano ye, amakuru ISIMBI yamenye ni uko uyu musore yanze kongera amasezerano kuko atabonye umwanya uhagije wo gukina ndetse akaba atanizeye ko anongereye yazawubona.

    Amakuru avuga ko umuhagarariye ushinzwe kumushakira isoko, Museveni Robert mu rwego rw’ahazaza h’umukinnyi we, na we adashaka ko yongera amasezerano ahubwo agomba kujya ahantu akina ku buryo yongera kuzamura urwego rwe akongera no guhamagarwa mu ikipe y’igihugu.

    Rayon Sports ni imwe mu makipe yifuza uyu mukinnyi ngo ajye kuyifasha mu bwugarizi bwayo kuko ihafite ikibazo.

    Niyomugabo Claude ntiyifuza kongera amasezerano muri APR FC

    Source : http://isimbi.rw/siporo/article/myugariro-wa-apr-fc-ntakozwa-ibyo-kongera-amasezerano

  • Icyo abaturage bavuga ku ruzinduko rw’Abakuru b’ibihugu b’u Rwanda na RDC #Rwanda #RwOT via @kigalitoday #rwanda #RwOT

    Ibyo byatewe n’uburyo abaturage babonye Abakuru b’ibihugu basabana, abayobozi b’Intara basabana nta rwikekwe, inzego z’umutekano zibarinze zisabana, abakora mu nzego z’iperereza bakorera hamwe.

    Ni ibyishimo ku batuye umujyi wa Gisenyi babonye Perezida Kagame atwaye mu modoka Perezida Tshisekedi baganira bishimye, kuko uyu mubano bavuga ko bawitezeho byinshi birenze amasezerano yasinywe mu guteza imbere ubuhahirane, ahubwo no kubana neza kw’abatuye ibihugu byombi.

    Mbananayo wari mu mujyi wa Gisenyi wabonye imodoka z’abayobozi agira ati “Twarabibonye turishima kuko tuzi ko Perezida wacu adushakira ibyiza. Twizera ko baganiriye ibizatugirira akamaro, tukabana neza n’abaturanyi, tugakorana neza nta rwikekwe”.

    Mbananayo avuga ko asanzwe akora akazi k’ubuyedi mu mujyi wa Goma ariko hari igihe ku mupaka bitagendaG neza Umunyarwanda agahohoterwa.

    Ati “Byagiye bibaho Umunyarwanda ku mupaka agahohoterwa, tukakwa amafaranga n’ibyangombwa byo kutunaniza bitewe n’umwuka wabaga utari mwiza. Ubwo abayobozi babanye neza n’abakozi ku mupaka bazajya badufata neza kuko badufashe nabi bitashimisha abakuru b’ibihugu”.

    Ku ruhande rw’abanyecongo bavuga ko bishimiye kwakira Perezida Kagame, ibi bikaba byararanzwe n’uburyo bahagaze ku muhanda baje ku mwakira ari benshi bavuga ngo “Urakoze”.

    Basuye ahangijwe n
    Basuye ahangijwe n’imitingito

    Abanyekongo benshi, cyane abatuye umujyi wa Goma, kumva Perezida Kagame mu mujyi wa Goma byari ibintu bidashoboka, umujyi utinywa kubera umutekano mucye wa hato na hato, umujyi wegereye ishyamba ry’ibirunga rihoramo abarwanyi ba FDLR bashaka guhungabanya umutekano w’u Rwanda, bakunze kurangwa n’ibikorwa byo kwica no gushimuta, ibikorwa biheruka bikaba birimo urupfu rw’uwari Ambasaderi w’Ubutaliyani muri RDC, Atannasio.

    Bamwe mu baganiriye na Kigali Today bagira bati “Turishimye cyane kubera guhura kw’abakuru b’ibihugu kuko natwe abaturage tuzabyungukiramo. Hari abacuruzi bato bambukiranya umupaka buri munsi baje gucuruza i Goma natwe tukajya i Gisenyi, nk’uko Perezida wacu yagiye Gisenyi kureba Perezida Kagame na we akaza i Goma, turabibashimira”.

    Issa ni umuturage wa Goma, avuga ko kubona Kagame mu mujyi wa Goma bigaragaza ubushake b’abakuru b’ibihugu mu kubana neza.

    Ati “Guhura kwabo byadushimishije kuko bigaragaza ejo hazaza h’ibihugu byacu, kubona kagame yaje i Goma byatunyuze, azi umutekano mucye duhorana hano, kuba yahaje ni ikimenyetso gikomeye kuko ni ubwa mbere tumubonye. Izindi nshuro yahuye na Perezida Kabila byaberega ku mupaka ariko kuba yemeye kuza i Goma bigaragaza ubushake afite ku banyekongo”.

    Perezida Kagame yakirwa na Tshisekedi i Goma
    Perezida Kagame yakirwa na Tshisekedi i Goma

    Abanyekongo batangariye umubano w’abakuru b’ibihugu byombi bavuga ko bidasanzwe ko abakuru b’ibihugu bagenderana iminsi ikurikirana.

    Umwe mu nzego z’umutekano mu barinda Perezida Tshisekedi, yabwiye Kigali Today ko ibyo Perezida Kagame na Tshisekedi bamaze kugeraho iyo bikorwa ku gihe Perezida Kabila yari ku butegetsi, imitwe yitwaza intwaro mu Burasirazuba bwa Congo iba yararangiye, ndetse ubuhahirane hagati y’ibihugu byombi bwari kuba bugeze kure.

    Si abaturage basanzwe bishimye gusa kuko n’abayobozi bishimye, Guverineri Habitegeko Francis ari mu baherekeje Umukuru w’igihugu kwakira Perezida Tshisekedi i Rubavu ndetse yambuka n’umupaka ajya i Goma, abinyujije kuri Twitter yagize ati “Twahuye na Guverineri wa Kivu y’Amajyaruguru, Lt Ndima Constant, tuganira imibanire myiza, urujya n’uruza rw’abaturage, dushobora kwigana urugero duhabwa n’Abayobozi b’ibihugu byacu”.

    Umwe mu bayobozi mu Karere ka Rubavu ati “Harakabaho u Rwanda na RDC, murakoze Perezida Kagame na Tshisekedi gukomeza ubufatanye bw’ibihugu u Rwanda na RDC bizana hamwe igihe cyose”.

    Abaturage bishimiye umubano hagati y
    Abaturage bishimiye umubano hagati y’Abakuru b’ibihugu byombi

    Kagame ubwo yari imbere y’itangazamakuru yavuze ko kubana neza kw’ibihugu byombi abaturage bazabyungukiramo, urugero atanga ni aho abanyekongo bakiriwe mu Rwanda mu gihe cy’iruka rya Nyiragongo.

    Na ho Perezida Tshisekedi avuga ko u Rwanda rwatekereje gutanga ubufasha bwakira abaturage ba RDC bahungiye mu Rwanda ibirunga mbere y’uko Perezida Tshisekedi abisaba.

    Yagize ati “Nahamagaye Perezida Kagame musaba kwakira abaturage bacu bahungira i Rubavu mu gihe cy’iruka ry’ibirunga, nsanga yarangije gutanga amabwiriza yo kubakira”.

    Basuye ahangijwe n
    Basuye ahangijwe n’iruka rya Nyiragongo

    Amasezerano yashyizweho umukono hagati y’u Rwanda na RDC ashobora kuba intangiriro mu bufatanye bw’ihugu byombi nk’uko bishobora gufasha akarere mu kunga umurunga w’ubumwe, kuko nyuma y’uruzinduko rwa Perezida Kagame mu mujyi wa Goma, Minisitiri w’Ububanyi n’amahanga w’u Burundi yahise ajya guhura na Perezida Tshisekedi.

    Abaturage bari benshi ku mihanda
    Abaturage bari benshi ku mihanda


  • Umunyamakuru Kalinijabo ngo Urumogi ruzahingwa n’abanyabubasha kuko ari nabo barwinjizaga mu Gihugu (VIDEO) #rwanda #RwOT

    Mu kiganiro na UKWEZI TV, Kalinijabo avuga ko iyo havuzwe urumogi, benshi bihutira kumva ko runyobwa n’urubyiruko ariko ngo si ko biri kuko hari n’abantu bihagazego barunywa.

    Ati 'Bakaba bafite nk’akazu bagenda bakarutumura cyangwa se bakaba bajya kuri hoteli runaka bakarutumurirayo.”

    Kalinijabo avuga ko abantu nk’abo barimo n’abakomeye, biha gahunda yo kujya banywa urumogi ku buryo hari abafata nk’umunsi umwe mu cyumweru wo kunywa kuri kiriya gihingwa bakunze kwita umugongo w’ingona.

    Kuri uyu wa Mbere tariki 28 Kamena, Guverinoma y’u Rwanda yasohoye Iteka rya Minisitiri rikubiyemo amabwiriza yerekeye ihingwa, itunganywa n’iyohereza mu mahanga ry’ibimera byifashishwa mu buvuzi birimo n’urumogi.

    Ririya teka rigena ibyo abantu bazasaba uburenganzira bwo guhinga biriya bimera, bagomba kuzaba bujuje.

    Uyu munyamakuru Kalinijabo ubu winjiye mu byo gusesengura, avuga ko n’ubundi abinjizaga urumogi mu gihugu ari abantu bakomeye.

    Ati 'N’ubundi ba banyabubasha bari bafite ububasha bwo kwinjiza urumogi mu Gihugu, ku ikubitiro bazaba aba mbere mu kwaka uburenganzira bwo kuruhinga.'

    Ngo abanyabubasha avuga barimo 'wenda umuntu uri mu rwego rwa Guverinoma ku mwanya runaka, umuntu uri hejuru mu Gisirikare cyangwa mu Gipolisi cyangwa se umunyemari.'

    IKIGANIRO CYOSE

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Umunyamakuru-Kalinijabo-ngo-Urumogi-ruzahingwa-n-abanyabubasha-kuko-ari-nabo-barwinjizaga-mu-Gihugu-VIDEO

  • Uganda yemeje umuti ukiza COVID ukoze mu bimera 100% #rwanda #RwOT

    Ikigo cy’Igihugu gishinzwe ubugenzuzi bw’imiti muri Uganda kizwi nka NDA (National Drug Authority), cyatangaje ko uwo muti ukorwa mu byatsi bikoreshwa mu buvuzi gakondo hagabanywa ibimenyetso by’indwara nyinshi.

    Ikigo NDA cyafashe icyo cyemezo hashize icyumweru kiburiye abaturage ngo birinde gukoresha uwo muti uzwi nka Covidex, kivuga ko utaremezwa.

    Kaminuza y’ikoranabuhanga y’i Mbarara, ahigisha Profeseri Patrick Ogwang wakoze uyu muti, na yo yavuze ko uyu muti ari uwayo, ivuga ko wari wagejejwe ku isoko mbere yuko ubanza kunyura mu nzira yemewe.

    Ikigo NDA kivuga ko kuwemeza kwashingiye ku igenzura ry’ibanze, ubushakashatsi bwawutangajweho, ndetse n’inyigo ku kureba niba nta kibazo uteje.

    Kandi ngo uwahanze ako gashya na we yakuyeho ibivugwa bidafitiwe gihamya ko uvura ukanarinda Covid-19.

    Hashize amezi menshi uyu muti ugeze ku isoko.

    Abawucuruza bawugurishaga ku giciro kitageze ku idolari rimwe ry’Amerika.

    Ariko nyuma yuko ubwandu bwa Covid-19 bwiyongereye mu gihugu mu nkubiri ya kabiri y’iki cyorezo, igiciro cyaratumbagiye kigera ku madolari 22 (agera ku 21,000 y’u Rwanda).

    Mu ntangiriro y’uku kwezi kwa gatandatu, Uganda yashyizeho gahunda ya guma mu rugo kubera kwiyongera gukomeye kw’abarwayi ba Covid-19, kwatumye abajya mu bitaro barushaho kwiyongera ndetse n’abapfa na bo bakiyongera.

    Muri Uganda abantu barenga 850,000 bamaze gukingirwa Covid-19, aho abibandwaho ari abakozi bo mu rwego rw’ubuvuzi, abarimu, abageze mu zabukuru, ndetse n’abasanzwe bafite ubundi burwayi.

    Source : http://www.ukwezi.rw/Mu-mahanga/Ubuzima/article/Uganda-yemeje-umuti-ukiza-COVID-ukoze-mu-bimera-100

  • Musanze: Bagura kandagira ukarabe ntizimare kabiri bitewe n’abajura bahita baziba #Rwanda #RwOT via @kigalitoday #rwanda #RwOT

    Kandagira ukarabe bazihambiranyaho imigozi ngo abajura bataziba
    Kandagira ukarabe bazihambiranyaho imigozi ngo abajura bataziba

    Abavuga ibi, ni bamwe mu bafite amaduka y’ubucuruzi, bakorera muri iyi centre, bemeza ko abantu badukanye ingeso yo kwiba kandagira ukarabe, kandi ubwo bujura bukaba buri gufata indi ntera.

    Umucuruzi Kigali Today yasanze mu mu iduka acururizamo ibinyampeke yagize ati: “Umujura agira atya akaza, akigobeka ahantu batamubona, agacungira imbere y’iduka umucuruzi n’umuguzi barimo imbere. Muri cya gihe bagiciririkanwa cyangwa kugurisha, uwo mujura akaba ateruye ya kandagira ukarabe, akayijyana, ntiwongere kumuca iryera”.

    Imiterere ya kandagira ukarabe benshi mu bacururiza muri iyi centre bakunze kwifashisha, ziba ari izisudiriwe mu byuma, hakaba izikozwe mu bikoresho bya pulasitiki z’indobo cyangwa amajerikani, baba baracometseho uturobine dusohokeramo amazi bakaraba intoki.

    Amaduka menshi Umunyamakuru wa Kigali Today, yagerageje kugeramo yo muri iyi centre, abahakorera ikibazo cyo kwibwa izo kandagira ukarabe bagihuriyeho; aho batunga agatoki inzererezi zirimo n’abana baba barataye ishuri, birirwa muri iyi centre aribyo bibagenza.

    Uwitwa Uwimbabazi Anastasie yagize ati: “Ari kandagira ukarabe n’ibasin biba biri kumwe barabitwara, yewe n’isabuni iyo bayihasanze ntibayisiga. Iyo bigenze gutyo uwayibwe yisakasaka andi mafaranga akugura indi nshya, kugira ngo umukiriya ataza akabura uko akaraba, cyangwa ukayigura bwangu wirinda gucibwa amande”.

    Abacuruzi bamwe ubu bahisemo kujya bazizirikisha imigozi ikomeye bahambira ku nkingi z’amaduka bakoreramo, cyangwa bakayihambiranya n’ikindi gikoresho iba iteretseho, kugira ngo n’ugerageje kuyiba ntibimworohere.

    Undi mucuruzi ati: “Ubu ni bacye bagitegerereza abakirya mu maduka imbere. Bamwe twiyemeza kwirirwa tukavirwa n’izuba hano hanze, twicaye imbere y’amaduka, aho twabaye nk’abazamu birirwa bacunga ko batatwibira za kandagira ukarabe. Kuko nta mafaranga wabona yo guhora usimbuza indi mu gihe yibwe”.

    Busogo iri mu mirenge iri imbere kugira abarwayi benshi ba Covid-19 mu Majyaruguru

    Amakuru aturuka mu nzego z’Ubuyobozi bw’Akarere ka Musanze n’Intara y’Amajyaruguru, agaragaza ko Umurenge wa Busogo ari wo uri ku isonga mu mirenge igize iyi Ntara y’Amajyaruguru, mu kugira umubare munini w’abanduye icyorezo Covid-19. Akarere ka Musanze uwo Murenge ubarizwamo n’ubundi kari imbere y’utundi turere tw’iyi Ntara, mu gihe nanone iyi ntara, na yo iza ku mwanya wa kabiri mu gihugu, aho ikurikira Umujyi wa Kigali mu kugira umubare munini w’abanduye iki cyorezo.

    Umukuru w’Intara y’Amajyaruguru Dancille Nyirarugero, yabwiye abaturage bo muri uyu Murenge ko iri atari ishema ryo kuratira abandi. Ati: “Baturage b’Umurenge wa Busogo, ibi mubyumve neza ko kuba ku isonga mu kugira umubare munini w’abanduye Covid-19 atari ishimwe cyangwa igihembo cyo kwishimira. Birababaje kubona abantu bakomeje kwitwara nabi, bituma muri aka gace hagaragara ubwiyongere bw’icyorezo. Mu by’ukuri twumve neza ko igisubizo cyo gukumira Covid-19 cyangwa kuyirwanya, tutakibonera mu kurembywa na yo, ngo tujyanwe mu bitaro aho abaganga batwongerera umwuka. Nimuzirikane ko ahubwo ko igisubizo cyo kuyirwanya, kiri mu kubahiriza inama zose n’amabwiriza inzego z’ubuzima zidutegeka”.

    Umuyobozi w’Akarere ka Musanze Nuwumuremyi Jeannine, yabwiye abaturage b’Umurenge wa Busogo, ko bibabaje kubona hakigaragara abagifite imyumvire ikiri hasi ituma bakerensa amabwiriza yo kwirinda Covid-19 ntacyo bikanga.

    Yagize ati: “Muri abo barwayi benshi tuvuga uyu Murenge ufite, barimo n’abari gukurikiranwa bari mu ngo zabo mu Midugudu. Abantu bakomeje kwizirikira mu myumvire yabo yo kubwirwa, ariko ntibumve ko twugarijwe. Ni ibintu bibabaje kugera mu iduka ryuzuye ibicuruzwa, ariko ridafite kandagira ukarabe, cyangwa n’ihari idakoreshwa. Abakora ayo makosa, mu gihe babyibukijwe, bakamera nk’aho bakuwe mu bitotsi. Ntabwo tugomba gusinzira imbere ya Covid-19 ikomeje kudusubiza inyuma gutya inadutwara ubuzima bw’abacu”.

    Ku kibazo cy’ubujura bwa kandagira ukarabe kigaragazwa n’abakorera muri centre ya Byangabo, ubuyobozi buvuga ko bitumvikana ukuntu umucuruzi ashobora gushobora gucunga umutekano w’ibyo acuruza akananirwa gucunga umutekano wa kandagira ukarabe iteretse imbere y’iduka rye.

    Basanga iki ari ikibazo n’ubundi cy’imyumvire ikiri hasi, abacuruzi bakwiye gukosora ndetse n’abagira uruhare muri ubwo bujura bagahamagarirwa kubureka hakiri kare.

    Icyakora ubuyobozi bw’Akarere n’ubw’iyi centre y’ubucuruzi, bwizeza abahakorera ko bugiye kurushaho gukaza ingamba zizaca intege abakora ubwo bujura; ariko uruhare runini rukaba urw’abakorera muri iyi centre umunsi ku wundi.