Category: Uncategorized

Amasezerano yasinywe bayishimiye kuko yitezweho umusaruro

Ni amasezerano yasinyiwe ku cyicaro cya MIPC riherereye mu Murenge wa Cyuve mu Karere ka Musanze, ku wa Kabiri tariki 28 Ukuboza 2021 ari na ho ayo mahugurwa agiye kubera, aho ku ikubitiro hagiye guhugurwa abarimu 12 b’iryo shuri mu minsi 10.

Ni amahugurwa agiye gutangwa n’Urugaga rugizwe n’imiryango y’abantu bafite ubumuga (UPHLS), ruterwa inkunga na UNICEF mu mishinga inyuranye, irimo n’uw’uburezi budaheza.

Igitekerezo cy’uwo mushinga cyaje nyuma yuko byagaragaye ko hari imbogamizi ku mubare munini w’abana bafite ubumuga bunyuranye, aho uburezi budaheza ngo usanga buvugwa mu magambo, ntibishyirwe mu ngiro, nk’uko Francisco Xaver Karangwa, Umuyobozi Nshingwabikorwa wa UPHLS yabitangarije Kigali Today.

Yagize ati 'Uburezi budaheza mu by’ukuri turabuvuga mu mpapuro, wagera mu bikorwa ugasanga ntabwo, ibyo ndabivuga nyuma y’ubushakashatsi duherutse gukora. Urugero mu cyiciro cy’abana bafite ubumuga bwo kutavuga no kutumva, nta barimu bazi ururimi rw’amarenga, mwarimu arigisha agategereza ko umwana bahurira mu kizamini, ndetse n’abo bana ubwabo hari abatazi urwo rurimi kubera ko batigeze bajyanwa mu ishuri, imbogamizi nyinshi kuri abo bana ni imitangire ya serivisi'.

Amasezerano yasinywe hagati ya MIPC na UPHLS

Arongera ati 'Ibyo urabihuza n’akato n’ihezwa, aho umubyeyi abyara abana batanu uwavukanye ubwo bumuga ntajyanwe ku ishuri ngo ntacyo azamara, kandi abo bana barashoboye ingero mwazibonye, aba barimu bagiye gutanga amahugurwa ku rurimi rw’amarenga bafite ubwo bumuga, barize ufite amashuri make yize icyiciro cya kabiri cya Kaminuza (A0)'.

Kuba amashuri y’itorero rya Anglican yarabashije kugerageza gutanga serivisi kuri ubwo burezi budaheza, aho ishuri rya MIPC rimaze kwigisha abana batatu bafite ubwo bumuga, ngo ni cyo cyateye UNICEF gutangiriza uwo mushinga wo kwigisha abarimu ururimi rw’amarenga muri iryo shuri nk’igerageza, umushinga muri rusange ukazatangizwa umwaka utaha.

Pasiteri Manirakiza Vital, Umuyobozi wa MIPC, yagarutse ku ibanga bakoresheje kugira ngo abo bana bafite ubumuga bwo kutavuga no kutumva bige muri iryo shuri banatsinde.

Pasiteri Manirakiza Vital Umuyobozi wa MIPC

Yagize ati 'Twakira bariya bana uko ari batatu, twasanze bashoboye, biga neza ndetse baranatsinda babona amanota abajyana muri Kaminuza. Umwe yarangije ayisumbuye, yishimira serivisi ya hano ahakomereza Kaminuza arasoza mu mwaka utaha. Tubakira bagiye bahura n’imbogamizi kuko mwarimu ntaba azi urwo rurimi, ubufasha bahabwa bwari hasi cyane'.

Arongera ati 'Icyadufashije ni umwana witwa Divine kuko akigera hano yishatsemo ibisubizo ashaka umwana udafite ubumuga amwigisha ururimi rw’amarenge, nibwo uwo mwana yigishije yatangiye kujya amusobanurira amasomo. Aho ni ho havutse igitekerezo cyo kubiganiriza UPHLS na UNICEF baradusura, tubabwiye icyo gikorwa cyafashije umwana kwiga, ni ho havuye uyu mushinga wo guhugura abarimu, ubu utangiranye n’abarimu 12 bikazagenda bikomeza, ibi bizafasha abana bafite ubumuga kudahezwa mu burezi'.

Ni igikorwa cyashimishije abarezi batangiye amahugurwa, aho bavuga ko ikibazo cyo gutanga serivisi ituzuye ku bana bafite ubumuga bwo kutumva no kutavuga kigiye kuba amateka.

Pasiteri Dufatanye Froduald ushinzwe Uburezi muri Diyoseze ya Shyira

Akimanizanye Floride, ati 'Nkibona umwana aje kwiga, byarangoye kumvikana na we, kumwumvisha ibyo ndimo kumuha byabaye ikibazo gikomeye, aya mahirwe mpawe yo guhugurirwa uru rurimi, ngiye kuyabyaza umusaruro ubu bumenyi nari mbukeneye'.

Mukakayumba Donatha, umwe mu bayobozi muri MIPC, muri serivisi zakira abanyeshuri, ati 'Aya mahugurwa y’iminsi icumi azagira icyo adufasha mu gutanga serivisi ikwiye ku bana bafite ubumuga, hari ubwo twajyaga tugira imbogamizi zo kwakira umwana uje atugana, ugasanga serivisi ntabwo ayihawe uko bikwiye kubera kutamenya ururimi rw’amarenge'.

Ikibazo cya serivisi inoze ku bana bafite ubumuga bunyuranye, kigenda kigaragara hirya no hino mu mirenge igize Akarere ka Musanze, nk’uko Nizeyimana Alfred, Umugenzuzi w’uburezi mu Murenge wa Cyuve abivuga.

Ati 'Icyo kibazo kirahari, abana bafite ubumuga biga baracyari bake, aho mu murenge wose batanu kandi bafite ubumuga bunyuranye aribo babashije kwiga, biteye impungenge cyane kuko niba umwana atabasha guhabwa serivisi y’uburezi ni ikibazo. Harimo amashuri afite inyubako zitorohereza abafite ubumuga, abarimu badafite ubumenyi ku ndimi z’amarenga, ni ikibazo gikomeye duhanganye nacyo'.

Itorero Anglican Diyoseze ya Shyira ririzera ko amasezerano rigiranye na UNICEF mu guhugura abarimu atanga icyizere mu guteza imbere uburezi budaheza.

Pasiteri Dufatanye Froduald Ushinzwe uburezi muri Diyoseze ya Shyira, waje muri uwo muhango ahagarariye Umushumba w’iyo diyoseze, yasabye abarimu bagiye guhugurwa kubyaza umusaruro amahirwe babonye, abasaba kwita ku nyigisho bazahabwa mu rwego rwo gukemura ibibazo by’abana bafite ubumuga bunyuranye, himakazwa uburezi budaheza.

Bafashe ifoto y’urwibutso

Robert Mugabe yagarutse ku ngengabitekerezo ya Hutu-Power yakuze mu banyarwanda bahoze ari abo mu bwoko bw’Abahutu igatuma bagirira urwanga Abatutsi.

Avuga ko ingengabitekerezo ishingiye ku bwoko ubwo ari bwo bwose, iteka iba ari mbi kandi ko ingaruka zayo ziza zisenya.

Ati 'Ntabwo ushobora kubaka politiki ishingiye ku bwoko…irangira mwicanye yewe n’ufite camp avuga ngo arubakira kuri supremacy y’Abatutsi na we ni Faux, uwo muntu nta nubwo najya iwe gusaba umugeni. Na we nta nyungu z’Igihugu aba aharanira.'

Akomeza agira ati 'Ntabwo bishoboka ko uwiyita Umututsi yategeka uru Rwanda ngo ni we wavukiye gutegeka, nta n’ubwo Umuhutu yategeka iki Gihugu kitagira Umututsi cyangwa ngo yubake ubutegetsi butagira Umututsi.'

Yungamo ati 'U Rwanda ni urwacu twese.'

Robert Mugabe avuga ko ingengabitekerezo ya Parmehutu ari yo muzi wa Jenoside Yakorewe Abatutsi kuko na yo yari ishingiye ku bwoko kandi ko hakiri benshi mu bayikuriyemo bakiyifite bari mu bihugu byo hanze banirirwa bavuga nabi ubuyobozi bw’u Rwanda barimo umugore witwa Sylvie Mukankiko ukomeje gukoresha amagambo akarishye ku mbuga nkoranyambaga.

Robert Mugabe unenga uyu mugore, avuga ko ibyo avuga atari ubusazi ndetse ko atari ubujiji ahubwo ko ari imyumvire ye mibi ikwiye kwimwa umwanya mu matwi y’Abanyarwanda.

IKIGANIRO CYOSE

UKWEZI.RW

Iyi myigaragambyo yabaye kuri uyu wa Kabiri tariki 28 Ukuboza 2021 nyuma y’uko bisabwe n’imiryango itari iya Leta yahamagariye abaturage kwamagana igikorwa cyavuzwe cyo kohereza Abapolisi b’u Rwanda gucunga umutekano.

Ibigo by’amashuri, amaduka ndetse na station zicuruza ibikomoka kuri peteroli byiriwe bifunze kuri uyu wa Kabiri.

Iyi myigaragambyo ikurikiye indi yabaye tariki 20 Ukuboza 2021 na yo yitabiriwe n’abavugaga ko batifuza ko Polisi y’u Rwanda ijya i Goma gucungayo umutekano ngo kuko bafite igipolisi n’igisirikare byihagije. Ni imyigaragambyo yaguyemo abantu bane.

Bamwe mu bacuruzi bo muri Uvira bavuga ko iyi myigarambyo yo kudakora imirimo yabahombeje kandi babeshejweho no gukora. Hari abasanga société civile zo muri iyi ntara ya Kivu y’Epfo zari zikwiye gukora imyigaragambyo yo kwamagana imitwe yitwaje ibirwanisho y’abanyamahanga iri muri Teritware ya Uvira, aho gukora imyigaragambyo y’abantu bataragera muri Kongo.

Minisitiri Muyaya Patrick, umuvugizi wa Leta ya Kongo, mu biganiro bitandukanye yagiye aha ibitangazamakuru bitandukanye, ahakana ko nta ba polisi b’u Rwanda bari muri Kongo kandi nta mushinga uhari wo kuzana igipolisi cy’u Rwanda muri Kongo.

Iki cyemezo cyo gushyiraho Komisiyo idasanzwe y’Abasenateri, cyafashwe kuri uyu wa Kabiri tariki 28 Ukwakira n’Inteko Rusange ya Sena.

Iyi komisiyo yashyizweho igomba kumara igihe cy’amezi atandatu ashobora kongerwa rimwe, ikaba izaba iyobowe na Hon Mureshyankwano Marie Rose.

Hon Mureshyankwano Marie Rose wahawe kuyobora iyi komisiyo idasanzwe yavuze ko mu nshingano z’ingenzi bafite harimo kureba imibereho y’abayitujwemo uko ihagaze ndetse bakanacukumbura bakamenya niba ibikokorwa remezo byari biteganyijwe gushyirwa muri iyi Midugudu byarashyizwemo.

Ati 'Iyi komisiyo yashyizweho na Sena izibanda kureba imiterere y’imidugudu harimo ibikorwaremezo biyigize nk’amazi, imihanda, inyubako, imihanda, amavuriro n’ibindi byashyizwemo ngo bihindure ubuzima bw’abayituye. Ikingenzi nyamukuru kizaba kitujyanye muri iyi midugudu nk’Abasenateri ni ukureba uburyo abatujwe muri iyi midugudu byahinduye ubuzima bwabo burushaho kuba bwiza, tukareba ibibazo byaba birimo. Niyo mpamvu tuzareba imibereho yabo, imibanire hagati yabo, niba abana babo biga, niba babungabunga ibikorwa remezo bahawe ndetse tukanareba niba ibikorwa remezo byagombaga gushyirwamo byarashyizwemo.'

Akomeza agira ati 'Tuzareba ibiraro by’inka niba byarashyizwemo ndetse n’inka bakazihabwa n’uburyo bicunzwe, ibyo byose tuzibanda mu kureba uko byahinduye ubuzima bwabo. Ariko tuzanamenya ibibazo biri muri iyo Midugudu nk’uko biri mu nshingano za Sena tugire inama Guverinoma ku cyakorwa kugirango icyatumye iyo Midugudu yubakwa kigerweho nk’uko yubatswe hifuzwako abahatujwe ubuzima bwabo buba bwiza bakanarushaho kwiteza imbere.'

Mu bindi iyi komisiyo izasuzuma harimo ibijyanye n’imibanire y’abatujwe muri iyi Midugudu harebwa uko bakemura amakimbirane n’uko gahunda ya Ndi Umunyarwanda ihagaze. Aba basenateri bazanasuzuma n’uburyo abatujwe muri iyi midugudu y’icyitegererezo basobanurirwa uruhare rwabo mu kwiteza imbere no gufata neza ibikorwaremezo bahawe.

Iyi komisiyo idasanzwe yashyizweho na Sena izamara igihe kigera ku kwezi isura Imidugudu y’icyitegererezo izwi nka IDP Model Village ndetse n’indi Midugudu leta yubatse igatuzamo abatishoboye badafite aho kuba.

Iyi komisiyo idasanzwe yashyizweho na Sena igizwe n’abantu batandatu ikaba iyobowe na Hon Mureshyankwano Marie Rose ikanabamo Hon Nsengiyumva Fulgence,Hon Kanziza Epiphanie, Hon Dr Havugimana Emmanuel ndetse na Hon Uwera Pelagie.

Yatunguwe n’abapolisikazi bamutuye ibiseke

Ni igikorwa cyabaye mu gihugu hose, mu Karere ka Musanze kibera mu Murenge wa Nyange, ahamuritswe ibikorwa binyuranye birimo inzu yubakiwe umukecuru wabaga mu kirangarizwa, imitiba 40 yahawe koperative y’Abavumvu n’imirasire mu ngo 109.

Nyuma yo gufungurira uwo mukecuru iyo nzu yubakiwe na Polisi, yayishimiye cyane, ariko by’akarusho atungurwa no kubona abapolisikazi bambaye impuzankano y’akazi binjira iwe, bamutuye ibiseke birimo ibiribwa binyuranye.

N’impundu nyinshi yagize ati 'Ubu ndumva ari inzozi, ndumva meze nk’urimo kurota ariko byabaye. Ntacyo navuga uretse gushimira Ubuyobozi bukuru bw’igihugu buyobowe n’umubyeyi Paul Kagame, nari mu mwijima anshyira mu mucyo'.

Inzu yafunguwe ku mugaragaro na Ramuli Janvier, Umuyobozi w’Akarere ka Musanze

Arongera ati 'Sinabona uko nshimira n’aba bapolisi bantekerejeho, nari mu nzu y’ikirangarira aho imyenge yayo nayihomeshaga ibigutiya bishaje kugira ngo igisimba kitandya, ariko ubu ndi mu nzu nziza ndaryama nsinzire. Police muri abana beza, ubutumwa Paul Kagame yabatumye mwabungejejeho, nari incike ariko ubu ndi umubyeyi kubona aba bapolisi hano, Imana ikomeze ibarinde bana banjye, nararaga nikanga kubera ikizu nabagamo, ngiye gusaza neza, ntabwo nzasabiriza, ubu n’uwansuzuguraga aranyubaha'.

Mu butumwa bw’umuyobozi wa Polisi mu Karere ka Musanze, SSP J. Paul Kanobayire, ku bikorwa byakozwe mu kwezi kwahariwe ibikorwa bya Polisi mu mwaka wa 2021 muri ako karere, birimo ukubakira uwo mukecuru utagiraga aho acumbika, gutanga imitiba 40 kuri Koperative y’abavumbu no gutanga imirasire mu ngo 109.

Yahawe n’ibikoresho binyuranye

Ashimira buri wese watanze umuganda kugira ngo ibyo bikorwa bigende neza, anongera kwibutsa abaturage ubufatanye bukwiye kubaranga mu gukumira, kurwanya ibyaha no guhangana n’ibibangamira imibereho myiza y’abaturage'.

Ramuli Janvier, Umuyobozi w’Akarere ka Musanze, yashimiye Polisi y’u Rwanda, ku bikorwa yakoreye abaturage, asaba ababihawe kubifata neza no kubirinda kwangirika, abibutsa no kugira isuku muri byose baharanira iterambere kandi barwanya ubukene.

Meya Ramuli Janvier na SSP J. Paul Kanobayire baganiriza uwo mukecuru wari umaze kubona inzu ye

Iyo nzu irimo ibitanda byiza

Uwo mukecu yashimiye abamwubakiye