Webrwanda Backend

Category: Uncategorized

  • Icyo Kalisa Kasse yatangaje nyuma yo kubikwa ko yapfuye kandi ari muzima #rwanda #RwOT

    Kasereka Mutaki Jean Baptiste wamamaye nka Kalisa Kasse wakiniye ikipe y’igihugu y’u Rwanda 'Amavubi’, yamaganye amakuru y’uko yavuzwe yapfuye avuga ko akomeye ari mu mujyi wa Goma muri DR Congo.

    Uyu mukinnyi wamenyekanye mu ikipe ya Rayon Sports, mu cyumweru gishize tariki ya 25 Kanama nibwo haje inkuru ivuga ko yitabye Imana.

    Ni inkuru yakwirakwiye ku mbuga nkoranyambaga aho byavuzwe ko yaguye mu mujyi wa Goma nyuma y’igihe kinini arwaye.

    Uyu mugabo wigaruriye imitima ya benshi ubwo yakinaga, hakaba hasohotse amashusho amugaragaza avuga ko ari muzima kandi akomeye.

    Ati 'banyarwanda bavandimwe banjye, ni Kasereka Mutaki Jean Baptiste, Kalisa Kasse, hari abantu bavuze ko njye napfuye, ndi muzima, ndakomeye, ndi hano mu mujyi wa Goma.'

    Kalisa Kase amakuru avuga ko ubuzima abayemo ari ubuzima bubi cyane, atakabaye ari bwo abayemo nk’umukinnyi wakiniye ikipe y’igihugu, akagera ku rwego rwo gutunga amafaranga menshi.

    Kalisa Kase Former Rayon Sport Midfielder pronounced dead by some Sports media Journalists..In his own words denouncing his dead! pic.twitter.com/Em4JqM0B8O

    — Jimmy mulisa (@jimbomulisa) August 29, 2021

    Yahakanye ko yitabye Imana, gusa ubuzima abayemo si bwiza

    Kalisa Kasse(nimero 10) ni umwe mu bakinnyi bagize ibihe ubwo bakinaga

    Source : http://isimbi.rw/siporo/article/icyo-kalisa-kasse-yatangaje-nyuma-yo-kubikwa-ko-yapfuye-kandi-ari-muzima

  • Abantu 5 bahitanwe na Covid-19 mu Rwanda abandi 371 barayandura #rwanda #RwOT

    Kuri iki Cyumweru taliki ya 29 Kanama 2021, Minisiteri y'Ubuzima yatangaje ko abantu bahitanwe na Covid-19 uyu munsi ari 5 barimo abagore 3 n'abagabo 2 bagejeje umubare w'abamaze gupfa ku 1,079.

    Uyu munsi kandi,habonetse abarwayi bashya 371 b'icyorezo cya COVID-19 batumye umubare w'abamaze gutahurwaho icyo cyorezo kuva cyagera mu Rwanda ugera ku 86,613 barimo abagera ku 75,000 bamaze gukira n'abasaga 10,300 bakirimo kwitabwaho n'abaganga.

    Uyu munsi umurwayi umwe ni we wasezerewe mu bitaro, mu gihe abashya bahawe ibitaro ari 10 mu gihe mu bakirwaye 44 ari bo barembye.

    Guverinoma y'u Rwanda irashimira abaturarwanda uruhare rwabo muri uru rugamba rwo kurwanya iki cyorezo, ikaba ibasaba kwitabira kwikingiza kuko inkingo zigenda zirushaho kuboneka, ndetse no kwisuzumisha kenshi kugira ngo bagabanye ikwirakwira rya COVID-19.

    Inzego z'ubuzima ziraburira buri wese kwitwararika kuko mu gihugu hari ubwoko bwa COVID-19 yihinduranyije bwitwa Delta bugize hafi 60% y'ubwandu bushya, bukaba bwandura vuba kandi bugatuma abantu banaremba vuba ndetse bamwe bakagira n'ibyago byinshi byo kubura ubuzima.

    Ku wa 11 Kanama 2021, Guverinoma y'u Rwanda yafashe ingamba nshya zijyanye no kwirinda COVID-19 zirimo ko ingendo zibujijwe guhera saa mbiri z'ijoro (8:00 PM) kugeza saa kumi za mugitondo (4:00 AM). Ibikorwa byose byemerewe gukomeza bifunga saa moya z'ijoro (7:00 PM).

    Ni mu gihe Imirenge 10 yakomeje gushyirwa muri Guma Mu Rugo kuko ifite ubwandu buri hejuru cyane, mu gihe indi 40 yatangiye kubahiriza amabwiriza mashya asanzwe.

    Ingendo hagati y'Umujyi wa Kigali n'lntara ndetse n'Uturere tw'lgihugu zirasubukuwe, uretse izo kujya no kuva mu Mirenge iri muri Gahunda ya Guma mu Rugo.

    Mu gihe u Rwanda rutaragera nibura ku rugero rwa 60% bagomba gukingirwa, buri wese arasabwa kwitwararika no kubahiriza amabwiriza yo kwirinda ari yo gusiga intera ya metero, kwambara neza agapfukamunwa no gukaraba intoki kenshi bakoresheje amazi meza n'isabune cyangwa alukolo yabugenewe.


    Source : https://umuryango.rw/amakuru/mu-rwanda/ubuzima/article/abantu-5-bahitanwe-na-covid-19-mu-rwanda-abandi-371-barayandura

  • Paul Muvunyi na Gacinya ntibabonetse mu nama y’ubumwe bwa Rayon, Sadate na Prosper bemera abakinnyi, bimwe mu byayiranze #rwanda #RwOT

    Ku munsi w’ejo hashize ku Cyumweru habaye inama yari igamije kugarura ubumwe mu ikipe y Rayon Sports bose bagasenyera umugozi umwe, gusa bamwe mu bahoze bayobora Rayon Sports ntibahakandagiye kuko batabikozwa.

    Ni inama yabaye ikurikira iyari yahuje abahoze bayobora Rayon Sports na komite y’iyi kipe yabaye tariki ya 18 Kanama 2021 aho yabereye ku biro by’iyi kipe.

    Yitabiriwe n’abarimo komite y’iyi kipe iyobowena Uwayezu Jean Fidele na bamwe mu bahoze ari abayobozi b’iyi kipe barimo Munyakazi Sadate, Muhirwa Prosper hari kandi Rutagambwa Martin, Dr Uwiragiye Norbert ndetse na bamwe mu bafana bakuru b’iyi kipe bavuga rikumvikana n’abandi.

    Iyi nama yabereye kuri Grazia Hotel mu Rugando, ntabwo yitabiriwe na bamwe mu bahoze bayobora ikipe ya Rayon Sports nka Paul Muvunyi, Gacinya Chance Denis na Me Muhirwa Freddy aho amakuru ISIMBI yamenye ari uko badakozwa iby’ubu bumwe bitewe n’uko ngo komite iriho yaba yarabasuzuguye ikabita ibisambo.

    Kuba bataje ariko ntibyabujije inama kuba kuko yabaye ndetse hagenda hatangirwamo ibitekerezo by’icyakorwa kugira ngo umwuka mwiza muri iyi kipe ugaruke.

    Imwe mu ngingo yagarutsweho ni uko iyi kipe isa n’aho iri inyuma y’izindi mu kugura abakinnyi kandi bikaba bigaragara ko nta mafaranga ifite.

    Amakuru ISIMBI yamenye kandi yizewe ni uko Muhirwa Prosper yahise yemerera iyi kipe kuyigurira umukinnyi ukina inyuma ya rutahizamu(bivugwa ko ari Kevin Muhire yemeye kwishingira), ndetse uretse uyu mukinnyi bigenze neza ashobora no kubazanira myugariro Emery Bayisenge.

    Munyakazi Sadate na we wahoze ayobora iyi kipe, akaba yemeye ko azagurira iyi kipe umukinnyi umukinnyi umwe, aho bishoboka ko azaba ari umunyamahanga.

    Abitabiriye iyi nama kandi amakuru avuga ko nabo bagiye bitanga kugira ngo harebwe niba hari amafaranga yaboneka afashe abayobozi muri ibi bihe byo kugura abakinnyi.

    Amakuru mashya ku mukinnyi Niyonzima Olivi Seif abakunzi b’iyi kipe bamenya, ngo biragoranye ko yagurwa bitewe n’uko ahenze kandi akaba afite ikinyabupfura kigerwa ku mashyi, uyu mukinnyi yifuza miliyoni 18 ariko bakaba babona atayakwiye ahanini hashingiwe ku myitwarire ye, aho bo bavuga ko yemeye miliyoni 12 bavugana.

    Prosper(ibumoso) na Munyakazi Sadate(iburyo) bemeye kugurira iyi kipe abakinnyi

    Me Freddy(ibumoso), Gacinya Chance Denis(hagati) na Muvunyi Paul(iburyo) ntabwo bigeze bakandagira ahabereye iyi nama

    Uwayezu Jean Fidele arimo kugerageza kwiyegereza abahoze bayobora Rayon Sports

    Source : http://isimbi.rw/siporo/article/paul-muvunyi-na-gacinya-ntibabonetse-mu-nama-y-ubumwe-bwa-rayon-sadate-na-prosper-bemera-abakinnyi-bimwe-mu-byayiranze

  • Bruce Melodie na Harmonize bagiye guhurira ku… – #rwanda #RwOT

    Bruce Melodie ukomeje kwandika amateka adasanzwe mu muziki w’u Rwanda n’Akarere, agiye guhurira ku rubyiniro rumwe na Harmonize, mu Iserukiramuco  Nyafurika ry’Umuziki.

    Iri serukiramuco rizabera  mu mujyi mugari wa Edmonton muri Canada, kuwa 09 Ukwakira 2021 ku isaha ya saa tatu z’umugoroba. Azaba ari ku munsi wo kuwa gatanu. 

    Iki kikaba ari kimwe mu bitaramo Bruce Melodie ateganya mucyo yise 'Kigali World Tour', aho mu Ukuboza ateganijwe nabwo mu gihe cy’iminsi ine, muri Dubai mu gihugu cya United Emirate Arab. 

    Ni nyuma y'uko kandi ibyo yateganyaga mu Burundi byasubitswe, kubera iki kibazo cy’icyorezo cya COVID 19. Hateganijwe kandi ko afite n’ibitaramo ku mugabane w’Uburayi ariko ataratangaza amatariki yabyo.Umunyamakuru w’imyidagaduro Luckamannzeyimana ari mu bamaze guha umugisha aya makuru y'uko Bruce Melodie na Harmonize bazaba bari ku rubyiniro rumwe muri Canada mu Ukwakira 2021.

     

    Source : https://inyarwanda.com/inkuru/109005/bruce-melodie-na-harmonize-bagiye-guhurira-ku-rubyiniro-muri-edmonton-muri-canada-109005.html

  • Kigali: Ubukwe bupfiriye mu rusengero! abagen… – #rwanda #RwOT

    Hari mu kazuba ko mu museso, ubwo Dukuzumuremyi Janvière yakiraga telephone imubwira ko umugabo we babyaranye abana batanu umaze igihe yaramutaye, agiye gusezerana n'undi mugore mu rusengero.

    Ako kanya akibyumva yahise ava mu murima aho yari ari guhinga vuba na bwangu, ahita yitegura ndetse ategura n'abana be kugira ngo ajye kureba niba inkuru yari amaze kwakira ari impamo.

    Mu buryo budasanzwe kandi buri wese wari uhari, bose bakubitswe n'inkuba bagwa mu kantu. Nta n'umwe wiyumvishaga ibiri kuba ubwo uyu mubyeyi yasangaga umugabo we babyaranye abana batanu, ari gusezerana n'undi mugore mu rusengero rw'abangilikani, Paruwasi ya Gikondo mu mujyi wa Kigali.

    Ubwo abageni binjiraga mu rusengero rw’abangirikani

    Umugore akinjira mu rusengero, yasanze pasiteri amaze guhagurutsa abageni ndetse igikorwa cyo kubashyingira kigiye gutangira. N'agahinda kenshi ndetse n'amarira ashoka, yagaragaje agahinda atewe n'umugabo we ko kuba yaramutanye urugo, akaba agiye kubaka urundi rugo nyamara abo yabyaranye n'uyu mugore atamenya uko biriwe n'uko baramutse.

    Mu majwi ya Janvière yumvikanaga afata uyu wari umugabo we mu makoti, ndetse arira cyane avuga ko ibi bigomba gukemurwa na RIB.

    Byabaye ngombwa ko iki gikorwa kiba gisubitswe, abapasiteri bafata umukwe n'umugeni we ndetse n'uyu mubyeyi wari wazanye n'abana be, bajya kwiherera bonyine kugira ngo iki kibazo bagihe umurongo.

    Byahinduye isura ubwo uyu mugore n’abana batatu binjiraga

    Muri uku kwiherera ntibyamaze umwanya kuko uyu mubyeyi yahise asohoka ndetse arira cyane, agaragaza ko atari kunyurwa n'uburyo ikibazo cye bari kugikemuramo. Yashimangiye ko icyo ashaka atari isezerano ry'umugabo wamutanye abana batanu, ahubwo akeneye kubona abana be babiri umugabo yatwaye ndetse akabamwimaho uburenganzira, hanyuma agafata inshingano z'abana be nka papa wabo wababyaye.

    Bitewe n'uburyo uyu mubyeyi yagaragazaga uburyo iki kibazo kiri gukemurwamo, hitabajwe inzego z'umutekano ndetse bidatinze zihita zihasesekara, zigerageza guhuza impande zombi. N'ubwo bitari byoroshye, basabye umuryango w'umugabo kubahiriza uburenganzira bw'umubyeyi kubana be, ndetse akajya ababona igihe cyose abashakiye.

    Mu marira menshi, uyu mubyeyi agaragaza ko ikifuzo cye gikomeye ari ukubona uburenganzira ku bana be umugabo we yatwaye iwabo, ndetse bakabamuha akabirerera kuko abana be batagomba kurerwa nk'imfubyi kandi bagifite ababyeyi bose.

    Mu kiganiro na InyaRwanda, yavuze ko ibyabaye ari impamo ndetse atari kera kuko 'byabaye ku munsi w'ejo hashize kuwa gatandatu'.  Ndetse, anavuga ko icyo akeneye ku mugabo we ari abana babiri b'impanga yamutwaye ndetse bakanakemura uburyo bwo kubaho kw'aba bana babyaranye.

    Yagize ati: 'Yego iyo nkuru yabaye nimugoroba nta n'ubwo ari kera, byarangiye batabasezeranyije barabirukana mu rusengero, bababwira yuko tuzabanza gukemura ibibazo dufitanye ubwo nyine birangira bupfuye nange ndataha'.

    Yakomeje agira ati: 'Njyewe icyo narinkeneye si isezerano. Njyewe umugabo twarabanye ariko tubana mu buryo butemewe n'amategeko, ariko mu gihe ashaka gushaka undi njyewe ntarasezeranye nawe ni uburenganzira bwe, ariko yagombaga kubanza kubahiriza uburenganzira bw'abana yabyaye. Kuko abana batanu ni umuzigo ni umuryango ukomeye ku buryo atansigira inshingano zabo njyenyine ngo nzishobore'.

    Ati: 'Ikintu njyewe namushakagaho ni uko ampa abana batanu banjye afite kuko bose bavuka munda imwe ya se na nyina,  yamara kubampa ubundi bakangenera n'uko bagomba kubaho n'aho kuba, n’ikizabatunga. Bakamenya niba bagomba kubishyurira ishuri, ibigenerwa umwana byose bakabikora.”

    Uyu mubyeyi yavuze ko hashize imyaka ibiri uyu mugabo abataye, ndetse amujyanye abana b’impanga yari yaribarutse ku nshuro ya mbere kuko yibarutse impanga inshuro ebyiri.

    Abana b’impanga umugabo yamutanye

    Yagize ati: 'Hashize imyaka ibiri antaye, yajyanye bariya bana b'impanga ambwira ko bagiye gusura iwabo ubwo rero inda yansiganye nayo yavuyemo impanga zikurikira izindi yajyanye.''

    Uyu mugore yabwiye InyaRwanda ko abana kugeza na n'ubu atarababona ariko akibategereje, ndetse yakorerwa ubuvugizi kugira ngo abana be ababone ndetse amenyerwe n'uko babaho, naho ubundi ibyo kujya kubana n’undi mugore ni uburenganzira bwe.

    REBA UBURYO UMUGORE YARWANYE N’UMUGENI MU RUSENGERO, KURI AFRIMAX TV

    Source : https://inyarwanda.com/inkuru/109006/kigali-ubukwe-bupfiriye-mu-rusengero-abageni-bararwanye-kubera-kunanirwa-kumvikana-nuwo-ya-109006.html

  • Ndatsinze negukanye Umuringa Isezerano Igor… – #rwanda #RwOT

    Mu kanya gato ubwo yashyiraga hanze amafoto y’iminsi ibiri y’amateka mu buzima bwe, avuze ibigwi umukunzi we anagaragaza ko yishimye bikomeye ndetse abonye 'umuringa' we.

    Igor Mabano yagize ati: “Mbonye Umwamikazi nakunze , ndatsinze negukanye Umuringa. Ni igihe kitari gito nkutegereje Nyamibwa yanjye, none wa munsi narotaga urageze, mbonye urubavu rwanjye nari narabuze.”

    Akomeza yerekana ko n'ubwo yategereje igihe kirekire, 'rwa rwandiko yandikiye amashuka mu ndirimbo yitwa gutyo rutari urw'ubusa ndetse yuzuye rwose' ati: “Ubu nduzuye, ndanyuzwe, ntazindi Mpaka. Maze rero Rukundo rwanjye nkuhaye ubuzima bwose nsigaje ino.”

    Yongeraho ati: 'Ikindi kandi, ubu kuva none ndakomerezaho, ntuzicwa n'irungu ibyo ndabirahiye. Nzakuririmbira izitarahimbwa, nkucurangire urwo nkukunda unyurwe, NONE N'EJO IBE ARI NJYE NAWE Nyamibwa yizihiye urugo.”

    Igor Mabano yambitse impeta umukunzi we, amusaba ko bazabana, mu mezi abiri ashize. Kuwa 27 Kanama 2021, nibwo basezeranye imbere y’amategeko, nyuma kuwa 28 Kanama mu birori byitabiriwe n’ibyamamare bitandukanye, arasaba anakwa umukunzi we.

    Mu bari bamuherecyeje, harimo Ishimwe Clement nyiri Inzu y’umuziki ya Kina Music uyu muhanzi Igor abarizwamo. Mu bamuherekeje kandi, harimo Yvan Buravan, Andy Bumuntu na Nel Ngabo mu babashije kugaragara mu mafoto yashyizwe hanze kugera ubu.Igor Mabano arebana akana ko mujisho n’'umuringa' we Umuryango mushya wa Igor Mabano na Marraine na Parrain wari wabaye Ishimwe ClementIgor Mabano n’umugore we imbere y’amategeko, yamaze no gusaba akanakwa umwamikazi w’umutima we Igor Mabano ukiri muto mu myaka, nyamara mu myidagaduro ishingiye ku muziki, amaze kwandika izina rikomeye yaba mu gukoresha ibicurangisho no mu kuririmba. Aha yarahiriraga kubana n’umugore weUmugore wa Igor Mabano mu mategeko arahirira kubana n’umugabo we ubuziraherezo.

    Source : https://inyarwanda.com/inkuru/109003/ndatsinze-negukanye-umuringa-isezerano-igor-mabano-yahaye-umukunzi-we-amafoto-109003.html

  • Nyanza FC ishaka gukina ikiciro cya mbere, ya… – #rwanda #RwOT

    Nyanza FC, ikipe ikina ikiciro cya Kabiri mu Rwanda, yamaze kubona umutoza mushya Muhoza Jean Paul, wigeze gutoza Etoile de L’Est nayo ikina iki ikiciro cya Kabiri.

    Jean Paul Muhoza yari amaze umwaka atoza mu kiciro cya mbere muri Congo, aho yari umutoza wungirije mu ikipe ya Dauphin noir. Uyu mutoza kandi, yaherukaga mu Rwanda atoza ikipe ya Etoile de L’Est aho, yarwanaga intambara yo kuzamuka mu kiciro cya mbere ariko bikanga. Umwaka w’imikino 2015-2016 Muhoza yatozaga ikipe ya Pepinier FC, anayizamura mu kiciro cya mbere. Muhoza yinjira mu mwuga byari mu 2007, ubwo yatozaga ikipe ya Unity FC iri mu kiciro cya 3, ayizana mu kiciro cya kabiri.

    Ntirenganya Frederick, umunyamabanga uhoraho wa Nyanza FC

    Nk'uko twabitangarijwe n’umunyamabanga uhoraho wa Nyanza FC, Frederick Ntirenganya, yatubwiye ko mu nshingano uyu mutoza yahawe harimo kuzamura abana b’i Nyanza, guteza imbere umupira waho no kuzamura iyi kipe mu kiciro cya mbere.

    Source : https://inyarwanda.com/inkuru/109001/nyanza-fc-ishaka-gukina-ikiciro-cya-mbere-yabonye-umutoza-mushya-imusaba-kuzamura-umupira–109001.html

  • I Kigali: Ubukwe bupfiriye mu rusengero intambara irarota – YEGOB #rwanda #RwOT

    Mu mujyi wa Kigali, ubukwe bwapfiriye mu rusengero. Ni nyuma yuko umukwe wari ugiye gusezerana ngo yari afite umugore wundi babyaranye abana 5 ndetse muri abo 5 ngo harimo 2 uwo mugabo yatwaye akabamwimaho uburenganzira.

    Nkuko amashusho dukesha Afrimax Tv abigaragaza, uyu mubyeyi wabyaranye n'uyu mugabo ngo yahamagawe ku munsi w'ubukwe n'inshuti ye imubwira ko umugabo babyaranye agiye gukora ubukwe. Uwo mubyeyi yahise yitegura vuba vuba kugirango aze kugera aho umuhango wo gusezerana uri bubere. Akihagera yinjiye vuba vuba ari nako arira anavuga cyane asaba ko uwo mugabo babyaranye yamuha abana be yajyanye akabirerera kuko adashaka ko abana be babaho nk'imfubyi kandi ahari.

    Umubyeyi yagaragaje agahinda kenshi

    Nyuma y'amarira ndetse n'agahinda k'uyu mubyeyi, Abageni bahawe akanya ko kwiherera bashyirwa mu cyumba gusa nyuma y'igihe baje gusohokamo. Umugeni yari yinjiyemo yambaye agatimba gusa mu gusohokamo yaje yatwikuruwe.

    Urusengero rwahisemo kudasezeranya aba bageni kubera ikibazo cy'uriya mubyeyi maze ibyari ubukwe bihinduka ibindi bindi. Abageni barataha ndetse n'abari bitabiriye ubukwe nabo barataha.

    Abageni bahise bataha

    Source : https://yegob.rw/i-kigali-ubukwe-bupfiriye-mu-rusengero-intambara-irarota/

  • Ibyo Ndimbati yabwiwe nyuma yo kugaragaza ko agiye kubyarana na Bijoux. – YEGOB #rwanda #RwOT

    Umunyarwenya Uwihoreye Jean Bosco Mustafa uzwi nka Ndimbati yabwiwe amagambo atandukanye n'abafana be ubwo yashyiraga hanze ifoto agaragaza ko yiteguye umwana agiye kubyarana na Bijoux wo muri Bamenya.

    Ni ifoto yashyize kuri Instagram bigaragara ko ari filime bitegura gukinana.Kuri iyi foto yagaragaye nk'umugabo urimo kwita ku mugore we utwite,maze yandikaho ati' twiteguye umwana wacu vuba,ariko manaaaa'

    Mu batanze ibitekerezo babonye iyi foto, hari uwavuze ati' ariko iki kigabo ubu kiba kiri mu biki?'

    Undi yagize ati:' Bijoux yabaye nka voka yo mu isoko ,buri wese abasha kumukozaho intoki.'

    Undi yamubajije uko umugore we abibona ati' ahubwo hagiye gushya,uhubwo se buriya umugore wawe uzamukira ra?''

    Source : https://yegob.rw/ibyo-ndimbati-yabwiwe-nyuma-yo-kugaragaza-ko-agiye-kubyarana-na-bijoux/

  • Ba nyirinsengero zitarafungurwa bakomeje gusaba ko nabo bakomorerwa. #rwanda #RwOT

    Insengero zimaze igihe kingana n’umwaka n’igice, abazisengeragamo n’abayobozi bazo barasaba inzego zibishinzwe ko hakorwa igenzurwa ryimbitse maze izujuje ibyo zasabwe nazo zikaba zakomorerwa kubera ko ngo ibyo hari aho bitarakorwa.

    Icyakora kuri iyi ngingo urwego rw’igihugu rw’imiyoborere RGB, ruvuga ko insengero zitaruzuza ibirebana no guhangana na COVID 19, izo ngo nta nagahunda yo kuzifungura iriho.

    Nkuko babitangarije Radio Rwanda, aba bayobozi n’abayoboke babo mu byifuzo byabo ikigarukwaho ni uko bafungurirwa insengero, dore ko hari n’abavuga ko batazi impamvu badafungurirwa kandi ibisabwa byose harimo n’ibijyanye no guhangana na COVID 19 byose byarakozwe. Bati”

    Ibyo twamenyeshewe ko bisabwa twarabyubahirije, kuko murabona urukarabiro hariya hanze ruriho za robine ushyiraho intoki amazi akizana. Murabona intebe twagerageje kuzigabanya mu rusengero dushyiramo ntera, murabona ko hagati y’umuntu n’undi harimo hafi metero ebyiri.”

    “Urabona yuko hashize umwaka n’amezi ajya kuba nka 7-8 tudasenga, tukumva yuko rero natwe twafungurirwa kuko n’izindi nsengero iyo tugiyemo tubona ko nta kintu zirushije uru rwacu, ni nayo mpamvu tunabyibazaho. Ahubwo wenda tukavuga tuti ese, abashinzwe kuba badufungurira ni iki cyakorwa ngo babe badufubgurira! “

    Undi yagize ati” Nibyo dukeneye cyane yuko dufungurirwa, abizera b’itorero bakomeza gusengera mu ngo nabo bibaza impamvu badafungurirwa! Ntibayizi(impamvu badafungurirwa). Ariko mu bigaragara abizera baritanze bakora ibishoboka byose, icyo twari dukeneye ni uko natwe twafungurirwa.”

    Umukuru w’urwego rw’imiyoborere RGB Usther Kayitesi avuga ko amabwiriza yo kwirinda COVID19 yaje yiyongera ku yandi yari asanzwe ajyendanye n’isuku n’umutekano mu nsengero, bikaba biri mu byatumye gahunda yo gufungura insengero itihuta.

    Ati” Ntabwo bishoboka ko bafungurirwa batujuje ibisabwa ari mu rwego rw’amategeko, ari no mu rwego rw’ubuzima! Ariko urusengero ruba rutujuje ibisabwa, ntabwo aba ari urusengero. Ngira ngo mvuge ntya”Ibyo byo nta wategereza gufungurirwa urusengero atujuje ibisabwa! Ahubwo uwujuje ibisabwa birumvikana ko agomba gusaba twese tukareba aho icyorezo kituganisha abantu bagashobora guhura.

    Uko insengero zifungurwa ni nako abantu bashobora guhura, kandi mu by’ukuri turabizi ko bifite icyo bimariye abemera benshi.”

    Kugeza ubu nta mibare ihamye itangwa y’insengero zimaze gukomorerwa, icyakora RGB ivuga ko mu mujyi wa Kigali hamaze gufungurwa hejuru ya 70%, ni mu gihe mu ntara ho hamaze gufungurwa hagati ya 30% na 50%. RGB igatanga ikizere ko gahunda yo gukingira abaturarwanda benshi izasiga nyinshi mu nsengero zifunguwe, nk’uko n’izindi serivise zizafungurwa.

    [email protected]

    Source : https://agakiza.org/Ba-nyirinsengero-zitarafungurwa-bakomeje-gusaba-ko-nabo-bakomorerwa.html