Category: Uncategorized

Muri rusange kuva muri Werurwe 2020, ubwo Covid-19 yageraga mu Rwanda, abamaze kuyandura ni ibihumbi 105 barimo 713 bayanduye mu masaha 24 ashize kugeza ku wa 25 Ukuboza 2021. Ni mu gihe abo imaze guhitana ari 1346.

Ibigaragazwa na raporo ngarukamunsi ya Minisiteri y'Ubuzima bitanga ishusho y'uko icyorezo cya Covid-19, muri iyi minsi cyongeye gukaza umurego.

Nk'ubu iyi raporo igaragaza ko mu masaha 24 yarangiye ku wa 25 Ukuboza 2021, mu bipimo 18.127 byafashwe mu gihugu hose, abanduye ni 713. Mu gihe umuntu umwe ari we wahitanywe n'iki cyorezo.

Ikomeza igaragaza ko mu minsi irindwi ishize hamaze gufatwa ibipimo 129.439 hakaba hamaze kugaragara abanduye 3099. Ndetse ijanisha ry'abandura ku munsi rigeze kuri 2,4%.

Ni mu gihe kandi mu minsi irindwi ishize [kugeza tariki 25 Ukuboza 2021], hari abantu babiri bamaze guhitanwa na Covid-19, naho abantu barwariye mu bitaro ubu bakaba ari 59 barimo 9 bagezemo kuri iyi tariki.

Ni ibintu abakurikiranira hafi indwara z'ibyorezo basobanura ko biri guterwa n'impamvu ebyiri.

Bahuriza ku kuba muri iki gihe ku Isi hose hari virusi yihinduranyije ya Covid-19, izwi nka Omicron no kuba muri ibi bihe by'iminsi mikuru abaturage badohoka ku mabwiriza yo kwirinda ikwirakwira ry'iki cyorezo.

Mu kiganiro na IGIHE, Umunyamabanga wa Leta muri Minisiteri y'Ubuzima, Dr Mpunga Tharcisse, yagize ati 'Byose biravanze. Iyi virusi yihinduranyije yandura vuba no gukwirakwira kwayo biroroshye ariko kugira ngo ikwirakwire mu bantu ni uko baba bayihaye icyuho.'

Dr Mpunga avuga ko ku rundi ruhande nubwo hari abantu benshi banduye, mu bitaro hataragera abarembye benshi ari nayo mpamvu hakiri icyizere cyo kuba ibikorwa bitafunga.

Omicron, ifite ubukana budasanzwe

Mu minsi irindwi ishize [kugeza tariki 25 Ukuboza 2021], abamaze kwandura Covid-19 ni 3.099. Ni ukuvuga ko impuzandengo y'abandura iri kuri 2,4%. Abapfa nabo mu minsi irindwi ishize bamaze kuba babiri.

Ugereranyije n'iminsi irindwi yabanje [ni ukuvuga kugeza tariki 18 Ukuboza], abanduye Covid-19, icyo gihe bari 829. Impuzandengo y'abandura yari kuri 0,7%. Icyo gihe ntan'umwe wari wahitanywe n'iki cyorezo.

Ku wa 14 Ukuboza 2021, nibwo bwa mbere Minisiteri y'Ubuzima yatangaje ko mu Rwanda hagaragaye abantu batandatu banduye virusi yihinduranyije ya Covid-19 izwi ku izina rya Omicron.

Ubaze iminsi irindwi mbere y'icyo gihe [kugeza tariki 13 Ukuboza 2021], ubona ko abari baranduye bari 284. Icyo gihe abandura bari ku mpuzandengo ya 0,3%.

Ni mu gihe indi minsi irindwi yabanjirije iyi [kugeza ku wa 6 Ukuboza 2021], abanduye bari 85, na ho umuntu umwe ni we wari umaze gupfa muri iyo minsi.

Mu minsi irindwi ya nyuma y'Ugushyingo 2021, abanduye bari 95 ni ukuvuga ko icyo gihe abandura ku munsi bari ku ijanisha rya 0,1%.

Ibi birajyana n'umubare w'abapfa kuko icyo gihe mu minsi irindwi yari ishize hari hamaze gupfa umuntu umwe ndetse mu bitaro nta murwayi urembye wari urimo.

Dr Nkeshimana avuga ko mu minsi mikuru isoza umwaka abantu bakunda kudohoka ku mabwiriza yo kwirinda ikwirakwira rya Covid-19

Mu kiganiro yagiranye na IGIHE, Umwarimu muri Kaminuza y'u Rwanda akaba n'umwe mu bagize itsinda rishinzwe kurwanya Covid-19, Dr Nkeshimana Menelas, yavuze ko uko imibare y'abandura izamuka ari na ko abarembera mu bitaro n'abapfa baziyongera.

Ati 'Ijanisha ry'abapfa muri Covid-19 mwabonye ko ari 1,3%, ubwo iyo abandura babaye 100 cyangwa 200 kuzamura niko n'abafite ibyago byo gupfa biyongera. Niba abanduye babaye 400, ubwo dushyize mu kaga abantu bane bashobora kubigwamo.'

Yakomeje agira ati 'Kugira ubwandu bwinshi n'impfu zibizamukiramo. Umuti nta wundi ni imbaraga za buri muntu mu guharanira ko habaho ubwandu buke tuvuga ngo n'abazarwara nta wuzahasiga ubuzima.'

Ku rundi ruhande ariko Dr Mpunga yavuze ko kuba mu bandura bashya harimo abakingiwe n'abatarakingirwa.

Ati 'Ikigaragara ni uko abandura benshi ni abo mu Mujyi wa Kigali, kandi abenshi barakingiwe byuzuye, bivuze ko abakingiwe benshi aribo bari kugaragaramo.'

Yakomeje agira ati 'Ni na yo mpamvu dutekereza ko kuba barwara ntibarembye, ubwo ni ukuba bafite ubwo budahangarwa bw'urukingo babonye.'

Kuki buri gihe mu minsi mikuru?

Mu Ukuboza 2020, ari na bwo bwa mbere iki cyorezo cyari gitangiye gukaza umurego, abandura batangiye kugera mu 100 ndetse baza kugera kuri 300 muri Mutarama 2021.

Abasesengura imiterere y'icyorezo bagaragazaga ko impamvu nta yindi ari ukudohoka kw'abaturage bari binjiye mu bihe by'iminsi mikuru isoza uwo mwaka.

Imibare y'abandura Covid-19 nk'iyi yaherukaga hagati ya Kamena na Kanama 2021, aho Isi yari ihanganye na virusi yihinduranya ya Delta yaje no kugera mu Rwanda igatuma abandura bagera mu 2700 mu gihe cy'amasaha 24 gusa.

Kuva tariki 5 Kanama 2021, abandura Covid-19, umunsi ku munsi batangiye kugenda bagabanyuka ndetse bagera ubwo babaye batanu [aha hari tariki 30 Ugushyingo 2021].

Dr Nkeshimana avuga ko by'umwihariko mu bihe by'iminsi mikuru isoza umwaka, abaturage bakunda kwirara bakadohoka ku kubahiriza amabwiriza.

Ati 'Mbere habayeho kuburira abantu bashishikarizwa kwitwararika kubera ko tuzi neza mu gihe cy'iminsi mikuru abantu tuziko ibya Covid-19, baba babiparitse batari kubahiriza ingamba ku rwego rwo hejuru.'

Yakomeje agira ati 'Tuba turi mu ngendo zitari ngombwa, abantu bavanyeho agapfukamunwa, niho imibare irimo kuzamuka ariko urebye na raporo za polisi y'igihugu nabo berekana ko hirya no hino abantu bibereye mu bindi.'

Nko kuri uyu wa Gatandatu [kuri Noheli], Polisi y'Igihugu ikorera mu Karere ka Rulindo yafashe abantu 11 barimo n'Umunyamabanga Nshingwabikorwa w'Umurenge wa Shyorongi.

Aba bose bari bakoze ubukwe butubahirije amabwiriza yo kwirinda Covid-19, ndetse mu bafashwe harimo uwasanganywe ubwandu bwa Covid-19.

Dr Nkeshimana akavuga ko ibi byose bigaragaza ko imyitwarire y'abaturage banga kubahiriza amabwiriza yatanzwe na Minisiteri y'Ubuzima aribo bashobora gukomeza gushyira igihugu mu kaga.

Ati 'Ibyo byose rero nta kindi bibyara ni imibare izamuka. Mu gihe abantu batari bumva uburemere bwabyo, imibare ishobora no kuzamuka ikarenga n'iyo twigeze kubona. Hari ibyo inzego zadufasha ariko hari n'imyitwarire y'abaturage.'

Dr Mpunga yibukije ko gufata inkingo ari indi ntwaro ishobora gufasha ndetse asaba abamaze amezi atandatu bahawe doze ebyiri by'umwihariko abo mu Mujyi wa Kigali kwihutira gufata urukingo rushimangira.

Umunyamabanga wa Leta muri Minisiteri y’Ubuzima, Dr Mpunga Tharcisse, yavuze ko Abaturarwanda bakwiye kwitwararika ku mabwiriza yo kwirinda Covid-19

Mu ijoro ryo kuwa Gatandatu tariki ya 25 Ukuboza 2021, ni bwo amakuru y'uko ikiraro cyambukirwaho n'abanyamaguru, gihuza Umurenge wa Rongi wo mu Karere ka Muhanga n'uwa Ruli wo mu Karere ka Gakenke yamenyekanye aho bamwe bavugaga ko cyasenywe n'imvura.

Meya w'Akarere ka Gakenke, Nizeyimana Jean Marie Vianney, yabwiye IGIHE ko bari babwiwe ko iki kiraro cyasenywe n'imvura ariko bahageze bagasanga ahubwo cyasenywe na bamwe mu baturage bari bagamije inyungu zabo bitewe n'uko nta mvura yaguye muri aka gace yasenya iki kiraro.

Yagize ati 'Ubu ni bwo tukiva kuri Nyabarongo aho icyo kiraro cyari kiri gusa amakuru twahawe nijoro ni uko ari imvura yagitwaye ariko twanga kubyemera kuko twabonaga nta mvura yaguye yari kubasha kukijegeza ariko dufite n'andi makuru yatanzwe n'abaturage avuga ko hashobora kuba hari abandi bantu bagisenye ku nyungu zabo bashaka ko bajya bambutsa abaturage bakoresheje ubwato.'

Yongeyeho ko ibi byakoze mu nkokora ubuhahirane bw'Akarere ka Muhanga na Gakenke bitewe n'uko abaturage bagikoreshaga bajya kurema amasoko ndetse n'abaganga bavaga i Muhanga bagiye gukorera mu Bitaro ya Ruli.

Yakomeje avuga ko abantu batandatu ku ruhande rw'Akarere ka Gakenke na batanu bo muri Muhanga bamaze gutabwa muri yombi mu gihe iperereza rigikomeje.

Ikiraro bivugwa ko cyasenywe n’abaturage cyahuzaga Imirenge ya Rongi muri Muhanga na Ruli muri Gakenke

Uyu munyeshuri yigaga mu mwaka wa gatatu akaba akomoka mu Karere ka Nyamagabe.

Ababanaga na nyakwigendera bavuze ko mu minsi mike ishize ari bwo yasubiye ku ishuri avuye mu Karere ka Nyanza aho yari yagiye mu biraka ari bwo ngo yahise atangira kuribwa mu nda cyane.

Ubwo bamusabaga kumujyana kwa muganga ngo ubabwiye ko yizeye ko aza kumererwa neza. Bukeye bwaho kuri uyu wa Gatandatu yongeye kuribwa mu nda cyane bajya gushaka moto kugira ngo bamujyane kwa muganga bagarutse basanga yapfuye.

Umunyamabanga Nshingwabikorwa w'Umurenge wa Gahini, Rukeribuga Joseph, yabwiye IGIHE ko umurambo wa nyakwigendera wajyanywe mu Bitaro bya Gahini gukorerwa isuzuma nyuma y'uko apfuye atari amaze igihe arwaye.

Yagize ati “Abo babanaga batubwiye ko umunsi ubanziriza uw'ejo yumvaga arwaye ngo bamusabye kumujyana kwa muganga ababwira ko buri bucye ameze neza; nta makuru bigeze batanga yaba mu buyobozi bw'ikigo ahubwo twagiye kumva twumva yapfuye.”

Rukeribuga yavuze ko ibivugwa ko yaba yishwe n'amarozi ari ibikekwa n'abantu ko we ntacyo yabivugaho.

Ijambo ry'Umukuru w'Igihugu rizatambuka kuri televiziyo na radio by'Igihugu saa cyenda z'igicamunsi cyo ku wa 27 Ukuboza 2021.

Byari bimaze kumenyerwa ko iri jambo Perezida Kagame arivugira mu Nama y'Igihugu y'Umushyikirano ariko ntabwo wabashije kuba kubera icyorezo cya Covid-19.

Umukuru w'Igihugu azagaruka ku ishusho y'Igihugu mu 2021, mu bijyanye n'ubukungu, imibereho myiza, imiyoborere n'ibindi.

Umwaka wa 2021 watangiye u Rwanda rwugarijwe bikomeye n'icyorezo cya Covid-19, cyane ko nko muri Mutarama uyu mwaka, hariho gahunda ya Guma mu Rugo.

Gusa uko iminsi yagiye yigira imbere, ibintu byaje gusa n'ibisubira mu buryo ndetse biza kugera ubwo ibikorwa hafi ya byose bifungurwa, u Rwanda rwongera kwakira inama mpuzamahanga, ibikorwa by'ubukerarugendo birasubukurwa n'ibindi.

Uhereye muri Mutarama ukagera mu Ugushyingo 2021, amafaranga yinjijwe avuye mu bukerarugendo ni miliyoni 134$, bigaragaza inyongera ya 19% ugereranyije n'ayari yabonetse mu 2020.

Abagenzi binjira mu Rwanda na bo bariyongereye mu 2021 ugereranyije n'umwaka wabanje kuko kugera mu Ugushyingo bari bageze kuri 36%. Inama zakirwa nazo zariyongereye ku kigero cya 50% ugereranyije n'umwaka wabanje.

Restaurant n'amahoteli bikomeje kuzahuka ugereranyije n'uko byari bimeze mu myaka yabanje nk'aho mu gihembwe cya gatatu cy'uyu mwaka ubukungu bwazo bwazamutseho 62% na 34% kuri buri rumwe.

Ku rundi ruhande ariko mu ntangiro z'Ukuboza 2021, icyorezo cyongeye gukaza umurego ahanini biturutse ku bukana bwa virusi yihinduranyije ya Omicron. Mu Rwanda iyi virusi yahageze ku wa 14 Ukuboza 2021.

Kugeza ubu amabwiriza aheruka gushyirwaho na guverinoma yanzuye ko ibikorwa bihuza abantu benshi birimo imihango y'ubukwe n'ibindi biba bihagaritswe by'agateganyo.

Perezida Kagame azageza ijambo ku Baturarwanda rigaragaza uko igihugu gihagaze

Urukundo rwa Mireille na Fidele rwaratangiye mu 2003 ubwo aba bombi bigaga mu cyiciro rusange cy'amashuri yisumbuye, ibihe byaje guha ibindi barakura umukobwa yerekeza muri Leta Zunze Ubumwe za Amerika aho yize ibijyanye n'itangazamakuru mu gashami kajyana no gutunganya amakuru hifashishijwe ikoranabunga (Media Digital Production).

Yasoje mu ntangiro z'uyu mwaka nk’uko bigaragara ku mbuga nkoranyambaga akoresha, kuri ubu nubwo atuye muri Leta ya Michigan akorera FSU televiziyo yo muri Leta ya Florida, ni mu gihe umusore we yize ibijyanye n'ubuvuzi aho akorera ivuriro rimwe ry'Abahinde rikorera mu mujyi wa Kigali.

Inzira y'urukundo rwaba bombi ikaba yaratangiye ari ubucuti ariko umuhungu we akaba asa n’uwari yarakunze umukobwa kuva cyera aho yahoraga amubaza amakuru by'umwihariko akibanda ku kumenya niba yaba yarashatse cyangwa afite umukunzi. Byaje kuba ibindi  mu mwaka wa 2009 ubwo Fidele yiyemezaga gutangira kumutereta ariko anyuze mu bucuti.

Ariko mu mwaka wa 2019 nibwo batangiye guteretana byeruye nyuma y'amasengesngesho bose bakoraga basabira abo bazabana, nyuma rero aba baje kwemeranya kubana ariko binyuze mu buryo bw'ikoranabuhanga kuko umusore yize hanze ariko aza kugaruka, mu gihe umukobwa na we asanzwe yibera muri Amerika ari nabyo byatumye bifashisha uburyo bw’iyakure muri gahunda zabo.

Ubwo rero mu minsi mike ishize nyuma y'imyaka 10 Bahati Grace yari amaze atagera mu Rwanda yazaga, benshi bibajije impamvu nyamukuru yaba imuzanye ariko yari ubukwe bwa Mireille yanambitse ikamba mu birori byo gusezera urungano byabereye muri Leta Zunze Ubumwe za Amerika.

Umuhango wo gusaba no gukwa Mireille batazira Mimi ku mbuga nkoranyambaga wabaye kuwa 12 Ukuboza 2021, witabirwa na Bulldogg wari unambariye umusore Fidele bakaba n'inshuti magara dore ko uyu musore ari uw'i Nyamirambo, Mike Karangwa akaba ariwe wari umusangiza w'amagambo, naho Jules Sentore niwe muhanzi wasusurukije ababwitabiriye.

Kuwa 19 Ukuboza 2021, nibwo habaye ibirori byo gusezerana imbere y'Imana aho Bulldogg na Bahati Grace bari mu bambariye abageni ndetse nyuma yibyo birori umuryango mushya wa Mireille na Fidele washimye Bahati Grace ku bwitange yagize, bati:' wakiriye impano idasanzwe ku munsi w'ubukwe bwacu, ariko ni ibintu by'agatangaza kubona Michou Ruta (Mireille) akubonye muri Kigali nyuma y'imyaka 10  kubera ubukwe bwe.'

Bahati Grace nawe yagaragaje ko yishimye kandi ashima n'Imana yabimushoboje ati:' Mwarakoze kumpitamo kugira ngo mbabe hafi ku munsi w'agatangaza wanyu, ndashima Imana ko byabashije kunkundira. Ndagukunda mukunzi.'Fidele na Mireille basezeranye kubana akaramata nyuma y’imyaka 18 baziranye

Bahati Grace ni we wambitse ikamba ku munsi w’ibirori byo gusezera ku bukumi Mireille 

Umuhango wo gusaba no gukwa Mireille wabaye kuwa 12 Ukuboza 2021Bulldogg ari mu bambariye Fidele mu gusabaFidele na Mireille basezeranye imbere y’Imana n’abantu nyuma y’imyaka 18 baziranye 

Bulldogg yambariye Fidele no mu gusezerana imbere y’Imana

Bahati Grace yagarutse mu Rwanda nyuma y’imyaka 10 kubera ubwukwe bwa Mireille na Fidele inshuti ze magara

Urukundo rwabo rwakomeye mu mwaka wa 2009

Bose bize hanze

Urukundo rwabo rwatangiriye mu mashuri yisumbuye

Fidele avuka i Nyamirambo

Umukobwa yemeye ko bazabana mu buryo bw’ikoranabuhanga

Mu mpera z’umwaka ushize Mireille yari yaje gusura Fidele

Mireille yaminuje mu bijyanye na Media Digital Production

Fidele yamuje mu bijyanye n’ubuvuzi

Uko abasore bari babucyereye ku munsi wo gusaba

Jules Sentore niwe waririmbye indirimbo yo gusohora umugeni

Mike Karangwa niwe wari umusangiza w’amagambo mu bukwe bwa Fidele na Mireille

Munyaneza Confiance wamenyekanye nka Confy, aganira na Inyarwanda.com, yavuze ko indirimbo Mali ishingiye ku mukobwa uhenze ndetse ngo wihagazeho kandi ntakunde akavuyo bigatuma abasore bari mu rungano rwe bamurwanira,  kumugeraho bikababera intambara gusa ngo we akaza kumugeraho.

Confy yahamiririje INYARWANDA ko mu ntangiriro z’umwaka utaha wa 2022, azashyira hanze indirimbo eshatu zirimo iyo yavuze ko Abanyarwanda bazakunda cyane bitewe n'uburyo yanditse ndetse n'umuziki urimo utandukanye n'uwo asanzwe akora. Mu magambo ye yagize ati:

'Umwaka utaha nzashyira hanze indirimbo eshatu icyarimwe kandi zizaba zirimo indirimbo imwe nzi neza ko Abanyarwanda bazakunda cyane bitewe n'uburyo yanditse n'injyana izaba irimo itandukanye n’iyo nsanzwe nkora'.

Confy yifurije Abanyarwanda bose umwaka mushya muhire, abasaba gukomeza kumushyigikira muri muzika ye bareba indirimbo ye 'Mali', iri kumbuga zitandukanye zigurisha indirimbo no kuri konti ye Youtube.Yagize ati:

'Abanyarwanda , ndabifuriza umwaka mushya muhire , kandi mbasaba gukomeza gushyigikira impano yanjye no gushyigikira ibihangano byanjye by'umwihariko indirimbo nshya mperutse gukorera amashusho kugeza ubu iri kumbuga zanjye zose'.

Confy ni umuhanzi Nyarwanda , ufite impano inyura benshi iyo yashyize ijwi rye mu byuma by'abugenewe agakora indirimbo.

REBA HANO AMASHUSHO Y’INDIRIMBO MALI YA CONFY

Urukundo ni kimwe mu bintu bikomeye kandi kiryoha ndetse uwo rwafashe biragora kurwigobotora, kuruhisha bikaba iby'iminsi mbarwa, uwahiriwe narwo agatuza agatera imbere agatunga agatunganirwa.

Abakundana hari amagambo babwirana akora k'umutima agasukura roho agasubiza uturemangingo mu mwanya watwo, ayo umuhanga wo hambere w'umunyarwanda yasesenguye akayakubira mu ijambo rimwe ryitwa 'imitoma'.

Yagoforreal nawe akaba ariyo yifashishije arata umwari wibera Michigan muri Leta Zunze Ubumwe za Amerika witwa Rudakangwa Charly Esther ariko ku mbuga nkoranyambaga akoresha 'Charlyesthy_19'.

Yagoforreal yagize ati:'Nakwandika igitabo cyose ku munsi wawe, uzi neza ibyo njye nawe twanyuranyemo, ukwiye byose mwamikazi, ubaye umwaka wose n'iminsi micye, ndishimira ubuzima bwawe kandi ni igihango cyacu, Charly ramba ubuntu bw’Imana bukubeho iteka ryose.'

Ni imitoma itondetse neza imwe ushobora gutera n’uwari agiye gushyingirwa agakuramo ikanzu akagukurikira, mwaba mutari mu rukundo akifuza ko murujyamo ibyo byatumye Charly nawe amusubiza atanyuze ku ruhande amurata ubukaka anamushima kuba umugabo w'agatangaza.

Charly ati:'Reka Imana ihabwe icyubahiro imyaka yindi myinshi, Imana ijye iteka iha umugisha umutima wawe utagereranwa, urakoze cyane ku bw'imirimo y'amaboko yawe n'ibindi byose, icyo nakubwira uri umugabo utikoraho.'

Benshi mu babonye ubu butumwa bagaragaje ko batewe ishema na Yagoforreal na Charly,  basa n'abemeza ko bari mu munyenga w'urukundo nk'umunyamakuru wa Tv/Radio10 wahise amurata amashimwe agira ati:'Imana izabubakire.'

N'abandi bagaragaje bifashishije utumenyetso twifashishwa ku mbuga nkoranyambaga bagaragaza ko bakozwe ku mutima nibyo Yagoforreal yakoze barimo Chita, Pizzo, Aline Gahongayire n'abandi banyuranye.

Yamutomagije undi nawe amurata ubukaka no kuba rudasumbwa

Utumenyesto tw’imitima twavugije ubuhuha yaba kuri banyirubwite n’ababakurikira banahaye umugisha urukundo rwabo

Charly yibera muri Michigan mu gihugu cya Leta Zunze Ubumwe za Amerika

Yemeje ko umutima wa Yagoforreal ari ntagereranwa

Yagoforreal yamwifurije isabukuru nziza anahamya ko atariyo yonyine yishimira ari igihango bafitanye

Ubutumwa bwa Charly bugaragaza ko ari umukirisitu ukomeye

Umwe mu bashyize inyunganizi ku butumwa bwa Yagoforreal yahamije ko yari yarabivuze ko afite umukunzi wibera imahanga

Rudakangwa Charly Esther