Webrwanda Backend

Category: Uncategorized

  • Mozambique: Revocat Karemangingo wo mu bakuriye impunzi z'Abanyarwanda yiciwe hafi y'iwe #rwanda #RwOT

    Umugabo wari mu bakuriye impunzi z'Abanyarwanda muri Mozambique yishwe arashwe ku mugoroba wo ku wa mbere ageze hafi y'iwe mu murwa mukuru Maputo, nk'uko ukuriye ishyirahamwe ry'izo mpunzi abivuga.

    Revocat Karemangingo wari ushinzwe komisiyo y'umutungo muri iryo shyirahamwe yarashwe n'abantu bari mu modoka ya Toyota Fortuner, nk'uko bivugwa na Cleophas Habiyaremye ukuriye iryo shyirahamwe.

    Polisi ya Mozambique ntacyo iratangaza kuri ubu bwicanyi.

    Habiyaremye avuga ko ubwo Karemangingo yari mu modoka nto yo mu bwoko bwa Toyota Vitz agana iwe ahitwa Liberdade, imodoka ebyiri zamwitambitse imwe imbere indi inyuma.

    Yabwiye BBC ati: “Yari ari hafi kugera iwe, abari mu modoka ya Toyota Fortuner nibo bamurashe bari hejuru we ari hasi mu modoka ntoya, bamurashe amasasu atandatu.”

    Habiyaremye avuga ko polisi yageze ahabereye ubu bwicanyi igakora akazi kayo ariko kugeza ubu nta muntu urafatwa akekwaho uruhare muri ubwo bwicanyi.

    Revocat Karemangingo yari yaraburiye inzego z'umutekano za Mozambique ko hari abantu bashaka kumwica bafite aho bahuriye n'u Rwanda, nk'uko Habiyaremye abivuga.

    Ati: “No mu 2016 baramuhushije bashakaga kumwicira iwe mu rugo, agira amahirwe kuko imodoka yari yiriwemo siyo yatashye arimo, baramuhusha.”

    Ku mpamvu zaba zateye kwicwa kwe, Habiyaremye avuga ko Karemangingo nta kindi yakoraga uretse ubucuruzi, ko atakoraga politiki kuko ari impunzi.

    Karemangingo ari mu baketsweho uruhare mu rupfu rwa Louis Baziga wahoze ahagarariye diaspora y'u Rwanda muri Mozambique warashwe agapfa i Maputo mu 2019.

    Habiyaremye avuga ko Karemangingo – wahoze ari umusirikare mu ngabo z'u Rwanda zitwaga FAR ku ipeti rya Lieutenant – yagizwe umwere kuri icyo kirego.

    Hashize amezi atatu Cassien Ntamuhanga umunyarwanda watorotse gereza agahungira muri Mozambique afatiweyo na polisi, nyuma aburirwa irengero kugeza ubu.

    Habiyaremye ati: “Hashize kandi ibyumweru bitatu umunyamabanga w'ishyirahamwe ryacu asimbutse urupfu, none uyu munsi ushinzwe imari arishwe.

    “Urumva ko hashobora gukurikiraho abandi. Turasaba abashinzwe uburenganzira bw'ikiremwamuntu ngo barebe ikibazo cy'impunzi z'Abanyarwanda hano muri Mozambique.”

    BBC

    Source : https://umuryango.rw/amakuru/mu-mahanga/ubuzima/article/mozambique-revocat-karemangingo-wo-mu-bakuriye-impunzi-z-abanyarwanda-yiciwe

  • Abantu 3 bahitanwe na covid-19 mu Rwanda abandi 459 barayikira #rwanda #RwOT

    Minisiteri y'Ubuzima yatangaje ko kuri uyu wa Mbere,COVID-19 yahitanye abantu 3 batumye abamaze gupfa bagera ku 1,175 mu Rwanda.

    Abarwayi bashya babonetse ni 459 bangana na 4.5% by'ibipimo byafashwe.Abagiye mu bitaro bashya ni 5 mu gihe abasezerewe ari 3.

    Abasaga miliyoni imwe bamaze guhabwa doze 2 z'urukingo mu Rwanda naho abamaze gukingirwa muri rusange bakabakaba miliyoni 2.

    Ubushakashatsi bwasohotse mu Kinyamakuru cya The Lancet bwagaragaje ko guterwa urukingo rwa gatatu rwa COVID-19 bitaraba ngombwa, bagira inama ibihugu bifite iyo gahunda kuba biyisubitse, hakabanza gukorwa ubushakashatsi bwimbitse kuri iyo ngingo.

    Ibihugu birimo Israel byatangiye gutanga urukingo rwa gatatu ku baturage bose babyifuza, mu gihe ibindi nk'u Bwongereza, u Budage, u Bufaransa, Leta Zunze Ubumwe za Amerika n'ibindi bitandukanye birimo kurebera hamwe niba bishobora gufata iki cyemezo.

    Mu cyumweru gitaha, Perezida Biden ashobora gushyiraho ibwiriza ryo gutanga urukingo rwa gatatu ku baturage, nyuma y'uko hari ubushakashatsi bwakozwe n'Ikigo gishinzwe ubuziranenge bw'Imiti n'Ibiribwa, FDA, bwagaragaje ko ubudahangarwa bw'umuntu watewe inkingo ebyiri za Pfizer na Moderna bugenda bugabanuka uko iminsi ishira.

    Yavuze ko ari ngombwa ko nyuma y'amezi ari hagati y'atandatu n'umunani, abantu bakwiye guterwa urukingo rwa gatatu rushobora kubongerera ubudahangarwa cyane cyane kuri virus yo mu bwoko bwa Delta ifite ubukana budasanzwe.

    Icyakora ubushakashatsi bwakozwe n'abahanga mu by'inkingo, barimo abasanzwe bakora muri FDA ndetse no mu Ishami ry'Umuryango w'Abibumbye ryita ku Buzima, OMS, bwagaragaje ko nubwo ubudahangarwa bw'umuntu wahawe inkingo ebyiri bugabanuka nyuma y'igihe, butajya hasi cyane ku buryo umuntu yaremba cyangwa ngo yicwe na virus yo mu bwoko bwa Delta.

    Aba bashakashatsi bavuze ko bishoboka ko urukingo rwa gatatu ruzakenerwa, ariko bavuga ko ubu ari kare cyane ndetse ko amakuru ashingirwaho hatangwa urukingo rwa gatatu atuzuye neza ku buryo yashingirwaho hafatwa icyemezo gikomeye cyo gutera urukingo rwa gatatu.

    Bavuze ko kandi hataramenyekana neza ingaruka z'urukingo rwa gatatu ku mubiri w'umuntu, kandi ko nabyo bikwiye kubanza kwiganwa ubushishozi mbere y'uko byemezwa ku bantu bose.

    Icyakora aba bashakashatsi bavuze abantu basanganwe ibindi bibazo by'ubuzima, bashobora guterwa urukingo rwa gatatu, ariko ntibikorwe ku bantu bose.


    Source : https://umuryango.rw/amakuru/mu-rwanda/ubuzima/article/abantu-3-bahitanwe-na-covid-19-mu-rwanda-abandi-459-barayikira

  • Volleyball: Ikipe y'u Rwanda y'abagore yageze muri 1/2 cya shampiyona y'Afurika bwa mbere mu mateka #rwanda #RwOT

    U Rwanda rwitabaje abakobwa 4 b'abanya Brazil bakomeye,rwatsinze uyu mukino utari woroshye,rwerekeza muri 1/2 cy'iyi mikino iri kubera muri Kigali Arena.

    U Rwanda rwatsinze Nigeria amanota 25 – 22 mu iseti ya mbere y'uyu mukino wa kabiri wari ishyiraniro.

    Iseti ya kabiri u Rwanda rwayegukanye rutsinze Nigeria amanota 25 – 23 mu gihe iya 3 yari igoye cyane Nigeria yagerageje kuzamura amanota ariko birangira itsinzwe kuri 25-23 nyuma y'amanota akenewe yakozwe na Aline Siqueira na Bianca Gomes.

    U Rwanda ruyobowe na Bianca Moreira Gomes uri gukora amanota akenewe cyane muri iyi mikino ndetse afite ubuhanga mu kuyobora bagenzi be.

    Muri ½ kizakinwa ku wa Gatandatu, u Rwanda ruzahura n'ikipe izaba iya kabiri mu Itsinda B rigizwe na Cameroun, Kenya, Tunisia, u Burundi na Repubulika Iharanira Demokarasi ya Congo.

    Indi mikino yabaye kuri uyu wa Mbere ni iyo mu Itsinda B aho Repubulika Iharanira Demokarasi ya Congo yatsinzwe na Kenya amaseti 3-0 (11-25, 12-25, 19-25) mu gihe Tunisia yatsinzwe na Cameroun amaseti 3-0 (15-25, 18-25, 17-25).

    Ikipe y'u Rwanda izongera gukina ku wa Gatatu ihura na Sénégal ifite urugamba rwo kwisobanura na Maroc muri iri tsinda A guhera saa Munani ku munsi w'ejo.

    Mu bagabo,Tunisia igiye kongera guhurira na Cameroun ku mukino wa nyuma w'Igikombe cya Afurika cya Volleyball mu bagabo nkuko byagenze muri 2019.

    Tunisia ifite irushanwa riheruka, yabigezeho itsinze Misiri amaseti 3-1 muri Kigali Arena mu gihe Cameroun yatsinze Maroc amaseti 3-2 mu mukino wa 1/2 wabanje.Umukino wa nyuma ni kuri uyu wa Kabiri.






    Source : https://umuryango.rw/imyidagaduro/imikino/article/volleyball-ikipe-y-u-rwanda-y-abagore-yageze-muri-1-2-cya-shampiyona-y-afurika

  • Live: Rwanda

    Source : https://yegob.rw/live-rwanda-%F0%9F%87%B7%F0%9F%87%BC-vs-nigeria-%F0%9F%87%B3%F0%9F%87%AC-africavolleychampionship/

  • Umukobwa wari ikizungerezi anafite agatubutse yahindutse mayibobo. – YEGOB #rwanda #RwOT

    Umukobwa witwa Suzy Perez wabaye icyamamare mu kubyina no mu mideli ndetse akaba yari umukobwa wifuzwaga na buri wese kubera ubwiza bwe kuri ubu asigaye yibera ku muhanda.

    Suzy Perez yahoze ari umunyamideli akaba n'umubyinnyi kabuhariwe, mu myaka ya za 2000, yari ikirangirire yishyurwa n'ibyamamare kugira ngo agaragare mu ndirimbo zabo anasarura agatubutse mu kumurika imideli. Amafaranga yose yabonye yamupfiriye ubusa dore ko yanywaga inzoga nyinshi n'ibiyobyabwenge byinshi birangira ubwonko butokowe amera nk'ufite uburwayi bwo mu mutwe.

    Suzy ukomoka muri Repubulika ya Dominikani, yimukiye muri Amerika afite inzozi zo kuba mu myidagaduro. Inzozi ze zaje kuba impamo aramamara aho amakuru avuga ko yifashishijwe mu ndirimbo zitandukanye za Jennifer Lopez, umuraperi P Diddy na Sean Combs n'abandi. Suzy kandi yaryamanaga n'abaherwe gusa akishyurwa akayabo ariko ntiyatekereje kubivamo ngo yiteze imbere.

    Source : https://yegob.rw/umukobwa-wari-ikizungerezi-anafite-agatubutse-yahindutse-mayibobo/

  • Mo Salah ararya isataburenge Drogba nyuma yo… – #rwanda #RwOT

    Ku mupira waturutse kwa Trent Alexander-Arnold, ku munota wa 20, Mohamed Salah yatsinze igitego cya 100 muri Premier League, mu mukino Liverpool yatsinzemo Leeds United ibitego 3-0, biyifasha kuguma ku ruhembe rw'amakipe ayoboye andi muri Premier League uyu mwaka.

    Uretse Salah wafunguye amazamu ku munota wa 20, Fabinho yatsinze icya kabiri ku munota wa 50, naho Sadio Mane atsinda icy'agashinguracumu ku munota wa 90, umukino urangira Liverpool yegukanye amanota Atatu ku ntsinzi y'ibitego 3-0.

    Uyu munya-Misiri wujuje ibitego 100 muri Premier League, yakoze amateka yo kuba umukinnyi wa kabiri ukomoka muri Afurika utsinze ibitego byinshi muri shampiyona y'u Bwongereza, nyuma y'umunya-Cote d'Ivoire Didier Drogba watsinze ibitego 104 muri iyi shampiyona ikurikirwa na benshi kuruta izindi ku Isi.

    Mu bitego 100 Salah yatsinze muri Premier League, harimo 98 yatsindiye Liverpool na bibiri yatsindiye Chelsea atamazemo igihe kirekire. Salah ukomeje kwigaragaza cyane muri Premier League, amaze gukina imikino 163, akaba yaratsinze ibitego 100, atanga imipira 36 yavuyemo ibitego.

    Uyu mukinnyi ufatiye runini ubusatirizi bwa Liverpool, amaze kwegukana ibihembo bitandukanye muri iyi shampiyona, birimo urukweto rwa zahabu ruhabwa umukinnyi watsinze ibitego byinshi mu mwaka w'imikino, akaba yararuhawe inshuro ebyiri. Yegukanye igihembo cy'umukinnyi w'umwaka, akaba kandi yaregukanye igihembo cy'umukinnyi mwiza w'ukwezi inshuro eshatu.

    Salah afite amahirwe yo kuzaca agahigo k'umukinnyi w'umunyafurika uzatsinda ibitego byinshi muri Premier League, kubera ko agifite igihe kirekire cyo gukina muri iyi shampiyona kandi akaba akomeje gutsinda umusubirizo.

    Mo Salah yatsinze igitego cya 100 asatira Drogba ku mwanya yicayeho

    Salah afite amahirwe menshi yo kuzaba Umunyafurika watsinze ibitego byinshi muri Premier League

    Source : https://inyarwanda.com/inkuru/109484/mo-salah-ararya-isataburenge-drogba-nyuma-yo-gutsinda-igitego-cya-100-muri-premier-league-109484.html

  • Namwigiyeho guca bugufi – Alto avuga kuri Unc… – #rwanda #RwOT

    Kuri iki Cyumweru tariki 12 Nzeri 2021, ni bwo Alto yasangije abafana n'abakunzi b'umuziki amashusho y'indirimbo 'Wankomye' yakoranye na Uncle Austin. Ni indirimbo ije kongera imbaraga mu rugendo rw'umuziki Alto atamazemo igihe kinini ugereranyije na Uncle Austin bakoranye.

    Iyi ndirimbo ikozwe mu gihe kitarenze ukwezi kumwe. Ubwo Alto yasohoraga indirimbo 'Byambera' Uncle Austin yamubwiye ko yakoze indirimbo nziza.

    KANDA HANO WUMVE INDIRIMBO ‘WANKOMYE’ YA ALTO NA UNCLE AUSTIN

    Kuva icyo gihe bakomeje kuganira kugeza ubwo Alto amusabye ko bakorana indirimbo, inzu ifasha abahanzi mu bya muzika ya TB Music Entertainment Alto abarizwamo ibijyamo kugira ngo aba bombi bakorane.

    Mu kiganiro na INYARWANDA, Alto yavuze ko icyo abantu batazi kuri Uncle Austin ari uko ari umuhanzi 'ugira 'melodie' nziza. Anavuga ko yamwigiyeho guca bugufi.

    Ati 'Ni umugabo ufite 'melodie' zirenze uko abantu babizi. Kandi Austin namwigiyeho guca bugufi […] Uncle Austin aciye bugufi mu buryo butangaje.'

    Avuga ko gukorana indirimbo na Uncle Austin bigiye gutuma hari urundi rwego ageraho mu muziki.

    Alto avuga ko kuba abahanzi bakuru mu muziki bari gukorana indirimbo n'abahanzi bakizamuka bitanga icyizere mu bufatanye bwari bukenewe mu bahanzi bo mu Rwanda.

    Ati '…. Abahanzi b'ikiragano gishya mu muziki dukeneye ko bakuru bacu batwereka ko turi kumwe. Bafite umuziki bakora natwe dufite umuziki dukora rero dufatanyirije hamwe umuziki watera imbere.'

    Alto yavuze mu ndirimbo 'Wankomye' baririmbye ku muntu muhura akagusigira urwibutso, by'umwihariko umukunzi.

    Ni indirimbo ya gatatu uyu muhanzi asohoye mu gihe cy'amezi ane amaze muri Label TB Music Entertainment. Alto ati 'Ubwo nawe urumva umuvuduko ndiho.' Uyu muhanzi avuga ko amaze minsi ari gutekereza gukora kuri Album ye ya mbere.

    Ku wa 26 Werurwe 2021, ni bwo Alto yashyize umukono ku masezerano y'imyaka itatu na Label TB Decent Entertainment. TB Music kandi yasinyishije umuhanzi Yampano. 

    Alto yasohoye amashusho y'indirimbo 'Wankomye' yakoranye na Uncle Austin

    Alto yavuze ko Uncle Austin yamwigiyeho guca bugufi no gukunda akazi Mu gihe cy'amezi ane Alto amaze muri Label, amaze gukora indirimbo eshatu

    KANDA HANO UREBE AMASHUSHO Y'INDIRIMBO 'WANKOMYE' YA ALTO FT UNCLE AUSTIN 


    Source : https://inyarwanda.com/inkuru/109475/namwigiyeho-guca-bugufi-alto-avuga-kuri-uncle-austin-bakoranye-indirimbo-wankomye-video-109475.html

  • Umwaka udasanzwe kuri Arsenal byasabye iminot… – #rwanda #RwOT

    Mu mpera z'icyumweru twasoje, shampiyona y'u Bwongereza yari yakomeje hakinwa umukino w'umunsi wa Kane, amakipe hafi ya yose akomeye yabonyemo intsinzi ndetse na Arsenal yari imaze imikino itatu nta ntsinzi, yewe nta n'igitego, byose bibonekera rimwe.

    Mu mikino itatu ya mbere muri Premier League uyu mwaka, Arsenal yayitsinzwe yose, yinjizwa ibitego 9, mu gihe yo nta gitego yigeze yinjiza, ibintu byari bishya kuri iyi kipe ifite amateka aremereye i Burayi.

    Uyu musaruro mubi watumye havuka umwuka mubi muri iyi kipe, ndetse umutoza wayo Mikel Arteta atangira kubarirwa imikino, nayitsindwa akazirukanwa.

    Umukino wa Kane muri shampiyona Arsenal yakinnye wari umwe mu yo uyu mutoza yasabwe gutsinda, byamunanira ikaba imwe mu ntambwe zizamusohora Emirates.

    Mu mukino wakinwe ku wa Gatandatu tariki ya 11 Nzeri 2021 wahuje Arsenal yari yakiriye Norwich City bakurikiranaga ku rutonde rwa shampiyona ku kibuga Emirates, iminota 45 y'igice cya mbere yarangiye amakipe yombi anganya 0-0.

    Ku munota wa 66' ku mupira wari uvuye kwa Nicolas Pepe, umunya-Gabon, Pierre Emerick Aubameyang yatsindiye Arsenal igitego cy'amateka, cyahinduye byinshi ku buzima bw'iyi kipe.

    Iminota 90 y'umukino yarangiye Arsenal yegukanye amanota atatu ku ntsinzi y'igitego 1-0.

    Arsenal yabonye igitego cya mbere muri Premier League y'uyu mwaka ku munota wa 336, bivuze ko mu minota 335 yari imaze mu kibuga yinjijwe 9, ariko nta gitego yari yaratsinze.

    Arsenal yatsinze umukino wa mbere muri uyu mwaka w'imikino wa 2021/22 muri Premier League, ari na ko yabonaga amanota ya mbere muri iyi shampiyona ikunzwe kurusha izindi ku Isi.

    Nyuma yo gutsinda Norwich 1-0, Arsenal yavuye mu murongo utukura w’amakipe yamanuka mu cyiciro cya kabiri, irazamuka yicara ku mwanya wa 16, aho ifite amanota atatu, ikiba irimo umwenda w’ibitego 8.

    Andi makipe akomeye yose yabonye amanota atatu ku mukino w'umunsi wa Kane muri shampiyona y'u Bwongereza, uretse Tottenham yatsinzwe na Crystal Palace ibitego 3-0.

    Aubameyang yatsinze igitego cyahinduye ubuzima bwa Arsenal muri uyu mwaka w’imikino

    Aubameyang watsinze igitego na Pepe wamuhaye umupira

    Umutoza Mikel Arteta ari mu bihe bikomeye bishobora kumwirukanisha muri Arsenal

    Arsenal yavuye mu makipe ashobora kumanuka mu cyiciro cya kabiri

    Source : https://inyarwanda.com/inkuru/109466/umwaka-udasanzwe-kuri-arsenal-byasabye-iminota-336-igatsinda-igitego-cya-mbere-muri-premie-109466.html

  • U Rwanda rugeze muri 1/2 cy’igikombe cy’Afurika nyuma yo gutsinda Nigeria #rwanda #RwOT

    Ikipe y’igihugu y’u Rwanda mu mukino wa Volleyball mu bagore yatsinze Nigeria amaseti 3 ku busa ihita igera muri 1/2 cy’igikombe cy’Afurika.

    Kuri uyu wa Mbere tariki ya 13 hakinwaga umunsi wa kabiri w’igikombe cy’Afurika mu bagore muri Volleyball kirimo kubera mu Rwanda aho mu itsinda A u Rwanda rwakinaga na Nigeria.

    U Rwanda rwatangiye iseti ya mbere neza rutsinda amanota 25-22. Iseti ya kabiri nayo u Rwanda rwaje kuyitwara ku manota 25-23.

    Inkumi z’u Rwanda zari zamaje kwinjira mu mukino, zatsinze n’iseti ya gatatu ku manota 25-23. U Rwanda ruzasoza itsinda rukina na Senegal tariki ya 16 Nzeri, ruharanira kuzamuka ari u rwa mbere.

    Aline yafashije u Rwanda cyane

    Hope yazamutse gukora block

    Mariana agerageza gupasa umupira

    Source : http://isimbi.rw/siporo/article/u-rwanda-rugeze-muri-1-2-cy-igikombe-cy-afurika-nyuma-yo-gutsinda-nigeria

  • Amatora yo kuri internet mu bihembo ‘Kiss Sum… – #rwanda #RwOT

    Kuri uyu wa Mbere tariki 13 Nzeri 2021, Radio Kiss Fm ari nayo itegura ibi bihembo yavuze ko 'Ubu watora umuhanzi, indirimbo cyangwa Producer ushyigikiye muri #KissSummwerAwards2021 uciye ku rubuga rwacu rwa interineti www.kissfm.rw.'

    Ni ku nshuro ya kane ibi bihembo bigiye gutangwa. Bitegurwa hagamijwe gushimira abaririmbyi n’aba Producer ku kazi katoroshye baba barakoze mu rugendo rw'umuziki no kubereka ko Kiss Fm izirikana imirimo yabo.

    Icyiciro cy'indirimbo y'impeshyi (Best Summer Song) gihatanyemo indirimbo eshanu harimo eshatu zihuriweho n'abahanzi babiri. Harimo indirimbo 'Amata' ya Dj Phil Peter na Social Mula, 'Igikwe' ya Gabiro Guitar na Confy, 'My Vow' ya Meddy, 'Katapila' ya Bruce Melody ndetse na 'Away' ya Ariel Wayz na Juno Kizigenza.

    Mu cyiciro cya Producer w'impeshyi (Best Summer Producer) harimo Bob Pro wa The Sound Studio, Producer Ishimwe Karake Clement wa Kina Music, Ayoo Rash wo muri The Mane, Madebeats na Element wo muri Country Records.

    Mu cyiciro cy'umuhanzi wakoze neza kurusha abandi muri iyi mpeshyi ya 2021 (Best Summer Artist) harimo Butera Knowless, Social Mula, Bruce Melodie, Juno Kizigenza na Meddy.

    Icyiciro cy'umuhanzi mushya wigaragaje (Best New Summer Artist) harimo itsinda ry'abanyamuziki rya Symphony Band, Niyo Bosco, abahanzikazi mu ndirimbo zo kuramya no guhimbaza Imana, Vestine na Dorcas na Papa Cyangwe.

    Meddy, Social Mula, Bruce Melodie na Juno Kizigenza bahataniye ibihembo mu byiciro bibiri. Meddy ahatanye mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ye ‘My Vow’.

    Bruce Melodie ahatanye mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ye ‘Katapila’.

    Social Mula ahatanye mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ‘Amata’ yakoranye na Phil Peter.

    Juno Kizigenza ari mu cyiciro ‘Best Summer Artist’ no mu cyiciro ‘Best Summer Song’ abicyesha indirimbo ‘Away’ yakoranye na Ariel Wayz.

    Muri ibi bihembo kandi, hazatangwa icy'umuntu wagize uruhare rukomeye mu guteza imbere umuziki Nyarwanda (Life Time Achievement). Uwegukana iki gihembo atangazwa ku munsi w'itangwa ry'ibi bihembo. Bitenganyijwe ko ibi bihembo bizatangwa tariki 26 Nzeri 2021

    Abegukanye ibihembo bya Kiss Summer Awards umwaka ushize:

    Bruce Melodie ni wegukanye igihembo cy'umuhanzi wahize abandi mu mpeshyi. Yari ahataniye igihembo n'abarimo Mugisha Benjamin [The Ben], Nel Ngabo na King James. Ni ku nshuro ya kabiri uyu muhanzi yegukanye iki gihembo, kuko agiheruka mu 2018.

    Mico the Best yegukanye igihembo cy'indirimbo yakunzwe cyane abicyesha indirimbo ye yise 'Igare'. Yegukanye iki gihembo ahigitse 'Saa Moya' ya Bruce Melodie, 'Do Me' ya Marina na Queen Cha, 'Ubushyuhe' ya Dj Pius na Bruce Melodie na 'Ntiza' ya Mr Kagame na Bruce Melodie.

    Kevin Kade ufashwa na Bagenzi Bernard ni we wegukanye igihembo cy'umuhanzi mushya wigaragaraje cyane. Yahigitse abarimo B Threy, Ariel Wayz na Calvin Mbanda. Iki gihembo yagishyikirijwe na Nyampinga w'u Rwanda 2020, Nishimwe Naomie. 

    Igihembo cy'umuntu wagize uruhare mu guteza imbere umuziki w'u Rwanda cyahawe Dj Bob. Uyu mugabo yagize uruhare mu gukwirakwiza no kumenyekanisha ibihangano by'Abanyarwanda mu myaka irenga 20 ishize.

    Producer Madebeat ni we wegukanye igihembo cy'utunganya indirimbo wahize abandi. Yahigitse Knoxbeat wo muri Monster Records, Element wo muri Country Records na Ishimwe Karake Clement wo muri Kina Music.

    Abahataniye ibihembo ‘Kiss Summer Awards’ batangiye guhatana mu cyiciro cy’amatora yo kuri internet

    Icyiciro cy'indirimbo y'impeshyi (Best Summer Song) 

    Icyiciro cya Producer w'impeshyi (Best Summer Producer)

    Icyiciro cy'umuhanzi wakoze neza kurusha abandi (Best Summer Artist)

     

    Icyiciro cy'umuhanzi mushya wigaragaje (Best New Summer Artist)

    Source : https://inyarwanda.com/inkuru/109463/kiss-summer-awards-2021-amatora-yo-kuri-internet-yatangiye-109463.html