Webrwanda Backend

Category: Uncategorized

  • Ibitangaje kuri Emilio Flores Marquez wagizwe… – #rwanda #RwOT

    Ku babyemera Imana niyo itanga kurama. Hari ingero nyinshi zibigaragaza byabera gihamya buri wese. Hari abatari bake bavuka bagahita bitaba Imana, hari abatabaruka ku myaka 10, 30,.. bigatuma benshi bavuga ko kurama ari umugisha Imana itanga.

    Uyu musaza ntiwamenya ko yigeze amenyo

    Emilio Flores Marquez udafite iryinnyo na rimwe mu kanwa umugisha yagize wahira bake. Uyu mukambwe uyu munsi yujuje imyaka 112 n'iminsi 327. Kuri uyu wa Gatatu tariki 30 Kamena 2021 ni bwo Guinness World Records yamugize umugabo wa mbere umaze imyaka myinshi ku Isi yandikwa mu gitabo cy'abanyaduhigo.

    REBA AMASHUSHO AMUGARAGAZA MU BIHE BITANDUKANYE 

    Emilio Flores Marquez yabonye izuba tariki 8 Kanama 1908. Yavukiye Carolina muri Puerto Rico akaba ari umwana wa kabiri muri 11 yavukanye nabo. Yabyawe na Alberto Flores Melendez ndetse Margarita Marquez-Garcia. 

    Mu kiganiro yagiranye na Guinness World Records ubwo bamushyikirizaga seritifika igaragaza agahigo yesheje, yagarutse ku byamufashishe kuramba bidasazwe. Yagize ati 'Data yantoje urukundo anyigisha gukunda buri wese. Buri gihe yatubwiraga gukora ibyiza njye n'abavandimwe banjye akadutoza gusangira n'abandi”.

    Emilio Flores Marquez yagizwe umugabo umaze imyaka myinshi ku isi mu gihe umugore ufite aka gahigo ari umukecuru witwa Kane Tanaka w'imyaka 117 ukomoka muri Japan nk'uko byemezwa na Guinness World Records.


    Kane Tanaka niwe mugore umaze imyaka myinshi ku Isi 

    Uwari ufite aka gahigo ni umunya- Romania Dumitru Comănescu, wabonye izuba tariki 21 Ukoboza 1908. Yahawe seritifika yagahigo ko kuramaba na Guinness World Records tariki 27 Kamena 2020 mbere y'uko atabaruka. Yashizemo umwuka afite imyaka 111 n'iminsi 219.

    Source : https://inyarwanda.com/inkuru/107122/ibitangaje-kuri-emilio-flores-marquez-wagizwe-umugabo-wa-mbere-umaze-imyaka-myinshi-ku-isi-107122.html

  • Byari ibyishimo kuri Iranzi Jean Claude na bagenzi be nyuma yo kuzamuka mu cyiciro cya mbere mu Misiri(VIDEO) #rwanda #RwOT

    Ku mwaka we wa mbere Iranzi Jean Claude mu ikipe ya Pharco FC mu Misiri, ayifashishe gusoza ku mwanya wa mbere mu itsinda C ndetse bahita babona n’itike yo kuzamuka mu cyiciro cya mbere.

    Iranzi Jean Claude yinjiye muri iyi kipe ya Pharco FC mu ntangiriro za Gashyantare 2021, akaba atarakinnye imikino myinshi ariko na mike yakinnye yitwaye neza.

    Uyu munsi nibwo icyiciro cya kabiri cyasojwe aho mu itsinda C ikipe ye ya Pharco FC abarizwamo, yasoje ku mwanya wa 1 n’amanota 64 nyuma yo gutsinda Ben Ebeid 3-0.

    Yabaye iya mbere inganya amanota na Haras El Hodood yatsinze Dikernis 3-1 ariko Pharco ikaba izigamye ibitego 38 mu gihe Haras El Hodood ari ibitego 29.

    Mu mashusho yagiye hanze agaragaza Iranzi Jean Claude yishimira cyane uku kuzamuka kw’iyi kipe yabo mu cyiciro cya mbere.

    Iranzi Jean Claude na Pharco FC bazamutse mu cyiciro cya mbere

    Source : http://isimbi.rw/siporo/article/byari-ibyishimo-kuri-iranzi-jean-claude-na-bagenzi-be-nyuma-yo-kuzamuka-mu-cyiciro-cya-mbere-mu-misiri-video

  • Umuraperi ukomeye ku isi yakuriye ingofero Di… – #rwanda #RwOT

    Ibi bibaye nyuma y’aho Diamond akomeje kuba ikirangirire muri Afurika, aho yasinyanye amasezerano y’ubufatanye ​na Warner Music Group mu mezi abiri ashize. WMG ni inzu ikomeye cyane ku isi ifasha abahanzi b'ibyamamare barimo na Burna Boy wo muri Nigeria. Ni imwe mu masosiyete akomeye kandi ikaba iya gatatu mu bucuruzi bw'umuziki ku isi, ifite icyicaro muri Amerika.


    Buster ubona ko Diamond ari Michael Jackson wa Afurika

    Mu ntangiriro z'iki cyumweru, Diamond yitabiriye ibihembo bya BET aho yatorewe kuba umuhanzi mpuzamahanga witwaye neza n’ubwo atatsindiye uyu mwanya yahigitswe ho na Burna Boy.

    Kugeza ubu Diamond aracyari muri Amerika aho yari yaritabiriye BET Awards. Ubwo bari mu nama ya sitidiyo, Diamond yari kumwe n'ibyamamare birimo Buster Rhymes, Swizz Beatz, Babu Tale (umujyanama we), Hit Maka, Ot Genasis n’abandi, Buster yakuriye ingofero Diamond amubwira ko ari ikirangirire muri Afurika, agira ati: “Michael Jackson ukomoka muri Afurika, Diamond Platnumz. '


    Diamond umaze ku ikirangirire muri muzika ku rwego rw’isi

    Source : https://inyarwanda.com/inkuru/107123/umuraperi-ukomeye-ku-isi-yakuriye-ingofero-diamond-amugereranya-na-michael-jackson-wa-afur-107123.html

  • Ubuzima bw'uyu mukobwa ukiri muto buri mu mazi abira nyuma y'aho umugabo amupfiriyeho barimo gutera akabariro. – YEGOB #rwanda #RwOT

    Uyu mukobwa ari habi ndetse arimo kongererwa umwuka nyuma y'aho umugabo bakundanaga yaje kumusura n'urukumbuzi rwinshi ,batangiye gutera akabariro agahita amugwa mu maguru.

    Bivugwa ko uyu mugabo ukomoka muri Okposhi muri Leta ya Ebonyi ho muri Nigeria yapfuye ubwo yakoraga imibonano mpuzabitsina ashishikaye cyane n'umukobwa ukiri muto bakundana usanzwe ari umunyeshuri muri Kaminuza ya AE-FUNAI. Umugabo byarangiye amuguye mu maguru umukobwa nawe asigara ari intere yihutanwa kwa muganga.

    Amakuru avuga ko uyu mugabo wubatse yakundanaga n'uyu mukobwa. Nk'uko Igbere TV ibitangaza, uyu mugabo akimara kugera kuri Kaminuza nkuru ya Alex Ekwueme Ndufu-Alike, Ikwo (AE-FUNAI) mu cyumweru gishize, yahise afata umukobwa bajya muri Hoteli bararyamana.

    Nk'uko raporo ibigaragaza, aba bakundana bombi bishimiye imibonano mpuzabitsina kugeza igihe buri umwe umwuka uheze ni bwo umugabo yahise apfa, umukobwa agezwa ku bitaro kongererwa umwuka kuko yahumekaga insigane.

    Source : https://yegob.rw/ubuzima-bwuyu-mukobwa-ukiri-muto-buri-mu-mazi-abira-nyuma-yaho-umugabo-amupfiriyeho-barimo-gutera-akabariro/

  • Ndimo guterwa ubwoba ko ngiye gusohorwa mu nzu, Mukura yanze kunyishyura ayanjye, ndajya muri FIFA – Rutahizamu wa Mukura #rwanda #RwOT

    Umukinnyi w’umunya — Nigeria usoje amasezerano muri Mukura VS, Lucky Emmanuel aratakambira iyi kipe kugira ngo imwishyure amafaranga ye yose agera kuri miliyoni 3, bitaba ibyo akitabaza FIFA.

    Lucky Emmanuel yinjiye muri Mukura VS muri 2019 mu kwezi kwa Nyakanga, ayisinyira imyaka 2, ubu ikaba igeze ku musozo.

    Mu kiganiro yahaye ikinyamakuru ISIMBI, uyu mukinnyi avuga ko ikipe ya Mukura VS yanze kumwishyura amafaranga ye harimo ayo yaguzwe n’imishahara byose bigera kuri miliyoni 3 z’amafaranga y’u Rwanda.

    Avuga ko ubwo yasinyiraga iyi kipe atishyuwe amafaranga ye abwirwa ko azayahabwa mbere y’uko shampiyona itangira(2019-2020), ntiyaje kuyahabwa ariko nyuma yahawe igice.

    Ati 'nasinyiye Mukura VS 2019, natanze ibyo nari mfite byose kuri yo ariko bisa nkaho nta gaciro byahawe. Ubwo nasinyiraga Mukura yagombaga kunyishyura miliyoni 2 z’amafaranga y’u Rwanda nk’amafaranga nguzwe(recruitment) mu gihe cy’imyaka 2, ariko sinayabonye.'

    'Twumvikanye ko mbere y’uko umwaka w’imikino wa 2019-2020 utangira ngomba kuba nishyuwe amafaranga yanjye yose, niko twari twumvikanye, shampiyona yaratangiye mpura n’ibibazo mbura n’icyo kurya njya kubinginga ngo banyishyure, baje kumpa miliyoni yonyine muri miliyoni 2 bagomba kunyishyura, kuva icyo gihe Mukura yanze kunyishyura amafaranga yanjye, naragerageje ndahatiriza muri iyi myaka 2 ariko byaranze, ni uwuhe mukinnnyi wakihangana imyaka2?'

    Yakomeje avuga ko yabwiwe kwihangana ariko arategereza amaso akaba yaraheze mu kirere kuko ubu n’ubuyobozi butagishaka kuvugana na we.

    Lucky wasoje amasezerano ye muri Mukura VS, avuga ko akeneye gusubira iwabo muri Nigeria bityo ko iyi kipe igomba kumwishyura amafaranga ye aho kuri aya mafaranga yaguzwe atabonye hiyongeraho amafaranga y’umushahara w’amezi 9

    Ati'amasezerano yanjye ararangiye, ngomba gusubira mu rugo muri Nigeria, ndasaba Mukura kunyishyura amafaranga yanjye asigaye, bakampa n’urupapuro rundekura(release letter), mfite urutonde rw’ibindi bagomba kunyishyura nk’imishahra y’amezi 7 ubwo bahagarikaga amasezerano tutabyumvikanyeho (Mata 2020 — Ukwakira 2020), bagomba kuyanyishyura kuko ntabiri mu masezerano yanjye ndetse nta n’ubwo twigeze tubyumvikana, bagomba no kunyishyura andi mezi 2 nayo bahagaritse tutabivuganye(Gashyantare na Werurwe 2021).'

    Yakomeje avuga ko iyi kipe itigeze inabishyurira inzu nk’uko babyumvikanye none bakaba barimo baterwa ubwoba ko bazasohorwa mu nzu mu minsi 3 nibaba batarishyura, akaba agiye kwitabaza FIFA.

    Ati'hari n’amafaranga y’ubukode bw’inzu, ntabwo bigeze bayishyura none nakiriye telefoni ivuye ku wo dukodeshaho atubwira ko nitutishyura mu minsi itatu duhita twirukanwa mu nzu, ndi umunyamahanga, ndajyahe? Ntibayampaye ngo nyangize, ndimo ndabinginga ngo banyishyure, amasezerano yanjye yararangiye ndakora iki muri iki gihugu? Ngomba gusubira muri Nigeria kureba umuryango wanjye.'

    'Iyi kipe nyikiniye imyaka 2, hari abakinnyi baje nyuma yanjye barasinya bahita babishyura, kubera iki njye? Ni uko ntafite umvugira? Simbasaba ibirenze, nibampe amafaranga yanjye nicyo cyonyine, ngiye kujya no muri FIFA, ndajya ku biro bya FIFA kugira ngo mbone ubutabera, ngeze aho nterwa ubwoba ko nzasohorwa mu nzu? Nibishyure inzu ntibayinsohoremo.'

    Avuga ko yagerageje kuvugana na Nizeyimana Olivier wahoze ari perezida wa Mukura VS ariko ntiyagira icyo amusubiza kandi abizi neza ko ari umugabo mwiza ntazi icyabaye kuri iyi nshuro. Yanavuganye kandi n’umuyobozi ushinzwe ibikorwa bya Mukura, Gasana Jerome ariko na we ntiyagira icyo amusubiza.

    Lucky Emmanuel arishyuza Mukura VS amafaranga y’u Rwanda miliyoni 3, harimo miliyoni 1 yasigaye ku mafaranga bamuguze, imishahara y’amezi 9 aho yahembwaga ibihumbi 200(Mata — Ukwakira 2020 na Gashyantare — Weurwe 2021) hari kandi n’ibihumbi 200 by’icyangombwa kimwemerera gukorera mu Rwanda yiyishyuriye ibihumbi 200, akaba asaba no kwishyurirwa itike y’indege imusubiza iwabo muri Nigeria.

    Lucky Emmanuel ngo natushyurwa aye arajya muri FIFA

    Source : http://isimbi.rw/siporo/article/ndimo-guterwa-ubwoba-ko-ngiye-gusohorwa-mu-nzu-mukura-yanze-kunyishyura-ayanjye-ndajya-muri-fifa-rutahizamu-wa-mukura

  • Nyarugenge: Imibiri y’Abatutsi bishwe bakajugunywa mu byobo yashyinguwe mu cyubahiro – #rwanda #RwOT

    Kuri uyu wa Kane, tariki ya 1 Gicurasi 2021, ni bwo iyi mibiri yashyinguwe mu cyubahiro mu Rwibutso rwa Jenoside yakorewe Abatutsi rwa Nyanza ya Kicukiro.

    Muri iyi mibiri 86, irimo 78 yakuwe mu Murenge wa Rwezamenyo ahitwa kuri Union Bar, ine ikurwa mu Murenge wa Muhima mu gihe mu Murenge wa Kanyinya havuye imibiri ibiri, uwa Mageragere n’uwa Nyarugenge hakurwa umwe umwe.

    Abarokotse Jenoside yakorewe Abatutsi babwiye IGIHE ko bari bahangayikishijwe cyane n’uko batari bakabonye imibiri y’ababo ngo bayishyingure mu cyubahiro.

    Mukarurangwa Immaculée yavuze ko yishimiye kuba umwana wabo wishwe muri Jenoside ashyinguwe mu cyubahiro.

    Ati “Yari igisekeramwanzi, ni we bahereyeho bica. Ni ibintu bibabaje cyane ariko natwe kuba tumushyinguye hano mu rwibutso biradushimishije cyane kuko biramuhesha icyubahiro.”

    Umupfasoni Anitha warokokeye Jenoside mu Murenge wa Jenoside na we yavuze ko yishimiye ko yashyinguye abe mu cyubahiro, aboneraho gusaba abafite amakuru y’ahakiri ibyobo byajugunywemo Abatutsi muri Jenoside yakorewe Abatutsi mu 1994 kuyatanga.

    Ati “Twabyishimiye cyane kuba tumaze gushyingura abacu mu cyubahiro kuko twari tumaze igihe kirekire turi mu gihirahiro tutazi aho imibiri y’abacu iri. Kuba tubashyinguye biratunejeje.”

    Umuyobozi Nshingwabikorwa w’Akarere ka Nyarugenge, Ngabonziza Emmy, yasabye abafite amakuru y’ahiciwe Abatutsi muri Jenoside kuyatanga kugira ngo bashyingurwe mu cyubahiro, bikomeze no gushimangira gahunda y’ubumwe n’ubwiyunge.

    Umubiri w’umwana w’imyaka ine wishwe muri Jenoside ni umwe mu yashyinguwe kuri uyu wa Kane

    Imibiri yashyinguwe yakuwe mu byobo bitandukanye mu karere ka Nyarugenge

    Hanashyinguwe umubiri w’umwana wishwe afite imyaka ine

    Mukarurangwa Immaculée yavuze ko yishimiye kuba umwana wabo wishwe muri Jenoside ashyinguwe mu cyubahiro

    Ni Umuhango witabiriwe n’abantu batandukanye

    Ubwo uyu mukecuru yajyaga gusezera imibiri y’abe bishwe muri Jenoside yakorewe Abatutsi bashyinguwe mu cyubahiro

  • Perezida Ndayishimiye yijeje ko hagiye gufungurwa “igitabo gishya” mu mubano w’u Rwanda n’u Burundi – #rwanda #RwOT

    Ibi Perezida Ndayishimiye yabigarutseho kuri uyu wa 1 Nyakanga 2021 mu ijambo yagejeje ku Barundi ubwo bizihizaga imyaka 59 ishize iki gihugu kibonye ubwigenge. Ni umuhango wanitabiriwe na Minisitiri w’Intebe w’u Rwanda, Dr Edouard Ngirente, wari uhagarariye Perezida Paul Kagame.

    Perezida Ndayishimiye yavuze ko kuba u Rwanda rwifatanyije n’u Burundi mu kwizihiza ubwigenge ari akanyamuneza ku Barundi.

    Ati “Nagira ngo mbamenyeshe ko uyu munsi ari uw’akanyamuneza ku Burundi, ndabizi ko nta Murundi n’umwe utanezerewe kuri uyu munsi kuko na bene wacu bo mu gihugu cy’abaturanyi cy’u Rwanda baje aha kudushyigikira.”

    Yakomeje abwira Dr Ngirente ko urugendo yagiriye mu Burundi rwafashwe n’abaturage b’iki gihugu nk’igitangaza kubera ubushyamirane bumaze iminsi hagati y’ibihugu byombi.

    Ati “Niba mubibona neza Abarundi, uru rugendo mugiriye aha ni nk’igitangaza babonye, mu gihe hari hashize iminsi turi kuryana. Icyo nashakaga kubabwira ni kimwe mu Kirundi no mu Kinyarwanda tubivuga kimwe […] Agafuni kabagara ubucuti ni akarenge, kubona uyu munsi mutuzaniye akarenge, bifite icyo bivuze twabonye kandi twumvise.”

    Perezida Ndayishimiye yavuze ko iki ari ikimenyetso cy’uko u Rwanda n’u Burundi bigiye kwandika igitabo gishya mu bijyanye n’umubano w’ibihugu byombi.

    Ati “Twizeye neza ko kuva ubu hari igitabo u Burundi n’u Rwanda twari tumaze imyaka twandika ubu tugiye kugisoma kugira ngo dutangire igice gishyashya. Iki ni icyizere cy’uko kiriya gitabo twari tumaze iminsi twandika tugifunguye ngo tugisomere hamwe, hanyuma tugifunge ubundi dutangire igice kindi cy’icyo gitabo twavuga ko ari ubucuti bushya. Twizeye ko ibya kera turi kubisoza hagiye kuza ibishya.”

    Yamutumye kuri Perezida Kagame

    Perezida Ndayishimiye yakomeje avuga ko yishimiye cyane urugendo rwa Minisitiri w’Intebe w’u Rwanda ndetse amusaba kumugereza ubutumwa ku Banyarwanda by’umwihariko Perezida Kagame.

    Ati “Utugereze ubutumwa bw’Abarundi ku nshuti zacu z’Abanyarwanda bose by’umwihariko mutugereze indamutso yacu kuri Paul Kagame, Umukuru w’Igihugu cy’u Rwanda umubwire ko twishimiye cyane urugendo mwagiriye aha mu Burundi kandi ko ruduhaye icyizere gikomeye.”

    Mu ijambo rye, Minisitiri w’Intebe w’u Rwanda, Dr Ngirente Edouard, yavuze ko ari ibyishimo bikomeye kuri we kuba yabashije kwifatanya n’Abarundi ku munsi bizihizaho ubwigenge.

    Ati “Ni icyubahiro gikomeye n’ibyishimo kuba umwe mu bitabiriye ibi birori by’imyaka 59 u Burundi bumaze bubonye ubwigenge, mpagarariye Perezida Paul Kagame. Mu izina rya Perezida Paul Kagame n’iry’Abanyarwanda, munyemerere mbashimire Nyakubahwa Perezida n’Abarundi, kuri ibi birori bikomeye byo kwizihiza imyaka 59 mubonye ubwigenge.”

    Yakomeje ashima uburyo yakiriwe n’iki gihugu, ndetse agaragaza ko igihe kigeze ngo u Rwanda n’u Burundi byubake amateka mashya.

    Ati “Mfashe uyu mwanya nshimira Perezida Evariste Ndayishimiye kuba yaradutumiye muri ibi birori by’amateka ku gihugu cyanyu. Twishimiye uburyo twakiriwe neza kuva tugeze i Bujumbura.”

    “Ndabizeza umusanzu w’u Rwanda mu guteza imbere ubufatanye bwacu kandi nizeye ko twese turajwe ishinga no guteza imbere umubano mwiza n’ubucuti ku nyungu z’abaturage bacu. Igihe n’iki ku Burundi n’u Rwanda ngo bishingire ku musingi w’amateka uduhuza, mu rwego rwo kugera ku iterambere rirambye.”

    U Rwanda n’u Burundi bimaze imyaka isaga itandatu bidacana uwaka, kuva mu 2015, umubano w’ibihugu byombi wajemo agatotsi nyuma y’ibikorwa byo gushaka guhirika ubutegetsi bwa Pierre Nkurunziza wari Perezida icyo gihe, maze leta ye igashinja u Rwanda gukingira ikibaba abagize uruhare muri ibyo bikorwa.

    Ubwo yasozaga Inama ya Komite Nyobozi y’Umuryango wa FPR Inkotanyi, ku wa 1 Gicurasi 2021, Perezida Kagame yatanze icyizere ko umubano w’u Rwanda n’u Burundi wari umaze imyaka itandatu warajemo agatotsi uri gusubira mu buryo.

    Perezida w’u Burundi, Ndayishimiye Evariste, yavuze ko hageze ngo u Rwanda n’u Burundi byibagirwe amateka y’umubano mubi umaze iminsi hagati y’ibihugu byombi ubundi bitangire ‘igitabo gishya’ cy’ubucuti

    Minisitiri w’Intebe w’u Rwanda, Dr Edouard Ngirente, yifatanyije n’Abarundi mu kwizihiza imyaka 59 ishize Igihugu kibonye ubwigenge

  • Ibibera muri Uganda ni agahomamunwa. Abantu babarirwa muri 800 bahawe urukingo rwa Covid-19 rw'urwiganano bamwe bibaviramo urupfu!! #rwanda #RwOT

    Aya makuru y' abaturage basaga 800 bahawe inkingo z'ibikwangari yabanje gutangazwa n'ibinyamakuru byigenga ndetse n'imiryango itari iya Leta, abambari ba Perezida Yoweri K. Museveni bihutira kuyamaganira kure, nk'uko basanzwe babigenza iyo hari amakuru afatika abashinja ruswa n'andi marorerwa, bakayitirira 'abatifuriza Uganda ineza'. Nyamara ikinyoma ntikirara bushyitsi, kuko Leta ya Uganda yabonye itahisha inzu ngo ihishe umwotsi, maze nayo yemera ko aya mahano yabaye.

    Dr Wallen NAAMARA, ukuriye ishami rishinzwe ubuzima mu biro bya Perezida Museveni, yemereye itangazamakuru ko abantu basaga 800 mu Murwa Mukuru Kampala bahawe inkingo z'ibicupuri, ndetse bamwe bitaba Imana. Yasobanuye ko harimo gukorwa iperereza ngo ababigizemo uruhare babihanirwe. Birashoboka ko abahawe inkingo z'inyiganano barenga kure abamenyekanye, kuko mu byaro bya Uganda bikekwa kuba harabaye amarorerwa aruta ayo muri Kampala.

    Ubusanzwe Leta ya Uganda itangaza ko yiyemeje guha abaturage inkingo za Covid-19 ku buntu, nyamara abenshi bagiye bazigurira, zinabahenze, kuko zagiye zivanwa mu bubiko bwa Leta zikajya gucuruzwa mu mafarumasi yigenga. Aho rero ni naho havuye ubujura n'ubugome bwo kuvanga inkingo nzima n'inziganano, rumwe umuturage akarugura amashilingi ya Uganda hafi ibihumbi 200, ni hafi ibihumbi 70 uvunje mu Manyarwanda.
    Ibi biraba kandi mu gihe iki cyorezo gica ibintu muri Uganda, aho abarwayi batangiye kubura umwuka uhabwa indembe. Ibitaro byaruzuye ku buryo imodoka z'abantu ku giti cyabo zahindutse ibitaro, abaganga basanzwe ari na bake bikaba byatangiye kubarenga.

    Nyamara imibare yerekana ko Uganda yahawe inkunga yo guhangana na Covid-19, ingana na tiriyali 4 n'igice z'amashilingi, ariko igice kinini cy'iyo nkunga cyigiriye mu mifuka y'abo mu muryango wa Perezida Museveni n'inkoramutima ze. Urugero ni miliyari hafi 7 z'amashilingi zahawe kampani yitwa'Silverbacks Pharmacy' ngo ishyire umwuka wa 'Oxygen' mu bitaro bya Mulago, birangira nta n'ikintu na kimwe gikozwe. Iyo kampani ni iya Charlotte KUTEESA washakanye na Gen. MUHOOZI Kainerugaba, umuhungu wa Perezida Museveni.

    Magingo aya, abaturage batangiye gutabaza no gusaba ibihugu, nka Leta Zunze Ubumwe za Amerika, bigenera inkingo Uganda, ko byohereza muri Uganda zazana n'abaganga bo gukingira abaturage, kuko ngo abo muri Uganda bamaze gutakarizwa icyizere.

    The post Ibibera muri Uganda ni agahomamunwa. Abantu babarirwa muri 800 bahawe urukingo rwa Covid-19 rw'urwiganano bamwe bibaviramo urupfu!! appeared first on RUSHYASHYA.

    Source : https://rushyashya.net/ibibera-muri-uganda-ni-agahomamunwa-abantu-babarirwa-muri-800-bahawe-urukingo-rwa-covid-19-rwurwiganano-bamwe-bibaviramo-urupfu/?utm_source=rss&utm_medium=rss&utm_campaign=ibibera-muri-uganda-ni-agahomamunwa-abantu-babarirwa-muri-800-bahawe-urukingo-rwa-covid-19-rwurwiganano-bamwe-bibaviramo-urupfu

  • Burera: Umusore w' imyaka 31 yatawe muri yombi na RIB akekwaho gufata ku ngufu umukecuru w' imyaka 61 #rwanda #RwOT

    Mu Karere ka Burera mu Murenge wa Gitovu haravugwa inkuru y' umusore w' imyaka 31 watawe muri yombi n'Urwego Rw'Igihugu rw'Ubugenzacyaha RIB rumukekaho gufata ku ngufu umukecuru w'imyaka 61 y'amavuko.

    Uyu musore w'imyaka 31 y'amavuko wo mu Murenge wa Gitovu muri kariya Karere ka Burera, yatawe muri yombi kuri uyu wa Gatatu tariki 30 Kamena 2021.

    Uyu musore usanzwe akora akazi k'ubwubatsi, akekwaho kuba yarafashe uriya mukecuru mu ijoro rishyira ejo hashize ubwo bahuraga akamusaba kumuherekeza.

    Ngo ubwo yamuherekezaga, bageze mu nzira amufata ku ngufu amakuru amenyekana mu gitondo ubwo uwo mukecuru yazindutse ajya ku muyobozi w'Umudugudu kurega uwo musore.

    Umunyamabanga nshingwabikorwa w'umurenge wa Gitovu, Bizimana Ildephonse avuga ko iperereza barihariye Urwego rw'Igihugu rw'Ubugenzacyaha bityo ko atahamya ko kiriya gikorwa cyo gufata ku ngufu cyabayeho koko.

    Yavuze ko atahamya ko uwo musore yafashe uwo mukecuru ku ngufu, aho ukuri kuri ibyo baguhariye inzego zibishinzwe, ari zo RIB n'abaganga.

    Yagize ati 'Twabajije ukekwa avuga ko yahuye n'uwo mukecuru mu ijoro aramubwira ati 'ntunyure muri iyi nzira wenyine reka nguherekeze', ubwo ntitwahita twemeza ko yamufashe ku ngufu koko biracyakurikiranwa, ikiriho cyo arakekwa.'

    Bizimana Ildephonse avuga bariya bombi bashobora kuba bari basinze kandi bakaba bari barengeje n'amasaha yo gutaha.

    Yagize ati 'Iyo bataba basinze muri uko gusagararirwa k'uwo mukecuru bikabera ahantu hatuwe yari kuba yatabaje, ubu uwo musore yahise ashyikirizwa RIB uwo mubyeyi na we yagiye gutangayo ikirego.'

    Source : https://impanuro.rw/2021/07/01/burera-umusore-w-imyaka-31-yatawe-muri-yombi-na-rib-akekwaho-gufata-ku-ngufu-umukecuru-w-imyaka-61/

  • Minisitiri w’Intebe w’u Rwanda na Perezida w’u Burundi baratanga icyizere cyo gusubukura umubano #Rwanda #RwOT via @kigalitoday #rwanda #RwOT

    Muri ibyo birori byari byanitabiriwe n’Umukuru w’igihugu cy’u Burundi, Evariste Ndayishimiye, Minisitiri Ngirente mu izina rya Perezida Kagame no mu ry’Abanyarwanda muri rusange, yashimiye Abarundi ku kuba bizihije isabukuru ya 59 y’ubwigenge bw’igihugu cyabo, ndetse no kuba u Rwanda rwatumiwe muri uwo muhango.

    Yagize ati “Mboneyeho umwanya wo gushimira Perezida w’u Burundi, Evariste Ndayishimiye, kuba yadutumiye muri uyu muhango mwiza kandi w’amateka ku gihugu cyanyu. Turazirikana igishyika mwatwakiranye kuva twagera hano i Bujumbura”.

    Ati “Nashakaga kugaruka ku bushake bw’u Rwanda bwo gukorana namwe, Perezida w’u Burundi, kugira ngo twongere imbaraga mu bufatanye. Ndizera ntashidikanye ko twese twiteguye gukora tugamije kuzahura umubano n’ubushuti byahozeho, ku nyungu z’abaturage b’ibihugu byacu byombi. Igihe kirageze ku Burundi n’u Rwanda, cyo gushingira ku musingi w’amateka n’umuco kugira ngo tugere ku iterambere rirambye”.

    Yasoje yongera gushimira Perezida Ndayishimiye kubera uwo munsi mukuru w’ubwigenge, anifuriza u Burundi amahirwe masa mu nzira y’iterambere y’icyo gihugu.

    Perezida Ndayishimiye na we yishimiye kuba u Rwanda rwitabiriye ubutumire rwahawe, avuga ko ari nk’igitangaza Abarundi babonye.

    Yagize ati “Uru rugendo mugize hano ni nk’igitangaza Abarundi babonye, mu gihe hari hashize iminsi hari ibitagenda. Mu Kinyarwanda no mu Kirundi bavuga ko ‘agafuni kabagara ubumwe ari akarenge’, kubona rero uyu munsi mutuzaniye akarenge, hari icyo bisobanura, twabonye kandi twumvise”.

    Ati “Hari igitabo u Burundi n’u Rwanda twari tumaze imyaka twandika, ubu turizeye y’uko tugiye gutangira kugisomera hamwe hanyuma tugipfundikire, dutangire igice kindi cy’icyo gitabo twafata ko ari gishyashya. Turizera y’uko ibya kera turimo kubisoza, ibishyashya bigiye kuza”.