Category: Uncategorized

Umuhamya ni indirimbo imaze iminsi 11 ikaba imaze kurebwa ndetse no gukundwa n’abatari bacye kuko ubu yarebwe n’abarenga ibihumbi 39 ndetse n’abarenga ibihumbi 250 bayikunze babyerekanishije akamenyetso, ikaba imaze kujyaho ibitekerezo 300.

Iyi ndirimbo ifite igisobanuro kinini bitewe n’uko aba baraperi bombi batangiranye ubwo hatangiraga kumenyekana mu tsinda rya Tuff Gang, ntawakwibagirwa amateka rifite mu muziki nyarwanda. Iyi ndirimbo kandi igaruka kunjyana y’umujinya yamenyerewe kuri aba baraperi bitewe n’ubutumwa burimo ikaba yongeye kuzamuka cyane kurwego rwohejuru bitewe n’ibihe n’amateka byabaye kuri uyu muziki.

fIREMAN NA P Fla bongeye kwatsa amatara ya Kigali

Indirimbo 15 zashyizwe ku mbuga nkoranyambaga zose za InyaRwanda.com, aho buri mukunzi w'umuziki nyarwanda yasabwaga guha ijwi rimwe indirimbo ari gukunda cyane ari nako byagenze mu majwi yose uhereye igihe twatangiraga kuyabara kuri Facebook na Instagram.

Aya majwi yari menshi cyane ariko bitewe n'uko hari abantu benshi bagiye batora indirimbo inshuro zirenze imwe, andi majwi yabaye imfabusa. Urugero ni nk’aho wasangaga umuntu umwe yatoye indirimbo enye wenyine, undi agatora indirimbo eshatu cyangwa akagenda asubiramo indirimbo yagiye atora.

Ibi byatumye dufata ijwi rya mbere mu yatowe kuri buri muntu, ayandi majwi yose akaba imfabusa, ari na ko abantu bose batora indirimbo bashishikarizwa gutanga ijwi rimwe kuri buri ndirimbo zatoranyijwe, hagendewe ku bakunzi n'ubundi b'umuziki nyarwanda.

Indirimbo ya Fireman na P Fla iyoboye urutonde rwa InyaRwanda

Izi ndirimbo 10 ziri mu ndirimbo 15 zari zatoranyijwe n'abakunzi b'umuziki nyarwanda, itsinda ry'abanyamakuru ba InyaRwanda.com n'abandi banyamakuru batandukanye bakurikiranira hafi umuziki nyarwanda, maze zishyirwa ku mbuga nkoranyambaga za InyaRwanda kuri Facebook na Instagram maze harebwa amajwi buri ndirimbo yagize.

KANDA HANO WUMVE INDIRIMBO UMUHAMYA YA FIREMAN NA P FLA

Umukino w’intoranywa wa shampiyona ya Basketball 2021 (BK All Star Game 21) yegukanywe na Team Shyaka itsinze Team Ndizeye amanota 77-73.}}

Uyu munsi nibwo habaye umukino w’intoranywa muri shampiyoma ya Basketball mu Rwanda “BK All Star Game 2021” wabereye muri Kigali Arena, Team Shyaka yegukanye iki gikombe.

Nk’uko abakapiteni bari babyumvikanye( Shyaka na Ndizeye), bakaba bahisemo ko ibihembo byagiherekeje bihabwa Rwampungu Meshack wahoze ari umukinnyi wa KBC akaza gukora impanuka muri 2015 ubu akaba agendera mu kagare, akaba yahise ashyikirizwa sheki ya miliyoni y’amafaranga y’u Rwanda ndetse na FERWABA ikaba yamugeneye miliyoni 2.

Team Shyaka yari yahuye na Team Ndizeye muri uyu mukino w’amateka, aho abakinnyi baba bakina bishimisha mu rwego rwo gusoza umwaka w’imikino.

Agace ka mbere karangiye Team Shyaka iri imbere na 29-13 ya Team Ndizeye, iki kinyuranyo cy’amanota 15 bari bashyizemo, Team Ndizeye yaje kukigabanya maze amakipe yombi ajya kuruhuka ari 44 ya Team Shyaka kuri 37 ya Team Ndizeye.

Team Ndizeye yaje gusubira inyuma mu gace ka 3, Team Shyaka yongera ikinyuranyo ibifashijwemo n’abakinnyi barimo Wakukota Bush amanota ava kuri 7 agera 11 kuko agace akarangiye ari 59 ya Team Shyaka kuri 48 ya Team Ndizeye.

Agace ka nyuma Team Ndizeye yaje yashyizemo imbaraga maze ibifashijwemo na Ndizeye Dieudonne na Kaje Elie baza gukuramo amanota yose bari bashyizwemo, umukino urangira ari 68-68, biba ngombwa ko bitabaza iminota 5 ya kamarampaka.

Iminota ya nyuma Team Shyaka yabyitwayemo neza birangira ari yo itsinze umukino ku manota 77-73.

Uyu mukino ukaba wari wabanjirijwe n’indi mukino irimo guhatana gutsinda amanota 3, Ndizeye Dieudonne ni we waje gutsinda, akaba ari n’igihembo yegukanye umwaka wa 2019.

Muri Slum Dunk, Nkundwa Thierry usanzwe ukunira APR BBC ni we watsinze. Muri ibi byiciro kimwe na MVP wabaye Wamukota Bush, buri umwe yahembwe miliyoni y’amafaranga y’u Rwanda.

BK All-Star Game yaherukaga kuba mu 2019, aho ikipe ya Nijimbere Guibert yatsinze iya Mugabe Aristide amanota 89-83.

Nijimbere Benit

Kubwimana Kazingufu Ally yari muri Team Shyaka

Wari umukino utoroshye

Team Shyaka yegukanye All Star Game 2021

Shyaka yitegura gushota

Guibert ashaka uko acikinana umupira Nshobozwabyosenumukiza

Nkundwa Thierry ni we watsinze muri Slum Dunk

Ndizeye Dieudonne ni we wegukanye igihembo mu gutera amanota 3

Imiti Cabotegravir (uzwi kandi kw’izina rya Vocabria ukaba warakozwe n’ikigo ViiV Healthcare) hamwe na rilpivirine (uwu nawo ukaba uzwi kandi nka Rekambys wakozwe na Janssen) ni imiti iterwa incuro ebyeri ,rumwe rumwe ukwarwo rimwe mu mezi abiri.

Uyu muti ukaba ugirira akamaro gusa abantu bageze ku rugero rw’aho ubandu bwa SIDA butakiboneka mu maraso nyuma y’igihe baamaze bakoresha bya binini.Abahanga bavuga ko uyu muti ushobora kugirira akamaro abantu benshi.

Umwarimu  wa kaminuza Chloe Orkin, akaba ari umuhanga mu bijyanye n’ubwandu  bwa SIDA wigisha muri kaminuza ya Queen Mary yo muri London ho mu Bwongereza, avuga ko uyu muti ushobora kugabanyiriza abarwayi umuruho wo guhora bafata bya binini buri munsi, kuko wo bawutera incuro esheshatu (6) gusa mu mwaka.

Muganga Sanjay Bhagani, uyobora  ishirahamwe European Aids Clinical Society, avuga ati: “Iki ni ikintu gikomeye cyane kunenwa ni ikibazo gikomeye cyane ku banduye SIDA, kandi abatari bacye ntiboroherwa no gufata ibinini iminsi yose. Ibi rero bizatuma abenshi boroherezwa nuyu muti uterwa mu rushinge”

Alex Sparrowhawk w’i Manchester, usanzwe ukora mw’ishirahamwe ryishinzwe kurwanya SIDA rizwi nka Terrence Higgins Trust.Hashize imyaka 12 yanduye SIDA, kuva icyo gihe akaba ari ku binini bya ART iminsi yose. Avuga ko ari ikintu kiryoheye amatwi kumva ko hari uwundi muti ushobora kugabanya uwu umurego wa SIDA”.

Mu magambo ye yagize ati: “Ibyiyumviro byo guterwa umuti incuro 6gusa mu mwaka ntagufata imiti ya buri munsi ni ikintu gishimishije cyane. Kwibuka ko ugomba gufata imiti ya SIDA buri munsi  bwikwibutsa ko urwaye SIDA kandi ntibishobora kukuvamo.”

Akomeza agira ati: “Hari abantu bashobora kuba babana n’abandi batazi ko banduye cyangwa batanduye SIDA, cyangwa usanga bakora akazi gatuma bazenguruka hirya no hino kw’isi, ibi bigashobora kuba inzitizi ku guhora umuntu afata imiti iminsi yose”.

Kubwe, abakwiye gushyirwa imbere mu kubona  uyu muti ni abawukeneye cyane kurusha  abandi, nk’urugero abasanzwe bahura n’ikibazo cyo kunengwa. Abagiraneza bishimiye cyane uyu muti mushyashya wemejwe n’ikigo cy’ubuvuzi mu Bwongereza NHS.

Uyu muti  ugabanya ubukana bwa SIDA, ukaba ukora kimwe na bya binini bari basanzwe bafata. Byitezwe ko mu Bwongereza abantu basaga 13.000 bashobora gutangira gukoresha uyu muti.

Src:www.BBC.com

Abapolisi basoje icyiciro cya 17 bagizwe n'ab'igitsina gabo 1,869 n’aho ab'igitsina gore bakaba ari 450. aya mahugurwa bari bayamazemo amezi cumi n’abiri.

Mu gihe bamaze bahugurwa, bahawe inyigisho zitandukanye zigizwe n’imirimo ya Polisi y’u Rwanda, gukoresha intwaro, kubungabunga umutekano mu gihugu no mu mahanga, ibikorwa bya polisi, ikoranabuhanga mu iperereza, amategeko, ubufatanye bwa polisi n’abaturage, ubutabazi bw’ibanze, imyitozo ngororamubiri, ibiganiro ndetse n’andi masomo atandukanye y’ingirakamaro mu mirimo ya polisi y’igihugu.

Umuyobozi w’ishuri rya Polisi y’u Rwanda riherereye mu Karere ka Rwamagana mu Murenge wa Gishari (PTS-Gishari), Commissioner of Police (CP) Robert Niyonshuti yashimiye Perezida wa Repubulika uhora aha icyerekezo Ubuyobozi bwa Polisi y’u Rwanda n’amashuri akabona aho ashingira akora gahunda z’ibikorwa biganisha kuri icyo cyerekezo.

Yakomeje agira ati: “Ndashimira Minisiteri y’Ubutabera k’ubufasha bwose igeza k'ubuyobozi bwa Polisi y’u Rwanda kandi ndashimira ubuyobozi bwa Polisi y’u Rwanda buha agaciro gakomeye imyitozo n’amahugurwa bityo iri shuri rikongererwa ubushobozi burimo ibikoresho no kongerera ubumenyi abarimu.”

Minisitiri w’Ubutabera, Dr Emmanuel Ugirashebuja

Minisitiri w’ubutabera akaba n’intumwa Nkuru ya Leta Dr Ugirashebuja Emmanuel, yasabye aba bapolisi bashya kuzirikana inshingano zabo zo kurinda umutekano w’abaturage n’ibyabo, bakumira ibikorwa byose byabangamira uwo mutekano.

Yagize ati: “Ubumenyi bw’ibanze mwahawe bwo gukumira no kurwanya ibyaha mukwiye kuzabukoresha mu mirimo yanyu ya buri munsi, aho muzakorana n’abandi bapolisi bababanjirije mu kazi, mwirinda icyo ari cyo cyose cyakwangiza isura nziza ya Polisi y’u Rwanda.”

Minisitiri w’Ubutabera, Dr Ugirashebuja Emmanuel yavuze kandi ko mu ri uru rugamba buri mupolisi agomba kumva ko ari inshingano imureba.

Yagize ati: “Ibi ntibyagerwaho rero, hatabayeho imikoranire myiza hagati ya Polisi n’abaturage. Bapolisi mushoje amahugurwa uyu munsi, ndabashimira ubwitange n’umurava byabaranze mu gihe cyose aya mahugurwa amaze.”

Minisitiri Dr. Ugirashebuja Emmanuel muri uyu muhango usoza amahugurwa y’abapolisi bato yavuze ko werekana ubushake bwa Guverinoma y’u Rwanda ndetse n’ubuyobozi bwa Polisi y’u Rwanda bwo kubaka igipolisi cy’umwuga.