Webrwanda Backend

Category: Uncategorized

  • Vivo Energy yatangiye poromosiyo izahemba imodoka ku mukiliya w’indashyikirwa (Amafoto) – #rwanda #RwOT

    Engen yateguye iyi poromosiyo mu rwego rwo kwishimana n’abakiliya bayo mu minsi mikuru no guhemba abagura lisansi, ibaha ibihembo bitandukanye bitewe n’ingano ya lisansi baguze.

    Uko umukiliya azajya agura lisansi nyinshi, ni ko azajya abona amahirwe yo gutsinda. Nibura utwara moto agomba kugura litiro eshanu, utwara imodoka ye ku giti cye akagura litiro 20, imodoka rusange ‘bus’ ikagura nibura litiro 50 naho amakamyo akagura litiro 100.

    Iyi poromosiyo izamara amezi abiri, harimo ibihembo by’icyumweru n’ukwezi abazajya batsinda bazajya bahabwa. Ibyo bihembo birimo lisansi ya 5.000 Frw, amafaranga, telefoni zigezweho, televiziyo, amafaranga y’ishuri, moto n’imodoka nshya.

    Umuyobozi wa Vivo Engen Rwanda, Saibou Coulibaly, yavuze ko uko umukiliya azagura lisansi nyinshi, ari ko azabasha gutsindira ibihembo bitandukanye.

    Yagize ati “Muri iyi poromosiyo, abakiliya bacu bazabasha kubona lisansi ndetse n’ibihembo bitandukanye igihe cyose bazasura sitasiyo za ENGEN. Abakiliya bacu b’imena bazabasha gutombola, uko bazagura lisansi nyinshi ni ko bazatsinda mu bihembo by’icyumweru, ukwezi ndetse n’igihembo nyamukuru.”

    Umuyobozi Mukuru Wungirije wa Vivo Energy Rwanda uhagarariye ibihugu byo mu Burasirazuba n’Amajyepfo ya Afurika, Hans Paulsen, yavuze ko bashyizeho iyi poromosiyo kugira ngo bashimire abakiliya babo.

    Yagize ati “Uyu ni umunsi udasanzwe kuri Vivo Energy Rwanda kuko yabashije kumurika poromosiyo ikomeye kuva mu 2019. Ibi byakozwe kugira ngo twereke abakiliya bacu ko ari ingenzi ndetse twizihizanye iminsi mikuru.”

    Muri Werurwe 2019 ni bwo Vivo Energy yinjiye ku isoko ry’u Rwanda imaze kwegukana sitasiyo za lisansi zirenga 240 mu gihugu hose. Ubu imaze imyaka 10 itangiye ibikorwa byayo muri Afurika, ikorera mu bihugu 23 mu izina rya ENGEN na Shell.

    Vivo yanagiranye amasezerano na sosiyete yo muri Leta Zunze Ubumwe za Amerika imenyerewe gutegura amafunguro yihuse azwi nka ‘Fast Food’, KFC (Kentucky Fried Chicken) aho icuruza ibikorwa byayo ahari izo sitasiyo za ENGEN.

    Abantu batandukanye bitabiriye uyu muhango

    Abazajya bagura lisansi nyinshi bazajya bahabwa ibihembo

    Bimwe mu bihembo bizatangwa harimo moto

    Igihembo nyamukuru muri iyi poromosiyo ni imodoka

    Iyi poromosiyo abazajya batsinda ni abazajya bagura lisansi nyinshi

    Iyi Poromosiyo yiswe “Na Engen ndi Chef w’Umujyi”

    Miss Nishimwe Naomie yitabiriye uyu muhango

    NEP Djs ni yo yasusurukije abantu mu gutangiza iyi poromosiyo

    Ama G The Black yari yitabiriye umuhango wo gutangiza iyi poromosiyo

    Intore Massamba mu bitabiriye itangizwa rya poromosiyo ya Engen

    Umuyobozi wa Vivo Engen Rwanda, Saibou Coulibaly, yavuze ko uko umukiliya azagura lisansi nyinshi ari ko azabasha gutsindira ibihembo bitandukanye

    Vivo Energy yatangiye poromosiyo yo gushimira abakiliya izasozwa hatanzwe imodoka

    source : https://ift.tt/30NLftB

  • Umuntu umwe yishwe na Covid-19 mu Rwanda – #rwanda #RwOT

    Mu bipimo 17,235 byafashwe, abantu 11 basanzwemo iki cyorezo, bituma umubare w’abamaze kucyandura mu minsi irindwi ugera kuri 82.

    Abantu 62.538 bahawe dose ya mbere y’urukingo rwa Covid-19, bituma abamaze guhabwa urukingo rwa mbere bagera kuri 5.530.568.

    Abagera ku 33.559 bahawe dose ya kabiri y’urukingo rwa Covid-19 bituma abamaze guhabwa uru rukingo bagera kuri 2.917.604.

    20.11.2021 Amakuru mashya | Update | Mise à jour

    Twihanganishije umuryango w’umugabo witabye Imana / Condolences to family of a man who passed away / Condoléances à la famille d’un homme qui est décédé pic.twitter.com/gJRdQVm66v

    — Ministry of Health | Rwanda (@RwandaHealth) November 20, 2021

    source : https://ift.tt/3CIVCfm

  • Abasaga 2300 basoje amasomo abinjiza muri Polisi (Amafoto) – #rwanda #RwOT

    Abasoje amasomo barimo abagabo 1869 n’abagore 450 bakaba bari bayamazemo amezi 12.

    Minisitiri w’Ubutabera, Dr. Emmanuel Ugirashebuja, yatangaje ko aya masomo y’ibanze ahabwa abapolisi ashimangira ubushake bwa guverinoma na polisi bwo kubaka igipolisi cy’umwuga no kugeza kuri polisi y’u Rwanda ubushobozi bukenewe kugira ngo ishobore kurangiza inshingano zayo zikomeye zo kubumbatira amahoro n’umutekano w’abaturarwanda ndetse n’uw’ibintu byabo.

    Yabasabye gukoresha ubumenyi bahawe birinda icyakwangiza isura y’urwego binjiyemo.

    Ati “Ubumenyi bw’ibanze mwahawe bwo gukumira no kurwanya ibyaha mukwiye kuzabukoresha mu mirimo yanyu ya buri munsi, aho muzakorana n’abandi bapolisi bababanjirije mu kazi, mwirinda icyo ari cyo cyose cyakwangiza isura nziza ya Polisi y’u Rwanda.”

    Yabashimiye ubwitange n’umurava byabaranze mu gihe cyose aya mahugurwa amaze avuga ko nta bunyamwuga bwagerwaho bitanyuze mu nyigisho nk’izi bahabwa.

    Yakomeje avuga ko Polisi y’u Rwanda yahagurukiye gukumira ibyaha bikomeye birimo ibya ruswa n’ibifitanye isano na yo, ihohoterwa ribera mu ngo, irishingiye ku gitsina, iterabwoba, impanuka zo mu muhanda n’ibindi kandi ko buri mupolisi agomba kumva ko iyi nshingano imureba.

    Yasabye abapolisi b’u Rwanda kuba intangarugero mu kubahiriza amategeko bashyigikira gahunda za leta aho buri wese akorera kandi n’abaturage bakabigira umuco.

    Minisitiri w’Ubutabere kandi yagarutse ku ruhare rwa polisi mu kugabanya ibyaha mu gihugu ndetse ukwiyubaka kwayo kukaba gutuma isigaye yitabazwa na Loni mu kugarura umutekano mu bibazo by’amahanga.

    Yasabye abarangije aya mahugurwa gutanga umusanzu muri iki gikorwa gihesha igihugu ishema. Kugeza ubu Polisi y’u Rwanda ifite abapolisi muri Centrafrique, Mozambique, Sudani y’Amajyepfo n’ahandi.

    Ubuyobozi bwa Polisi bwatangaje ko ugereranyije n’uko aba bapolisi bagaragaje ikinyabupfura nta shiti ko inshingano zabo bazazubahiriza.

    Abasaga 2300 ni bo binjiye muri Polisi y’u Rwanda nyuma y’amezi 12 bari mu masomo

    Abapolisi bashya biyerekanye ku karasisi

    Minisitiri w’Ubutabera, Dr Emmanuel Ugirashebuja ashimira abitwaye neza

    Minisitiri w’Ubutabera, Dr Emmanuel Ugirashebuja yasabye abapolisi bashya kwirinda icyahumanya isura y’urwego binjiyemo

    Abapolisi berekana bimwe mu bikubiye mu myitozo bahawe

    Ibyishimo byari byose ku bapolisi binjiye mu mwuga

    Abapolisi bacinya akadiho bishimira ko basoje amahugurwa abinjiza mu mwuga bari bamazemo amezi 12

    Uyu yagaragazaga bimwe mu byo yatojwe mu gihe amaze mu masomo

    Kanda hano urebe andi mafoto menshi

    Amafoto: Yuhi Augustin

    source : https://ift.tt/3CD7X4k

  • Kun Aguero agiye gusezera umupira w'amaguru atabishaka kubera ikibazo cy'umutima #rwanda #RwOT

    Amakuru yaturutse muri Espagne avuga ko rutahizamu Sergio Aguero yiteguye gutangaza ko asezeye ku mupira w'amaguru mu cyumweru gitaha,kubera ibibazo by'umutima

    Uyu mugabo watsindiye ikipe ya Manchester City ibitego byinshi kurusha abandi bose bayikiniye,agiye gusezera ku mupira w'amaguru afite imyaka 33 gusa, nyuma yo kugira ibibazo byo guhumeka mu mukino FC Barcelona yakinnye na Alaves mu kwezi gushize,akajyanwa ku bitaro igitaraganya.

    Umunyamakuru ukomeye Gerard Romero wa RAC1 yatangaza ko Kun Aguero agiye guhagarika ruhago burundu kubera ikibazo cy'umutima.

    Yagize ati “Kun Aguero yasezeye ku mupira w'amaguru.

    “Ibibazo by'umutima bimuteye kuva mu bikorwa by'umupira w'amaguru ku ngufu.

    “Mu cyumweru gitaha hateganijwe ikiganiro n'abanyamakuru cyo gusezera.”

    Ibindi bitangazamakuru byinshi bikomeye muri Espagne byihutiye kwemeza aya makuru.

    Mu cyumweru gishize, raporo zo muri Espagne zagaragaje ko ikibazo cy'umutima gishobora gutuma Aguero ananirwa kujyana n'urwego rw'imikinire y'ababigize umwuga kandi ko atazashobora gukina 'ku rwego rusabwa na Barcelona'.

    Barcelona ntiratangaza amakuru yizewe ku mimerere ya Aguero.

    Ariko mu cyumweru gishize Aguero – winjiye muri Barca mu mpeshyi ku buntu yemjee ko azakomeza kuba mwiza.

    Uyu munya Argentine yagize ati: “mwahawe ibihuha, ndababwira ko nkurikiza inama z'abaganga b'iyi kipe, nkoresha ibizamini kandi ndivuza kandi ntegereje iterambere ryanjye mu minsi 90.'

    Aguero yatwaye ibikombe 15 harimo bitanu bya Premier League mu myaka icumi yamaze muri Man City, atsinda ibitego 260 mu mikino 390.

    Yakiniye kandi inshuro 101 mu ikipe y'igihugu cye,atsinda ibitego inshuro 41. Yafashije Argentina gutwara Copa America iheruka.

    Source : https://umuryango.rw/imyidagaduro/imikino/article/kun-aguero-agiye-gusezera-umupira-w-amaguru-atabishaka-kubera-ikibazo-cy

  • Umukobwa yatunguranye mu gitaramo, Rema yatse telefoni umufana afata selfie, yavuye ku rubyiniro asa n’utameze neza (AMAFOTO) #rwanda #RwOT

    Umuhanzi Rema ukomoka muri Nigeria, yakoreye igitaramo cy’amateka i Kigali ava ku rubyiniro asa n’utameze neza aho yasanganiwe n’abacungaga umutekano we (bouncers) bakamutwara mu maboko, ni mu gihe abafana bari bagifite inyota yo gukomeza gutaramana na we.

    Ni igitaramo cyari cyahujwe n’umukino w’intoranywa wa All Star Game 2021, aho Rema yataramye ageze hagati yaka umufana telefoni yifata selfie n’abakunzi be.

    Ni igitaramo cyatangiye numa y’umukino wa BK All Star Game wegukanywe na Team Shyaka, hahise hakurikiraho igitaramo nyirizina cya ‘Visit Rwanda All Star Game Concert’ aho benshi bari bategereje umuhanzi ukomoka muri Nigeria, Rema.

    Umwe mu bahanzi bari kuri gahunda ari we Bull Dogg yategerejwe ku rubyiniro arabura, ni mu gihe Kivumbi King we yaririmbye mbere y’umukino wa All Star Game.

    Saa 20:10′ nibwo MC Tino wari uyoboye iki gitaramo cyabereye muri Kigali Arena yahamagaye umuhanzi wa mbere ku rubyiniro, Mike Kayihura ni we wabimburiye abandi.

    Yakiranywe ubwuzu bwinshi n’abakunzi be aho yabaririmbiye indirimbo ze zitandunye zakunzwe zirimo ‘Anytime’, ‘Sabrina’ yakoranye na Kivumbi waje no kumufasha ku rubyiniro ndetse n’indirimbo ye ikunzwe cyane muri iyi minsi ‘Tuza’.

    Hahise hakurikiraho Dj Marnoud wahawe umwanya ngo ashyushye abafana mu minota igera kuri 12 mu ndirimbo zitandukanye zo mu Rwanda no hanze yarwo, akaba yifashishije abarimo Mike Kayihura, Kivumbi na Dj Toxxyk.

    Hahise hakurikiraho umuhanzi Social Mula, winjiriye mu ndirimbo ye “Bambe” yakoranye na Papa Cyangwe. Bijyanye n’umurego igitaramo cyari kimaze gufata, Social Mula yinjiriye hasi byatumye abari muri Arena batamwakira nk’uko bakiriye aba mbere.

    Yahise akurikizaho ‘Umuturanyi’, noneho abakunzi be bari bamaze gushyuha batangiye kujyana na we, yahise akurikizaho ‘Yayobye’ indirimbo ye yakunzwe na benshi, abakunzi be bamufashije kuyiririmba.

    Yakurikijeho “Super Star”, byahinduye isura ubwo yari ageze ku ndirimbo “Kamwe” ya All Star aho yaririmbye agace gato kayo, yahise ahamagara Phil Peter baririmbana indirimbo bakoranye “Amata” aho abari muri Arena bahise binaga ibicu babafasha kuyiririmba ari nayo yasorejeho.

    Dj Marnoud yongeye gufata urubyiniro ashyushya abantu bitegura umuhanzi Rema, kera kabaye uyu muhanzi yaje kugera ku rubyiniro saa 21:22′ aho yakirijwe amashyi menshi n’urusaku rwinshi bamwereka ko bamwishimiye.

    Yataramiye abakunzi be ageze ku ndirimbo “Dumebi” biba ibindi aho Arena yose yahise ijya ibicu barayiririmbana irarangira.

    Yahise akurikizaho imwe mu ndirimbo ze zikunzwe ari yo “Ginger Me” imaze kurebwa n’abarenga miliyoni 20 kuri YouTube.

    Rema wari umaze kwigarurira imitima y’abakunzi be bari muri Arena, yahise akurikizaho indirimbo imaze kurebwa na miliyoni zirenga 23 kuri YouTube ari yo “Soundgasm”, yahise azana umukobwa w’umubyinnyi umenyerewe mu Rwanda witwa Shallon, aza kumufasha kuyibyina, uyu mukobwa wabyinaga mu buryo budasanzwe yafashije Rema gushimisha abafana be.

    Yakomeje gutaramira abanyarwanda, ageze hagati ya aza kwaka telefoni umufana maze yifata selfie arangije arayimusubiza.

    Uyu muhanzi wari wakomeje kugaragaza ko atemeze neza ku rubyiniro aho yagiye yicara hasi inshuro nyinshi, benshi bakagira ngo niko yabiteguye, yaje kuva ku rubyiniro asa n’utunguranye, arimo amanuka yakiriwe n’abari bashinzwe umutekano we (bouncers) maze bamutwara mu maboko nk’umuntu utameze neza, byari saa 22:05′, abakunzi be bari bakimukeneye.

    Ni uku yinjiye ku rubyiniro yambaye, gusa aha yari amaze gukuramo mask y’umukara yinjiranye

    Umuhanzi Rema ukomoka muri Nigeria yashimishije abakunzi be

    Cyari igitaramo cy’amateka

    Amazi ni ubuzima

    Abafana bo bari baje ari benshi cyane

    Ni inshuro nyinshi yagiye afata akanya akicara hasi akamara amasegonda make

    Imibyinire ya Shallon yashituye benshi

    Shalon, inkumi yasanze Rema ku rubyiniro babyinana indirimbo ye ‘Soundgasm’ yemeje benshi

    Yamuhobeye aramushimira

    Yatse umufana telefoni yifata selfie arayimusubiza

    Yeretswe urukundo rukomeye muri Kigali Arena

    Yavuye ku rubyiniro asa n’utameze neza

    AMAFOTO : Franck Axel NYABAGABO

    Source : http://isimbi.rw/imyidagaduro/article/imibyinire-itangaje-y-umukobwa-mu-gitaramo-cya-rema-yatse-telefoni-umufana-afata-selfie-bull-dogg-arabura-amafoto

  • Ole Gunnar Solskjaer yagiye mu mazi abira kubera kunyagirwa na Watford,Arsenal ihabwa isomo rya ruhago #rwanda #RwOT

    Ikipe ya Manchester United yanyagiwe na Watford ibitego 4-1 bituma umutoza wayo Ole Gunnar Solskjaer ajya mu mazi abira kuko hahise haterana inama y'ubuyobozi bw'ikipe bwo kwiga ku kumwirukana.

    Ku rundi ruhande,Arsenal yari imaze imikino 10 idatsindwa, yanyagiwe na Liverpool ibitego 4-0 mu mukino wagaragayemo gushyamirana kw'abatoza b'amakipe yombi.

    Umutoza Ole ari mu nzira zisohoka muri Manchester United cyane ko hahise hatangira inama ku isaha ya saa moya za London n'ukuvuga saa 21h00' za Kigali.

    Watford yafunguye amazamu ibifashijwemo na Joshua King nyuma y'iminota 28 y'umukino hanyuma Ismaila Sarr ashyiramo icya kabiri mbere gato yo kuruhuka.

    Ibi bitego byinjiye nyuma y'aho mu minota ya mbere y'umukino,Ismaila Sarr yahushije penaliti yateye kabiri kose bikanga.

    Mu gice cya kabiri,Donny Van de Beek winjiye mu kibuga asimbuye yagaruye United mu mukino ayitsindira igitego hakiri kare ku munota wa 50 w'umukino ariko ikarita y'umutuku yahawe Harry Maguire ku munota wa 69 yarangije ibyiringiro byose byo kwishyura kwa United.

    Joao Pedro na Emmanuel Dennis bongeyeho icya gatatu n'icya kane mu minota 7 yongerewe ku mukino bituma United ikomerwa n'abafana.

    Ubu United ifite intsinzi imwe mu mikino irindwi iheruka mu marushanwa yose.

    Ole yari yarekewe ku kazi ke nyuma yo gutsindwa na Liverpool na Manchester City mu byumweru bishize.

    Amakuru aravuga ko United iremera gutakaza miliyoni 7.5 z'amapawundi yo kwishyura umutoza Ole kugira ngo imwirukane ku kazi cyane ko yaherukaga kumwongerera amasezerano y'imyaka 3.

    Hari amakuru avuga ko United irasimbuza Ole kizigenza Zinedine Zidane, nubwo hari n'abavuga Brendan Rodgers, Erik ten Hag na Mauricio Pochettino.

    Ku rundi ruhande,Arsenal yari imaze kwiyunga n'abafana,yanyagiwe na Liverpool ibitego 4-0 biyikura mu mwanya mwiza wo gukomeza kurwana no kugaruka mu makipe 4 ya mbere.

    Liverpool yabonye intsinzi ya gatandatu yikurikiranya mu rugo nyuma yo kunyagira Arsenal ibitego 4-0

    Ibitego byatsinzwe na Sadio Mane mu gice cya mbere, Diogo Jota, Mo Salah na Takumi Minamino mu cya kabiri byari bihagije kugira ngo ihagarike Arsenal yari imaze imikino 10 idatsindwa kandi byatumye The Reds isubira ku mwanya wa kabiri.

    Liverpool yashoboraga gutsinda ibindi byinshi,ariko umuzamu Aaron Ramsdale wa Arsenal akora akazi gakomeye akuramo ibitego birenga 5 byabazwe.

    Arsenal imaze gutsindwa ibitego 32 mu mikino icyenda iheruka gukina muri Premier League ku kibuga Anfield kandi nta narimwe iragora iyi Liverpool muri iyo mikino.

    Muri uyu mukino,abatoza Jurgen Klopp wa Liverpool na Mikel Arteta wa Arsenal bashatse kurwana hagati mu mukino,bagenzi babo n'abasifuzi bo ku ruhande barabatandukanya,bahabwa amakarita y'umuhondo.

    Source : https://umuryango.rw/imyidagaduro/imikino/article/ole-gunnar-solskjaer-yagiye-mu-mazi-abira-kubera-kunyagirwa-na-watford-arsenal

  • Sobanukirwa:Imbuto warya nijoro zikagufasha gutakaza ibiro – YEGOB #rwanda #RwOT

    Kuri ubu hari inkundura yo kugabanya ibiro ku bantu benshi dore ko kugira ibiro byinshi ari bimwe mu bikurura indwara zinyuranye z'umutima, diyabete, umugongo, imitsi n'izindi.

    Nyamara usanga bamwe bavuga bati nagerageje guhindura imirire ariko nta mpinduka mbona. Aha rero hari icyo baba birengagije. Ihame ryo kugabanya ibiro ni rimwe gusa ridahinduka.

    UGOMBA GUTAKAZA IBIRENZE IBYO WINJIJE.

    Ibi rero benshi birabananira kuko usanga ku munsi yatakaje nka 500 Calorie gusa nyamara ugasanga yinjije 1000 Calorie.

    Kugirango utakaze ibiro biragusaba kugira imirire uhindura. By'umwihariko ifunguro rya nijoro ukarya iridafite calories nyinshi. Amafunguro adafite calories nyinshi ya mbere ni imbuto. Nijoro byakabaye byiza ku ifunguro ufata uruhare runini ari imbuto kuruta ibindi.

    Hano twaguteguriye imbuto zo wafungura nijoro zikagufasha mu rugendo rwawe rwo kugabanya ibiro.

    Imbuto zagufasha mu kugabanya ibiro uziriye nijoro

    1.Inkeri na pome

    Pome ni urubuto rwiza rwo kuba warya igihe cyose dore ko pome iringaniye iguha Calories 95 gusa. Nyamara ubushakashatsi bunyuranye bwagiye bwerekana ko kuzirya bigabanya ibyago byo kugira umubyibuho udasanzwe kuko ifasha kugabanya ibiro. Inkeri mu moko yazo yose nazo ziguha Calories 50 gusa, uriye agakombe kazo.

    Nyamara kuba zikungahaye kuri fibre na vitamin C bituma wumva uhaze niyo warya nkeya, bigatuma umubiri ukoresha ibinure biwurimo aribyo bizafasha kugabanya ibiro

    2.Amacunga, watermelon, indimu

    Izi ziri mu mbuto za mbere zikungahaye kuri vitamini C. nyamara nazo zifite calories nkeya. Nk'icunga ringana n'igipfunsi riba ririmo Calories 70 gusa, ahubwo wasangamo potasiyumu na folic acid bihagije.

    Watermelon yo ikungahaye ku mazi naho calories ni hafi ya ntazo. Ibi nibyo bituma kurya izi mbuto nijoro bikurinda gusonza nyamara ukaba nta calories nyinshi winjije nuko umubiri ugakoresha ibinure byawo.

    Imbuto zose ni nziza

    Ubusanzwe muri rusange imbuto zose zibamo calories nkeya. Ubushakashatsi bwasohotse mu 2012 mu kinyamakuru the Journal of the American Dietetic Association bwemeje ko kurya imbuto zikubye kane ibindi urya ari bwo uba uri mu nzira nziza yo kugabanya ibiro. Niba bigeze nimugoroba ukumva ushonje cyane reba neza mu byo wariye ku manywa niba harimo imbuto zihagije nusanga ntazo abe ari zo wirira gusa nijoro. Imbuto zizwiho gutera igihagisha cyane twavuga imyembe, amapapayi, kuko harimo za fibres.

    Ni iki wavanga n'imbuto

    Nubwo twavuze ko imbuto nijoro zizagufasha kugabanya ibiro nyamara nanone ushobora kugira ibyo uvanga na zo.

    Inkeri ushobora kuzivanga na yawurute, pome ukayivanga n'ubunyobwa bwaba bukaranze cyangwa ikinyiga cyabwo. Ushobora no gufata ka foromage ukakarenza ku macunga.

    Src: umutihealth

    Source : https://yegob.rw/sobanukirwaimbuto-warya-nijoro-zikagufasha-gutakaza-ibiro/

  • Ngaya amafoto atangaje ya bamwe mu bahanzikazi nyarwanda kera bataragafata. – YEGOB #rwanda #RwOT

    witegereje amafoto ya bamwe mu bagore cyangwa abakobwa babarirwa mu bahanzikazi nyarwanda usanga bambara imyambaro ihenze abandi bakisiga neza uruhu rwabo rugahinduka kuburyo uwari ubazi mbere abona ko bahindutse cyane.Ni yo mpamvu tugiye kurebera hamwe amwe mu mafoto y'abahanzikazi abagaragaza mbere na nyuma yo kuba ibyamamare nk'uko tubazi kuri ubu.

    Butera Knowless

    Uwo ni Knowless mbere na nyuma yuko yinjira mu byo kuririmba. Umuririmbyi Butera Knowless yatangiye kumenyekana mu mwaka wa 2010 ubwo yashyiraga hanze indirimbo ye 'Komeza'. Kuri ubu yabaye umuhanzikazi wamamaye haba mu Rwanda no hanze yarwo.

    Princess Priscillah(Scillah)

    Uwo ni Priscillah mbere na nyuma yo kwinjiza mu bya muzika.Umuratwa Priscillah wamamaye mu muziki nyarwanda nka Scillah yinjiye mu muziki akiri mu mashuri yisumbuye. Muri 2012 byaje kuvugwa ko yatsinzwe ikizamini cya Leta kubera umuziki biba ngombwa ko asubira kwiga.

    Uyu muririmbyi wamenyekanye mu ndirimbo nka 'Mbabarira' iri mu zo yahereyeho, yaje kwerekeza muri Amerika (USA). Aho agereyeyo bigaragara ko yahindutse cyane ku mubiri no mu myambarire.

    Allioni

    Mbere Allioni yari isine ariko kuri ubu ni inzobe.Buzindu Uwamwezi Aline wamenyekanye ku izina ry'ubuhanzi rya Allioni na we ni umwe mu bahanzi bo mu Rwanda bagaragaje imihindagurikire iri ku rwego rwo hejuru.Uyu muhanzikazi nawe yinjiye mu muziki akiri muto mu mpera za 2010, yarakuze maze uruhu rw'isine yari afite ruhinduka inzobe.

    Young grace

    Aya mafoto ya Young Grace agaragaza uburyo uyu muririmbyi yahindutse cyane. Abayizera Grace na we winjiye mu muziki akiri muto muri 2010. Yinjiye muri muzika afite imyitwarire n'imyambarire nk'iy'abasore. Kimwe na bagenzi be, guhinduka bitewe no gukura byamugezeho.Young Grace kandi yageze aho yiyambura ibyo kuba nk'abasore atangira kwiyitaho nk'izindi nkumi zose z'ibyamamare. Kuri ubu afite umwana ameze neza.

    Charly

    Uwo ni Charly wa kera n'uw'ubu. Charlotte Rulinda wamamaye ku izina rya Charly mu itsinda 'Charly na Nina', nawe ni umwe mu baririmbyi b'Abanyarwandakazi bagaragaraho guhinduka cyane.Nubwo umuziki wabo na Nina bawuhagaritse bagashwana.

    Nina

     

    Umuhoza Fatuma uzwi nka Nina; yafatanyije na Charly bakora itsinda rya 'Charly na Nina' mu mwaka wa 2014 bakaza kurisesa muri uyu mwaka. Ayo mafoto ye agaragaza ko yahindutse cyane.

    Oda paccy

    Oda Paccy wa Kera .Uzabumwana Pacifique wamamaye ku izina rya Oda Paccy, ni umuraperi wabitangiye akiri muto.Oda Paccy wa cyera agitangira umuziki, na we ahabanye cyane na Oda Paccy w'uyu munsi nk'uko ayo mafoto abigaragaza.

    Source : https://yegob.rw/ngaya-amafoto-atangaje-ya-bamwe-mu-bahanzikazi-nyarwanda-kera-bataragafata/

  • Kamala Harris: Umugore wa mbere wahawe ububasha bwo kuyobora Amerika mu gihe gito cyane #rwanda #RwOT

    Umugore wungirije Umukuru w'Igihugu cya Amerika, Kamala Harris ni we waraye abaye umugore wa mbere ahawe akazi ko kuyobora iki Gihugu mu gihe gito cyane, igihe Perezida Joe Biden yarimo akorerwa ibipimo n'abaganga.

    Uyu Kamala Harris w'imyaka 57, yamaze iminota 85 ari we muyobozi wa Leta zunze ubumwe za Amerika, mu gihe Perezida Biden yari yatewe ya miti yo gusinziriza kugira ngo akorerwe ibipimo bya colonoscopie/colonoscopy ejo hashize ku wa gatanu.

    Umuganga usanzwe akurikirana ubuzima bwa Biden yasohoye itangazo nyuma yo kumupima, avuga ko ubuzima bwe bumeze neza, kandi ko afite ububasha bwo gukomeza imirimo ye yo kuyobora Igihugu.

    Ibi bipimo yabikorewe bucya ahimbaza/yishimira isabukuru ye y'imyaka 79 y'amavuko yabaye kuri uyu wa Gatandatu. Harris nkuko BBC ibitangaza, ni we mugore wa mbere — akongera akaba n'umwiraburakazi wa mbere w'umunyamerika akomoka muri Aziya watowe kungiriza umukuru wa Leta zunze ubumwe za Amerika.

    Umunyamabanga ushinzwe kumenyesha amakuru mu biro by'umukuru w'igihugu Jen Psaki yavuze ko iki gikorwa Harris yakoze cyo gushyikirizwa amabanga y'umukuru w'igihugu mu mwanya muto mu bihe nk'ibi atari ubwa mbere kibaye, kandi ko bisanzwe biteganijwe mu itegeko Nshinga rya Amerika.

    Psaki yagize ati: 'Niko byagenze igihe Perezida George W Bush akorerwa ibipimo nk'ibyo mu 2002 na 2007'. Perezida yasubiye muri Maison Blanche/White House atwengatwenga/aseka. Yavuze ati: 'Numva mfite ingufu'.

    Kevin O'Connor usanzwe akurikirana ubuzima bwe yagize ati: 'Perezida Biden aracyari umugabo ufite ubuzima bwiza, ukomeye, ku myaka 78, afite ubushobozi bwo gukora akazi ke nk'umukuru w'Igihugu'. Kevin O'Connor, yavuze ko ibipimo bya colonoscopy byasanze afite 'akabyimba gato (polyp)' kakuweho bitagoranye na gato.

    Joe Biden yaheruka gupimwa ibipimo bikomeye mu kwezi kwa cumi na kabiri kwa 2019.

    Biden, umuperezida wa Amerika wa mbere uri ku butegetsi ashaje kirusha abandi bose, yaherukaga gupimwa ibipimo bikomeye mu kwezi kwa cumi na kabiri kwa 2019. Icyo gihe, umuganga we yasohoye itangazo avuga ko yari 'ameze neza, akomeye' kandi 'afite ubushobozi bwo gukora akazi ke nk'umukuru w'Igihugu.

    intyoza

    Source : https://www.intyoza.com/kamala-harris-umugore-wa-mbere-wahawe-ububasha-bwo-kuyobora-amerika-mu-gihe-gito-cyane/

  • Cristiano Ronaldo atanze ubutumwa bukakaye. – YEGOB #rwanda #RwOT

    Mu gihe Manchester United yitegura igaruka rya Premier League, kizigenza Cristiano Ronaldo yatanze ubutumwa bukomeye ku bakinnyi bakinana.

    Nyuma y'imikino y'amakipe y'ibihugu, kuri uyu wa Gatandatu shampiyona ziragaruka mu bihugu bitandukanye.

    Ikipe ya Manchester United igomba guhura na Watford itozwa na Claudio Ranieri ku isaha ya saa 17:00 ku kibuga Vicarage road.

    Cristiano Ronaldo yagiye ku rubuga rwe rwa Instagram aho akurikirwa n'abantu barenga miliyoni 368, avuga ko yiteguye gukora byose kugira ngo ikipe ibone amanota atatu ndetse anasaba bagenzi be gukora nkawe.

    Cristiano yagize ati:'Igihe ni iki ngo duhagaruke dukore akazi neza kandi dukomeze gukurikira icyo dushaka guhigura uyu mwaka.'

    Ikipe ya Manchester United imaze iminsi mu bihe byo gutsindwa aho mukeba Manchester City iherutse kuyitsinda ibitego 2-0 bamwakiriye. Ndetse na Liverpool yari yabanje kuyitsinda akayabo k'ibitego 5-0.

    Uru ruhererekane rw'intsinzwi nirwo rwongeye kubyutsa amarangamutima y'abafana bakomeje kwifuza ko umutoza Ole Gunnar Solskjaer yakwirukanwa.

    Source : https://yegob.rw/cristiano-ronaldo-atanze-ubutumwa-bukakaye/