Category: Uncategorized

Muri Leta zunze ubumwe z'Amerika, uwahoze ari umukuru w'Igihugu Donald Trump, yatangaje ko yashyikirije urukiko ikirego ku bigo bikomeye bitatu by'ikoranabuhanga. Avuga ko bimunigana ijambo ku buryo bunyuranyije n'amategeko.

Nk'uko yabitangaje mu kiganiro n'abanyamakuru, Trump yareze Facebook, Twitter na Google, n'abayobozi babyo bakuru. Yaregeye urukiko rwo ku rwego rw'Igihugu muri leta ya Florida, mu majyepfo y'Igihugu, aho asigaye atuye nyuma yo kuva ku butegetsi. Yavuze, ati: 'Turasaba urukiko ko ruhagarika ko ducecekeshwa no kudushyira ku rutonde rw'umukara.'

By'umwihariko nkuko VOA ibitangaza, sosiyete Twitter na Facebook zafunze imbuga za Trump nyuma y'igitero cy'abayoboke be kuri Capitol (ingoro y'inteko ishinga amategeko ya Leta zunze ubumwe z'Amerika, Congress). Ni igitero cyabaye ku itariki ya 6 y'ukwezi kwa mbere uyu mwaka wa 2021.

Izi Kompanyi mu gufunga imbuza za Trump, zasobanuye ko zabikoze kubera impungenge z'uko Trump yakoresha imbuga ze kugirango ahamagarire abantu ibindi bikorwa by'urugomo. Kugeza ubu, ntashobora kugira icyo atangaza kuri Twitter na Facebook.

Munyaneza Theogene / intyoza.com

Source : https://www.intyoza.com/donald-trump-yareze-mu-rukiko-kompanyi-twitter-facebook-na-google-ku-munigana-ijambo/

Umwe mu bakunzi bacu yaratwandikiye ashaka ko tumugira inama. Yatwandikiye ibi bikurikira:

Mwaramutse!
Nakundanye n'umusore tumaranye imyaka 2 nta kazi yarafite nijye wakoraga gusa murihira imyuga ariga arayirangiza kandi nkamumenyera buri kimwe none ikibazo n'uko namenye ko afite umugore n'umwana kandi twari kuzabana mu kwezi Kwa Cumi.

Nukuri mungire inama!

Source : https://yegob.rw/ndaremerewe-nakundanye-numusore-murihira-ishuri-ngo-yige-none-menye-ko-afite-umugore-numwana-kandi-twiteguraga-kurushinga-vuba-mbigenze-nte/

Ikipe ya APR FC yamaze kongera amasezerano abakinnyi bagera kuri batatu ndetse inagura Mugisha Gilbert yari imaze igihe ishaka.

APR FC ikomeje kwiyubaka, nyuma yo gusinyisha Nsabimana Aimable na Kwitonda Alain(Bacca), uyu munsi yongereye amasezerano bamwe mu bakinnyi bayo.

Manishimwe Djabel winjiye muri iyi kipe avuye muri Rayon Sports muri 2019, yari asoje amasezerano ye akaba yongereye indi myaka 2 akinira iyi kipe y’ingabo z’igihugu.

Amakuru avuga ko uyu mukinnyi wafashije iyi kipe cyane muri iyi myaka ibiri itambutse, yahawe miliyoni 25.

Rwabuhihi Aime Placide, myugariro wari usoje amasezerano aho yari yasinye imyaka 2 avuye muri Kiyovu Sports, we yasinye imyaka 3 aho bivugwa ko yahawe miliyoni 15.

APR FC kandi ikaba yongereye amasezerano Nizeyimana Djuma na we wari wasinyiye iyi kipe avuye muri Kiyovu Sports.

Uretse aba bakinnyi kandi iyi kipe yasinyishije Mugisha Gilbert yashatse kuva muri 2019 ariko ntibyakunda kuko yari agifite amasezerano ya Rayon Sports, uyu mukinnyi amakuru avuga ko yishyuwe miliyoni 17 mu gihe cy’imyaka 2 akazajya ahembwa ibihumbi 900.

Manishimwe Djabel yongereye imyaka 2

Rwabuhihi Aime Placide yongereye imyaka 3

Nizeyimana Djuma yongereye amasezerano na we

Bwa nyuma na nyuma Mugisha Gilbert yasinyiye Rayon Sports

Source : http://isimbi.rw/siporo/article/apr-fc-yamaze-kongera-amasezerano-3-isinyisha-uwo-imaze-igihe-yirukaho

Nyuma y’uko ikiganiro cya Siporo kuri Radio 10 'Urukiko' cyari kiyoboye ibindi mu gukundwa mu Rwanda gisheshwe abagikoraga bakimurirwa mu bindi biganiro, abandi bagahabwa izindi nshingano muri iki gitangazamakuru ariko ntibishimire uyu mwanzuro, biravugwa ko iki kiganiro  kigiye kwimukira kuri Radio ya KFM.

Urukiko rwa Radio10, nicyo kiganiro cy'imikino cyari gikunzwe na benshi mu Rwanda kuko cyumvwa n'ingeri zitandukanye kandi ahantu hatandukanye kubera inkuru zivugwa muri iki kiganiro gikorwa amasaha atatu.

Iki kiganiro cyakorwaga n'abanyamakuru b'inzobere, bayobowe na Sam Karenzi, Kalisa Bruno Taifa, Kazungu Clever ndetse na Axel Horaho.

Ku mugoroba wo kuri uyu wa Kane tariki ya 03 Kamena 2021, nibwo byamenyekanye ko ubuyobozi bwa Radio10 bwakoze impinduka ku banyamakuru bakoraga ikiganiro cy'Urukiko kuri iki gitangazamakuru.

Sam Karenzi wari uhagarariye igisata cy'imikino kuri Radio10, yazamuwe mu ntera agirwa umuyobozi wa Radio (Directeur), Kalisa Bruno Taifa wakoraga mu kiganiro Urukiko yimuriwe mu kiganiro cy'imikino kiba ku mugoroba cyitwa Ten Zone, Mugenzi Faustin wakoraga muri Ten Zone yimurirwa mu Urukiko, mu gihe Kazungu Clever yasezeye burundu kuri Radio 10.

Izi mpinduka zikozwe ku banyamakuru bakoraga ikiganiro Urukiko nyuma y'igihe kitari gito bari ku gitutu cy'abashegeshwe n'inkuru zatambukaga muri iki kiganiro.

Bivugwa ko ubuyobozi bw'iki gitangazamakuru nabwo bwabisabwe n'abayobozi ba Minisiteri ya Siporo, kubera ko iki kiganiro hari ibyo kitubahiriza, gusa nta makuru abyemeza yigeze atangazwa n’iki kigo.

Izi mpinduka ntabwo zigeze zishimisha na gato aba banyamakuru, byanatumye batangira gutekereza gusezera kuri iki gitangazamakuru bose.

Guhera kuri uyu wa Kabiri tariki ya 06 Nyakanga 2021, Ku mbuga nkoranyambaga hacicikanye amakuru avuga ko abanyamakuru bakoraga ikiganiro Urukiko uko ari bane bose bagiye kwimukira kuri KFM bakajyana n'ikiganiro cyabo.

Mu kumenya amakuru y'impamo, InyaRwanda.com yaganiriye na Sam Karenzi uhagarariye aba banyamakuru, yemera ko bagiranye ibiganiro na KFM ariko avuga ko bitararangira.

Yagize ati 'Nagiranye ibiganiro na KFM, gusa ntabwo birarangira, ntakiragerwaho, turacyari abakozi ba Radio 10. Hari benshi bifuza ko dukorana gusa ntabwo turafata umwanzuro w’aho tugomba kugana, aho ibiganiro bizagenda neza niho tuzajya'.

Andi makuru InyaRwanda.com yamenye ni uko izi mpande zombi zamaze kumvikana ndetse ikiganiro Urukiko kikaba kizatangira kunyura kuri KFM guhera tariki ya 01 Kanama 2021.

Ikiganiro Urukiko cyatangiye gutambuka kuri Radio10 mu ntangiriro za 2020, gikorwa n'abanyamakuru bashya bose bahuriye kuri iki gitangazamakuru bavuye ahandi, bazana umuvuno utandukanye n'uwari umenyerewe mu bindi biganiro by'imikino bitandukanye.

Ikiganiro Urukiko cyatambukaga kuri Radio 10  biravugwa ko kimukiye kuri KFM

Axel Horaho, Bruno Taifa, Kazungu Ceer na Sam Karenzi bashobora kwisanga kuri KFM mu kiganiro Urukiko

Source : https://inyarwanda.com/inkuru/107339/ukuri-ku-bivugwa-ko-ikiganiro-urukiko-cyanyuraga-kuri-radio-10-cyimukiye-kuri-kfm-107339.html

Kuri uyu wa Gatatu tariki ya 07 Nyakanga 2021 nibwo Miss Jordan Mushambokazi witabiriye irushanwa rya Miss Rwanda mu mwaka wa 2018 yizihiza isabukuru y'imyaka 23 amaze abonye izuba. Umugabo we, Karim Mbonyumuvunyi, abinyujije ku rukuta rwe rwa instagram yatangaje amagambo meza y'urukundo amubwira ko amukunda cyane ndetse amwifuriza isabukuru nziza y'amavuko. Ni nyuma yuko yari amaze gushyira hanze ifoto yabo bombi.

Nyuma yuko ashyize hanze iyi foto, Umugabo wa Jordan, yayiherekesheje amagambo agira ati ” To my beloved wife, no gift could ever be enough to express how much I cherish you each and every day. It's your birthday, but I'm the one who should be celebrating the most. My favorite person in the world was born on this day. HAPPY BIRTHDAY MY WIFE ❤️ I love you ❤️ @jordan_mushambokazi “.

Ibi bibaye mu gihe hashize ukwezi, Karimo na Jordan bakoze ubukwe kuko hari ku ya 06 Kamena 2021 nibwo aba bombi bakoze ubukwe.

Couple ya Karim na Jordan ni imwe mu ma couples y'ibyamamare agezweho ndetse anakunzwe muri iki gihe.

Source : https://yegob.rw/isabukuru-nziza-mugore-mwiza-ndagukunda-umugabo-wa-miss-jordan-mushambokazi-yamwibukije-agaciro-afite-mu-buzima-bwe/

Umwana w'umuhungu witwa Ngabe Nathan umaze amezi 3 avutse yagize ikibazo gikomeye cy'uburwayi ubwo yari amaze ukwezi n'igice avutse.

Nkuko tubikesha ISIMBI TV, Joseph, Papa wa Nathan, yavuze ko Nathan yavutse neza nk'abandi bana nta kibazo na kimwe afite gusa nyuma y'ukwezi n'igice Nathan yatangiye kurwara biba ngombwa ndetse ko bamujyana kwa Muganga. Muri urwo rugendo rutari rworoshye, Papa wa Nathan yakomeje gukora akazi ke nk'ibisanzwe nk'umukuru w'umuryango gusa akajya anabaza amakuru ya Nathan kugirango yumve uko amerewe.

Sharon, Mama wa Nathan, yavuze ko umwana we yavutse bisanzwe nk'abandi bana gusa akivuka yari afite ikibazo ku buryo atashakaga konka ibere gusa nyuma y'igihe gito avutse abaganga bamwitayeho nyuma aza konka ibere nk'uko abandi bana bose bakivuka babikora. Mama wa Nathan yakomeje avuga ko Nathan yaje gufatwa n'uburwayi kugeza aho yakororaga isaha yose igashira ndetse akanahumeka nabi. Yamujyanye kwa Muganga bakajya bamwongerera umwuka gusa byaje kunanirana akomeza kuremba.

Sharon yavuze ko Nathan yasuzumwe na Muganga w'umutima ari nawe wamubwiye ko umwana we arembye cyane ko afite ikibazo cy'imitsi yasobanye. Sharon acyumva iyo nkuru yaraturitse ararira ndetse nta kindi kintu yongeye kumva kuva ubwo. Muganga yahise agenda kuko yabonaga Sharon ameze nabi ku buryo nta kindi kintu yari bumubwire ngo acyumve.

Papa wa Nathan yavuze ko nyuma yuko babwiwe ko Nathan yagize ikibazo cy'umutima ah imitsi ijyana amaraso ayunguruye yasobanye n'ijyana amaraso atayunguruye, yagerageje kwandikira ibitaro bitandukanye byo hanze y'U Rwanda kugirango arebe ko hari icyo babafasha. Mu bitaro byinshi yandikiye, ibitaro bimwe mu mu gihugu cy'Ubuhinde nibyo byabashije kubabwira ko byabafasha umwana agakira neza. Amafaranga babasabye ni miliyoni 20 z'amanyarwanda akaba avuga ko kuri ubu bamaze kubona miliyoni 6 hakaba hasigaye miliyoni 14.

Papa wa Nathan yavuze ko buri wese waba ufite umutima ufasha yabafasha akabatera inkunga bakabasha kuvuza Nathan agakira dore ko bababwiye ko natavuzwa, mu kwezi kwa Kanama 2021 ashobora kwitaba Imana.

Ku bifuza gufasha Nathan ngo avuzee numero mwakoherezaho inkunga yanyu ni 0788594089 ya Papa Nathan (Habimana Joseph). 

Source : https://yegob.rw/inkuru-ireba-abanyarwanda-bose-nathan-arabakeneye-ngo-abashe-kuvuzwa-ababyeyi-be-barahangayikishijwe-nuburwayi-bwe/

Mu gitondo cyo kuri uyu wa gatatu taliki ya 7 Nyakanga 2021, nibwo ubuyobozi bwa M.I Entrainment bwatangaje ko bwamaze gutandukana n'itsinda ry'abahanzikazi babiri Vestine na Dorcas ku mpamvu zitatangajwe.

Binyuze ku rubuga rwa Instagram rwa Murindahabi Irene, nyiri M.I Entertainment nibwo yashyize hanze ibaruwa igenewe itangazamakuru igaruka ku gutandukana kwe n'aba bahanzi yafashaga mu kumenyekanisha ibihangano byabo.

Iryo tangazo ritangira riragira riti 'MIE yifuje kumenyesha abakunzi bayo ndetse n'umuryango mugari wa muzika ko guhera ku wa 7 Nyakanga 2021 ibaye ihagaritse ibikorwa byose yakoranaga n'abahanzi Ishimwe Vestine na Kamikazi Dorcas.'

Muri iri tangazo, Murindahabi Irene yashimye uburyo abakunzi b'umuziki bakiriye Vestine na Dorcas ndetse n'uburyo batahwemye kubashyigikira.

M Irene ahagaritse gufasha aba bahanzikazi bakiri bato muri M.I Entertainment ariko asigaranyemo undi muhanzi umwe yafashije guhera akiri muto mu kumenyekana ariwe Niyo Bosco.

Aba bahanzikazi bakomoka mu ntara y'Amajyaruguru mu karere ka Musanze batandukanye na M.I Entertainment bamaze gukorerwa indirimbo eshatu zakunzwe cyane harimo iherutse gusohoka yiswe 'Adonai'.

The post M.I Entertainment yatandukanye n'itsinda rya Vestine na Dorcas bazwi mu ndirimbo zo guhimbaza Imana appeared first on RUSHYASHYA.

Source : https://rushyashya.net/m-i-entertainment-yatandukanye-nitsinda-rya-vestine-na-dorcas-bazwi-mu-ndirimbo-zo-guhimbaza-imana/?utm_source=rss&utm_medium=rss&utm_campaign=m-i-entertainment-yatandukanye-nitsinda-rya-vestine-na-dorcas-bazwi-mu-ndirimbo-zo-guhimbaza-imana

Niba wandikiye umukunzi wawe ubutumwa kuri telefone no kumbuga nkoranyambaga burya haba hari icyo uba ushaka kumubwira.Gusa hari ibyo wakwandika ugasanga ubaye ubwa cya gisiga cy'urwara rurerure, ndetse ukaba washyira iherezo ku rukundo rwanyu.Muri iyi nkuru tugiye kurebera hamwe imvugo udakwiriye gukoresha na gato mu butumwa bugufi uha umukunzi wawe.

1.Ese koko urankunda?

Ibibazo biragwira! Ntibikwiriye na gato ko wohereza ubutumwa bubaza iki kibazo kuko bica intege umukunzi wawe cyane ko burya abahungu bakunda guhabwa igihe cyabo bakanga cyane gusunikirwa mu kintu. Niba agukunda, azabikubwira abyiteguye kandi simpamya ko uburyo iteka azabivugamo ari mu gusubiza ubutumwa bwawe bumubaza icyo kibazo.

2.Uri kunyicaho?

Rwose! Ukabona umukobwa yandikiye umuhungu bakundana iri jambo ntanashaka kongera kwandika! Ubutumwa bubaza iki kibazo ntibuteye agahinda ahubwo buratangaje. Ukuri guhari ni uko niba koko umukunzi wawe ari kukwicaho, hari amahirwe make yo kugusubiza, bivuze ko waba uri guta igihe cyawe unitesha agaciro wowe ubwawe mukobwa. Aho kumwandikira ubutumwa bumeze uko, wamuhamagara ahubwo mukabiganiraho bikagira inzira.

3.Kumwoherereza 'screenshoots' z'ibiganiro bya kera umwemeza ikosa.

Uretse kuba ibi byagaragariza umukunzi wawe ko ubika inzika, byanaguteza ibibazo kuko kubika ibiganiro byarangiye kera bishobora kuba ikibazo gikomeye kuko byatuma ugarura n'ibibazo byakemutse kera kandi abakobwa benshi muri kamere yabo bakunda gufata ama 'screenshootsi'. Sinkubujije kuzifata kuko uri umukobwa nyine, kandi sinakubuza ibiri muri kamere zawe ariko uririnde koherereza umuhungu mukundana screenshoots z'ibiganiro mwagiranye hambere kuko hari ikibaye ako kanya ushaka kumwereka uko ari mu mafuti gusa.

4.Ndagukunda' (ku nshuro ya mbere).

Biraryoha cyane kubwira umukunzi wawe ko umukunda kuko bimwongerera icyizere n'urukundo kuri wowe kandi bikamunezeza cyane. Jya ukunda kubimubwira muri kumwe muvugana ndetse no mu butumwa umwandikira nta kosa ririmo rwose. Ariko mukobwa, uzirinde kuba wabanza umuhungu ngo umutange umubwire ko umukunda mu butumwa umwandikira kuko burya bigaragara nk'aho uri kwiteretera umuhungu n'ubwo nabyo byadutse ariko ni imwe mu ntandaro zo gusuzugurwa no gufatwa nk'icyo imbwa ihaze mu gihe runaka. Byaba byiza cyane umubanje ari uko muri kumwe atari ubutumwa umwandikiye.

5.Wari uri mu biki?

Ubusanzwe iki kibazo kijya kumera nko kubaza umuntu uko yari ameze. Ariko kubera uburyo byaba bivuzwemo cyane ko ari mu butumwa aha umuntu atumva ijwi ubivuganye, hari ubwo umukunzi wawe ashobora kumva ko utangiye kumugenzura muri gahunda ze umubonerana cyangwa usa n'ushaka kumushinja amakosa yihariye yamuhugije. Menya imvugo ikwiriye yo gukoresha ku mukunzi wawe.

6.Birarangiye !

Yego, bibaho mu rukundo ko birangira cyangwa urugendo rw'urukundo rwanyu ruhagarara. Tutagendeye ku cyaba kibiteye, gutandukanira n'umusore mukundana mu butumwa bugufi ubwabyo ni agasuzuguro noneho bikaba agakabije iyo ari ibintu atari yiteguye ko byabaho. Twaza gahoro, umukobwa ni utuza agacisha make, mushakane mubiganireho murekane mubyumvikanyeho ariko mutarekaniye ku butumwa buvuga ngo 'Byarangiye!'

7.Ndakubona !

Ibi abakobwa bakunda kubikora nk'iyo bagiye ahantu bakahabona abakunzi babo nabo bariyo ariko bakirinda kubiyereka ahubwo bakohereza ubutumwa buvuga ibi. Mukobwa mwiza, niba ubonye umukunzi wawe ahantu utatekerezaga ko muhahurira, icya mbere ukwiriye gukora ni ukugera aho ari niba bigushobokera ukamusuhuza, ukamwiyereka akanamenya ko nawe uhari kuko kumuha ubutumwa umwereka ko ubona aho ari byatuma akeka ko umushyiraho za maneko ahubwo.

8.Tugomba kuganira.

Mukobwa mwiza, uri gukanga nde?! Niba utinyuka koherereza umuhungu mukundana ubutumwa buvuga uku, nta gikanganye wanamuha ubumumenyesha ko byarangiye rwose nicyo yaba ari gutekereza nk'inkurikizi zabyo n'ubwo atari cyo waba ugamije. Iri jambo riraremereye ni nk'impuruza ubundi kandi ryumvikana nk'iritagira ibiganiro byiza.

Source : https://yegob.rw/abakobwa-gusa-ngubu-ubutumwa-udakwiye-kwandikira-umusore-mukundanabushobora-gushyira-akadomo-ku-rukundo-rwanyu/

Umusobanuzi wa filime wakunzwe na benshi ariko akaba yari amaze igihe atumvikana, Sankara The Premier avuga ko ikintu cyatumye abura ari gahunda z’umuryango yari ahugiyemo zituma atinda ariko ubu ngo yagarutse.

Sankara The Premier ubusanzwe yitwa Mutore Isaac, akaba umuvandimwe wa Bugingo Bony wamamaye nka Junior Giti, Nkusi Thomas uzwi nka Yanga na Mike bose bazwi mu gasobanuye.

Mu kiganiro n’ikinyamakuru ISIMBI, Sankara avuga ko yatangiye uyu mwuga muri 2012 abijyanywemo n’uko Junior(mukuru we) yabikoraga, avuga ngo niba Junior abikoze na we kuki atabikora, gusa ngo bose bafatiraga icyitegererezo kuri mukuru wabo, Yanga.

Uyu musore wari umaze igihe atumvikana mu mwuga wo gusobanura filime aho abakunzi be bari barayobewe aho yagiye, yavuze ko kumara imyaka 3 adakora byatewe na gahunda z’umuryango yari ahugiyemo bituma atinda.

Ati'Naje kugira ibintu ngomba kujya kwitaho mu muryango, icyo gihe nari muri Kenya, hari ibintu byo mu muryango narimo nirukamo, birantinza ariko ku bafana banjye filime zo zatangiye gusohoka, ntibagire ikibazo.'

'Sinavuga ngo ni umuryango gusa, wenda hari ibindi bibazo umuntu aba afite ntabwo najya gusobanura ngo mvuge buri kimwe ariko nagombaga kugenda ariko naragarutse.'

Uyu musobanuzi wari ukunzwe na benshi yavuze ko abakunzi be bakwizera ko agiye kubaha ibyiza birenze ibyo yabahaga mbere.

Sankara avuga ko agarutse mu mwuga wo gusobanura filime ari wese

Source : http://isimbi.rw/imyidagaduro/article/nyuma-y-imyaka-3-sankara-yagarutse-mu-gasobanuye-yavuze-aho-yari-yaraburiye

 

Perezida wa Haiti Jovenel Moïse yishwe n'abantu bataramenyekana bamugabyeho igitero mu ijoro aho atuye.

Ibi biratangazwa na minisitiri w'intebe w'iki gihugu Claude Joseph nkuko BBC yabyanditse.

Joseph yavuze ko aho perezida atuye hagabwe igitero n'abantu bataramenyekana ahagana saa kumi n'imwe z'igitondo ku isaha ngengamasaha-GMT, muri Haiti hari saa saba z'ijoro mu murwa mukuru Port-au-Prince mu Rwanda hari saa moya z'igitondo.

Biravugwa ko umugore wa perezida yakomerekeye muri icyo gitero.

Joseph atangaza ko yafashe ingamba zose ngo leta ikomeze gukora.

Jovenel Moïse w'imyaka 53 y'amavuko yari ku butegetsi kuva muri Gashyantare 2017 ubwo Michel Martelly wari perezida akuriweho.

Ubutegetsi bwa Moïse bwaranzwe n'ibibazo kubera ibirego bya ruswa, ndetse akenshi bwagiye buhangana n'imyigaragambyo irimo urugomo y'abamagana leta.

Mu ntangiriro y'uyu mwaka, habayeho imyigaragambyo mu murwa mukuru no mu yindi mijyi, abaturage basaba ko yegura.

Abatavuga rumwe n'ubutegetsi muri Haiti bavuze ko manda y'imyaka itanu ya Moïse yagakwiye kuba yararangiye ku itariki ya 7 y'ukwezi kwa kabiri muri uyu mwaka wa 2021, hashize imyaka itanu uhereye ku munsi Bwana Martelly yeguriyeho.

Ariko, Moïse yashimangiye ko yari agishigaje umwaka umwe ku butegetsi, avuga ko ubutegetsi yabugezeho nyirizina ku itariki ya 7 y'ukwezi kwa kabiri mu 2017.

Uko gucyerererwaho umwaka umwe kwatewe n'ibirego by'uburiganya mu matora, byaje gutuma ibyavuye mu matora ya 2015 biteshwa agaciro hagakorwa amatora bundi bushya, yatsinzwe na Moïse.

Source : https://impanuro.rw/2021/07/07/perezida-wa-haiti-yishwe/