Category: Uncategorized

Dj Princess Flor yavuze akari ku mutima we n’ishema atewe no kwibaruka imfura ye y’umukobwa. Yavuze ko atewe ishema no kuba atazongera kwitwa imfubyi. Ati: ”Mwana wanjye w’umukukobwa, niteguye guhura nawe, kukurindira isura yawe nziza, kuguhobera, ndakwizeza ko nzakora buri kimwe kugira ngo ubuzima bwawe bugende neza, sinzi ko ndi umubyeyi mwiza ariko icyo nkwijeje nzakora buri kimwe kugira ngo wishime. Guhera ubu sinzongera kuvuga ko nta muryango, abavandimwe, uzaba umuryango wange mukuru, ndagukunda”.

Dj Princess Flor ubwo aheruka mu Rwanda, mu kiganiro yagiranye na Isimbi Tv yagarutse ku ngingo yerekeranye n'ubukwe bwe. Yavuze ko abantu benshi bajya bamubaza igihe azakorera ubukwe ariko we akaba yumva nta gihe ntarengwa cyo gukora ubukwe. Yakomeje avuga ko we ku giti cye yabaye afashe umwanzuro wo kuba nta bukwe azakora kuko atari cyo kintu abona cyihutirwa mu buzima bwe.

Dj Princess Flor aritegura kwibaruka umwana w’umukobwa

Dj Princess Flor yabaye imfubyi akiri muto dore ko nyina yitabye Imana ubwo yari afite amezi ane gusa. Se na Nyirakuru wamureze mu cyimbo cya nyina, bishwe muri Jenoside yakorewe Abatutsi mu 1994. Uyu mukobwa yakuze arererwa mu muryango, mu mwaka wa 2003 aza kujya i Burayi mu buryo na we atabasha gusobanura neza.

Dj Princess Flor ni umukobwa umaze gucurangira abahanzi hafi ya bose b'abanyarwanda bamaze gutaramira i Burayi by'umwihariko mu gihugu cy'u Bubiligi. Yavukiye mu mujyi wa Kigali i Nyamirambo, yiga amashuri abanza ku Kivugiza ndetse no kuri St Famille nyuma ayisumbuye ayiga muri St Andre aho yavuye atarangije kwiga kuko yagombaga kujya gukomereza amasomo ye i Bubiligi.

Dj Princess Flor yatewe ibyishimo no gutwita umwana we w’imfura

Dj Princess Flor avangira umuziki i Burayi

Dj Princess Flor yavuze ko ubu atakiri imfubyi

Boanerges Gospel Group ni itsinda rigizwe n’abiganjemo urubyiruko biyemeje gukorera Imana mu majwi yabo no mu bundi buryo Imana ibashoboza. Ijambo Boanerges [Soma Bowanejyezi] bisobanuye Abana b’inkuba, bakaba bararikomoye muri Bibiliya muri Mariko 3: 16-17 havuga ngo “Nuko atoranya abo cumi na babiri, Simon amwita Petero, na Yakobo mwene Zebedayo na Yohana mwene se wa Yakobo na bo abita Bowanerige risobanurwa ngo “Abana b’Inkuba”.

Iri tsinda rikorera ivugabutumwa mu rusengero Bethesda Holy Church ku Gisozi mu mujyi wa Kigali aho bakunze kwita kwa Bishop Rugamba Albert kuko ari we Mushumba Mukuru w’iri Torero. Ryashinzwe tariki 24/10/ 2004 rishingwa n’uwitwa Niwemugeni Albine (Sarah). Ryatangiranye abantu hagati ya 15 na 20, ubu rifite abanyamuryango bagera kuri 68. Bamaze gukora indirimbo 3 – nizo ziri kuri shene yabo ya Youtube, gusa iyi ndirimbo nshya basohoye ‘Uyu mubiri’ ni iya mbere bakoze igaragaza amashusho.

Mary Cynthia Ingabire Perezida w’iyi korali Boanerges Gospel Group yabwiye InyaRwanda.com ko bamaze gukora ibikorwa byiganjemo ibitaramo n’ibiterane mu ivugabutumwa bamazemo imyaka 18. Ati “Ibikorwa twakoze harimo ama concert agiye atandukanye, ari local muri church yacu ndetse n’andi twagiye dutumirwamo hamwe na concert imwe twakoze mu 2013 yo kurwanya ibiyobyabwenge mu rubyiruko yabereye Kimisagara kuri Maison de Jeunes”.

Boanerges Gospel Group igizwe n’abaririmbyi barenga 68

Yavuze ko bamaze gukora indirimbo zabo bwite eshatu z’amajwi ari zo ‘Ntawamenya’, ‘Amashimwe’ na ‘Kugukorera’ hamwe n’iyi y’amashusho bise ‘Uyu mubiri’. Mary Cynthia Ingabire yavuze ko iyi ndirimbo yabo nshya ‘Uyu mubiri’ yanditwe n’umwe mu baririmbyi bayo witwa Sam Rwibasira [asanzwe ari umuhanzi], ikaba “yibutsa umukristo uri mu rugendo ko nyuma y’uru rugendo rwo mu isi tubikiwe amakamba mu ijuru kugira ngo byongere kumuremamo ibyiringiro byo kuzabona Imana”.

Yanavuze bimwe mu byo bateganya gukora nyuma y’iyi ndirimbo, ati “Nyuma y’iyi ndirimbo dufite gahunda yo gukomeza gusohora n’izindi ari Videos ndetse na Audios (indirimbo z’amashusho n’amajw)”. Yashimiye byimazeyo abakristo ba Bethesda Holy Church ku bwo kubashyigikira umunsi ku wundi anabasaba kubikomeza. Ati “Abakristo b’itorero ryacu turabashimira ku bwo kudushyigikira ndetse tunabasaba gukomeza kudushyigikira”. 

Muri iyi ndirmbo ‘Uyu mubiri’ y’iminota 7 n’amasegonda 37 imaze gutangwaho ibitekerezo birenga 60 kuri Youtube, aba baririmbyi biyise ‘Abana b’Inkuba’ [Boanerges] baririmbamo aya magambo: ”Uyu mubiri wanjye numara kubora nzareba Imana yanjye, nzayireba mu maso, icyo gihe sinzapfa, icyo gihe sinzarira, sinzasuhuza umutima kuko ibya mbere byose bizaba bishize. Azafata umwitero we ampanagure amarira ati ‘Ngwino Mwana wanjye mu rugo kwa So’. 

Iyo ndebesheje ukwizera nkatumbira mu ijuru, mbona ubwiza buntegereje, umutima wanjye ugahindurwa nkakura amaso ku by’isi nkanezezwa no kwibuka ko igitondo kimwe nzaguruka nsanganira umwami ku bicu, azampanagura amarira yanjye yose narize, mbega umunezero udasanzwe uzuzura umutima wanjye, turebane amaso ku maso. Iby’amaso yacu atari yabona n’iby’amatwi atari yumva, iby’imitima yacu itaratekereza, nibyo twabikiwe n’Umwami Yesu”.

Bakorera umurimo w’Imana muri Bethesda Holy Church ku Gisozi

Sam Rwibasira (wambaye umupira w’umutuku) niwe wanditse iyi ndirimbo ‘Uyu mubiri’

“Abana b’Inkuba” bavuga ko bafite izindi ndirimbo nshya z’amashusho biteguye gushyira hanze

Barashimira ababateye inkunga bakanabasaba gukomeza kubashyigikira cyane

REBA HANO INDIRIMBO ‘UYU MUBIRI’ YA BOANERGES GOSPEL GROUP

Abarimu bo muri izo Kaminuza uko ari zirindwi bazarushaho kwiyungura ubumenyi mu myigishirize

Ibi abarimu bo muri IPRC Musanze, babigarutseho kuri uyu wa Gatatu tariki 9 Gashyantare 2022, mu biganiro byabahuje n’itsinda ry’Abarimu baturutse muri University of Parma, bakaba bagirira urugendoshuri mu Rwanda, rugamije guhanahana ubumenyi no kurushaho kwimakaza udushya mu myigishirize hagati y’impande zombi.

Iryo tsinda, rigizwe na Prof. Roberto Valentino na Prof. Davide Barbanti, bombi bigisha muri Kaminuza ya Parma, basuye IPRC Musanze, nyuma y’uko n’abarimu b’iriyo shuri na bo, baherukaga kugirira urugendoshuri muri iyo Kaminuza yo mu gihugu cy’u Butariyani.

Uku kugendererana hagati y’impande zombi, bizifasha kurushaho gusangira ubumenyi mu bijyanye n’imyigishirize, nk’uko Eng. Emile Abayisenga, Umuyobozi wa IPRC Musanze abivuga.

Yagize ati 'Kimwe muri byinshi turimo kungukira mu mikoranire hagati ya IPRC Musanze na Kaminuza ya Parma, harimo bimwe mu byo Kaminuza yakora, ikabasha kwiyubaka, bikayigeza ku kumenyekana ku ruhando mpuzamahanga, ikanafungurira amarembo abarimu n’abanyeshuri baturutse hirya no hino kw’isi. Ibyo biri mu bintu twagiye tubigiraho, tumenya uko babikora'.

Prof. Roberto Valentino na Prof. Davide Barbanti(bicaye imbere) bigisha muri Kaminuza ya Parma

Ati 'Uyu ariko aba ari n’umwanya wo guhura kw’abarimu no kugirana imikoranire ya hafi (Academic Networking), kugira ngo twongere ibipimo by’imyigishirize, tukareba ni gute babigenza, ni iki twe tubura, ese twakoresha ubuhe buryo ngo bibonerwe igisubizo. Ni uko buri ruhande rubigenza rwigira ku rundi'.

Ishimwe Vivianne, Umwarimu muri IPRC Musanze, akaba yigisha ibijyanye n’amashanyarazi, asanga hari byinshi bakomeje kungukira mu mikoranire hagati y’iri shuri n’andi ma Kaminuza yo hanze.

Yagize ati 'Uko gukorana bya hafi, bidufasha kutihugiraho, ngo twumve ko ubumenyi dusanganywe buhagije. Turushaho gufunguka, imyigishirize yacu ikaguka, kuko tuba twamenye agakeregeshwa bagenzi bacu baturusha tukabyubakiraho twigisha byimbitse, bigafungura abanyeshuri bacu mu mutwe na bo bagakuza ubunararibonye'.

Tuyambaze Africain uri no mu itsinda ry’abarimu baheruka kugirira urugendoshuri mu gihugu cy’u Butariyani, yagize ati: 'Twagize umwanya uhagije wo kuganira n’abarimu ndetse n’abanyeshuri baho. Nungukiyemo ko umwarimu aba akwiye koroshya imikoranire ye n’umunyeshuri, kugira ngo byorohereze umunyeshuri kubona umwanya uhagije, wo gukora ubushakashatsi n’imishinga yubakiye ku dushya, bigafasha kuzamura urwego rw’imyigishirize, n’igihugu kikaba cyabyungukiramo. Nkabona rero iyo ari imwe mu ntwaro, twe nk’abarimu twarushaho kwifashisha kugira ngo ireme ry’uburezi ryiyongere'.

Iyi mikoranire y’amakaminuza, iri muri gahunda y’umushinga watangiye mu mwaka wa 2020, uhuriweho na Kaminuza zirindwi, harimo eshatu zo ku mugabane w’u Burayi, zigizwe na University of Parma yo mu Butariyani, University of Applied Sciences in Cologne yo mu Budage na University of Liège yo mu Bubirigi.

Ku ruhande rw’u Rwanda ho hari IPRC Musanze, UR-CAVM, University of Technology of Byumba na INES-Ruhengeri.

Ishimwe Vivianne wigisha muri IPRC Musanze yemeza ko iyi gahunda izabafasha gutanga uburezi bufite ireme

Prof. Roberto Valentino, umwarimu wigisha muri Kaminuza ya Parma, yagize ati 'Ni umushinga uzamara imyaka ine, aho twiteze ko izi Kaminuza zo ku mugabane w’u Burayi n’izo mu Rwanda, zizarushaho guhanahana ubumenyi, mu birebana no kwigisha amasomo, cyane cyane ajyanye no kongerera agaciro ibikomoka ku musaruro w’ubuhinzi n’ubworozi. Hari kandi amasomo arebana n’uburyo bwo kwifashisha ikoranabuhanga mu kubika neza umusaruro, hagamijwe kubungabunga ibidukikije'.

Yongeraho ko uburyo bw’ingenzi bazifashishwa ngo izo ntego zigerweho, harimo gusangira amakuru akubiye mu nteganyanyigisho, guhugura abarimu b’zio Kaminuza no kongera ibikoresho byorohereza imyigishirize y’abarimu n’imyigire y’abanyeshuri, hiyongereyeho n’ingendoshuri zizajya zikorwa n’impande zombi.

Ku wa Kabiri tariki ya 01 Gashyantare 2022, Rayon Sports yerekanye abakinnyi bashya yasinyishije barimo rutahizamu Mael DINDJEKE ukomoka muri Cameroun.

Mael Dinjeke yasinye muri Rayon Sports nyuma yo kumara ibyumweru bibiri mu igeragezwa, ashimwa n'abatoza. Uyu mukinnyi yageze muri Rayon Sports avuye muri PWD Social Bamenda yo muri Cameroun.

Gusa uyu mukinnyi yasinyishijwe nta mukino n'umwe wa gicuti akiniye iyi kipe kugira ngo agaragaze icyo ashoboye n'icyo azafasha iyi kipe ishaka igikombe cya shampiyona uyu mwaka.

Mbere y’uko igice cya kabiri cya shampiyona gitangira, Rayon Sports yakinnye imikino ibiri ya gicuti mu kwitegura neza no kugaragaza abakinnyi bashya iyi kipe yongereye ku bakinnyi igice kibanza cya shampiyona ndetse no kumurikira abakinnyi umutoza mushya kugira ngo arebe uko buri wese ahagaze.

Rayon Sports yabanje gukina na Police FC, banganya 1-1, nyuma baje gukina na Nyanza FC bayinyagira ibitego 4-0.

Muri iyi mikino yombi umutoza Jorge yakoreshaga amakipe abiri atandukanye, ikipe imwe yakinaga igice cya mbere indi igakina igice cya kabiri.

Rutahizamu w'umunya-Cameroun Mael Dinjeke yakinnye yakinnye iminota 90 mu mikino ibiri.

Mu minota yose yakinnye, Dinjeke yabonye amahirwe menshi yo gutsinda ibitego ari wenyine imbere y'izamu ariko bikamunanira gutera mu izamu.

Dinjeke byagaragaye ko agorwa no gushaka uko yasesera muri ba myugariro ndetse no gucenga yinjira mu rubuga rw'ikipe bahanganye ni ihurizo rikomeye kuri we.

Ni umukinnyi usanzwe abafana batakwitegaho byinshi bitewe n'uburyo yigaragaje mu mikino ibiri yakinnye.

Uyu mukinnyi ashobora kutazigera akoreshwa n'umutoza Jorge kubera ko urwego rwe ruri hasi ndetse aho kugira ngo akomeze arye amafaranga y'ikipe nta musaruro atanga, ashobora kuzahita yerekwa umuryango bidateye kabiri bigendanye n'ibikubiye mu masezerano.

Nta gihindutse, byitezwe ko Leandre Onana na Musa Esenu ari bo bagomba gushakira ibitego Rayon Sports muri iki gice cya kabiri cya shampiyona iyi kipe igomba gutangira ku wa Gatandatu tariki ya 12 Gashyantare ikina na Mukura mu karere ka Huye.

Dinjeke ashobora kutazaramba muri Rayon Sports

N’ubwo Perezida Kagame atavuze amazina, yavuze ko hari uwababariwe kubera ibyaha yakoze bifitanye isano na Jenoside, bamwe bakamuhindura impirimbanyi ya demokarasi n’ubwisanzure. Aha abatari bacye bahise bumva ko uvugwa yaba ari Ingabire Victoire Umuhoza wari warakatiwe imyaka 15 y’igifungo azira ibyaha birimo gupfobya no guhakana Jenoside, akaza kubabarirwa na Perezida Kagame.

Muri iryo jambo Perezida yanakomoje kandi ku bakora ibyaha bigatuma bajya kwangara mu mahanga, avuga ko abo bo n’Imana izababaza impamvu yo kwangara kwabo.

Mu ijambo rye kandi, Perezida Kagame yanavuze uburyo umubano w’u Burundi n’u Rwanda ugana aheza, kuburyo n’ibitarajya mu buryo ari igihe gito bugatungana.

Umukuru w’igihugu yanibanze cyane ku mubano w’u Rwanda na Uganda, icyatumye umupaka ufungwa n’inzira byanyuzemo ngo wongere gufungurwa, anasobanura impamvu urujya n’uruza rw’abantu rutahise rutangira nk’uko byari byitezwe na benshi.

Ubutumwa bukomeye ku bavuga ko Kagame ari umunyagitugu ubuza abantu amahoro||Victoire yagarutsweho

Ni nyuma y’uko bageze mu Rwanda ku Cyumweru tariki 6 Gashyantare 2022, baje gusura ibyiza bitatse u Rwanda muri gahunda ya Visit Rwanda, bakaba bashoje urugendo rwabo kuri uyu wa Gatatu tariki 09 Gashyantare 2022.

Ubwo Perezida Kagame yabakiraga bari kumwe n’imiryango yabo, aba bakinnyi batangaje ko ubufatanye bw’ikipe bigeze gukinira ya Arsenal n’u Rwanda muri gahunda ya Visit Rwanda ari nk’impano hagati y’impande zombi, kandi ko bwatumye u Rwanda rumenyekana hirya no hino ku isi.

Umwe muri bo yagize ati 'Mvugishije ukuri, ntabwo abantu bari bazi u Rwanda mbere y’ubu bufatanye. Bumvaga ngo uje muri Afurika bakibaza aho ari ho. Ariko ubu abantu bazi u Rwanda n’ibihakorerwa, kubera kureba umwambaro wa Arsenal ahanditse Visit Rwanda.'

Kuri bo kandi, u Rwanda na Arsenal ngo byabaye nk’umuryango umwe.

Ariella Kageruka ushinzwe ubukerarugendo mu rwego rushinzwe iterambere mu Rwanda (RDB), na we yavuze ko gahunda ya Visit Rwanda ikomeje guteza imbere ubukerarugendo mu Rwanda, ndetse n’ishusho nziza yarwo.

Yagize ati 'Ubufatanye n’ikipe ya Arsenal ndetse n’abandi bagera hirya no hino ku isi bwatugejeje ku kumenyekanisha Igihugu birenze ibyo twakwikorera twenyine.'

Robert Pires yakiniye Arsenal kuva mu mwaka wa 2000 kugeza muri 2006, naho mugenzi we Ray Parlour we yayikiniye kuva mu 1992 kugeza muri 2004.

Pires na Parlour, bombi b’imyaka 48 y’amavuko, bakigera mu Rwanda tariki 06 Gashyantare 2022, bahise batangira urugendo rwo gusura ahantu nyaburanga hatandukanye mu gihugu, harimo na Pariki ya Nyungwe, aho banyuzwe bakanishimira gutemberera ku kiraro cyo mu kirere.

Ku rukuta rwa Twitter rwa Visit Rwanda, banditse ngo: 'Ibi byamamare bya Arsenal, biri mu Rwanda, muri gahunda ya Visit Rwanda, iri mu bufatanye bwa Arsenal bwo kuzenguruka igihugu no kwirebera ibyiza byo ku butaka bw’igihugu cy’imisozi igihumbi'.

Bongeyeho bati 'Mu ruzinduko rwabo rw’umunsi wa mbere basuye Nyungwe, by’umwihariko batembera ku kiraro cyo mu kirere, bashimishwa no kwirebera ibintu bitangaje, bari hejuru y’ishyamba kimeza rya Nyungwe, riherereye mu Majyepfo y’Iburengerazuba bw’u Rwanda'.

Parlour na we yasangije abamukurikira kuri Twitter, ifoto ari kumwe na Pires bari kuri Mantis Kivu Marina Bay Hotel, maze agira ati: 'Nishimiye gusura u Rwanda hamwe n’umuntu w’ingenzi, Pires'.

Yongeyeho indi foto yabo bombi, ibagaragaza barimo kugendera ku kiraro cyo mu kirere, mu ishyamba rya Nyungwe.

Parlour na Pires bahoze mu ikipe ya Arsenal yarangije umwaka w’imikino idatsinzwe ndetse imenyekana ku izina rya 'Invincibles' bivuze 'Indahangarwa' icyo gihe ikaba yaratozwaga na Arsene Wenger. Yanabaye ikipe yonyine mu mateka ya Shampiona y’u Bwongereza, yegukanye igikombe cya Shampiona idatsinzwe, mu mwaka wa 2004.

Iyi kipe yabashije kugera kuri ayo mateka yo kwegukana shampiyona n’amanota 90 mu mikino 38, yatsinzemo igera kuri 26, inganya imikino 12.

Aba bombi bari mu Rwanda mu rwego rw’ubufatanye hagati y’u Rwanda na Arsenal, mu rwego rwo guteza imbere u Rwanda nk’ahantu h’ubukerarugendo, bakaba biyongera ku bandi bakinnyi benshi, barimo abagikina n’abahoze bakinira iyi kipe ibarizwa i Londres, bagiye baza mu Rwanda mu bihe bitandukanye.

Aha bitegerezaga ubwiza bw’ikiyaga cya Kivu

Perezida w’iyo Komisiyo, Depite Nyirahirwa Veneranda, yasabye ko iki cyifuzo cyagezwa kuri Minisiteri y’Uburezi (MINEDUC), kugira ngo abahinzi bose mu Gihugu bajye babona isoko ry’umusaruro wabo ku mashuri abegereye.

Hari mu Nteko Rusange y’Umutwe w’Abadepite yateranye kuri uyu wa Gatatu, ikagezwaho raporo y’umwaka ushize wa 2021 yakozwe na Komisiyo y’Ubumwe bw’Abanyarwanda, Uburenganzira bwa muntu no kurwanya Jenoside, igaragaza ibyo yaganiriye n’inzego zinyuranye ku buryo Politiki n’Amategeko byubarihiza uburenganzira bw’umwana.

Depite Nyirahirwa Veneranda yagize ati 'Hari aho usanga beza umuceri cyane warangirikiye ku mbuga z’abahinzi cyangwa z’amakoperative. Wareba ugasanga ikigo cy’amashuri kiri aho kijya kugura ibijumba n’ibirayi mu kandi gace k’Igihugu, ariko ba bahinzi b’aho ngaho umuceri wabo ukangirika warabuze isoko'.

Depite Nyirahirwa avuga ko ibi bitavuze ko abanyeshuri bazafungura ibiribwa byezwa n’abahinzi bo muri ako gace gusa, ariko ngo bagombye kuba ari byo baheraho.

Depite Mukabunani Christine uri mu bagize icyo bavuga kuri raporo, yahise agaragaza impungenge z’uko abana bashobora kurya indyo imwe gusa izaba yiganje muri ako gace, akabona ko bidakwiye.

Yagize ati 'Bivuze ko abana batazahinduranya indyo, kuko niba ahantu hera ibirayi, ubwo bazarya ibirayi kugeza na ryari! Jyewe nkabona ibyiza ahubwo ari uko uturere twahahirana, ahera ibirayi bagahinduranya bagahaha ibindi kuko ni igihugu kimwe'.

Raporo ya Komisiyo y’Inteko ishinga Amategeko, igaragaza ko umusaruro w’ibiribwa wiyongereye cyane kuva mu mwaka wa 2017 kugera muri 2020, aho ibigori byavuye kuri toni 340,326 bigera kuri toni 450,633 (bihwanye na 32%).

Ibindi biribwa nk’umuceri, Soya, ingano, imyumbati, ibirayi, amata, amagi, inyama n’amafi bikaba na byo byaragaragaje kwiyongera ku rugero rurenga 20% muri rusange muri 2020.

Umunyamabanga Mukuru w’Urugaga rw’Abahinzi mu Rwanda Imbaraga, Gafaranga Joseph, avuga ko n’ubu hari ibihingwa byangirika nyamara bituranye n’ibigo by’amashuri aho abana babikeneye.

Gafaranga yagize ati 'Abahinzi babura isoko bitewe n’igihe cy’umwero w’ibiribwa, nk’ibirayi usanga byaraboze mu kwezi k’Ugushyingo n’Ukuboza, kuko umuhinzi abirunda ategereje kubigurisha ku giciro cyiza.'

Yakomeje agira ati 'Ni bwo ubona amashu yegereye Kaminuza y’u Rwanda n’andi mashuri yisumbuye i Busogo (Musanze) yaraboze, nyamara ayo mashuri akajya kuyahaha ahandi, kandi ku giciro gihanitse kurusha icyo basize hafi yabo'.

Raporo ya Komisiyo y’Ubumwe bw’Abanyarwanda, Uburenganzira bwa muntu no kurwanya Jenoside yakiriwe mu Nteko, nyuma yo gusaba za Minisiteri n’ibigo nka MINIJUST, MIGEPROF, MINEDUC, MINISANTE, MINALOC, MINAGRI na CNDP, gukemura ibibazo biri mu nshingano zabyo zo kwita ku bana mu gihe kitarenze amezi atandatu.