Webrwanda Backend

Category: Uncategorized

  • Ukwicuza no gusaba imbabazi ku bareganwa na Rusesabagina – #rwanda #RwOT

    Mu iburanisha ryo kuri uyu wa 15 Nyakanga 2021, Urukiko rwahaye umwanya abaregwa bakomeza kugenda bavuga ku bihano basabiwe n’Ubushinjacyaha.

    Shabani Emmanuel ni we wari ugezweho, ahawe umwanya abwira Urukiko ko kugira ngo ajye muri FLN yabitewe n’ubushishozi buke yagize akemera gushukwa azi ko agiye gukorera amafaranga yagombaga guhindura ubuzima bwe n’imibereho yari afite.

    Shabani yabwiye urukiko ko yemera icyaha yakoze akacyicuza akanagisabira imbabazi imbere y’urukiko, u Rwanda n’Abanyarwanda muri rusange.

    Ati “Uruhare rwanjye ntirungira umwere ku byaha ndegwa, ndabasaba mu bushishozi bwanyu ko nabiryozwa nkaba mbyicuza kandi mbisabira imbabazi mwebwe ubwanyu, urukiko n’abanyarwanda muri rusange.”

    Shabani yasabye ko yahabwa imbabazi mu bushishozi bw’urukiko, kubera ko yakomeje gusaba no kuzisaba abanyarwanda kuko amaze kugororoka atazongera gutatira igihango cya Ndi Umunyarwanda kandi ko yiteguye kugendera ku ndanganagaciro za Ndi Umunyarwanda.

    Yasabye kugabanyirizwa ibihano maze akanabisubikirwa.

    Ati “Sinasoza ntabashimiye umwanya mwampaye ngo ngaragaze uruhare rwanjye mu bikorwa bya MRCD-FLN, igihe maze muri gereza nasubije amaso inyuma mbasha kwisubiraho nsanga hari byinshi namaze gusobanukirwa.”

    Matakamba Jean Berchmans we yavuze ko yemera icyaha ndetse no mu ibazwa mu bugenzacyaha, mu Bushinjacyaha no mu Rukiko atigeze agihakana.

    Yabwiye Urukiko ko yizeye ubutabera bw’u Rwanda kandi n’amahanga abureberaho ari na yo mpamvu nk’uko yabisobanuye mbere yemeye uruhare rwe mu cyaha ashinjwa, bityo akaba yiteze guhabwa imbabazi akagabanyirizwa ibihano.

    Matakamba yavuze ko mu kwemera icyaha kwe yagaragaje ukuri kose, avuga n’abo bakoranye ndetse n’uburyo bagiye bakoranamo by’umwihariko mu gitero cyo muri Nyakarenzo.

    Yavuze ko icyo yari ashinzwe nk’umuntu wakoreraga muri Repubulika Iharanira Demokarasi ya Congo, bamuhaga ibikoresho birimo za gerenade akabizanira abari abarwanyi ba MRDC-FLN. Ikindi yahishuriye urukiko ni uko hari amadorali 100 bahaga umuntu wagiye mu bitero, na we akaba yarahembewe ibitero bibiri yagiyemo.

    Matakamba yavuze ko ibyaha yakoze abyemera bityo asaba urukiko kumugabanyiriza ibihano kandi rukanabisubika.

    Nshimiyimana yasabye kujyanwa i Mutobo kwigishwa amateka y’igihugu

    Nshimiyimana Emmanuel yavuze ko kwinjira mu mitwe ya MRCD-FLN byabaye ashimuswe akuwe mu ishuri nk’uko yabisobanuye mu iburanisha.

    Yavuze ko ari inyeshyamba zabavanye mu ishuri zibajyana zibaziritse amaboko, bahita bajya mu bikorwa by’iterabwoba. Ati “Najyanywe mu gisirikare nshimuswe, ntabwo nakinjiyemo ku bushake bwanjye.”

    Nshimiyimana yavuze ko yatangiye amashuri abanza mu 2001, ajyanwa mu mahugurwa ya gisirikare akuwe mu ishuri ubwo yigaga mu wa gatatu w’amashuri yisumbuye mu 2009.

    Yavuze ko bari barabwiwe ko umuntu wese utashye leta y’u Rwanda ihita imwica ari na yo mpamvu ubwo yageragezaga gutoroka igisirikare, atigeze atorokera mu Rwanda ahubwo yagiye mu mashyamba ya Repubulika Iharanira Demokarasi ya Congo.

    Nshimiyimana yabwiye Urukiko ko iriya mitwe y’iterabwoba yari ifite uburyo itanga amafaranga mu ngabo za Congo ku buryo yagerageje gutoroka mu 2018, agiye muri Monusco ariko agatangirwa ruswa, afatwa n’ingabo za Congo zimusubiza inyuma.

    Yavuze ko adakwiye kuryozwa ibyaha byo kuba muri iyi mitwe ya MRDC-FLN kuko yinjijwemo ku ngufu, ku gahato bityo akwiye gufatwa nk’uwagizweho ingaruka n’ibyaha byakozwe na MRCD-FLN.

    Ati “Ndasanga ibihano bidakwiye kuri njye, ahubwo icyo nari nkwiye ni uko nakwigishwa amateka y’igihugu nanjye ngafatwa kimwe n’abandi twafatanywe bari i Mutobo, harimo abana twiganaga, harimo abayobozi bari bakomeye ndetse banyijije muri iriya mitwe”

    Yakomeje agira ati “Abo bose bari i Mutobo, nanjye nkaba nsaba aho kugira ngo mpabwe ibyo bihano nahabwa ayo mahirwe yo kwigishwa amateka y’igihugu nkavanwa mu mwijima twari twarashyizwemo n’iriya mitwe.”

    Uwunganira Nshimiyimana yavuze ko umukiliya we yafashwe bunyago nk’uko hari abandi bana bafatanywe bagiye binjizwa muri iyi mitwe ku ngufu, bityo nk’uko biteganywa n’amategeko akaba akwiye kurekurwa kuko yinjijwe mu bikorwa bibi ku gahato.

    Iyamuremye Emmanuel wari wasabiwe n’Ubushinjacyaha gufungwa imyaka 20, yavuze ko nta bushake yigeze agira bwo kwinjira mu kitwe y’iterabwoba ahubwo yagiye ashiduka yayinjijwemo ndetse ngo kuyivamo ntabwo byabaga ari ibintu byamushobokera kuko uwafatwaga yatorotse yabaga ashobora guhanishwa igihano cy’urupfu.

    Yavuze ko ibikorwa by’ibitero byagabwe n’iyi mitwe nta ruhare yabigizemo kuko nta bujyanama yatangaga mu kubitegura cyangwa kubiyobora.

    Avuga ko atigeze yumvikana n’ubuyobozi ubwo bwamusabaga kuyobora ibitero byagiye bigabwa ku butaka bw’u Rwanda.

    Iyamuremye yanabwiye Urukiko ko nta bitero yigeze ategura cyangwa ngo abiyobore ari nayo mpamvu yafatiwe ku mupaka n’Urwego rushinzwe Abinjira n’Abasohoka ubwo yari aje mu Rwanda arimo gusohoka muri iyi mitwe y’iterabwoba.

    Yakomeje agira ati “Nanjye nkaba nasabaga ko nk’uko abo twabanye banyujijwe i Mutobo bari kwigishwa Uburere Mboneragihugu […] nanjye ari uko byangendekera nkajyanwa i Mutobo nkigishwa uburere mbonera gihugu ngasubizwa mu buzima busanzwe.”

    Yavuze ko kuri ubu amaze gusobanukirwa ko igihe bamaze bari muri iriya mitwe itemewe batakaje byinshi cyane nabo bakabaye barimo kugira uruhare mu iterambere ry’igihugu.

    Iyamuremye yavuze ko mu gihe yaba atajyanwe i Mutobo, urukiko rwazakoresha ubushishozi bwarwo bityo akanahabwa ibihano akaba yabisubikirwa akabona amahirwe yo gusubizwa mu buzima busanzwe.

    Ati “Narangiza nsaba imbabazi, imbere y’urukiko n’Abanyarwanda by’umwihariko abagizweho ingaruka n’ibitero, ababuze ababo n’abakuwe mu byabo. Nkaba nizeza ko ngize amahirwe yo gusubizwa mu buzima busanzwe nafatanya n’abandi kubaka igihugu.”

    Nsabimana Callixte wamamaye nka Sankara yaganiraga n’umwunganira mu mategeko mbere y’uko iburanisha ritangira

    Matakamba Jean Berchmas yabwiye urukiko ko mu iburanisha yagiye yemera icyaha akanagaragaza ukuri kose bityo akwiye gukurirwaho ibihano cyangwa agahabwa ibihano bisubitse

    Nsabimana Callixte nawe yari yitabye Urukiko n’ubwo we yamaze kugaragaza icyo avuga ku busabe bw’Ubushinjacyaha bwamusabiye gufungwa imyaka 25

    Mu Rukiko, abaregwa baba bahuze bari gusoma dosiye zabo kugira ngo babe biga ku byo baza kwireguza

    Mukandutiye Angelina niwe mugore rukumbi ureganwa na Paul Rusesabagina

    Matakamba yatakambiye urukiko asaba guhabwa imbabazi

    Niyirora Marcel yatakambiye urukiko arusaba kugabanyirizwa ibihano cyangwa agahabwa ibihano bisubitse

    Nshimiyimana Emmanuel yabwiye Urukiko ko yifuza kurekurwa akajyanwa i Mutobo kwigishwa Uburere Mboneragihugu

    Shabani Emmanuel yavuze ko asaba imbabazi Abanyarwanda by’umwihariko abagizweho ingaruka n’ibitero bya FLN

    Uru rubanza ruregwamo abantu 21 bose bakurikiranyweho ibyaha bifitanye isano n’iterabwoba

    Amafoto: Igirubuntu Darcy

  • Painful testimony

    Source : https://agakiza.org/Painful-testimony????????his-family-was-killed-during-Christian-Persecution-in-8169-8169-8169-8169-8169-8169.html

  • Turimo turakora iki kuri mission twasigiwe na Yesu?-Past Desire Habyarimana #rwanda #RwOT

    Bibiliya igizwe n’amagambo 2 makuru: Irya mbere ni itegeko rikuru, irya kabiri ni inshingano nkuru. Mission Yesu yaduhaye ni ukujyana ubutumwa bwiza kugera ku mpera y’isi. Iyo urangije kwizera(kwakira Kristo Yesu nk’Umwami n’Umukiza), nicyo gikurikiraho. Hakurikiraho kubwira abandi ibyo Yesu yakoze mu buzima bwawe, binyuriye mu mpano ufite(Kuririmba, kubwiriza, kwera imbuto mu buryo butandukanye…) abandi bantu bakaza kuri Kristo.

    Ese koko iyi Mission irimo gukurikizwa nk’uko twayisigiwe?

    Ntabwo nzi ahandi uko bimeze, ariko turebye mu karere k’ibiyaga bigari mission Yesu yasigiye itorero ikurikizwa ku rugero ruri hafi ya ntarwo! Kuko natanga ingero zifatika, amatorero makuru dufite hano amenshi arengeje imyaka 100 ariko biratangaje kuba nta mumisiyoneri dufite! Biratangaje kuba tudashobora kwishyira hamwe nkayo matorero ngo dukore ikintu gituma twohereza abamisiyoneri benshi bashoboka. Kandi muri Africa honyine, turacyafite amoko ibihumbi 16000 batarumva ko Yesu akiza n’umunsi umwe!

    Wibuke ko twebwe ubutumwa bwiza bwatugezeho hashize imyaka 1900 Yesu avuye mu isi, ubwo sinzi niba bizategereza imyaka ingana gutyo ngo abandi nabo bagerweho. Abo baracyatamba ibitambo by’abantu, baracyasenga ibintu bya gakondo, baracyabandwa bagaterekera, ntacyo bazi kuri Yesu. Ukibaza, mu myaka ijana turimo turakora iki? Nta na kimwe tubuze, ukurikije ibisengero twubaka n’imishahara abashumba bafata n’imodoka bagendamo.

    Nta na kimwe tubuze, yewe n’uwafata familles nk’ijana gusa ibiryo basiga ku meza buri munsi ukabyegeranya byatunga umumisiyoneri! Ariko uwo mutima ntituwufite.

    Byapfiriye he ngo mission Yesu yadusigiye ntigerweho?

    Umutima wo kugira ngo mission ya Yesu igerweho ntushoboka mu gihe abantu batawutojwe. Kuko Yesu mbere yuko abohereza ngo bajye ku mpera y’isi, yabanje gufata igihe cyo kubatoza kukigero cyiri hejuru kugeza ubwo abatinyura n’urupfu. Niyo mpamvu iyo usomye mu Baheburayo 11, ureba impfu bapfuye ukumva ziteye isoni, ziteye n’ubwoba! Ariko bakazemera kuko bari baratojwe baratinyuwe.

    Njyewe rero mbona tumeze nk’uko wafata umusivile, ukamuha imbunda ukamwohereza ku rugamba. Yagukorera ibitangaza! Ariko impamvu umusirikare bamufata bakamutoza amakosi atandukanye bitewe n’icyo bazamukoresha, ni ukugira ngo agere igihe atinyuke, yumve ko abereyeho abandi ntabe akitekerezaho nkawe, amenye ko abereyeho igihugu, abereyeho amahanga. Hari umugani numvise sinzi niba ari umugani, uvuga ngo 'Wanga kumenera amaraso igihugu cyawe, imbwa zikayanywera ubusa!’.

    Mu buryo bw’ubumana nabwo ni nk’uko: Iyo wanze kuzuza inshingano ya Yesu kugira ngo ukore icyo yakuremeye, n’ubundi uzapfa. Hanyuma upfe ntacyo ukoze mu Bwami bw’Imana tutazakwibuka nk’intwari yo kwizera, tutazakwibuka nk’umuntu wazanye ububyutse, tutazakwibuka byibuze nk’uwafashije abakene.

    Inyigisho mbi zituzuye zitangirwa mu matorero ziratungwa agatoki mu kwangiza mission ya Yesu

    Igihe cyose tutarahindura uburyo abantu barimo kwigishwa, usibye imyaka ijana gusa n’imyaka 400 izashira kuko ubutumwa bwigishwa hano, ni ubutumwa butuzuye. Agakiza kagomba kuba ari agakiza kuzuye iyo kageze mu bice 3: Mu mwuka, mu bugingo, no mu mubiri. Iyo ufashe rero abantu ukabigisha ubutumwa bw’Umwuka utambaye umubiri, uba uhemutse! Ugomba kumwigisha, ni iki agakiza gakora mu mwuka, mu bugingo no mu mubiri. Hanyuma uzaba umutegura kubaho igihe kirekire akora icyo yaremewe, ariko nanone adatakaje mission ya Yesu agomba no kubaho mu buzima busanzwe.

    Rero ubona abatwigishije baratwigishije umwuka ubaho mu kirere, umwuka utambaye umubiri. Hanyuma uwo mwuka uba mu kirere utuma duhora twiruka inyuma y’isi, turasa nk’aho turi mu marushanwa y’imibereho n’ubuzima. Tugarutse kuri mission ya Yesu hari ibyifuzo 4 tugomba kubahiriza mbere yuko tuvuga ibyacu, mu isengesho rya Data wo mu ijuru: Imana igomba kukubera so ikakubyara, ukabaho ubuzima buyubaha, ukamamaza ubwami bwayo, ubushake bw’Imana bukaza mu gace utuyemo ukabona gusaba ifunguro.

    Birababaje niba kubaha Imana tuyubahira umugati, ubuntu bw’Imana ukabunganya n’imodoka ugendanamo, n’inzu ugiye kubamo, n’abana uzabyara, uba utekereza ibintu biciriritse! Mu gihe Yesaya we yahanuye Yesu hasigaye imyaka 700, mu gihe Nowa Imana yamuhishuriye ibintu bisigaje imyaka 120 bikaba. Mu gihe abandi basize igisekuru gifite umurage ushingiye ku Mana, twebwe tuzasiga iki? Niba uri umukire uyu munsi, hazaza abakire bashyashya uzaba utakibukwa uko iminsi igenda iza.

    Dukwiye kuba dutekereza ibintu byibuze nko mu myaka nk’150, ukavuga uti njyewe ntagihari umwuzukuru wanjye ni uwuhe murage w’ubuMana nzamusigira, ugatangira kubyubaka nonaha. Urugero, Amerika imaze imyaka nka 300 ibayeho , ariko abongereza bageze muri amerika abantu bagapfa muri za ntambara banyuzemo, hari ikintu bakoze cyakora ku mutima w’Imana. Bohereje abamisiyoneri, Imana ihita ibasezeranya umugisha. Kubera ko batabaho kubwabo, ahubwo babayeho kubw’inyungu z’Ubwami bw’Imana.

    Indege ya mbere yakozwe yatwaye abamisiyoneri, Empurimori(Imprimerie) ya mbere yakozwe yakoze Bibiliya, n’ibindi…Ubu n’abari muri Amerika badakijijwe barimo kurya ku mugisha wa basekuru bakoreye. Amatorero rero, nibahagarike kwigisha umwuka utambaye umubiri, bigishe ubutumwa bwiza bwuzuye bushobra gufasha umuntu mu mwuka, mu bugingo no mu mubiri.

    Impuguro ziri muri iyi nyigisho zatanzwe na Pasiteri Habyarimana Desire. Wayikurikira yose hano:

    [email protected]

    Source : https://agakiza.org/Turimo-turakora-iki-kuri-mission-twasigiwe-na-Yesu-Past-Desire-Habyarimana.html

  • Gusuzuma Covid-19 bigiye gukorerwa mu tugari #Rwanda #RwOT via @kigalitoday #rwanda #RwOT

    Gusuzuma Covid-19 bigiye gukorerwa mu tugari
    Gusuzuma Covid-19 bigiye gukorerwa mu tugari

    Ibyo byatangarijwe mu kiganiro inzego zitandukanye za Leta zagiranye n’itangazamakuru kuri uyu wa 15 Nyakanga 2021, mu rwego rwo gusobanura ibijyanye n’ingamba zaraye zifashwe n’Inama y’Abaminisitiri.

    Ukwezi kwa Nyakanga ngo kwaranzwe no kwiyongera kw’imibare y’abandura Covid-19 mu turere dutandukanye, ariko by’umwihariko muri dutatu tugize Umujyi wa Kigali hamwe n’utundi umunani.

    MINISANTE ivuga ko ubwandu bwa Covid-19 bwafashe indi ntera mu minsi 45 ishize kuko nko mu kwezi kwa Kamena gutangira hari abantu 30 bagaragaraho ubwandu bushya, gusa ngo uko iminsi yashiraga ni ko imibare yagiye izamuka kugeza aho muri Nyakanga abagaragayeho ubwandu bushya ku munsi bageze kuri 800, ndetse hakaba hari n’igihe barenze 900.

    Iyo mibare kandi ngo yagiye igaragaramo abarwayi barembye ku buryo byatumye bimwe mu bitaro n’amavuriro yari asanzwe yita ku barwayi ba Covid-19, yari yarafunze yongeye gufungurwa kugira ngo akomeze kwakira no kwita ku barwayi kubera ko hakirirwaga abarwayi bakeneye kwitabwaho mu buryo budasanzwe.

    Ibyo byose byanatumye imibare y’abahitanwa na kino cyorezo yiyongera kuko hari n’igihe hapfuye abantu 22 ku munsi umwe.

    Ngo ingamba zari zarafashwe ntizabashije guhindura imibare mu buryo babyifuzaga, ariko kandi ngo zatumye ibintu bitazamba kurushaho kuko n’ubwo imibare yatumbagiye cyane mu turere 11 ariko ishusho y’igihugu cyose muri rusange itameze nabi.

    Minisitiri w’Ubuzima, Dr. Daniel Ngamije, avuga ko mu gushyira mu bikorwa Guma mu Rugo bizajyana no gusuzuma abantu mu tugari.

    Ati “Mu gushyira mu bikorwa Guma Rugo turaza gusuzuma by’umwihariko mu Mujyi wa Kigali ndetse no mu tundi turere twavuga ko ubwandu bwiyongereye cyane, turaza gusuzuma abantu mu kagari aho batuye. Turabasanga mu kagari byibura dushyire ahantu habiri muri buri kagari, aho abantu bazajya kwisuzumishirizamo Covid-19 kugira ngo bamenye uko bahagaze”.

    Minisitiri Ngamije avuga ko muri uko gusuzuma uzajya asanganwa ibimenyetso bigaragaza kuremba, azajya ahabwa imiti kuko hari izwi igabanya ubukana bw’iyo virus ariko kandi ngo bizaba bibaye n’umwanya mwiza wo kugira ngo arusheho gukurikiranirwa hafi, bareba n’imihumekere ye kugira ngo arusheho gufashwa no kwitabwaho.

    Biteganyijwe ko gahunda ya Guma mu Rugo mu turere 11 harimo n’Umujyi wa Kigali, izatangira kuri uyu wa Gatandatu, ari na bwo gahunda yo gusuzuma Covid-19 mu tugari izatangizwa.


  • Twigire hamwe igitabo cya Nehemiya (IV) #rwanda #RwOT

    Kandi irembo rinyuzwamo imyanda risanwa na Malikiya mwene Rekabu, umutware wo mu butware bw’i Betihakeremu. Uwo araryubaka ateraho inzugi zaryo n’ibyuma bizihindira n’ibihindizo byaryo. Dukomeje inyigisho yacu mu gitabo cya Nehemiya uyumunsi turareba irembo rinyuzwamo imyanda (Nehemiya: 3:14)

    Nehemiya ageze i Yerusalemu ubwo yajyaga gusura amarembo ya Yerusalemu yasanze iri rembo na ryo ryarasenyutse ategeka ko ryongera rigasanwa.

    Igihe abisiraheli bari mu butayu Mose yajyanye ihema arishinga hirya y’ingando z’amahema yabo ahitaruye aryita ihema ry’ibonaniro uwashakaga Uwiteka wese yavaga mu ngando akajya ku ihema ry’ibonaniro ryari hirya yaho. Kuva: 33:7

    Ibi byatumye Abisiraheli bakomeza uyu muco ariko bageze i Yerusalemu mu marembo 12 yaragize umurwa wa Yerusalemu harimo n’irembo rinyuzamwo imyanda, impamvu yaryo kwari ukugira ngo ushaka kujya mwihema ry’ibonaniro wese abanze ajye kw’irembo rinyuzwamo imyanda akore icyo bitaga gusesa ivu aribyo twita kwihana ibyaha muri iki gihe, abone kujya mw’ihema ry’ibonaniro atunganye adafite imyanda (Ibyaha).

    Uwo ni wo mumaro w’irembo rinyuzwamo imyanda ryasohoraga imyanda igatemba ntiyongere guteza ikibazo ,

    Aho rero hari nko ku gikarabiro aho banyuraga bakabanza bakihezura bagakuraho ibyaha byo mu mirimo yabo kugira ngo babone kwegera ihema ry’Imana.

    Iyo witegereje muri iki gihe usanga iri rembo rinyuzwamo imyanda ryarasenyutse abantu ntibakimenya kwihana ibyaha mbere yo gukora umurimo ahubwo bawukorana ibyaha,

    Abandi nabo babuze abo baturira kuko usanga muriki gihe abantu bo kwizerwa arihafi ya ntabo, hari abatinya ko bamara kwatura ibyo batuye bikabatanga hanze. (Hakenewe abantu bakwiye kubitswa amabanga kugira Ngo bafashe abandi gukira ibikomere

    Irembo rinyuzwamo imyanda umumaro waryo m’ubisiraheli nuko imyanda yaricagamo igatemba ikagenda ntiyongere guteza ikibazo aho babaga bari.

    Ibi rero bitandukanye n’iki gihe abantu bamwe ntibacyihana iri rembo ryarasenyutse. Abandi ntibabona aho banyuza imyanda (abo baturira) abantu babaye nk’inkuge zimenetse ntibagifite ibanga ry’umurimo muri bo.

    Imana idufashe kugira ngo iri rembo na ryo risanwe haboneke abantu bo kwizerwa bafashe abandi kandi imitima y’abantu na yo yongere itsindwe imeneke kandi ihinde imishyitsi abantu be gukomeza gukorana ibyaha umurimo w’Imana.

    Dusenge:

    Mana duhe imitima mishya kandi aya marembo yose yasenyutse akomeze kubakwa no gusanwa biciye muri aya magambo turikwiga. Tubisabye twizeye mw’izina rya Yesu Kristo. Amen.

    Ev Innocent.

    Source : https://agakiza.org/Twigire-hamwe-igitabo-cya-Nehemiya-IV.html

  • Perezida wa Real Madrid yatutse Cristiano Ronaldo ko ari imbecile y’umurwayi utuzuye #rwanda #RwOT

    Florentino Perez akaba perezida wa Real Madrid hagiye hanze amajwi ye yo muri 2012 avuga ko Cristiano Ronaldo ari imbecile mu gihe Jose Mourinho we atuzuye, hari kandi amajwi nayo yagiye hanze yumvikana avuga ko bose biyumva.

    Aba bagabo uko ari babiri(Cristiano Ronaldo na Jose Mourinho) bakomoka muri Portugal, bombi bari Real Madrid ubwo Perez yongeraga gutorerwa kuyobora iyi kipe, aho nka Cristiano Ronaldo yagezeyo muri 2009, nyuma y’iminsi 11 atorewe kongera kuyobora Real Madrid.

    Mu majwi yashyizwe hanze n’ikinyamakuru El Confidencial, Perez yumvikana avuga ko Cristiano ari imbecile arwaye.

    Ati' ni umusazi, uyu musore ni imbecile, ararwaye. Ukeka ko yuzuye? Ntabwo yuzuye, bitabaye ibyo ntabwo yakabaye akora ibintu akora. Ikintu cy’ubugoryi cya nyuma yakoze mwarabibonye, kuki ukeka ko yakoze biriya bintu by’ubugoryi?'

    Ntabwo muri ayo majwi Perez avuga icyo kintu cy’ubugoryi yakoze.

    Muri aya majwi kandi Perez yatatse uhagarariye Mourinho na Ronaldo ari we Jorge Mendes aho avuga ko nk’umujyanama wabo adashobora guhindura imyanzuro yabo.

    Ati' Mendes ntabwo amutegeka cyangwa se Mourinho, yaba n’ibiganiro n’itangazamakuru. Bariyumva cyane bumva ko ibintu byakorwa uko babyifuza, barangiritse. We n’umutoza ntibabona ukuri kuko bari kwinjiza amafaranga menshi iyo baba batandukanye. Bose ntabwo buzuye kuko ubu turi kuvuga ku mafaranga menshi bitewe n’isura yabo.'

    'Ikigeretse kuri ibyo, isura bafite, n’imyitwarire yabo bakabaye bangwa na buri umwe ariko kwamamaza biratandukanye.'

    Uretse aya majwi kandi hashyizwe hanze amajwi y’uwahoze ari umunyezamu w’iyi kipe, Casillas na Raul wabaye kapiteni w’iyi kipe avuga ko ari abanyamanyanga bakomeye.

    Perez yise Cristiano Imbecile

    Perez yavuze ko Mourinho atuzuye

    Source : http://isimbi.rw/siporo/article/perezida-wa-real-madrid-yatutse-cristiano-ronaldo-ko-ari-imbecile-y-umurwayi-utuzuye

  • RDC: Matata Ponyo wahoze ari Minisitiri w’intebe afungishijwe ijisho #Rwanda #RwOT via @kigalitoday #rwanda #RwOT

    Ubutabera bushinja uwo mugabo, kuba ngo yarishyuye Miliyoni 110 z’Amadolari ya Amerika kuri konti z’abantu batabaho, bagizweho ingaruka na politiki ya ‘zaïrianisation’ ku bigo by’abanyamahanga mu gihe yari muri Guverinoma.

    Umunyamategeko wa Matata witwa Me Laurent Onyemba, yabwiye ibiro ntaramakuru by’Abafaransa ati “Iyi dosiye ishingiye kuri politiki. Turateganya gusaba ko urukiko rumuhamagaza kuko ubundi ntacyo yakoze”.

    Me Onyemba ati “Harimo ibintu bitari ukuri. Twazanye urutonde rw’abishyuwe, inyandiko zisobanura amadeni yakomotse kuri ‘zaïrianisation’, muri make amadosiye yose yateguwe imyaka myinshi mbere y’uko ajya muri Guverinoma”.

    ‘Zaïrianisation’ ni uburyo bwo kwimura Abashoramari b’abanyamahanga nta ndishyi bahawe, ibyo bikaba byaremejwe guhera mu 1973, bikozwe na Mobutu Sese Seko wabaye Perezida wa Zaire (RDC ubu).

    Matata Ponyo ubu uri ku mwanya wa Senateri, yabaye Minisitiri w’imari mu 2010 – 2012, aba Minisitiri w’intebe guhera mu 2012 kugeza mu 2016, mu gihe cy’ubutegetsi bwa Joseph Kabila Kabange.

    Mbere bigitangira Abasenateri ba Congo-Kinshasa bamaganye ikurikiranwa rya Matata, ariko ku itariki 5 Nyakanga 2021, batandatu mu bagize ‘Sénat’, mu gihe inteko yari yateranye bisabwe n’Umushinjacyaha wo ku rukiko rushinzwe kurinda itegeko nshinga, bemeje ko Senateri Matata Ponyo, akurwaho ubudahangarwa yahabwaga n’uko ari mu nteko ishinga amategeko.

    RDC urukiko rushinzwe kurinda Itegeko Nshinga ni rwo ruburanisha Perezida na Minisitiri w’intebe ku byaha bakoze mu gihe bari bakiri muri iyo myanya.

  • Abo mu miryango irimo abanduye Covid-19 barasabwa kutava mu ngo zabo #Rwanda #RwOT via @kigalitoday #rwanda #RwOT

    Minisitiri Gtabazi arasaba abo mu miryango irimo abanduye Covid-19 kutava mu ngo zabo
    Minisitiri Gtabazi arasaba abo mu miryango irimo abanduye Covid-19 kutava mu ngo zabo

    Ibyo biravugwa mu gihe hari nk’umuryango urimo uwahahiraga urugo ariko akaba atagisohoka kuko yanduye Covid-19, ariko bikaba ngombwa kw’abandi bo muri uwo muryango basohoka bakajya gushaka ibitunga urugo, ari ko bahura n’abandi bantu.

    Urugero ni umugabo wanduye Covid-19 wo mu mudugudu wa Byimana ya mbere Akagari ka Byimana, Umurenge wa Matimba, afite impungenge ko umuryango we ushobora kwanduza abandi bantu mu gihe bamwe mu bagize uwo muryango basohoka gushaka amazi n’ibindi bigomba kubatunga.

    Aganira na Kigali Today kuri uyu wa kane tariki ya 15 Nyakanga 2021, yavuze ko amaze icyumweru yipimishije bamusangana Covid-19 ndetse guhera ubwo yishyira mu kato.

    Avuga ko kugira ngo ubuzima bukomeze umugore we ari we usohoka mu rugo akajya gushaka amazi ndetse no guhaha ibiribwa kuko bifungiranye bose batashobora kubaho.

    Ati “Imbogamizi ihari urumva kuba naranduye mfite impungenge ko n’umuryango wanjye ushobora kuba waranduye, ariko turamutse twanduye twese tukaguma hano mu nzu twabaho gute, ni kwa gupfa na none”.

    Akomeza agira ati “Uyu ni umunsi wa karindwi ndyamye mu rugo mu gihe ari jye wazindukaga nkafata akagare nkabona icyo kurya urumva ni ikibazo gikomeye, badushyira muri Guma mu Nzu urumva twabaho gute? Urumva basanga twarapfuye.”

    Avuga ko habonetse iby’ingenzi byabafasha nk’ibiribwa, ibikoresho by’isuku ndetse n’amazi nta muntu wakongera gusohoka mu rugo kuko afite impungenge z’uko umuryango we ushobora kwanduza abandi baturage.

    Ati “Maze kwipimisha basanze nanduye nashatse gupimisha umuryango wose ariko mbona byadushyira mu kaga, none se ni nde waduha amazi. Niba nararwaye mfite yenda 5,000 frw, ariko se twese badupimye bagasanga twanduye ni nde wajya kuduhahira? Umudamu ni we ujya gushaka ibyo dukeneye kugira ngo turamuke.”

    Avuga ko hari n’abandi bashobora kuba bafite ikibazo nk’icye batinya kujya kwipimisha kugira ngo batabura uko babaho.

    Ubundi amabwiriza ya Minisiteri y’Ubuzima ateganya ko umuntu wagaragayeho ubwandu bwa Covid-19, yishyira mu kato ndetse n’umuryango ukajya mu kato ntusohoke mu rugo guhura n’abandi bantu.

    Ibikoresho nkenerwa nk’ibiribwa ku bafite amikoro macye ndetse n’amazi, inzego z’ibanze zikabafasha kugira ngo ubuzima bukomeze.

    Mu kiganiro yagiranye na Radio Rwanda kuri uyu wa Kane tariki ya 15 Nyakanga 2021 ku ngamba nshya zigomba gutangira gukurikizwa guhera kuwa 17 Nyakanga 2021, cyane ku turere twashyizwe muri Guma mu Rugo, Minisitiri Gatabazi, yasabye ko imiryango irimo abarwayi inzego z’ibanze zayifasha kugira ngo idasohoka kwanduza abandi.

    Yagize ati “Abarwayi bagomba kuguma mu rugo ndetse tukaba tunasaba ko abari muri urwo rugo rurimo abarwayi umwe cyangwa babiri, baba bakwiye kutagenda kuko haba hari ibyago by’uko bashobora kugenda na bo yenda banduye, ariko bataripimisha ngo bamenye uko bahagaze.”

    Yakomeje agira ati “Turasaba abarwaye ko baguma mu ngo zabo, tugasaba abajyanama b’ubuzima, abayobozi b’inzego z’ibanze gusura abo baturage bafite rimwe na rimwe ibibazo by’imibereho kugira ngo babafashe nk’umuryango nyarwanda. Abaturanyi babo bababonere ibyo barya n’aho bidashobotse Leta ikaba yagira uruhare mu gufasha abo bantu basabwa kuguma mu ngo kubera ibyago byo kwandura Covid-19.”

    Minisitiri Gatabazi avuga ko byafasha ko abarwaye badasohoka bajya gushakisha imibereho, kuko bakwirakwiza ubwandu.


  • Umunyezamu washinjwaga ruswa yabihakanye, umupira awushyira kuri Gasogi United #rwanda #RwOT

    Umunyezamu wahoze akinira AS Muhanga, Rupari yahakanye icyaha cyo gukoresha ruswa akurikiranyweho avuga ko ahubwo abantu bo muri Gasogi United ari bo bamuhamagaye we nta we yigeze ahamagara.

    Mu ntangiriro z’uku kwezi kwa Nyakanga 2021 nibwo umunyezamu Mbarushimana Emile uzwi ku izina rya Rupari, yatawe muri yombi akurikiranyweho icyaha cyo gusaba ruswa mu mikino ya Shampiyona y’Icyiciro cya Mbere ikipe ye yakinnye mu mwaka w’imikino wa 2020/21.

    Umwe mu mikino yashinjwaga kwaka ruswa ari na wo watumye atabwa muri yombi, ni uwo iyi kipe yatsinzwemo na Gasogi United 4-0 wabaye tariki ya 25 Kamena 2021.

    Kuri uyu mukino, uyu munyezamu humvikanye amajwi ye avugana n’abantu bo muri Gasogi abaca ibihumbi 600 kugira ngo babahe amanota, uyu munyezamu yumvikana avuga ko ayo mafaranga bagomba kuyagabana ari 3(we n’abandi bantu babiri bo mu ikipe), aho yijeje uyu muntu ko bazabona ibitego bitari munsi ya 3.

    Uyu munyezamu tariki ya 3 Nyakanga nibwo yatawe muri yombi n’Urwego rw’Igihugu rw’Ubugenzacyaha(RIB) aho byanavugwaga ko we ku giti cye yiyemereraa icyaha.

    Urubanza rwe rukaba rwatangiye kuburanishwa uyu munsi ku wa Kane tariki ya 15 Nyakanga aho yaburaniye ku Rukiko rw’Ibanze rwa Nyamabuye muri Muhanga, akaba yahakanye ibyaha bya ruswa akurikiranyweho ndetse ashimangira ko nta muntu wo muri Gasogi United yahamagaye ahubwo ari bo bamuhamagaye.

    Rupari yahakanye ibyo aregwa

    Source : http://isimbi.rw/siporo/article/umunezamu-washinjwaga-ruswa-yabihakanye-umupira-awushyira-kuri-gasogi-united

  • U Rwanda n'u Burundi turi ababyara kandi ababyara barakubagana_ Perezida Evaritse #rwanda #RwOT

    Perezida w'u Burundi, Evariste Ndayishimiye, yavuze ko umubano w'igihugu cye n'u Rwanda uri kugana mu nzira nziza, nubwo hatabura ibibazo nk'ibihugu 'by'abavandimwe'.

    Yabitangarije mu kiganiro aherutse kugirana n'ibinyamakuru byo mu Bufaransa birimo RFI na France 24 mu ruzinduko amazemo iminsi i Kinshasa muri Repubulika Iharanira Demokarasi ya Congo.

    Ni cyo kiganiro cya mbere Ndayishimiye agiranye n'ibinyamakuru mpuzamahanga kuva yatorerwa kuyobora u Burundi umwaka ushize.

    Perezida Ndayishimiye yabajijwe ku hazaza h'umubano w'u Rwanda n'u Burundi umaze imyaka isaga itanu urimo agatotsi, nyuma y'ihirikwa ry'ubutegetsi ryaburijwemo i Bujumbura, hakaba imvururu zatewe no kutumvikana kuri manda ya gatatu y'uwari Perezida, Pierre Nkurunziza.

    Perezida Ndayishimiye yavuze ko u Rwanda n'u Burundi ari ibihugu by'abavandimwe, ku buryo gushwana atari igitangaza.

    Ati: 'Ubusanzwe u Rwanda n'u Burundi turi ababyara. Mu muco wacu rero ababyara barakubagana cyane. Icyakora biragaragara ko hari impinduka nziza. Abashinzwe ingabo bahuriye ku mipaka iduhuza, ku kijyanye n'umutekano hari impinduka nziza'.

    Minisitiri w'Intebe w'u Rwanda, Dr Edouard Ngirente aherutse mu Burundi kwifatanya n'icyo gihugu kwizihiza umunsi w'ubwigenge. Ibaruwa Perezida Kagame yandikiye mugenzi we w'u Burundi asubiza ubutumire yari yahawe bwo kujya gufatanya n'u Burundi kwizihiza umunsi w'ubwigenge, nayo yagaragaje ko hari icyizere cy'umubano mwiza hagati y'ibihugu byombi.

    Ndayishimiye na we yavuze ko 'Hari icyizere ko mu gihe cya vuba hazaboneka igisubizo kirambye'.

    Perezida w'u Burundi kandi yabajijwe ku ruzinduko rwe muri Congo n'icyo ruvuze ku mutekano w'ibihugu byombi, dore ko hari imitwe yitwaje intwaro irwanya u Burundi ikunze kuboneka ku butaka bwa Congo.

    Yavuze ko we na Perezida Tshisekedi baganiriye ku bufatanye bw'ibihugu byombi mu guhashya iyo mitwe kandi ko babyitezeho umusaruro.

    Ati: 'Kubera umuhate wa Perezida wa Congo wo guhashya imitwe yitwaje intwaro, dutekereza ko iyo mitwe izatsindwa abayigize bagasubira mu bihugu byabo gufatanya n'abandi mu iterambere'.

    'Ni abana b'igihugu, ntabwo bafite impamvu za politiki. U Burundi bwiteguye kubakira bukabahugura bakajya mu murongo umwe n'abandi baturage'.

    Raporo iheruka y'impuguke za Loni ku mutekano wo mu Burasirazuba bwa Congo, ivuga ko ingabo z'u Burundi zijya zinjira ku butaka bwa Congo guhiga imitwe yitwaje intwaro igamije guhungabanya umutekano mu Burundi.

    Ndayishimiye yabihakanye, avuga ko ababivuga ari 'abashaka guharabika igihugu no gusubiza inyuma umubano mwiza w'ibihugu byombi'.

    Uyu muyobozi kandi yavuze ku masezerano yasinywe yo kubaka umuhanda wa gariyamoshi wa Gitega-Uvira-Kindu uhuza uburasirazuba bwa Congo n'u Burundi.

    Ndayishimiye yavuze ko hagikorwa inyigo ngo imirimo yo kuwubaka itangire, gusa yemeza ko nuboneka uzatanga umusaruro ukomeye.

    Ati: 'Ni ngombwa ko tuvana uburasirazuba bwa Congo mu bwigunge. Nureba urasanga umutekano muke uharangwa uterwa n'uko nta buryo bw'itumanaho, imitwe yitwaje intwaro irigenga igakora ibyo ishaka. Umuhanda wa gariyamoshi nuboneka hazaboneka umutekano, ubucuruzi buzoroha'.

    Perezida Ndayishimiye kuva yarahirira kuyobora u Burundi muri Kamena umwaka ushize, yakoze ingendo zitandukanye hanze y'igihugu zigamije kunagura umubano w'igihugu cye n'amahanga utari wifashe neza guhera mu 2015.

    Inkuru ya IGIHE

    Source : https://impanuro.rw/2021/07/15/u-rwanda-nu-burundi-turi-ababyara-kandi-ababyara-barakubagana_-perezida-evaritse/