Webrwanda Backend

Category: Uncategorized

  • Dore ibanga wakoresha ukagira imiterere ikurura benshi – YEGOB #rwanda #RwOT

    Abakobwa benshi baba bifuza kugira amabere meza kandi ahagaze neza ataye nk'imitemeri, kugira ngo bibafashe kuberwa n'utwensa two hejuru kandi ikindi amabere yabo ninayo abafasha gukundwa n'igitsina gabo.

    Dore amabanga 15 akoreshwa:

    1. Kwambara udufata-mabere bita soutien tujyanye n'uko amabere angana no kwirinda urwikubano urwo ari rwo rwose ku gituza.

    2.Kwambara agafata-mabere igihe cyose uri gukora imyitozo ngororangingo.

    3.Kuryamira umugongo kugira ngo utaryamira igituza mu gihe cy'ijoro.

    4.Kwirinda imyitozo ngororangingo ituma wicugusa cyane.

    5.Kwegeranya amabere hamwe n'amaboko akubiranye ukayamasa uyazana mu cyerekezo cy'isura yawe.

    6.Koga amazi akonje ku mabere cyagwa umuntu agakoresha agatambaro karimo barafu mu gihe adakunze koga amazi akonje.

    7.Kwirinda gukorakorwa cyangwa kumaswa amabere ku buryo burengeje urugero. Batanga inama ko ushaka massage yayo yakoresha kereme yabugenewe kandi akayamasa mu cyerekezo cy'uruziga.

    8.Kudaterura ibyuma biremereye cyane cyangwa binarengeje urugero.

    9. Koga ugaramye muri pisine cyangwa se mu yindi migezi ndetse no kwirinda koga mu buryo butuma igituza cyawe cyikubana n'amazi cyane.

    10.Kudatinda cyane mu mazi ashyushye igihe kirekire igihe uri kwiyuhagira.

    11.Kwambura kenshi ibiba biyafashe kugira ngo amaraso atemberemo neza ndetse n'uturemangingo tube duhagaze neza.

    12. Kuryamira ikintu gitambitse ugashyira amaguru yawe ku butaka amasegonda make ukimenyereza guhora wemye ndetse ibi ngo bifasha mu kugira forume nziza y'ambere.

    13.Kutikorera ibintu biremereye.

    14.Kwirinda ibiryo bikungahaye cyane kuri poroteyini

    15.Mu gihe ukiri umukobwa utarabyara ngo wonse, ngo uba ufite amahirwe menshi yo kuba wagira amabere ameze uko ubishaka, bityo ngo kwirinda n'ubusambanyi byagufasha kugira amabere wifuza ngo kuko uko bayakorakora cyane mu gihe cyo gutegurana ngo ni nako forme yayo iba itakara agahanuka.

    Source : https://yegob.rw/dore-ibanga-wakoresha-ukagira-imiterere-ikurura-benshi/

  • Ibyamamare byari bitunze agatubutse bikaza gukena bikomeye. – YEGOB #rwanda #RwOT

    Muri iyi nkuru tugiye kurebera hamwe ibyamamare mwakunze muri benshi ariko ubu bikaba byarakennye bitewe n'impamvu nyinshi nko gusesagura imitungo cyangwa kugura ibintu byinshi by'umurengera bidakenewe.

    Muri uru rutonde uraza gutangazwa n'uko benshi ari ibyamamare usanzwe uzi kandi ukunda ndetse ibyababayeho nawe bishobora kukubera isomo rigendanye no gucunga imitungo yawe.

    1.Nicolas Cage ( Ubutunzi: Miliyoni 25 z'amadolari ya Amerika)
    Nicolas Kim Coppola yavutse tariki 7 Mutarama 1964, twamumenye cyane ku izina rya Nicolas Cage. Ni umukinnyi wa filime akaba anatunganya filime.

    Nicolas Cage yari umwe mu byamamare bikomeye mu ruganda rwa sinema ya Amerika izwi nka Hollywood byakoreraga amafaranga menshi, aho mu mwaka wa 2009 gusa yahembwe akayabo ka miliyoni 40 z'amadolari ya Amerika.

    Ku rundi ruhande Nicolas Cage ni umwe mu byamamare byaranzwe no gusesagura amafaranga cyane. Yaguze amazu menshi, agura ibinyabiziga bitandukanye.

    Si ibyo gusa kuko Nicolas Cage yaguze igihanga cya dinosaur n'indi mitwe y'ibibumbano bitandukanye byamuhagaze akayabo kabarirwa mu ma miliyoni y'amadolari ya Amerika.

    Nicolas Cage ni umwe mu bakinnyi ba filime basubiye ku isuka bitewe no gusesagura.

    2.Curtis Jackson (Ubutunzi: Miliyoni 30 z'amadolari ya Amerika)
    Curtis James Jackson III yavutse tariki 6 Nyakanga 1975, twamumenye cyane ku izina rya 50 Cent. Ni umuraperi, akaba umwanditsi w'indirimbo, agatunganya ibiganiro bya televiziyo, akaba umukinnyi wa filime ndetse akaba n'umushoramari.

    Uyu munsi biragoye cyane gutekereza uburyo uyu mugabo ari ku rutonde rw'ibyamamare bikennye kurusha ibindi kandi yarakoze ibikorwa bikomeye ndetse byakunzwe na benshi nawe akabikuramo ingano y'amafaranga menshi.

    Mu mwaka wa 2015, uyu muraperi yarezwe mu nkiko nyuma yo kunanirwa kwishyura ideni rya miliyoni 32.5 z'amadolari ya Amerika ndetse aregwa no kudatanga indezo.

    Ibibazo by'amadeni uyu mugabo yari arimo ntibyarangiriye aho kuko nyuma gato yaje kongera gutegekwa kwishyura miliyoni 5 z'amadolari ya Amerika kugira ngo amashusho y'urukozasoni yari yarafashwe akora imibonano mpuzabitsina akurwe kuri murandasi kuko byari biri kwangiza isura ye.

    Amakuru dukesha urubuga rwa Money Nation avuga ko 50 Cent mu mwaka wa 2008 yari afite ubutunzi busaga miliyoni 68 z'amadolari ya Amerika, uyu munsi asigaranye hafi kimwe cya kabiri cy'umutungo yari afite bitewe n'amadeni menshi yananiwe kwishyura n'izindi mpamvu zitandukanye

    3.Mike Tyson (Ubutunzi: Miliyoni 15 z'amadolari ya Amerika)
    Mike Gerard Tyson yavutse tariki 30 Kamena 1966, twamumenye cyane mu mukino w'iteramakofi ku izina rya Mike Tyson.

    Mu bihe bye yamaze akina uyu mukino w'iteramakofi, uyu mugabo yakoreye akayabo k'amadolari ya Amerika asaga miliyoni 400.

    Uyu mugabo nanone ni umwe mu bazwiho kuba barasesaguye ubutunzi bwabo aho yatanze amafaranga atagira ingano ku mitako n'imikufi ihenze, akagura imodoka za siporo zihenze ndetse akarangwa no gukora ibirori by'akataraboneka byinshi aho yakoreshaga ingano y'amadolari menshi.

    Uyu mugabo yari yaraguze igisamagwe cyo korora mu rugo.

    Bitewe n'ibikorwa byinshi yagiye akora bimwe bikamusaba no gutanga amadolari menshi y'umurengera ku bintu bitari ngombwa byatumye mu 2003 uyu mugabo yisanga mu gihombo gikomeye aho yagombaga kwishyura ideni rya miliyoni 23 z'amadolari ya Amerika.

    4.Lindsay Lohan (Ubutunzi: ibihumbi magana inani (800,000)by'amadolari ya Amerika)

    Lindsay Dee Lohan yavutse tariki 2 Nyakanga 1986, yamenyekanye cyane nka Lindsay Lohan.

    Lohan ni umuririmbyi, akaba umwanditsi w'indirimbo, umukinnyi wa filime, agakora ibiganiro kuri televiziyo akaba n'umushoramari.

    Nubwo afite ubushobozi bwo gukora iyi mirimo yose, Lindsay afatwa nk'icyamamare cya mbere cyakennye cyigasubira ku isuka kurusha abandi bose.

    Mu minsi ye ya mbere yari umwe mu bategarugori bahembwa agatubutse muri sinema aho nibura yahembwagwa akayabo ka miliyoni 7.5 kuri buri filime yagaragayemo nka Just My Luck, Herbie Fully Loaded n'izindi zitandukanye.Ariko ubu yarakennye.

    5.Gary Busey (Ubutunzi: ibihumbi magana inani (800,000)by'amadolari ya Amerika)

    William Gary Busey yavutse tariki 29 Kamena 1944, twamumenye cyane nka Gary Busey. Uyu mugabo ni umukinnyi wa filime, umuririmbyi akaba n'umucuranzi.

    Uyu mugabo yagaragaye muri fiime zisaga 70 ndetse mu mwaka w'2012 uyu mugabo yari asigaranye ubutunzi bungana n'amadolari ya Amerika 50,000 yonyine nyuma aza kwisuganya arongera asa n'ubyukije umutwe.

    Amakuru dukesha urubuga rwa Celebrity Land avuga ko uyu mugabo yari yarabaswe no gukoresha ikiyobyabwenge cya Cocaine.

    Uyu munsi Gary Busey afatwa nk'umwe mu byamamare byakennye cyane kuburyo ubu asigaye akora akazi gasanzwe ka buri munsi kugirango abashe kubaho.

    Source : https://yegob.rw/ibyamamare-byari-bitunze-agatubutse-bikaza-gukena-bikomeye/

  • Biyoroheye Morocco yasezereye u Rwanda mu gikombe cy’Afurika rutageze muri 1/2 #rwanda #RwOT

    U Rwanda rusezerewe na Morocco mu gikombe cy’Afurika cya Volleyball kirimo kubera mu Rwanda rutabashije kugera muri 1/2, ni nyuma yo gutsindirwa muri ¼ amaseti 3-0.

    Kuva ku wa Kabiri w’iki cyumweru mu Rwanda harimo kubera igikombe cy’Afurika mu mukino wa Volleyball, biteganyijwe ko kizasozwa tariki ya 16 Nzeri 2021.

    Nyuma y’uko u Rwanda rwitwaye neza rukazamuka mu itsinda ari urwa mbere, muri ¼ rwahuye na Morocco uyu munsi ku wa Gatandatu.

    U Rwanda rwatangiye nabi iseti ya mbere kuko rwaje gutsindwa na Marocco ku manota 25-17 y’u Rwanda.

    Iseti ya kabiri abasore b’u Rwanda baje bariye karungu babifashijwemo na Mutabazi Yves, bayoboye umukino aho bagize amanota 7 Morocco ifite 3, gusa Morocco yaje kubazamukana ndetse ibatsinda iyi seti ku manota 25-23 y’u Rwanda.

    Iseti ya 3 u Rwanda rwayitangiye rugendana na Morocco, yaje kuyisigira ku manota 13. Morocco yaje kwegukana iyi seti ku manota 25 kuri 17 y’u Rwanda. U Rwanda rukaba rwahise rusezererwa rutageze muri ½.

    Indi mikino ya ¼, Misiri yatsinze Uganda amaseti 3-1, Tunisia itsinda DR Congo amaseti 3-0 ni mu gihe Cameroon yatsinze Nigeria amaseti 3-1.

    Imikino ya ½ izakomeza ku wa Tariki ya 13 Nzeri, Misiri ihura Tunisia, ni mu gihe Cameroon izahura na Morocco yasezereye u Rwanda.

    Mu guhatanira umwanya wa 5 kugeza ku wa 8, u Rwanda ruzahura na Nigeria, ni mu gihe Uganda izahura na DR Congo.

    Mutabazi Yves yatanze ibyo yari afite ariko ntibyagira icyo bitanga

    Mutabazi Yves yerekwa ikarita y’umuhondo

    Ndamukunda Flavien yinjiyemo asimbura ku iseti ya kabiri ariko ntiyagira icyo ahindura

    Umutoza w’u Rwanda amayeri yamushiranye

    Abasore b’u Rwanda bagerageje biranga

    Morocco yatsinze u Rwanda biyoroheye cyane

    Source : http://isimbi.rw/siporo/article/biyoroheye-morocco-yasezereye-u-rwanda-mu-gikombe-cy-afurika-rutageze-muri-1-2

  • Ibisobanuro by'impeta bitewe n'urutoki uyambayeho. – YEGOB #rwanda #RwOT

    Nk'uko bitangazwa n'urubuga WWW.RMRS.Com ubundi ibiganza byombi bifite ubusobanuro buhambaye mu buryo bujyanye n'imi korere n'imitekerereze ya muntu. Abahanga mu mite kerereze ya muntu bavuga ko ukuboko kw'i Buryo kwerekana imbaraga, umurava n'ubwiganze. Mu gihe ukuboko bw' i Bumoso ko kugaragaza imitekerereze n'umutwe ibi bigaragaza imitekerereze ndetse n'imyemerere y'umuntu.

    Burya rero kwambara impeta ku rutoki runaka n'ubwo hari ababikora nk'umurimbo nyamara bifite icyo biba bisobanuye.

    1.Kwambara impeta ku gahera (Agatoki gato muri zose):

    Kwambara impeta ku gatoki gato k'ikiganza. Kwambara impeta kuri uru rutoki bigaragaza kubana n'abandi. Uru rutoki rugereranywa n'umubumbe wa merikure (mercure) kenshi umuntu yambara impeta kuri uru rutoki agamije ko abantu bayibona ndetse agamije no kubereka ko afite ubuhanga budasanzwe mu gukora ibintu binyuranye.

    2.Urutoki ya kane(Mukubitarukoko):

    uru ni rwo rutoki bambaraho impeta ya Marriage, bitewe n'uko uru rutoki rufatanye n'umutsi ujyana amaraso ku mutima uru rutoki rugaragaza urukundo ndetse ubwizano kuba uri mu rukundo. Ku bijyanye n'imibumbe uru rutoki rugereranywa n'Isi n'Ukwezi. Kwambara impeta kuri uru rutoki bigaragara guhanga udushya ndetse n'ubwiza ndetse umubano uganisha ku rukundo.Impeta igira ubu busobanuro mu gihe yambawe ku kuboko bw'iburyo. Iyo Impeta yambawe ku kuboko kw'i Bumoso bigaragaza inshingano.

    3.Kwambara impeta kuri musumbazose:

    Uru ni urutoki rurerure gusumba Izindi ruragaye cyane. Kwambara impetakuri uru rutoki bigaragaraza ko umuntu ari wenyine kandi yifuza ko uwo bafatanya ubuzima. Kandi bigaragaza ko umuntu asumba abandi, Ku bijyane n'imibumbe uru rutoki rukaba rugereranywa n'umubumwe wa Saturne.

    4.Mukuru wa mema:

    Uru rutoki rukaba ruranga igitinyiro, imbarAga, Ubuyobozi n'inshingano n' ubushake bwo gukora. Iyi myemerere ngo ifite inkomoko kera cyane kuko abami bakundaga kwambara impeta kuri uru rutoki.Umuntu iyo yambaye yacyangwa akambikwa iyi mpeta abayifurizwa kugira imbaraga ku buyobozi n'ububasha bwe. Jupiteri niwo mubumbe ugereranywa n'uru rutoki.

    5.Meme(Igikumwe):

    Kwambara impeta ku rutoki rw'igikumwe bifite ubusobanura bw'imibanire. Kandi bikagaragaza ko uba ufite icyo ushaka guhindura mubuzima bwawe, mu gihe wambaye impeta ku Gikumwe bisobanuye ko uba ushaka kugaragaza ko ushaka kugaragaza impinduka mu buzima. Mu yindi mico bavuga ko kwambara impeta kuri uru rutoki bisobanura imyemerere.

    Source : https://yegob.rw/ibisobanuro-byimpeta-bitewe-nurutoki-uyambayeho/

  • Dore ubwoko 10 bwo gusomana n'ubusobanuro bwabwo – YEGOB #rwanda #RwOT

    Gusomana ubusanzwe benshi babifataga nk'umuco w'abazungi, bigafatwa nk'ibidasanzwe ku muntu uwo ari we wese. Magingo ya iki gikorwa kiri mu bishimangira neza urukundo hagati y'abantu babiri ndetse hari n'ukwishimira bisanzwe akaba yagusoma gutyo gutyo.

    Hano hari amoko menshi yo gusomana n'ubusobanuro bwabyo, dore ko usanga abantu basomana ahantu hatandukanye nko ku munwa, ku itama, ku ijosi, ku jisho, ku kiganza n'ahandi.

    Gusomana ku munwa (First kiss)

    Ubu buryo bwo gusomana bukorwa abasomana bahuje iminwa. Bukorwa n'abantu basanzwe bakundana cyangwa bafite ibyo bashaka gusoobanura ariko bijyanye n'urukundo kuko ababikora hari uko baba basanzwe baziranye cyangwa banaganira ku bijyanye n'urukundo.

    Bene ubu buryo iyo bukoreshejwe, ababikoze ngo basigarana akantu ku mutima ku buryo bidapfa kwibagirana.

    The Butterfly kiss (Gusomana kw'ikinyugunyugu)

    Mu gihe abantu benshi bamenyereye ko gusomana bikorwa n'iminwa, kuri ubu buryo ho biratandukanye kuko bikorwa n'ingohe z'amaso.

    Mu gusomana muri ubu buryo, abantu akenshi bakundana, bitegerezanya mu maso bakegerana kugeza ingohe zabo zikoranyeho ku jisho rimwe.

    Abahanga bavuga ko nk'uko umuntu asoma undi hakabaho kubitekerezaho ku mpande zombie, no muri ubu buryo uku kwitegerezanya ngo gusigira buri umwe mu mabikoze izindi ntekerezo.

    The Drink Kiss (Gusomana munanywa)

    Ubu buryo bwo gusomana bukorwa mu gihe abasomana baba bafite n'ikinyobwa bakunda cyane. Ibi nabyo ngo biba byiza ku babikora kuko bibongerera imbaraga zo gukundana babifashishjwemo n'icyo kinyobwa bombi baba bahuriyeho. Ikaba ari nayo mpamvu akenshi bikunze kugorana gusomana ku bantu batanywa ikinyobwa kimwe.

    The Belly Button kiss (Gusomana kunda)

    Ubu buryo bwo gusomana kun da bukorwa ahanini ku bashakanye aho mu buryo bw'iyigamuntu (psychology) ngo bifasha umwana uri mu nda kugubwa neza.

    The Nose Kiss (Gusomana ku zuru)

    Ubu buryo bwo gusomana ku zuru, nabwo ni bumwe mu buryo bukunze gukoreshwa cyane bukaba bukorwa n'abantu basanzwe bakundana ariko batarashyira ku mugaragaro iby'urukundo baba bafitanye. Ubu buryo bukoreshwa n'abantu baba bafitanye ibanga ry'urukundo hagati yabo ku buryo umwe aba ari nk'ikitnderwa ku wundi.

    Angel's Wing Kiss (Gusomana ku rushyi rw'ukuboko)

    Ubu buryo bwo gusomana na bwo bukorwa n'abashakanye. Akenshi umugabo abikorera umugre nk'ikimenyetso cyerekana uruhare amufiteho cyangwa agaciro amufitiye mu bandi bantu.

    The Shoulder Kiss (Gusomana ku rutugu)

    Ubu buryo bwo gusomana ku rutugu, nabwo ni bumwe mu buryo bukorwa hagati y'abashakanye cyangwa abakundana.
    Ibi akenshi bikorwa n'ab'igitsinagore. Bigaragaza ukuba umugore akifuza umugabo we ko yagira icyo amukorera kirenze ku byo asanzwe amukorera. Bikorwa akenshi iyo bamaze kuryamana.

    Juicy Kiss (Gusomanira ku mutobe)

    Ubu nabwo ni uburyo bwo gusomana bukoreshwa n'abakundana cyangwa abashakanye.
    Ubu buryo bukorwa hifashishijwe urubuto ruto aho bose baruhurizaho iminwa yabo bakaruhererekanya ari nako iminwa yabo ikoranaho. Ibi bikorwa nk'uburyo bwo kuzana ibyishimo muri bo kuko urukundo ruba russhaka ibintu biryohereye no kuzanamo udushya.

    The Virtual Kiss (Gusomanira kure)

    Ubu buryo bwo gusomana bukorwa n'abantu bategeranye ariko barebana. Biragoye kumenya aho umuntu yerekeje umunwa niba ari ku munwa, ku zuru, ku rutugu se. ku ijosi n'ahandi.

    Bikorwa umwe mu bakundana cyangwa babiziranyeho atunga umunwa kuri mugenzi we ndetse rimwe na rimwe bigaherekezwa n'akajwi gato.

    Ubu buryo butuma abategeranye nabo barushaho kumva bari kumwe ndetse ko bagikundana.

    The Lizard Kiss (Gusomana nk'umuserebanya)

    Ubu nabwo ni ubundi buryo bwo gusomana. Bukorwa n'abantu 2 b'ibitsina bitandukanye ariko bwo bukaba bukorwa mu buryo bwihariye.

    Abasomana bakoresha indimi zabo zikaba arizo zikoranaho iminwa idakoranyeho.

    Ubu buryo nabwo bukorwa n'abakundana kuko bubafasha kumva bakundanye cyane ndetse no kwishimirana.

    Source : https://yegob.rw/dore-ubwoko-10-bwo-gusomana-nubusobanuro-bwabwo/

  • Messi na Ronaldo, ubunyamakuru ntiyabiteganyaga cyane, abana yumva azabyara – Sandrine Isheja yahishuye byinshi #rwanda #RwOT

    Umunyamakuru Isheja Butera Sandrine wa Kiss FM, avuga ko inzozi ze zagiye zihindagurika kugezaho uwumvaga azaba umusemuzi(Translator) yisanze ari umunyamakuru ukomeye ukunzwe na benshi.

    Isheja Sandrine ni umwe mu banyamakuru banditse izina cyane mu gisata cy’imyidagaduro, ubu akunzwe mu kiganiro cya Breakfast With Stars gitambuka kuri Kiss FM aho akorana na Arthur Nkusi.

    Uyu mugore washakanye na Peter Kagame muri 2016, yakoreye amaradiyo atandukanye nka radio Salus, Isango Star na K FM.

    Uyu munsi yahaye umwanya abamukurikirana ku rukuta rwa Instagram ngo bamubaze ibibazo na we abasubize, ibibazo byinshi byagiye bigaruka ku buzima bwe.

    Abajijwe niba yarakuze yumva azaba umunyamakuru, yavuze ko atari zo nzozi ze za mbere, gusa ngo n’ubundi yakuze yumva azakora akazi kamuhuza n’abantu benshi.

    Ati 'Inzozi zanjye zagiye zihinduka ariko zari zihuriye kugukora akazi kampuza n’abantu benshi batandukanye umunsi ku munsi. Mbere numvaga nzaba umusemuzi mu nama zikomeye(translator), ubundi nkumva nshaka gukora mu ndege, nyuma nibwo nahisemo itangazamakuru.'

    Ngo aramutse avuye mu kazi k’itangazamakuru akora, yumva yakwikorera ubucuruzi ariko na none akagira ikigo cy’isanamitima.

    Isheje Sandrine w’imyaka 33, yasoje amasomo y’icyiciro cya 3 cya Kaminuza, ubu akaba ari umubyeyi wubatse afite umwana umwe w’umuhungu, yumva yifuza mu buzima bwe kubyara abana 2 ariko na none ntiyakwirengagiza ko Imana ari yo igena byose.

    Ati 'Imana niyo igena byose, gusa numva 2 ari abo.'

    Mu gihe nta kazi afite, umwanya we munini awumara asoma ibitabo kugira ngo akomeze agire ibyo yihugura.

    Yavuze ko umugabo we Kagame Peter bwa mbere bahuye muri 2010, bakora ubukwe nyuma y’imyaka 6 bamenyanye kuko bwabaye muri Nyakanga 2016.

    Ati 'twahuriye kuri radiyo imwe nakoragaho muri 2010. Dukundana guhera 2014 dukora ubukwe 2016.'

    Avuga ko mu buzima bwe ikintu kimuhanganyikisha ari ukutamenya uko gahunda ye y’umunsi iteguye kuko ari umuntu ukunda gutegura buri kimwe kiba ku mwanya wacyo, iyo bitabaye biramuhangayikisha.

    Yasabye abana b’abakobwa bifuza kugera ku nzozi zabo kubiharanira kandi ntibacike intege, bakirinda gukorera ku jisho.

    Ati 'menya icyo ushaka kandi ugiharanire. Jya unoza ibyo ukora. Ntukorere ku jisho kandi ntutekorere gushimwa. Ntiwite ku gihe bizafata, uzisanga waragezeyo.'

    Yahishuye ko kuva yashakana n’umugabo we bataratongana, gusa ngo hari igihe batumvikana ku bintu nk’abantu babana ariko ntibaragera ku rwego rwo gutongana.

    Ni umugore uhamya ko ubuzima ari urugendo ndetse ku giti cye yemeza ko zimwe mu nzozi ze yazigezemo ariko hakaba hari n’ibindi byinshi atarageraho.

    Sandrine Isheja yagiriye inama abakobwa bari ku gitutu cyo gushaka ko ubuzima ari ubwabo, ndetse ko iyo ubukwe burangiye abantu bose bataha agasigarana n’umugabo we, rero buri we akwiye kwihitiramo bitewe n’icyo umutima we ushaka.

    Bamwe mu bakunzi ba siporo nabo bifuje kumenya umukino uyu mugore akina ndetse n’uwo yemera hagati ya Messi na Ronaldo, aho yavuze ko umukino we ari amakarita gusa, naho Cristiano Ronaldo ari we yemera mbere ya Lionel Messi.

    Sandrine Isheje yahishuye byinshi ku buzima bwe

    Umugabo we bamenyanye muri 2010

    Ngo yemera Cristiano imbere ya Messi

    Source : http://isimbi.rw/imyidagaduro/article/messi-na-ronaldo-ubunyamakuru-ntiyabiteganyaga-cyane-abana-yumva-azabyara-sandrine-isheja-yahishuye-byinshi

  • Umugabo yavunye umugore we imbavu ubwo yashakaga kumukorera igikorwa cy'ubunyamaswa #rwanda #RwOT

    Ibi byabaye ku wa kabiri, tariki ya 7 Nzeri i Mombasa, muri Kenya.Nk'uko ibitangazamakuru byaho bibitangaza, ngo uyu mugabo n'umugore bari bamaranye imyaka 26.

    Uyu mugore yagaragaje ko yavunitse imbavu ubwo yageragezaga kubuza umugabo we kumutera ipensi, nyuma yo gutangira gutongana akigera mu rugo ahagana mu ma saa kumi nimwe z'umugoroba akamusanga hanze y'urugo hamwe n'abandi baturanyi.

    Ahagana saa mbili z'ijoro,ngo uyu mugabo yamukururiye mu nzu aramukubita hafi no kumwica arangije amwambura ubusa arangije amushinga ipensi mu myanya y'ibanga.

    Yagize ati “ Yarantoteje cyane mbere y'uko nimukira i Mombasa nyuma yo kuvumbura ko afite undi mugore babanaga.

    'Yankuyemo ipantaro maze yinjiza ipensi mu bice byanjye by'ibanga. Ububabare bwari bwinshi. Kuva icyo gihe ntabwo nashoboye kongera ugenda neza kandi sinigeze nshaka imiti ikwiye kubera ikibazo cy'amafaranga. Nkunda kuva amaraso buri munsi.

    'Ntiyigeze ansaba gukebwa neza. Igihe cyose agira urugomo, buri gihe aba ashaka kunshimisha akoresheje intwaro. “

    Uyu mugore yakomeje avuga ko uyu mugabo we yageze ubwo amuvuna imbavu ubwo barwanaga bapfa iri hohoterwa yamukoreraga.

    Source : https://umuryango.rw/ubuzima-115/udushya/article/umugabo-yavunye-umugore-we-imbavu-ubwo-yashakaga-kumukorera-igikorwa-cy

  • Musenyeri yasezeye muri kiliziya gatolika ajya kwibanira n'umwanditsi w'ibitabo by'urukozasoni #rwanda #RwOT

    Umwepiskopi uzwi muri Espagne ku izina rya Musenyeri Xavier Novell Gomà, yeguye ku mirimo ye mu kwezi gushize kugira ngo ajye kwibanira n'umwanditsi w'ibitabo bya satani n'iby'urukozasoni byitwa Silvia Caballol.

    Uyu musenyeri amaze kumenyekana ko arwanya byimazeyo gushyingiranwa kw'abahuje ibitsina, yeguye ku mirimo ye ku mpamvu ze ku giti cye nkuko yabivuze mu ibaruwa ye yegura.

    Nk'uko uyu bagenzi b'uyu mwepiskopi babivuga,gusezera kwe kwaremewe. Amwe mu makuru avuga ko na Papa Fransisiko yaba yarasabye ko Musenyeri Xavier Novell Gomà, ubu ufite imyaka 52,wari umwepiskopi muto muri Espanye, yirukanwa.

    Ku bwa Fermi Manteca,w'imyaka 38,umupadiri uyobora muri diyosezi imwe ya Katolika na Musenyeri Xavier Novell Gomà, yagize ati: “Yari umuntu ukomeye cyane, ugira amahame akabije kandi ukunda ibintu”.Kuba rero yarajyanye n'umugore byarantunguye cyane”.

    Ibi ni ibintu bitari byitezwe byashyize abantu mu rujijo kubera kwibaza impamvu nyayo yo kwegura k'uyu wahoze ari musenyeri.

    Uyu musenyeri ngo yakundanye n'umwanditsi w'igitabo 'El infierno en la lujuria de Gabriel' ('Ikuzimu hatangaje ha Gaburiyeli'), kijyana umusomyi mu rugendo rw'umubabaro, ibisazi, irari no guharanira icyiza n'ikibi. Iki gitabo kigamije gutesha agaciro indangagaciro z'amadini n'imyizerere y'abasomyi.

    Source : https://umuryango.rw/ubuzima-115/udushya/article/musenyeri-yasezeye-muri-kiliziya-gatolika-ajya-kwibanira-n-umwanditsi-w-ibitabo

  • Abaganga babiri bo ku Bitaro bya BAHO International bafunzwe #Rwanda #RwOT via @kigalitoday #rwanda #RwOT

    RIB yavuze ko uwo murwayi wapfuye ari umugore wari ufite imyaka 54 ( amazina ye yagizwe ibanga) akaba yarapfuye ku itariki 9 Nzeri 2021, ubu abashinzwe ubugenzacyaha bakaba barimo gukora akazi kabo, ngo bamenye uburyo uwo murwayi yapfuyemo.

    Umuvugizi wa RIB, Dr. Thierry B. Murangira, aganira na KT Press yagize ati “Abakekwaho icyaha ni abagabo babiri b’abaganga, harimo umuganga w’abagore (Gynecologist) ndetse n’ushinzwe gutera ibinya (Anesthetist) . Ibizava mu iperereza, bizatangazwa nyuma ” .

    Icyo kibazo kibaye mu gihe mu mezi abiri ashize ibyo Bitaro bya ‘Baho International’ biherereye i Kigali byagize ikibazo cyateje impaka nyinshi ku mbuga nkoranyambaga.

    Ku itariki 10 Nyakanga 2021, umuturage wari ufite ikibazo icyo gihe, yakizamuye abinyujije ku rubuga rwa Twitter avuga ko, abaganga bamuhaye gahunda yo kubonana na we saa yine za mu gitondo, ariko aho kumwakira ku masaha bari bamuhaye, bamwakira saa saba.

    Mu gihe abantu batandukanye bakoresha imbuga nkoranyambaga bariho bavuga kuri icyo kibazo ku buryo butandukanye, Urwego rw’Igihugu rw’Iterambere (RDB) rwanenze ibitaro bya ‘Baho International ‘ kuba badafata umwanya ngo barebe ibyo abakiriya babavugaho, babikoreshe mu gukosora ibyo abakiriya bagaragaje nk’ibibazo bibabangamiye.

    Tariki 12 Nyakanga 2021, Umuyobozi wa RDB, Clare Akamanzi, abinyujije ku rubuga rwa Twitter, yagize ati “ Ni gute wahinduka, niba udashobora no gufata umwanya ngo wumve ibibazo ugezwaho, nyuma ngo unabikurikirane ? Uku guceceka no kutagira icyo umuntu ashaka gutangaza, ntabwo ari byiza mu mitangire ya serivisi ”.

    Nyuma y’iminsi ibiri ikibazo kivuzweho cyane, ndetse igitutu cy’imbuga nkoranyambaga, cyatumye ibitaro bya ‘Baho international’ bafata umwanya wo gusaba imbabazi, babinyujije mu nyandiko, bavuga ko basaba imbabazi kubera uburyo bakiriye ibibazo bagejejweho binyuze ku mbuga nkoranyambaga.

    Kayibanda Joseph, Umuyobozi w’ ibitaro bya ‘Baho International’ yagize ati “ Twe, Ibitaro bya ‘Baho International(BIH)’, turashaka gusaba imbabazi rubanda, cyane cyane abakiriya bacu batakiriwe neza, muri iyi minsi ya vuba aha ”.

    Kugeza ubu, hategerejwe ko Minisiteri y’ubuzima itangaza ibyo yagezeho mu igenzura yakoze , nyuma y’uko Minisitiri w’Ubuzima Dr. Daniel Ngamije, abwiye abantu ko Minisiteri ayoboye igiye gukora igenzura ryihuse kuri ibyo bitaro bya ‘Baho International’ bakareba uko imitangire ya serivisi imeze ndetse n’ireme ry’ubuvuzi batanga.

    source : https://ift.tt/3C3x7JH

  • Benjamin Mendy ukurikiranyweho gusambanya ku ngufu abagore 4 azizihiriza iminsi mikuru muri gereza #rwanda #RwOT

    Umukinnyi wa Manchester City, Benjamin Mendy, azarira iminsi mikuru ya Noheri muri gereza mu gihe agitegereje urubanza rwe ashinjwamo ibirego bine byo gufata ku ngufu abagore

    Ku munsi w'ejo myugariro wa Manchester City yageze mu rukiko ntiyaburana kubera ko yabwiwe ko azaburanishwa muri Mutarama 2022.

    Mendy, ufite imyaka 27, akurikiranyweho ibyaha bine byo gufata ku ngufu ndetse n'ikindi cyo guhohotera bishingiye ku gitsina.

    Uyu mukinnyi mpuzamahanga w'umufaransa waguzwe Miliyoni 52 zama pound,yitabye urukiko rwa Chester kugirango aburanishwe imbere y'umwanditsi wa Chester, Steven Everett.

    Mendy yagaragaye yicaye mu kirahuri amaboko arimo amapingu ubwo yakurikiranaga iburanisha abifashijwemo n'umusemuzi.

    Yavuze inshuro imwe gusa yemerera izina rye umwanditsi w'urukiko mu rubanza rwamaze iminota 45.

    Mendy yari yakuwe muri gereza mu modoka y'umutekano maze ahisha umutwe we hagati y'amaguru kugira ngo agerageze kubuza abafotora kubona isura ye.

    Ibyaha bitanu aregwa bireba abantu batatu bafite hejuru y'imyaka 16 kandi bivugwa ko byabaye hagati yUkwakira umwaka ushize na Kanama uyu mwaka iwe i Prestbury, muri Cheshire.

    Akurikiranyweho ibyaha bitatu byo gusambanya ku gahato aho umugore umwe bikekwa ko yahohotewe mu Kwakira, icyaha kimwe cyo gukorakora biganisha mu gukora imibonano mpuzabitsina ku mugore wa kabiri bikekwa ko icyaha cyabaye muri Mutarama n'icyaha kimwe cyo gufata ku ngufu ku wa gatatu bikekwa ko icyaha cyabayemuri Kanama.

    Mendy yagaragaye ari kumwe na Louis Saha Matturie w'imyaka 40, ukurikiranyweho ibyaha bine byo gusambanya ku gahato abarenga batatu barengeje imyaka 16 hagati ya Mata na Kanama.

    Source : https://umuryango.rw/imyidagaduro/imikino/article/benjamin-mendy-ukurikiranyweho-gusambanya-ku-ngufu-abagore-4-azizihiriza-iminsi