Webrwanda Backend

Category: Uncategorized

  • Birangiye bibaye impamo! Ric Hassani yashimis… – #rwanda #RwOT

    Iki gitaramo cya Symphony Band cyiswe Fantacy Music Concert cyabaye kuri uyu wa Gatandatu tariki 04 Ukuboko 2021 kibera muri Kigali Convention Centre. Kitabiriwe ku rugero rwo hasi kuko cyabaye ku munsi umwe n’icya Koffi Olomide umuhanzi w'umukongomani ufite izina rikomeye muri Afurika no mu bice bitandukanye by'isi. Igitaramo cyatumiwemo Koffi cyo cyabereye muri Kigali Arena.

    Ric Hassan yakoreshe ibishoboka byose yitanga ku rubyiniro aho yaririmbye indirimbo ze zitandukanye zakunzwe nka 'The African Gentleman' Only You, Number One, Thunder Fire You, Everything n'izindi. 

    Kubera ko Ric Hassani akora muzika ku giti cye ariko akavangamo no kuririmba indirimbo z'abandi bahanzi, byatumye avangamo n'iz’abahanzi bakomeye ku isi nka Edd Sheeran birushaho kuryoha.

    Urubyiruko ruke rwabashije kuza muri Kigali Convention Centre rwagaragaje ko rwishimiye bikomeye Ric Hassan waririmbye hafi isaha yose.


    Ric Hassan yatanze imbaraga ze mu gishimisha abafana 

    Ishimwe Clement na Platini P bari bitabiriye igitaramo cya Symphony Band

    Dj Ira yihera ijisho igitaramo

    Abantu baje kwiyegeranya bigaragara ko atari bacye cyane

    N’ubwo ubwitabire bwari hasi, igitaramo cyo cyari uburyohe 

    Source : https://inyarwanda.com/inkuru/112222/birangiye-bibaye-impamo-ric-hassan-yashimishije-bacye-bitabiriye-igitaramo-cya-symphony-ba-112222.html

  • #GisagaraTournament2021: REG VC na KIREHE zabonye itike ya 1/2 #Rwanda #RwOT via @kigalitoday #rwanda #RwOT

    Nyuma yo kumara umwaka iri rushanwa risanzwe ritegurwa n’ikipe ya Gisagara VC ridakinwa kubera icyorezo cya Covid-19, guhera kuri uyu wa Gatandatu abakunzi b’uyu mukino bongeye kurikurikirana.

    Ni irushanwa ryitabiriwe n’amakipe 12 mu byiciro byombi abagabo n’abagore basanzwe bakina icyiciro cya mbere n’ubwo amakipe yose atitabiriye kuko nk’ikipe za APR na IPRC ya Kigali z’abagore ntizigeze zitabira iri rushanwa.

    Mu gitondo cyo ku wa Gatandatu tariki 04/12/2021 ni bwo imikino yatangiraga aho abagabo bakiniye mu karere ka Gisagara naho abagore bakinira mu nzu y’imikino ya Kaminuza y’u Rwanda ishami rya Hiye.

    Mu mikino y’abagabo habayemo gutungurana ugeereranyije n’irushanwa ry’abasora neza ryabaye mu mpera z’Ugushyingo uyu mwaka. Kumwe mu gutungurana kwabaye ni nk’aho amakipe ya REG VC na KIREHE VC zari zasezerewe mu matsinda ubu zaraye zikatishije tike ya 1/2 ikinwa kuri iki Cyumweru.

    REG yakatishije itike ya 1/2
    REG yakatishije itike ya 1/2

    Ikipe ya REG yari mu itsinda rya B aho yari kumwe na APR VC, IPRC ngoma na Gisagara Vc. REG mu mikino itatu yakinnye yatsinzemo 2 itsindwa umwe, ari nabyo byayihaye tike bidasubirwaho yo gukina imikino ya kimwe cya kabiri.

    Kirehe nayo yageze muri 1/2
    Kirehe nayo yageze muri 1/2

    KIREHE VC yari mu itsinda rimwe na Unite volleyball club yahoze yitwa UTB ndetse na Kigali Volleyball Club(KVC), kirehe yahise izamuka ari iya kabili nyuma yo gutsinda ikipe ya KVC amaseti 3 ku busa, mu gihe UVC yayoboye itsinda Kuko nta mukino numwe yatakaje.

    APR VC ntiybashije kurenga amajonjora
    APR VC ntiybashije kurenga amajonjora

    Dore uko imikino yose yagenze.

    ABAGABO

    Itsinda A

    UNITED FAMILY VC 3-0 KVC
    KIREHE 3-0 KVC
    UNITED FAMILY VC 3-0 KIREHE

    Itsinda B

    REG VC 3-2 IPRC NGOMA
    APR 2-3 GISAGARA
    APR 1-3 REG
    GISAGARA 3-0 IPRC NGOMA
    REG 2-3 GISAGARA
    APR 3-0 IPRC Ngoma

    ABAGORE

    RRA 3-0 Ruhango
    KVC 3-1 Ruhango
    UVC 3-0 IPRC HUYE
    RRA 3-0 KVC

    Uko imikino ya 1/2 iteganyijwe kuri iki cyumweru

    source : https://ift.tt/2ZVJBpj

  • Ally Soudy yasuye ishuri rya muzika rya Nyund… – #rwanda #RwOT

    Ally Soudy ari mu Rwanda kuva ku wa Gatatu w’iki cyumweru turimo gusoza, aho ari we ugomba kuyobora igitaramo 'Fantasy Music Concert' cya Symphony Band yatumiyemo umuririmbyi w'umunya-Nigeria Ric Hassani.

    Iki gitaramo cyabereye kuri Kigali Convention Centre, ku mugoroba w'uyu wa Gatandatu tariki 4 Ukuboza 2021. Ni kimwe mu bitaramo byari bimaze igihe kinini bitegerejwe na benshi.

    Ally Soudy uyobora iki gitaramo, azwi nk'umwe mu bashyigikira umuziki w'u Rwanda kuva ku munsi wa mbere yinjira mu itangazamakuru. Na nyuma y'uko agiye gutura muri Leta Zunze Ubumwe za Amerika.

    Yifashishije imbuga nkoranyambaga ze yagiye agaragaza ko akurikirana urugendo rw'iterambere rw'umuziki we. Binatuma atangiza ikiganiro yise 'Ally Soudy On Air'. Muri iki kiganiro yatangiye yakira abahanzi, ariko anatumira abanyarwenya, abanyapolitiki n'abandi.

    Yabwiye INYARWANDA ko iterambere ry'umuziki w'u Rwanda ryigaragaza ashingiye ku bahanzi bashya bagenda bawinjiramo kandi bakagaragaza impano mu buryo bukomeye.

    Mu gihe umwaka wa 2021 uri kugana ku musoza, Ally Soudy avuga ko kuri we Niyo Bosco ari we muhanzi yahaye igikombe cy'umwaka ashingiye ku ndirimbo yasohoye, imyandikire, abo yandikiye n'ibindi.

    Ati 'Njyewe ndasesengura cyane mu muziki nkita ku kwandika indirimbo, igikundiro, gukundwa n’ibindi. Kuri njyewe ari nk’ igihembo ntanga ku giti cyanjye ariko ugifite gutya nagiha Niyo Bosco.”

    Akomeza ati 'Kubera ko yarantunguye, uburyo akora, uko yandika, uko aririmba, indirimbo zirakundwa… n’abo yandikira wibuke n’umwanditsi hari indirimbo nyinshi yanditse zakunzwe.'

    “Rero iyo ugiye gutora umuhanzi w’umwaka ugarura ibyo byose ukabihuriza hamwe, ibyo byose urabizana iyo ushaka umuhanzi w’umwaka. Kuri njyewe ni we nagiha [Igikombe].'

    Ally avuga ko abantu bakwiye kumenya ko kuba umuhanzi asohora indirimbo buri munsi, atari byo bivuze ko akora cyane kandi akunzwe.

    Uyu mugabo yavuze ko yari akumbuye u Rwanda. Akigera i Kigali, yatembereye ahantu hatandukanye anakora ikiganiro kuri Radio Isango Star.

    Ally Soudy avuga ko yari amaze igihe kinini atavugira ku ndangururamajwi, bityo ko kongera kuvugira kuri Radio ari ibyishimo kuri we.

    Ati “Ndishimye cyane. Hari hashize hafi imyaka ibiri n’amezi. Mu Rwanda ikintu gishimishije, umwaka cyangwa amezi atandatu arahagije kugira ngo usange ibintu byahindutse. Nk’ubu’ naje mbona imihanda myinshi yaragiye yongerwa mu bunini, cyangwa se ikagira inzira nyinshi, hari inzu nshya.”

    Uyu mugabo kandi, kuri uyu wa Gatanu tariki 3 Ukuboza 2021, yasuye ishuri ryigisha Muzika 'Rwanda School of Creative Arts and Music' ryahoze ryitwa Nyundo Music School yasobanurirwe byinshi anataramirwa n'abanyeshuri biga umuziki kuri iri shuri.

    Ally Soudy yasuye iri shuri ari kumwe n'umuhanzi Juno Kizigenza ukunzwe mu ndirimbo zitandukanye n'abandi.


    Nyuma y'iminsi ibiri ageze mu Rwanda, Ally Soudy yakoze ikiganiro kuri Radio Isango Star yatumye amenyekana cyane

    Ally Soudy avuga ko umuhanzi w'umwaka kuri we ari Niyo Bosco ashingiye ku bikorwa yakoze


    Kuri uyu wa Gatanu, Ally Soudy yasuye ishuri ryigisha Muzika 'Rwanda School of Creative Arts and Music'


    Ally Soudy yafashe umwanya wo kuganiriza abanyeshuri biga muri iri shuri nabo baramutaramira

    Ally Soudy aganira n'Umuyobozi w'ishuri ryigisha Muzika 'Rwanda School of Creative Arts and Music', Murigande Jacques uzwi nka Mighty Popo


    Umuhanzi Juno Kizigenza yaherekeje Ally Soudy ubwo yasuraga ishuri rya muzika rya Nyundo

    Uyu mugabo yatemberejwe ahantu hatandukanye mu ishuri rya muzika rya Nyundo


    Ally Soudy yashimye uko yakiriwe muri iri rushuri, yaherukaga gusura ari kumwe n'abahanzi batandukanye

     

    KANDA HANO UREBE IKIGANIRO TWAGIRANYE NA ALLY SOUDY


    Source : https://inyarwanda.com/inkuru/112218/ally-soudy-yasuye-ishuri-rya-muzika-rya-nyundo-avuga-umuhanzi-wumwaka-w2021-amafotovideo-112218.html

  • AS Kigali yaguye miswi na Musanze FC, umutoza Eric Nshimiyimana ahunga itangazamakuru #rwanda #RwOT

    Wari umukino w’umunsi wa 7 wa shampiyona y’icyiciro cya mbere mu Rwanda, AS Kigali yari yakiriye Musanze FC kuri Stade Regional i Nyamirambo aho amakipe yombi yanganyije 1-1, umutoza Eric Nshimiyimana yanga kuvugana n’itangazamakuru.

    Ni umukino AS Kigali yagiye gukina iyoboye urutonde rwa shampiyoma n’amanota 14 ariko umutoza wa AS Kigali, Eric Nshimiyimana akaba yari ku gitutu cy’imikino yatambutse aho muri 6 yatsinzemo 4 akanganyamo 2, ibintu abayobozi ba AS batishamiye kuko byavuzwe ko ari umutoza uri hasi.

    Uyu mukino ukaba wakereweho iminota 25, aho byavuzwe ko ibisubizo bya COVID-19 by’abakinnyi ba Musanze FC byatinze kujya muri sisiteme.

    AS Kigali yagerageje gusatira mu gice cya mbere ndetse barema uburyo bwinshi ariko Niyibizi Ramadhan, Tchabalala na Lawal bagorwa n’umunyezamu Pacifique.

    Igice cya kabiri AS Kigali yagitangiye ishaka igitego ku kabi n’akeza, akagozi ka Musanze FC kaje gucika ku munota wa 57 ubwo Tchabalala yatsindaga igitego cya mbere n’umutwe ku mupira wari uhinduwe na Ishimwe Christian.

    Musanze FC yahise akanguka nayo ishaka igitego byaje kuyihira ku munota wa 74, bishyuye iki gitego cyatsinzwe na Nshimiyimana Amran n’umutwe ku mupira wari uvuye muri koruneri. Umukino warangiye ari 1-1.

    Nyuma y’uyu mukino umutoza wa AS Kigali yasohotse muri Stade yarakaye aho yanze kuvugana n’itangazamakuru.

    Uyu ubaye umukino wa 3 Eric Nshimiyimana anganyije nyuma yo kunganya na Marines 2-2 na Police FC 2-2, yatsinze Kiyovu Sports, Gicumbi FC, Espoir FC na Gorilla FC.

    Nyuma y’uyu mukino amakuru avuga ko uyu mutoza ashobora guhita ayandukana na AS Kigali aho bivugwa ko wari umukino wa nyuma yari yahawe.

    Eric Nshimiyimana nyuma yo kunganya na Musanze FC yanze kuvugana n’itangazamakuru

    Source : http://isimbi.rw/siporo/article/as-kigali-yaguye-miswi-na-musanze-fc-umutoza-eric-nshimiyimana-ahunga-itangazamakuru

  • Kayonza: Urubyiruko rugiye kwihangira imirimo ruhereye ku bumenyi rwungutse mu byo guteka – #rwanda #RwOT

    Babitangaje kuri uyu wa Gatandatu tariki ya 4 Ukuboza, ubwo hasozwaga amahugurwa y’amezi atandatu ku banyeshuri 30 basoje amashuri yisumbuye barimo abakobwa 11 n’abahungu 19.

    Aya mahugurwa yateguwe n’Ikigo cy’Igihugu gishinzwe imyuga n’ubumenyingiro, RTB, gifatanyije na Silent Hill Hotel akaba ahabwa urubyiruko rwasoje amashuri yisumbuye kugira ngo rurusheho kwihangira imirimo aho gutegereza akazi.

    Abahuguwe batangaje ko bagiye kuyifashisha mu kwiteza imbere no kurandura imirire mibi aho batuye.

    Nuwayo Pauline waturutse mu Karere ka Kayonza mu Murenge wa Mukarange, yavuze ko yungutse iubumenyi mu gutegura indyo yuzuye, ibi ngo bigiye kumufasha kubanza kwigisha abo mu Mudugudu atuyemo aho ngo yajyaga abona abana bagwingiye.

    Ati “Ubu twamenye gutegura indyo yuzuye aho dutuye; icyo kibazo gikunda kugaragara cyane, ubu rero turi intumwa kuri abo bantu, tugiye kubigisha uko bategura indyo yuzuye kandi ndizera ntashidikanya ko hari ikizahinduka.”

    Nuwayo yavuze ko kandi afite intego yo gutangira gukora umushinga muto wo gukora ibirimo isambusa, imigati n’ibindi yize muri aya mezi atandatu.

    Twizeyimana Emmanuel we yavuze ko bigishijwe guteka indyo zose ndetse banigishwa uko bafasha n’abandi baturage bafite ikibazo cy’imirire mibi.

    Ku binyanye no kwihangira umurimo yavuze ko akurikije uburyo yigishijwe gukora umutobe w’imbuto afite intego yo gukoresha ubu bumenyi akiteza imbere.

    Umuyobozi ushinzwe gahunda yo guteza imbere ubumenyingiro mu Kigega cyo guteza imbere ubumenyingiro (SDF) Eugene Uwimana, yavuze ko icyiciro cya mbere cyo guhugura urubyiruko ku bijyanye no kwiteza imbere cyarangiye hahuguwe abagera ku 9000. Mu cyiciro cya kabiri kizarangira 2023 ngo hazahugurwa abasaga ibihumbi 13.

    Yasabye abarangije gukoresha neza amahirwe babonye bakiteza imbere. Ati “Abarangije turabasaba guha agaciro impamyabumemyi tubaha kuko ibemerera guhatana ku isoko ry’umurimo byaba ngombwa bakishyira hamwe bakagana ibigo nka BDF bikabatera inkunga.”

    Kuva uyu mwaka watangira urubyiruko rurenga 4600 rumaze kwigishwa imyuga itandukanye binyuze muri gahunda ya Leta imara amezi atandatu, hari abigishije ikoranabuhanga, guteka, ibijyanye n’ingufu, ubuhinzi, ubwubatsi n’ibindi bifasha guhita babona akazi.

    Abasoje amahugurwa ubwo bashyikirizwaga inyemezabumenyi zabo

    Abitabiriye aya mahugurwa bigishijwe guteka indyo zitandukanye

    Biyemeje kubyaza umusaruro ubumenyi bahawe kandi bagatanga umusanzu mu kurwanya igwingira ry’abana

    source : https://ift.tt/3xVaTsn

  • Gufatirana amahirwe, kwitondera imbuga nkoranyambaga; ibyasabwe abarangije muri Kaminuza ya Kigali – #rwanda #RwOT

    Babisabwe kuri uyu wa 3 Ukwakira 2021 mu muhango wo gutanga impamyabumenyi ku nshuro ya gatandatu ku banyeshuri 1313 basoje icyiciro cya kabiri cya kaminuza, 487 barangije icyiciro cya gatatu (masters) ndetse na 245 barangije amasomo yihariye mu bijyanye n’uburezi.

    Umuyobozi w’iyi Kaminuza, Prof Tombola M. Gustave, yashimiye aba banyeshuri umurava bagize bakabasha gusoza amasomo mu bihe bigoranye bya Covid-19.

    Yakomeje ati “Nimushakishe amahirwe hirya no hino, mujye mugerageza gukemura ibibazo ndetse n’imbogamizi muhura nazo kuko ari ryo banga ryo kugera ku nsinzi no guhanga udushya. Nimugende mutangire ubuzima bushya kandi muzagire ahazaza heza.”

    Umuyobozi wungirije ushinzwe Amasomo, Prof Robert E. Hinson, yavuze ko kugira amatsiko ari ryo zingiro ryo kuvumbura ibintu bishya no guhanga udushya bityo ko mu gihe abarangije babikoresha nk’intwaro, bazahindura byinshi muri sosiyete.

    Yongeyeho ati “Ndabizi mwese mukoresha imbuga nkoranyambaga, ntimukajye mwihutira kuvuga ku bintu byose abantu banditse, ushobora kuzandika ku kintu runaka ukabura amahirwe y’akazi gakomeye.”

    “Ikindi mujye mumenyana n’abandi, ubu mwarangije muri abanyeshuri barenga 2000, fata nimero zabo mukomeze muvugane kuko ntabwo wamenya aho amahirwe azava.”

    Abarangije muri iyi kaminuza bize amasomo arimo uburezi, icungamutungo, ibaruramari, ubukungu, ikoranabuhanga n’itumanaho, amategeko, n’ayandi, aho kuva mu 2015 Kaminuza ya Kigali yatanga impamyabumenyi bwa mbere imaze gushyira ku isoko abize aya masomo barenga ibihumbi bitandatu.

    Umujyanama Mukuru mu by’Ikoranabuhanga muri Minisiteri y’Uburezi, Eng. Gatabazi Pascal, yashimiye iri shuri ku bwo gutanga umusanzu mu burezi bw’u Rwanda no mu bushakashatsi, asaba abarangije amasomo, cyane abize ajyanye n’uburezi, kuzana impinduka.

    Yongeyeho ati “Imyigire yanyu yahungabanyijwe n’icyorezo, ariko nubwo mwahuye n’izo mbogamizi mwarize kandi murarangije. Nk’uko rero benshi babivuze mufate ubumenyi mukuye muri kaminuza mubujyanye hanze mufatirane amahirwe kugira ngo muzagire ejo hazaza heza.”

    Umunyeshuri wahize abandi, Sinamenye Jean Bosco, warangije mu cyiciro cya kabiri mu icungamutungo yavuze ko agiye gukoresha ubumenyi avanye muri kaminuza kinyamwuga.

    Ati “Ngiye gufatanya n’abandi banyarwanda gukora kinyamwuga mu byo nize. Mfite ikigo nashinze kizafasha abandi kumenya ibijyanye n’icungamari birimo imisoro, ubugenzuzi bw’imari, bamenye uko amafaranga ashakwa ni uko akoreshwa neza ku buryo bizagira akamaro muri sosiyete.”

    Abanyeshuri 20 nibo bahembwe nk’abahize abandi, aho batatu ba mbere buri wese yahawe miliyoni y’amafaranga y’u Rwanda na Banki ya Kigali, abandi bahembwa mudasobwa bigizwemo uruhare na Cogebanque, Radiant, Prime na Study in Rwanda.
    RwandAir yatanze itike y’indege mu gihe NPD yemeye imenyerezamwuga ku banyeshuri batatu.

    Abarangije amasomo muri Kaminuza ya Kigali basabwe gufatirana amahirwe ari ku isoko ry’umurimo

    Bagiriwe inama yo kutihutira kuvuga ku bintu byose abantu banditse ku mbuga nkoranyambaga

    Aba banyeshyuri babwiwe ko nibakoresha intwaro yo guhanga udushya bazahindura byinshi muri sosiyete

    Abasaga 2000 nibo bahawe impamyabumenyi ku nshuro ya gatandatu muri Kaminuza ya Kigali

    Abarangije amasomo muri Kaminuza ya Kigali basabwe gufatirana amahirwe ari ku isoko ry’umurimo

    Abasoje amasomo kuri iyi nshuro bize nabi kubera Covid-19 ariko bashyiraho umwete none babonye umusaruro

    Kaminuza ya Kigali yatanze impamyabumenyi ku nshuro ya gatandatu ku barangije mu byiciro bitandukanye

    Abasoje amasomo baagaragazaga akanyamuneza ku maso

    Abanyeshuri batsinze neza bahawe ibihembo

    source : https://ift.tt/3IkTJJH

  • Gambiya: Batoye umukuru w'igihugu bakoresheje amasaro #rwanda #RwOT

    Kuri uyu wa gatandatu abaturage bo muri Gambiya baramukiye mu matora y'umukuru w'igihugu yakozwe mu buryo budasanzwe. Abatora bakoreshaga amasaro bashyiraga ahagenewe gukusanyirizwa amajwi y'umukandida bifuza gutora.

    Muri iki gihugu gito kurusha ibindi muri Afurika, abantu bakabakaba miliyoni imwe ni bo biyandikishije gutora. Gambiya ituwe n'abagera kuri miliyoni ebyiri n'igice. Komisiyo ishinzwe matora ivuga ko biteganyijwe ko bari bwitabire aya matora ku rugero rwo hejuru.

    Perezida Adama Barrow w'imyaka 56 uri ku butegetsi muri iki gihe, ahanganye n'abandi bakandida batanu barimo Ousainou Darboe w'imyaka 73 wamutoje ibya politike.

    Ni yo matora ya mbere y'umukuru w'igihugu abaye kuva Yahya Jammeh yava ku butegetsi mu 2016 binyuze mu matora. Icyo gihe Yahya Jammeh yanze kwemera ibyavuye mu matora ahungira muri Gineya Equatoriale.

    IJWI RY'AMERIKA

    Source : https://umuryango.rw/amakuru/mu-mahanga/politiki/article/gambiya-batoye-umukuru-w-igihugu-bakoresheje-amasaro

  • Koffi Olomide wavuze Ikinyarwanda mu gitaramo cy’amateka yakoreye i Kigali, yashimiye Perezida Kagame (AMAFOTO) #rwanda #RwOT

    Umuhanzi ukomoka muri Repubulika Iharanira Demokarasi ya Congo ukunzwe cyane mu njyana na Rhumba, Kofi Olomide yakoreye igitaramo cy’amateka muri Kigali Arena aho yashimiye Perezida w’u Rwanda Paul Kagame kubera ibyiza yagejeje ku banyarwanda.

    Iki gitaramo kikaba mbere yo kuba hari abari batangije ubukangura mbaga ko kitaba bitewe n’ibyaha uyu muhanzi akurikiranyweho byo guhohotera abagore, rero bakaba bumva u Rwanda nka kimwe mu bihugu byashyize imbere kurwanya ihohoterwa rikorerwa igitsina gore batagahaye umwanya umunhanzi nka Koffi Olimide, gusa byaje kurangira kibaye.

    Ni gitaramo cyabereye muri Kigali Arena kuri uyu wa Gatandatu tariki ya 4 Ukuboza 2021, ni igitaramo kitabiriwe n’abantu benshi bakunda umuziki wo njyana ya Rhumba.

    Koffi Olomide akaba yagombaga gufashwa ku rubyiniro n’abahanzi nyarwanda 3, Chris Hat, Yvan Buravan na King James.

    Umuhanzi Hategekimana Sulaiman ukoresha izina rya Chris Hat mu muziki, ni we wabanje k’urubyiniro saa 20:15′, uyu muhanzi w’imyaka 20 umaze gukora indirimbo 4, yahereye kuri 'Diva’.

    Uyu muhanzi ntibyamworoheye gushyira abantu mu mwuka w’igitaramo cyane ko batari bagacangamutse ngo babyinnye.

    Hahise hakurikiraho Dj Mupenzi wahawe umwanya ngo ashyushye abantu mu ndirimbo zitandukanye, yakoresheje iminota 20. Uyu musore uvangavanga imizi yakinnye indirimbo zitandukanye ariko ageze ku za Jay Polly uheruka kwitaba Imana biba ibindi bindi, abantu muri Kigali Arena bahise bahaguruka bigaragaza urukundo uyu muraperi bamukundaga.

    Hahise hakurikiraho umuhanzi Yvan Buravan wamamaye mu muziki cyane guhera 2016, yakiranywe na yombi n’abakunzi be, uyu muhanzi yeretswe urukundo n’abafana be, yaririmbye indirimbo ze zitandukanye aririmbana n’abakunzi be izirimo 'Low Key’ na 'Tiku’.

    Hakurikiyeho umuhanzi King James weretswe urukundo rudasanzwe n’abari muri Kigali Arena aho buri ndirimbo yose yaririmbye yayirimbanye n’abakunzi be.

    Uyu muhanzi uri mu barambye muri uyu muziki w’u Rwanda, yaririmbye indirimbo zitandukanye zirimo; Meze neza, Yantumye, Icyangombwa, Ndagukumbuye yakoranye na Ariel Wayz, Umuriro watse na Ganyobwe zahagurukije abantu benshi muri Stade.

    Mbere y’uko umuhanzi Koffi Olomide agera ku rubyiniro, yabanjirijwe n’itsinda ry’ababyinnyi be, babyinnye maze abantu barizihirwa.

    Saa 22:00′ nibwo umuhanzi wari utegerejwe na benshi, Koffi Olomide yageze ku rubyiniro yakiranwa amashyi menshi ubona ko yari ategerejwe na benshi.

    Uyu mwami wa Rhumba yaririmbye indirimbo ze zirimo 'Rond Point’ yahagurukije benshi, ageze kuri 'Waaah’ yakoranye n’umuhanzi Diamond Platnumz biba ibindi bindi.

    Uyu muhanzi yageze hagati ashimira Perezida w’u Rwanda, Paul Kagame kubera ibyo amaze kugeza ku Rwanda ndetse ko yifuza ko igihugu cye cya DR Congo n’u Rwanda byagumya kubana amahoro.

    Ati 'Ni ngombwa ko ibihugu byacu bibaho mu mahoro.'

    Koffi Olomide yaririmbye imwe mu ndirimbo ze zo hambere yitwa 'Loi’, akomereza kuri 'Selfie’ yahagurukije n’iyonka bitewe n’uburyo iyi ndirimbo yamenyekanye nka 'Ekotite’ yakunzwe cyane, bamufashije kuyibyina.

    Yakomeje gususurutsa abantu mu ndirimbo ze zitandukanye asoza ashimira abitabiriye iki gitaramo mu rurimi rw’ikinyarwanda ati 'Murakoze Kigali Ndabakunda.'

    Chris Hat ni we muhanzi wabanje ku rubyiniro

    Umuhanzi Yvan Buravan ni we wakurikiyeho ku rubyiniro ashimisha abafana be

    King James yashimishije abafana be

    Abarimo na Ndimbati bacinye umudiho

    Ababyinnyi be nibo bamubanjirije ku rubyiniro

    Yashimye Perezida Kagame Paul kubera ibyo yagejejeho Abanyarwanda

    We n’ababyinnyi be babyinnye abari muri Arena baremera

    Koffi Olomide na we yaciye impaka acinya akadiho

    Abantu baje ari benshi kandi banyuzwe

    Minisitiri Bamporiki Edouard na we yari yaje kwihera ijisho iki gitaramo cy’imbaturamugabo

    Source : http://isimbi.rw/imyidagaduro/article/koffi-olomide-wavuze-ikinyarwanda-mu-gitaramo-cy-amateka-yakoreye-i-kigali-yashimiye-perezida-kagame-amafoto

  • Niba wiyemeje kutikingiza ntitwakwemerera kujya kwanduza abandi – Minisitiri Ngirente #Rwanda #RwOT via @kigalitoday #rwanda #RwOT

    Minisitiri Edouard Ngirente
    Minisitiri Edouard Ngirente

    Minisitiri w’Intebe yabitangarije Inteko Ishinga Amategeko tariki 03 Ukuboza 2021, avuga ko intego Umuryango w’Abibumbye (UN) yasabye buri gihugu ku isi kugeraho mu gukingira abaturage bacyo, itagombaga kujya munsi ya 10% by’abaturage bitarenze tariki 30 Nzeri 2021.

    Dr Ngirente asobanura ko Leta y’u Rwanda yagejeje iyo tariki intego ya 10% yaramaze kugerwaho kera, ndetse kuri ubu yanarengeje 30% nk’uko yari yabyiyemeje kugeza muri uku kwezi k’Ukuboza 2021.

    Kugera ku wa Gatanu tariki 03 Ukuboza 2021 ubwo Minisitiri w’Intebe yatangazaga iyi mibare, abari bamaze guhabwa doze ya mbere y’Urukingo rwa Covid-19 bageraga kuri 6,114,471(bangana hafi na 50% by’abaturage bose b’Igihugu), abari barahawe doze ebyiri bakaba bari bageze kuri 3,680,146.

    By’umwihariko mu Baturarwanda bagomba gukingirwa bose mu Gihugu, Leta ngo yarengeje urugero rwa 40%, bahwanye na 3,625,636 bamaze guhabwa doze zombi z’urukingo rwa Covid-19, mu gihe abamaze guhabwa nibura doze imwe barenga 67%.

    Minisitiri w’Intebe avuga ko abatuye Umujyi wa Kigali bafite nibura imyaka 18 y’ubukure bahereweho mu gukingirwa Covid-19 ubwo iyi gahunda yatangiraga muri Werurwe 2021, bose(100%) bakingiwe.

    Avuga ko haramutse hongeweho abafite imyaka 12 kuzamura, abangana na 869,909(bahwanye na 89.2% bamaze guhabwa doze ebyiri, mu gihe abamaze guhabwa imwe ari 1,032,499.

    Mu zindi ntara (cyane cyane mu turere dukora ku mipaka) abagera kuri 34% bamaze guhabwa doze zombi, mu gihe abahawe imwe ari 62%.

    Leta y’u Rwanda ifite gahunda yo gukingira abaturage bayo barenga miliyoni icyenda(bahwanye na 69.4%) bitarenze ukwezi k’Ukuboza 2022, nk’uko Minisitiri w’Intebe yabitangaje.

    Dr Ngirente akomeza agira ati “Niba wowe wiyemeje kutikingiza, ntabwo tukwemerera kujya kwanduza abandi Banyarwanda, igihe wagiye muri Sitade waranze kwikingiza ugasangamo abikingije ukabanduza n’ubwo batazaremba ariko uzaba wabateye ubwo burwayi, ubwo ni bwo burenganzira umuntu atagomba kwiha, (nyamara) urukingo turutangira ubusa.”

    Minisitiri w’Ubuzima, Dr Daniel Ngamije na we witabiriye Ikiganiro Minisitiri w’Intebe yagejeje ku Nteko , asobanura impamvu habayeho no gutanga doze ya gatatu ku bantu bakuze n’abafite ubudahangarwa buke bw’umubiri, ko ari ugushimangira imikorere ya doze ebyiri zabanje gutangwa.


    source : https://ift.tt/3Ilpd27

  • Igitaramo cya Symphony Band na Ric Hassani abantu babuze gikererwa amasaha 5 yose (AMAFOTO) #rwanda #RwOT

    Igitaramo cy’itsinda rya Sympony Band ryatumiyemo umuhanzi wo muri Nigeria, Ric Hassani cyiswe 'Fantacy Music Concert’ cyagaragayemo ubwitabire bwo ku rwego rwo hasi byatumye gikererwaho amasaha 5 yose.

    Byari biteganyijwe ko iki gitaramo kigomba gutangira ku isaha ya saa 15:00′, ariko bitewe n’ubwitabire buke byatumye gikererwa.

    Benshi babihuje n’uko n’ubundi tariki ya 4 Ukuboza 2021 cyabereyeho, muri Kigali Arena hari hateganyijwe ikindi gitaramo cy’umwami wa Rhumba, Koffi Olomide bagakeka ko ari ho benshi bari bigiriye.

    Saa 20:00′ zibura iminota mike nibwo Ally Soudy wari MC muri iki gitaramo yageze ku rubyiniro atangira gushyushya abantu bake bari bahari, uko amasaha yashiraga niko abantu biyongeraga.

    Nta mwanya munini waciyeho ahita aha ikaze itsinda rya Symphony Band umwanya riza gucurangira bake bari bahari.

    Iri tsinda ryagerageje gukora iyo bwabaga ngo bashimishe abari baje kubashyigikira, ryaririmbye zimwe mu ndirimbo zabo zikumwe nka 'Replay’, 'Igitabo’ na 'I Miss U’ n’izindi.

    Iri tsinda ryakurikiwe na Nel Ngabo wishimiwe cyane n’urubyiruko rwari rwitabiriye iki gitaramo, uyu muhanzi yaririmbye zimwe mu ndirimbo ze nka 'Sawa’, 'Nywe’, 'Tayali’ na 'Muatale’ yakoranye na Bruce Melodie yishimiwe na benshi.

    Nel Ngabo akaba yakorewe mu ngata na Confy waririmbye 'Joana’, 'Panha’ na Pole Pole n’izindi.

    Ric Hassani wari wazinduye benshi ni we wahise uhabwa umwanya, uyu muhanzi akaba yakiranywe ibyishimo na bake bari baje kwihera ijisho.

    Uyu muhanzi yasusurukije abari bahari mu ndirimbo ze zitandukanye nka 'Number One’, 'Thunder Fire You’, 'Everthing’, 'Only You’, 'My Only Baby’ yakoranye na Mike Kayihura yahise anahamagara ku rubyiniro bakayiririmbana, yahise anamusigira urubyiniro maze Mike Kayihura na we asusurutsa abakunzi be.

    Iki gitaramo kikaba cyari cyitabiriwe na bimwe mu byamamare nyarwanda cyane mu ruganda rw’umuziki, nka Producer Ishimwe Clement, Dj Ira, abahanzi Bruce Melodie na Platini.

    Symphony Band niyo yabanje ku rubyiniro

    Nel Ngabo yahise abakorera mu ngata

    Confy ku rubyiniro

    Ric Hassani bake bari baje yabashimishije

    Mike Kayihura yaririmbanye na Ric Hassani indirimbo bakoranye

    Dj Ira (ubanza ibumoso) mu bari bitabiriye Fantacy Music Concert

    Platini na Clement bari baje muri iki gitaramo

    Ric Hassani bake bari baje yabashimishije

    Ubwitabire bwo bwari hasi

    AMAFOTO: Inyarwanda

    Source : http://isimbi.rw/imyidagaduro/article/igitaramo-cya-symphony-band-na-ric-hassani-abantu-babuze-gikererwa-amasaha-5-yose-amafoto