Webrwanda Backend

Category: Uncategorized

  • Abakozi ba BK bashinjwa kuyihombya n'abo bahaye inguzanyo baburanye ubujurire bwari bumaze inshuro 8 busubikwa #rwanda #RwOT

    Abakozi ba BK batatu'' muri batandatu bakatiwe n'urukiko rwisumbuye rwa Gasabo batangiye kuburana ubujurire bwabo mu rukiko rukuru nyuma y'umwaka bakatiwe.Bose basabye urukiko kubarekura.

    Aba bakozi ba BK harimo uwahoze akuriye ishami rya BK Kimironko n'uwari ukuriye inguzanyo muri iryo shami,n'umuyobozi wari ukuriye umushinga wiswe ZAMUKA-MUGORE mu gihugu hose.

    Bafunzwe muri Nzeri 2019 bafatanwa n'abandi bantu 12 bari mu bahawe inguzanyo y'umushinga wa Banki ya Kigali wiswe ZAMUKA-MUGORE.

    Abaregwa bose uko bari 15 Ubushinjacyaha bwari bubakurikiranyeho ibyaha bifitanye isano n'ibyaha bimunga ubukungu bw'igihugu,harimo icyaha cyo gukora no gukoresha inyandiko mpimbano n'icyaha cyo kunyereza umutungo wa Banki ya Kigali (BK) usaga Miliyoni 778,002,947Frw.

    Abaregwa bose kuva batangira kuburana mu rukiko rwisumbuye rwa Gasabo baburanye bahakana ibyaya byose by'ubushinjacyaha,basaba urukiko kubarekura kuko ikirego cy'ubushinjacyaha nta shingiro gifite kuko nta bimenyetso beretse urukiko bibahamya icyaha.

    Abaregwa babwiye urukiko ko nta gihombo BK yatejwe n'inguzanyo yahaye bamwe mu bagore bakoraga ubucuruzi buciriritse mu cyo BK yise ZAMUKA-MUGORE.

    Banki ya Kigali iri muri uru rubanza iregera indishyi zisaga Miliyoni 950,713,521Frw z'igihombo yise ko yatejwe n'abahoze ari abakozi bayo ubwo hatangwaga inguzanyo za BK m umushinga wa ZAMUKA-MUGORE BK Ihagarariwe na Me Rutagengwa Jean Damascene.

    Muri Gashyantare 2021 Urukiko rwisumbuye rwa Gasabo rwakatiye abantu batandatu harimo batatu bahoze ari abakozi ba Banki ya Kigali ibihano bitandukanye abakozi ba BK bakatiwe imyaka 6 n'ihazabu ya Miliyoni 15,000,000Frw.

    Naho uwitwa Uwizeye Merthe Petite,Uzamushaka Mediatrice na Mulinda Elie bo urukiko rubahanisha igihano cy'igifungo cy'imyaka 5 n'ihazabu ya Miliyoni 1,500,000Frw kuri buri wese.

    Icyenda muri 15 baregwaga n'ubushinjacyaha mu rukiko rwisumbuye rwa Gasabo bagizwe abere n'urukiko ruhita rutegeka ko barekurwa uwo mwanya,

    Muri icyenda baburanaga harimo batanu baburanaga badafunze harimo na Uwizeye Marthe Petite nawe waburanaga adafunze ariko we urukiko rukaba rwamuhamije ibyaha ruranamukatira'.

    Abakatiwe n'urukiko bamaze imyaka ibiri n'igice bafungiwe muri Gereza ya Nyarugenge izwi nka Mageragere.

    Urikiko nyuma yo kurekura bamwe abandi rukabakatira abakatiwe bahise bajuririra urukiko Rukuru kuko batanyunzwe n'icyemezo cy'urukiko rwisumbuye rwa Gasabo.
    Ubushinjacyaha ntabwo bwigeze bujuririra icyemezo cy'urukiko''.

    Uru rubanza mbere y'uko rutangira kuburanishwa ubujurire bwarwo rwasubitswe inshuro umunani mu bihe bitandukanye''.

    Rwagiye rusibikwa kubera impamvu z'urukiko ahandi rwasubitswe biturutse ku kibazo cy'icyorezo cya Covid-19 hari n'ubwo rwasubitswe biturutse k'umucamanza basanze afitanye isano rya hafi na Ndabaramiye Jimmy wahoze akuriye umushinga wa BK wiswe ZAMUKA-MUGORE.

    iri subikwa rya hato na hato bamwe mu miryango y'abaregwa ndetse n'abaregwa ubwabo bagiye baryinubira bakavuga ko Ubutabera butinze birangira butakiri ubutabera''.

    Ubwo Urubanza rw'ubujurire rwatangiraga kuburanishwa kuri uyu wa 04 Gashyantare 2021 Abacungagereza bari bazanye ababuranyi bafunze babakuye muri Gereza ya Nyarugenge.

    Saa tatu za mu gitondo nibwo inteko y'abacamanza batatu n'umwanditsi w'urukiko yatangiye kuburanisha uru rubanza.

    Ubushinjacyaha bwari buhagarariwe n'abashinjacyaha babiri''

    Abaregwa bagaragaye mu rukiko bose bunganiwe n'abanyamategeko bagera ku icyenda''.

    Umucamanza yavuze ko kubera igihe uru rubanza rwari rumaze rutaburanishwa ko kuri iyi nshuro rugomba gupfundikirwa buri muburanyi n'abamwunganira bakazajya bafata isaha yo gutanga impamvu z'ubujurire bwabo kuko umwanzuro uba washyizwe muri Systeme kandi nawo witabwaho mu gufata icyemezo cy'urukiko'.'

    Ubushinjacyaha bwasabye urukiko ko mu batangira bagaragaza impamvu z'abo z'ubujurire bwabo hatangira kumvwa Bagambiki Robert kuko ariwe wari ushinzwe kwakira dosiye mu mushinga wa ZAMUKA-MUGORE wa BK.

    Bagambiki Robert yakatiwe n'urukiko rwisumbuye rwa Gasabo igihano cy'igifungo cy'imyaka itandatu n'ihazabu ya Miliyoni 150,000,000Frw ahamijwe Icyaha cyo kwakira Ruswa n'icyaha cyo guhimba no gukoresha inyandiko mpimbano.

    Bagambiki Robert yatangiye yerekana impamvu zikomeye zatumye ajururira urukiko rukuru, Bagambiki yari yunganiwe na Me Ngarambe Raphael na Me Mukamazimpaka Hillaria.

    Bagambiki Robert yabwiye urukiko rukuru ko urukiko rwisumbuye rwa Gasabo rwakoze amakosa rukamuhamya icyaha kitabayeho atigeze anabazwa mu nzego zose yanyuzemo haba mu bugenzacyaha mu Bushinjacyaha ndetse no mu rukiko.

    Ubwo yatangiraga kuburana mu mizi'' Bagambiki ati “nyakubahwa bacamanza nahamijwe icyaha cya Ruswa kandi ntacyo nigenze ndegwa.''

    Bagambiki Robert yabwiye urukiko ko yahamijwe n'urukiko icyaha cy'inyandiko mpimbano ariko nubwo yakiburaye mu rukiko ko atacyemera kuko nta cyabayeho.

    Bagambiki yavuze ko nta dosiye yagenzuye irimo inyandiko mpimbano kuko n'abahawe inguzanyo bose bamaze kuzishyura abandi n'ubu bakizishyura nk'uko amategeko abiteganya.

    Me Ngarambe Raphael umwunganira mu mategeko yasabye urukiko rukuru ko rwakora nk'urukiko rukuru rugaha umukiriya we ubutabera kuko urukiko rwisumbuye rwa Gasabo rwirengagije ibisobanuro byose Bagambiki yaruhaye anarwereka ibimenyetso,

    Me Ngarambe ati rwabirenzeho ruramukatira rumuhamya n'icyaha atigeze aburana''

    Uyu munyamategeko yavuze ko BK yihutiye gufungisha abakozi bayo itabanje kubakorera igenzura ngo imenya neza koko niba baba barateje igihombo.

    Me Ngarambe Raphael yasabye urukiko rukuru ko ibyavuzwe n'umukiriya we nirubibona ukundi Bagambiki Robert yazahanishwa igihano cyo gutanga ihazabu ya Miliyoni 3 cyangwa agahanishwa igihano gisubitse nkuko ingingo ya 239 ibiteganya.

    Me Ngarambe ati iyi ngingo iteganya ko umuntu wahamijwe icyaha n'urukiko cyo gukoresha inyandiko mpimbano bimwe mu bihano biteganijwe muri iyo ngingo harimo gutanga ihazabu ya Miliyoni 3Frw cyangwa gusubikirwa igihano cyangwa se akaba yahanishwa igifungo bitewe n'uko umucamanza abibona.

    Me Ngaramba yavuze ko ibyo avuga atari ibintu bishya kuko hari imanza nyinshi zimaze gufatwaho umwanzuro n'umucamanza agategeka ko uregwa ahanishwa gutanga amande cyangwa se agahanishwa ihabwa igihano gisubitse kuko byose biteganwa n'amategeko mu bushishozi bw'urukiko

    Nyagasaza Natacha wahoze akuriye ishami rya BK ya Kimironko niwe wakurikiyeho.Yakatiwe n'urukiko rw'isumbuye rwa Gasabo igifungo cy'imyaka 6 n'ihazabu ya Miliyoni 15,000,000Frw ahamijwe icyaha cyo kwakira Ruswa n'icyaha cyo guhimba no gukoresha inyandiko mpimbano.

    Nyagasaza Natacha yabwiye urukiko rukuru ko kuva yatangira kuburana mu rukiko rwisumbuye rwa Gasabo atigeze yemera ibyaha by'ubushinjacyaha harimo icyaha cyo gukora no gukoresha inyandiko mpimbano no guhombya umutungo wa BK .

    Nyagasaza Natacha yabwiye urukiko ko we nk'umuyobozi w'ishami rya BK ya Kimironko atarafite mu ishingano zo kugenzura uwo mushinga wa ZAMUKA-MUGORE kuko wari umushinga wagutse wa BK utararebaga ishami rya Kimirinko gusa.

    Nyagasaza Natacha yabwiye urukiko ko usibye BK yabigirizaho nkana ikabafungisha,muri Rapport yakozwe na BK igaragaza uko umushinga wa ZAMUKA-MUGORE wagenze muri gahunda yo gutanga inguzanyo no kuzishyura.BK yemeje ko umushinga wagenze neza ku gipimo cya 92%.

    Nyagasaza Natacha akibaza aho icyo gihombo cya Miliyoni zisaga 778,002,947Frw cyavuye kandi na BK yiyemerera ko nta gihombo yagize.

    Nyagasaza Natacha yasoje asaba urukiko rukuru ko mugihe ruzaba rwiherereye rwazamurekura agasanga umuryango we rugatesha agaciro icyemezo cy'urukiko rwisumbuye rwa Gasabo kuko rwagifashe rwirengagije ibimenyetso byose n'impamvu zose yatanze ngo arekurwe.

    Me Gilbert Ndayamabaje na Me Umulisa Alice bunganira Nyagasaza Natacha babwiye urukiko ko umukiriya bunganira nk'uko yaburanye ahakana ibyaha byose akurikiranyweho n'ubushinjacyaha, ntabwo yagiye kure y'uko yireguye ku rwego rwa mbere.

    Aba banyamategeko bati turasaba ko mu bushinshozi bwanyu mwarekura uwo twunganira kuko yafunzwe na munyumvishirize gusa naho ubundi nta cyaha yakoze cyakagombye kuba cyatuma afungwa imyaka itandatu yose''

    Ndabaramiye Jimmy wahoze akuriye umushinga wa ZAMUKA-MUGORE,Urukiko rwisumbuye rwa Gasabo rwamuhanishije igihano cy'igifungo cy'imyaka 6 n'ihazabu ya Miliyoni 15,000,000Frw rumuhamije icyaha cya ruswa n'icyaha cyo guhimba no gukoresha inyandiko mpimbano

    Ndabaramiye Jimmy yabwiye urukiko rukuru ko ubushinjacyaha bwashingiye ku bintu bitandukanye ariko budafite ibimenyetso bimuhamya icyaha.

    Ndayambaje Jimmy avuga ko Ubushinjacyaha buvuga ko ariwe muyobozi mukuru w'umushinga wa ZAMUKA-MUGORE akaba ariwe wemezaga bwa nyuma abantu bose bakaga inguzanyo ya BK.

    Ndayambaje yavuze ko Ubushinjacyaha bwavuze ko yafashe icyemezo agaha abantu basaga 137 Miliyoni 516,537,666Frw akavuga ko Ubushinjacyaha bwavuze ko inyandiko zatumye ayo mafaranga asohoka zari inyandiko mpimbano''.

    Ndayamabaje Jimmy avuga ko ibyavuzwe n'ubushinjacyaha ahubwo aribyo bitavugisha ukuri kuko nta bimenyetso butanga bwereka urukiko ko koko yaba yarateje igihombo Banki ya Kigali'.

    Ndayamabaje Jimmy yavuze ko nta gihombo yateje BK gikomoka ku mushinga wa ZAMUKA-MUGORE kuko na BK ubwayo muri Raporo yakoze muri 2019, yavuze ko nta gihombo cyabayeho.

    Ndabaramiye Jimmy ufite abanyamategeko batatu barimo Me Gakunzi Musore Valery, Me Ruramira Zebedee Bizimana na Me Serugo Jean Baptiste,basabye ko uwo bunganira yarekurwa n'urukiko agasubizwa mu buzima busanzwe
    Kuko uwo mushinga wa ZAMUKA-MUGORE n'uyu munsi ukora kandi ukora neza.''

    Hakurikiyeho Uzamumushaka Mediatrice wahoze akora ubucuruzi buciriritse bw'ibikoresho by'ubwubatsi nawe yakatiwe n'urukiko rwisumbuye rwa Gasabo igihano cy'igifungo cy'imyaka 5 n'amezi atatu n'ihazabu ya Miliyini 1,500,000Frw'' rumuhamije icyaha cy'ubufatanyacyaha ku cyaha cyo guhimba no gukoresha inyandiko mpimbano n'icyaha cyo gutanga Ruswa.

    Uzamushaka Mediatrice niwe wakurikiye yabwiye urukiko ko atumva impamvu yahaniwe icyaha atakoze kitanabayeho kuko inguzanyo zose yahawe na BK yafunzwe yaramaze kwishyura umwenda wose yari abereyemo Banki ya Kigali,''

    Uzamushaka Mediatrice yemereye urukiko ko yatse ibyangombwa abakozi be akajya kubakira inguzanyo muri BK kuko umushinga wa ZAMUKA-MUGORE utasabaga inguzanyo BK ikamuguriza Miliyoni 15,000,000 Frw icyo gihe ko ariko nazo yafunzwe yaramaze kuzishyura'.

    Uzamushaka yabajije urukiko rukuru impamvu urukiko rwisumbuye rwa Gasabo rwamwigirijeho nkana rukamukatira kandi hari umwe mu bo bari bafunganwe baregwaga ibyaha bimwe byo kwakira inguzanyo urukiko rwarekuye,ariko we rugakomeza rukamufunga kandi yaramaze kwishyura umwenda wa BK.

    Uzamushaka Mediatrice ati “nagize amahirwe nza imbere yanyu mundenganure mbone ubutabera kuko abantu barareshya imbere y'amategeko.''

    Uzamushaka yavuze ko uwitwa Agnuska Joyanna nawe yahawe inguzanyo zirimo n'abandi yari yazakiye,ariko urukiko rwamurekuye rushingiye ko yari yaramaze kwishyura umwenda wose''.

    Uzamushaka ati Ba nyakubahwa bacamanza murabona ntararenganye koko? Nge nazize iki?ndasaba ko mu bushishozi bwanyu mwazandenganura mu gihe muzaba mwiherereye kuko maze igihe kinini mfunze kandi nazize amaherere?.

    Mulinda Elie niwe wakurikiyeho nawe urukiko rwisumbuye rwa Gasabo rwamukatiye imyaka itanu n'amezi atatu n'ihazabu ya Miliyoni 1,500,000Frw kubera icyaha cyo gutanga Ruswa'',

    Mulinda Elie yabwiye urukiko rukuru ko yarujemo aje gusaba imbabazi kuko ari umwe mu bafashije ubushinjacyaha mu kumenya uko umugambi wo kugusha mu gihombo umushinga wa ZAMUKA-MUGORE wagenze.

    Mulinda yasabye urukiko ko rwamurekura kuko igihe amaze afunze gihagije asaba ko nirwiherera rwazamurekura''.

    Uwizeye Marthe Petite niwe wasoje iburanisha ninawe uburana adafunze kuko yarekuwe n'urukiko rwibanze rwa Gasabo mu gihe cy'ifunga n'ifungurwa ry'agateganyo agasaba gukurikiranwa adafunze urukiko rurabimwemerera.

    Uyu nawe urukiko rwisumbuye rwa Gasabo rwamuhamije icyaha cyo gutanga Ruswa rumuhanisha igihano cy'igifungo cy'imyaka itanu n'amezi atatu n'ihazabu ya Miliyoni 1,500,000Frw.

    Uwizeye yabwiye urukiko ko nta Ruswa yatanze ngo abone inguzanyo kuko n'inguzanyo yahawe ya Miliyoni 5,000,000Frw yamaze kuyishyura.

    Uwizeye Marthe Petite yasabye urukiko ko rwazagengura umwanzuro yakoze rukawugenderaho rukamugira umwere ku byaha yahamijwe n'urukiko rwisumbuye rwa Gasabo.

    Banki ya Kigali yahawe ijambo ngo igire icyo ivuga ku bujurire bwatanzwe n'abakatiwe Me Rutagengwa Jean Damascene abwira urukiko ko indishyi batse abaregwa kuva mu rukiko rwisumbuye rwa Gasabo ko ntacyahindutse.

    Uyu munyamategeko wa BK yabwiye urukiko ko indishyi BK isaba zireba gusa abahoze ari abakozi bayo kuko aribo bayiteje igihombo.

    Me Rutagengwa yavuze ko abandi indishyi zitabareba ko igihombo BK yatejwe gikwiye kwirengerwa na Ndabaramiye Jimmy Nyagasaza Natacha na Bagambiki Robert ati “abandi ntacyo tubasaba rwose.”

    Umucamanza yabajije Me Rutagengwa Jean Damascene indishyi BK yaka umubare wazo uyu munyamategeko ati “BK isaba ko yahabwa indishyi no gusubizwa amafaranga yose yatanzwe mu mushinga wari wariswe ZAMUKA-MUGORE angana na Miriyoni 778,002,947Frw.

    Me Rutagengwa kandi yasabye urukiko ko abahoze ari abakozi ba BK bafatanya kwishyura amafaranga angana na Miriyoni 564,364,620Frw y'abantu bahawe inguzanyo bakoresheje inyandiko mpImbano mu bihe bitandukanye.

    BK yasabye indishyi z'akababaro zingana na Miriyoni 950,713,521Frw kuko BK yashowe mu manza zitari ngombwa zirimo n'igihembo cya Avoka.

    Ubushinjacyaha n'ubwo butajuriye bwabwiye urukiko ko abo bwafunze bahoze ari abakozi ba Banki ya Kigali bahaga abantu inguzanyo ingana na Miliyoni 5,000,000Frw barangiza bakaka indonke abo bahaye inguzanyo iri hagati y'ibihimbi magana Atanu na Miliyoni imwe.

    Ibyavuzwe n'ubushinjacyaha byamaganiwe kure n'abaregwa babusaba kwereka urukiko ibimenyetso simusiga cyangwa se kwerekana uwo Ubushinjacyaha bwafatiye mu cyuho.

    Nyuma y'uburanisha ryamaze amasaha umunani rikarangwa n'impaka hagati y'ubushinjacyaha,BK iregera indishyi, ndetse n'abaregwa''.

    Umucamanza yapfundikiye iburanisha ategeka ko abavuye muri Gereza basubizwa aho bafungiye avuga ko uru rubanza ruzasomwa kuwa 03 Werurwe 2022 Saa munani z'igicamunsi.”

    Icyumba cy'urukiko cyari kirimo bamwe mumiryango y'abaregwa

    Abaregwa bamaze imyaka ibiri n'igice bafunze.''

    Imiterere y'icyibazo cy'aba bakozi ba BK n'abandi bantu cyatumye bose bisanga imbere y'ubutabera kubera umushinga wa ZAMUKA-MUGORE wa BK.

    Muri Kanama 2018 Banki ya Kigali izwi nka (BK) yatangije umushinga wo gutanga inguzanyo mu bagore bakoraga ubucuruzi buciriritse, icyo gihe umushinga wiswe ZAMUKA-MUGORE.Uwo mushinga watangiriye mu mashami ya BK yayo harimo Ishami rya BK Kimironko ,Muhanga, ishami rya BK Bugesera n'ashami rya BK rikorera kw'isoko rya Nyarugenge.''

    Umugore wabaga akora ubucuruzi bucirirtse yasabwaga kuzuza ibisabwa hatarimo gutanga ingwate agahabwa inguzanyo ingana na Miliyoni 5,000,000Frw ikindi n'uko bitari ngombwa ko abo bagore baba basanzwe babitsa muri BK ariko nanone byasabaga kuba byibura ufite Konti kugira ngo amafaranga uzahabwa azanyuzwe kuri Konti yawe.

    Ikindi n'uko iyi nguzanyo uwayihabwaga wese yasabwaga kuyishyura mu gihe kitarenze imyaka ibiri akungukira BK 18% yayo yahawe.

    Kugira ngo inguzanyo itangwe,umukozi ushinzwe inguzanyo n'umukozi wa BK ukuriye amwe mu mashami yavuzwe haruguru babanzaga gusura uwasabye inguzanyo kugira ngo harebwe koko niba ari umucuruzi.

    Inguzanyo zose zatanzwe muri icyo gihe zingana na Miliyari 1,8Frw.

    Ubushinjacyaha bwo bwaburanye buvuga ko ayo mafaranga yose yatanzwe mu buryo budasobanutse, bituma abari abayobozi muri BK ishami rya Kimironko n'uwari uhagarariye umushinga wa ZAMUKA-MUGORE batangira gukurikiranwa muri Nzeri 2019.

    Abafunzwe babwiye urukiko ko bafashwe mu buryo bunyuranije n'amategeko ko n'izo nzira zidasobanutse.Ubushinjacyaha byavuzwe ko bwabeshye urukiko kuko butatanze ibimenyetso bifatika cyangwa ngo bube bwarafatiye mu cyuho uwo bucyekaho icyaha cya ruswa.

    Mbere y'urubanza, Umunyamakuru afotora abafungwa kuko Urwego rwigihugu rushinzwe imfungwa n'abagororwa RCS rutababwiye ko bari bufotorerwe mu rukiko'.

    N'impaka zamaze iminota 20 mbere y'uko iburanisha ritangira abacungagereza banze ko ababuranyi bafotorwa.

    Umucamanza yabifasheho icyemezo avuga ko Umunyamakuru yatse Urukiko uburenganzira bwo gufotora ababuranyi ko kandi urukiko rw'abimwemereye''.

    Umucamanza yavuze ko mu ingingo ya 71 ijyanye no kubona amakuru mu nkiko, iteganya ko Umunyamakuru ushaka gufata amafoto n'amashusho yandikira Perezida w'urukiko mu gihe kitarenze amasaha 48 ko aribyo byakozwe n'umunyamakuru nawe ahabwa uburenganzira bwo gukora akazi ke n'urukiko rugakora akazi karwo.

    Umucamanza yabajije ababuranyi niba hari uwo bibangamiye Ndabaramiye Jimmy avuga ko niba gufata amafoto biri mu nyungu rusange ko nta kibazo bafite ko ku bwabo banifuza ko ibyabo bijya hanze bikamenyekana bakazabona ubutabera mu mucyo nta karengane kabayemo ako ariko kose.

    Ubundi itegeko ntabwo ryemera ko hari umuntu uwo ariwe wese winjirana imbuda mu rukiko yaba n'abacungagereza bategetswe kurindira abafungwa inyuma y'icyumba cy'urukiko.

    Itegeko ryo kubona amakuru kandi riteganya ko Umunyamakuru asaba uburenganzira urukiko aho kubusaba Urwego rw'amagereza mu Rwanda RCS.

    Si ubwa mbere Abacungagereza bitambika itangazamakuru mu gufotora abafungwa urukiko rwatanze uburengazira bwo kubafotora.



    AMAFOTO: JEAN PAUL NKUNDINEZA

    Source : https://umuryango.rw/amakuru/mu-rwanda/ubutabera/article/abakozi-ba-bk-bashinjwa-kuyihombya-n-abo-bahaye-inguzanyo-baburanye-ubujurire

  • Umugore wa nyakwigendera DJ Miller yashyize hanze ifoto y'umwana babyaranye abafana bagaragaza imbamutima zabo (amafoto) – YEGOB #rwanda #RwOT

    Mu ifoto yashyizwe hanze na Hope Igihozo, umufasha wa nyakwigendera Deejay Miler, Karuranga Virgile  igaragaza umwana babyaranye mbere y'uko nyakwigendera Virgil yitaba Imana yazamuye imbamutima z'abakunzi b'uyu muryango.

     

    Ku rukuta rwe rwa Instagram, Hope Igihozo yabajije abamukurikira uwo babona muri iyo foto, abafana bandika ubutumwa bwinshi butandukanye burimo amarangamutima menshi :

    Source : https://yegob.rw/umugore-wa-nyakwigendera-dj-miller-yashyize-hanze-ifoto-yumwana-babyaranye-abafana-bagaragaza-imbamutima-zabo-amafoto/

  • Ukuri ni ukuhe ku kuba Aba- Islamu batarya ingurube? #rwanda #RwOT

    Imwe mu mirongo ya Qoran igaragaza ko ingurube iziririjwe igaragara mu gice cya mbere umurongo 173( surat ya 1:173) aho Imana igira iti: 'Mu by'ukuri ibyo yabaziririje ni icyapfuye, amaraso, inyama y'ingurube n'icyo bavugiyeho izina ritari iry'Imana'

    Mu gice ya 6 umurongo w'145 (Surat ya 6:125) aho Imana igira iti: 'Vuga uti: ntacyo mbona mu byo nahishuriwe kucyo umuntu arya uretse kuba ari icyipfushije cyangwa amaraso cyangwa inyama y'ingurube, mu by'ukuri yo ni umwanda…'

    Kuziririza inyama y'ingurube nk'ikiribwa bifite amateka maremare agera mu myaka ibihumbi n'ibihumbi ishize, inyama y'ingurube yari kimwe mu biribwa byari biziririjwe mu idini y'abayahudi ku gihe cy'amategeko ya Musa/ Mose.

    Mu ivanjili ya Yezu Kristo ingurube yagereranijwe n'abanyabyaha kandi mu nkuru zitandukanye, ingurube yagiye ivugwa nk'ikintu satani yigaragarizamo.

    Uretse ibi bifite aho bihuriye n'amadini yemera Imana, hari n'abandi benshi badashingira ku myemerere banga kurya inyama y'ingurube ahubwo bagashingira ku ngaruka mbi iyi nyama igira ku mubiri wa muntu.

    Mu bihugu bya kiyislamu, bitewe n'uko islamu iziririza ingurube, inyama yayo ntikoreshwa bityo n'ibijyanye n'ingaruka yagira ku buzima ntibivugweho cyane ariko mu bihugu bimwe na bimwe bitari ibya kiislamu nk'u Burayi na Amerika n'ahandi, abantu ntibabujijwe kurya inyama y'iyo nyamanswa, hamwe n'ibyo ariko abantu bamwe birinda kurya iyo nyama ndetse muri bimwe mu bihugu nko mu duce tumwe na tumwe mu Burusiya batanze itegeko ryo kudakoresha inyama y'ingurube bitewe n'uburwayi bukomoka ku gukoresha iyo nyama [Trichinella spiralis] bwagaragaye cyane muri utwo duce.

    Amategeko arebana n'ingurube muri Islamu

    1. Kurya ingurube biraziririjwe kandi ni icyaha,
    2. Kunywa amata y'ingurube ni ikizira,
    3. Ingurube iba imusozi[itaba mu mazi] ni inyamanswa yanduye kandi idateze gusukurwa
    4. Iyo ingurube iririye mu gikoresho cyangwa ikakirigataho, icyo gikoresho kirandura kugisukura bisaba kucyogesha amazi inshuro ndwi.
    5. Kugura no kugurisha ingurube ntibyemewe [kuko ubwayo ni umwanda].

    Impamvu yo kutaribwa kw'inyama y'ingurube no kuba ingurube ari umwanda bishobora gusobanurwa mu buryo bubiri:

    1.Ingaruka mbi ku bijyanye na roho n'ubuzima bwo mutwe nk'uko bivugwa na bamwe mu basobanuzi ba Quran, ingurube ni inyamanswa yanduye ndetse yewe no kuri babandi bakunda inyama yayo usanga bagira ibimenyetso byo kubura ishyaka n'umwete mu byo bakora.

    Ndetse byanemejwe n'abahanga ko uretse ingaruka ku bijyanye na roho, ingaruka zayo zigaragara no kubijyanye n'imibonano mpuzabitsina. Umwe mu banditsi yaranditse ati 'ingurube ni inyamanswa itagira umwete, iyo yimya ishimishwa n'uko izindi ngurube z'ingabo ziyibona iri muri icyo gikorwa kandi uwariye inyama zayo bimuviramo kugira imyitwarire nk'iyo.

    Ikindi kandi kugira ishyaka n'umwete ni ikintu cy'ingenzi cyane muri islamu kandi ishyaka n'umwete mu kugana ku mukiro w'iteka ugana Imana wahoze ari umugenzo w'intumwa, abahanuzi n'abakunzi b'Imana.'

    1. Ingaruka mbi ku buzima zikomoka ku gukoresha inyama z'ingurube, na zo zikaba zigabaninemo ibice bibiri:

    — Mu mara y'ingurube habamo inzoka yitwa Coli Balantidium, umuntu wayirwaye arangwa no kwituma amaraso.

    Jaundice cyangwa se Vail desease ni infection ishobora guterwa n'amazi yandujwe n'inkari z'ingurube, imbwa n'imbeba ariko hari ubwoko bwayo bwa 'Romana' buterwa n'ingurube gusa.

    Ingurube ni inzira yo kwanduza umuntu Entamoeba histolytica, ikaba ari inzoka yo mu bwoko bwa amibe. Erysipeloid ni ubwandu bw'uruhu rw'umuntu butuma uruhu rutukura rukokera kandi rukababuka bigatera ububabare bukabije, imwe mu nyamanswa zikwirakwiza udukoko dutera ubu bwandu ni ingurube.

    Urugero rw'ibinure na acide urique bigaragara mu nyama y'ingurube biri hejuru cyane ku buryo byorohereza uburwayi butandukanye kwibasira umubiri, muri bwo twavuga nko kubuza amaraso gutembera neza mu mubiri, kubabara mu mahuriro y'ingingo ndetse n'ubundi burozi ku mubiri.

    Ingurube ntitinya kurya ibintu byanduye yewe kugeza no ku mwanda wayo, ibyo bituma mu nda yayo haba indiri y'udukoko twinshi twanduza uburwayi butandukanye kandi tugakwirakwira mu maraso n'inyama byayo.

    Birashoboka ko ari yo mpamvu amategeko ya islamu avuga ko igikoresho ingurube yaririyemo cyangwa yarigaseho kigomba kozwa n'amazi meza inshuro zirindwi kugirango bizere ko nta mwanda ukomoka ku ngurube ukirangwa kuri icyo gikoresho. Bityo kuba bakoresha amazi inshuro ebyiri cyangwa imwe bikaba bidahagije gukuraho uwo mwanda.

    — Uburwayi buterwa gusa no kurya inyama y'ingurube ubwabyo Taenia Solium ni inzoka ipima hagati ya cm2 na cm3, amagi yayo aboneka mu mikaya no mu bwonko bw'ingurube, umuntu yandura iyo nzoka binyuze mu kurya inyama y'ingurube, abarwayi b'iyi nzoka bakunze kugaragara cyane mu bihugu bikoresha inyama y'ingurube.

    Ladrerie 'maladie du porc' ni indi ndwara iterwa no gukoresha inyama y'ingurube zakuriyemo amagi ya Taenia solium, iboneka cyane mu bantu bakunze kurya inyama y'ingurube ariko ntushoborakuyibona mu duce dutuwe n'abayahudi cyangwa abaislamu baziririza kurya iyo nyama.

    Trichinella Spiralis ni ubundi bwoko bw'inzoka yo munda ipima uburebure buri hagati ya mm3 na mm5 ikaba yandura umuntu arya inyama y'ingurube idatetse cyangwa idahiye neza.

    Iyo imaze kwinjira mu mubiri w'umuntu itangira gutera amagi mu mikaya umuntu agacika intege, akababara kandi akananirwa guhumeka, kuvuga no gukanjakanja ibyo kurya, kandi kugeza ubu ubuvuzi bw'iki kibazo ntiburaboneka.

    Inyama y'ingurube iremerera igogora bikananiza igifu ku buryo bukomeye, bitewe n'inyama y'ingurube kandi rimwe na rimwe bituma mu mubiri hakorwa uburozi bushobora kwica, ibi bikaba bizwi nka 'Botulisme.'

    Musinga C.

     

    The post Ukuri ni ukuhe ku kuba Aba- Islamu batarya ingurube? appeared first on IRIBA NEWS.

    Source : https://iribanews.rw/2022/02/05/ukuri-ni-ukuhe-ku-kuba-aba-islamu-batarya-ingurube/

  • Salma Mukansanga yatangaje umukinnyi wa hano mu Rwanda wigeze kumwita 'Cherie' mu kibuga/Umva uko byagenze – YEGOB #rwanda #RwOT

    Umunyarwandakazi Mukansanga Salima Rhadia wabaye umusifuzi w'igitsina gore wayoboye umukino mu irushanwa rya CAN rimaze imyaka 64 rikinirwa ku mugabane w'Afurika yahishuye ko hari igihe iyo yasifuye imikino y'abagabo, abakinnyi bamwe bakunda kumukubaganira bitewe nuko ari umukobwa.

    Ubwo yari mu kiganiro na Radio B&B FM Umwezi, uyu mukobwa yabajijwe niba ibivugwa yuko umukinnyi Sefu yaba yarigeze kumubwira ati 'Cherie ko urimo kudusifurira nabi' byaba ari ukuri.

    Reba amashusho wumve uko yashubije.

     

    Source : https://yegob.rw/salma-mukansanga-yatangaje-umukinnyi-wa-hano-mu-rwanda-wigeze-kumwita-cherie-mu-kibuga-umva-uko-byagenze/

  • Nyagatare : Pasiteri arashinjwa kwica ubukwe bwaburaga amasaha make #rwanda #RwOT

    Ubukwe bw’abo bageni bwari buteganyijwe kuri uyu wa Gatandatu tariki ya 05 Gashyantare 2022, nyuma yo kwemeranya kubana nk’umugore n’umugabo tariki ya 13 Mutarama 2022, babihamya imbere y’amategeko.

    Umusore avuga ko ejo ku wa Gatanu tariki ya 04 Gashyantare 2022 aribwo Pasiteri yamubwiye ko atiteguye kubasezeranya.

    Ati “Ejo nibwo bampamagaye bambwira ko Pasiteri atadusezeranya, ngo umukobwa ni umukirisitu cyane, niba hari inenge yambonyeho ko ari na we twagendanaga buri gihe mu gusaba, kuki atabuhagaritse mbere hose.”

    Avuga ko yifuza umugore we basezeranye mu mategeko cyangwa bakamusubiza ibye ako kanya.

    Agira ati “Bazindutse badutumaho ngo umukobwa yabuze ariko sibyo ni inama za Pasiteri. Ubu tugiyeyo turamenya uko bigenda, ariko ibyoroshye bampe umugore wanjye kuko ndamukunda kandi niba banze, bansubize ibyo maze gutanga byose batanduhije.”

    Pasiteri akimara kwanga kubasezeranya, bari bahisemo kwishakira undi ku ruhande ariko nabyo iwabo w’umukobwa barabyanga, nyamara mbere bari babyemeranyijeho.

    Umwe mu baherekeje uwo musore gusaba, avuga ko umuryango w’umukobwa wabahemukiye kuko warenze ku masezerano bagiranye.

    Ati “Ibi niba atari ubusambo ni uguta umuco, twarumvikanye, turabakwera, batera intambwe abana barasezerana none ngo umukobwa ntawe ? Ni uguta umuco ahubwo ibi bizagarukira hehe koko !”

    Umuryango w’umuhungu werekeje aho wasabye umugeni (kurongora), n’ubwo wari wamaze kubwirwa ko umukobwa adahari. Kigali Today dukesha iyi nkuru
    ivuga ko igishaka uko yavugana na Pasiteri uvugwaho kuba nyirabayazana w’iki kibazo.

    Source : http://www.ukwezi.rw/1-1/24/article/Nyagatare-Pasiteri-arashinjwa-kwica-ubukwe-bwaburaga-amasaha-make

  • Koreya ya Ruguru: Umwarimu yafunzwe azira kwigisha imbyino zitemewe #rwanda #RwOT

    Ubutegetsi bwo muri Koreya ya Ruguru bwataye muri yombi umwarimu wigisha kubyina na bamwe mu banyeshuri be bumuhora gukoresha amashusho yo mu bihugu byo hanze mu kwigisha abanyeshuri be imbyino mvamahanga bwise “iza gikapitaliste”. Ababibonye ni bo babibwiye Radiyo Aziya yigenga.

    Mu mwaka wa 2020 Koreya ya Ruguru yashyizeho itegeko rigenga umuco n'imyifatire.

    Iryo tegeko rihana ibifatwa nk'ibyaha byinshi birimo gutunga, kureba cyangwa gukwirakwiza amakuru aturutse mu bihugu iby'Abakapitaliste by'umwihariko Koreya y'Epfo n'Amerika.

    Iri tegeko rihanisha kugeza ku gihano cy'urupfu abahamijwe icyo cyaha ku rwego rwo hejuru.

    Uyu mwarimukazi urengeje imyaka 30 yigishaga abanyeshuri be i Yangji-dong, mu karere ka Pyongsong, kubyina injyana ya Disco nkuko umuturage wo muri ako karere utashatse kumenyekana kubera impamvu z'umutekano we yabitangarije Radio Aziya yigenga.

    IJWI RY'AMERIKA

    Source : https://umuryango.rw/amakuru/mu-mahanga/ubutabera/article/koreya-ya-ruguru-umwarimu-yafunzwe-azira-kwigisha-imbyino-zitemewe

  • Ibintu 7 by’ingenzi ku mfura ya Madonna iri m… – #rwanda #RwOT

    Lourdes Leon w’imyaka 25 y’amavuko ni we mfura y'umunyabigwi mu muziki Madonna, akaba ari nawe mwana rukumbi yabashije kubyarana n'umutoza w'abanyabigango Carlos Leon. Lourdes Leon uzwi nka Lola kuva yabona izuba muri 1996 yagiye akunda kutagaragara cyane mu kibuga cy'imyidagaduro kubera ko yarimo akurikirana amasomo nyamara ibi byaje guhinduka guhera mu mwaka ushize.

    Leon yahise atangira kugaragara ku mbuga nkoranyambaga, atangira kwiharira ibinyamakuru yaba ibisanzwe n'ibyandikirwa kuri murandasi byiganjemo iby'imideli ariko anatambuka ku itapi itukura mu birori bitandukanye. Ikintu kimwe kuri uyu mukobwa ahuriyeho na Nyina umubyara Madonna ni uko azi icyo ashaka kandi bitamutera isoni kuba yakora n’ibyo bamwe babona nko kurengera ngo abone icyo ashaka.

    INYARWANDA yabegeranirije ibintu 7 by'ingenzi ukwiye kumenya kuri Leon uri mu bari kumurika imyambaro y'imbere y’inzu y’imideli ya Rihanna yakorewe umunsi w'abakundanye uzizihizwa mu minsi mbarwa, buri mwaka uyu munsi wizihizwa kuwa 14 Gashyantare.

    1.Si umukobwa wabaswe n'umwirato w'umukiro n'ubwamamare

    Mu kiganiro aheruka kugirana na kimwe mu binyamakuru, uyu mukobwa Leon yatangaje ko ari we ubwe wiyishyuriye Kaminuza yifashishije amafaranga yakuraga mu nzu y’imideli ya ‘Materila Girl Clothing Line’ yatangije muri 2010 afatanije na nyina ari we Madonna.

    Ashimangira iyi ngingo avuga ko mu muryango wabo nta murage utangwa ahubwo ko buri muntu akora agashakisha ibye. Ibi binyuranye n’uko abandi bana b'ibyamamare baba bameze aho usanga ntacyo bakora ahubwo bagategereza kugenerwa buri kimwe n’abo bakomokaho baba bafite ibya mirenge.

    2.Kimwe na nyina nawe ni umunyabirori kandi utanga ibyishimo ku rubyiniro

    Leon yize mu ishuri ry'umuziki n'ubugeni rya LaGuradia mu mashuri yisumbuye mu gace kazwi nka Manhattan muri Let ya Newyork aho yavuye akomereza muri kaminuza ya Michigan hari muri 2014 ari nabyo yasorejemo mu mwaka wa 2018. Ibi bimuha ubushobozi bwo gutanga ibyishimo ku rubyiriko nk’uko bimeze kuri nyina.

    3.Yakundanyeho na Timothee Chalamet

    Ubwo yigaga muri LaGuardia, Leon yatangiye gufatwa nk’uri mu rukundo na Chalamet umukinnyi wa filimi baniganaga bakaba bari kumwe kenshi babyina cyangwa no mu masaha yo kiruhuko.Leon yaje kwemeza ko ari byo agira ati:'Ni byo Chalamet ni we muhungu twakundanye bwa mbere ndamwuha cyane.' Chalamet nawe yaje kubyemeza mu mwaka wa 2017 ubwo bari basohokanye na Leona na Madonna.

    4.Kuba atajya yogosha incakwaha

    Umuco wundi Leon afite ni uwo kutogosha incakwaho, iki kikaba ari kimwe mu bintu ahuriyeho na nyina Madonna. Mu mwaka wa 2018 yazamuye akaboko yerekana incakwaha muri Newyork Fashion Week yewe no mu 2021 yongeye kubikora muri Marc Jacobs Campaign.

    5.Afite inzu ye itanga serivisi za Make up

    Leon yafunguye inzu ye inzu ye ikora Make up afite imyaka 14 nyuma yuko yari yaramaze kwibonaho impano yo kumenya kubitunganya neza n'ubuhanga mu guhanga uburyo bushya bwo kubikoramo.

    6.Ni umwe mu banyamideli bakomeye

    Amaze kwandika izina mu kumurika imideli y'inzu zikomeye nko muri New York Fashion Week na Rihanna's Savage X Fenty Show kimwe n'izindi zinyuranye harimo no kuba yarabashije kwitabira Marc Jacob's Spring 2021 Campaign ibintu bitari bibi ugereranije n’uko yatangiye gukoresha Instagram mu mwaka wa 2021.

    7.Amaze kwigarurira inkuru nyamukuru z'ibinyamakuru bikomeye mu mideli ku isi

    Leon ni umwe mu banyamideli 9 b'ikiragano gishya muri Amerika bagaragaye ku rupapuro rwa mbere rw'ikinyamakuru cya Vogue muri Nzeri 2021.

    Ni umwe mu bari kumurika imyambaro mishya y’imbere y’inzu y’imdeli ya Rihanna


    Source : https://inyarwanda.com/inkuru/114191/ibintu-7-byingenzi-ku-mfura-ya-madonna-iri-mu-bari-kumurika-imyambaro-yimbere-yinzu-yimide-114191.html

  • Tumaini Byinshi wamamaye mu ndirimbo ‘Abafite… – #rwanda #RwOT

    Ni ibitaramo yise ‘Ikimenyetso Tour’, akaba azabitangirira muri Leta ya Arizona mu mijyi ibiri. Yavuze ko yabanje gufata umwanya asengera iri vugabutumwa agiye gukora. Uyu muramyi yatangaje ko impamvu yateguye ibi bitaramo ari ukubera ubusabe bwinshi yakiriye bw’abantu bifuza ko abataramira, asanga ibyaba byiza ari uko ategura ibi bitaramo kugira ngo abagerereho rimwe kuko ubusabe bwari bwinshi kandi ba nyirabwo bari muri Leta zitanzukanye muri USA.

    Mu kiganiro na InyaRwanda.com, Tumaini Byinshi yagize ati “Impamvu nateguye iyi tour mu by’ukuri natangiye umuziki numva nkwiye gushyira hanze ibindimo ariko nta mugambi munini nari mfite mu muziki cyane ko nari mfite n’ibindi mpugiyemo. Ariko uko ngenda nshyira hanze ibihangano nkabona abantu babyakiriye neza ndetse ntangira kwakira ubutumire butandukanye haba ari mu bitaramo ndetse no mu nsengero ku buryo ntanabona umwanya wo kubyitabira byose;

    Aho nabashije kwitabira hose bangaragarije urukundo rutangaje ndetse nsanga indirimbo zanjye zizwi na buri wese; nkurikije rero ubwo busabe bw’abantu batandukanye nabonye ntazabishobora, ntekereza uburyo bwo gukora ibitaramo rusange bihuriza abantu benshi hamwe. Narabisengeye umutima unyemeza ko hari icyo kwiye gukora. Hamwe na team imfasha gutegura, twemeza ko dukora ‘IKIMENYETSO TOUR’ tuzakora mu ma leta atandukanye”.

    Tumaini Byinshi ari mu baramyi bakunzwe bihebuje muri Diaspora nyarwanda

    Tumaini yavuze ko ibi bitaramo agiye kubitangirira muri Leta ya Arizona mu mijyi ibiri muri uku kwezi kwa Gashyantare. Ati “Tour yatangiriye muri state ya Arizona aho ibitaramo bizabera mu mijyi ibiri minini yaho, ariyo Tucson tariki ya 26/02/2022 na Phoenix tariki ya 27/02/2022. Iyi Tour izakomeza n’ahandi hatandukanye tuzagenda tubamenyesha. Abakozi b'Imana tuzabana muri Arizona ni Bienven Kayira, Nice Ndatabaye na Gentil Bigizi. Tuzaba turi kumwe na Band igizwe n’abacuranzi ndetse n’abaririmbyi beza”.

    Tumaini Byinshi ni umuramyi w’umuhanga ufite igikundiro cyinshi mu muziki acyesha indirimbo ye yise ‘Abafite ikimenyetso’. Ubwo yashyiraga hanze iyi ndirimbo yatumbagije ubwamamare bwe, hari abantu babanje gukeka ko ari indirimbo ya Israel Mbonyi bitewe n’uburyo imyandikire yayo yenda kumera nk’iy’indirimbo za Mbonyi ndetse n’ijwi rya Tumaini hari ukuntu ryenda kumera nk’irya Mbonyi. Nyuma yayo, Tumaini yakoze izindi nazo zakunzwe zirimo; ‘Nafashe umwanzuro’, ‘Intsinzi’, ‘Tuza waremewe’, ‘Aracyakora’ aherutse gukorana na Gentil Misigaro, n’izindi. 

    INKURU WASOMA: Tumaini Byinshi na Gentil Misigaro bakoranye indirimbo ‘Aracyakora’ yishimiwe na benshi barimo Israel Mbonyi

    Tumaini Byinshi yamamaye mu ndirimbo ‘Abafite ikimenyetso’

    Tumaini Byinshi yateguye ibitaramo bizenguruka Amerika

    Ibitaramo ‘Ikimenyetso Tour’ bizatangirira muri Arizona; amatike yatangiye kugurishwa aho kuyigura mbere y’igitaramo ari amadorali 25, abazayagurira ku muryango bazishyura amadorali 30 naho mu myanya y’icyubahiro itike iragura amadorali 50

    REBA HANO INDIRIMBO ‘ARACYAKORA’ YA TUMAINI BYINSHI FT GENTIL MISIGARO

    REBA HANO INDIRIMBO ‘ABAFITE IKIMENYETSO’ YA TUMAINI BYINSHI YITIRIWE IBI BITARAMO BIZENGURUKA AMERIKA

    Source : https://inyarwanda.com/inkuru/114187/tumaini-byinshi-wamamaye-mu-ndirimbo-abafite-ikimenyetso-agiye-gukora-ibitaramo-ikimenyets-114187.html

  • Sudani y’Epfo: Ingabo z’u Rwanda zirimo gufasha abaturage kurwanya imirire mibi mu bana #Rwanda #RwOT via @kigalitoday #rwanda #RwOT

    Ingabo z

    Ingabo z’u Rwanda zirigisha ababyeyi uko bategura indyo yuzuye

    Ikibazo cy’imirire mibi mu bana cyiganje muri Sudani y’Amajyepfo, ariyo mpamvu Ingabo z’u Rwanda ziri mu butumwa bwa UNMISS zikomeje gukora ubukangurambaga, by’umwihariko mu babyeyi batuye mu karere ka Torit, mu gutegura neza amafunguro y’abana babo.

    Umuyobozi uhagarariye abandi bagore mu gace ka Odikolong, Amaring Ikalwa Rose, yavuze ko impamvu nyamukuru iterwa no kuba ababyeyi bamwe batabasha kubona ibyo bagaburira abana babo, byanaboneka bakaba batazi kubitegura.

    Yagize ati 'Ibiryo rimwe na rimwe birabura, kandi iyo bibonetse nabwo abagore benshi ntibazi guha abana babo indyo yuzuye bakoresheje amafaranga make bafite.'

    Uwo muyobozi kandi yavuze ko ababyeyi benshi bagaburira abana babo rimwe ku munsi, ibyo bikaba nabyo bigira uruhare mu mikurire yabo mibi.

    Ibitaro bya Torit bitangaza ko buri munsi, ibigo nderabuzima byakira hagati y’umwana umwe na batatu bafite ibibazo by’imirire mibi, ariko mu gukemura icyo kibazo, ibitaro bikaba byarashyizeho amatsinda yo guhugurana.

    Umuyobozi ushinzwe imirire mu kigo nderabuzima, Antansia Sabasio yagize ati 'Twakiriye raporo nyinshi zerekeye abana bafite ikibazo muri aya matsinda, kandi dushobora kuvuga ko hari ubumenyi buke ku bijyanye n’indyo ibereye abana bakiri bato.'

    Mu rwego rwo gushyigikira Minisiteri y’Ubuzima muri Sudani y’Epfo, Ingabo z’u Rwanda ziri mubutumwa bw’Umuryango w’Abibumbye muri iki gihugu, zahuguye ababyeyi bagera kuri 50 mu buryo bwo kubereka uko amafunguro yuzuye, kandi ahendutse ashobora gutegurwa.

    Mu mahugurwa bahawe aba bagore banaboneyeho gukora isomo ryo gutegura indyo yuzuye, bifashishije ubwoko butandukanye bw’imboga, ibishyimbo, inyama, ibirayi ndetse n’igikoma.

    Majoro Marcelin Gatete, Imuyobozi w’Ingabo z’u Rwanda zifite icyicaro mu karere ka Torit, yavuzeko iyo abana barezwe neza, mu hazaza igihugu kiba kizagira abaturage bafite ubuzima bwiza.

    Yagize ati 'Igihe cyose abana b’igihugu barezwe neza, kizagira abaturage bafite ubuzima bwiza biteguye kuzafasha Sudani y’Epfo gutera imbere'.

    Umwaka ushize, Ishami ry’Umuryango w’Abibumbye ryita ku bana (UNICEF), ryagereranyije ko nibura miliyoni 1.4 z’abana bo muri Sudani y’Epfo biteganijwe ko bazahura n’indwara ziterwa n’mirire mibi.

    Source : https://www.kigalitoday.com/amakuru/mu-mahanga/article/sudani-y-epfo-ingabo-z-u-rwanda-zirimo-gufasha-abaturage-kurwanya-imirire-mibi-mu-bana

  • Ghana: Umusore yaguze Telefone ya Smartphone… – #rwanda #RwOT

    Iyi telefone ya Android uyu musore yaguze ku muhanda mu mujyi wa Accra, amakuru avuga ko ubwo yayiguraga yabonaga ikiri nshya nyuma yo kugera mu rugo aza gutungurwa no gusanga yaguze igifuniko cya telefone imbere harimo agace k'urubaho.

    Ikinyamakuru Celebritiesbuzz.com.gh cyatangaje ko Thomas Tag Amenyo umuvandimwe w'uyu musore watuburiwe agahabwa agace k'urubaho azi ko ari telefone aguze, ariwe watangaje bwa mbere ibyabaye ku muvandimwe we abinyujije ku rubuga rwa Facebook.

    Ubu butumwa Thomas yasangije inshuti ze ku rubuga rwa Facebook yabuherekesheje amafoto yerekana iyi telefone ikozwe mu rubaho yaguzwe n'umuvandiwe we ku muhanda mu mujyi wa Accra aziko aguze telefone nzima.



    Yatunguwe no gusanga bamuhaye agace k’urubaho aziko ari telefone yaguze

    Aka gace k'urubaho uyu musore bamuhaye azi ko ari telefone kari kabaje neza kari mu ishusho ya telefone kari imbere mu gifuniko aho ibyuma bitandukanye bituma telefone ikora biba biherereye.

    Thomas mu butumwa bwe yagize ati: 'Bamwe mu bantu bacuruza amatelefone ntabwo bazagera mu ijuru, murebe ibyo bakoreye umuvandimwe wanjye mu mujyi wa Accra. Ntawe byigeze kubaho? Nawe tubwire uko byakugendekeye.'

    Mu minsi yashize nabwo mu gihugu cya Nigeria mu mujyi wa Lagos hari umugabo watuburiwe ahabwa telefone ya iPhone 6 yometseho ibinini bitatu inyuma ahajya Camera azi ko aguze iPhone 11 Pro max ndetse yishyuye agera ku 250,558 Frw abo yayiguriye.

    Source : https://inyarwanda.com/inkuru/114198/ghana-umusore-yaguze-telefone-ya-smartphone-ku-muhanda-azagutungurwa-no-gusanga-bamuhaye-a-114198.html