Webrwanda Backend

Category: Uncategorized

  • Urubanza rw’abantu 18 baregwa kunyereza Miliyari 1,7Frw ya Koperative rwasubitwe ubugirakarindwi #rwanda #RwOT

    Urubanza ruregwamo abantu 18 baregwa kunyereza umutungo wa Koperative COPCOM yo mu Gakiriro ka Gisozi, icururuza ibikoresho by’ubwabatsi, rwasubitswe ku wa Gatanu w’icyumweru gishize tariki 10 Nzeri 2021.

    Ni urubanza rusubitswe inshuro 7, rwagiye rusubikwa kubera impamvu zitandukanye harimo n’izatewe n’icyorezo cya Covid-19 n’izituruka ku baburanyi.

    Nta munsi n’umwe uru rubanza rwasubitswe biturutse ku impamvu z’Urukiko.

    Abaregwa bose baburana ibyaha bifitanye isano n’ibimunga ubukungu bw’igihugu, bose baburana badafunze kuva batangira gukurikiranwa n’Ubushinacyaha.

    Ubushinjacyaha bukurikiranyeho bariya bantu icyaha cyo Gukora no gukoresha inyandiko mpimbano irimo ibinyoma, n’icyaha gifitanye isano n’ibyaha bimuga ubukungu bw’igihugu.

    Ubushinjacyaha buvuga ko aberegwa bakoze raporo z’ibinyoma, bavuga ko bakoze imirimo y’ubwubatsi bakemeza ko imirimo yose yakozwe neza kandi hari ibitarakozwe.

    COPCOM iregera indishyi ivuga ko abaregwa banyereje umutungo usaga Miliyari 1.7Frw (Frw 1 709 575 648).

    Abaregwa bose bahakana ibyaha bashinjwa n’Ubushinjacyaha bakavuga ko ibyo baregwa bifitanye isano n’imiyoborere mibi yaranze COPCOM.

    Ubwo Urukiko rwasubukuraga urubanza bamwe mu baregwa bahise bagaragaza imbogamizi z’uko batiteguye kuburana kuko harimo bamwe muri ba rwiyemezamirimo bareganwa batitabiriye iburanisha kuko bamwe bagaragaje impapuro za Muganga ko barwaye, abandi basaba Urukiko ko bahabwa umwanya bakabanza kureba dosiye kugira ngo bazabone uko bazireguraho mu gihe cy’urubaza nyirizina.

    Urukiko rushingiye ku mpapuro za muganga zerekana ko bamwe mu baregwa barwaye rwahise rusubika urubanza rwimurirwa ku wa 27 Nzeri 2021 saa mbiri za mugitondo abaregwa bose bahari.

    Koperative COPCOM yagiye irangwa n’ikibazo cy’imiyoborere ya Koperative aho Ubuyobozi bwayoboye COPCOM bwagiye bugira kutumvikana ku ngingo zimwe na zimwe mu banyamuryango bikarangira havutse icyitwa ishyamba, bamwe batumvikana n’abandi.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Urubanza-rw-abantu-18-baregwa-kunyereza-Miliyari-1-7Frw-ya-Koperative-rwasubitwe-ubugirakarindwi

  • Lick Lick niwe uza imbere: Indirimbo zabanya… – #rwanda #RwOT

    Lick Lick yanditse amateka akomeye mu muziki nyarwanda. Indirimbo agizemo uruhare kuva mu ntangiriro, yose iba igomba kugera kure, atari ukubera ubuhanga bw'uwaririmbyemo n'uwayikoze gusa, ahubwo ibanga rikomeye riri mubyo akora n'uko ashyira imbere akazi n'iterambere ry'ibyo akora kurusha ibindi.

    Ibyo byatangajwe n'umwe mu bahanga baherutse gukorana ku ndirimbo yanditse amateka mu masaha macye isohotse n'ubu kandi bikiri uko, yitwa 'My Vow'. Madebeat avuga ko umuntu wese bakoranye, adashobora kuva muri studio atavuze Lick Lick, ikindi uwakoranye nawe akaba avuga ko 'iyo aba ariwe aba agize gutya' byumvikanisha ibigwi bye.

    Made Beat kugeza ubu, nk'uko bigaragazwa n'imibare ya youtube, akaba ariwe umukurikira aho indirimbo amaze gukora zigera kuri ebyiri ziri muri 7 zarebwe cyane kuri youtube, naho Pastor P akaza abagwa mu ntege afitemo indirimbo 1.

    Lick Lick bita 'Machine', imyaka amaze mu ruganda rw'imyidagaduro si micye, kandi yakomeje kugenda yigaragaza neza. Byatangiye akora amajwi yonyine, ariko kuri ubu asigaye abasha gukora amashusho yewe anafata n'amafoto. Yazamuye kandi azamukana n'ibyamamare binyuranye birimo Meddy, The Ben, Scillah, K8 Kavuyo, Oda Paccy n'abandi banyuranye.

    Lick Lick na Meddy bakuranye kuva mu bwana n'ubu bakiri kumwe, bafatanya kubaka ibigwi, aho umwe ari umuhanzi undi akaba ariwe umutunganyiriza ibihangano.

    Ndetse kugenda kwe yerecyeza muri Amerika, byahaye umwanya abandi bakora imiziki n'izindi nzu kuvugwa, kuko ubundi mbere ya 2010, 'Unlimited Record' ariyo yavugwaga na Lick Lick. Aho agiriye muri Leta Zunze Ubumwe za Amerika, n'izindi zarushijeho kuzamuka n'ubwo n'ubundi bitabuzaga kuba 'PressOne' ariyo ivugwa cyane, kuko ariyo yahise yerecyezamo.

    None InyaRwanda yifuje kubagezaho indirimbo 7 z'abahanzi nyarwanda zanditse amateka kuri youtube mu Rwanda, abahanzi baziririmbye n'aba producer bazitunganije.

    Ku mwanya wa 1:

    Hari indirimbo yanditse amateka ndetse inafite hafi kimwe cya kabiri cy'umusaruro mbumbe w'urukuta rwa Meddy, yitwa 'Slowly' yakozwe na Producer Lick Lick, igira igikundiro cyo ku rwego rwo hejuru mu Rwanda no mu Karere, kuko ubwo Meddy yitabiraga ibitaramo bya Wasafi ya Diamond Platnumz, yayirimbanaga n'abanya Tanzania wumva bose bayizi.

    Iyi ndirimbo yagiye hanze kuwa 23 Kanama 2021. Mu gihe cy'imyaka 4, imaze kurebwa na Miliyoni zirenga 54 kandi ziyongera umunsi ku wundi. Ni indirimbo igaruka ku nkuru y'urukundo rwa babiri, aho umuhanzi Meddy agaragaza ko bitakunda kubyoroshya, kuko ari mu rukundo rwa nyarwo.

    Pastor P na murumuna we mu kazi no mu myaka ariko bayingayingana mu buhanga

    Ku mwanya wa 2:

    Hari indirimbo 'Katerina' ya Bruce Melodie yagiye hanze kuwa 16 Nzeri 2019, ikaba mu gihe gito imaze yararebwe ku kigero cya Miliyoni 10.5, kandi iracyakomeje kuzamuka, mu Rwanda akaba atariho honyine ikunzwe kuko mu mwaka washize, Tanasha wahoze akunda na Diamond Platnumz, yumvikanye avuga ko ayikunda.

    Ku mwanya wa 3:

    Haza 'Lose Control' imaze kurebwa na Miliyoni 8.9 ya Meddy na The Ben, yagiye hanze kuwa 05 Mutarama 2018. Yakozwe na Made Beat, ndetse Beat yakozwemo yacuriwe rimwe n'iyi ndirimbo yagiye hanze kuwa 22 Nyakanga 2021 ya Meddy yitwa 'My Vow', ikomeje kuzamuka cyane ku rubuga rwa youtube.

    Ku mwanya wa 4:

    Hariho indirimbo 'Holly Spirit' nayo ya Meddy yo mu mwaka wa 2013, yagiye hanze ku itariki 29 Mutarama 2021, kuri ubu imaze kurebwa na Miliyoni 8.3 mu gihe cy'imyaka ikabakaba umunani imaze yakozwe na Lick Lick.

    Ku mwanya wa 5:

    'Ntawamusimbura' ya Meddy, yagiye hanze kuwa 28 Mutarama 2017. Imaze kurebwa na Miliyoni 7.3, yakozwe na Lick Lick.

    Ku mwanya wa 6:

    Hagakurikiraho indirimbo ya Meddy yitwa 'Nasara' imaze kurebwa na Miliyoni 6.3 (6,378,010). Yagiye hanze kuwa 28 Ugushyingo 2013, yakozwe na Lick Lick.Ibihangano bya Meddy nibyo bigaruka kenshi mu bikunzwe kuri youtube, yewe n’inkuru zimuvugaho usanga zirebwa cyane kuri uru rubuga n’ahandi hanyuranye.

    Ku mwanya wa 7:

    Hakaza 'Habibi', indirimbo y'amateka akomeye mu muziki wa The Ben yagiye hanze kuwa 26 Ugushyingo 2016. Mu myaka ikabakaba 5, imaze kurebwa na Miliyoni 6.3 (6,354,338), ikaba ari nayo ndirimbo y'uyu muhanzi w'igikundiro kinshi muri rubanda, n'ijwi riremeye, yakoze wenyine yarebwe n'abantu benshi ku rubuga rwa youtube mu mateka ye.

    Pastor P yafashije abahanzi benshi mu Rwanda akunda no kujya gukorera n’abo hanze 

    Iyi ndirimbo ikaba yarakozwe n'umugabo w'umuhanga mu mu gutunganya umuziki, Pastor P, nawe umaze igihe kirekire, wakoranye n'abahanzi banyuranye ariko by'umwihariko Scillah na King James.

    Indirimbo kandi yitwa 'Dusuma' imaze kurebwa na Miliyoni zigera kuri 32 zirenga, y'umunya Kenya Otile Brown yafatanije na Meddy, nayo Lick Lick yayitanzeho umusanzu ukomeye yaba mu ikorwa ry'amajwi ndetse n'amashusho yayo.

    Mu mateka y’abahanzi nyarwanda, Bruce Melodie niwe ufite indirimbo ya kabiri imaze kurebwa inshuro nyinshi kuri youtube nyuma ya 'Slowly' video na lyrics video yayo

    The Ben niwe muhanzi ufite indirimbo ya 7 muzimaze kurebwa cyane mu mateka ya youtube n’ibihangano by’abanyarwanda

        

    Source : https://inyarwanda.com/inkuru/109414/lick-lick-niwe-uza-imbere-indirimbo-zabanyarwanda-7-ziyoboye-kuri-youtube-nabazitunganije-109414.html

  • Ntibisanzwe! Yagiye gufata ifunguro muri resitora asangamo umutwe w' igitsina cy' umugabo _ inkuru irambuye #rwanda #RwOT

    Ku mbuga nkoranyambaga hakwirakwije amashusho y'umugore utamenyekanye amazina, avuga ko ubwo yari agiye gufata amafunguro muri resitora, yahawe ibiryo byitwa Tuo Zaafi (TZ), abonamo umutwe w'igitsina cy'umugabo.

    Iyo witegereje ibiryo byitwa Tuo Zaafi (TZ) bikunzwe cyane mu bihugu byo mu burengerazuba bwa Afurika cyane mu bihugu nka Ghana, ubona ko ari imvange y'ibisa n'isombe, inyama n'ubugari.

    Uyu mugore we avuga ko yari yasabye ko bamuha inyama y'inka muri Tuo Zaafi (TZ), ariko ngo yaguye mu kantu ubwo yabonaga bamuhaye umutwe w'igitsina cy'umugabo mu mwanya inyama yasabye, ati: 'Ngwa mu kantu bampaye isonga y'igitsina cy'umugabo.'

    Mu kuvuga impamvu yakwirakwije ayo mashusho, uwo mugore yavuze ko ' Nshaka kugira ngo rubanda imenye ko igomba kwigengesera, bakitondera ibiryo bagura hanze.'

    Hari abasaba ko uwagurishije Tuo Zaafi (TZ) uwo mugore yatabwa muri yombi, agasobanura impamvu agurisha ibice by'umubiri w'umuntu.

    Mu biryo bigurishwa mu maresitora, humvikana ibitekeshwa ibinini, abateka imbwa, abagabura ibirimo imbeba n'ibindi biribwa…

    Source : https://impanuro.rw/2021/09/13/ntibisanzwe-yagiye-gufata-ifunguro-muri-resitora-asangamo-umutwe-w-igitsina-cy-umugabo-_-inkuru-irambuye/

  • Uwayezi wari umunyamabanga mukuru wa FERWAFA yeguye ku mirimo ye #rwanda #RwOT

    Uwayezu François Régis wari umaze imyaka 3,ari umunyamabanga mukuru w'ishyirahamwe ry'umupira w'amaguru(FERWAFA) yeguye mu nshingano ze kubera impamvu ze bwite

    Mu ibaruwa yagiye hanze uyu munsi,Bwana Uwayezu yavuze ko afashe uyu mwanzuro kubera impamvu ze bwite ndetse ko italiki ya nyuma yo kuba mu biro ari kuwa 12 Ukwakira 2021 ibi bivuze ko yatanze ukwezi kw'integuza.

    Uwayezu w'imyaka 38 ufite impamyabumenyi y'icyiciro cya gatatu cya kaminuza mu masomo y'imari n'ubutegetsi, yargeze muri FERWAFA muri Gicurasi 2018.

    Yari amaze imyaka irindwi ari Umuyobozi ushinzwe imari n'ubutegetsi mu kigo cy'Inteko Nyarwanda y'Ururimi n'Umuco (RALC ) ndetse yigeze gukora no muri Minisiteri y'Umutekano ikibaho.

    Kuva mu 2017, yari ari muri Komisiro ya Siporo ya bose muri Komite Olempike ndetse akaba na Perezida wungirije mu Ishyirahamwe ry'abatoza mu Rwanda. Afite n'impamyabushobozi y'ubutoza ya UEFA Licence B yakuye i Koblenz mu Budage mu 2010.

    Source : https://umuryango.rw/imyidagaduro/imikino/article/uwayezi-wari-umunyamabanga-mukuru-wa-ferwafa-yeguye-ku-mirimo-ye

  • Uwayezu Regis wari umunyamabanga wa FERWAFA y… – #rwanda #RwOT

    Uwayezu Regis wari umaze imyaka itatu n’igice muri iyi nzu ikorere i Remera, kuri uyu mugoroba yandikiye ibaruwa umuyobozi wa FERWAFA, Niyezimana Olivier, amumenyesha ko yeguye ku mirimo ye.

    Regis yasezeye ku nshingano zo kuba umunyamabanga wa FERWAFA 

    Mu ibaruwa ye yagize ati: “Nsezeye ku mirimo yo kuba umunyamabanga wa FERWAFA”. Yakomeje avuga impamvu yeguye. Yagize ati: “Iki cyemezo nkifashe nshingiye ku mpamvu zanjye bwite, nkaba ngiye kumara ukwezi ndi mu nshingano kugira ngo FERWAFA ibe yitegura. Umunsi wanjye wa nyuma mu kazi ni tariki 12 Ukwakira 2021.”

    Uwayezu Regis kandi, akomeza ashimira FERWAFA amahirwe yamuhaye, ndetse n’ibihe byiza yagiriyemo ubwo yari umunyamabanga kuva mu 2018, kugeza ubu yeguye.

    Umwanya w’Ubunyamabanga muri FERWAFA ntutorerwa, bivuze ko Komite nshya ya FERWAFA iheruka kujyaho, igomba gushaka umusimbura wa Uwayezu Regis.

    Source : https://inyarwanda.com/inkuru/109441/uwayezu-regis-wari-umunyamabanga-wa-ferwafa-yatanze-umwanya-109441.html

  • Dore uburyo 3 wakoresha ukabyutsa uwo ukunda… – #rwanda #RwOT

    N'ubwo mwaba mumaranye igihe mukundana cyangwa mubana, ushobora no kwiga uburyo bushya wabikoramo mu gihe uburyo wari usanzwe ubikoramo yaburambiwe. Iga uko wajya ukangura umukunzi wawe. Uwo mubana ashobora kutazakubwira isaha yifuza kubyukiraho, ariko wowe wareba ugasanga ukeneye ko abyuka kubera impamvu zitandukanye, bikaba byatuma umubyutsa imburagihe, mushobora kuba mutanabana ariko ukaba ushaka ko umunsi wose, wirirwa mu ntekerezo ze.

    Muri uko kumubyutsa imburagihe rero, usabwa kwiga uburyo ubikoramo neza, ntibimutere umutima mubi, ahubwo akabifata nk'ibidasanzwe.

    DORE UKO WAMUBYUTSA

    1. Muzanire ifunguro rya mugitondo mu buriri: Kuzana ifunguro rya mugitondo mu buriri, ni ibintu bidasanzwe, bizamura amarangamutima y'uwo mukundana cyane, kandi akabyukana akanyamuneza agusekera.

    2. Mwongorere amagambo y'urukundo mu matwi uvuga gahoro gahoro: Niba uziko umukunzi wawe, ashobora gukanguka bitinze kandi umukeneye, mwongorere, muvugire mu matwi ariko uvuge amagambo y'urukundo nawe uzi neza ko akeneye.

    Aha ushobora gusubiramo amazina mukunda kwitana, cyangwa andi asobanuye byinshi kubakundana, ukayavuga mu buryo butunguranye kandi buyunguruye kuburyo amushimisha.

    3. Mwandikire urwandiko rumutomagiza: Ibi akenshi bikorwa n'abakundana batabana. Niba uri kure y'uwo mukundana, ushobora kumukangura ukoresheje ubutumwa bwa mugitondo. Ushobora kubumuha ukoresheje ubutumwa bugufi, cyangwa imbuga nkoranyambaga. Nakanguka agasanga ubwo butumwa azahita amenya ko umukunda cyane, azajya mu kazi akomeye kandi ameze neza, uwo munsi uwiharire muri we.

    Inkomoko: Opera News

    Source : https://inyarwanda.com/inkuru/109440/dore-uburyo-3-wakoresha-ukabyutsa-uwo-ukunda-bikamuguma-mu-ntekerezo-umunsi-wose-109440.html

  • Volleyball:U Rwanda rwatangiye igikombe cy'Afurika rutsinda Maroc #rwanda #RwOT

    Uyu munsi nibwo hatangiye imikino y'igikombe cya Afurika mu bagore,aho ikipe y'u rwanda yitwaye neza itsinda Maroc yaherukaga guhemukira u Rwanda mu bagabo.

    Iyi mikino izabera muri Kigali Arena,aho U Rwanda rwisanze mu itsinda A kumwe na Senegal, Morocco na Nigeria.

    Iseti ya mbere u Rwanda rwayirangije rutsinze amanota 25-19.Iseti ya kabiri yarangiye u Rwanda ruyitsinze ku manota 25-18.

    Mu iseti ya 3, amakipe yombi yahatanye cyane bigera ubwo anganya amanota 24-24 byatumye bagenda bimura imibare yo gutsindiraho,Maroc itsinda ku manota 34-32.

    Ibi byahaye umukoro u Rwanda,rukina seti ya 4 rwariye karungu ndetse ruza kuyitsinda ku manota 25-22 ndetse biruhesha guhorera ikipe y'abagabo yananiwe kugera muri 1/2 ihemukiwe na Maroc yayitsinze amaseti 3-0.

    Umutoza w'u Rwanda, Paulo ukomoka muri Brazil, akabayarafashije u Rwanda kubona abakobwa bane bahawe ubwenegihugu baturutse muri Brazil bafite impano idasanzwe

    Abo ni; Aline Siqueira, Apolinario Caroline Taina, Mariana Da Silva na Moreira Bianca Gomes bose bakaba bari babanje mu kibuga biyongereyeho Uwamahoro Beatrice na Mukandayisenga Benitha.

    Aba banya Brazil bagaragaje ko bari ku rwego rwo hejuru kuko aribo bafashije u Rwanda kuva mu nzara za Maroc ndetse bashimangira ko u Rwanda rukeneye abanyamahanga mu rwego rwo kuzamura imikinire yarwo.

    Mu yindi mikino yabaye kuri uyu munsi wa mbere, umukino wo mu Itsinda B wari uryoheye ijisho wahuje Cameroun ifite igikombe giheruka na Kenya imaze kwegukana kenshi iri rushanwa ry'abagore. Cameroun yatsinze amaseti 3-0 (25-20, 25-21 na 25-19).

    Nigeria yatsinze Sénégal amaseti 3-0 (25-16, 25-18, 25-22) mu Itsinda A mu gihe u Burundi bwatsinzwe na Repubulika Iharanira Demokarasi ya Congo amaseti 3-0 (18-25, 15-25, 13-25) mu Itsinda B.

    Ejo u Rwanda ruzakina na Nigeria saa Sita,mu gihe Morocco izakina na Senegal.



    Source : https://umuryango.rw/imyidagaduro/imikino/article/volleyball-u-rwanda-rwatangiye-igikombe-cy-afurika-rutsinda-maroc

  • Imbunda ibonye imbarutso, Bugesera FC yasinyi… – #rwanda #RwOT

    Sadick Sulley w’imyaka 21 yari amaze umwaka mu Rwanda akinira ikipe ya Espoir ibarizwa i Rusizi, ndetse anayifasha kwitwara neza muri shampiyona yarangiye ubwo Espoir FC yasorezaga ku mwanya wa gatatu.

    Sadick Sulley yasinye imyaka ibiri muri Bugesera FC 

    Nyuma y’ibiganiro byari bimaze iminsi, hagati ya Espoir FC uyu musore yakiniraga ndetse na Bugesera FC, kuri iki gicamunsi amakipe yombi yaje kwemeranywa ko Bugesera FC igura amasezerano y’umwaka umwe Sadick yari asigaranye, ubundi uyu musore akerekeza i Burasirazuba bw’u Rwanda.

    Umunyamabanga wa Bugesera Sam Karenzi ari mu gikorwa cyo gusinyisha Sadick Sulley

    Ku masezerano y’imyaka ibiri, Sadick Sulley yasanze muri Bugesera undi musore w’umunya-Ghana, Muniru Abdoul, bagiye kujya bashakana ibitego nk'uko babikoraga muri Ghana, mu ikipe ya Leoze FC. Sadick Sulley mu mwaka yari amaze muri Espoir FC, yakinnye imikino 11 atsinda ibitego bitanu, anatanga imipira itanu ivamo ibitego.

    Manager Emmy Fire niwe n’ubundi wagurishije Sadick Sulley nyuma ya Muniru


    Sadick ati: 'Ndi Bugesera' 

    Sulley afite imyaka 21 y’amavuko

    Source : https://inyarwanda.com/inkuru/109436/imbunda-ibonye-imbarutso-bugesera-fc-yasinyishije-sadick-sulley-imukuye-muri-espoir-fc-ama-109436.html

  • APR FC yananiwe gutsinda ikipe yo muri Somalia mu mikino ya CAF #rwanda #RwOT

    Kubera ko muri Somalia hari umutekano muke,APR FC yasuriye Mogadishu City Club muri Djibouti banganya 0-0 bituma bamwe mu bakunzi b'umupira bayiha urw'amenyo.

    APR FC yagiye gukina uyu mukino idafite bamwe mu bakinnyi bayo, Ruboneka Bosco na Byiringiro Lague kubera imvune ndetse idafite umutoza wayo mukuru, Mohammed Adil Erradi wahagaritswe na CAF kubera ko adafite ibyangombwa byemewe.

    Muri uyu mukino watojwe n'Umunya-Tunisia umwungirije Jamel Eddine Neffati,APR FC yabuze amahirwe yo gutsinda ibitego ariko igerageza kwitwara neza ntiyinjizwa na kimwe.

    Nta buryo bukomeye bugana mu izamu amakipe yombi yabonye mu gice cya mbere, uretse umupira watewe na Omborenga Fitina mu minota y'inyongera, ariko na wo uca ku ruhande nyuma yo gukorwaho n'umukinnyi wa Mogadishu City Club.

    APR FC ntiyashoboye kubona igitego mu gice cya kabiri gusa hari umupira watewe na Bizimana Yannick uca ku ruhande rw'izamu rya Mogadishu.

    Umukino warangiye ari 0-0, umukino wo kwishyura uzaba tariki ya 19 Nzeri 2021, ubere i Kigali mu Rwanda.

    Ikipe izakomeza hagati yazo izahura na Etoile du Sahel yo muri Tunisia mu ijonjora rya kabiri rizakinwa mu Ukwakira.

    Abakinnyi APR FC yabanje mu kibuga: Ishimwe Jean Pierre, Omborenga Fitina, Niyomugabo Claude, Buregeya Prince, Karera Hassan, Mugisha Bonheur, Rwabuhihi Aimé Placide, Bizimana Yannick, Mugisha Gilbert, Manishimwe Djabel na Tuyisenge Jacques (c).

    Source : https://umuryango.rw/imyidagaduro/imikino/article/apr-fc-yananiwe-gutsinda-ikipe-yo-muri-somalia-mu-mikino-ya-caf

  • Umunyamabanga wa FERWAFA yeguye ku nshingano ze nyuma y’imyaka 3 #rwanda #RwOT

    Uwayezu François Regis wari umunyamabanga wa FERWAFA yeguye ku nshingano ze nyuma y’imyaka 3.

    Muri Gicurasi 2018 nibwo Regis yagizwe umunyamabanga wa FERWAFA, hari ku ngoma ya Rtd Brg Gen Sekamana Jean Damascene.

    Nyuma y’uko Sekamana Jean Damascene yeguye muri Mata uyu mwaka, ku mugoroba wo kuri iki Cyumweru nibwo inkuru y’uko Regis yeguye ku mpamvu ze bwite yamenyekanye.

    Ubwo ISIMBI yageragezaga kuvugana na Regis Uwayezu kuri ubu bwegure bwe ntabwo yigeze yifuza kuvuga byinshi, yavuze ko ari ku mpamvu ze bwite nk’uko twabibonye.

    Ubwo yari kuri uyu mwanya, Regis ntabwo yagiye yumvikana na bamwe mu banyamuryango ba FERWAFA bishingiye ku byemezo bimwe na bimwe byafatwaga na Komite Nyobozi y’iri shyirahamwe.

    Uretse ibi kandi, amakuru avuga ko yigeze gusa n’utumvikana na MINISPORTS, aho FERWAFA yo yari yafashe umwanzuro wo kutongerera umutoza w’ikipe y’igihugu, Mashami Vincent amasezerano, ni nyuma yo kudashima umusaruro we.

    Ibi ntibyaje gukunda kuko yaje kongererwa amasezerano ku mbaraga za Minisiteri ya Siporo, ibintu atashimiye kimwe n’abandi bo muri FERWAFA. Yari umugabo uzwiho gufata ibyemezo bikomeye ubundi akirengera ingaruka.

    Uwayezu Regis w’imyaka 38, afite impamyabumenyi y’icyiciro cya gatatu cya kaminuza mu masomo y’imari n’ubutegetsi, yari amaze imyaka irindwi ari Umuyobozi ushinzwe imari n’ubutegetsi mu kigo cy’Inteko Nyarwanda y’Ururimi n’Umuco (RALC ) ndetse yigeze gukora no muri Minisiteri y’Umutekano ikibaho.

    Kuva mu 2017 yari ari muri Komisiro ya Siporo ya bose muri Komite Olempike ndetse akaba na Perezida wungirije mu Ishyirahamwe ry’abatoza mu Rwanda. Afite n’impamyabushobozi y’ubutoza ya UEFA Licence B yakuye i Koblenz mu Budage mu 2010.

    Uwayezu Regis yeguye ku nshingano ze

    Source : http://isimbi.rw/siporo/article/umunyamabanga-wa-ferwafa-yeguye-ku-nshingano-nyuma-y-imyaka-3