Category: Uncategorized

Ku munsi w’ejo hashize nibwo inkuru yatunguye benshi ko umunyezamu w’ikipe y’igihugu Amavubi, Kwizera Olivier ku myaka 27 yasezeye burundu umupira w’amaguru, ni icyemezo kapiteni w’ikipe y’igihugu Haruna Niyonzima na Nyampinga w’u Rwanda 2016, Mutesi Jolly bamusabye kwisubiraho kuko agifite byinshi byo gukora.

Uyu munyezamu abantu benshi bemeranywa ku mpano ye, yatangaje ko yafashe umwanzuro wo gusezera kuko hari ibindi abona agiye gukora bitandukanye na ruhago kuko yabonaga birimo kumugora, ndetse agahamya ko amaze igihe abitekerezaho.

Ku isonga, kapiteni w’ikipe y’igihugu y’u Rwanda, Haruna Niyonzima yifashishije ifoto ye yatunganyijwe neza na hashtag ya #PleaseGaruka, yasabye uyu munyezamu kwisubiraho kuko agifite byinshi byo gukora.

Ati “murumuna wanjye, ndakwinginze, ndakwinginze, ndakwinginze uracyafite byinshi byo gukora, ngwino dukine umupira, ibibazo byose bizashira, komera muntu wanjye.”

Uretse kapiteni w’ikipe y’igihugu, hari n’abandi bakinnyi bagenzi be nka Iradukunda Jean Bertrand, abinyujije kuri Instagram Stories na we yamusabye kwisubiraho.

Ati “Kwizera nta kuva ku bintu muvandi, gahunda ni yandi, ibi twabinyuranyemo, tubabarire ku bw’igihugu.”

Uretse aba, n’abandi bakinnyi nka Rugwiro Herve, Usengimana Faustin mu butumwa banyujije kuri Instagram Stories zabo, bifashishije hashtag ya #PleaseGaruka mu rwego rwo kugira ngo agaruke.

Usengimana Faustin yagize ati “muvandi uracyafite byinshi byo gukora muri ruhaga nyarwanda n’inyuma yayo #PleaseGaruka.”

Umunyezamu mugenzi we, Kimenyi Yves yagize ati “nanjye ubwanjye hari byinshi nashakaga kukwigiraho, ndagusanye garuka muvandi.”

Si mu bakinnyi gusa kuko no mu ruganda rw’imyidagaduro bashenguwe n’iri sezera rya Kwizera Olivier.

Nyampinga w’u Rwanda 2016, Miss Mutesi Jolly yavuze ko mu gihe gito yari amaze akurikirana umupira, uyu munyezamu ari we yakundaga ko bibabaje kuba asezeye, amusaba kugaruka.

Ati 'mu gihe gito nari ntagiye kuryoherwa n’umupira, yari umwe mu banyezamu nakundaga. Uburyo mbabajwe n’uko ahagaritse gukina, ubu ndemeza ko umupira w’amaguru ari ikiyobyabwenge mu bindi. Nkwifurije amahirwe mu bindi ugiye kugerageza ariko #Garuka.'

Umuhanzi Rafiki na we abinyujije ku rukuta rwe rwa Instagram yagize ati 'turi sosiyete imeze ite? Tubabarire ntuhe ababaya icyo bifuza muvandi.'

Si aba gusa kuko n’abandi bahanzi nka Mani Martin, Young Grace, umyunyamakuru Lucky Nzeyimana, bagiye baragaza ko atari cyo gihe cyo gusezera.

Umuhanzi Mani Martin

Ubutumwa bwa Iradukunda Jean Bertrand

Rugwiro Herve

Kimenyi Yves

Ubutumwa bwa Usengimana Faustin

Ku munsi w’ejo Olivier yasezeye umupira w’amaguru

Haruna yabimburiye bagenzi be mugusaba Olivier kwisubiraho

Miss Mutesi Jolly yamusabye kwisubiraho

Ikawa ni icyo kunywa cyiza, dore ko ikungahaye ku ntungamubiri, ibisukura umubiri n’ibindi binyuranye bifitiye umubiri akamaro.Ubuki ku rundi ruhande na bwo ni bwiza dore ko busimbura isukari yo mu ruganda, kandi bwo bufitiye akamaro umubiri kurenza isukari.Uruvange rwa byombi rero nta kabuza rufitiye umubiri akamaro, nkuko muri iyi nkuru tugiye kubibona.

Aha tubanze twibutse ko ushyiramo ubuki, ikawa itari kubira kuko hari intungamubiri zakangirika ahubwo ubushyiramo ifite ubushyuhe budakabije, yayindi uba ugiye kunywa nyine.

1. Gukangura ubwonko

Uko dukura, ubwonko bwacu bwibutsa bugenda bucika intege kugeza ubwo tugenda twibagirwa bya hato na hato ndetse bamwe bakanagira uburwayi bwo kwibagirwa burundu (Alzheimer’s disease). Agatasi k’ikawa irimo ubuki buri gitondo, ni umuti mwiza uzakurinda ibyo byose. Ubushakashatsi bwerekana ko bigabanya ku gipimo cya 65% ibyago byo kwibagirwa ndetse na 60% kuba warwara isusumira

2. Kongera ingufu mbere ya siporo

Mbere yo gukora siporo, ubanje kunywa ikawa irimo ubuki waba ubishoboye. Ibi bituma igipimo cya Adrenaline mu maraso kizamuka. Ibi bituma ibinure biri mu maraso bishwanyagurika maze hagakorwa ibizamura ingufu mu mubiri.

3. Ni nziza ku mwijima

Ikawa irimo ubuki ni nziza ku mwijima kuko iwurinda kanseri, hepatite idatewe na virusi, kandi ku banywa inzoga birinda umwijima wabo kuba wakwangizwa na zo. Ubushakashatsi bwerekana ko kunywa ikawa udutasi byibuze 2 buri munsi bigabanya 80% kuba warwara indwara z’umwijima.

4. Gusukura impyiko

Iki kinyobwa gituma unyara kenshi ibi bikaba byiza mu gusukura impyiko. Ni ikinyobwa cyiza ku bafite ubwandu bw’umuyoboro w’inkari kuko bibafasha gusohora bagiteri n’ubundi burozi mu mubiri binyuze mu nkari banyara

5. Byagufaha kugabanya ibiro

Ufashe ikawa n’ubuki hasigaye iminota 30 ngo utangire siporo bituma imikorere y’umubiri yiyongeraho 50% bityo ugatwika ibinure byinshi kurenza utayifashe. Gusa aha biba byiza ku bakora siporo ya mu gitondo.

6. Gufasha imikorere y’umutima

Kunywa ikawa irimo ubuki bituma umutima ukora neza, bituma amaraso atembera neza, ibi rero bigatuma utarwara indwara z’umutima na stroke.

7. Ni isoko y’intungamubiri

Iki kinyobwa kiba gikusanyirije hamwe intungamubiri na za vitamini byose bikomoka ku buki n’ikawa. Muri byo twavugamo vitamini B1, B2, B3, B5, B6, C ndetse n’imyunyungugu ka Calcium, Ubutare, Magnesium, Phosphore, Potassium, Soufre, Manganese.

8. Kugabanya ibyago byo kurwara diyabete

Iki kinyobwa kizamura igipimo cya insulin mu maraso. Ibi rero bituma isukari mu mubiri itarenga igipimo bityo bikagabanya ibyago byo kurwara diyabete.

9. Kugabanya ibyago bya kanseri

Uretse kuba birinda kanseri y’umwijima, kunywa ikawa irimo ubuki kandi binarinda kanseri zindi zinyuranye bitewe n’uko iki kinyobwa kirimo ibisukura umubiri binasohora imyanda. Twavuga nka kanseri y’umwijima, iy’amara, kanseri y’amabere.

10. Kurwanya stress, kwigunga, kwiheba, agahinda gakabije

Iki kinyobwa cyibitseho ibanga ryo gufasha abagize intekerezo zibatera agahinda, kuba ufite stress cyangwa wumva wihebye. Gifasha ubwonko kongera kwisana ndetse iyo ubashije gusinzira nyuma yo kukinywa ukanguka wumva muri wowe wabaye umuntu mushya.

Igihe wumva wiyanze, wumva ntacyo umaze ku isi, igihe ubona byose bigusiga, jya unywa iki kinyobwa kizajya kigarura intege mu bugingo. Ubushakashatsi bugaragaza ko na bamwe baba bumva batagikeneye kuba ku isi, bashaka kwiyahura, kunywa iki kinyobwa birabafasha bakongera gukunda ubuzima.

source:https://ubujyanamahealth.blogspot.com/2020/04/ikawa-irimo-ubuki.html

[email protected]

Ntabwo byagendekeye neza myugariro w’umunyarwanda ukinira ikipe ya FC Shkupi muri Macedonia, ubwo mu ijoro ryakeye yitsinze igitego mu mukino ubanza w’ijonjora rya kabiri rya UEA Europa Conference League bari bakiriyemo Santa Clara yo muri Portugal.

Nyuma yo gusezerera Llapi FC yo muri Kosovo mu ijonjora rya mbere ry’iri rushanwa, FC Shkupi yagombaga guhura na Santa Clara yo muri Portugal mu kindi cyiciro.

Umukino ubanza waraye ubaye ubera muri Macedonia, ntabwo byaje kubahira kuko batsindiwe mu rugo ibitego 3-0.

Rwatubyaye Abdul yari yabanje mu mutima w’ubwugarizi bw’iyi kipe ndetse akina iminota 90 yose, ntabwo yaje guhirwa n’uyu mukino kuko yaje kwitsinda igitego ku kunota wa 30, kikaba cyari n’igitego cya mbere cy’iyi kipe ya Santa Clara.

Iyi kipe ntiyaboroheye yakomeje gusatira cyane ndetse Carlos abonera iyi kipe igitego cya 2 ku munota wa 49, ni mu gihe Costinha yatsinze icya 3 ku munota wa 90+3, FC Shkupi ntiyabashije kwishyuramo na kimwe.

Umukino wo kwishyura uzaba tariki ya 29 Nyakanga ubere muri Portugal, Rwatubyaye n’ikipe ye barasabwa gutsinda iyi kipe ku kinyuranyo cy’ibitego 4 kugira ngo bakomeze mu kindi cyiciro.

Rwatubyaye Abdul ntabwo byamugendekeye neza

Aba bantu 11 bishwe na COVID-19 kuri uyu wa Kane tariki 22 Nyakanga barimo abagore batanu n’abagabo batandatu.

Abagore barimo ab’imyaka 79, 72, 52 bo mu Mujyi wa Kigali, uw’imyaka 65 w’i Karongi n’undi w’imyaka 24 wo mu Karere ka Huye mu gihe aba barimo uw’imyaka 77 wo mu Ruhango, uwa 67 wo ku Kamonyi, uw’imyaka 63 wo muri Karongi ndetse n’ab’imyaka 61, 58 na 30 bo mu Mujyi wa Kigali.

Kuri uyu wa Kane kandi mu Rwanda hose habonetse abantu 1 309 basanzwemo ubwandu bwa COVID-19 bituma umubare w’abamaze gusangwamo iki cyorezo kuva cyagera mu Rwanda ugera ku 61 375.

Kugeza ubu abantu 43 924 bamaze gukira iki cyorezo barimo 869 bagikize kuri uyu wa Kane mu gihe abakirwaye ari 16 747 barimo 78 barembye cyane.

Minisiteri y’Ubuzima kandi yatangaje ko kuri uyu wa Gatanu tariki 23 Nyakanga 2021, hongera kubaho igikorwa cyo gupima COVID-19 mu buryo bwagutse mu Mujyi wa Kigali.

Biteganyijwe ko iki gikorwa gisiga hapimwe nibura 15% by’abatuye mu Tugari 45 twagaragayemo ubwandu buri hejuru kurusha utundi.

UKWEZI.RW

Ayo ni amakuru atangajwe nyuma y’uko nk’urukingo rwa AstraZeneca rwigeze kugibwaho impaka nyinshi ko rwaba rutuma amaraso yipfundika bikaba byaviramo umuntu gupfa, ariko bikaza kugaragara ko urukingo rukora neza.

Dr. Sabin Nsanzimana avuga ko ayo makuru y’ubushakashatsi ari meza kuko aha icyizere abari bakutse imitima kubera ubwandu bwa Covid ya Delta yihinduranya kubera ukuntu yandura vuba kandi igakwirakwira mu buryo bwihuse.

Agira ati “Izo nkingo zose ni zo twahaye abantu, Pfizer iba ihagaze neza imbere ya Delta kuri 88%, AstraZeneca na yo ikora akazi kayo neza kugeza kuri 68% ku muntu wanduye Delta bigatuma itamuzahaza cyane cyangwa ngo ibe yamuhitana, ni amakuru meza ku bibazaga uko iby’iyi virusi yihinduranya bimeze”

Dr. Sabin Nsanzimana avuga ko kuba u Rwanda rukomeza kugenda rubona inkingo ari amakuru meza abonetse ku buryo abasabwa kujya kwikingiza bajya babyitabira kuko bigaragara ko rufite akamaro kanini.

Umuyobozi mukuru wa (RBC) avuga ko mu Rwanda hamaze gukingirwa abantu ibihumbi 413, kandi uko inkingo zije ari na ko zigomba kujya zihita zihabwa abantu kuko zitagenewe kubikwa kandi ko hari icyizere cyo gukomeza kubona inkingo nyinshi.

Avuga ko mu Rwanda hari icyizere cyo guhangana na Covid-19 kugeza icitse burundu ibyo bikaba bisaba ko abatarandura uburwayi bakomeza kwirinda, naho abarwaye bakaba bagomba gukomeza kwitwararika kugira ngo hatongera kugira abandura.

Virusi ya Delta yihinduranya ikomeje kwigaragaza mu bihugu byinshi ku Isi byari byanakingiye abaturage babyo benshi nka Israel na Leta Zunze ubumwe za Amerika, hakaba hatangiye gusubizwaho zimwe mu ngamba zo kwirinda zirimo kwambara udupfukamunwa, gukaraba intoki kenshi, hanyuma urukingo rukaba ari igisubizo kirambye.

Nko muri Israel hatanzwe itegeko ko umuntu utarikingiza yimwa uburenganzira bwo kujya ahabera imyidagaduro nko ku bibuga by’imipira, mu masoko magari, mu birori n’ahabera za Sinema kandi igihe uwanze kwikingiza arwaye Covid-19 azajya yirihira ikiguzi cyose cy’ibimutangwaho mu kumupima, kumuvura no kumuha ubundi bufasha bwose.