Webrwanda Backend

Category: Uncategorized

  • Imana ikuraho igitutsi bikemera- Dominic Ashimwe #rwanda #RwOT

    Wisanga mu bihe bisharira, bya bihe uburira izina ubyita: Gusuzugurwa, kurenganywa no gutotezwa, kwiturwa inabi n’abo wagiriye neza, ubukene budashira,… Mbese bya bihe bitera ipfunwe ku buryo uhora wiyumva nk’uri munsi y’abandi.

    Kuko agahinda katarobanura, ntibitinya kugera ku muntu wese, ku muryango, ku bwoko no ku batuye igihugu runaka. Uyu mumsi mfashijwe n’ijambo rivuga ngo”Imana ikuraho igitutsi bikemera”

    “Imana yibuka Rasheli iramwumvira, izibura inda ye. Asama inda abyara umuhungu ati”Imana inkuyeho igitutsi.” Amwita Yosefu ati”Uwiteka anyongere undi muhungu.” Iangiriro 30:22-24

    Wowe uri mu gisuzuguriro, utinze mu gisebo, baguhimbira ibinyoma bakubeshyera, ntako utagira ngo ugirire neza bose ariko inyuturano n’amarira. Ibibazo ni uruhuri, urumva gupfa bikurutiye kubaho!

    Ndakwibutsa ko guhindukiza ibihe bibi bikaba byiza, ku Mana ni nko guhumbya! Imana ya yakobo igukureho igitutsi mu izina rya Yesu/Yezu!

    Aya ni yo magambo nkwaturiyeho aka Kanya, uyakire wizeye bikubere isengesho rya nonaha. Ugire umunsi mwiza w’umugisha, mu zina ry’Umucunguzi wacu Yesu, Amen!

    Ubutumwa bwa Dominic Ashimwe.

    [email protected]

    Source : https://agakiza.org/Imana-ikuraho-igitutsi-bikemera-Dominic-Ashimwe-8514.html

  • Aba-Rayon bararanye agahinda…APR isubiriye Rayon iyitsinda 2-1 #rwanda #RwOT

    Rayon Sports yinjiye mu kibuga idashaka ko mucyeba wayo APR itayisubira, ihita inabona igitego cya mbere ku munota 18′ cyatsinzwe na Essomba.

    APR FC yatangiye isatira ku munota wa 12′ yari imaze kubona Koroneli ebyiri zose ku ruhande rwa Muvandimwe, rwanyurwagaho na Ombolenga Fitina.

    Rayon Sports yageragezaga gusatira yinjira mu mukino ishaka igitego gifungura amazamu bituma ku munota wa 18′ inyeganyeza incundura z’amazamu ya APR FC ku gitego cyatinswe na Essomba Willy Onana ahawe umupira na Rharb Youssef, Onana arawufunga neza acenga umunyezamu Pierre ahita atera mu izamu.

    Ku munota wa 22′ Essomba Onana yahushije uburyo bw’igitego cya kabiri ku ishoti yateye mu izamu nyuma yo gucenga ba myugariro ba APR FC ariko atera agashoti gato katagize icyo gahindura ku mukino.

    Ku munota wa 28′, APR FC yabonye Koruneri ya gatatu nyuma y’ishoti ryatewe na Djabel Manishimwe bakawukuraho ukajya hanze, gusa ntacyo yatanze.

    Mu minota yakurikiyeho APR FC yarushije Rayon Sports guhererekanya umupira mu kibuga, iri gushaka aho yamenera kugira ngo yishyure igitego yatsinzwe.

    Ku munota wa 32 Nishimwe Blaise yateye ishoti ashaka gutungura umunyezamu Pierre ariko umupira ujya hanze.

    Ku munota wa 38′ APR FC yishyuye igitego cyatsinzwe na Manishimwe Djabel ku ikosa ryakozwe na Nsengiyumva Isaac wahereje umupira abakinnyi ba APR FC mu rubuga rw’amahina.

    Ku munota wa 41′ APR FC yabonye igitego cya kabiri cyatsinzwe na Ruboneka Bosco ku mupira wari uturutse kwa Ombolenga Fitina, Bosco ahita atera ishoti rikomeye mu izamu, Bonheur ntiyamenya aho umupira unyuze.

    Igice cya kabiri cyatangiranye impinduka ku ruhande rwa Rayon Sports, Muvandimwe JMV yasohotse mu kibuga hinjira Iranzi Jean Claude.

    Ku munota wa 48′ Manishimwe Djabel yagerageje uburyo bwo gutsinda igitego cya gatatu ku ishoti rikomeye yateye ariko umupira ujya hanze.

    Ku muno 50′ Muhire Kevin na Onana bakinanye neza bashaka kwinjira mu rubuga rw’amahina rwa APR FC ariko Claude ababera ibamba.

    Ku munota wa 51′ Nsengiyumva Isaac yateye ishoti ashaka gutungura umunyezamu Ishimwe Pierre wa APR ariko abakinnyi ba APR baritambika bawushyira muri koruneri na yo itagize icyo itanga.

    Ku munota wa 57′ Muhire Kevin yagerageje ishoti rirerire mu izamu rya APR FC ariko umupira ujya hejuru y’izamu.

    Ku munota wa 58′ Umutoza Adil wa APR FC yakoze impinduka ebyiri, Mugisha Gilbert yahaye umwanya Byiringiro Lague, Kwitonda Alain asimburwa na Nsanzimfura Keddy.

    Umukino warangiye APR FC itsinze Rayon Sports 2-1, umutoza w’iyi kipe, Adil yuzuza umukino wa 40′ atsinda muri iyi kipe.

    Source : http://www.ukwezi.rw/11/article/Aba-Rayon-bararanye-agahinda-APR-isubiriye-Rayon-iyitsinda-2-1

  • APR FC yongeye kwihanangiriza Rayon Sport. #rwanda #RwOT

    Kuri uyu wa Kabiri kuri stade ya Kigali habaga umukino mpuzamahanga wahuzaga Apr FC ndetse na rayon sport, aho warangiye ari ibitego bibiri bya Apr kuri kimwe cya rayon sport.

    Uyu mukino Nk'uko bisanzwe wari wahuruje abantu b'impamde zose bashaka kuwureba kuko ubundi muri shampiyona yose uyu mukino uhuza rayon na Apr niwo mukino uba utegerejwe.

    Uyu mukino watangiye saa Kenda zuzuye aho umysifuzi wawusifuye witwa Nsoro akaba ariko Kandi yawusifuye nyuma yuko ahinduwe kuko rayon yagaragaje ko uwari washyizeho batamwizeye, ibi nabyo bikaba ari bimwe mu byakomeje uyu mukino.

    Uyu mukino ukaba watangije ushyushye aho rayon ariyo yabanjemo igitego cyatsizwe na Onana ku mupira yari ahawe na Yousuf akagenda agacenga umuzamu Pierre ahita ashyiramo igitego cya mbere cyatumye abafana ba Rayon Sport bajya mu bicu.

    Gusa ibyishimo by'abareyo bikaba bitamaze igihe kinini kuko gusa ku munota wa 38 umukinnyi Djaber ari nawe captain yahise ashyira umupira mu rushundura ku mupira wari uzamuwe na Ombalenga, abafana ba APR bahita biruhutsa kuko ubwo bari bamaze kunganya igitego kimwe kuri kimwe.

    Nk'uko bamwe babivuze ngo uwagutsinze ntaho yagiye, mu mwanya muto Apr FC yahise izamura umupira bagerageza gushota mu izamu gusa Bonheur akajya awuvanamo awukubise ibipfunsi urenga urubuga rw'amahina usanga Ruboneka Jean Bosco ahagaze neza ahita arekurira mu izamu igitego cya Kabiri kiba kiranyoye igice cya mbere kikaba cyarangiye gutyo ari ibitego bibiri kuri kimwe.

    Igice cya Kabiri kigitangira amakipe yose yakomeje gukora impinduka mu buryo bwo gushaka ibitego gusa ntibyagira icyo bitanga igice cya Kabiri nacyo kirangira ari bibiri kuri kimwe.

    Uyu mukino ukaba ari wo wabonetsemo amakarita make ugereranyije n'indi mikino yagiye ihuza Aya makipe kuko habonetsemo amakarita atatu gusa.

    Source : https://impanuro.rw/2021/11/23/apr-fc-yongeye-kwihanangiriza-rayon-sport/

  • Rubavu: Yafatanywe amafaranga y’u Rwanda arenga miliyoni 7 yari yibwe umucuruzi #Rwanda #RwOT via @kigalitoday #rwanda #RwOT

    Umuvugizi wa Polisi mu Ntara y’Iburengerazuba, Chief Inspector of Police(CIP) Bonavanture Twizere Karekezi yavuze ko gufatwa kwa Manzi byaturutse ku makuru y’abaturage bari bamaze kumubona asohoka mu iduka rya Ruvumba baramucyeka.

    Yagize ati “Ruvumba yasohotse mu muryango umwe ubamo amafalini aranguza ajya mu wundi muryango, yasize yibagiwe gukinga noneho Manzi yinjiramo. Mu kanya abantu bari hafi aho babonye Manzi asohoka yihuta bagira amacyenga babwira Ruvumba ajya kugenzura aho abika amafara. Agezeyo yasanze akabati gafunze ariko akomeje kwitegereza abona munsi hari ahantu bagapfumuye, arebye asanga amafaranga yose yibwe.”

    CIP Karekezi yakomeje avuga ko ibyo byabaye ku isaha ya saa Munani z’amanywa, abapolisi banyuze aho hantu basanga abaturage bashungereye Manzi, yahise anyonyomba arabacika ariko abapolisi bamwirukaho baramufata. Bamaze kumufata basanze koko mu myenda y’imbere yambariyeho amafaranga y’u Rwanda 7,953,500.

    Umuvugizi wa Polisi mu Ntara y’Iburengerazuba yavuze ko Manzi yahise yemera ko ayo mafaranga yari amaze kuyiba mu iduka rya Ruvumba ,ndetse yemera no kuyamusubiza. CIP Karekezi yashimiye abaturage babonye Manzi bakamugirira amacyenga ndetse bakihutira gutanga amakuru.

    Ati “Turashimira abaturage bagize uruhare mu gutuma uriya ucyekwaho ubujura afatwa, bagize uruhare mu kuburizamo icyaha cy’ubujura. Ariko turanakangurira abacuruzi n’abandi baturage kujya baking amazu igihe hari aho bagiye mu rwego rwo kwima icyuho abashobora kubiba.”

    Ruvumba yashimiye abaturage na Polisi y’u Rwanda bamufashije gufata uwari umwibye amafaranga bakayamwaka yose uko yakabaye.

    Manzi yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Gisenyi kugira ngo hatangire iperereza.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 166 ivuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

    source : https://ift.tt/30Y95TB

  • Bugesera: Inka zatawe muri yombi zikicishwa inzara zashavuje abantu #rwanda #RwOT

    Mu Karere ka Bugesera mu Murenge wa Rilima haravugwa inka zamaze iminsi itatu zarafungiwe mu isoko ry'Umurenge wa Rilima nyuma yo gufatwa zonnye mu byatsi byameze ahari kubakwa ikibuga cy'indege.

    Tariki 23 Ugushyingo 2021, uwitwa Rameck Gisanintwari yanditse kuri twitter ati 'Inka zimaze Iminsi 3 zitarisha zifungiwe mu Isoko ry'umurenge wa Rilima, mu Karere ka Bugesera ngo zonnye mu byatsi byameze aharimo kubaka ikibuga cy'indege,inka yishyuzwa 150K nubwo yaba itanayagurwa,Iz'inka zirimo kwicwa urubozo, Umwanzuro wa Akarere ntabwo uri fair @gatjmv Dufashe.'

    Yarakomeje ati 'Ibaze Njyanama ya Akarere ka @BugeseraDistr gufata inka ikazasohoka mu gifungo yishyuriwe 150k, hanyuma intama imwe ikishyuzwa 50k itanayagurwa Kwicisha inka inzara nabyo nukuzica urubozo, kabone nubwo zonnye ariko uyu mwanzuro nturi fair kubuzima bw'iz'Inka. Si ukubeshya @BugeseraDistr hakwiye kwandika Gasaba imbabazi General Public ndetse naziriya Nka muri Rusange Inka ni ikiremwa udakwiye Kwicisha inzara, udakwiye kwiriza kuzuba Kuma Pave, udakwiye kwima Amazi yo kunywa @MutabaziRich @gatjmv Amategeko nayo ntabwo ari fair Nyakubahwa Ministermu Dufashe inka zirorere gukomeza gufungwa ngo zibimenyere kwicwa ninzara kandi byiza @BugeseraDistr ikwiye kwandika isaba imbabazi rwose.'

    Nyuma y'ubu butumwa abatari bacye banenze ibyakonzwe n'ubuyobozi byo gufunga inka no kuzicisha inzara.

    Uwitwa Tuyisenge Epiphanie yaranditse ati 'Nonese kuzicisha inzara barumva ari igikorwa cy'ubunyangamugayo?'

    Uwitwa nawe Philbert Ufitumukiza ati 'Inka mu Rwanda irenze kuba itungo ni umuco kuyicisha inzara ubwabyo ntibikwiye @BugeseraDistr na  @MutabaziRich bagomba gusaba imbabazi kuri iki gikorwa kidakwiye.'

    Evariste Murwanashyaka nawe ati 'Ariko ibi ku bwanjye ndumva ataribyo?ubu izi nka nizipfa nyirazo agacyena azahita aba umutwaro kuri Leta, ikindi aya mande ko ari menshi cyane umuntu uyagena aba akurikije irihe tegeko?'

    Mizero Oscar nawe ati 'Nyakubahwa Mayor @MutabaziRich Amabwiriza ya #Jyanama ashyiraho ibihano bya 150k Ku inka yafashwe izerera ko ari menshi cyane! Ikindi amatungo yafashwe yitabwaho cost ikazishyurwa na nyirayo, none se ko mwazicishije inzara ubwo ntimwazihohoteye?.'

    Nyuma yo guhatwa ibibazo n'abatari bacye, ubuyobozi bw'Akarere ka Bugesera bwasubije buti 'Ikibuga cy'indege cya Bugesera ni icyanya gikomye. Hashingiwe ku cyemezo cy'Inama Njyanama inka ifatiwemo isubizwa nyirayo ari uko amaze kwishyura amande angana n'ibihumbi 150. Ni ibiciro byemejwe n'Inama Njyanama y'Akarere ka @BugeseraDistr @RwandaLocalGov @RwandaEast.'

    Ubu butumwa ntibwanyuze bamwe mu bakoresha twitter kuko bayise bahata Akarere ka Bugesera uruhuri rw'ibibazo.

    Janvier Popote ati 'Ubanza ikibazo nyamukuru atari amande, ikibazo njye numvisemo ni ukwivisha izo nka inzara n'inyota. Umuturage iyo afunzwe aragaburirwa, yaba afungiye kuri sitasiyo ya @RIB_Rw cg ari mu maboko ya @RCS_Rwanda  Izo nka zo zigenerwa iki?'

    Uwitwa elhamid we yahise agaragaza ko ibyakozwe n'ubuyobozi bw'Akarere ka Bugesera binyuranyije n'amategeko . Ati 'Igisubizo ushaka kiri mu itegeko ubona rikurikira; 'KWANGIZA CYANGWA KURIGISA NKANA IBYAFATIRIWE CYANGWA IBYANYAZWE' nabyo ni icyaha gihanwa n'amategeko; Musome neza ingingo 248 #CP2018 mukurikirane ababigizemo uruhare.'

    Muhire Munana Rodrigue ati 'Ese iyo Nama njyanama ibereye ho abaturage cg ireberera inyungu z'abayobozi? Ubwo se usibye gukabya ko mwumva inka yakwishyuzwa 150k mugihe ntanicyo yangije? Ikimwaro ku Nama njyanama ya @BugeseraDistr.'

    Cyera kabaye nyuma y'amasaha, Akarere ka Bugesera kongeye kagarukana kuri twitter ubutumwa bugira buti 'Ku gicamunsi cy'uyu munsi kuwa 23 Ugushyingo ikibazo cy'inka zafashwe ziragiwe mu cyanya gikomye mu kibuga cy'indege cyakemutse; banyirinka bamaze kuzisubirana.  @RwandaLocalGov @RwandaEast @gatjmv @EKGasana.'

    Nanone kandi abantu bakomeje kwandikira Akarere ka Bugesera bagasaba korohereza abarozi aho kubaca intege.

    Hari uwanditse ati 'Nimworohereze aborozi kuko batunze benshi ku mata babaha, muborohereze nkuko mworohereza abahinzi mubaha inyongeramusaruro munabaterera imiti yica udukoko mu mirima, mwibuke ko n'aborozi badufatiye runini mubafashe aho kubanyaga cyangwa kubaca intege.'

    [email protected]

     

     

     

    The post Bugesera: Inka zatawe muri yombi zikicishwa inzara zashavuje abantu appeared first on IRIBA NEWS.

    Source : https://iribanews.rw/2021/11/24/bugesera-inka-zatawe-muri-yombi-zikicishwa-inzara-zashavuje-abantu/

  • Ethiopia: Ibindi bihugu bikomeye ku isi byasabye abaturage babyo gutaha kubera intambara #rwanda #RwOT

    Ubudage n'Ubufaransa byiyongereye ku bihugu bimaze kugira inama abaturage babyo kuva muri Ethiopia, mu gihe intambara irimo gufata indi ntera muri iki gihugu.

    Amerika n'Ubwongereza na byo biherutse gusaba abaturage babyo kuva muri Ethiopia, ndetse n'umuryango w'abibumbye (ONU/UN) watangiye icyo wise kwimura by'igihe gito bamwe mu bakozi bawo.

    Ibi bibaye mu gihe inyeshyamba zo muri Tigray zivuga ko zikomeje gutera intambwe zerekeza ku murwa mukuru Addis Ababa.

    Minisitiri w'intebe Abiy Ahmed avuga ko yagiye ku rugamba guhangana n'inyeshyamba.

    Iyi ntambara imaze umwaka umwe yateje amakuba ajyanye n'imibereho. ONU ivuga ko mu majyaruguru y'igihugu abantu babarirwa mu bihumbi amagana babayeho mu bihe nk'ibyo mu nzara.

    Abantu babarirwa mu bihumbi barishwe naho ababarirwa muri za miliyoni bataye ingo zabo.

    Jeffrey Feltman, intumwa yihariye y'Amerika mu karere k'ihembe ry'Afurika, yavuze ko hari intambwe irimo guterwa ngo hagerwe ku gisubizo kinyuze mu nzira ya dipolomasi, ariko iyi nzira irimo gushyirwaho inkeke n'ukuntu ibintu birimo gufata indi ntera muri Ethiopia.

    Yavuze ko impande zombi zisa nkaho zemeza ko ziri hafi kugera ku ntsinzi ya gisirikare.

    Bwana Feltman yaburiye ko mu gihe inyeshyamba zaba zigeze i Addis Ababa, byaba ari ibintu bitakwihanganirwa kandi biteje amakuba.

    Amakuru ava ku rugamba aragoye kugenzura, ariko umutwe w'inyeshyamba wa Tigray People's Liberation Front (TPLF) uvuga ko abarwanyi bawo barimo kugenzura umujyi uri ku ntera ya kilometero zirenga gato 200 uvuye i Addis Ababa.

    Mbere, leta ya Ethiopia yakomeje guhakana amakuru yuko inyeshyamba zirimo gutera intambwe.

    Minisiteri y'ububanyi n'amahanga y'Ubudage yavuze ko abaturage babwo bakwiye kuhava mu ndege za mbere z'ubucuruzi zabonekamo imyanya, mu gihe Ubufaransa bwo bwasabye abaturage babwo kuva mu gihugu “nta gutinda”.

    Hagati aho, inyandiko ku mutekano y'imbere muri ONU igenewe abakozi yavuze ko “abo mu miryango y'abakozi baherewe akazi mu mahanga bujuje ibisabwa” bakwiye guhungishwa bava muri Ethiopia bitarenze ku itariki ya 25 y'uku kwezi kwa cumi na kumwe.

    Mbere, Amerika n'Ubwongereza byatangaje ko birimo kuhakura abakozi bo muri ambasade zabyo bakora akazi katihutirwa, binasaba abandi baturage babyo kuva muri Ethiopia.

    BBC

    Source : https://umuryango.rw/amakuru/mu-mahanga/umutekano/article/ethiopia-ibindi-bihugu-bikomeye-ku-isi-byasabye-abaturage-babyo-gutaha-kubera

  • Adil yavuze ibanga ryihishe inyuma yo kumara imikino 40 adatsindwa, avuga umuntu wamufashije kubigeraho #rwanda #RwOT

    Umutoza w’ikipe ya APR FC, umunya-Maroc, Adil Errradi Mohammed avuga ko ibyo yagezeho muri APR FC harimo kuba amaze imikino 40 muri shampiyoma adatsindwa, byose abikesha ubuyobozi bwa APR FC.

    Adil yaje mu Rwanda muri 2019, nibwo yagizwe umutoza mukuru wa APR FC, ku munsi w’ejo hashize yatsinze Rayon Sports 2-1 yuzuza imikino 40 adatsinzwe umukino n’umwe muri shampiyoma.

    Aganira n’itangazamakuru yavuze ko havuzwe byinshi harimo kuba atari we ukora akazi, hari ababimufashamo.

    Ati “Naje mu Rwanda 2019, hari abavuze ko ushinzwe kongerera ingufu ko ari we ukora akazi, bavuze ko Adil nta byangombwa afite.”

    Yakomeje avuga ko koko uyu musaruro ari byo atari we wenyine wawugezeho ahubwo yabifashijwemo n’ubuyobozi bwa APR FC bwumva umupira icyo ari cyo ndetse no kumvikana n’abo bakorana.

    Ati “imikino 40 nta ntsinzwi igisubizo kiri mu kibuga, imikino 40 y’amarushanwa, kongeraho 40 ya gicuti n’imikino Nyafurika, hari umuntu ufasha akazi Adil, ni APR FC yakoze akazi muvandi, ibanga dufite ubuyobozi bwumva umupira, ni abanyabwenge.”

    “Ikindi dufite abakinnyi bakunda umupira, baje gukina umupira, dufite abatoza bahatana, nta bushuti mu kazi, sinumva radio akazi nkakorera mu kibuga, ikindi abatoza dufite amahame tugenderaho, tuvuga ururimi rumwe, uko niko dutsinda si Adil gusa, ni umuryango ukorera hamwe, ufite intego zimwe, uvuga ururimi rumwe.”

    Adil Erradi mu myaka 2 amaze mu Rwanda, akaba amaze kwegukana ibikombe bibiri bya shampiyoma yikurikiranya kandi byose akaba yarabitwaye adatsinzwe.

    Adil avuga ko umusaruro wose yagezeho muri APR FC awukesha ubuyobozi bwiza bwumva umupira icyo ari cyo ndetse n’abakinnyi bafite inyota yo gukina

    Source : http://isimbi.rw/siporo/article/adil-yavuze-ibanga-ryihishe-inyuma-yo-kumara-imikino-40-adatsindwa-avuga-umuntu-wamufashije-kubigeraho

  • Tuvuye ku ikipe itari ihari, umwaka ushize nta Rayon yari ihari – Masudi Djuma #rwanda #RwOT

    Umutoza wa Rayon Sports, Masudi Djuma yasabye abakunzi b’iyi kipe kwihangana kuko n’ubwo baraye batsinzwe na APR FC, bakwiye kumenya ko barimo kubaka ikipe itari ihari, ahubwo ni amahirwe kuba babona abakinnyi babasha gukina.

    Hari nyuma yo gutsindwa umukino w’abakeba, aho baraye batsinzwe na APR FC 2-1.

    Ku ruhande rwe abona nta byacitse kuko avuga ko yatsinzwe no kuba abakinnyi be bataramenyerana, cyane ko bari mu rugamba rwo kubaka ikipe itari ihari, ahubwo bakishimiye ko hari abakinnyi byibuze babasha gukina.

    Ati “Reka mbabwire ikintu kimwe abanyarwanda batari bazi, tuvuye ku ikipe itari ihari, umwaka ushize nta Rayon Sports yari ihari, mu kubuka ikipe ntabwo wayubaka mu mezi abiri.”

    “Babyumve neza abantu bazi umupira barabizi, ahubwo ni amahirwe kuba twabonye abakinnyi bashobora gukina, ariko ushyiramo no guhuza, ntabwo byaza mu minsi ibiri.”

    Masudi Djuma, yizeye ko bitewe n’uko abona ikipe ye, mu minsi iri imbere izaba imeze neza kuko irimo kumenyerana.

    Ubwo yakoreshaga imyitozo ya mbere, Masudi Djuma yavuze ko ari bwo bwa mbere yabona Rayon Sports ifite abakinnyi batari ku rwego rwayo, ari nabwo yatangiye gukoresha igeragezwa bashaka abakinnyi ari naho bakuye bamwe mu bo bafite uyu munsi.

    Masudi Djuma avuga ko abakunzi b’iyi kipe bakishimiye ko byibuze hari abakinnyi bajya mu kibuga bagakina

    Source : http://isimbi.rw/siporo/article/tuvuye-ku-ikipe-itari-ihari-umwaka-ushize-nta-rayon-yari-ihari-masudi-djuma

  • APR FC yatsinze Rayon Sports mu mukino witabiriwe n’abafana benshi #rwanda #RwOT

    Ikipe ya Rayon Sports ni yo yafunguye amazamu ku munota wa 18 w’umukino, igitego cyatsinzwe na Essomba Willy Onana ku mupira yari ahawe neza na Rharb Youssef, Onana aragenda acenga umunyezamu wa APR FC ahita atera mu izamu.

    Ku munota wa 38, ku ikosa ryari rikozwe na Isaac Nsengiyumva wihereye umupira abakinnyi ba APR FC, Manishimwe Djabel ahita atera ishoti rikomeye umunyezamu wa Rayon Sports ntiybasha kuwugarura.

    Ku munota wa 42 w’umukino, nanone nyuma y’ikosa rya ba myugariro ba Rayon Sports, Ruboneka Jean Bosco yatsindiye APR FC igitego cya kabiri ku ishoti rikomeye yatereye inyuma y’urubuga rw’amahina.

    Igice cya kabiri kigitangira, Masudi Djuma yakuyemo Muvandimwe JMV yinjiza Iranzi Jean Claude, aza kongera gukuramo Nishimwe Blaise yinjizamo rutahizamu Souleyman Sanogo.

    Ku ruhande rwa APR FC umutoza Adil Mohamed yakoze impinduka aho havuyemo Rwabuhihi Aimé Placide na Mugisha Gilbert, hinjiramo Byiringiro Lague na Nsanzimfura Keddy.

    APR FC yongeye gusimbuza aho Mugunga Yves yinjiyemo agasimbura Bizimana Yannick.

    Nyuma yo gukomeza gushaka igitego cyo kwishyura ku ruhande rwa Rayon Sports, iminota itatu y’inyongera ntacyo yafashije Rayon Sports, umukino urangira APR FC yegukanye amanota atatu.

    Source : https://imirasire.com/?APR-FC-itsinze-Rayon-Sports-mu-mukino-witabiriwe-n-abafana-benshi

  • Ibintu 7 wakwigira ku IHEMA ryo mu butayu/Mbere yo gutura uzabanze utekereze kuri ibi | Pst Desire H. #rwanda #RwOT

    Source : https://agakiza.org/Ibintu-7-wakwigira-ku-IHEMA-ryo-mu-butayu-Mbere-yo-gutura-uzabanze-utekereze.html