Category: Uncategorized

Ikigo cy’Igihugu gishinzwe ubugenzuzi bw’imiti n’ibiribwa (Rwanda FDA) cyahagaritse izi nzoga kuri uyu wa Kabiri tariki 28 Ukuboza 2021.

Inzoga izwi nka Umuneza ivugwaho kuba ari yo yahitanye abantu bane bayinyoye mu mpera z’icyumweru gishize mu Murenge wa Kimihurura mu Karere ka Gasabo.

Abo bantu bane barimo umugore umwe bapfuye mu bihe bitandukanye nyuma yo kunywa iriya nzoga nyinshi, bakaza kumererwa nabi mu gihe ubu hari n’abandi babiri barembye.

Iyi nzoga yitwa Umuneza isanzwe yengwa mu bitoki yari inasanganywe ikirango cy’ubuziranenge gitangwa n’ikigo cy’Igihugu cy’ubuziranenge RSB.

Ikigo Rwanda FDA cyasohoye itangazo rihagarika ikwirakwizwa n’icuruzwa ry’ibi binyobwa birimo iyi nzoga ya Umuneza na Tuzane.

Itangazo rya Rwanda FDA rigira riti 'Ishingiye ku igenzura ryakozwe nyuma ya raporo z’abantu bikekwa ko bagizweho ingaruka nyuma yo kunywa bimwe mu binyobwa byavuzwe haruguru, mu gihe Rwanda FDA ikiri gukora ubusesenguzi bwimbitse ndetse n’ibipimo bya Laboratwari ngo hamenyekane neza icyateye ingaruka abantu bagize, Rwanda FDA ibaye ihagaritse guruza, gukwirakwiza no kunywa izo nzoga zavuzwe haruguru.'

Iki kigo gisaba abantu bose baranguzaga n’abacuruzaga ibi binyobwa kubigarika ndetse n’abazinywaga bakabihagarika.

By’umwihariko kuri uyu munsi hirya no hino mu Gihugu, habaye gahunda yo gushyikiriza ibyo bikorwa abaturage, muri uyu mwaka hakaba hizihizwa imyaka 21 y’ubufatanye bwa Polisi n’abaturage mu kubungabunga umutekano no guteza imbere imibereho myiza y’abaturage.

Ibikorwa Polisi yamuritse byatwaye amafaranga y’u Rwanda angana na Miliyoni 997.

Kuri uyu wa Kabiri tariki 28 Ukuboza 2021, Ubuyobozi bw’Umujyi wa Kigali bwatangaje uko Uturere tugize uyu Mujyi twarushanyijwe muri aya marushanwa y’ubukangurambaga aho Kicukiro ifite amanota 94,6%, Gasabo ikagira amanota 84% naho Nyarugenge igira amanota 80%.

Naho Umurenge wabaye uwa mbere muri ubu bukangurambaga ni uwa Umurenge Bumbogo wo mu Karere Gasabo wahembwe imodoka nk’igihembo nyamukuru mu marushanwa yabaye mu Mirenge 35 igize Umujyi wa Kigali. Igenzura ryarebye uko kurwanya COVID-19 byubahirizwa mu nzego zose.

Na none kandi hatangajwe Imidugudu itatu yabaye iya mbere muri buri Karere aho nko muri Gasabo hari uwa Rugando wo mu Murenge wa Bumbogo wagize amanota 96.9%, uwa Inyange wo mu Murenge wa Kimironko wagize 95.6% n’uwa Gasasa wo muri Kimihurura wagize 94.1%.

Mu Karere ka Kicukiro, Umudugudu wa Rukatsa wo mu Murenge wa Kagarama wagize amanota 96.8%, naho Umudugudu wa Uwakeke wo mu Murenge wa Kigarama wagize 94.6% na Muhabura wo mu Murenge wa Kanombe.

Mu Karere ka Nyarugenge, Umudugudu wa Ubucuruzi wo mu Murenge wa Muhima wagize amanota 98%, uwa Gacaca wo mu Murenge wa Nyarugenge ugira 97% na Kamatamu wo mu Murenge wa Mageragere ukaba waragize amanota 96.1%

Umudugudu wa Mbere wahawe ibihembo bifite agaciro ka Miliyoni 2.5 Frw, uwa Kabiri uhabwa ibifite agaciro ka Miliyoni 1.5 Frw naho uwa Gatatu uhabwa ibifite agaciro ka Miliyoni 1 Frw.

Uyu muhanzikazi uzwiho udushya twinshi kubera amafoto akunze gushyira ku mbuga nkoranyambaga ntavugweho rumwe, ubu noneho yashyizeho ifoto yifashe ku mwanya we w’ibanga.

Ariel Wayz yongeye kwibasirwa bikomeye ku mbuga nkoranyambaga nyuma yo gushyira ifoto hanze, maze akibasirwa n’umufana we wamubajije ikibazo gikomeye.

Uwayezu Ariel uzwi nka Ariel Wayz akaba ari umwe mu bahanzi barimo gukora inkuru zivugisha benshi mu myidagaduro ya hano mu Rwanda, nyuma yo kugaragaza ifoto yamamaza Album ye yise 'Love & Lust' mu ifoto igaragaza amabere ye yari yavugishije benshi.

Nyuma yaje kubibazwa ho maze asubiza ko amabere ari aye ntawe bayafatanyije bityo agomba kuyakoresha icyo ashaka.

Kuri uyu munsi Ariel Wayz yashyize ifoto ku rubuga rwe rwa Instagram igaragaza ukuboko kwe gufashe ku myanya ndangagitsina.

Mu bitekerezo yahawe birenga 86 harimo igitekerezo cy’uwitwa Ingabire Sandra yagize ati 'Nagerageje gushakamo icyo atwigisha n’icyo kudususurutsamo.'

Ariel Wayz yamusubije ati 'Instagram yabaye ishuri ryari se muko ?,Unfollowing maze ujye gushaka aho bagususurutsa.'

Ni ifoto ikomeje kuvugisha benshi ku mbuga nkoranyambaga ndetse irimo gutangwaho ibitekerezo byinshi ndetse bitandukanye.

Ariel Wayz ari kumwe na Juno Kizigenza aherutse kugaragara yafunguye ibipesu by’ishati yari yambaye maze bamufotora rigaragara ku buryo bamwe bakekaga ko byamucitse abandi batangira kuryita irya Bigogwe bitewe n’uburyo ryanganagamo.

Inama y’uwo muryango mu Rwanda nk’uko byatangajwe n’Ubuyobozi bwawo, iteganyijwe ku itariki ya 8 Mutarama 2022 saa tatu za mu gitondo, ikazabera mu cyumba cy’inama cy’Umutwe w’Abadepite ku Kimihurura.

Ni Umuryango watangijwe mu Rwanda ku itariki 8 Kanama 2015, hatorwa abayobozi bawo batandukanye, Umuyobozi mukuru wawo akaba ari Musoni Protais. Mu ijambo uwo muyobozi yavuze kuri uwo munsi wo gutangiza 'Pan- African Movement mu Rwanda, yahamagariye abawugize gukomeza urugamba rwo kurwanya ubukoroni kuko ntaho bwagiye mu gihe Abanyafurika bagitegera amaboko abaturage bo ku yindi migabane.

Yagize ati 'Ba mpatsibihugu ntaho bagiye, baje mu bundi buryo bwo gutanga inkunga, bwa gisirikare n’ibindi, ariko nta kuganya, ahubwo reka duhuze imbaraga dukore. Uyu muryango uzadufasha kwagura gahunda ya ndi Umunyarwanda ikaba ndi Umunyafurika'.

Ni inama izaterana ifite insangamatsiko igira iti 'Twongere ikibatsi mu guteza imbere ubumwe n’ubufatanye hagati y’Abanyafurika, tugamije iterambere rirambye kugira ngo tuzagere ku ntego za Afurika twifuza muri 2063'.

Hasigaye iminsi itatu ngo umwaka wa 2021 usozwe, hatangire ipaji y’umwaka mushya wa 2022. Mu myidagaduro n’ubwo byari bigoye kubera icyorezo cya COVID-19, ni umwaka usize bamwe mu bahanzi nyarwanda bateye intambwe yo kwishimira ku buryo ibikorwa byabo byanyuzwe n’abatari bake.

Mu mboni za Sadate Munyakazi wabaye perezida wa Rayon Sports akaba n’umukunzi w’umuziki, yagaragaraje urutonde rw’abahanzi nyarwanda abana bakoze kurusha abandi muri uyu mwaka kandi bakwiye kubishimirwa.

Mu kiganiro na Inyarwanda.com, hari aho yagize ati:”Kugeza ubu ngubu navuga ko mu maso yanjye nkibona yuko umuhanzi witwa Bruce Melodie a.k.a Munyakazi mu gani we,  mbona ari umuhanzi wakoze byinshi muri uyu mwaka ndetse navuga ko byanatanze umusaruro, kuko urebye harimo kuronshinga imyaka icumi ye amaze mu muziki, hari n’ibindi bikorwa yagiye akora n’indirimbo nyinshi yasohoye bigaragaza ko yakoze cyane”.

Bruce Melodie Sadate yamushyize ku isonga 

Mu bandi bagarutsweho, ni Meddy na The Ben aho yagize ati” Yaba Meddy na The Ben bubatse amateka akomeye mu muziki nyarwanda ku buryo ibihangano byabo nta muntu wapfa kubikerensa cyangwa ngo abishyire ku ruhande”. 

Meddy na The Ben nibo yakurikijeho 

Hari n’abandi bahanzi abona barimo kugerageza bakiri bato, banazana Hit zikozwe n’urubyiruko, aho yagize ati”Hari umukobwa witwa Ariel Wayz ndetse na mucuti we [Juno Kizigenza ]uherutse gusohora indirImbo irimo umukobwa wadutangaje twese dukurikije uko dutuye tubona nyine nk’abanyarwanda, ariko muri rusange abo bantu rwose mbona barakoze kandi navuga ko n’umuziki nyarwanda umaze kugira urwego umaze kugeraho”.

Juno na Ariel Wayz bakomeje guheza abantu murungabangabo ku mubano wabo, nabo Sadate yabashyize kuri uru rutonde abona rw’abahanzi bigaragaje mu 2021

Cyakora, mu marangamutima ye yongeyeho ko ubusanzwe akunda umuhanzi witwa Social Mula, anagaragaza ko nubwo byari mu bihe bitoroshye urwego rw’ubuhanzi narwo rwateye imbere muri uyu mwaka.

Sadate Munyakazi yahishuye ko akunda Social Mula

Ubusanzwe ngo mu gihe abaturage bakeneraga kugira icyo bamenya ku bijyanye na Covid-19, birimo kubaza kode (code) yaba iyo bafatiyeho urukingo cyangwa iyo bakoresha bipimisha mu gihe bayibagiwe biyambazaga umurongo wa 114 bahamagaraga bagahabwa ibisobanuro ku bibazo byabo.

Ariko ngo muri iyi minsi abantu bakoresha uyu murongo bariyongereye bitewe n’ingamba zashyizweho zirimo ko hari aho abantu basabwa kwerekana ko bikingije, bityo bituma igihe cyo gusubizwa cyangwa guhabwa ibisobanuro ku byo umuntu yifuza cyiyongera.

Mu rwego rwo kugira ngo abaturage bakomeze kubona serivisi nk’uko bagomba kuyihabwa, hari ubundi buryo bwashyizweho abantu bashobora kwifashisha nk’uko bisobanurwa na Dr. Albert Tuyishime, umuyobozi ushinzwe ishami rishinzwe gukumira no kurwanya indwara muri RBC.

Ati 'Hari ubundi buryo bwashyizweho abantu bashobora kwifashisha, bakanze *114# hanyuma bakajya aho umuntu ashobora kurebera amakuru yo kwikingiza, aho umuntu ashobora guhita abona inkingo yahawe, ariko na none ashobora no kubona ya kode nk’uko bajyaga bayidusaba, ibyo rero biragabanya igihe umuntu yamaraga arimo ariyambaza uriya murongo 114, ariko na none abone n’amakuru ku buryo bwihuse'.

Ku bijyanye n’abakoresha ibizamini by’umwihariko ibya PCR batinda kubona ibisubizo, ngo byatewe n’uko Abanyarwanda bamaze gusobanukirwa ko kwipimisha kenshi kugira ngo umuntu amenye uko ahagaze ari ngombwa, byanatumye umubare w’ibipimo wiyongera nk’uko Dr. Tuyishime akomeza abisobanura.

Ati 'Byatumye abipimisha bagenda biyongera, bityo umubare w’ibipimo tugomba gukora uriyongera, n’igihe byafataga kugira ngo babone ibisubizo na cyo kiyongeraho, gusa ni ikintu cyiza, ntabwo jye navuga ko abantu bagakwiye kureba ugutinda kw’ibisubizo, ahubwo icyo kintu cyo kumva neza agaciro ko kwipimisha cyane, ni cyo tugomba kurebaho, kuko twe biradufasha, ari ukumenya ishusho y’icyorezo ariko binafasha umuntu ku giti cye kugira ngo amenye uko agomba kwitwara mu gihe dufite iki cyorezo aha ngaha'.

Abantu bafite ingendo zo kujya hanze zisaba ibisubizo bitarengeje amasaha runaka, barashishikarizwa byibuze gufata ikizamini amasaha 48 mbere y’uko bakora urugendo kugira ngo igihe cyo kubona ibisubizo kibe gihari gihagije.

Ku bantu bahura n’ibibazo byo kubura amakuru y’uko bikingije mu gihe bagerageje gukoresha uburyo bashyiriweho, barashishikarizwa kujya begera ikigo nderabuzima kibegereye cyangwa ahakingirirwa aho ari ho hose kuko ashobora gufashwa kubona igisubizo.

Leta y’u Rwanda yari yarihaye intego yo gukingira abantu bangana na 30% mbere y’uko uyu mwaka urangira, ariko amakuru aturuka mu nzego z’ubuzima avuga ko uyu munsi abamaze gukingirwa Covid-19 byuzuye mu Rwanda barenga 41%.