Category: Uncategorized

Manirakiza Chantal umubyeyi ufite abana 4 n’umutware yakoze impanuka ikomeye ubwo yari ari kuri moto ibice by’umubiri we bikangirika cyane, ariko nk’uko izina rye ribisobanura Imana yaramukijije ni muzima.

Mu magambo ye Manirakiza arasobanura uko Uwiteka yabaye mu ruhande rwe akamubera ingabo imukingira.

Ati:'Hari kuwa 21 Ukuboza 2021 nateze moto nerekeza Kimironko ngeze Kagugu kuri station, haje umuntu wasinze yambuka umuhanda noneho wa mushoferi wari untwaye afata feri kugira ngo atamukomeretsa noneho moto yari iri inyuma iraza irankubita mpita ngwa muri kaburimbo. Amahirwe nagize kasike ntiyigeze imva mu mutwe, ahubwo yaraje iramfuka mu maso.

Ikintu gikomeye ngiye gushimira Imana nibutse aho hantu nakoreye impanuka akaguru k’iburyo kari kacitsemo kabiri hasigaye ku ivi gusa ndimo gukururuka mva amaraso, imodoka zitwara abagenzi (coaster) zarazaga zikamfatiraho amaferi, abantu bazaga kunshungera nta n’umwe wamfashije. Abamaotari barimo gusigana umwe avuga ngo ni wowe umugonze, undi na we abihakana, Imana ukuntu itangaje haje umuhungu w’umukarani ahita amfata anjyana kwa muganga kuko imbere y’aho impanuka yabereye hari dispensaire.

Ngezeyo rero kwa kuntu Satani asaba umuntu, babuze indodo zo kundoda, namaze isaha ntegereje ko bava kuzana indodo kurindi vuriro, icyakora zarabonetse baramfasha. Umutware wanjye yaje kundeba arebye ukuntu meze ubwoba n’isereri biramufata mbona baramusohoye ngira ubwoba nyoberwa ibiri kumbaho. Mubyukuri ndashima Imana ko yanyigaragarije ikankura muri iyo kaburimbo ndi muzima, iyo mbitekereje numva ari ibintu bikomeye cyane kuko narebaga ayo maraso yanyanyagiye umuhanda nkumva ko ntabaho, ariko ndacyahumeka.

Nagiye CHUK muganga arebye ka kaguru aravuga ngo nta kibazo gafite ni imitsi yikanze anyandikira ko mfite ubumuga bwa 60% buzamara amezi 6, ariko anyandikira imbago ubu na zo nazigendeyeho amezi 3. Irindi shimwe rikomeye ni uko ibyo byambayeho nta mutuelle mfite kuko nari naribuze mu byiciro, ariko Uwiteka yankoreye imirimo amafaranga yo kwivuza biba tuyafite tubasha kwiyishyurira 100%.

Hagati aho n’ubwo umuganga wa CHUK yambwiye ko nta bumuga bukabije mfite, nari nangiritse n’umugongo ukandya cyane ku buryo banteruraga. Nagiye kwa muganga bambwira ko ngomba gutanga ikizamini, ariko nsanga kirahenze ari ibihumbi 350 ndavuga ngo ngiye kwizera Imana nkajya nibuka ubuhamya abandi batanze, uburyo Imana yagiye ibakiza nanjye numva ko izankiza. Icyakora Dogiteri yarebye sede (CD) yanjye asanga igufwa ryagiye ricikagurika aratangara aravuga ngo ni ibitangaza by’Imana kuko abandi bantu bafite ikibazo nk’icyawe bagendera mu tugare, ati 'None wowe uri kugenda?'

Nakomeje kujya nivuza banyohereza mu bitaro byitiriwe Umwami Fayisali bambwira kwishyura miliyoni 7 n’ibihumbi 504. Nahise mbwira Imana nti: 'Mana urabona aya mafaranga sinyafite nonaha, ariko ngiye kukwizera uzankorera imirimo n’ibitangaza'. Ikintu nshimira Imana rero n’ubwo ntarabona amafaranga yo kugura akuma bantegetse, ariko ndagenda ndetse n’iyo nsubiye kwa muganga akareba ukuntu ngenda, ahita yemera gukomera kw’Imana'.

Asoza ubuhamya bwe, Manirakiza Chantal arashima Imana kandi yibutsa abantu ko Imana ikora ibitangaza kuko hari abantu benshi bitewe n’uburibwe barimo bavuga bati: 'Wenda Imana ntigikora', ariko nshingiye kuri iyo mirimo yankoreye mfashe umwanya wo kuyishima kandi mbabwira ko na bo izabakiza.

Source: Zaburi Nshya tv

[email protected]

Iyi ntara imaze igihe izahajwe n’ibikorwa by’iterabwoba n’umutekano mucye bikorwa n’umutwe w’inyeshyamba w’abahezanguni biyitirira idini ya Islam, uzwi muri ako gace nka al-Shababb.

Itangazo rya leta y’u Rwanda ryo ku wa kane rivuga ko ingabo n’abapolisi boherejeyo bazakorana bya hafi n’ingabo za Mozambique hamwe n’ingabo zizoherezwa n’umuryango wa SADC.

Rivuga kandi ko ingabo z’u Rwanda muri Mozambique zizakora “imirwano n’ibindi bikorwa byo kugarura umutekano” by’umuhate wo gusubizaho ubutegetsi bwa Mozambique.

Leta y’u Rwanda ivuga ko izi ngabo zigiyeyo hakurikijwe “amasezerano menshi” ibihugu byombi bifitanye yasinywe mu 2018.

Ibikorwa by’izo nyeshyamba muri Cabo Delgado bimaze guhitana abasivili babarirwa mu bihumbi n’abandi benshi bavuye mu byabo barahunga.

Perezida Nyusi wa Mozambique na Perezida Kagame w’u Rwanda i Kigali mu kwezi kwa kane mu 2021

Mu kwezi kwa kane Perezida Filipe Nyusi wa Mozambique yari i Kigali “kugisha inama Kagame ku kibazo cya Cabo Delgado”, nk’uko ikinyamakuru Africa Intelligence cyabivuze.

Muri Mozambique haheruka kuburira Casssien Ntamuhanga, Umunyarwanda utavuga rumwe n’ubutegetsi mu Rwanda, wari wafashwe n’igipolisi cyaho byitezwe ko yoherezwa mu Rwanda.

Ibihugu byombi ariko nta masezerano yo kohererezanya abakekwaho ibyaha bifitanye nk’uko umunyamategeko wa Ntamuhanga yabibwiye BBC mu kwezi gushize.

Ntamuhanga washakishwaga n’ubucamanza kuko yacitse gereza mu Rwanda, irengero rye kugeza ubu ntirizwi. Abategetsi ba Mozambique bavuze ko hari gukorwa iperereza.

Abasesenguzi batandukanye bavuga ko ikibazo cya Ntamuhanga cyareberwa mu bucuti ubutegetsi bw’ibi bihugu bufitanye.

Nyuma ya Centrafrique, Mozambique ni igihugu cya kabiri muri Africa u Rwanda rwoherejemo ingabo mu buryo buzwi, kurwana ku butegetsi buriho hagendewe ku bwumvikane bwa za leta.

Umuhanzi akaba n’ushinzwe gushakira isoko abakinnyi Gakumba Patrick [Super Manager], yavuze ko yazamuye Kagere ariko akaba yaramwihenuyeho avuga ko ntawumuhagarariye afite(Manager) none na we akaba yaramuteye umwaku akaba nta gitego aratsinda.

Tariki ya 7 Kamena 2021 ubwo Kagere yari mu Rwanda yitabiriye ubutumire bw’ikipe y’igihugu mu mukino wa gicuti Amavubi yakinnye na Centrafrique, yavuze ko nta muntu umuhagarariye(manager) afite, bivuze ko na Super Manager wavugaga ko amuhagarariye batandukanye.

Mu kiganiro n’ikinyamakuru ISIMBI, Super Manager yavuze ko ari we wagejeje Kagere Meddie aho ageze arangije amwihenuraho.

Ati'Abantu bajye bitondera kwihenura ku bantu baba barabazamuye, reka nsubire inyuma gato, nazamuye Meddie Kagere mbifashijwemo n’Imana, na we akora neza izina ryanjye riramenyekana ndabimushimira, ejobundi warabyumvise mu kiganiro n’itangazamakuru yarihenuye aravuga ngo nta manager ngifite, niyo twaba twararangizanyije amasezerano ntibyari ngombwa ngo abibwire buri wese kuko njya gukorana na we ntawe yabibwiye, ariko ni kwa kurengwa ukumva ko waremereye.'

Yakomeje avuga ko gutandukana na we bitazamuhira kuko yamuteye umwaku kuko ngo kuva yatangaza ko batandukanye nta gitego aratsinda.

Ati'ariko buriya jya witonda, buriya hari umuntu utandukana na we Imana irahana, ukaba urazimye, Charly na Nina batandukanye na Muyoboke nibwo mbaheruka, Meddie Kagere atandukana nanjye yari imbere mu bitego, kugeza ubu abamurusha ibitego ni 3 bamuciyeho bose, kuva twatandukana nta gitego kirajyamo, igitego cyarahagaze ntikizongera kujyamo.'

Muri 2018 nibwo Meddie Kagere yasinyiye ikipe ya Simba SC avuye muri Gor Mahia, icyo gihe Super Manager akaba yaragaragaye nk’uwagurishije uyu mukinnyi muri iki gihugu ndetse na nyuma yagiye abivuga ko ari we wamugurishijeyo ari na we umuhagarariye.

Niyonzima yari amaze igihe adashaka kongera amasezerano muri APR FC

Super Manager yavuze ko yamuteye umwaku na we gutsinda igitego bizamugora

Super Manager ngo Kagere yamwihenuyeho

Nyuma y’uko Uwihoreye Mustapha wamamaye nka Ndimbati muri Sinema Nyarwanda atunguranye agashyira hanze ifoto yambaye gisirikare, yabajijwe ipeti yakuyemo ariko yirinda kugira byinshi abitangazaho.

Tariki ya 4 Nyakanga ubwo u Rwanda rwizihizaga Umunsi wo Kwibohora ku nshuro ya 27, Ndimbati yatunguye benshi ubwo yashyiraga hanze ifoto ya kera ari mu gisirikare, aho yahise anahishura ko yari mu basirikare babohoye u Rwanda.

Iyi foto yaherekejwe n’amagambo agira ati 'intego yari iyo kubohora u Rwanda.'

Iyi foto yazamuye amarangamatima ya benshi bagiye bibaza byinshi, bamwe batungurwa no kuba uyu mugabo yarabaye umusirikare.

Mu kiganiro yahaye ikinyamakuru ISIMBI, abajijwe ku ipeti yakuye mu gisirikare, Ndimbati yavuze ko yarikuyemo ariko atajya kurivuga ahubwo ngo abamuzi bazabaze abo babanye bazaribwirwa.

Ati'ipeti narikuyemo, narindifite ariko hari abo twabanye bakirimo, hari abo twabanye bavuyemo, abo bose uzabasha kugirirwa umugisha hari uwo bazahura amubwire ati uriya ndamuzi, kandi ndabizi ahari abajya bahura n’abasirikare, abo twabanye bakababwira bati uriya turamuzi, tumuzi gutya na gutya.'

Ndimbati avuga ko Umunsi wo Kwibobora awishimira cyane kuko umwibutsa byinshi, umusubiza mu buzima yanyuzemo butari bworoshye ariko we na bagenzi be barwananye uru rugamba bakaba barageze ku ntego bari bariyemeje.

Ifoto ya Ndimbati yazamuye amarangamutima ya benshi

Ndimbati ngo Umunsi wo Kwibohora ni umwe mu minsi imushimisha