Webrwanda Backend

Category: Uncategorized

  • Urateganya guhura n'ababyeyi b'umukunzi wawe? Dore uko ugomba kwitwara – YEGOB #rwanda #RwOT

    Guhura n'ababyeyi b'umukobwa bishobora kuba kimwe mubibazo bitesha umutwe nyamara bishimishije mu buzima bw'umugabo. Gutekereza ukuntu uri bwitware bishobora gutuma udasinzira nijoro. Ntushobora kugenzura ibishobora kubaho nyuma yuko muhuye, ariko ushobora gukora ibintu byiza mugihe murikumwe. Bakunzi ba Yegob.rw, hano hari ibintu bike bishobora kugufasha kugirango uhacane umucyo mugihe wahuye nababyeyi b'umukunzi wawe.

    1. Ambara neza:

    Turemeranya ko Iyo papa w'Umukunzi wawe akubonye, ikintu cya mbere azabona nukuntu wambaye. Yikubitana nimyenda yacitse, ishati idafunze igipesu, nibindi byatuma abona ko udasa neza akikubona. Nubwo waba wambaye ibintu bisanzwe, ugomba gusa neza. Menya neza ko imyenda yawe ifite isuku. Niba wambaye inkweto, menya neza ko zihanaguye. Irinde kwambara ishati iriho ibishushanyo cg yanditseho amagambo ateye isoni.

    1. Musuhuze mukinyabupfura:

    Kimwe mubizakugaragaza neza imbere y'ababyeyi b'umukunzi wawe ni imyitwarire yawe mugihe cyo gusuhuzanya. Urashaka ko papa w'umukunzi wawe akubonamo umuntu usobanutse yakwifuza kubonana nawe na nyuma yuko muhura bwa mbere? Mugihe musuhuzanya, ibuka guhuza amaso nawe hanyuma umwenyure.

    1. Itwaze Impano:

    Menya icyo se w'umukunzi wawe akunda, Niba utakizi baza umukunzi wawe agufashe guhitamo impano witwaza. Ushobora kandi guhitamo kuzana indabyo, cyangwa indi mpano kuri nyina w'umukunzi wawe. Kuzanira impano nyina w'umukunzi wawe byereka se urugero rwiza rwukuntu ushobora gufata umukobwa we neza.

    1. Genzura ubwoba mugihe uvuga:

    Nibisanzwe kugira ubwoba cyane cyane kuba uri imbere y'ababyeyi b'umukunzi wawe, ariko ugomba kubugenzura. Birashoboka ko ushobora kugira ubwoba mugihura, ariko uko akanya gashira ugomba kumenya uko ugabanya kugaragara nkufite ubwoba.

    1. Zimya tekefone yawe:

    Kureba muri terefone yawe buri gihe bifatwa nkikinyabupfura gike cyane cyane mugihe nkiki cyubusabane, cyangwa se bikagaragara nkaho utishimiye ibyo urimo. Niba ushaka gushimisha se, irinde kurangarira kuri terefone yawe mugihe uri kumwe numuryango.

    1. Komeza umubano nabo

    Nyuma yuko muhuye bwa mbere, ntukitware nkaho se w'umukunzi wawe atakibaho. Ongera umuhamagare, Niba wumva ufite ubwoba bwo guhamagara, ushobora kumwoherereza ubutumwa bugufi. Ushobora kandi kumenya icyo akunda ukamutumira mugasangira, bityo mukarushaho kugenda mumenyana kandi umwisanzuraho.

    Source : https://yegob.rw/urateganya-guhura-nababyeyi-bumukunzi-wawe-dore-uko-ugomba-kwitwara/

  • Uwahoze ari umugore wa Diamond platnumz arifuza Suggar Daddy – YEGOB #rwanda #RwOT

    Hamissa Monetto, ni umwe mubadamu babyaranye na Diamond platnumz umwana w'umuhungu, akaba akandi ari umuhanzi, umukinnyi w'ama Filime ndetse akaba n'umushabitsi. Kubyarana n'icyamamare Diamond bikaba byaramugize icyamamare ndetse ikimero cye kirushaho gutuma amenyekana.

    Uyu Hamissa Mobetto akaba yashyize ifoto igaragaza ikimero cye ahagaze mubwato maze yandikaho amagambo agira ati 'I'm looking for a sugar daddy with a yacht' bishatse kuvugako yifuza umugabo ukuze bakundana ufite amafaranga menshi ndetse n'ubwabo bwiza.

    Hamissa Mobbetto arifuza umusaza wumukire
    Uburanga bwe bwamugize icyamamare

    Ikimero cye gituma akundwa nigitsinagabo

    Source : https://yegob.rw/uwahoze-ari-umugore-wa-diamond-platnumz-arifuza-suggar-daddy/

  • Dore ibanga rikomeye ku mugore wifuza kongera ububobera n’amavangingo mu gutera akabariro #rwanda #RwOT

    Iyo iki gikorwa nyamukuru gihuza abashakanye kitagenze neza bitera umwiryane ndetse n’ubwumvikane bucye mu rugo bikaba byavamo no gucana inyuma ndetse no gutandukana. Muri iyi nkuru tugiye gusobanukirwa byinshi kuri iki kibazo ndetse n’igisubizo kuri iki kibazo.

    Ese iki kibazo cyaba giterwa n’iki ?

    Iki kibazo gikunze kugaragara kenshi ku bagore bakuze (Bacuze cyangwa bari hafi gucura), ibi ahanini bigaterwa n’imisemburo bita ESTROGEN iba itangiye kugabanuka cyangwa se yaragabanutse mu mubiri wabo, bigatuma umugore yumva nta mibonano mpuzabitsina ashaka. Gusa n’abakiri bato bataragera mu gihe cyo gucura nabo bashobora kugira iki kibazo.

    Izindi mpamvu zishobora kubitera harimo :

    • Indwara zitandukanye nka Diyabete, indwara z’umutima, Hepatite,Cancer,
    • Ihungabana umuntu yahuye na ryo
    • Kwiheba gukabije
    • Gufatwa ku ngufu
    • Ugutandukana kw’ababyeyi bawe bikakwangisha imibonano
    • Imisemburo itameze neza mu mubiri
    • Ingaruka z’imiti umuntu aba yaranyoye
    • Kumara igihe kirekire udakora imibonano n’ibindi………

    Dore ibyo ugomba kwirinda niba ufite iki kibazo :

    • Irinde kunywa inzoga n’itabi : Aho kunywa inzoga, wakwinywera divayi itukura (red wine) nabwo gacye, kuko yo ituma amaraso atembera neza
    • Irinde cyangwa ugabanye stress (imihangayiko) : ugomba kwirinda cyane stress no gutekereza ibiri hanze y’icyo gikorwa. Stress yangiza ubuzima idasize ubushake bwawe bwo gukora imibonano.
    • Irinde kurya ibiryo byinshi : kurya cyane bitera kugira ubunebwe no kumva usinzira bityo bikagutera kumva nta bushake.
    • Kwikinisha byo bigendere kure : iki ni igikorwa kibi cyane, ku bantu rero mugikora sibyiza kuko uko ugikora kenshi bwa bushake bwo gukora imibonano mpuzabitsina bugenda bushira.
    • Irinde kunywa ibinyobwa byongera imbaraga (energy drinks)

    Ibi biribwa bikurikira ni ingenzi niba utagira ubushake :

    • Umuneke
    • Urusenda
    • Igitunguru na tungurusumu
    • Amagi
    • Ubunyobwa,…

    Ese wari uzi ko igisubizo kirambye cyabonetse kuri iki kibazo ?

    Ni byiza gukurikiza inama twababwiye hejuru kugirango uhanagane n’iki kibazo, gusa nanone hari uba waragerageje bikanga. Ubu rero habonetse imiti ikoze mu bimera ituma ya misemburo iba yaragabanutse yiyongera mu mubiri bityo umubiri ugakanguka ubushake bukaboneka gutera akabariro bikagenda neza nta kibazo. Iyo ubushake bwabaye bwinshi, n’ububobere buhita bwiyongera bityo abatera akabariro bombi bakaryoherwa.

    Inyongeramirire za Golden Six, ni igisubizo kirambye mu guha umugore ububobere n’amavangingo ahagije mu gihe cyo gutera akabariro, kandi uwayikoresheje anakira ingaruka zindi twavuze haruguru zigaragara ku mubiri w’umugore.

    Uramutse uyikeneye cyangwa se ushaka ibindi bisobanuro byisumbuyeho, wahamagara kuri telefone igendanwa +250786493913 cyangwa ukaba wayikoresha ubandikira kuri Whatsapp. Aho waba uri hose Golden Six yakugeraho.

    Source : http://www.ukwezi.rw/mu-rwanda/Ubuzima/article/Dore-ibanga-rikomeye-ku-mugore-wifuza-kongera-ububobera-n-amavangingo-mu-gutera-akabariro

  • Kamonyi: Ibibazo ni agatereranzamba mu kigo nderabuzima cya Nyamiyaga #rwanda #RwOT

    Ni ikigo nderabuzima kimwe rukumbi giherereye muri uyu Murenge wa Nyamiyaga, kikaba kandi bugufi n'ibiro by'Umurenge. Haravugwa byinshi mu bibazo birimo Serivise mbi ku bagana Ikigo nderabuzima, abakozi bakora ibijyanye n'isuku bamaze amezi abiri badahembwa, haravugwa uwatsindiye isoko ry'ibijyanye n'amasuku, ariko birangira akazi gahawe undi, haravugwa kandi  umwuka utari mwiza mu bakozi n'ibindi.

    Abaturage batari bake bagana iki kigo nderabuzima, bamaze igihe kitari gito basaba ko hagira igikorwa, hagakemurwa ibibazo bituma badahabwa serivise nziza. Bavuga ko bamwe muri bo bahisemo guhindura aho bivuriza, bamwe bajya ku bigo bitandukanye birimo icya Nyagihamba kiri mu Murenge wa Nyarubaka, abandi bakajya Kamonyi muri Gacurabwenge ndetse ngo hakaba n'abajya hakurya mu karere ka Ruhango, byose ari uguhunga serivise bavuga ko ari mbi, bakemera bagakora ingendo za kure.

    Ibibazo bya Serivise mbi zihabwa abagana iki kigo nderabuzima bivuzwe kenshi, ibijyanye n'umwanda no kutita ku bakozi bakora isuku, cyane ku bijyanye no kubahemba nabyo byaravuzwe ndetse igihe kimwe intyoza.com ijyayo kureba ibijyanye n'umwanda wari umaze igihe uvugwa isanga ibivugwa ari bike, unarebye ntacyahindutse cyane ko n'ubu abakozi bavuga ko amezi abaye abiri batazi umushahara, byumvikane ko umurimo unoze muri ubu buzima ntawo.

    Mu gushaka kumenya ukuri kuri uru ruhuri rw'ibibazo bivugwa muri iki kigo nderabuzima cya Nyamiyaga, byatumye tumenya byinshi tutari twiteze, birenze ibivugwa n'abaturage. Serivise mbi n'umwanda reka tubishyire ku ruhande, atari uko bidahari, ahubwo tuvuge ku kuba twarasanze hari uwatsindiye isoko rijyanye no gukora isuku ari nawe wakabaye akoresha akanahemba abakora amasuku. Gusa nkuko amakuru yahawe intyoza.com avuga, mu buryo budasobanutse, akazi kahawe utaratsindiye isoko ku mpamvu z'akantu nkuko bivugwa.

    Aha ni igihe umunyamakuru yajyaga kureba ikibazo cy'umwanda uhavugwa: Kamonyi-Nyamiyaga: Umwanda wasimbuye ubuzima mu kigo nderabuzima

    Byageze aho abakozi bakora amasuku bibutsa ubuyobozi bw'ikigo ko bakeneye guhembwa, ariko kubera ko byagakozwe n'uwatsindiye isoko, ibi byajemo agasigane tudatindaho hagati ya Kontabure w'ikigo ndetse n'umuyobozi, birangira abakozi bakora amasuku bamaze amezi abiri nta guhembwa.

    Ku mugoroba wo kuwa Gatatu w'icyumweru gishize, ahagana ku i saa kumi n'iminota 40, umunyamakuru wa intyoza.com yahamagaye Tuyiringire Emmanuel umuyobozi w'ikigo nderabuzima cya Nyamiyaga ashaka ku mubaza kuri bimwe mu bibazo bivugwa ko byabaye agatereranzamba aho ayobora, mu ijwi rituje avuga ko ari mu kazi kenshi ko nahuguka aramuvugisha.

    Hagati aho, umunyamakuru yamwibukije akoresheje ubutumwa bugufi kuri terefone ko ariwe n'ubundi wamushakaga ko kumubwira icyo yamushakiraga yahuguka akaza kuba abizi byaba byiza, niko kumwoherereza ubutumwa ku bibazo ashaka ko baza kuganiraho birimo ikibazo cy'abakora amasuku bamaze amezi abiri badahembwa, Uwatsindiye akazi kagahabwa undi n'ibindi.

    Ku i saa mbiri z'ijoro zirengaho iminota 8, umuyobozi ahugutse yarahamagaye koko, maze ati' Ntugire ngo nakurangaranye, niriwe mu kazi kenshii…. ku buryo ubu ng'ubu rwose aribwo ngisohoka mu biro, uranyihanganira tuzavugane ejo nzaza mu nama ku karere… nzaguhamagara ejo nkuvugishe'. Aha yavugaga yari guhamagara umunyamakuru hari bucyeye kuwa Kane, ariko kugeza kuri uyu wa mbere twinjiye mu kundi kwezi ntawamenya impamvu atubahirije ibyo yasezeranije umunyamakuru.

    Hagati aho kuri uwo wa Kane, umunyamakuru yahamagaye umuyobozi w'Umurenge wa Nyamiyaga, Mudahemuka Jean Damascene kugira ngo amubaze ku bibazo bitandukanye bivugwa ko byabaye agatereranzamba mu kigo nderabuzima ndetse n'ibindi nk'uko twabivuze hejuru. Gitifu yasabye umunyamakuru kwihangana bakazavugana nyuma y'inama ya bucyeye kuwa Gatanu, izaba igamije gucoca byinshi mu bibazo bivugwa muri iki kigo Nderabuzima.

    Kuwa Gatandatu w'icyumweru gishize, bucyeye inama yaraye ibaye, Gitifu Mudahemuka nkuko yari yabyemeye, yahamagaye umunyamakuru amubwira ko koko ibibazo yamubwiye ubwo yashakaga ko baganira, yasanze ari ukuri. Yagarutse ku nama n'abayitabiriye, ariko yirinda kujya cyane mu byo bahavugiye, gusa avuga ko ibibazo basanze atari bike, ko hari imyanzuro basabye ko izashyirwa mu bikorwa, ikaba igomba gutunganywa igashyikirizwa inzego bireba.

    Gusa nubwo Gitifu yavuze kuri bimwe mubyo umunyamakuru yari yamubwiye, akanemera ko yasanze ari byo, hari n'ibindi bibazo byinshi ahanini byose ngo bishingiye ku miyoborere basanze, ariko hano tutari bugarukeho.

    Ku bijyanye n'uwahawe isoko atariwe waritsindiye, Gitifu yemera ko iki kibazo koko bakibonye ndetse basaba ko uwahawe ako kazi azishyurwa n'uwakamuhaye, ko nta faranga ry'ikigo rizasohoka guhabwa utaratsindiye isoko, ku makosa yakozwe mu nyungu z'umuntu ku giti cye. Avuga ko byinshi mubyo babonye hari ingamba zafashwe, ndetse hakaba n'imyanzuro byose bikazakorwa mu nyungu z'umuturage n'imiyoborere myiza, aho kugira ngo abaturage babe aribo babirenganiramo. Abakozi nabo kandi bagomba gukora bashyize hamwe, baharanira kunoza serivise y'ibyo bakora mu nshingano zabo.

    intyoza

    Source : https://www.intyoza.com/kamonyi-ibibazo-ni-agatereranzamba-mu-kigo-nderabuzima-cya-nyamiyaga/

  • Kimenyi Yves avuze ibyo umwana we yatangiye kumukorera. – YEGOB #rwanda #RwOT

    Umukinnyi Kimenyi Yves uherutse kubyarana imfura ye na Miss Muyango yavuze ko uyu mwana we yatangiye gufata imyambaro ye (ya Kimenyi) akayikomeza ndetse avuga ko amusezeranyije kuzamuha iruhande iteka.

    Kimenyi Yves wamamaye mu makipe atandukanye arimo APR FC, Rayon Sports, Kiyovu, akaba n'umunyezamu w'ikipe y'igihugu abinyujije kuri instagram ye yashyize hanze ifoto ye ateruye imfura ye maze ayiherekesha amagambo agira ati':Yatangiye gufata amashati ya Se, 😁😁nzakuba iruhande iteka ryose muhungu wanjye'

    Source : https://yegob.rw/kimenyi-yves-avuze-ibyo-umwana-we-yatangiye-kumukorera/

  • Abaramyi Papi Clever n'umufasha we Ingabire Dorcas bari mubyishimo byinshi – YEGOB #rwanda #RwOT

    Papi Clever ndetse n'umugore we Dorcas Ingabire bamaze kumenyekana kubera kuririmba indirimbo nziza zo kuramya no guhimbaza Imana. Muri 2019 ni bwo Papi Clever na Dorcas basezeranye imbere y'Imana. Nyuma y'umwaka babanye, uyu muryango wibarutse imfura yabo mukwa munani 2020.

    Nyuma y'umwaka umwe bibarutse imfura yabo, uyu muryango ukaba wagiriwe umugisha wo kwibaruka ubuheta, bakaba bibarutse umwana w'umukobwa tariki 30 zukwa cumi 2021. Ni bonkwe!!

    Ubuheta bwa Papi Clever na Ingabire Dorcas

    Source : https://yegob.rw/abaramyi-papi-clever-numufasha-we-ingabire-dorcas-bari-mubyishimo-byinshi/

  • Umukinni wa filime Rosine Bazongere muri bikini ku kibuye (amafoto). – YEGOB #rwanda #RwOT

    Umukinnyi wa filime ROSINE Bazongere wamenyekanye nka PURUKERIYE muri filime ica kuri youtube yitwa papa sava. Yagaragaye ari kurya ubuzima ku mazi mumyambaro imenyerewe nka bikini. Kurubuga rwe rwa Instagram yagize ati inyego yubuzima nukwishimisha, arangije yerekana namafoto namashusho ye ari kwishimisha ku kibiye.
    Reba amwe mu mafoto hano👇👇

    Amafoto yo mu bindi bihe.

    Source : https://yegob.rw/umukinni-wa-filime-rosine-bazongere-muri-bikini-ku-kibiye-amafoto/

  • Abarimo umunyarwandakazi biyerekanye muri bi… – #rwanda #RwOT

    Ni mu birori byabaye kuri uyu wa Gatandatu no kuri iki Cyumweru. Iri rushanwa riri kubera mu Mujyi wa Tirana mu gihugu cya Albania, rizasozwa tariki 5 Ugushyingo 2021.

    Abategura iri rushanwa bifashishije Akanama Nkemurampaka gatanga amanota kuri buri mukobwa kemeza ko Briarenne wo muri Guyana ari we wahize abandi yambikwa ikamba rya Miss Bikini.

    Briarenne yagize amanota 5 kuri 5, ni mu gihe umunyarwandakazi Stella Matutina yagize amanota 4 kuri 5. Mbere y'uko biyerekana muri 'bikini' buri mukobwa yanyuraga imbere y'Akanama Nkemurampaka akivugaho mu buryo burambuye.

    Abakobwa kandi bahataniye andi makamba y'ibanze atangwa muri iri rushanwa mbere y'ikamba rinini. Malveen Kaur wo muri Malaysia ni we wegukanye ikamba rya “Head to Head Challenge.”

    Ni mu gihe Briarenee wo muri Greece ari we wegukanye ikamba ry'umukobwa wahize abandi mu kugaragaza impano (Miss Talent).

    Kuva ku wa Gatatu tariki 27 Ukwakira 2021, abakobwa batangiye guhatana mu cyiciro cy'amatora yo kuri internet. 

    Umukobwa uzatorwa cyane muri aya matora, azahita abona amahirwe yo kujya mu cyiciro kibanziriza icya nyuma muri iri rushanwa.

    Biranashoboka ko umukobwa uzitwara neza muri iki cyiciro azahita ajya muri batanu ba mbere bazavamo uwambikwa ikamba rya The Miss Globe.

    Amatora yo kuri internet ari kubera ku rubuga rw'iri rushanwa The Miss Globe. Gutora wifashisha Smart card, Visa card na Credit Card.

    Abategura iri rushanwa bavuga ko ijwi rimwe ringana n'idorali rimwe (1$), kandi ko ijwi ryijya ku mukobwa watoye ari uko umaze kwishyura.

    Iri rushanwa The Miss Globe ryatangiye gutegurwa mu 1925. Kuri iyi nshuro, rigiye kubera muri Albania, aho ryatangiye tariki 20 Ukwakira 2021 rikaba rizasozwa tariki 5 Ugushyingo 2021 mu birori bizabera mu nyubako ya Opera Theater muri Tirana.

    Umukobwa uzegukana ikamba azasimbura Miss Lorinda Kolgeci wo muri Kosovo wari umaze umwaka yambaye iri kamba.

    Stella Matutita uhagarariye u Rwanda muri Miss The Globe yiyerekanye muri 'Bikini'.



    Umukobwa wo muri Guyana yegukanye ikamba rya Miss Bikini

    Umukobwa wo muri Greece yegukanye ikamba rya Miss Talent
    Umukobwa wo muri Malaysia yegukanye ikamba rya 'Head to Head Challenge'

    Source : https://inyarwanda.com/inkuru/110970/abarimo-umunyarwandakazi-biyerekanye-muri-bikini-hatangwa-amakamba-yibanze-muri-the-miss-g-110970.html

  • APR FC itsinze Gicumbi FC, Police FC inyagira… – #rwanda #RwOT

    Ku wa gatandatu habaye imikino igera kuri ine, aho Kiyovu Sport yatsinze Gorilla FC igitego kimwe ku busa, Marine itsindwa na Gasogi United igitego kimwe ku busa, naho Espoir FC itsindwa na As Kigali ibitego 2 ku busa. Kuri uyu munsi hari hateganyijwe nabwo imikino igera kuri ine, harimo n’umukino wa APR FC ifite igikombe cya Shampiyona giheruka, yatsinze Gicumbi FC ibitego 3-1.

    Etincelles FC yanganyije  na Rutsiro FC ubusa ku busa, Musanze FC ifatanya n’imvura mu gutsinda Bugesera FC ibitego 3-1, naho Etoile de L’est ihabwa ikaze mu kiciro cya mbere na Police FC iyitsinda ibitego 3 ku busa.

    APR FC yatangiye urugendo rwo gushaka igikombe cya gatatu cyikurikiranya

    Uyu munsi usize Police FC iyoboye urutonde rwa shampiyona n’amanota 3 ariko izigamye ibitego 3 naho Musanze FC na APR FC zirayikurikira n’amanota 3 n’ibitego bibiri zizgamye. Etoile de L’est niyo ya nyuma ifite ubusa bw’inota ndetse n’umwenda w’ibitego bitatu.

    Umukino wa Etincelles FC na Rutsiro FC niwo utabonetsemo igitego, mugihe umukino wa APR na Gicumbi FC n’umukino wa Etoile de L’est na Police FC ariyo yabonetsemo ibitego byinshi bigera kuri 4. Marine FC na Espoir FC nizo kipe zatsinzwe kuri uyu munsi kandi zakiriye imikino yazo.

    Lamini Moro na Niyonzima Olivier bakiniye As Kigali umukino wabo wa mbere 

    Uyu munsi wa mbere wa shampiyona kandi wabonetsemo ibitego 16 bivuze ko ari ibitego 2 kuri buri mukino.

    Youssef Rharb ni we watsinze igitego gufungura uyu mwaka w’imikino

    Bimwe mu byaranze uyu munsi harimo Koroneri ya Hakizimana Muhadjiri yateye yijyanamo, ubwo Police FC yatsindaga igitego cya kabiri ndetse n’ikibuga cya Musanze FC cyanyagiwe kijengamo amazi kuburyo abenshi bibajije impamvu kigikoreshwa. Umunsi wa Kabiri wa shampiyona uzakomeza kuri uyu wa kabiri no ku wa watatu.

    Source : https://inyarwanda.com/inkuru/110972/apr-fc-itsinze-gicumbi-fc-police-fc-inyagira-etoile-de-lest-iyobora-urutonde-rwa-shampiyon-110972.html

  • Perezida Kagame mu bakuru b’ibihugu bya Afurika bakiriwe na Emmanuel Macron – #rwanda #RwOT

    Aba bakuru b’ibihugu bahuriye mu Nama y’Ibihugu bikize, G20, iri kubera mu Mujyi wa Roma mu Butaliyani.

    Perezida Kagame uhagarariye Ihuriro ry’Ibihugu bya Afurika rigamije Ubufatanye mu Iterambere, NEPAD na Félix Tshisekedi uyoboye Umuryango wa Afurika Yunze Ubumwe ni bo bakuru b’ibihugu bya Afurika batumiwe muri iyi nama.

    Perezida Macron yakiriye aba bakuru b’ibihugu ku mugoroba wo ku wa Gatandatu, mu nama yabereye mu nyubako ya Palazzo Farnese isanzwe ikoreramo Ambasade y’u Bufaransa mu Butaliyani.

    Iyi nama yahuje abakuru b’ibihugu bya EU-AU yaganiriwemo imyiteguro y’inama izahuza imiryango yombi mu mwaka utaha wa 2022.

    Perezida Macron yizera ko imikoranire hagati y’imigabane yombi yubakira ku bwubahane bw’impande zombi hibandwa ku bukungu n’umutekano.

    Iyi nama yitabiriwe kandi n’abayobozi barimo Perezida wa Komisiyo ya AU, Moussa Faki; Chancelière w’u Budage, Angela Merkel; Perezida wa Espagne, Pedro Sanchez; Minisitiri w’Intebe w’u Buholandi, Mark Rutte; Perezida w’Akanama ka EU, Charles Michel na Perezida wa Komisiyo ya EU, Ursula Van Der Leyen.

    Perezida Macky Sall wa Sénégal na Cyril Ramaphosa wa Afurika y’Epfo bitabiriye iyi nama hifashishijwe ikoranabuhanga ry’amashusho.

    Abakuru b’ibihugu bitabiriye iyi nama nyuma y’uko mu Mujyi wa Kigali haheruka gusozwa iy’Abaminisitiri b’Ububanyi n’Amahanga b’Umuryango wa Afurika Yunze Ubumwe (AU) n’Umuryango w’Ubumwe bw’u Burayi (EU).

    Iyi nama yabaye ku wa 25-26 Ukwakira 2021, yasuzumiwemo ingingo zirimo ubufatanye hagati ya Afurika n’u Burayi mu ngeri zirimo ubukungu, ubuzima ndetse n’imibereho myiza y’abaturage.

    Ni inama itegura iy’abakuru b’ibihugu by’iyo miryango yombi izabera i Bruxelles muri Gashyantare umwaka utaha, iziga ku bufatanye mu ishoramari, uburezi, ubuzima, abimukira, urujya n’uruza n’ibindi.

    Abayitabiriye bagarutse ku bufatanye bukwiye kuranga impande zombi ndetse u Burayi bugaragaza ko bwifuza gufatanya na Afurika mu bikorwa birimo no kubaka inganda zikora imiti n’inkingo kuri uyu mugabane wa Afurika.

    Impande zombi zagaragaje ko ubu ari uburyo bwafasha umugabane wa Afurika kugira ubushobozi buhagije bwo kwitegura indwara z’ibyorezo zishobora kwibasira Isi mu gihe kizaza.

    U Rwanda, Sénégal na Afurika y’Epfo ni byo bihugu bya mbere bigiye kubakwamo inganda zigezweho zikora inkingo n’imiti bizafasha Afurika kwihaza ku bijyanye n’imiti.

    Ubufatanye bwa Afurika n’u Burayi bwatangiye mu 2000 ariko ingingo z’ingenzi z’ubufatanye zitangira mu 2007.

    Perezida Kagame asuhuzanya na Macron w’u Bufaransa

    Perezida w’u Bufaransa, Emmanuel Macron, aganira na Perezida Paul Kagame w’u Rwanda

    Perezida w’u Bufaransa, Emmanuel Macron, asuhuzanya na Félix Tshisekedi wa Repubulika Iharanira Demokarasi ya Congo

    Perezida Kagame yitabiriye iyi nama yatumiwemo abanyacyubahiro batandukanye barimo Chancelière w’u Budage, Angela Merkel

    Iyi nama yahuriyemo abakuru b’ibihugu bya Afurika n’ibyo ku Mugabane w’u Burayi

    source : https://ift.tt/3Ewb3IN