Category: Uncategorized

Ubushinjacyaha bumaze iminsi buburana n’aba bahoze ari abayobozi muri iriya Gereza ya Nyarugenge, bwasabye Urukiko rw’Ibanze rwa Nyarugenge kubahamwa ibihano rukabakatira gufungwa imyaka itanu.

Ubushinjacyaha bwabwiye urukiko ko abaregwa (CSP Kayumba Innocent, SP Ntakirutimana Eric na Mutamaniwa Ephraim) bubasabira ibihano bimwe kuko bose ari abafatanyacyaha ku gikorwa cy’ubujura cyakorewe umufungwa Kassem Ayman Mohamed.

Ubushinjacyaha bwavuze ko nubwo SP Eric Ntakirutimana na Mutamaniwa Ephraim, ubushinjacyaha bubafata n’ibyitso mu gikorwa cyakozwe cy’ubujura, umugambi wakozwe bari bawuhuriyeho.

Ubushinjacyaha bwahise butangira gusaba ibihano buhera kuri CSP Kayumba Innocent busaba urukiko ko rwazamuhanya ibyaha byose akekwaho birimo ubujura, icyaha cyo kwinjira mu makuru abitse muri mudasobwa n’icyo kwiyitirira umwirondoro utari uwe.

Bwakomeje buti “Ibi bihano ni na byo dusabiye SP Eric Ntakirutimana ndetse na Mutamaniwa Ephraim.'

Ubushinjacyaha bwasabye ko Twizere Amani Olivier atahabwa ibihano n’urukiko kuko yafashije ubushinjacyaha kumenya amakuru menshi ku baregwa.

Mutamaniwa Ephraim usanzwe wunganirwa na Me Idahemuka Tharcisse, yabwiye urukiko ko kuva yatangira kubazwa mu bugenzacyaha no mu bushinjacyaha yewe no mu rukiko ubwo yatangiraga kuburana mu mizi atigeze yemera ibyaha byose ubushinjcyaha bumukekaho ko kandi n’ubu ari wo murongo agihagazeho.

Yavuze ko ibyamubayeho byose bituruka ku kagambane yakorewe na CSP James Mugisha, Umuyobozi Mukuru w’Urwego rw’Ubutasi muri RCS Mutamaniwa Ephraim kuko atigeze acana uwaka na we kuva yahabwa inshingano zo gukurira iperereza muri Gereza ya Nyarugenge.

Ati 'Ku bihano nasabiwe n’ubushinjacyaha ndasaba ko Urukiko rwandekura rungize umwere nta yandi mananiza kuko njye nta cyaha nakoze, ndasaba kugirwa umwere kuri iyi dosiye.'

SP Eric Ntakirutimana wunganirwa na Me Gasominari Jean Baptiste yabwiye urukiko ko ibyavuzwe n’ubushinjacyaha byose bidakwiye guhabwa ishingiro kuko ibyo buvuga butabitangira ibimenyetse.

Ati 'Ntabwo najya gukora ibihano by’ibyaha byakozwe na Twizere Amani Olivier.'

CSP Kayumba Innocent wunganirwa na Me Ngirinshuti Jean Bosco avuga ku bihano yasabiwe, yasabye urukiko ko rwamugira umwere kuko ibyo Amani yamushinje byose ari ibihimbano.

Yavuze ko yatunguwe no kumva ubushinjacyaha bwasabye ko Twizere Olivier Amani yagirwa umwere ku byaha yemereye urukiko ko ari we wabikoze.

Urukiko rwasubitse urubanza rukazasubukurwa tariki 19 Ugushyingo 2021 ari na wo munsi ruzapfundikirwaho ubundi hagategerezwa imyanzuro y’urukiko.

UKWEZI.RW

Amakuru y’urupfu rwa Ndagijimana Juvenal, yatangiye gucickina ku mbuga nkoranyambaga mu gitondo cyo kuri uyu wa Gatanu tariki 12 Ugushyingo 2021, akaba ashimangira ko uyu mugabo wari utuye mu Kagari ka Kidakama mu Murenge wa Gahunga mu Karere ka Burera, yitabye Imana kubera uburwayi yari amaranye iminsi.

Ndagijimana Juvenal yari umuhanzi mu njyana Gakondo, akaba yanamenyekanye cyane mu Itorero ry’igihugu ‘Urukerereza’

Amakuru y’urupfu rwe yemejwe n’umwe mu bari baturanye na Ndagijimana, wavuze ko yitabye Imana azize uburwayi yari amaranye iminsi. Yagize ati 'Ni byo koko Ndagijimana yitabye Imana. Birashoboka ko yaba yapfuye mu masaha ya nijoro kuko ejo numvaga abantu bavuga ko amerewe nabi cyane. Yari amaze iminsi arwaye'. Ibi yabihamirije KigaliToday.

Ubusanzwe iyo uvuze Rukara rwa Bishingwe, hahita humvikana amateka y’umugabo w’umunyarwanda wishe umuzungu wari ugiye kunyaga abaturage. Ahagana mu mwaka wa 1912, Rukara rwa Bishingwe yivuganye umuzungu Rupius washaka kunyanga ubutaka abaturage bitwaga Abarashi, bityo Rukara rwa Bishingwe biramurakaza aramwivugana mu Gahunga k’Abarashi. 

Uyu munyapoliki wo hambere wagiye anenga ubutegetsi bwose bwabayeho amaze guca akenge, yanditse ubutumwa kuri Twitter avuga ishyaka rye RDI ryamaganye iby’ifungwa rya Niyonsenga Dieudonne uzwi nka Cyuma Hassan.

Twagiramungu Faustin muri ubu butumwa yagize ati 'Nk’umuyobozi wa RDI, no mu izina ry’abarwanashyaka baryo, ndasaba Leta y’u Rwanda kurekura umunyamakuru “wa rubanda” Niyonsenga Dieudonné ufunzwe ku buryo bunyuranyije n’amategeko.'

Ubu butumwa bwa Faustin Twagiramungu wamamaye nka Rukokoma, bwagiye busubizwa na benshi bamwibutsa ko Ubucamanza bw’u Rwanda bwigenga kandi ko bukorera mu mucyo bukaba bunagendera ku mategeko.

Uyu musaza wabaye Minisitiri w’Intebe akaza guhungira ku Mugabane w’u Burayi, yagiye anengwa na benshi kubera Politiki yumvikanamo amagambo y’amacakubiri no gukongeza ingengabitekerezo itanoze.

Mu basubije buriya butumwa bwe, harimo Fred Mufulukye wabaye Guverineri w’Intara y’Iburasirazuba ubu usigaye uyobora Ikigo cy’Igihugu gishinzwe igororamuco wamusabye kudakomeza kuroha abana.

Yagize ati 'Ariko Faustin Twagiramungu rwose waretse kujya ushuka abana b’u Rawnda gukora ibyaha nyuma bakabibazwa wowe wigaramiye ? Iyo utekereje abo washyutse bose, haba hari nibura umwe ufite icyo yungutse koko ? Cyokora n’abataramenya ikinyoma n’ingengabitekerezo byawe na bo bafite ikibazo.'

Uwitwa Nganji Sekamana na we yasubije Twagiramungu agira ati 'Ndi wowe nahita njya mu ishyamba nkinjirira Nyungwe nkajya kumubohoza !!! Urugambo gusa ! Niba umukunze se waje ukamubanisha muri gereza atazagira irungu mama we, yego yewe !'

Uwitwa Mugabarigira na we yagize ati 'Ni kenshi twagusabye ngo reka gusaza wanduranyije cyane ariko ntiwumva, ukomeje gushora urubyiruko mu bibi ingaruka zikarugeraho wigaramiye, ese ko utaroshya abo wibyariye ahubwo ugakomeza gushora rubanda nk’uko ubita ? Muri MDR mwaririmbaga ko Kinani ashukana none wamusigariyeho ?'

UKWEZI.RW