Webrwanda Backend

Category: Uncategorized

  • Ikiciro cya kabiri mu marushanwa ya FERWAFA y… – #rwanda #RwOT

    Kubera ikibazo cy’ikiza cya Coronavirus, nta marushanwa y’umupira w’amaguru yari yemewe nyuma y'aho shampiyona y’ikiciro cya mbere yageraga ku musozo muri Kamena uyu mwaka wa 2021.  Usibye ikiciro cya mbere mu bagabo, nta rindi rushanwa ry’umupira w’amaguru ryigeze rikinwa uyu mwaka haba ikiciro cya Kabiri mu bagabo, ikiciro cya mbere n’icya kabiri mu bagore.

    Gorilla FC niyo ifite igikombe cy’ikiciro cya kabiri giheruka 

    Kuri iki gicamunsi rero nibwo ishyirahamwe ry’umupira w’amaguru mu Rwanda FERWAFA ryatangaje ko ryahawe uburenganzira bwo gusubukura amwe mu mashampiyona arimo ikiciro cya mbere n’icya kabiri mu bagore, ndetse n’ikiciro cya kabiri mu bagabo. FERWAFA yakomeje itangaza ko kandi mu gihe cya vuba, hazatangazwa ingengabihe y'ayo marushanwa ndetse bigendanye n’ingamba zivuguruye zo kwirinda Covid-19.

    Scandinavia WFC niyo ifite igikombe giheruka mu 2019 

    Ikiciro cya kabiri abakunzi b’umupira w’amaguru bari bakomeje kwibaza niba kizakinwa, dore ko amakipe azamanuka yo yamaze kumenyekana. Ikiciro cya kabiri cyaherukaga gukina tariki 21 Ugushyingo 2020 aho Gorilla FC yatsindaga Rutsiro FC ibitego 2-1. Mu bagore ho kuko n’ikiciro cya mbere kitarakinwa, niyo mpamvu ibi byiciro bigomba gukinwa byose icyarimwe. Scandinavia niyo ifite igikombe cya Shampiyona giheruka mu bagore.

    Source : https://inyarwanda.com/inkuru/108665/ikiciro-cya-kabiri-mu-marushanwa-ya-ferwafa-yemerewe-gusubukurwa-108665.html

  • Umuhanzi Rwibutso Emma hari icyo asaba Imana muri iki gihe #rwanda #RwOT

    Karangwa Rwibutso Emmanuel ukora umurimo w’ivugabutumwa mu buryo bw’indirimbo, ni umuramyi, umwanditsi, umuririmbyi n’umuhanzi w’indirimbo zihimbaza Imana. Yamenyekanye mu ndirimbo ‘ Igihe uzazira’, 'Mpa byose’ na ‘Wambare’…

    Rwibutso, umukristo ubarizwa mu itorero ry’ADEPR yasangije ku mbugankoranyambaga ubutumwa bw’ujemo isengesho ryo guca bugufi asaba Imana kumukoresha kandi ku ntego y’Ubwami bw’Imana.

    “Icyampa inzira zanjye zigakomerera, Kwitondera amategeko wandikishije. Ubwo nzita ku byo wategetse byose, Ni bwo ntazakorwa n’isoni.” Zaburi 119:5-6

    Ahereye kuri iyi Zaburi yagize ati” Gukomera kwanjye kose ntibibe kubera indi mpamvu cyangwa kubera intego y’iby’isi. Ahubwo bibeho kugira ngo ndusheho kwitondera ijambo ry’Imana, no kubana na yo, no gutuma abandi bayimenya”.

    Rwibutso Emmanuel ni umuhanzi ukunze kugaragaza guca bugufi mu byo akora, yigeze gutangariza Agakiza.org ko ivugabutumwa riciye mu ndirimbo iyo nta gusenga ridashoboka. Yagize ati” Ibintu byo kuririmba ahubwo nibwo umuntu yagakwiye gusenga cyane, kuko umuntu uturwanya ari we Satani niwe muririmbyi wa mbere n’ubu sinzi niba harabonetse umusimbura! Ariko Satani ni we wari umuririmbyi wambere mu ijuru.

    Hari umuntu wigeze kuvuga ngo 'Ibintu byawe niba warabitangije amasengesho, n’ubundi ukwiye kubirindisha amasengesho’, rero mba numva tuba dukwiye gusenga cyane tugasaba Imana imbaraga zidasanzwe n’andi mayerekwa adasanzwe kugira ngo duhimbe ibuntu bizaramba'.

    Uyu muhanzi atangaza ko mu minsi ya vuba hari ibindi bihangano bye bizajya hanze.

    Reba hano indirimbo ya Rwibutso Emma – Igihe uzazira Official video 2020

    Reba hano ikiganiro twagiranye na Rwibutso Emma

    http://www.agakiza.rw/Uko-Karangwa-Rwibutso-yinjiye-mu-muhamagaro-w-indirimbo-zihimbza-Imana-Video.html

    [email protected]

    Source : https://agakiza.org/Karangwa-Rwibutso-Emmanuel-ukora-umurimo.html

  • Muhire Jean Claude wasezeranye n'umukobwa wamuhaye impyiko yavuze ko ataricyo yamukundiye #rwanda #RwOT

    Mu minsi ishize,nibwo Muhire n'umukunzi we Marie-Reine Uwera Ingabire basezeranye mu mategeko bituma abantu benshi kuri Twitter bashima uru rukundo rwabo.

    Muhire warwaye impyiko bigasaba ko azisimbuza,yafashijwe n'abantu batandukanye binyuze kuri GoFundMe abona uburyo bwo kujya kwivuriza mu mujyi wa Cairo mu Misiri ndetse ajyana n'uyu mukunzi we Ingabire wamuhaye impyiko.

    Mu kiganiro yagiranye na The New Times,Muhire Jean Claude,yavuze ko benshi bazi ko yakundiye Ingabire ko yamuhaye impyiko kandi na mbere y'aho bari inshuti.

    Yagize ati 'Twamenyanye muri 2012.Twembi twaririmbaga muri korali imwe.Twese turi Abagatolika.Naririmbaga Tenoro we akaririmba Soprano.Umunsi umwe muri korali twakinnye umukino wa Kakawete.

    Ku bw'amahirwe twaratomboranye ni naho umubano waturutse.Muri icyo gihe yigaga mu mashuri yisumbuye ahitwa Lycée Notre Dame de Cîteaux.'

    Yavuze ko atibuka neza tariki yabwiriye Ingabire ko amukunda gusa ngo hari muri 2015.

    Kuwa 12 Kanama 2021,ni umunsi utazibagirana mu mateka y'aba bombi kuko aribwo basezeranye imbere y'amategeko ndetse Muhire yavuze ko mu minsi iri imbere bazakora ubukwe.

    Uyu musore yavuze ko Ingabire atari umukunzi we gusa ahubwo ari umuntu w'ingenzi cyane mu buzima bwe.

    Ati 'Mu myaka 3 ishize,narwaye impyiko ariko niwe wa mbere wanyitayeho.'

    Uyu musore akimara gusabwa gushaka umuha impyiko,yagombaga gushaka uwo mu muryango we uyimuha kuko aribo bakunze guhuza gusa ariko nta muntu n'umwe bavukana.

    Yahise atekereza mu nshuti ze aho muri 6 bari bamwemereye ku mwanya wa mbere hari Ingabire Marie Reine.

    Yagize ati 'Bakoze ibipimo byinshi,ku bw'amahirwe basanga turahuje.Ghunda yo gusimbuza impyiko nayo yari igoye kuko mu Rwanda nta bitaro bibikora kandi icyo gihe hari Covid-19.'

    Abifashijwemo n'ubufasha bw'abantu muri GoFundMe,bitunguranye mu minsi 3 yari abonye ibihumbi 23 by'amadolari hanyuma ajya kwivuza.

    Kuwa 30 Ugushyingo 2020 nibwo Muhire yahinduriwe impyiko hanyuma Kuwa 27 Ukuboza we na Ingabire bagaruka mu Rwanda.

    Muhire yavuze ko ubu ameze neza.Ati 'Meze neza ubu.Mpora nisuzumisha ariko ubu meze neza.'

    Muhire yavuze ko nubwo benshi bakeka ko yakundiye Ingabire ko yamuhaye impyiko ariko na mbere y'aho bari inshuti cyane.

    Ati 'Nashyingiranwe na Ingabire kubera ko twari tuziranye na mbere.Na mbere y'uko ampa impyiko twari twarapanze gushyingiranwa,nza kurwara.

    Niwe nkunda cyane.Akunda gusenga no kuririmba.Tumaze imyaka myinshi dukundana.Hashize imyaka 9.N'umuntu wita ku bantu atari njye gusa kuko ndwaye ahubwo n'abandi bari mu bibazo n'abakennye.

    Aba bombi bakora ibikorwa byo gufasha abababaye,by'umwihariko impfubyi n'abakene.

    Source : https://umuryango.rw/ubuzima-115/imibereho/article/muhire-jean-claude-wasezeranye-n-umukobwa-wamuhaye-impyiko-yavuze-ko-ataricyo

  • Umuherwekazi Zari yanyomoje abavuga ko ari mu rukundo na Diamond #rwanda #RwOT

    Uyu Muherwekazi w'abana batanu yabitangeje mu mpera z'icyumweru dusoje ubwo yabazwaga n'umwe mu bakunzi be niba akiri wenyine nyuma yo gutandukana na Dark Stallion. Uyu mukunzi anyuze kumbuga nkoranyambaga yari amubajije ati 'Mama Tee umbabarire kuba mbikubajije, ariko se ubu uri wenyine cyangwa warafashwe'.

    Byihuse Zari yahise umusubiza maze ahishura ko mu rukundo ari wenyine ndetse ko nta mukunzi akeneye ati '@iamofficialanwar ndi njyenyine [single] kandi ntawe ndigusha'. Mbese yumvikanishije ko atari ku isoko.

    Zari yamusubije avuga ko ari wenyine kandi adakeneye umukunzi

    Uyu mukunzi we witwa @iamofficialanwar yamubajije iki kibazo nyuma y'uko Zari ashyize hanze ifoto ari mu biruhuko ahantu ku mazi mu Burengerazuza bw'Amajyaruguru ya Africa y'Epfo.

    Zari kuva yatandukana na Dark Stallion umubano we na Diamond wongeye kuba mwiza kurushaho. Mu minsi ishize Diamond aherutse gusura uyu mugore muri Africa y'Epfo agirana ibihe byize n'abana babyaranye, urugo ararususurutsa bizamura amarangamutima ya Zari.

    Dark Stallion, tariki 14 Gashyantare 2021 ni bwo yemeje ko ari mu rukundo y'uyu muherwekazi ukomoka muri Uganda ariko urukundo rwabo ntirwamaze kabiri. Nyuma yo gutandukana, Zari yavuze ko uyu mukunzi we atamwitagaho uko bikwiye.

    Source : https://umuryango.rw/imyidagaduro/article/umuherwekazi-zari-yanyomoje-abavuga-ko-ari-mu-rukundo-na-diamond

  • Zambia: Uwari Perezida Edgar Lungu yemeye ko yatsinzwe amatora batangira gusahura ibyamwitiriwe #rwanda #RwOT

    Perezida ucyuye igihe wa Zambia Edgar Lungu yameye ko yatsinzwe amatora y'umukuru w'igihugu.

    Kuri televiziyo y'igihugu, yatangaje ati: “Ndashaka gushimira umuvandimwe wanjye Hakainde Hichilema kuba yatorewe kuba perezida wa karindwi wa Zambia.”

    Bwana Lungu mbere yari yavuze ko ashobora kuregera mu rukiko ibyavuye mu matora aho yavugaga ko abatavuga rumwe n'ubutegetsi bayakozemo uburiganya.

    Abantu benshi ku mbuga nkoranyambaga bashimiye Perezida Lungu ku gikorwa babonye nko gutsimbataza demokarasi ya Zambia n'urugero ku bindi bihugu.

    Ishyaka rya Perezida Lungu naryo ryashimiye Hichilema ku ntsinzi ye.

    Mu butumwa ryashyize kuri Facebook, ryanditse riti: “Patriotic Front Party irifuza gushimira perezida watowe, Hakainde Hichilema ku ntsinzi mu matora ya perezida.”

    Iri shyaka ryari rimaze imyaka itandatu ku butegesi, rivuga ko rigiye gufata igihe rikareba ibitaregenze neza.

    Ryatangaje ko “guhererekanya ubutegetsi byatangiye” kandi perezida watowe yamaze kugezwaho abacunga umutekano akwiriye.

    Hichilema yatsinze mukeba we Lungu amurushije amajwi arenga miliyoni.

    Yari inshuro ya gatandatu yiyamamarije gutegeka Zambia. Inshuro eshanu zabanje yaratsindwaga.

    Gusahura ibya Lungu

    Hari amakuru y'uko abashyigikiye perezida watowe bagiye gusahura iguriro rinini ryitiriwe perezida ucyuye igihe Edgar Chagwa Lungu.

    Amafoto agaragaza iguriro rya ECL Mall mu mujyi wa Kitwe ryibasiwe n'abasahuzi yahererekanyijwe cyane benshi banegura ibyo bikorwa.

    Mu butumwa yanditse kuri Twitter, Perezida watowe Hakainde Hichilema yaburiye abari kwangiza iby'abandi kubihagarika.

    BBC

    Source : https://umuryango.rw/amakuru/mu-mahanga/politiki/article/zambia-uwari-perezida-edgar-lungu-yemeye-ko-yatsinzwe-amatora-yemera-no

  • Leta ya Uganda ikomeje amakinamico y'amabi, Umunyarwanda wese uri muri icyo gihugu wanze kujya mu mitwe y'iterabwoba, Perezida Museveni amwita intasi y'u Rwanda ! #rwanda #RwOT

    Kuri uyu wa mbere, tariki 16 Kanama 2021, Leta ya Uganda yongeye gusohora ikinamico yasekeje benshi, ubwo yatangazaga ko ngo hari Abanyarwanda 4 bafatiwe ahitwa Kyazanga muri district ya Lwengo mu bikorwa by'ubutas

    Icyangaje ababonye iyi kinamico mbi, bibajije ukuntu Leta ya Uganda yafashe 'abagizi ba nabi b'Abanyarwanda', iminsi igashira ari 4 ntacyo inzego zayo z'umutekano zitangaje, ahubwo igategereza ko byandikwa mu kinyamakuru cyitwa 'softpower News', bizwi ko gikorera mu kwaha kwa Gen Abel Kandiho utegeka CMI, rya bagiro rikorerwamo iyicarubozo ku Banyarwanda . Ibi biragaragaza neza ko ibi birego ari ibipapirano, hagamijwe gusa gukomeza guharabika uRwanda, no guhohotera Abanyarwanda b'inzirakarengane bari muri Uganda.

    Mu bimenyetso ngo bigaragaza ko abafashwe ari intasi z'uRwanda, ni indangamuntu y'uwitwa Justin Mugabo n'ikarita ye imusezerera mu ngabo z'uRwanda, ndetse n'indangamuntu y'umugore we, Uwimana Egiddie, Nta kintu na kimwe kigaragaza aho aba bantu bahuriye n'inzego z'iperereza z'uRwanda, uretse ibitekerezo bya Gen Kandiho na shebuja Museveni.

    Muri Uganda ndetse no mu bihugu byinshi hagenda, hanatuye Abanyarwanda benshi barimo n'abasezerewe mu ngabo, kimwe n'uko mu Rwanda hari abahoze mu gisirikari cya Uganda, Ibyo se bibagira intasi z'igihugu iki n'iki, ku buryo bahohoterwa nta kindi na kimwe kibahamya icyaha?
    Abanyarwanda b'inzirakarengane bari muri Uganda ku mpamvu zinyuranye, zirimo z'ubucuruzi no gusura inshuti n'abavandimwe, dore ko hari n'abavukiye muri icyo gihugu kubera amateka, bakaba bakinafiteyo imiryango.

    Ni ibisanzwe kandi ku bihugu by'ibituranyi, aho usanga abaturage bagenderana, bagahahirana, yemwe bakanashyingirana. Ibyo ni nabyo bituma bitwaza ibibaranga nk'indangamuntu, kuko ntacyo baba bikeka.

    Hari Abanyarwanda ibyegera bya Perezida Museveni, birangajwe imbere na Gen Kandiho, bishishikariza abandi kwinjira mu mitwe y'iterabwoba nka RNC, FDLR n'indi ishyigikiwe na Leta ya Uganda. Ababyemeye bagiye kubonera akaga mu ntambara batazigera batsinda. Abatarapfuye bafashwe mpiri, abandi bari mu buzima butari ubwa kimuntu mu mashyamba ya Kongo.

    Abenshi ariko ni abanze kwishora mu mugambi mubisha wo kugambanira igihugu cyabo cy'uRwanda, cyane ko n'ababyemeye bitabaguye amahoro. Abo bateye utwatsi ibyifuzo bya Museveni rero ni aba bahimbirwa ibyaha by'ubutasi, bagakorerwa iyicarubozo rya kinyamaswa: Kwicwa, gukubitwa, gufungirwa ahantu hadakwiye ikiremwamuntu ndetse hatazwi, gucuzwa utwabo, mbere y'uko bajugunywa ku mupaka w'uRwanda, nta n'urubanza rubaye ngo rugaragaze ibyaha byabo.

    Utetse ko binabangamiye uburenganzira bwa muntu, binanyuranyije n'amahame y'Umuryango w' Ibihugu b'Afrika y'Uburasirazuba, ateganya iby'urujya n'uruza n'ubuhahirane hagati y'abaturage bo muri uwo muryango, kandi bigakorwa mu mudendezo.

    Uko iminsi ihita ubutegetsi bwa Perezida Museveni burarushaho kurebwa nabi cyane, haba mu mahanga, haba n'imbere mu gihugu kubera ruswa no guhohotera abaturage batabwishimiye, Mu kurangaza Abagande rero, Museveni n'ibyegera bye bagerageza gushaka uwo bashinja kuba nyirabayazana w'ibibazo byabo. Ishyari n'ubugome bafitiye uRwanda nibyo bibashora mu makinamico y'urukozasoni, nubwo abanya Uganda n'isi yoze bamaze kubitahura

    Bisanzwe bizwe ko Perezida Museveni ari kabuhariwe mu kubeshya, ariko ibinyoma avuga ku Rwanda byo biranyagisha, Abakimufitiye agatima nyamara bamwibutse ko kugambanira uRwanda buri gihe bigaruka nyirabyo.

    The post Leta ya Uganda ikomeje amakinamico y'amabi, Umunyarwanda wese uri muri icyo gihugu wanze kujya mu mitwe y'iterabwoba, Perezida Museveni amwita intasi y'u Rwanda ! appeared first on RUSHYASHYA.

    Source : https://rushyashya.net/leta-ya-uganda-ikomeje-amakinamico-mabi-umunyarwanda-wese-uri-muri-icyo-gihugu-wanze-kujya-mu-mitwe-yiterabwoba-perezida-museveni-amwita-intasi-yu-rwanda/?utm_source=rss&utm_medium=rss&utm_campaign=leta-ya-uganda-ikomeje-amakinamico-mabi-umunyarwanda-wese-uri-muri-icyo-gihugu-wanze-kujya-mu-mitwe-yiterabwoba-perezida-museveni-amwita-intasi-yu-rwanda

  • Icyiciro cya mbere mu bagore n’icya kabiri mu bagabo byakomorewe #rwanda #RwOT

    Minisitiri ya Siporo yahaye uburenganzira Ishyirahamwe ry’Umupira w’Amaguru mu Rwanda (FERWAFA) gutegura amarushanwa y’icyiciro cya kabiri mu bagabo n’icya mbere mu bagore.

    Ni amarushanwa yaherukaga gukinwa muri 2020 aho shampiyona y’abagore yaherukaga mbere y’uko icyorezo cya Coronavirus kigera mu Rwanda, ni mu gihe icyiciro cya kabiri giheruka gukinwa hatangwa amakipe yazamutse mu mwaka w’imikino 2020-21, Gorilla na Rutsiro zasimbuye Gicumbi FC na Heroes.

    Abantu benshi bibazaga igihe aya marushanwa azasubukurirwa, ni nyuma y’uko FERWAFA yari yatangaje ko itegereje igisubizo cya Minisiteri ya Siporo bandikiye.

    Ibinyujije ku rukuta rwayo rwa Twitter, FERWAFA yatangaje ko mu minsi mike hatangazwa igihe aya marushanwa azasubukurirwa.

    Yagize iti”Mu minsi mike cyane, tuzatangaza ingengabihe y’ayo marushanwa kimwe n’ingamba zivuguruye zo kwirinda COVID-19 zizakurikizwa.'

    Mu minsi ishize nibwo MINISPORTS yatangaje ingamba zijyanye no kwirinda icyorezo cya Coronavirus muri Siporo, bakaba barakomoreye imikino hafi ya yose ariko ikaba igomba kubahiriza amabwiriza yo kwirinda iki cyorezo.

    Nyuma y’umwaka urenga, icyiciro cya kabiri mu bagabo kigiye kugaruka

    Shampiyona y’abagore igiye kugaruka

    Source : http://isimbi.rw/siporo/article/icyiciro-cya-mbere-mu-bagore-n-icya-kabiri-mu-bagabo-byakomorewe

  • Cristiano Ronaldo yishimiye igikorwa cyiza Manchester United yakoreye umukinnyi wayo #rwanda #RwOT

    United yanenzwe bikomeye n'abakunzi b'umupira w'amaguru mu cyumweru gishize kubera ukuntu yatinze gutangaza ku mugaragaro uyu myugariro waguzwe miliyoni zirenga 42 z'amapawundi ariko yo yashakaga kumwerekana imbere y'abafana kuwa Gatandatu.

    Varane uzajya yambara nimero 19 mu mugongo,yishimiye iki gikorwa yakorewe na United ndetse ari imbere y'abafana yifashe ifoto ya selfie ari imbere yabo.

    Ubwo Varane yari amaze kwerekwa abafana,umunyabigwi wa Manchester United,Rio Ferdinand yahise yandika kuri Instagram ye ati 'Manchester United,Raphael Varane.Mwakoze,intsinzi,intsinzi,intsinzi.'

    Cristiano Ronaldo abonye ubu butumwa yahise agira ati 'Byiza cyane'.

    Ubwo United yari imaze kunyagira Leeds,umutoza Solskjaer yagize ati 'Ntabwo twavuganye nyuma y'umukino,ariko ni igihe cyiza kuri we ndetse no ku bafana bari bashaka kumubona kandi nawe yashakaga kubona abakinnyi bagenzi be.

    Ntegereje gukorana nawe.N'umunyamwuga,nakurikiranye imyitwarire ye kandi namwe mwabonye ukuntu yitwara n'ukuntu abaho ubuzima bwe.

    Ibiganiro byose nagiranye nawe nibyo yagiranye n'ikipe bigaragaza ko tubonye umuntu ukomeye n'umukinnyi ukomeye.'

    Source : https://umuryango.rw/imyidagaduro/imikino/article/cristiano-ronaldo-yishimiye-igikorwa-cyiza-manchester-united-yakoreye-umukinnyi

  • Ibintu ukwiye kwitondera niba uteretanira ku mbugankoranyambaga. – YEGOB #rwanda #RwOT

    Urubuga Elcrema rwatangaje bimwe mu bishobora kukwereka ko umuntu muri kuganira cyangwa ugutereta kuri murandasi atari uwo kugirirwa ikizere:

    1.Umuntu uhita utangira kugusaba amafaranga cyangwa kumutiza ibikoresho runaka. Akenshi bene uwo akubwira inkuru ibabaje y'ukuntu abikeneye, kandi mutaranabasha kumenyana birambuye. Bene uwo akenshi aba akurikiranye ibyo ari gusaba kurusha uko akwitayeho wowe ubwawe.

    2.Umuntu uhita akubaza amakuru arambuye kuri wowe, ariko wowe wagira ibyo umubaza ntagusubize, agahunga ibibazo. Biba byiza kubigenza buhoro, ibisubizo by'aho utuye, aho ukorera, numero ya telephone ukoresha, e-mail, n'ibindi. Ni ukwirinda kandi gutanga amakuru ajyanye n'uko ubitsa amafaranga, cyangwa ibindi byatuma wibwa hakoresheje ikoranabuhanga. Igihe kandi uwo muntu adafite ku rubuga rwe ifoto imugaragaza isura ye, aho usanga akoresha amafoto agaragaza ibidukikije cyangwa ikindi kintu, gira amakenga uyimusabe.

    3.Umuntu uvuga ibintu nyuma mu kindi kiganiro akavuga ibinyuranye n'amakuru yari yaguhaye mbere, cyangwa se ibyo yivugaho bikaba bitandukanye n'ibyanditse ku rubuga rwe, uwo ni uwo kwitondera.

    4.Umuntu muhana gahunda yo guhura buri gihe ku munota wa nyuma akayihindura, cyangwa se uwo muganira, haba ku manywa cyangwa andi masaha agahora asubiramo ko ari gukora ikintu iki n'iki kigahora ari kimwe, nawe aba afite ibyo ari kubeshyamo. Urugero: Mwavuganye saa yine z'igitondo avugako ari muri siporo, saa saba z'amanywa bikaba uko, saa tatu z'ijoro naho ati ndi muri siporo kandi ataravuzeko ari umukinnyi wabigize umwuga, aho haba harimo ikibazo.

    5.Umuntu uhita atangira kukwita amazina y'urukundo mutaramenyana bihagije, cyangwa ugasanga ibiganiro bye byose biraganisha ku mibonano mpuzabitsina, ugasanga mu mivugire ye akubwira ati ndaje ngusange mu buriri, cyangwa se akagusaba amafoto wambaye ubusa, uwo nawe ntaba ari shyashya.

    6.Umuntu muri kuvugana ukumva buri gihe aritotombera ibyo yabonye byose, nta kantu na kamwe avuga kagenda neza cyangwa keza abona, cyangwa se uhora akabya ku bintu byose avuga ko ibintu byose ntacyo bimutwaye, ko ibyo abona byose ari paradizo, ntashobore kuba yavuga ikintu adashima na kimwe, haba hari amahirwe y'uko yaba hari ibyo abeshya cyangwa ahisha.

    Source : https://yegob.rw/ibintu-ukwiye-kwitondera-niba-uteretanira-ku-mbugankoranyambaga/

  • Uncle Austin yavuze ‘bwa mbere’ uko uwari umu… – #rwanda #RwOT

    Biri mu byatumye inganzo imutwara akora indirimbo yise 'Dupfa Iki?' yasohoye tariki 9 Kanama 2021, ikebura abatanezezwa n'iterambere ry'abandi, abavuga ibyo batahagazeho, abapfa ubusa n'ibindi bitagakozwe n'umuntu nyamuntu.

    Ni indirimbo yakunzwe cyane mu gihe gito bitandukanye n'izindi ndirimbo z'uyu muhanzi. Ndetse, hari abagiye bamuhundagazaho ibitutsi mu bihe bitandukanye bumvise iyi ndirimbo bamwandikira bamusaba imbabazi, arazitanga.

    Mu kiganiro na Isango Star, Uncle Austin yavuze ko indirimbo ye 'Dupfa iki?' yari imaze imyaka ibiri ibitse mu kabati, yayanditse ashingiye ku mibanire y'abantu batandukanye n'umuyaga w'igihuha cyakwijwe n'abantu atazi bakibwiye uwari umukunzi we ko yamwanduje Sida, kandi ko afata n'imiti igabanya ubukana.

    Uyu muhanzi yavuze ko mu gihe yamaze abana na Joannah, hari icyumweru babanye mu inzu imwe atamuvugisha atazi impamvu, kandi akabona ko yamukarakariye mu buryo bukomeye.

    Aho umukunzi we avugiye, yamubwiye ko yamenye ko yamwanduje Sida, kandi afite amakuru avuga ko amaze igihe afata imiti igabanya ubukana bw'iyi Virus.

    Uncle Austin wibanda ku njyana ya Afrobeat ati 'Ni ubwa mbere mvuze iyi nkuru. Ku buryo yamaze n'icyumweru atamvugisha yarananutse, bamubwira ngo maze n'igihe afata imiti.'

    Ngo uwari umukunzi we bari baramubwiye guhora ashakisha mu nzu yabo imiti uyu muhanzi yafataga igabanya ubukana bwa Sida.

    Uncle Austin avuga ko muri icyo gihe hari n'inshuti ze zabimubwiraga ko yanduye Sida, ndetse ko atari inkuru yari izwi n'umuntu umwe.

    Yavuze ko muri icyo gihe yabajije umukunzi we niba yaragiye kwipimisha ngo amenye uko ubuzima bwe buhagaze, nyuma y'uko abantu bamubwiye ko yamwanduje Sida.

    Ati 'Noneho icyo gihe abimbwiye ndamubwira nti bakubwiye ko ndwaye Sida ngo narakwanduje koko? Ese wowe urarwaye wagiye kwipimisha, ati Oya!.'

    Uyu muhanzi yavuze ko yahise abwira umukunzi we ko agiye kwipimisha, ibizamini bigaragaza ko atanduye hanyuma arabimwoherereza ariko undi abitera utwatsi.

    Yavuze ko umukunzi we yanze kwemera ibyo bisubizo bigaragaza ko Uncle Austin atanduye, bikomezwa n'abantu (atazi) bamubwiye ko Uncle Austin ashobora kuba yipimishije mu baganga baziranye, bagahimba ibisubizo by'uko atanduye Sida.

    Ati 'Yanga kubyumva, baramubwira bati buriya yagiye mu baganga b’iwe baziranye bahinduranya ibisubizo.'

    Uyu muhanzi yavuze ko akimara kubona ko umukunzi we atizeye ibisubizo yari amweretse, bajyanye bombi kwipimisha ku bitaro bibiri.

    Avuga ko yabwiye umukunzi we ko buri umwe ari bufungure igisubizo cy'undi, ariko nabwo ntiyahise abyemera. Uncle Austin anavuga ko muri icyo gihe abantu bakoraga udukundi bakavuga ko yanduye Sida.

    Ashimangira ko ari muzima kandi ko n'umwana we London Ava Luwano ameze neza. Uncle Austin yavuze ko iyi nkuru yahererekanyijwe n'uruhumbirajana rw'abantu bataziranye.

    Mu 2016, ni bwo Uncle Austin yatangiye kubana na Mwiza Joannah ariko baje gutandukana buri wese aca indi nzira. Umwana babyarabye aherutse gusoza amasomo y'ikiburamwaka (Nursery). 

    Uncle Austin yahishuye ko indirimbo ye 'Dupfa iki?' isasiye ku nkuru y'ukuntu umukunzi we bamubwiye ko yamwanduje Sida Uncle Austin yavuze ko uwari umukunzi we yanze kwemera ibizamini byagaragazaga ko atamwanduje Sida

    KANDA HANO WUMVE INDIRIMBO 'DUPFA IKI?' YA UNCLE AUSTIN

    “>

    Source : https://inyarwanda.com/inkuru/108641/uncle-austin-yavuze-bwa-mbere-uko-umugore-we-yamushinje-kumwanduza-sida-bajyana-kwipimisha-108641.html