Webrwanda Backend

Category: Uncategorized

  • Bahoreye basaza babo! U Rwanda rw’amasura mashya rwatangiye igikombe cy’Afurika rutsinda Morocco(AMAFOTO) #rwanda #RwOT

    Ikipe y’igihugu y’u Rwanda mu mukino wa Volleyball mu bagore yatangiye igikombe cya Afurika itsinda Morocco amaseti 3-1.

    Iki gikombe cya Afurika mu bagore, cyatangiye uyu munsi nacyo kirimo kubera muri Kigali Arena nk’aho icy’abagabo kirimo kubera.

    U Rwanda rwisanze mu itsinda A kumwe na Senegal, Morocco na Nigeria.

    Nyuma y’uko tombola igaragaje ko u Rwanda rugomba guhera Kuri Morocco, benshi bibazaga niba bari buze guhorera basaza babo baraye basezerewe na Morocco muri 1/4 n’ubundi mu gikombe cy’Afurika.

    Umutoza w’u Rwanda, Paulo ukomoka muri Brazil, akaba yari yifashishije abakobwa bane bahawe ubwenegihugu baturutse muri Brazil.

    Abo ni; Aline Squeira A., Moreira Gomes B., Apolonario Caroline na Mariana Da Silva B., bose bakaba bari babanje mu kibuga.

    Ni abakobwa bafashije u Rwanda cyane nka Mariana wari passeur wanafashaga mugukora block.

    Ibi byaje kubafasha kwegukana iseti ya mbere ku manota 25-19 ya Morocco.

    Iseti ya kabiri inkumi z’u Rwanda zongeye gukora akazi gakomeye abarimo Benitha wakoraga ‘service’ z’imipira ikomeye, bibafasha kwegukana n’iyi seti ku manota 25-18 ya Morocco.

    Iseti ga gatatu, amakipe yombi yazamukanye ariko bigeze ku inota rya 16, Morocco isiga u Rwanda.

    Nyuma y’uko igize amanota 23 u Rwanda rufite 20, rwayizamukanye bose bagira amanota 24-24, byari bivuze ko iseti itsindirwa ku manota 26 kuko ntabwo ishobora gutsindwa nta kinyuranyo cy’amanota 2 kirimo, nabyo ntibyaje gukunda kuko buri kipe yatsindaga inota indi iryishyura, iseti yaje kwegukanwa na Morocco ku manota 34 kuri 32 y’u Rwanda.

    U Rwanda rwaje gutsinda iseti ya 3 ku manota 25-22, rwegukana umukino ku maseti 3-1.

    Undi mukino wo muri iri tsinda wabaye, Nigeria yatsinze Senegal amaseti 3-0. Ejo u Rwanda ruzakina na Nigeria mu gihe Morocco izakina na Senegal.

    Aline umwe mu bakinnyi bafashije u Rwanda

    Aline yumva impanuro z’umutoza

    Mariana Da Silva uhagaze neza, agerageza gupasa umupira

    Caroline yitegura kurivura

    Aline na Bianca

    Benitha na Caroline bajya kuri block babuze abanya-Moroc gutsinda

    Nkundamatch w’i Kirinda yari yaje gushyigikira u Rwanda

    Rujugiro na we yari yaje gushyigikira u Rwanda

    Source : http://isimbi.rw/siporo/article/bahoreye-basaza-babo-u-rwanda-rw-amasura-mashya-rwatangiye-igikombe-cy-afurika-rutsinda-morocco-amafoto

  • Dore amwe mu mafoto ya Diamond , n' umukobwa uri mundirimbo imaze gukundwa na benshi ari gutuma abantu bacika ururondogoro #rwanda #RwOT

    Umuhanzi Diamond Platnumz ukomeje kwigarurira imitima ya benshi hirya no hino , hari amwe mu mafoto ye n' umukobwa yakoresheje mundirimbo 'Naanzaje' akomeje kuvugisha abantu benshi ku mbuga nkoranyambaga , dore amwe muri ayo mafoto

    Source : https://impanuro.rw/2021/09/12/dore-amwe-mu-mafoto-ya-diamond-n-umukobwa-uri-mundirimbo-imaze-gukundwa-na-benshi-ari-gutuma-abantu-bacika-ururondogoro/

  • Dore amwe mu makosa abantu bakora mu gitondo akaba yabaviramo gutakaza ubuzima_ inkuru irambuye #rwanda #RwOT

    Abahanga mu buvuzi bavuze ko hari uburyo bwinshi cyane ikiremwa muntu gishobora kwikururira indwara, zitavuye mu byo cyariye cyangwa mu muhuro hagati kigira. Hari indwara ziterwa no kutita kuri bimwe na bimwe, bikaba byanatuma uhasiga ubuzima.

    Muri iyi nkuru turarebera hamwe icyo umuntu yakora agaca ukubiri n'izo ndwara.

    1.Ntukwiriye kuva mu buriri imburagihe: Akenshi, abantu bakunda kuva mu buriri bihuta, ndetse bakaba banabyuka mbere y'igihe kubera gukererwa akazi, amasengesho n'ibindi, bakunze guhura n'uburwayi butandukanye. Abahanga mu buvuzi bo bemeje ko byibura umuntu akwiriye kuguma mu buriri iminota itatu mbere y'uko abyuka, kugira ngo amaraso atembere neza mu mubiri, hanyuma abone kubyuka.

    Amaraso aba aturije ahantu mu mubiri iyo uryamye, rero biba ingenzi iyo uyahaye akanya agatembera mbere yo kugira aho ujya uvuye mu buriri. Iyo ubyutse vuba vuba, utuma imiyoboro y'amaraso icika intege kandi ari nta n'amaraso arimo, ibi bikaba byanatera umuvuduko w'amaraso.

    2. Mu gihe uri mu bwogero hera ku maguru:Ukwiriye guhera ku maguru mu gitondo mu gihe uri mu bwogero. Amaraso atembera ahereye mu maguru ajya mu mutwe, rero ntago ari igitekerezo cyiza guhera mu mutwe mu gihe ubyutse.

    3. Fata iminota itatu (3) y'imyitozo ngorora mubiri:Ibi bireba cyane abantu baba bafite uturemangingo tudafite imbaraga zihagije muribo. Gerageza uko ushoboye buri mu gitondo, umubiri wawe wakire ubushyuhe. Ukeneye no gufata umwanya w'imyitozo isanzwe, ya buri mu gitondo.

    Ivomo: Opera News

    Source : https://impanuro.rw/2021/09/12/dore-amwe-mu-makosa-abantu-bakora-mu-gitondo-akaba-yabaviramo-gutakaza-ubuzima_-inkuru-irambuye/

  • Umugabo w' umukene yakoze igikorwa giteye isoni_ inkuru irambuye #rwanda #RwOT

    Inkuru yatunguye abantu benshi kandi ibabaje niy'umugabo w'umukene wo muri Nigeria witwa Donnie urera abana 8, yafashe umwe muri bo amushyira mu mufuka ajya kumugurisha kugira ngo abone ibyo gutunga 7 bari basigaye, Polisi imufata ataragera ku ntego ye.

    Abakoresha imbuga nkoranyambaga bahuye n'inkuru ya Donnie, washakishije uburyo yabonamo amafaranga yo kurera abana ariko ahisemo kugurisha umwe.

    Uyu mugabo amakuru avuga ko yapfunyitse umuhungu we mu mufuka ajya kumugurisha.

    Amakuru yamenyekanye ko umugabo atwaye umwana mu mufuka, arafatwa. Donnie kugeza ubu ari kuri sitasiyo ya polisi, ahanganye n'ingaruka z'ibyo yakoze.

    Mu nkuru ya Naijapoint, ivuga ko Donnie amaze gufatwa na polisi, yavuze ko afite abana 8, ko yashakaga kugurisha umwe kugira ngo agaburire abandi babashe gukura.

    Source : https://impanuro.rw/2021/09/12/umugabo-w-umukene-yakoze-igikorwa-giteye-isoni_-inkuru-irambuye/

  • Abanya-Brazil 4 muri 14 mu ikipe y’igihugu y’u Rwanda yatangiye igikombe cy’Afurika(AMAFOTO) #rwanda #RwOT

    Ikipe y’igihugu y’u Rwanda y’abagore mu mukino wa Volleyball yatangiye igikombe cya Afurika irimo amasura mashya y’abakobwa 4 baturuka muri Brazil ni muri 14 bazifashishwa muri iri rushanwa.

    Iki gikombe cya Afurika kikaba kirimo kubera mu Rwanda guhera uyu munsi ku Cyumweru, ni mu gihe icy’abagabo cyatangiye ku wa Kabiri w’iki cyumweru.

    Mu bakinnyi 14 bazifashishwa muri iri rushanwa, harimo abakinnyi 4 bakomoka muri Brazil bahawe ubwenegihugu.

    Abo ni; Aline Squeira A., Moreira Gomes B., Apolonario Caroline na Marina Da Silva B.

    Abakinnyi bose bazitabazwa muri iri rushanwa ni;

    Aline Squeira A., Moreira Gomes B., Apolonario Caroline, Mariana Da Silva B., Akimana Ernestine, Munezero Valentine, Uwiringiyimana Albertine, Dusabe Flavia, Mukantambara Seraphine, Mukandayisenga Benitha, Nzamukosha Olive, Musaniwabo Hope, Nzayisenga Charlotte na Uwamahoro Beatrice.

    Moreira Gomes Bianca, ni mushya mu ikipe y’igihugu

    Mariana Da Silva(6), akomoka muri Brazil

    Apolonario Caroline(ugiye gutera umupira) na Mariana, bose bakomoka muri Brazil

    Apolonario Caroline

    Aline Squeira A.

    Source : http://isimbi.rw/siporo/article/abanya-brazil-4-muri-14-mu-ikipe-y-igihugu-y-u-rwanda-yatangiye-igikombe-cy-afurika-amafoto

  • Meddy ashobora gushyira hanze indirimbo Quee… – #rwanda #RwOT

    Indirimbo 'Queen of Sheba' byemejwe ko mu masaha 120, Meddy yayishyira hanze iyi ikaba ariyo ndirimbo benshi bari biteze ko izabanza mbere y'iyo aheruka gushyira hanze ikunzwe n'abatari bacye yitwa 'My Vow'.

    Binyujijwe ku rukuta rw'abakunzi b'umuziki wa Meddy, Inkoramutima, kandi runyuzwaho n'amakuru y'uyu muhanzi, hahishuwe ko mu minsi itanu uhereye none, Meddy yiteguye gushyira hanze indi ndirimbo.

    Bagize bati: 'Munsi y'iminsi itanu'  bongeraho amashusho y'amasegonda agaragaza izina ry'indirimbo, ariko muri yo hagaragaramo amagambo asa nk'azaba ari mu ndirimbo agira ati: 'Reka mbe umwe wawe njyenyine.'

    Umwe mu babonye aya mashusho, yagaragaje ko afite amatsiko agira ati: 'Barangiza ngo views zabonetse gute? Uba waduteye amatsiko.' akomoza ku bantu bavuze ko indirimbo iheruka Meddy yaguze views.

    Iyi ndirimbo Meddy agiye gushyira hanze, yatangiye kuvugwa muri Gicurasi 2021 kuko hari amashusho mato yamugaragaje ayiririmbana na Mimi, [umwita 'Zaddy', bivuga umugabo w'igikundiro n'uburanga buhebuje bukurura ab'igitsinagore (sexy)]  mu bukwe bwabo, ikaba yaritiriwe umwamikazi wa Salomon wo muri bibiliya, Sheba, wakomokaga muri Ethiopia.

    Mu minsi itanu umwe muriyo uhereye none, Meddy yiteguye gushyira indirimbo hanze

    Ubwo bamwe baba bitana ba Bae na Cher, Mimi yongeramo n'andi ataka umugabo we arimo ‘Zaddy’ bivuze umugabo w’igikundiro w'ubwiza bw'akataraboneka.

    'Amagambo yayo ambera urumuri mu nzira yanjye' ubutumwa bwa Meddy bw’impera z’icyumweru.

       

    Source : https://inyarwanda.com/inkuru/109433/meddy-ashobora-gushyira-hanze-indirimbo-queen-of-sheba-mu-gihe-kitarenze-iminsi-itanu-109433.html

  • APR FC yatangiye nabi imikino Nyafurika #rwanda #RwOT

    Ibitari byitezwe n’abakunzi ba APR FC nibyo byabaye inganya umukino ubanza w’ijonjora ry’ibanze rya CAF Champions League na Mogadishu City Club yo muri Somalia 0-0.

    Ni umukino wabaye ku gicamunsi yo kuri iki Cyumweru ubera muri Djibouti kuko muri Somalia hari umutekano muke.

    APR FC yagiye gukina uyu mukino idafite bamwe mu bakinnyi bayo, Ruboneka Bosco na Byiringiro Lague kubera imvune.

    Aba bakaba biyongeraga ku mutoza mukuru w’iyi kipe, Mohammed Adil Erradi udafite ibyangombwa byo gutoza aho umukino watojwe n’Umunya-Tunisia Jamel Eddine Neffati.

    Bitewe n’amateka ya ntayo y’ikipe ya Mogadishu City Club mu mikino Nyafurika, benshi bakekaga ko umukino uri bworohere APR FC ariko siko byagenze.

    Igice cya mbere cy’umukino cyarangiye nta mahirwe akomeye impande zombi zabonye.

    Mu gice cya kabiri cy’umukino, APR FC iba yabonye igitego ariko umupira Yannick Bizimana yateye mu izamu uca iruhande rwaryo.

    Umukino warangiye ari 0-0, umukino wo kwishyura uzaba tariki ya 19 Nzeri 2021, ubere i Kigali mu Rwanda.

    Abakinnyi 11 impande zombi zitabaje

    APR FC: Ishimwe Jean Pierre, Omborenga Fitina, Niyomugabo Claude, Buregeya Prince, Karera Hassan, Mugisha Bonheur, Rwabuhihi Aimé Placide, Bizimana Yannick, Mugisha Gilbert, Manishimwe Djabel na Tuyisenge Jacques (c).

    Mogadishu CC: Kimera Ali, Ciise (c), Baanuu, Stephane, Willic, Ali, Mika, Catoosh, Santoos, Majiid, Olivier.

    11 ba APR FC babanjemo

    Source : http://isimbi.rw/siporo/article/apr-fc-yatangiye-nabi-imikino-nyafurika

  • Manchester yashimye Burna Boy warebye umukino… – #rwanda #RwOT

    Burna Boy ni umwe mu bitabiriye umukino w’amateka, kuko wari uwa mbere Cristiano Ronaldo agaragayemo, kuva yakiyemeza kujya gutanga ibyishimo na none muri shampiyona y’ubwongereza, by’umwihariko ‘Old Traford’.

    Ukaba wahuje Manchester United na Newcastle, bikarangira intsinzi ibaye iy’ikipe y’ibigwi, yihanije Newcastle ikayitsinda ibitego 4 kuri 1. Nyuma y’intsinzi, bagaragaje ko batewe ishema no kuba Burna Boy yaje kubashyigikira.

    Burna Boy yari yibereye muri ‘Old Traford’ akurikiranye yambaye umupira wa Manchester United

    Burna amaze iminsi ku mugabane w’u Burayi mu gihugu cy’u Bwongereza, aho yageze mu matariki yo hagati muri kanama, mu myiteguro y’igitaramo kitabiriwe bitangaje yakoreye mu nzu ngali y’imyidagaduro ya O2 Arena muri London.

    Kuri ubu aritegura kwerecyeza muri Leta Zunze Ubumwe za Amerika aho afite ibitaramo binyuranye. Burna Boy siwe muhanzi wenyine ufite ibitaramo bizenguruka isi mu bahanzi ba Africa.

    Wizkid nawe aritegura kujya mu Bwongereza mu mpera z’uyu mwaka, Diamond Platnumz nawe ategerejwe muri uku kwakira mu bitaramo binyuranye muri Leta Zunze Ubumwe za Amerika.

    Guhera kuri 04 Nzeri 2021, Harmonize nawe ari mu batangiye ibitaramo bizenguruka Leta Zunze Ubumwe za Amerika, aho azava yerecyeza muri Canada, kimwe mubyo azakorerayo akazagihuriramo na Bruce Melodie.

    Harmonize azahava yerecyeza ku mugabane w’i Burayi, akazasoreza muri Africa mu gihugu cya Sierra Leone mu ntangiriro z’umwaka utaha.

    Burna Boy mu gitaramo aheruka gukora cy’amateka muri London yamanukiye mu gisa nk'icyogajuruIgitaramo cya Burna Boy cyari amateka mu Bwongereza cyaritabiriwe birenze

    Burna Boy ari mu kwitegura kwerecyeza muri Leta Zunze Ubumwe za Amerika aho afite ibitaramo ahantu hanyuranye uhereye muri Hollywood Bowl

    Source : https://inyarwanda.com/inkuru/109432/manchester-yashimye-burna-boy-warebye-umukino-wayihuje-na-new-castle-109432.html

  • Burundi: Leta yamenye abasirikare benshi n'abapolisi mu ntara ya Cibitoke #rwanda #RwOT

    Amakuru atangwa n'umwe mu basirikare yemeza ko babonye amakuru ababwira ko inyeshyamba zo mu Burundi zifite icyicaro muri Repubulika Iharanira Demokarasi ya Kongo zigiye gutera u Burundi.

    Nkuko Ikinyamakuru SOS Media Burundi cyabitangaje,imisozi ya Kagazi na Rusiga yo muri komine Rugombo hamwe n'imisozi ya Ruhagarika ,Gasenyi, Kaburantwa na Nyamitanga yose yo muri komine Buganda yuzuyeho abasirikare baje gutegereza umwanzi ngo niyibeshya bamuhe isomo.

    Nkuko bivurwa n'umusirikare ukorera mu ntara ya Cibitoke, nuko abakongomani batuye mu bice bya Lemera na Gahanda ku kiyaya cya Rusizi,mu karere ka Uvira aribo batanze amakuru ku gisirikare cy'u Burundi ko barikanura umwanzi ashobora kubaca mu rihumye agatera igihugu cy'u Burundi yinjiriye mu makomine ya Buganda na Rugombo yo mu ntara ya Cibitoke.

    Yagize atiˮ Biraboneka ko imitwe irwanya Leta y'u Burundi irimo kwitegura gutera igihugu, niyo mpamvu twahawe amakuru hanyuma dufata icyemezo cyo gucunga umutekano bikomeye ku mupaka‟.

    Amakuru aturuka mu Burundi avuga ko abaturage bo ku musozi Nyamitanga batashywe n'ubwoba nyuma yo kubona abashinzwe umutekano batari bamenyerewe bari kumwe n'imbonerakure zitwaje imipanga hamwe n'ibihiri.

    Umwe yagize ati “Twatekereje ko ari igitero. Byongeye kandi, ntitwumva impamvu abashinzwe umutekano baherekejwe n'Imbonerakure zitwaje imihoro n'ubuhiri.”

    Ushinzwe ikigo cya gisirikare cya Cibitoke hamwe na komiseri wa polisi mu ntara ya Cibitoke bahumurije abaturage bo muri utwo duce turimo abashinzwe umutekano benshi , ko batagira ubwoba kuko ari ibintu bisanzwe byakozwe, ariko basabwa gutungira urutoki umuntu wese utamenyerewe babonye muri ako karere.

    Source : https://umuryango.rw/amakuru/mu-mahanga/umutekano/article/burundi-leta-yamenye-abasirikare-benshi-n-abapolisi-mu-ntara-ya-cibitoke

  • Ethiopia: Batangiye umwaka mushya wa 2014 #Rwanda #RwOT via @kigalitoday #rwanda #RwOT

    Abaturage ba Oromo bashyira indabo mu mazi bashima Imana yabarinze mu mwaka barangije bakaba bageze mu wundi mwaka mushya
    Abaturage ba Oromo bashyira indabo mu mazi bashima Imana yabarinze mu mwaka barangije bakaba bageze mu wundi mwaka mushya

    Bivugwa ko ingengabihe cyangwa se karindari ya Ethiopia ikiri inyuma ho imyaka irindwi n’amezi umunani ugereranyije na karindari isanzwe.

    BBC ivuga ko ubwo Kiliziya Gatolika yasubiragamo karindari yayo bagendeye ku ivuka rya Yezu, mu mwaka wa 500 nyuma y’ivuka rya Yezu, idini ya Orthodox yiganjemo abanya-Ethiopia benshi bo ntibigeze bahindura, bityo bikaba intandaro yo kuba karindari yabo itandukanye cyane n’igenderwaho n’abandi benshi ku isi.

    Bakora ibirori mu buryo butandukanye bishimira ko binjiye mu mwaka mushya
    Bakora ibirori mu buryo butandukanye bishimira ko binjiye mu mwaka mushya

    BBC ivuga ko kandi kuri bo batangira umwaka ku itariki 11 Nzeri kuri karindari isanzwe cyangwa se ku wa 12 Nzeri bitewe n’umwaka wagize ukwezi kwa Gashyantare gufite iminsi 29.

    Bivugwa ko mu muco w’abanya-Ethiopia, uretse abana baba bakuriye mu bindi bihugu, abanya-Ethiopia bakiri bato ntibita cyane ku bijyanye no kumenya iminsi igize buri kwezi.

    source : https://ift.tt/3kaLqpX