Category: Uncategorized

Abambitswe iyi midali itangwa na Loni, bose hamwe ni 800 barimo abagore 62, aho bose bashimiwe ubwitange n'ubunyamwuga bagaragaza mu gukomeza kugarura no kubungabunga amahoro.

Uyu muhango wabaye kuri uyu wa Kane tariki 10 Mutarama 2022, uyoborwa n'Umugaba Mukuru w'Agateganyo w'Ingabo za UNMISS, Maj Gen Mohammad Main Ullah Chowdhury.

Ingabo z'u Rwanda zatangiye ibikorwa byo kugarura amahoro muri Sudani y'Epfo mu 2016 nyuma y'imvururu zavutse hagati ya Perezida Salva Kiir na Riek Machar wari Visi Perezida we.

Byatumye abaturage b'icyo gihugu kimaze imyaka irindwi kivutse bagera kuri miliyoni 1.5 bahungira mu bindi bihugu, abandi 300 000 bava mu byabo bahungira mu bindi bice by'imbere mu gihugu.

Mu butumwa bwa UNMISS muri Sudani y'Epfo, u Rwanda rufite batayo eshatu ndetse n'umutwe w'ingabo zirwanira mu kirere. Ni mu gihe abambitswe imidali ari abasirikare 800 bo muri Batayo ya Kabiri.

Umugaba Mukuru w'Agateganyo w'Ingabo za UNMISS, Maj Gen Mohammad Main Ullah Chowdhury yambitse imidali Ingabo z’u Rwanda

Ingabo z’u Rwanda zikomeje gushimirwa uruhare rwazo mu kugarura no kubungabunga amahoro muri Sudani y’Epfo

Polisi ivuga ko abahuguwe barimo abaganga n’abaforomo, abayobozi b’amashami atandukanye, abatekinisiye, abashinzwe umutekano bo mu bitaro bya Gatunda, hamwe n’abayobozi mu nzego bwite za Leta, aba Dasso n’umwofisiye wa polisi, bakorera mu Murenge wa Gatunda.

Abahuguwe basobanuriwe ibitera inkongi, ibigize inkongi hamwe n’ubwoko bwazo, banerekwa uburyo butandukanye bashobora kwifashisha mu kuzimya umuriro bakoresheje nka za kizimyamoto ndetse no kuzimya hifashishijwe ikiringiti cyangwa isume.

Nyuma yo kugenzura igishobora kuba imbarutso y’inkongi y’umuriro mu bitaro bya Gatunda, inzego z’ubuyobozi zahise zibimenyeshwa kugira ngo bikemurwe vuba.

Biteganyijwe ko kuri uyu wa Gatanu tariki 11 Gashyantare 2022, igikorwa nk’iki kizakomereza mu Karere ka Gatsibo ku bitaro bya Ngarama.

Nyuma y’uko ku gicamunsi cyo ku wa Gatatu tariki 06 Ukwakira 2021, inyubako y’Ibitaro bya Kibagabaga mu Karere ka Gasabo yafashwe n’inkongi y’umuriro ibyari birimo bikangirika, ku bw’amahirwe ntihagira umuntu uhitanwa n’iyo nkongi y’umuriro kuko polisi yahise itabara, igatangira ibikorwa byo kuwuzimya utarafata izindi nyubako.

Mu rwego rwo kwirinda ko inkongi yabaye mu bitaro bya Kibagabaga yagira ibindi bitaro yibasira, Ishami rya Polisi rishinzwe kurinda no kuzimya inkogi y’umuriro (Fire Brigade), ryahise ritangira guhugura abakozi b’ibitaro bitandukanye mu Mujyi wa Kigali ndetse no mu Ntara.

Mu bakozi b’ibitaro bahuguwe mu Mujyi wa Kigali harimo abaganga n’abandi bakozi bo mu bitaro bya Masaka biherereye mu Karere ka Kicukiro, ndetse aya mahugurwa akaba yaranatanzwe mu bigo bitandukanye bitanga serivisi zihuza abantu benshi, nk’amashuri.

Zoe Kabila umuvandimwe w’uwahoze ari perezida Joseph Kabila yagombaga kujya muri Afrika yepfo akoresheje indege ya Kompanyi ya South African Airways (SAA). Kubw’amahirwe make ntabwo ibintu byose byagenze nkuko byari byateganijwe kuri Zoé Kabila.

7 Sur 7 yanditse ko indege yagombaga kujyana uyu mugabo kuri uyu wa kane, mu ma saa kumi n’imwe z’igitondo ,Zoé Kabila yageze ku Kibuga cy’indege mpuzamahanga cya N’djili mbere yahoo gato mu rwego rwo kunoza urugendo rwe.

Agezeyo ngo yajyanywe ku biro by’umuyobozi mukuru w’ikigo gishinzwe abinjira n’abasohoka (DGM) ku kibuga cy’indege. Nyuma amenyeshwa ko adashobora gufata indege ye ,nk’uko byari biteguwe.

Binavugwa ko Zoé Kabila wari urimo gukoresha urupapuro rw’inzira rwe yahise arwamburwa rugafatirwa n’ubuyobozi bw’abinjira n’abasohoka ku kibuga cy’indege cya N’djili.

Nk’uko amakuru amwe abivuga,ngo Zoé Kabila yifuzaga kujya kwifatanya n’umuvandimwe we, Joseph Kabila wahoze ari Perezida w’igihugu, umaze iminsi mike muri Afurika y’Epfo kubera impamvu z’ubuzima nk’uko bamwe mu bavandimwe be babitangaza.

Myugariro wa AS Kigali, Rugwiro Herve avuga ko ibihe bigoye mu rugendo rwe rwa ruhago yabigize ubwo yari mu ikipe ya Rayon Sports kuko yamaze igihe kinini adahembwa kandi yari afite umuryango wo kwitaho.

Uyu mukinnyi ukina mu mutima w’ubwugarizi, yinjiye muri Rayon Sports mu mpeshyi ya 2019 maze muri Werurwe 2020 shampiyona irahagarara kubera icyorezo cya Coronavirus cyari cyageze mu Rwanda, ibintu byongeye gusa n’ibisubira ku murongo muri 2021.

Aganira n’ikinyamakuru ISIMBI, Avuga ko ibihe bidasanzwe yagize mu rugendo rwe rwa ruhago yabigiriye muri APR FC kuko ari ho yatwariye ibikombe byose afite.

Ati 'ni muri APR FC kuko niho natwariye ibikombe byose bikinirwa hano mu Rwanda, byinshi nka 7 ngira ngo mfite, urebye ni aho ahandi ntabwo ndabasha kugira icyo nkora.'

Umukino u Rwanda rwanganyijemo mna Ghana 1-1 muri Ghana 2016 mu gushaka itike y’igikombe cy’Afurika, ni wo mukino afata nk’uw’ibihe byose kuri we.

Yavuze ko kandi ubwo yari muri Rayon Sports yamaze amezi hafi 8 adahembwa kandi afite umuryango wo kwitaho, bikaba ari byo bihe byamugoye cyane.

Ati 'Ibihe byankomereye ni ibihe byo muri Coronavirus, ndi muri Rayon Sports usibye ko ari ku Isi hose ibibazo byari biriho, urumva iyo umaze amezi nk’umunani, umuntu adakora, adahembwa ni ibindi bindi.'

Yakomeje avuga ko kandi uretse ibi, n’ibihe birukanwaga muri APR FC nabwo byari ibintu bitoroshye cyane kuko byaje bisa n’ibibatunguye.

Ati 'ikindi gihe ni igihe twahinduraga amakipe batwirukana muri APR FC ariko ibyo ni ibisanzwe mu buzima bw’umuntu ariko byo naje kubyumva.'

Abajijwe niba abona ko koko bari bakwiye kwirukanwa, yagize ati 'Umubare munini uba utunguranye rimwe na rimwe uba ubona ko umuntu aba agishoboye ariko ni politiki y’ikipe, buri muntu, buri muyobozi na buri kipe igira ibyo igenderaho, ntekereza ko cyari cyo gihe cyiza cyabo kuko banakomeje banitwara neza ngira ngo rero cyari cyo gihe.'

Kubera umuasaruro utari mwiza muri 2019, APR FC yafashe umwanzuro wo gusezerera abakinnyi 16 barimo na Rugwiro Herve wahise yerekeza muri Rayon Sports, ubu ari muri AS Kigali avuga ko ashaka gufasha akaba yagira igikombe ayihereza.

Ibihe bikomeye yahuye nabyo muri Rayon Sports

Rugwiro Herve avuga ko muri APR FC ari ho yagiriye ibihe byiza

Iyi nkoni ikomeje kuzengurutswa mu bihugu bigize Umuryango w'Ibihugu bikoresha ururimi rw'Icyongereza, Commonwealth, yagejejwe ahari kubera Expo Dubai 2022, ku wa 10 Gashyantare 2022.

Ambasaderi w'u Rwanda muri Leta Zunze Ubumwe z'Abarabu, Emmanuel Hategeka niwe wakiriye iyi nkoni mbere yo kuyitambagiza ahari 'pavilion' y'u Rwanda.

Ni inkoni isuye 'pavilion' y'u Rwanda muri Dubai Expo 2022, mu gihe u Rwanda rurimo kwitegura kwakira Inama y'Abakuru b'Ibihugu na za Guverinoma za Commonwealth, CHOGM, iteganyijwe kubera i Kigali kuva ku wa 20 Kamena 2022.

Mu Ugushyingo 2021, nibwo iyi nkoni yagejejwe bwa mbere mu Rwanda, aho yatembagijwe ahari ibikorwa bitandukanye birimo inzu Ndangamurage y'Urugamba rwo kubohora Igihugu, kuri Stade ya Cricket i Gahanga no mu Mujyi wa Kigali.

Inkoni y'Umwamikazi w'u Bwongereza y'Imikino ya Birmingham 2022 yatangiriye urugendo rwayo mu Ngoro y'Ubwami bw'u Bwongereza izwi nka Buckingham Palace ku wa 7 Ukwakira 2021.

Icyo gihe nibwo Umwamikazi Elizabeth II yatanze ubutumwa buzagezwa mu bihugu byose bigize Commonwealth, bukazasomwa ku wa 28 Nyakanga 2022 ubwo hazaba hatangizwa imikino.

Yatangiye kuzengurutswa mu bihugu bitandukanye mbere y'Imikino ya Commonwealth yabereye i Cardiff mu 1958.

Iyi nkoni igereranywa n'urumuri rutambagizwa mbere y'itangira ry'Imikino Olempike, ni ikimenyetso cy'ubumwe n'urukundo biranga ibihugu bivuga ururimi rw'Icyongereza, bigahuzwa kurushaho n'Imikino ya Commonwealth iba buri myaka ine.

Ambasaderi Emmanuel Hategeka yakiriye Inkoni y’Umwamikazi w’u Bwongereza, yatambagijwe aho u Rwanda ruri kumurikira ibikorwa byarwo mu Mujyi wa Dubai

Habaye ibirori byo kwakira Inkoni y’Umwamikazi w’u Bwongereza

Luc Montagnier, umuhanga mu bya virus w'umufaransa wemejwe ko yafatanyije kuvumbura human immunodeficiency virus (HIV), yapfuye afite imyaka 89.

Montagnier na mugenzi we mu 2008 bahawe igihembo cyitiriwe Nobel kubera akazi ke ko kwerekana virus yateraga indwara ya SIDA.

Yashimiwe akazi ke, ariko nyuma aza kunengwa kubera ibyo yavuze bidashingiye kuri siyanse ku ndwara za 'autisme' na Covid-19.

Ikinyamakuru FranceSoir kivuga ko yapfuye kuwa kabiri i Neuilly-sur-Seine 'agaragiwe n'abana be'.

Luc Montagnier

Montagnier na mugenzi we mu 2008 bahawe igihembo cyitiriwe Nobel kubera akazi ke ko kwerekana virusi yateraga indwara ya SIDA.
Yashimiwe akazi ke, ariko nyuma aza kunengwa kubera ibyo yavuze bidashingiye kuri siyanse ku ndwara za ‘autisme’ na Covid-19.

Ikinyamakuru France Soir kivuga ko yapfuye ku wa kabiri i Neuilly-sur-Seine agaragiwe n’abana be.

Montagnier yatangiye gukora kuri iriya virusi mu ntangiriro y’imyaka ya 1980 mu kigo cy’ubushakashatsi kidaharanira inyungu Institut Pasteur mu Bufaransa.

We n’ikipe ye irimo Françoise Barré-Sinoussi baherewe rimwe igihembo cya Nobel mu buvuzi, basuzumye uduce duto twavanywe ku barwayi b’indwara nshya itari izwi.

Babashije kuvana virusi ya HIV mu rugingo ruto cyane rwitwa ‘lymph node’ rubika abasirikare b’umubiri, batangaza ubuvumbuzi bwabo muri mu kinyamakuru cyandikaga kuri Siyansi mu 1983.

Muri icyo kinyamakuru, umuhanga muri siyansi w’umunyamerika Robert Gallo na we yatangaje ubuvumbuzi nk’ubwo, yemeza ko iyo virusi ari yo itera Sida.

Impaka ku wavumbuye iyi virusi mbere zari zikomeye mu myaka yakurikiyeho.

Mu 1991 Gallo yemeye ko virus yabonye yari yavuye muri Institut Pasteur mu mwaka wabanje. Mu 2002 nibwo bombi bemeje ko ikipe ya Montagnier ari yo yavumbuye HIV, ariko Gallo ari we werekanye uruhare igira mu gutera Sida.

Gusa, ubwo Montagnier na Barré-Sinoussi bahabwaga igihembo cyitiriwe Nobel mu 2008 kubera akazi kabo – komite igitanga, mu buryo butavuzweho rumwe, ntiyigeze ikomoza kuri Robert Gallo.

Iyi nkuru Kigali Today ikesha BBC iravuga ko mu bihe bya vuba, Montagnier yateje impaka no kunengwa nyuma y’ibyo yatangaje bidashingiye kuri siyansi, ku mpamvu z’indwara ya ‘autisme’, nyuma no ku nkomoko ya Covid-19.

Uyu mugabo wavukiye mu mujyi wa Chabris hagati mu Bufaransa, yatangiye akazi k’ubushakashatsi muri siyansi i Paris mu 1995.

Yagiye muri Institut Pasteur mu 1972, nyuma y’akazi ke kuri HIV yakuriye icyo kigo mbere yo kujya muri Queens College, City University of New York mu 1997.