Webrwanda Backend

Category: Uncategorized

  • Producer Laser Beat utunganya indirimbo mu majwi arahamya ko inzu ya The Beam Beat Entertainment ije ari igisubizo ku bahanzi batinda kubona ibihangano byabo #rwanda #RwOT

    Utunganya indirimbo, umushoramari nyiri The Beam Beat Entertainment, Hirwa Patrick uzwi nka Laser Beat yemeje ko aje nk'igisubizo ku bahanzi ndetse n'abandi bashaka gukora indirimbo mu majwi, ibi bibaye nyuma yaho hari abahanzi bamwe na bamwe batabona uburyo bwo kuzamura ndetse no kugaragaza impano zabo bitewe n'uko bagorwa no kubona ubushobozi bwo gukora umuziki by'umwuga.

    Producer Laser Beat abinyujije mu inzu ifasha abahanzi mu bya muzika yashinze The Beam Big Entertainment, inzu yagiye ifasha abahanzi batandukanye ndetse bagenda banashyira hanze ibikorwa byabo bitandukanye haba mu majwi ndetse n'amashusho.

    Inzu ya The Beam Beat Entertainment, akaba ariyo ifite studio ikora umuziki yaba uw'amajwi n'amashusho, ivuga ko ije gukemura ibibazo byatumaga abahanzi bakererezwa indirimbo bamwe na bamwe bakaba banacika intege zo gukomeza gukora umuziki by'umwuga.

    Mu kiganiro na Laser Beat yagiranye na RUSHYASHYA NEWS, kuri uyu wa gatandatu taliki ya 31 Nyakanga 2021, Producer Laser Beat yadusangije amwe mu mateka ya The Beam Beat.

    Yagize ati 'The beam Beat record studio ikorera mu mujyi wa Kigali, yatangiye gukora kuva 2019, ni studio ifite abahanzi bashya nka Big Zed na Rich One, bakaba bafite indirimbo nshya ifite n'amashusho yitwa Uruziga.'

    Abo bahanzi bakaba babarizwa muri The Beam Beat Entertainment, The Beam Beat Records ikora ibijyanye n'amajwi, The Beam image ikora iby'amashusho ark byose biri muri The Beam Beat Entertainment.'

    Laser Beat ni umugabo utunganya umuziki muri iyo Studio imaze gufata mu mujyi wa Kigali, kuri ubu kandi muri iyi minsi amaze gukora indirimbo 5 zisohotse minsi harimo izabo bahanzi ndetse n'izindi nk'iya Green P, iya Amag the Black ft Mico The Best yitwa Ishuri ry'Ubuzima, my way By Visha Keiz, Mama Rasta By Ik na Major Gi iyitwa Arababa zose zifite n'amashusho.

    Mu kiganiro twagiranye na Laser Beat yasoje avugako, The Beam umwihariko wayo ari uko idatinza indirimbo kandi ikigenderewe si amafranga, uko uje wifite muraganira bakagukorera ibyo wifuza.

    Reba hano indirimbo Uruziga ya Big Zed ft Rich One yakorewe muri Beam Beat:

    The post Producer Laser Beat utunganya indirimbo mu majwi arahamya ko inzu ya The Beam Beat Entertainment ije ari igisubizo ku bahanzi batinda kubona ibihangano byabo appeared first on RUSHYASHYA.

    Source : https://rushyashya.net/producer-laser-beat-utunganya-indirimbo-mu-majwi-arahamya-ko-inzu-ya-the-beam-beat-entertainment-ije-ari-igisubizo-ku-bahanzi-batinda-kubona-ibihangano-byabo/?utm_source=rss&utm_medium=rss&utm_campaign=producer-laser-beat-utunganya-indirimbo-mu-majwi-arahamya-ko-inzu-ya-the-beam-beat-entertainment-ije-ari-igisubizo-ku-bahanzi-batinda-kubona-ibihangano-byabo

  • Dore ibintu byagufasha kudaca inyuma umukunzi wa we – YEGOB #rwanda #RwOT

    Ibi ni ibintu 4 byagufasha kwirinda guca inyuma umukunzi wawe, urukundo rwanyu tmrukaryoherera nk'urwa Adamu na Eva twigishwa muri Bibiliya.

    Niba mu mubano wawe nuwo mukundana mujya mugira iki kibazo cy'ubudahemuka cyangwa se ukaba uziko wabaswe n'iyi ngeso ariko umubanyi wawe akaba ataragutahura uyu munsi ngufitiye uburyo butangaje bwagufasha kugabanya no gucika kuriyi ngeso iri gusenya ingo n'inkundo nyinshi mu bashakanye.

    Uburyo 4 bwagufasha ku gucika guca inyuma uwo mwashakanye.

    1. Sobanukirwa neza ko ufite ikibazo.

    Nibyo neza ko iyo wamaze kumenya neza kandi ugafata ingeso yo gucana inyuma ari ingeso mbi kandi ari ikibazo mu rukundo rwawe rukaba rubangamira iterambere ry'umubano ni intambwe ya mbere yo kubasha gutsinda iki kigeragezo cyakubase. Tangira gusenya imyumvire ipfuye mu mutwe wawe ko atari ikibazo wumve ko udakwiye kubisubira na rimwe.

    2. Shaka umukunzi wiyumvamo mu mpande zose.

    Ukwiye gushaka umukunzi ugukurura mu buryo bwose bwaba ubw'imitekerereze ye,uburanga, n'uko agaragara inyuma ku buryo uzajya ubona nta wundi muntu wamuruta mu isi yose , mbese hitamo wa wundi wishimira kurenza abandi bose.

    3. Umva nta mwiza wabuze inenge.

    Ntabwo wabona umuntu uri mwiza imbere n'inyuma, uburanga n'ubwenge. ibuke ko turi abantu kandi kandi nta muntu ubura inenge n'imwe niba ufite umukunzi mwiza wibuke ko ashobora kugenda mu nzira agasitara bikaba byaba ngombwa yivuza akagira inkovu yangiza uburanga bwe. kandi nawe ubwawe wibuke ko utaremye mu buryo utagira inenge n'imwe umuntu ni nk'undi.

    4. Saba ubujyanama.

    Niba warabaswe n'ingeso yo guca inyuma umukunzi wawe, ukaba ubona utabasha kubireke ngo bigushobokere egera abazi cyane ibyerekeye umubano babigize umwuga bagufashe.

    Source : https://yegob.rw/dore-ibintu-byagufasha-kudaca-inyuma-umukunzi-wa-we/

  • Amafoto y'abastar nyarwanda yatwitse kurusha ayandi muri uku kwezi – YEGOB #rwanda #RwOT

    Muri uku kwezi, abastar nyarwanda batandukanye bakoresheje imbuga nkoranyambaga maze basangiza ababakurikirana amafoto atandukanye. Hano twabakusanyirije amwe mu mafoto y'abastar nyarwanda yahatwitse kurusha ayandi muri uku kwezi kwa Nyakanga 2021.

    1. Juno Kizigenza na Ezee

    2. Meddy n'umugore we

    3. Miss Uwase Muyango

    4. Yolo The Queen

    5. Kate Bashabe

    6. Miss Ricca Michaella n'umukunzi we

    7. Shaddyboo

    8. Biramahire Abeddy n'umukunzi we mushya

    9. Juno Kizigenza na Ariel Wayz

    Source : https://yegob.rw/amafoto-yabastar-nyarwanda-yatwitse-kurusha-ayandi-muri-uku-kwezi/

  • Mbere yo gutokora u Rwanda, abategetsi b'Ububiligi bajye babanza bikize umugogo uri mu jisho ryabo! #rwanda #RwOT

    Itsinda ry' impuguke z'Umuryango w'Abibumbye rishinzwe kurwanya iyicarubozo, rimaze gushyira ahagaragara icyegeranyo gishinja Leta y'Ububiligi guhutaza bikomeye agaciro k'ikiremwamuntu, aho cyatunze agatoki abapolisi bakoresha ingufu z'umurengera mu kuburizamo imyigaragamyo y'ituze, bikanaviramo abantu benshi urupfu no gukomereka cyane, hakaba n'ubucuike bukabije mu magereza, buhabanye n'umubare ayo magereza yemerewe kwakira.

    Ku bijyanye n'imbaraga z'umurengera Polisi y'Ububiligi ikoresha, hatanzwe urugero rw'ibyabaye muri Mata na Gicurasi uyu mwaka, ubwo abaturage bigaragambyaga binubiraga ingamba zidafututse zo kurwanya Covid-19, maze bahatwa imigeri n'inkoni, abatarapfuye barakomereka, abandi bajugunywa mu magereza mu buryo bunyuranyije n'amategeko.

    Ikibabaje kandi, nk'uko icyegeranyo gikomeza kibisobanura, ngo ni uko abagize uruhare muri aya makosa usanga kenshi bataranabiryojwe.
    Ibi birego bisaba Ububiligi kwisubiraho bugaha agaciro ikiremwamuntu, bije mu gihe bamwe mu bategetsi b'iki gihugu bigize intyoza mu guha amasomo ibihugu bya Afrika, birimo n'u Rwanda.

    Mu minsi ishize abadepite bo mu Bubiligi barikoze, basaba ko uRwanda rurekura Paul Rusesabagina ukurikiranyweho ibyaha by'iterabwoba, ndetse ngo agahita asubira'iwabo' mu Bubiligi. Imwe mu mvamvu abo badepite batangaga, ngo ni uko Rusesabagina atazahabona umutabera bunoze.

    Ibi bakabivuga birengagije ko Loni ishinja igihugu cyabo guhohotera abaturage, harimo no kubafungira ahantu h'imfunganwa. Ibi ntabyo bigeze babona mu Rwanda, ari nacyo gituma ibihugu nk'Ubuholandi, Amerika n'ibindi, bikomeje kohereza abantu kuburanira no gufungirwa mu Rwanda.
    Muri Kamena uyu mwaka, Minisitiri w'Ububanyi n'Amahanga w'Ububiligi, Sophie Wilmès, yakiriye umugore n'umukobwa ba Rusesabagina, ndetse anabizeza 'gukurikiranira hafi' iby' urubanza n'irekurwa rye!

    Iyi nkuru ikigera ku mbuga nkoranyambaga abantu banjamye uyu mugore, bamubaza ikimuha ububasha bwo kwivanga mu miyoborere y'uRwanda, nk'aho rukiri intizanyo yabo. Bamubajije niba Leta ye ishobora gutinyuka kwakira umuryango wa Oussama Bin Laden, araruca ararumira kuko mu by'ukuri nta gisobanuro yari kubona.

    Mu gihe twateguraga iyi nkuru, hari abakurikiranira hafi politiki mpuzamahanga batari bake, nabo bari batangiye kubaza Leta y'Ububikigi niba bwumva bugifite amasomo rwatanga ku bijyanye n'uburenganzira bwa muntu, mu gihe urwego rukomeye nk'Umuryango w'Abibumbye, rubushinja kwica, gukomeretsa no gupakira abaturage mu magereza nk'abapakira ibishyimbo mu kigega.

    Rushyashya yakomeje gutanga inama y'ubuntu ku bigira ba miseke igoroye, ibibutsa ko mbere yo gushaka gutokora uRwanda, bajya babanza bakikiza umugogo uri mu jisho ryabo.

    The post Mbere yo gutokora u Rwanda, abategetsi b'Ububiligi bajye babanza bikize umugogo uri mu jisho ryabo! appeared first on RUSHYASHYA.

    Source : https://rushyashya.net/mbere-yo-gutokora-u-rwanda-abategetsi-bububiligi-bajye-babanza-bikize-umugogo-uri-mu-jisho-ryabo/?utm_source=rss&utm_medium=rss&utm_campaign=mbere-yo-gutokora-u-rwanda-abategetsi-bububiligi-bajye-babanza-bikize-umugogo-uri-mu-jisho-ryabo

  • Perezida wa Tanzania ategerejwe i Kigali mu ruzinduko rw’iminsi ibiri – #rwanda #RwOT

    Amakuru agera kuri IGIHE ni uko Perezida Samia azagera i Kigali ku wa Mbere. Kuri uwo munsi we wa mbere w’uruzinduko, azasura Urwibutso rwa Jenoside rwa Kigali ku Gisozi, yunamire inzirakarengane zirenga ibihumbi 250 zirushyinguyemo.

    Nyuma biteganyijwe ko azakirwa na mugenzi we w’u Rwanda mu biganiro bizabera muri Village Urugwiro.

    Ku munsi wa kabiri w’uruzinduko rwe mu Rwanda, Perezida Samia azasura icyanya cyahariwe inganda i Masoro, Special Economic Zone. Ni icyanya kirimo inganda nyinshi zikomoka muri Tanzania n’abashoramari benshi bifashisha Tanzania mu bikorwa byabo bya buri munsi binyuze mu cyambu cya Dar es Salaam.

    Urugendo rwa Perezida Samia ruje rukurikira ingendo abayobozi b’u Rwanda mu ngeri zitandukanye bagiriye muri Tanzania. Urwabanje ni urwa Minisitiri w’Intebe, Dr Edouard Ngirente, ubwo yari yitabiriye umuhango wo gushyingura Perezida Magufuli.

    Gen Jean Bosco Kazura, Umugaba Mukuru w’Ingabo z’u Rwanda na IGP Dan Munyuza uyobora Polisi y’u Rwanda na bo bagiriye uruzinduko muri Tanzania rushimangira umubano w’ibihugu byombi.

    Inama iheruka guhuza impande zombi ni iyitabiriwe na Minisitiri w’Ikoranabuhanga na Inovasiyo, Paula Ingabire, aho yahuye na mugenzi we wa Tanzania, Faustine Ndugulile, bakaganira ku mishinga irimo n’ibikorwaremezo by’itumanaho.

    Uru ruzinduko rwa Perezida Samia rugiye kuba mu gihe u Rwanda ruherutse kohereza ingabo n’abapolisi 1000 muri Mozambique. Ni mu rugamba rugamije guhashya imitwe y’iterabwoba yigabije Amajyaruguru y’iki gihugu.

    Mu Majyaruguru y’Uburengerazuba bwa Mozambique, hari Tanzania. Ni kimwe mu bihugu bigirwaho ingaruka n’umutekano muke uri ku muturanyi wayo. Ubwo byatangiraga kuvugwa ko u Rwanda rushobora kohereza Ingabo n’Abapolisi mu bice birimo intambara, Tanzania yahise ibishyigikira kuko ari igisubizo ku mutekano wayo.

    Tanzania ni umufatanyabikorwa ukomeye w’u Rwanda mu bijyanye n’ubucuruzi kuko byinshi mu bicuruzwa rukura mu mahanga, ari ho binyura.

    Raporo y’Ikigo cy’Ibarurishamibare yo muri Werurwe uyu mwaka, igaragaza ko ibicuruzwa u Rwanda rwakiriye biturutse muri Tanzania bifite agaciro ka miliyoni 33,75 $ inyuma y’u Bushinwa bwo bufite ibibarirwa miliyoni 57,74 $.

    Muri Gashyantare ibyari byatumijwe muri Tanzania byari bifite agaciro ka miliyoni 27,97 $.

    Mu 2019, Ishoramari ry’Abanya-Tanzania ryanditswe mu Rwanda ryari rifite agaciro ka 5.461.583 $.

    U Rwanda na Tanzania bifitanye umushinga uhanzwe amaso w’iyubakwa ry’umuhanda wa Gari ya Moshi. Amasezerano yo kubaka uyu muhanda w’ibilometero 532 yashyizweho umukono ku wa 9 Werurwe 2018.

    Uzava i Isaka muri Tanzania ugere i Kigali wuzure utwaye miliyari 3,6$.

    Ku ruhande rw’u Rwanda, inzira yerekana ko uzanyura ku Rusumo ukagera mu Mujyi wa Kigali [ahari Dubai Ports muri Kicukiro] ariko hakiyongeraho agace k’ibilometero 18 kagera ku Kibuga cy’Indege cya Bugesera.

    U Rwanda rukeneye miliyari 1,3$ azarufasha kubaka inzira ya gari ya moshi ireshya n’ibilometero 138 mu gihe Tanzania ari na yo ifite igice kinini [394 Km] izakoresha miliyari 2,3$.

    Mu minsi ishize u Rwanda rwari mu bikorwa byo gushushanya ahazanyura uwo muhanda, aho hashinzwe imambo kuva ku Rusumo kugera i Ndera mu Mujyi wa Kigali.

    Samia Suluhu Hassan aheruka mu Rwanda mu 2016 ubwo yari Visi Perezida wa Tanzania. Icyo gihe yari yitabiriye inama ya AU, Francis Gatare wayoboraga RDB na Mukaruliza Monique wari Meya w’Umujyi wa Kigali nibo bamwakiriye

  • Perezida Kagame yababariye abagore 10 bari bafungiye gukuramo inda #rwanda #RwOT

    Mu itangazo ry’ibyemezo by’Inama y’Abaminisitiri yateranye kuri uyu wa Gatanu tariki 30 Nyakanga iyobowe na Perezida Kagame Paul, harimo ko Iyi nama yemeje amateka anyuranye arimo irya Perezida ritanga imbabazi.

    Minisitiri w’Ubutabera akaba n’Intumwa Nkuru ya Leta y’u Rwanda, Johnston Busingye yashyize ubutumwa kuri Twitter, ko Perezida Kagame yababariye abagore 10 bahamijwe n’inkiko gukuramo inda mu buryo bunyuranyije n’amategeko bakaba bari bafungiye iki cyaha.

    Imbabazi zitangwa na Perezida wa Repubulika, ziteganywa n’ingingo ya 109 y’Itegeko Nshinga rya Repubulika y’u Rwanda igira iti 'Perezida wa Repubulika afite ububasha bwo gutanga imbabazi mu buryo buteganywa n’amategeko kandi amaze kubigishamo inama Urukiko rw’Ikirenga.'

    Minisitiri Busingye kandi yatangaje ko Inama y’Abaminisitiri yemeje ifungurwa ry’agateganyo ry’imfungwa 4 781 zahamijwe n’inkiko ibyaha bitandukanye ariko zagaragaje imyitwarire myiza.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Perezida-Kagame-yababariye-abagore-10-bari-bafungiye-gukuramo-inda

  • Ngororero : Abanyeshuri bangije ibikoresho by’ishuri bishimira ko barangije ayisumbuye batawe muri yombi #rwanda #RwOT

    amashuri yisumbuye, bagaragaje imyitwarire yanenzwe na benshi.

    Bamwe bacagaguye imyenda, abandi bacagagura amakayi bamwe baranayatwika ngo bishimira ko barangije iki cyiciro.

    Mu ishuri rya ESECOM Rusano, giherereye mu Kagari ka Gatega, Umurenge wa Hindiro mu Karere ka Ngororero, mu gitondo cyo ku wa Kane tariki tariki ya 29 Nyakanga 2021, ho hari abanyeshuri bakoze ibikorwa binyuranye birimo n’ibyangije ibikoresho by’ishuri.

    Bimwe mu byo aba banyeshuri bangije harimo ibitanda, ibirahuri by’inzugi z’amashuri, banasenya uruzitiro rw’aho barara.

    Ubu ngo batandatu bari gukurikiranwa ndetse batanu bakaba baratawe muri yombi ndetse ngo bari gukurikiranwa n’inzego z’ubutabera nk’uko byatangajwe n’Ubuyobozi bw’Akarere.

    Umuyobozi w’Akarere ka Ngororero wungirije ushinzwe Imibereho Myiza y’Abaturage, Mukunduhirwe Benjamine, yagize ati 'Hari abana bagaragaje imyitwarire itari myiza, biganjemo abasoza amashuri yisumbuye. Icyakozwe ni uko abo bana bafashwe bashyikirizwa Ubushinjacyaha kugira ngo bakurikiranwe.'

    Yavuze ko abo banyeshuri bose barengeje imyaka 18 y’ubukure ku buryo bagomba gukurikiranwa nka gatozi ku byo bakoze ndetse bakaba babihanirwa mu gihe bahamwa na byo.

    Gusa ngo umwe muri bakoze biriya bikorwa ari na we wabitangije ngo ntarafatwa ariko ngo ari gushakishwa ari na ko hakorwa iperereza ryimbitse mu gihe abandi bafungiye kuri station ya Polisi ya Ngororero.

    Ifoto : Igihe

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Ngororero-Abanyeshuri-bangije-ibikoresho-by-ishuri-bishimira-ko-barangije-ayisumbuye-batawe-muri-yombi

  • Ibya ba banyeshuri bakoze amarorerwa akabo kashobotse…Minisitiri w’Uburezi yabateguje ibihano #rwanda #RwOT

    Dr. Uwamariya Valentine yavuze ibi nyuma y’uko ku mbuga nkoranyambaga hagaragaye amafoto ya bamwe mu banyeshuri bari mu bikorwa bigayitse ngo bishimira ko basoje amashuri yisumbuye.

    Ni ibikorwa byanenzwe na benshi kuva byatangira kugaragara ndetse bamwe basaba ko inzego zishinzwe uburezi zikwiye kugira icyo zikora.

    Dr. Uwamariya Valentine mu kiganiro yagiranye na RBA kuri uyu wa Gatanu tariki ya 30 Nyakanga 2021, yavuze ko abanyeshuri bagaragaje iyi myitwarire idahwitse bagiye gushakwa bagahabwa ibihano nk’uko amategeko y’ibigo bigaho abiteganya.

    Yibukije bariya banyeshuri ko ubusanzwe ibigo by’amashuri bisanzwe bifite ibihano bigenera abanyeshuri bagaragaje imyitwarire mibi.

    Ati 'Baritwaza ko barangije gukora ibizamini bya Leta bagakora ibyo bashaka nyamara birengagije ko hari ibyo bagikeneye ku mashuri yabo nk’ibyangombwa batarahabwa, tugiye gukorana n’izindi nzego tubashe kumenya aba bana abo ari bo kandi bazahanirwe amakosa bakoze.'

    Yavuze ko bari kwakira raporo igaragaza ko biriya bikorwa byabaye ahantu henshi mu Gihugu 'by’umwihariko no mu Mujyi wa Kigali byaragaragaye mu gihe twabafashaga kugera aho bakorera ibizamini. Iyi myitwarire yaragaragaye ndetse na nyuma yo gusoza ibizamini.'

    Bamwe mu banengaga iriya myitwarire ku mbuga nkoranyambaga, bavugaga ko bakwiye gukoma urusyo bagakoma n’ingasire kuko ngo n’inzego z’uburezi zadohotse aho zidahana abana bagaragaje imyitwarire mibi ndetse ngo n’ababyeyi ubwabo ntibakiganiriza abana babo.

    Dr Uwamariya yavuze ko 'Habayeho kudohoka ku mpande zose, harimo umuco wo kudahana watumye abana bakurana imyitwarire itari yo, aba bana ni bato bakwiye kumva ko amashuri atarangiriye hariya nk’uko babyivugira. Iyi ni isura mbi kuri twe kandi twabigaye biranatubabaza nk’abantu turi mu burezi. Uko imyaka iza iki kibazo kirarushaho gufata indi ntera, turasaba inzego zose cyane cyane ababyeyi gufatanya natwe tugashakira igisubizo iki kibazo gikomeje kurushaho gufata urundi rwego.'

    Abanyeshuri bagaragayeho imyitwarire nk’iyi mu myaka yatambutse, ababyeyi babo barahamagajwe baranengwa, abanyeshuri barahanwa abandi bacibwa amande ku bikoresho by’ishuri bangije, utarishyuye amande akaba ataranahabwa ibyangombwa n’ishuri mu gihe cyose atarishyura ayo mande.

    Mu Karere ka Ngororero ho hari abanyeshuri batanu bo ku ishuri rya ESECOM Rusano riherereye mu Murenge wa Hindiro bari mu maboko ya Polisi aho bakurikiranyweho kwangiza ibikoresho by’ishuri aho na bo bamenaguye ibirahure n’inzugi ndetse bakanatwika ibitanda ngo bishimira ko barangije ayisumbuye.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Ibya-ba-banyeshuri-bakoze-amarorerwa-akabo-kashobotse-Minisitiri-w-Uburezi-yabateguje-ibihano

  • Amashuri y’Incuke, P1-P3 bagiye guhita batangira igihembwe cya 3 #rwanda #RwOT

    Minisiteri y’Uburezi yabitangaje nyuma y’amasaha macye Inama y’Abaminisitiri isohoye amabwiriza mashya yo kwirinda ikwirakwira ry’icyorezo cya COVID arimo akuraho gahunda ya Guma mu Rugo mu bice yari byari biyirimo ndetse na Guma mu Karere.

    Amashuri y’incuke n’ay’Icyiciro cya mbere cy’amashuri abanza n’ubundi cyari cyaratangiye nyuma y’andi mashuri ubwo ibikorwa by’amashuri byasubukurwaga, ubu bo bakaba bamaze kwiga ibihembwe bibiri bakazasubirayo kwiga icya gatatu.

    Nubundi ku ngengabihe ya Minisiteri y’Uburezi, byari biteganyijwe ko ibi byiciro bizatangira igihembwe cya gatatu ku ya 02 Kanama 2021, ikaba imenyesha ko ibi bireba n’abo mu Mujyi wa Kigali n’utundi Turere twari tumaze iminsi turi muri gahunda ya Guma mu Rugo.

    Minisiteri y’Uburezi kandi ivuga ko abanyeshuri bo mu mashuri makuru na za Kaminuza bazakomeza amasomo nk’uko bisanzwe icyakora abo mu Mujyi wa Kigali n’Uturere umunani bari bamaze iminsi muri Guma Mu Rugo bo bazasubukura amasomo tariki 09 Kanama 2021.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Amashuri-y-Incuke-P1-P3-bagiye-guhita-batangira-igihembwe-cya-3

  • FERWAFA yongereye umubare wabakinnyi babany… – #rwanda #RwOT

    Kuri uyu wa Gatanu tariki ya 30 Nyakanga 2021, habaye inama nyunguranabitekerezo yahuje abanyamuryango ba FERWAFA yaganiriwemo zimwe mu mpinduka zishobora gutangira gukurikizwa muri shampiyona y'umwaka utaha, harimo no kongera umubare w'abanyamahanga bakina muri shampiyona y'u Rwanda.

    Mu busanzwe abakinnyi b'abanyamahanga batatu nibo bari bemerewe kujya mu kibuga ku mukino, bikaba byemejwe ko abakinnyi batanu aribo bazaba bemerewe kujya mu kibuga kuri buri mukino.

    Mu bitekerezo byatanzwe muri iyi nama bigomba kuzemezwa na Komite Nyobozi ya Ferwafa, harimo kuvana umubare w'abanyamahanga kuri batatu bakaba batanu, ariko hashyirwaho ko byibura bagomba kuba batarengeje imyaka 30 y'amavuko.

    Mu byibanzweho cyane muri iyi nama nk’uko urubuga rwa FERWAFA rubitangaza, harimo umushinga wo kongera umubare w'abanyamahanga bitabira amarushanwa atandukanye ya FERWAFA ndetse n'ingengabihe y'amarushanwa ya FERWAFA.

    Abanyamuryango bagaragaje ko bishimiye umushinga wo kongera umubare w'abanyamahanga ndetse bagaragaza ko inyigo yawo ikomeza gukorwa neza cyane cyane igahabwa ubugororangingo ku buryo n'abakinnyi b'abanyarwanda bakomeza kubona amahirwe yo gukina ku rwego rwo hejuru.

    Ku kijyanye n'ingengabihe ya FERWAFA, abanyamuryango bagaragaje imbogamizi zihari z'uko kugeza ubu Icyiciro cya kabiri mu bagabo batari bakina kimwe n'amarushanwa y'abagore. Abanyamuryango bifuje ko ingengabihe y'amarushanwa mu mwaka w'imikino wa 2021-2022 mu byiciro byose itegurwa neza.

    Ibitekerezo byose byatanzwe bizanyuzwa muri Komite Nyobozi ya FERWAFA mu gihe cya vuba kugirango ibikorere ubugororangingo bityo mu bushishozi bwayo ibyo izabona ko bikwiriye byemezwe ndetse bitangire gushyirwa mu bikorwa.

    Perezida wa FERWAFA yashimiye abanyamuryango bose bitabiriye inama ndetse abashishikariza gutanga ibitekerezo mu nyungu rusange z'umupira w'amaguru mu Rwanda ndetse abagezaho ibiri ku murongo w'ibyigwa.

    Imwe mu myanzuro yafatiwe muri iyi nama:

    vUmwaka utaha abakinnyi b'abanyamahanga muri shampiyona bazaba 5.

    v Abakinnyi b'abanyamahanga bazajya bahabwa Licence zo gukina mu Rwanda bagomba kuba batararengeje imyaka 30.

    vAbakinnyi bakina mu Rwanda b'abanyamahanga barengeje imyaka 30 barakemerewe byibura gukina indi myaka 2.

    vUmunyamahanga urengeje imyaka 30 agomba kuba akinira ikipe y'igihugu cg mu myaka 3 ishize yarakiniye ikipe y'igihugu.

    vAbakinnyi bafite amasezerano arengeje imyaka 2, ibyabo bizafatwaho icyemezo n'akanama ka FERWAFA.

    vIkipe yemerewe gutunga abanyamahanga barenze 5 mu ikipe, ariko abazajya bajya kuri rutonde rwa 18 ntabwo bazajya barenga 5.

    vShampiyona nta gihindutse yazatangira mu Ukwakira.

    vAmakipe yo mu cyiciro cya 2 mu Rwanda yose arashaka gukina…

    vFERWAFA irateganya kuganira n'inzego zibishinzwe bakareba ko bishoboka icyiciro cya 2 bagakina mbere y'Ukwakira.

    vUmwaka utaha amakipe yasabye ko yakina abakinnyi bataha, bakazajya bapimwa COVID-19 mbere yo gukina.


    Itangazo rya FERWAFA rimenyesha inama yahuje abanyamuryango

    AS Kigali ni imwe mu makipe akinisha abanyamahanga cyane

    Rayon Sports ni imwe mu makipe azungukira cyane muri gahunda yo kongera abanyamahanga

    Source : https://inyarwanda.com/inkuru/108153/ferwafa-yongereye-umubare-wabakinnyi-babanyamahanga-bakina-muri-shampiyona-yu-rwanda-108153.html