Webrwanda Backend

Category: Uncategorized

  • Muri CAF Confederations cup, ikipe ya AS Kigali yatsinze Olympique de Missiri Sima yo mu birwa bya Comores ibitego 2-1 #rwanda #RwOT

    Mu ijonjora ry'ibanze ry'irushanwa nyafurika rihuza amakipe yatwaye ibikombe iwayo CAF Confederation Cup, AS Kigali yatsindiye Olympique de Missiri-Sima yo mu birwa bya Comores, iwayo ibitego 2-1.

    Ku gicamunsi cyo kuri uyu wa Gatanu tariki ya 10 Nzeli 2021, kuri Muluzini stadium iherereye mu murwa mukuru w'ibirwa bya Comores, habereye umukino ubanza w'ijonjora ry'ibanze mu irushanwa nyafurika rihuza amakipe yatwaye ibikombe iwayo

    Ni umukino wahuzaga Olympique de Missiri-Sima yari yakiriyemo AS Kigali yo mu Rwanda, AS Kigali yatangiye isatira inabona ibitego bibibiri mu gice cya mbere, ibitego byatsinzwe na Kwizera Pierrot kuri Coup Franc n'icya Saba Robert

    Mu gice cya Kabiri, Olympique de Missiri-Sima yaje kubona igitego kimwe muri bibiri byari byatsinzwe.

    Umukino wo kwishyura uzabera i Kigali, mu cyumweru kimwe, ukazabera kuri stade ya Kigali i Nyamirambo.

    Ikipe izatsinda hagati ya Olympique de Missiri-Sima na AS Kigali izatsinda izahura na DC Motemapembe yo muri Repubulika iharanira demokarasi ya Kongo.

    The post Muri CAF Confederations cup, ikipe ya AS Kigali yatsinze Olympique de Missiri Sima yo mu birwa bya Comores ibitego 2-1 appeared first on RUSHYASHYA.

    Source : https://rushyashya.net/muri-caf-confederations-cup-ikipe-ya-as-kigali-yatsinze-olympique-de-missiri-sima-yo-mu-birwa-bya-comores-ibitego-2-1/?utm_source=rss&utm_medium=rss&utm_campaign=muri-caf-confederations-cup-ikipe-ya-as-kigali-yatsinze-olympique-de-missiri-sima-yo-mu-birwa-bya-comores-ibitego-2-1

  • Imirimo yo kubaka urugomero rw’amashanyarazi rwa Rusumo iragana ku musozo #Rwanda #RwOT via @kigalitoday #rwanda #RwOT

    Imirimo yo kubaka uru rugomero yatangiye muri 2017 aho yagombaga gusozwa mu mwaka wa 2020 ariko igenda idindira bitewe na ba rwiyemezamirimo bagiye bagira imbogamizi nk’uko bitangazwa na Darren George Protulipac; umunya-Canada ukuriye umushinga wo kubaka uru rugomero.

    Darren George Protulipac ukuriye umushinga wo kubaka urugomero rwa Rusumo
    Darren George Protulipac ukuriye umushinga wo kubaka urugomero rwa Rusumo

    Darren yagize ati “imirimo yacu yagiye idindira bitewe n’imwe muri kompanyi twakoresheje mu bwubatsi bw’uru rugomero aho yatinze gutangira akazi ndetse byagera hagati hakazamo n’izindi mbogamizi za Koronavirusi, ariko ubu twakwishimira ko imirimo iri kugana ku musozo, hasigaye imirimo mike y’ubwubatsi turizera ko mu ntangiriro z’umwaka utaha wa 2022 uru rugomero ruzaba rutanga amashanyarazi mu Rwanda, Tanzania n’u Burundi.”

    Darren akomeza avuga ko usibye uru rugomero ruri kubakwa, hari no kubakwa sitasiyo y’amashanyarazi ya Rusumo izavana amashanyarazi kuri uru rugomero rwa Rusumo kugira ngo asaranganywe muri ibyo bihugu bitatu.

    Uyu muyobozi akomeza avuga ko uru rugomero ruzaha buri gihugu amashanyarazi angana na megawati 26,6 ariko ashobora kwiyongera bitewe n’uburyo igihugu gishobora gukenera amashanyarazi menshi ugereranyije n’ibindi bikoresha uru rugomero.

    Darren asoza avuga ko kubaka uru rugomero byatewe inkunga 100% na Banki y’isi, aho imirimo y’ubwubatsi ubwayo izasozwa itwaye miliyoni 120 z’amadolari, hafi miliyari 120 z’amanyarwanda, naho ibikorwa by’amashanyarazi birimo no kubaka iyi sitasiyo y’amashanyarazi ya Rusumo byo bizatwara miliyoni 60 z’amadolari, hafi miliyari 60 z’amafaranga y’u Rwanda.

    Théoneste Higaniro; umuyobozi ushinzwe gukurikirana iyubakwa ry’inganda z’amashanyarazi n’imiyoboro minini muri Sosiyete Ishinzwe Ingufu (REG), avuga ko iki gikorwa ari kimwe mu byitezweho gutanga amashanyarazi menshi mu Rwanda mu rwego rwo gukomeza gushyira ingufu mu kugeza amashanyarazi ku ngo zose mu Rwanda bitarenze umwaka wa 2024.

    Higaniro avuga ko uru rugomero nirumara kuzura, amashanyarazi ruzatanga azanyuzwa muri sitasiyo y’amashanyarazi ya Bugesera na Shango maze agakwirakwizwa mu gihugu mu bayakeneye.

    Abaturage baturiye uru rugomero rwa Rusumo muri Kirehe barishimira ko rwahinduye ubuzima bwa benshi

    Nsekanabo Evalde ni umuturage utuye mu Murenge wa Gatore ukorera kompanyi y’Abashinwa imwe mu ziri kubaka uru rugomero.

    Uyu mugabo avuga ko mbere yari umufundi ukorera amafaranga ibihumbi bitatu (3,000 Rwf) ku munsi ndetse atabona akazi buri gihe, ariko aho kubaka uru rugomero byatangiriye yasabyemo akazi aragahabwa aho ahembwa amafaranga ibihumbi bitandatu (6,000 Rwf) ku munsi ndetse akaba yariteje imbere muri icyo gihe amaze ari umwe mu bubaka uru rugomero kuko yaguze ikibanza akubakamo inzu y’umuryango we.

    Kayitare Ephrem na we ni umuturage wavuye i Ryabega muri Nyagatare akaza i Kirehe gukorera kuri uru rugomero.

    Yagize ati “abafundi bagenzi banjye twari tuziranye bambwiye ko hari akazi hano ku rugomero, nuko ndagasaba barakampa, nahise nimura umuryango wanjye none ubu umugore namuguriye imashini idoda arikorera ndetse naguze n’isambu hano hafi ndahingisha nkeza ngasagurira n’amasoko, mbese uru rugomero rwatugiriye akamaro cyane.”

    Imibare igaragaza ko mu Rwanda kugeza ubu ingo zifite amashanyarazi muri rusange zisaga 65,9 % harimo izikoresha afatiye ku muyoboro mugari n’izikoresha adafatiye ku muyoboro mugari yiganjemo akomoka ku mirasire y’izuba.

    Ni inkuru dukesha Sosiyete y’u Rwanda ishinzwe ingufu (REG)

    source : https://ift.tt/3z4yDJw

  • Rayon Sports yaba yamaze gusezera batatu barimo Kayiranga Jean Baptiste #rwanda #RwOT

    Biravugwa ko ikipe ya Rayon Sports yamaze gufata umwanzuro wo gutandukana n’abakozi bayo batatu, ni nyuma yo kudashima umusaruro wabo.

    Abo ni Kayiranga Jean Baptiste wari umuyobozi ushinzwe tekinike(directeur technique) n’umutoza w’ikipe y’abato, Gatete Emeri wari ushinzwe ikinyabupfura (discipline) na Eulade wari umuganga wungirije muri iyi kipe.

    Aba uko ari batatu bakaba bari ku mpera z’amasezerano yabo muri iyi kipe bakaba batazongererwa andi.

    Ku munsi w’ejo hashize ku wa Gatanu nibwo Rayon Sports yapimishije abakozi bayo bitegura gutangira imyitozo ku wa Mbere tariki ya 13 Nzeri 2021, aba uko ari batatu nta n’umwe wahagaragaye.

    Nyuma yo gupima abakinnyi n’abakozi hahise haba inama ya komite nyobozi y’iyi kipe bareba niba hari uwakongerwa amazezerano (muri abo batatu) ariko amakuru ISIMBI yamenye ni uko ari ntawe, gusa ngo ku wa Mbere nibwo hazafatwa umwanzuro wa nyuma.

    Kayiranga Jean Baptiste yari umuyobozi ushinzwe tekinike muri Rayon Sports

    Eulade yari umuganga wungirije wa Rayon Sports

    Source : http://isimbi.rw/siporo/article/rayon-sports-yaba-yamaze-gusezera-batatu-barimo-kayiranga-jean-baptiste

  • Ibintu 5 wamenya kuri Zari Hassan urimo kuvugisha benshi #rwanda #RwOT

    Zari Hassan umuherwekazi w’umugande wibera muri Afurika y’Epfo ni umwe mu bagore barimokuvugisha Afurika y’Iburasirazuba bitewe n’uburyo agenda agaruka mu itangazamakuru.

    Inkuru iheruka ni iyo aheruka kuvuga ko azambika ubusa Morna wahoze ari umugore w’uwahoze ari Minisitiri w’Umutungo muri Afurika y’Epfo, ni nyuma yo gutangaza ko Zari yamuteranyije n’inshuti yabo, agenda amuvuga.

    Muri iyi nkuru tugiye kureba ku bintu 5 wamenya kuri uyu mugore wavugishije Afurika y’Iburasirazuba.

    Ni umugore w’abana 5

    Zari Hassan ni umugore w’abana batanu barimo abahungu batatu yabyaranye n’uwahoze ari umugabo we witabye Imana, Ivan Semwanga ndetse na 2 yabyaranye na Diamond Platnumz.

    Ni umuherwekazi

    Zari Hassan cyangwa Boss Lady nk’uko yiyita, ni umwe mu bagore b’abashabitsi bafite agatubutse, ni we nyiri 14 Brooklyn City College muri Afurika y’Epfo, ni ishuri ry’uwahoze ari umugabo we Ivan Semwanga.

    Umuhanzi

    Uyu mugore yabaye n’umuhanzi, imyaka 10 ishize yasohoye indirimbo yise ‘ Toloba’, ni indirimbo yakunzwe cyane ndetse yarebwe n’abakabakaba miliyoni kuri YouTube.

    Umunyamakuru

    Muri 2012, Zari Hassan yari afite ikiganiro kuri TV ya UBC cyitwa Zari Bosslady. Uyu mugore mu minsi mike kuri Netflix hazaza ikiganiro kivuga ku buzima bwe.

    Aravuga rikumvikana ku mbuga nkoranyambaga(Social Media Influencer)

    Ku mbuga nkoranyambaga akurikirwa n’abasaga miliyoni 9.5. Muri 2020 yahawe igihembo na One Africa Awards nk’umugore wakoresheje imbuga nkoranyambaga neza.

    Zari Hassan umwe mu bagore bakize bakomeje gukora imitwe y’inkuru

    Source : http://isimbi.rw/imyidagaduro/article/ibintu-5-wamenya-kuri-zari-hassan-urimo-kuvugisha-benshi

  • Burera: Hafashwe bamwe mu bari bavanye kanyanga Uganda #rwanda #RwOT

    Abapolisi bakorera mu Karere ka Burera , kuri uyu wa Kane tariki ya 09 Nzeri 2021, bakoze ibikorwa bisanzwe byo kurwanya abinjiza mu Rwanda ibiyobyabwenge babivanye mu gihigu cya Uganda hafatwa abantu batatu mu bari bafite litiro 460 za Kanyanga.

    Nk' uko urubuga rwa Polisi y' u Rwanda dukesha iyi nkuru rubivuga , ibi bikorwa byabereye mu mirenge wa ya Gahunga na Cyanika mu Karere ka Burera.

    Umuyobozi wa Polisi mu Karere ka Burera, Superintendent of Police (SP) Aphrodise Nkundineza yavuze ko mu Murenge wa Gahunga, Akagari ka Gisizi, Umudugudu wa Kabagabo hafatiwe uwitwa Hakizimana Sylivestre w'imyaka 21, afatanwa  litiro 28 za Kanyanga naho uwitwa Irakiza Eight w'imyaka 28 yafatanwe litiro 26. Abo bari kumwe barirutse bata imifuka 7 yarimo litiro 186 za kanyanga.

    SP Nkundineza yagize  ati' Abapolisi bakorera muri sitasiyo  ya Gahunga bari bafite amakuru ko hari abantu bari buve mu gihugu cya Uganda bazanye kanyanga mu Rwanda banyuze mu nzira za rwihishwa. Bateguye igikorwa cyo kubafata, bageze muri Gahunga saa kumi n'ebyri za mu gitondo, bari hagati ya 10 na 15, bikanze abapolisi bakubita hasi ibyo bari bikoreye bariruka hasigara bariya babiri. Abapolisi bagiye kureba mu mifuka yari yikorewe n'abirutse basanga harimo litiro 186 za kanyanga.'

    Irakiza Eight yavuze ko izo kanyanga yari yikoreye ari izo yari agiye gucuruza ku giti cye naho Hakizimana avuga ko ari umuntu yari azishyiriye wari wazimutumye. Aba bombi bahise bashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Gahunga kugira ngo hatangire iperereza.

    Umuyobozi wa Polisi mu Karere ka Burera yakomeje avuga ko igikorwa nk'icyo cyo kurwanya abinjiza kanyanga mu Rwanda cyanabereye muri sitasiyo ya Polisi ya  Cyanika mu Kagari ka Gisovu, Umudugudu  wa Hanika  kuri uyu wa Kane  tariki ya 9 Nzeri. Mu  rugo rw'uwitwa   Munyana Foibe w'imyaka 30 iwe hafatiwe litiro 220 za kanyanga,zafatiwe mu bwiherero ariho bazihishe bazitwikiriza ibyatsi.

    SP Nkundineza yagize ati' Abaturage bahaye amakuru abapolisi  ko hari itsinda ry'abarembetsi (abantu bazwiho  kuvana ibiyobyabwenge mu gihugu cya Uganda bakabyinjiza mu Rwanda) binjiye mu Rwanda binjira mu rugo kwa Munyana guhishayo kanyanga bavuye Uganda. Abapolisi bagiye muri urwo rugo barahasaka basanga bazihishe mu bwiherero barenzaho ibyatsi.'

    Munyana ahakana ko yari azi ko hahishe  kanyanga nyamara nta minota 10 yari ishize abo barembetsi bavuye muri urwo rugo kandi nawe akemera ko atigeza ahava. Munyana yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Cyanika kugira ngo hakorwe iperereza.

    Litiro 460 za kanyanga zafashwe.

    SP Nkundineza yashimiye abaturage bakomeje kugaragaza uruhare mu kurwanya ibiyobyabwenge abagaragariza ingaruka bigira ku muryango nyarwanda ndetse n'Igihugu muri rusange.Abakishora mu bikorwa byo kwijandika mu biyobyabwenge yabakanguriye kubicikaho kuko Polisi y'u Rwanda ku bufatanye n'abaturage n'izindi nzego nta gahenge bazabaha.

    Yagize ati' Abaturage tubagaragariza ko ibiyobyabwenge byangiza ubuzima bw'ubikoresha, bihungabanya umutekano, ababifatiwemo barafungwa. Ikindi tubabwira ko batagomba kujya muri kiriya gihugu cya Uganda kubera ko abajyayo barahohoterwa cyangwa abandi bakahasiga ubuzima cyangwa bakamburwa ibyo bafite bagahomba. Tubagira inama yo kubireka bagashaka indi mirimo bakora yemewe n'amategeko kandi ibateza imbere.'

    Yongeye kwibutsa abaturage ko Polisi ihora iri maso mu kurwanya abakora ibintu byose binyuranijwe n'amategeko.

    Ingingo ya 5 y'Iteka rya Minisitiri Nº001/MoH/2019 ryo ku wa 04/03/2019 rigena urutonde rw'ibiyobyabwenge n'ibyiciro byabyo rishyira inzoga zikozwe mu buryo budakurikije ibisabwa n'amabwiriza y'ubuziranenge n'andi mategeko mu biyobyabwenge byoroheje.

    Itegeko nº68/2018 ryo ku wa 30/08/2018 riteganya ibyaha n'ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw'imiti ikoreshwa nka byo mu buryo bunyuranije n'amategeko, aba akoze icyaha. Iyo abihamijwe n'urukiko ahanishwa igifungo kitari munsi y'imyaka irindwi (7) ariko kitarenze imyaka icumi (10) n'ihazabu y'amafaranga y'u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.

    Source : https://impanuro.rw/2021/09/11/burera-hafashwe-bamwe-mu-bari-bavanye-kanyanga-uganda/

  • Urubanza Umushinwa na bagenzi be baregwamo iyicarubozo rwasubitswe #Rwanda #RwOT via @kigalitoday #rwanda #RwOT

    Ku wa 08 Nzeri 2021, Urukiko Rwibanze rwa Gihango ruherereye mu Karere ka Rutsiro rwasubitse urubanza rwagombaga kuburanisha ku ifunga n’ifungurwa ry’agateganyo Umushinwa na bagenzi be batanu bakurikiranywe n’Ubushinjacyaha ku byaha by’iyicarubozo, itwarwa n’ifungiranwa ry’umuntu bitemewe n’amategeko n’icyaha cyo gukubita cyangwa gukomeretsa ku bushake kugira ngo habanze hashakwe umusemuzi w’ururimi rw’Igishinwa.

    Ibi byaha bakekwaho bakaba barabikoze kuva ku itariki ya 19/08/2021 kugeza 23/08/2021 bari mu Mudugudu wa Kazizi, Akagari ka Kagano, Umurenge wa Mukura, Akarere ka Rutsiro mu Ntara y’Iburengerazuba.

    Uwari umuyobozi wa sosiyete icukura amabuye y’agaciro ukomoka mu gihugu cy’u Bushinwa ari kumwe n’umukozi we w’umunyarwanda bakurikiranyweho kuba barafashe abantu babiri na bo bamukoreraga akazi k’ubuzamu, babavana mu Karere ka Nyamasheke babazana mu Karere ka Rutsiro ahitwa igorogota, ahantu bubatse igiti cy’umusaraba bakubitiraho abantu bakekaho kubiba amabuye yabo y’agaciro.

    Nyuma yo kubageza mu Karere ka Rutsiro aho uwo mushinwa atuye ngo babanje kubafungirana mu nzu nyuma baza no kubakubitira ku giti cy’umusaraba babaziritse.

    Inkuru Kigali Today ikesha Ubushinjacyaha ivuga ko uru rubanza rwasubitswe rwimuriwe ku itariki ya 17/09/2021, aho Urukiko ruzakomeza kubaburanisha ku ifunga n’ifungurwa ry’agateganyo.

    Ambasade y’u Bushinwa mu Rwanda yamaganye abakubise umuturage bamuziritse ku giti

    Ambasade y’u Bushinwa mu Rwanda iherutse gutangaza ko yamenye ikibazo cy’umutekano cyavutse hagati ya kompanyi y’Abashinwa icukura amabuye y’agaciro n’umuturage. Icyo kibazo cyerekeranye n’ubujura uwo muturage yaketsweho.

    Umuvugizi wa Ambasade y’u Bushinwa mu Rwanda, yatangaje ko iyo Ambasade ishyigikiye inzego zishinzwe kugenzura iyubahirizwa ry’amategeko mu Rwanda, kandi ko bazafatanya mu gukora iperereza no gukurikirana iki kibazo mu mucyo hakurikijwe ibiteganywa n’amategeko y’u Rwanda.

    Icyakora iyo Ambasade yasabye ko ibikorwa by’Abashinwa biri mu Rwanda ndetse n’abaturage b’u Bushinwa bakora batekanye nk’uko biri mu burenganzira bahabwa buteganywa n’amategeko.

    Iyo Ambasade kandi isaba amakompanyi y’u Bushinwa akorera mu Rwanda kimwe n’abaturage b’icyo gihugu bari mu Rwanda kubahiriza ibiteganywa n’amategeko.

    Umuvugizi wa Ambasade y’u Bushinwa ati “Imyitwarire yose ifatwa nk’idakwiye igomba kuregerwa Polisi ako kanya, aho kugira ngo umuntu abikemure uko abyumva akurikije inzira zidateganywa n’amategeko.”

    Yongeyeho ati “Ambasade y’u Bushinwa mu Rwanda izakomeza guteza imbere imibanire, ubufatanye n’ubucuti hagati y’abaturage b’u Rwanda n’ab’u Bushinwa.

    source : https://ift.tt/2VylCdL

  • #COVID19: Abantu 5 bitabye Imana, abamaze gukingirwa doze zombi ni 932,692 #Rwanda #RwOT via @kigalitoday #rwanda #RwOT

    Abantu 5 bitabye Imana kubera icyo cyorezo, bituma umubare w’abamaze gupfa bose uba 1,158. Abitabye Imana ni umugore 1 n’abagabo 4, abarembye ni 18.

    Kuri uwo munsi ahabonetse abanduye icyo cyorezo benshi ni mu Karere ka Nyagatare (128), Nyamasheke (63), mu Mujyi wa Kigali (35) na Gicumbi (30) nk’uko imibare yatangajwe ibigaragaza.

    source : https://ift.tt/3E5w9P1

  • Abarwara Malaria mu Rwanda bagabanutseho miliyoni eshatu mu myaka itanu ishize – #rwanda #RwOT

    Ibi byatangajwe kuri uyu wa Gatanu ubwo hatangizwaga ku mugaragaro igikorwa cyo gutera imiti yica imibu itera Malaria, cyatangirijwe mu Karere ka Kirehe mu Murenge wa Kirehe.

    Akarere ka Kirehe mu 2016 kari gafite abaturage ibihumbi 270 bari barwaye Malaria, 650 bari barwaye iy’igikatu. Iyi mibare yaragabanutse cyane mu 2020/2021 kuko abayirwaye bari ibihumbi 25 mu gihe aka Karere kiyemeje kuyirandura burundu.

    Ku rwego rw’igihugu ho mu 2016 abari barwaye Malaria mu Rwanda bari miliyoni 4.5 mu gihe mu 2020/2021, abayirwaye bageze kuri miyoni imwe n’ibihumbi 400.

    Umuyobozi w’Ishami ryo kwirinda no gukumira Indwara mu Kigo cy’Igihugu cy’Ubuzima, RBC, Dr Tuyishime Albert, yavuze ko Malaria ari ikibazo gihangayikishije Isi yose muri rusange.

    Yasobanuye ko mu mwaka wa 2016 u Rwanda rwagize Malaria nyinshi cyane aho abagera kuri miliyoni 4.5 bayirwaye mu gihugu hose.

    Yakomeje agira ati “Muri abo bayirwaye twagizemo ibihumbi 18 barwaye Malaria y’igikatu, uko bagenda baremba n’umubare w’abahitanwa nayo wariyongereye, twagizemo abagera kuri 700 babuze ubuzima. Gusa kubera ingamba zitandukanye twafashe mu mwaka ushize wa 2020/2021 uwo mubare waragabanutse ku buryo twagize miliyoni imwe n’ibihumbi 400.”

    Dr Tuyishime yavuze ko abarwaye Malaria y’igikatu bavuye ku bihumbi 18 bagera ku 2500, abahitanwa na yo babaye 96 bavuye kuri 700. Yasobanuye ko iryo gabanuka ryatewe n’ingamba zitandukanye zirimo kuvura abaturage benshi no kwirinda no gukoresha abajyanama b’ubuzima.

    Ati “Mu ngamba rero zitandukanye zidufasha mu kuyirwanya harimo gutera imiti yica imibu aho kuri ubu tuyitera mu turere 12 tuzahaye cyane kurusha utundi.”

    Yavuze ko ubushobozi budahagije ku buryo Leta yatera igihugu cyose gusa ahamya ko nabyo bizagerwaho, yavuze ko kandi kuba abaturage bahabwa inzitiramibu bituma abantu barwaraga Malaria bagabanuka.

    Uhagarariye USAID mu Rwanda no mu Burundi, Jonathan Kamin, yavuze ko yishimiye uburyo u Rwanda rukoresha abajyanama b’ubuzima mu kurwanya Malaria n’izindi ndwara, yavuze ko gutera imiti yica imibu bizafasha cyane mu kugabanya abayirwara ku kigero kiri hejuru cyane.

    -  Gutererwa imiti yica imibu byirukanye Malaria mu baturage

    Bamwe mu baturage baganiriye na IGIHE bavuze ko kubaterera imiti yica imibu byatumye batarwara Malaria mu myaka itanu ishize.

    Mukankuranga Donatille utuye mu Mudugudu wa Kabeza mu Kagari ka Gahama mu Murenge wa Kirehe, yavuze ko we n’umuryango we baheruka kurwara Malaria mu myaka itanu ishize.

    Ati “Uyu muti baduterera udufasha mu kurwanya imibu, mbere batarawuduterera imibu yaraduteraga ikadutera Malaria, abana bakarwaragurika cyane ariko nyuma yo gutangira kuduterera ubu ntabwo iwanjye barongera kurwara.”

    Umujyanama w’Ubuzima mu Murenge wa Kirehe witwa Kaberuka Froduard, we yavuze ko agereranyije umubare w’abamugana asanga banduye Malaria ari bake cyane ugereranyije no mu myaka itanu ishize, ibi ngo byatewe nuko bose batererwa imiti yica imibu bakanarara mu nzitiramibu ziteye imiti.

    U Rwanda rufite intego yo kurandura Malaria burundu mu mwaka wa 2024, ibi bikazagerwaho mu gihe abaturage bose bazajya batererwa imiti yica imibu iyitera, kuryama mu nzitiramibu ku baturage bose ndetse gukoresha abajyanama b’ubuzima mu kuvura abaturage n’izindi ngamba nyinshi zagiye zikorwa.

    Mu Karere ka Kirehe mu Murenge wa Kirehe hatangirijwe ubukangurambaga ku gikorwa cyo gutera imiti yica imibu itera Malaria

    Bateye imiti mu nzu y’umuturage

    Umuyobozi w’Ishami ryo kurwanya Indwara muri RBC, Dr Tuyishime Albert, yavuze ko abarwara Malaria bagabanutseho miliyoni eshatu mu myaka itanu

    Abarwara Malaria mu Rwanda bagabanutseho miliyoni eshatu mu myaka itanu ishize

    source : https://ift.tt/3E4Jo2l

  • Thierry Hitimana yagizwe umutoza wa Simba SC… – #rwanda #RwOT

    Kuri uyu mugoroba nibwo Thierry Hitimana yasinye amasezerano yo kuba umutoza wungirije mu ikipe ya SC Simba, ifite ibikombe bine bya shampiyona bikurikirana, aho agiye kungiriza Gomez.

    Hitimana Thierry asubiye muri Tanzania, nyuma yo kugira ibihe byiza muri Namungo ndetse na Mtibwa Sugar.

    Hitimana Thierry w’imyaka 42 y’amavuko, ni umutoza uzwi hano imbere mu gihugu aho yanyuze mu makipe atandukanye arimo Rayon Sports, As Kigali na Bugesera FC.

    Source : https://inyarwanda.com/inkuru/109397/thierry-hitimana-yagizwe-umutoza-wa-simba-sc-yo-muri-tanzania-109397.html

  • Abaramyi 12 bo muri All Gospel Today bashyize… – #rwanda #RwOT

    Iyi ndirimbo 'Sindohoka' yaririmbwe n’abahanzi 12 b'indirimbo zihimbaza Imana ari bo: Annet Murava, Patient Bizimana, Uwitonze Clementine [Tonzi], itsinda rya James&Daniella, Aime Uwimana, Gaby Kamanzi, Prosper Nkomezi, Rene Patrick, Serge Iyamuremye, Papi Claver, Dianna Kamugisha ndetse na Fabrice Nzeyimana. Yamuritswe ku mugaragaro mu gitondo cyo kuri uyu wa Gatanu kuri Televiziyo Rwanda mu kiganiro ‘Waramutse Rwanda’, AGT ikaba yari ihagarariwe na Diana Kamugisha ndetse na Rev. Baho Isaie umuhanzi akaba n’umupasiteri.

    AGT ivuga ko iyi ndirimbo ‘Sindohoka’ yahuriwemo n’abahanzi bacye mu kwirinda Covid-19, gusa nyuma yayo bateganya kuzakora n’izindi nyinshi z’ivugabutumwa. Amajwi yayo yatunganyijwe na Fabrice afatanyije na Khrisau muri Wavelab Studios naho Aron Nitunga akora ‘Music Arrangements’. Uwacuranze ingoma ni Shalom Shikama, gitari zicurangwa na Aron ndetse na Arsene. Yagiye hanze ku mugoroba w’uyu wa Gatanu inyuzwa kuri shene ya All Gospel Today ndetse n’iya HM Africa.

    Amashusho yayo yafashwe ndetse atunganywa na Producer Fleury Legend ukorera muri Bah Africa Entertainment, uyu mugabo akaba afatwa nka nimero ya mbere mu gutunganya neza amashusho y’indirimbo ziramya zikanahimbaza Imana. Yaba mu majwi ndetse no mu mashusho, aba bahanzi baririmbye iyi ndirimbo bubahirije amabwiriza yo kwirinda Covid-19 ari nayo mpamvu bakoreshejemo abantu bacye. Iyi ndirimbo, ni umushinga wayobowe na All Gospel Today ku bufatanye na HM Africa and Wavelab Studios ihagarariwe na Fabrice Nzeyimana.

    INKURU WASOMA: Abagize All Gospel Today barimo Apotre Mignonne, Aime, Tonzi, Patient, Liza na Masengo bahagurukiye kurwanya Covid-19

    Mu itangazo rigenewe abanyamakuru ryo kuri uyu wa Gatanu tariki 10 Nzeri 2021, Ihuriro All Gospel Today rivuga ko Covid-19 ari icyorezo gihangayikishije Igihugu, kandi cyagize ingaruka kuri buri nguni yose y'ubuzima, by'umwihariko ku nsengero. Rivuga ko ari yo mpamvu abaramyi 12 bahuje imbaraga mu ndirimbo 'Sindohoka' ikangurira abantu cyane cyane abanyamadini kubahiriza amabwiriza ya Minisiteri y'Ubuzima yo gukumira no kurwanya icyorezo cya Covid-19 cyajegeje Isi muri iki gihe.

    Abahanzi 12 ba Gospel bahuriye mu ndirimbo kurwanya Covid-19

    Muri iyi ndirimbo ‘Sindohoka’ yanditswe na Fabrice Nzeyimana, aba bahanzi bagaragaza ko na Bibiliya ikangurira ubwoko bw'Imana kwirinda igihe cyose batewe n'icyorezo. Kubara 5: 2 hagira hati 'Tegeka Abisirayeli bakure mu mahema yanyu umubembe wese n'uninda wese, n'uhumanyijwe n'intumbi wese.'

    AGT bavuga ko bafatanyije na Leta mu bukangurambaga bugamije gukangurira abantu kwirinda Covid-19 bubahiriza amabwiriza yose yashyizweho. All Gospel Today inahamagarira Abanyarwanda kwikingiza Covid-19 kugira ngo umubiri ugire ubudahangarwa bwo guhangana n'iyi virus. Bati 'Si rwo rukingo rwa mbere twaba dukingiwe.'

    Rev. Alain Numa uhagarariye itsinda rya All Gospel Today (AGT) yabwiye InyaRwanda.com ko ubu bukangurambaga barimo bwo kurwanya Covid-19 buzafasha abaturarwanda by’umwihariko abakristo guhindura imyumvire ya bamwe bica amabwiriza nkana yo kwirinda Covid-19 harimo n'abakristo. Yagize ati:

    Twaricaye dusanga mu bantu bagize umuryango wa All Gospel Today nk'abahanzi n'abashumba bakurikirwa kandi bakumvwa n'abantu benshi, muri iki gihe hari abantu benshi bafite imyumvire yo kudohoka bakica ingamba zo kurwanya icyorezo, twizeye ko muri ubu bukangurambaga benshi bazahindura imyumvire.

    Rev. Numa yongeyeho ko Abakristo bafite uruhare rukomeye mu gufatanya n'inzego zitandukanye mu rugamba rwo kurwanya ikwirakwira ry'icyorezo. Ati 'Nyuma y'ubu bukangurambaga abantu bazumva ko ari ngombwa kwambara agapfukamunwa, gusiga intera hagati y'umuntu n'undi, ahahuriye abantu benshi hagomba kuba hafunguye umwuka wo hanze winjira, kumenya ko gusengera mu bihuru bitemewe. All Gospel Today yiyemeje gukorana n'izindi nzego mu bikorwa bitandukanye kuko naryo ari ivugabutumwa.'

    Ihuriro rya Gikristo rizwi nka All Gospel Today (AGT) ryatangiye mu 2013 ritangijwe n’umunyamakuru Mupende Gedeon Ndayishimiye, rikaba ihuza ingeri zitandukanye z'abantu bafite aho bahuriye n'ibikorwa by'Iyobokamana (Gospel) barimo; Abashumba bahagarariye amatorero atandukanye, Abavugabutumwa, Abahanzi, Abakuriye amakorali n'amatsinda y'abaririmbyi, Abanyamakuru, n'Abatunganya umuziki, abayobora ibitaramo (MCs), n'abandi.

    Tariki 11 Kanama 2021, batangaije ubukangurambaga bwiswe #Sindohoka, bugamije gushishikariza Abaturarwanda bose kubahiriza amabwiriza yo kwirinda Covid-19. Ni gahunda batangije nyuma y’uko hari bamwe cyane cyane abakristo bagiye bavuga bafite impungenge ku rukingo rwa Covid-19, biyemeza kubasobanurira ko inkingo zahozeho na kera ndetse n’ubu. Ni nyuma kandi y’uko hagaragaye benshi barimo n’abakristo bagiye badohoka ku mabwiriza yo kwirinda Covid-19 bagafatwa bagiye gusengera ahatemewe.

    Ubu bukangurambaga bwa All Gospel Today bwagaragayemo ibikorwa byo gusakaza ubutumwa bukangurira Abaturarwanda kwirinda Covid-19 bunyuzwa ku mbuga nkoranyambaga za All Gospel Today (Twitter, Instagram na Facebook) ndetse no ku z'abantu bwite babarizwa muri iri tsinda babasha gukurikirwa n'imbaga nyamwinshi, hatanzwe kandi n'ibiganiro mu bitangazamakuru bitandukanye. Ubu igikorwa bakurikijeho ni indirimbo bise ‘Sindohoka’.

    All Gospel Today imaze gukora ibikorwa by'urukundo binyuranye byakoze ku mitima y'abatari bacye. Tariki 24 Mata 2021, yasuye abarwayi bo mu bitaro bikuru bya Kigali, CHUK, icyo gihe ikaba yarafashije abarwayi 32 bari barabuze amafaranga yo kugura imiti, ibishyurira fagitire y'imiti yose bari barandikiwe n'abaganga. Mu mpera za 2020 nabwo iri tsinda ryasuye abarwayi mu bitaro bya Muhima mu mujyi wa Kigali ryishyurira abagore bari bamaze iminsi babyaye ariko barabuze ubushobozi bwo kwishyura ibitaro.

    KANDA HANO UREBE INDIRIMBO ‘SINDOHOKA’ YA ALL GOSPEL TODAY

    Amafoto y’aba bahanzi uko ari 12 batambukije mu minsi ku mbuga nkoranyambaga bamenyesha abakunzi babo ko indirimbo ‘Sindohoka’ ya All Gospel Today isohoka kuri uyu wa Gatanu tariki 10 Nzeri 2021.

    Annet Murava

    Patient Bizimana


    Tonzi

    James&DaniellaAime UwimanaGaby Kamanzi

    Prosper Nkomezi

    Serge Iyamuremye

    Dianna Kamugisha

    Fabrice Nzeyimana

    Ubutumwa bamwe mu bagize All Gospel Today batanze ku kwirinda Covid-19

    Apotre Mignonne Kabera yageneye ubutumwa abibwira ko gufata urukingo rwa Covid-19 ari ikimenyetso cyo kutizera Imana

    REBA HANO INDIRIMBO ‘SINDOHOKA’ YA ALL GOSPEL TODAY

    Source : https://inyarwanda.com/inkuru/109393/abaramyi-12-bo-muri-all-gospel-today-bashyize-hanze-indirimbo-sindohoka-yo-kurwanya-covid–109393.html