Category: Uncategorized

Janvier Muhoza uzwi mu ndirimbo ‘Izabikora’ yakunzwe bikomeye mu bihe byashize ndetse n’ubu, yashyize hanze amashusho y’indirimbo ‘Ndi neza’ yakoranye n’abahanzi b’ibyamamare mu muziki wa Gospel ari bo Aime Uwimana, Patient Bizimana, Diane Nyirashimwe, Serugo Ben na Gaby Kamanzi.

Mu kiganiro na InyaRwanda.com, Janvier Muhoza yadutangarije ko iyi ndirimbo ye yasohotse mu buryo bw’amajwi mu mwaka wa 2016, ayitura nyakwigendera Rev Gapusi R.Jean afata nk’umubyeyi we mu mubiri no mu Mwuka, akaba ari indirimbo uyu mubyeyi yakundaga cyane. Yavuze ko yakomeje kubura umwanya wo gukora amashusho yayo, ubu akaba ari bwo Imana imushoboje kuyakora.

Yagize ati “Iyi ndirimbo twayikoze mu 2016 tuyitura Rev Gapusi R.Jean nafata nk’umubyeyi wanjye mu mubiri ndetse no mu Mwuka wari umaze kwitaba Imana kandi yarayikundaga cyane, ndetse yayiririmbye avuye muri ‘coma’ nyuma aza kwitaba Imana. Rero nyuma yabwo naje kuba busy kubera amasomo yandi nagiyemo, ubu nibwo nari mpugutse tugakora Video yayo”.

Janvier Muhoza hamwe na Nyakwigendera Rev Gapusi afata nk’umubyeyi we

Janvier Muhoza yasobanuye impamvu yashimye ko iyi ndirimbo isohoka mu buryo bw’amashusho mu mpera z’uyu mwaka wa 2020. Ati “Impamvu nashatse ko isohoka uyu mwaka ugiye gusoza ni uko mu by’ukuri uyu mwaka wapfuyemo abantu benshi. Ni mu buryo bwo kubwira abantu ko Yesu aduha amahoro ndetse akaturinda mu byago byose tukayishimiramo; kandi n’ubwo twapfa urupfu ruzatubera indamu”.

Ku bijyanye n’impamvu ayisohoye mu gihe hirya no hino ku Isi bari kwizihiza Noheli, yagize ati “Ikibazo cyawe cya Noheli, mu by’ukuri sinayisohoye ngamije Noheli, gusa ntibitandukanye cyane kuko Yesu wavutse ni we twaririmbye ko aduha amahoro mu byago byose. Nkaba mboneyeho kwifuriza abakristo bose Noheli nziza bumva amakuru meza ya Yesu watuvukiye”.

REBA HANO INDIRIMBO ‘NDI NEZA’ YA JANVIER MUHOZA FT ALL STARS

Source: Inyarwanda.com

[email protected]

U Butaliyani butsinze u Bwongereza ku mukino wa nyuma wa Euro 2020 buhita bwegukana iki gikombe yaherukaga mu 1968.

Iki gikombe icyegukanye itsinze kuri penaliti 3-2, ni nyuma y’uko amakipe yombi yari yanganyije 1-1.

Wari umukino wa nyuma w’igikombe cy’u Burayi 2020(Euro 2020) wahuzaga u Butaliyani bwageze ku mukino wa nyuma busezereye Espagne ni mu gihe u Bwongereza Bwongereza bwasezereye Denmark.

U Butaliyani bwaherukaga ku mukino wa nyuma wa Euro 2020 muri 2012 ni mu gihe igikombe cyo bwagiherukaga mu 1968, u Bwongereza bwo nta gikombe cy’u Burayi bwari bwagatwaye ndetse bwari butatagera no ku mukino wa nyuma, wari umunsi wo kureba niba bakwandika amateka bagatwara iki gikombe.

Ku munota wa kabiri w’umukino, u Bwongereza bwabonye igitego cya mbere gitsinzwe na Luke Shaw ku mupira wari uhinduwe na Kieran Trippier.

U Butaliyani bwatangiye gusatira cyane maze ku munota wa 7 yabonye kufura inyuma gato y’urubuga rw’amahina ku ikosa Shaw yakoreye Federico Chiesa, yatewe na Lorenzo Insigne ariko umupira unyura hejuru y’izamu gato.

Ku munota wa 34, Chiesa yafashe icyemezo azamukana umupira anyura ku bakinnyi b’u Bwongereza ariko ateye mu izamu unyura hanze gato yaryo.

Luke Shaw ku munota wa 35 yahinduye umupira mwiza imbere y’izamu ariko Mount ananirwa gushyira mu izamu.

Ku munota wa 45 kandi Stones yongeye kurokora igihugu cye ubwo yitambikaga umupira wari utewe mu izamu, Verratti yasubizamo umunyezamu Pickford akawufata. Igice cya mbere cyarangiye ari 1-0.

Igice cya kabiri cy’umukino u Butaliyani bwaje bushaka igitego, ku munota wa 56, Insigne yateye umupira ariko umunyezamu awukuramo.

Ku munota wa 61, Chiesa yongeye gutera ishoti rikomeye ariko Pickford umupira awukuramo.

Uku gusatira byaje guha u Butaliyani igitego cyo kwishyura ku munota wa 67 ku mupira wari uvuye muri koruneri, Marco Verratti agashyiraho umutwe umupira ugakubita igiti cy’izamu maze Bonucci ahita awushyira mu rushundura.

Amakipe yombi yakomeje gushaka igitego cy’intsinzi ariko iminota 90 irangira ari 1-1 bahita bitabaza iminota 30 y’inyongera. Iyi minota nayo yarangiye nta mpinduka amakipe ahita kwitabaza penaliti.

Aha niho u Butaliyani bwaje kwegukanira igikombe nyuma yo gutsinda penaliti 3-2.

Ku ruhande rw’u Bwongereza, Harry Maguire na Harry Kane bazinjije no mu gihe Rashford, Sancho na Saka bazihushije.

U Butaliyani, Berardi, Bonucci na Bernardeschi bazinjije mu gihe Andrea Belotti na Jorginho bazihushije.

Luke Shaw yishimira igitego cye cyo ku munota wa 2

Pickford yakoze akazi gakomeye muri uyu mukino yakuyemo imipira myinshi

Igitego cya Bonucci yatsinze u Bwongereza

Bonucci ajya kwishimira igitego cye

Sancho na Rashford bagiye mu kibuga basimbura mu minota ya nyuma, bari bitezweho kurokora ikipe muri penaliti ariko bose bazihushije

Pickford wakuyemo penaliti 2 ntabwo yumva uburyo igikombe kibuze

Kane yihanganisha Saka wahushije penaliti ya nyuma

Harry Kane yambaye umudali igikombe akirebera hakuryaaaa

U Butaliyani bwegukanye igikombe bwaherukaga mu 1968

Kuri uyu wa Gatandatu tariki 10 Nyakanga 2021, Chorale de Kigali yasohoye igice cya mbere cy'iyi filime mbarankuru kibanze cyane ku rugendo rw'ishingwa ry'iyi Chorale yabaye ubukombe mu muziki uha ikuzo Imana.

Cyagarutse ku bayishinze, abaririmbyi ba mbere, Perezida wa mbere w'iyi korali n'ibindi. Ibindi bice birimo uko iyi chorale yagiye yiyubaka mu bihe bitandukanye kugeza n’ubu byitezweho guhishura byinshi abantu banyotewe kumenya.

Igice cya mbere cy’iyi filime hifashishijwemo abaririmbye muri iyi korali mu myaka yo hambere, ndetse n’ababanye bya hafi n’abanyamuryango bayo mu myaka yo hambere. Ikiganiro cyayobowe na Rukundo Charles Lwanga, Visi-Perezida wa Chorale de Kigali na Hodari Jean Claude.

Iki kiganiro cyarimo Gasasira winjiye muri Chorale de Kigali mu 1972 aririmba ijwi rya tenoro, Uwimana Jean Marie Vianney wacurangiye iyi korali kuva mu 1971 n'undi musaza wabaye hafi iyi korali n'abaririmbyi b'iyi korali igihe kinini.

Bunganiranye bavuga ko Chorale de Kigali yashinzwe kandi itangirana n'abarimo Matayo Ngirumpatse, Iyamuremye Solve wakoraga kuri Radio Rwanda, Muswayire Paulin, Callixte Kalisa, Claver Karangwa, Fidele Nkurikiyumukiza, Karega Callixte, Léon Mbarushimana n'abandi.

Bavuze ko iyi korali yatangiye haririmbamo abagabo gusa, kubera ko mu mashuri y'abagore batigaga umuziki n'ururimi rw'ikiratani.

Gasasira avuga ko iyi korali yatangiranye n'umuziki wanditse, uko iminsi yicumaga bamwe mu bayishinze bagenda bayihimbira indirimbo zikomeye.

Rwamukwaya yavuze ko Perezida wa Chorale w'iyi Chorale yabaye Gatarayiha wayoboye igihe cy'amezi ari hagati ya biri n'atatu, aho yaje gusimburwa na Muswayire wari Umwarimu muri Kaminuza y'u Rwanda.

Uwimana Jean Marie Vianney yavuze ko Chorale de Kigali yavutse mu gihe hari korali yabicaga bigacika yitwa 'Abanyuramatwi' yabarizwaga mu bice byo mu cyaro.

Ibi ngo nibyo byatumye abashinze iyi korali bongeraho 'Kigali' kugira ngo bumvikanishe ko ari korali y'abanyamujyi.

Fidele Nkurikiyumukiza w'imyaka 86 y'amavuko, yakoreye Radio Rwanda kuva mu 1965, ni umwe mu baririmbyi banatangije Chorale de Kigali. Ati 'Ndi mu ba mbere bagize igitekerezo cyo kuyishyiraho.'

Yavuze ko Chorale de Kigali yashinzwe Paroisse Nkuru ari Saint Famille, icyo gihe St Michel yari itarabaho.

Ko mu 1964 ari bwo yatangiye kwimenyereza umwuga muri Radio Rwanda, ahabwa akazi bya nyabyo mu ntangiriro za 1965, aho yahuriye n’abarimo Claver Karangwa bari barabanye no mu Iseminari, bakajya bakanahurira mu missa.

Yavuze ko we na Claver Karangwa, Leo Mbarushimana bahuriraga muri missa bagiye gusenga, Kiliziya Gatolika igakangurira abakristo guhimba indirimbo ziri mu rurimi rw'abo kavukire bituma batekereza ku guhuza imbaraga bagashinga korali.

Nkurikiyumukiza avuga ko we na bagenzi be bashakaga kujya baririmba mu kiratini, ariko Inama Nkuru ya Kiliziya ikabibutsa kuririmba mu Kinyarwanda.

Anavuga ko gushinga Chorale de Kigali byashyizwemo imbaraga bitewe n'uko batanyurwaga n'imiririmbire y'abaririmbyi baririmbaga mu missa.

Yavuze ko Matayo Ngirumpatse, Soluve Iyamuremye batatangiranye na Chorale de Kigali nk'uko benshi babivuga. Matayo yararimbishaga naho Soluve ari umuhimbyi, ariko ngo bari inkingi za mwamba z'iyi korali bagenderagaho.

Uyu musaza avuga ko Radio Rwanda yagize uruhare rukomeye mu ishingwa rya Chorale de Kigali, kuko abo bakoranaga ari nabo bahuje imbaraga mu kuyishinga.

Fidele Nkurikiyumukiza yavuze ko bakimara gushinga Chorale de Kigali, bagiye bashaka abaririmbyi babikunda kandi bemera kwiga

KANDA HANO UREBE IGICE CYA MBERE CYA FILIME IVUGA UBUZIMA BWA CHORALE DE KIGALI

“>