Category: Uncategorized

Mu ntangiriro z’iki Cyumweru, nibwo Papa Francis yakiriye Mushikiwabo i Vatican. Ibiganiro by’aba bombi byagarutse ku buryo habaho ubufatanye mu gufasha abaturage ba Haiti na Liban.

Ibi bihugu bisanzwe ari ibinyamuryango bya OIF muri iyi minsi byugarijwe n’ibibazo bikomeye bijyanye n’ubukungu, imibereho myiza y’abaturage na Politiki.

Abinyujije kuri Twitter, Louise Mushikiwabo yashimiye Papa Francis wamuhaye umwanya wo kuganira, avuga ko ari umugabo urangwa n’ubumuntu ndetse amusabira umugisha ku Mana.

Je suis infiniment reconnaissante au Saint-Père pour le temps précieux qu’il m’a accordé; un homme d’une générosité et d’une simplicité désarmantes. Que Dieu continue de le bénir abondamment!! https://t.co/0iEXOBaAEU

— Louise Mushikiwabo (@LMushikiwabo) November 23, 2021

Si ubwa mbere Louise Mushikiwabo agiriye uruzinduko i Vatican ndetse akakirwa na Papa Francis kuko mu 2017 yari mu bagize itsinda ryaherekeje Perezida Paul Kagame, ubwo yagiranaga ibiganiro n’uyu Mushumba wa Kiliziya Gatolika ku Isi. Icyo gihe Louise Mushikiwabo yari akiri Minisitiri w’Ububanyi n’Amahanga w’u Rwanda.

Papa Francis yakiriye Umunyamabanga Mukuru w’Umuryango w’Ibihugu bivuga Igifaransa, OIF, Louise Mushikiwabo

Louise Mushikiwabo ubwo yakirirwaga i Vatican

Aba bayobozi kimwe n’abandi 459 baherutse gutorwa, bari bambaye impuzankano ya Polisi y’u Rwanda bitewe n’uko aya mahugurwa ari kubera mu Kigo cya Polisi, bityo bikaba byari ngombwa kugira umwambaro uhuriweho Polisi isanzwe ikoresha mu gutanga amahugurwa.

Ibi kandi bisa nk’uko byari byagenze ubwo uyu mwiherero uheruka kubaho, kuko icyo gihe abayobozi bari bambaye impuzankano yambarwa n’igisirikare cy’u Rwanda, bitewe n’uko uwo mwiherero wari wabereye mu Kigo cya Gisirikare cya Gabiro.

Abayobozi bari gutorezwa mu Kigo cya Gishari, bari kwigira hamwe Gahunda zirimo kumenya imikorere n’imikoranire y’inzego z’ibanze, kugira ngo mu gihe batangiye inshingano batorewe, bazabe bazi imikoranire n’izindi nzego.

Bari kuganira kandi ku buryo aba bayobozi bazajya bakorana n’abafatanyabikorwa mu kuzamura imibereho y’umuturage, ndetse no kurebera hamwe umurongo wa politike igihugu kigenderaho n’inshingano za buri umwe n’uburyo zuzuzanya n’iza mugenzi we.

Aba bayobozi kandi bazerekwa uko urugamba rwo Kubohora Igihugu rwagenze n’uburyo hakurikiyeho urugamba rwo guteza imbere umuturage, ari narwo rugamba aba bayobozi batorewe kurwanamo.

Abitabiriye aya mahugurwa bose bambitswe impuzankano ya Polisi y’u Rwanda

Minisitiri muri Perezidansi, Judith Uwizeye, ni umwe mu bitabiriye aya mahugurwa, anatanga ikiganiro

Aya mahugurwa agamije gufasha abayobozi baherutse gutorwa, kumenya inshingano zibategereje

Minisitiri Gatabazi ari kumwe na ba Guverineri ndetse na Meya w’Umujyi wa Kigali, bose bitabiriye aya mahugurwa

Minisitiri Gatabazi yakurikiye aya mahugurwa yambaye impuzankano ya Polisi y’u Rwanda

Abayobozi b’inzego z’ibanze batowe bazaba bafite manda y’imyaka itanu

Abitabiriye aya mahugurwa baturutse mu turere 27 two mu ntara zose z’igihugu

Minisitiri Uwizeye ni umwe mu batumirwa benshi batanze ibiganiro muri aya mahugurwa

Guverineri Gasana Emmanuel w’Intara y’Iburasirazuba na Guverineri Habitegeko François w’Iburengerazuba bitabiriye aya mahugurwa

Minisitiri Gatabazi yavuze ko abayobozi bakwiye kwegera abaturage kugira ngo bamenye ibibazo bafite, bityo babishakire ibisubizo

Abayobozi bari mu mahugurwa bazasobanurirwa uburyo bagomba kuzashyira mu bikorwa inshingano zabo kugira ngo bagere ku iterambere rikenewe mu turere bayobora

Abari mu mahugurwa baturuka mu turere 27, buri kose gahagarariwe n’abantu 17

Ubwo Minisitiri Gatabazi yageraga mu Kigo cya Gishari cyabereyemo aya mahugurwa

Iyi nama yitabiriwe n’abaperezida 12 b’Inteko Zishinga Amategeko, iteraniye muri Kigali Convention Centre kuva ku wa 17 kugeza ku wa 28 Ugushyingo 2021.

Yitabiriwe n’abayobozi batandukanye barimo abahagarariye ibihugu byabo mu Rwanda, abagize Guverinoma n’abandi.

Iyi nama irafungurwa ku mugaragaro na Perezida Paul Kagame; ifite insanganyamatsiko igaruka ku kamaro k’Inteko Zishinga Amategeko za Afurika mu kinyejana cya 21.

Biteganyijwe ko aba bayobozi baganira ku buryo bukwiye bwo gukoresha ikoranabuhanga mu mikorere y’Inteko Zishinga Amategeko, kureba ubudahangarwa bw’inteko n’uburyo bwo kuzifasha gukora binyuze mu mucyo.

Abahagarariye Inteko Zishinga Amategeko mu bihugu binyamuryango bya Commonwealth bafatwa nk’abafite umukoro ukomeye wo gushishikariza guverinoma zabo gushyira umukono ku masezerano agamije gushyira mu bikorwa ingamba zo guhangana n’imihindagurikire y’ikirere.

Ibiganiro biyitangirwamo biribanda ku ruhare rw’inteko mu iterambere rya sosiyete, ububasha bw’Inteko n’icyo ubudahangarwa bwazo buvuze, uburyo zafashwa kuzuza inshingano zazo, uko zahindura imikorere bitewe n’ingaruka za Covid-19 n’ibindi.

Perezida w’Inteko Ishinga Amategeko, Umutwe w’Abadepite, Mukabalisa Donatille, aheruka kuvuga ko kwakira bagenzi babo bo mu Nteko z’Ibihugu bya Afurika, biri mu Ihuriro ry’Inteko zo muri Commonwealth ari amahirwe akomeye ku Nteko y’u Rwanda no ku gihugu muri rusange.

Ati “Twiteze umusaruro mu biganiro biteganyijwe, tuzungurana ibitekerezo na bagenzi bacu muri Afurika ku buryo bwiza bwo gukemura ibibazo by’abaturage bacu no kugira uruhare mu gutuma inzozi zabo ziba impamo.”

Ibihugu byayitabiriye birimo Botswana, Cameroun, Ghana, Kenya, Mozambique, Namibia, Nigeria, Sierra Leone, Afurika y’Epfo, Tanzania, Uganda n’u Rwanda rwayakiriye.

Abadepite n’abasenateri bagera kuri 800 ni bo bitabiriye iyi nama muri Kigali Convention Centre mu gihe abandi bari kuyikurikirana bifashishije ikoranabuhanga.

Ku mugoroba wo ku wa Kabiri, tariki ya 23 Ugushyingo 2021, ni bwo bamwe mu badepite bitabiriye iyi nama basuye Icyanya cyihariye cyahariwe Inganda kiri Masoro mu Karere ka Gasabo berekwa iterambere ry’inganda mu Rwanda.

Today, some MPs, who are in Rwanda to attend #CSPOC17Rwanda, had a guided tour in Kigali Special Economic Zone to observe the industrial development in #Rwanda. pic.twitter.com/jrfvHkQKm1

— Chamber of Deputies | Rwanda (@RwandaCDeputies) November 23, 2021

Amafoto: Igirubuntu Darcy

Ni igitabo cyiswe ‘The Pursuit of Porsha: How I Grew Into My Power and Purpose’ kizajya hanze ku wa 30 Ugushyingo 2021.

Variety yatangaje ko uyu mugore wagaragaye muri filime “The Real Housewives of Atlanta”, mu gitabo cye agaragaza ko R Kelly yatumye ahungabana akamugusha mu mutego wo kumujyana mu gitanda bagasambana. Porsha ubu ufite imyaka 40 y’amavuko, yamenyanye n’uyu muhanzi ubwo yari afite imyaka 25.

Hari aho yagize ati “Nari nishyize muri uyu mwanya. Mvuga nti iki nicyo ugomba gukora. Ugomba kubikora. Nari mfite ibyo nkora byanjye, mfite aho mba. Ni imyumvire nari narashyizwemo n’abagabo yo kumva ko banduta. Nkumva ko mfite agaciro mu gihe babivuze. Ntekereza ko njye kugira iyo myumvire byatumye amfatirana.”

Akomeza avuga ko atafashwe ku ngufu na R Kelly kubera ko ari icyamamare ahubwo buri mugabo yari kumufatirana kubera ibihe yari arimo.

Agaragaza ko igihe cya nyuma yasuye uyu muririmbyi yari afite ibirori birimo abakobwa benshi bahateraniye.

Ati “Ku munsi wa nyuma nasuye R Kelly abakobwa 20 cyangwa 30 bari bitabiriye ibirori yari yakoresheje. Bamwe bari bahamaze ibyumweru.”

Akomeza avuga ko icyo gihe yumvise abakobwa barira bari gukubitirwa mu rugo rw’uyu mugabo agasaba gutaha. Nyuma yagiye asabwa na R Kelly kumusura ariko akabyanga kubera ibyo yari yahabonye.

Ati “Ubwo nageraga mu rugo nasanze nikubise ku rukuta. Nari nahungabanye. Mfite gushidikanya ku mpamvu ibyabaye byambagaho kandi ndi umukobwa mukuru.”

Yavuze ko yongeye guhura na R Kelly mu kiganiro yakoranaga n’undi muntu cyitwa “Dish Nation” . Icyo gihe nabwo uyu muhanzi yashatse kongera kumuguyaguya ariko undi amubera ibamba.

Ati “Icyo gihe byari bitangaje kuba yaragerageje kongera kuvugana nanjye na none. Naratekereje nti nagiriye ibihe bibi iwawe turi kumwe, biri mu byabaye mu buzima bwanjye ntazibagirwa none ntabwo unyibuka? Ibi byabaye kenshi none ntuzi ko ndi umuntu umwe.”

Porsha Williams avuga ko ubwo R Kelly yari akurikiranyweho guhohotera abagore ari umwe mu bavuganye na Polisi.

Muri Nzeri R. Kelly yahamijwe ibyaha byiganjemo ibyo guhohotera abagore no gusambanya ku gahato abarimo abatarageza imyaka y’ubukure.

Biteganyijwe ko hazatangazwa imyanzuro y’urukiko ku wa 4 Gicurasi 2022 ashobora gufungwa imyaka myinshi cyangwa agakatirwa burundu. R.Kelly agiye kujya kuburana urundi rubanza muri Chicago mu minsi iri imbere.

Porsha Williams uri mu bagore basambanyijwe na R Kelly yavuze ibihe yanyuzemo bikomeye

R. Kelly yahamijwe ibyaha birimo ibyo gufata ku ngufu abagore

Kuri uyu wa Kabiri nibwo hashyizwe umukono ku masezerano y’inkunga ya miliyoni 30 z’ama-euro yatanzwe na EIB na BRD. EIB yatanze inguzanyo ya miliyoni 15 z’ama-euro hanyuma na BRD igomba kongeraho andi nk’ayo.

Byitezwe ko abacuruzi bato n’abaciriritse aribo bazungukira kuri iki kigega ku ikubitiro cyane cyane ko inguzanyo zabo ziba ziri hagati ya miliyoni 300 Frw na miliyoni 500 Frw.

Visi Perezida wa Banki y’Ishoramari y’u Burayi, Thomas Östros, yatangaje ko izo miliyoni 30 z’ama-euro zizacungwa na Banki y’Igihugu y’Iterambere, zizafasha u Rwanda muri gahunda yarwo yo kuzahura ubukungu bwashegeshwe na Covid-19.

Umuyobozi wa BRD, Kampeta Sayinzoga, yavuze ko ayo amafaranga bahawe agamije guteza imbere imishinga yagizweho ingaruka na Covid-19 by’umwihariko ku bagore n’urubyiruko.

Yakomeje agira ati “Twishimiye kwakira iyi nkunga ya EIB, izafasha mu kuzamura urwego rw’abikorera by’umwihariko abakora ishoramari rito n’iriciriritse. Ibi bigaragaza ko BRD ikomeje kugirirwa icyizere ku ruhando mpuzamahanga. Ibi bizafasha BRD gutanga inguzanyo z’igihe kirekire ku bigo by’ishoramari mu rwego rwo kuzahura ubukungu.”

Yagaragaje ko imishinga izibandwaho cyane ari irebana no gutunganya umusaruro ukomoka ku buhinzi n’ubworozi, guteza imbere ibikorerwa mu nganda, ubuzima ndetse n’igamije guteza imbere ingufu zisubira n’ibindi.

Ati “Ni amafaranga azadufasha mu ishoramari, mu nzego tubona zizafasha ubukungu kongera gukomera.”

Iyi nguzanyo yahawe BRD izishyurwa hagati y’imyaka irindwi na 10, ibizatuma n’abazagurizwa muri BRD bazahabwa inguzanyo z’igihe kirekire.

Minisitiri w’Imari n’Igenamigambi, Dr. Uzziel Ndagijimana yavuze ko aya masezerano azafungura ishoramari rishya mu Rwanda.

Ati “Covid-19 yashegeshe cyane ishoramari mu Rwanda kandi ishoramari rishya ni ryo zingiro ryo guhangana n’imbogamizi zikigaragara mu bucuruzi. Gukorana na BRD na EIB bizafungura amarembo ku ishoramari rishya.”

Visi Perezida wa EIB, Thomas OSTROS, yavuze ko bahisemo gutera inkunga u Rwanda mu rwego rwo gukomeza kuzamura ubukungu cyane ko bamaze igihe kitari gito bakorana n’u Rwanda mu mishinga itandukanye igamije kuzamura abakora ubucuruzi buciriritse.

Mu Ukwakira 2021, EIB yaherukaga gutanga miliyoni zisaga 55 z’amayero harimo 40 zahawe Banki ya Kigali ndetse na 15 zahawe KCB zigamije gufasha abagizweho ingaruka na Covid-19 mu bikorwa byabo bya buri munsi.

Abitabiriye umuhango wo gusinya amazezerano beretswe ko hari amahirwe kuko inguzanyo izishyurwa mu gihe kirekire

Umuyobozi wa BRD, Kampeta Sayinzoga, ashyira umukono ku masezerano

Visi Perezida wa EIB, Thomas OSTROS, yavuze ko ubufatanye bwa Banki ayoboye n’u Rwanda bumaze igihe kirekire

Ambasaderi wa EU mu Rwanda, Nicola Bellomo yagaragaje ko ubufatanye bw’amabanki yombi buzatanga umusaruro kuri ba rwiyemezamirimo bato

Dr Uzziel Ndagijimana yagaragaje ko hakenewe ishoramari rishya mu kuzahura ubukungu bw’igihugu

Hagaragajwe ko EIB isanzwe ikorana n’u Rwanda mu mishinga inyuranye

Inguzanyo u Rwanda rwahawe izafasha abifuza gukora imishinga mito n’iciriritse mu kuzahura ubukungu bw’igihugu

Itsinda ryaturutse muri Banki y’Ishoramari y’u Burayi ryakurikiranye uko amasezerano ashyirwaho umukono

Amafoto: Igirubuntu Darcy

U Buholandi ni igihugu giherereye mu Majyaruguru ashyira Uburengerazuba bw’u Burayi. Cyafunguye Ambasade yacyo mu Rwanda mu 1995 nyuma y’umwaka umwe habaye Jenoside yakorewe Abatutsi, n’uyu munsi umubano mwiza hagati y’ibihugu byombi uracyakomeje.

Mu kiganiro na IGIHE, Ambasaderi w’u Rwanda mu Buholandi, Olivier Nduhungirehe, yavuze ko kuva Jenoside ikirangira iki gihugu cyafashije u Rwanda guhangana n’ingaruka zayo.

Ati “U Buholandi bwadufashije mu bintu bitandukanye ariko ikintu gikomeye ni mu butabera, aho badufashije mu kongera kubaka no gusana inkiko, kwigisha no guhugura abacamanza, abashinjacyaha n’abandi bakozi bo mu nzego z’ubutabera.”

“Ikindi ni ugukurikirana abakekwaho Jenoside yakorewe Abatutsi kuko u Buholandi bumaze kuburanisha abakekwaho Jenoside babiri bahamijwe icyaha bakanakatirwa, hari n’abandi batatu bwaperereje busanga bafite uruhare muri Jenoside yakorewe Abatutsi maze boherezwa mu Rwanda kuburanishwa, abandi baracyakorwaho iperereza.”

Mu bamaze kuburanishwa n’inzego z’ubutabera z’u Buholandi harimo Yozefu Mpambara wakatiwe burundu mu 2011 na Yvonne Basebya wakatiwe imyaka itandatu n’amezi umunani mu 2013.

Mu bafashwe bakoherezwa mu Rwanda harimo Jean Baptiste Mugimba, Jean Claude Iyamuremye na Venant Rutunga.

Amb Nduhungire akomeza avuga ko iki gihugu ubu kiri gufasha u Rwanda mu bikorwa biganisha ku iterambere mu nzego zirimo ubuhinzi, ubucuruzi, ubukerarugendo ndetse n’ishoramari.

Ati “Hari imishinga myinshi u Buholandi bukorana na Minisiteri y’Ubuhinzi n’Ubworozi n’Ikigo gishinzwe guteza imbere Ubuhinzi [RAB], mwabonye ko hari n’ibihingwa bishya byagiye bizanwa birimo inkeri ku bufatanye n’ubutwererane bw’u Rwanda n’u Buholandi.”

Amb Nduhungirehe yasobanuye ko umubano w’ibihugu byombi uri kurushaho kugana mu bucuruzi, aho kuba imfashanyo, bijyanye n’uko u Rwanda ruri gutera imbere ari na ko urwego rwarwo rw’ibyo rushobora gucuruza rwiyongera.

Ati “Ubu rero turimo turagana mu gusimbura buhoro buhoro imfashanyo tukayisimbuza ubucuruzi hagati y’ibihugu byombi. Niho tugana tuzakomeza kubiharanira dufatanyije n’izindi nzego zo mu Rwanda ndetse n’abacuruzi n’abashoramari bo mu gihugu cyacu.”

Nko mu 2014 u Buholandi bwateye u Rwanda inkunga ya miliyoni 5 z’Amayero yari agenewe gushyigikira imishinga yo gukwirakwiza amashyanyarazi muri gahunda yiswe “Energy Access and Roll out Program (EARP3)”.

Muri ubu bufatanye mu mishinga y’amashanyarazi byari biteganyijwe ko buzarangira mu 2017 u Buholandi bumaze guha u Rwanda inkunga ingana na miliyoni 239 z’amayero.

Ambasaderi w’u Rwanda mu Buholandi yashimye intambwe imaze guterwa mu mubano w’ibihugu byombi

Mu myaka itanu, ubucuruzi hagati y’ibihumbi byombi bwinjirije u Rwanda arenga miliyari 10 Frw

Abaholandi bashora imari mu Rwanda mu bintu binyuranye. Nka Heineken yashoye imari muri Bralirwa, indege ya KLM iza mu Rwanda, Sosiyete yitwa Unilever yashoye imari mu cyayi, hari Royal DSM yashoye imari muri sosiyete yitwa African Improved Food.

Umuyobozi w’Ikigo cy’Igihugu gishinzwe guteza imbere ibyoherezwa mu muhanga bikomoka ku buhinzi n’ubworozi (NAEB), Claude Bizimana, yavuze ko mu myaka itanu ishize iki kigo gitangiye gukorana na Ambasade y’u Rwanda mu Buholandi, ubucuruzi bw’ibikomoka ku buhinzi birimo imboga n’imbuto bwiyongereye cyane.

Ati “Twabonye abakiliya bashya b’ibicuruzwa twoherezayo, umubare w’ikawa twoherezayo wariyongereye bigaragara aho zinjirije u Rwanda arenga miliyari 2.2 Frw. Ubucuruzi bw’ibikomoka ku buhinzi birimo imboga n’imbuto na byo byariyongereye cyane, bikaba byarinjirije u Rwanda arenga miliyari 9 Frw.”

Bizimana uyobora NAEB mu butumwa bwe kuri iyi sabukuru y’imyaka 15, yashimiye cyane iyi ambasade uruhare igira mu guhuza Abanyarwanda bohereza ibicuruzwa mu Buholandi ndetse n’abakiliya babyo, akavuga ko yizeye ko umubano w’ibihugu byombi uzakomeza kwiyongera hagamijwe guteza imbere u Rwanda n’Abanyarwanda.

Umuyobozi wa Diaspora Nyarwanda mu Buholandi, Claude Ndabarasa, na we yashimye iyi ambasade uburyo iba y’Abanyarwanda ireberera.

Ati “Mu bihe bya Covid-19 igitangira, Abanyarwanda bo mu Buholandi bakusanyije inkunga yafashije abari mu kaga mu Rwanda. Icyo gikorwa kikaba cyaragenze neza kubera ubufatanye bwa diaspora na ambasade yacu. Muri macye umubano wa diaspora na ambasade ni mwiza kandi twifuza ko wakomeza.”

Amb. Nduhungirehe yavuze ko iyi ambasade izakomeza gufatanya na diaspora guteza igihugu imbere, ndetse ko iri gutegura gushyiraho umushinga wo gusaba ko habaho Urwibutso rwa Jenoside yakorewe Abatutsi mu Buholandi, ku bufatanye na Ibuka-Hollande.

Uru rwibutso rwaza rwiyongera ku zindi ziri mu Bufaransa, u Butaliyani, u Busuwisi ndetse na Canada byamaze kugira ahantu hari inzibutso za Jenoside yakorewe Abatutsi.

Yakomeje agira ati “Nagira ngo nifurize Guverinoma y’u Rwanda n’iy’u Buholandi isabukuru nziza y’imyaka 15 kuko yatanze umusaruro mu guteza imbere umubano mwiza hagati y’ibihugu byombi, guteza imbere ubutwererane, guteza imbere ubucuruzi n’ishoramari ndetse no guteza imbere umuryango nyarwanda hano mu Buholandi.”

Ambasaderi Nduhungirehe kandi yasobanuye ko akazi kabo kanajyana no gusobanura imigambi y’igihugu, cyane cyane iyo hagaragajwe impungenge kuri gahunda za Leta nk’uko byagenze ku bufatanye u Rwanda rwagiranye na Arsenal ndetse na Paris Saint Germain.

Ati “Hari ibihugu bimwe na bimwe byumva ko turi mu bihugu bya Afuruka bikiri mu nzira y’amajyambere tugomba gukomeza gufashwa kubera inyungu zabo, ugasanga ntibabyimva, ugasanga mu nteko zimwe na zimwe, abadepite babo babaza ngo kuki u Rwanda rukoresha amafaranga y’imfashanyo mu guteza imbere ubukerarugendo? Aha rero ugasanga ari ikibazo cy’imyumvire, ari naho akazi kacu muri dipolomasi tugomba gukomeza gusobanura ingamba z’igihugu cyacu n’icyerekezo dushaka kuganamo.’’

Amb. Nduhungirehe amaze umwaka agizwe ambasaderi w’u Rwanda mu Buholandi, akaba anahagarariye u Rwanda mu bihugu birimo Estonia, Lithuania ndetse na Latvia.

Anahagarariye u Rwanda mu muryango mpuzamahanga ushinzwe kurandura intwaro kirimbuzi, OPCW, mu Rukiko Mpuzamahanga rw’Umuryango w’Abibumbye, ICJ, ndetse no mu rwego rushinzwe kurangiza imanza z’Urukiko Mpanabyaha Rwashyiriweho u Rwanda, TPIR.

Ambasaderi Nduhungirehe ubwo yashyikirizaga Umwami w’u Buholandi inyandiko zimwemerera guhagararira u Rwanda

Unilever yashoye imari mu buhinzi bw’icyayi mu Rwanda

KLM ni Sosiyete y’Abaholandi ikorera mu Rwanda

Mu bafatanyabikorwa ba Africa Improved Foods, harimo n’ishoramari ry’Abaholandi

[email protected]

CP Kabera avuga ko abafashwe batarenze ku mabwiriza yo kwirinda ikwirakwira rya COVID-19 gusa ahubwo bakoze n’ibyaha.

Yavuze ko bafite amakuru ko hari abantu bahimba ubutumwa ko bikingije bakanipisha COVID-19 kugira ngo babone uko bitabira imikino, ibitaramo n’ibindi bikorwa bitandukanye bihuza abantu benshi, bityo ababiteganya bakaba bazabigiriramo ibibazo ndetse bakagezwa imbere y’amategeko.

Yasabye abantu kwirinda kurenga ku mabwiriza aba yarashyizweho n’inzego zibishinzwe agamije kubafasha kuko abazajya bayarengaho bazajya babibazwa.

Ati “Kuri aba babihisemo barabibazwa, ku babiteganya bazabibazwa kandi bazafatwa, abantu turabagira inama yo kubivamo bakabireka.”

CP Kabera avuga ko guhimba ubutumwa bugufi, kubwitwaza kugira ngo ubone ibyo utari ukwiye kubona ari inyandiko mpimbano kubera ko ari umugambi uba wacuze.

Yabwiye Radio Rwanda ko bagiye kuvugana n’abo bakorana harebwe uko hakwifashishwa uburyo bw’ikoranabuhanga mu kugenzura ko ibyangombwa abantu berekana kuri sitade ari byo koko atari ibihimbano.