Webrwanda Backend

Category: Uncategorized

  • Umusore yagiye gusura umukunzi we asanga bari ku musambanya – YEGOB #rwanda #RwOT

    Umusore yatangaje kuri WhatsApp uburyo umukunzi we yamubeshye maze yajyayo agiye kumutungura ku isabukuru ye y'amavuko agasanga barimo kumusambanya.Nk'uko uyu musore abitangaza ngo yabyutse kare mu gitondo maze ahitamo kujya mu icumbi ry'umukunzi we atabimenyeshejwe kuko abagore ahanini bakunda gutungurwa.Yavuze ko yagiye mu icumbi ry'umukunzi we ari kumwe n'inshuti ye bamushyiriye impano.

    Bahagezeyo, yavuze ko yemereye inshuti ye kubanza gukomanga ku rugi kugira ngo umukobwa nasohoka, amushyikirize impano mu buryo butangaje.Icyabatangaje cyane, undi musore bakorana yasohotse mu cyumba inshuti ye imaze gukomanga ku rugi.

    Kugira ngo umutima we ubyemere ko undi musore akundana n'umukunzi we, yavuze ko yazanye terefone maze aterefona umukobwa.Igitangaje ni uko yavuze ko umukobwa yamubwiye ko ari mu mujyi kugura gas.Mu nyandiko ye hepfo yagize ati: 'nibwo nahise nemera ko umukunzi wanjye aryamana n'abandi basore';

    Source : https://yegob.rw/umusore-yagiye-gusura-umukunzi-we-asanga-bari-ku-musambanya/

  • Iburasirazuba: Abaturage bakanguriwe kujya bagaragaza abayobozi babaha serivisi mbi – #rwanda #RwOT

    Ibi byatangajwe kuri uyu wa Kane tatiki ya 10 Gashyantare mu Karere ka Nyagatare ubwo hatangizwaga icyumweru cyahariwe imitangire ya serivisi nziza mu Ntara y'Iburasirazuba.

    Muri iki Cyumweru ubuyobozi bwose buzagenzura uko serivisi zitangwa hirya no hino mu nzego za Leta, bunakemure bimwe mu bibazo by'abaturage.

    Guverineri w'Intara y'Iburasirazuba, Gasana Emmanuel, yavuze ko muri iki cyumweru bazanakangurira abaturage uburenganzira bwabo, abayobozi bazagenzura uko serivisi zitangwa hirya no hino yaba ku nzego za Leta n'ahandi.

    Ati “Tugiye kwibanda cyane cyane ku kureba ahantu abaturage bakeneye serivisi zihuta uko bikorwa nko mu gutanga ibyangombwa by'ubutaka, gutanga indangamuntu ndetse no mu zindi serivisi zitandukanye.”

    Yavuze ko hazanakemurwa ibibazo bitandukanye kugira ngo hubakwe umuryango utekanye kandi ushoboye maze asaba abaturage bahabwa serivisi mbi kubivuga.

    Ati “Barasabwa kumva neza uburenganzira bwabo bakanabuharanira, ababaha serivisi mbi bakayanga. Hari intego twihaye twese muri iki cyumweru tuzasuzuma turebe niba byarakozwe aho bitakozwe habe hanabaho ibihano n'abayobozi babazwe inshingano zabo.”

    Umuyobozi w'Urwego rw'Igihugu rw'Imiyoborere (RGB), Dr Usta Kayitesi yashimiye ubuyobozi bw'Intara, Uturere n'izindi nzego kuri ubu bukangurambaga ku mitangire ya serivisi bwatangijwe muri iyi Ntara, asaba abaturage kwanga serivisi mbi.

    Yagize ati “U Rwanda rwahisemo imiyoborere ishyira umuturage ku isonga, ibikorwa byose bikorerwa mu nyungu z'umuturage ngo atere imbere ariko umuturage na we afite inshingano zo kugaragaza uko abona ibimukorerwa.'

    Ubwo hatangizwaga iki gikorwa hasuwe ahari kubakwa inyubako zo kwaguriramo ikigo Nderabuzima cya Nyagatare nyuma kubera ko aho cyakoreraga hari hato bigatuma gitanga serivisi zitanoze.

    Dr Usta Kayitesi we yasabye abaturage kwanga serivisi mbi bakajya bagaragaza abayibaha

    Guverineri Gasana yavuze ko abazamenyekana batanga serivisi mbi bazakeburwa

    Abayobozi basuye ahari gukorerwa imirimo yo kwagura Ikigo Nderabuzima cya Nyagatare

    Source : http://igihe.com/amakuru/u-rwanda/article/iburasirazuba-abaturage-bakanguriwe-kujya-bagaragaza-abayobozi-babaha-serivisi

  • Birababaje: umugore ufite ubumuga bwo kutumva bamugonze arimo gusabiriza ku muhanda(amafoto) – YEGOB #rwanda #RwOT

    Umugore ufite ubumuga bwo kutumva yagonzwe na gari ya moshi ubwo yari ku muhanda usaba imfashanyo kugira ngo abone icyo agaburira umwana be.

    Ku mugoroba wo ku wa gatatu, tariki ya 9 Gashyantare, nibwo ibiibyabereye i Itoki, muri Leta ya Ogun, muri Nijeriya.

    Agatabo kari hafi yumubiri wumugore kerekana ko yari afite ubumuga bwo kutumva kandi akeneye ubufasha bwamafaranga kugirango agaburire umwana we.

    Source : https://yegob.rw/birababaje-umugore-ufite-ubumuga-bwo-kutumva-bamugonze-arimo-gusabiriza-ku-muhandaamafoto/

  • Biratangaje! Umugore wari utwite umukobwa yiteye umusumari mu mutwe yibwira ko azabyara umuhungu none bimukozeho – YEGOB #rwanda #RwOT

    Umugore wari utwite umwana w'umukobwa yiteye umusumari mu mutwe kugira ngo azabashe kubyara umwana w'umuhungu.

    Uyu mugore yageze mu bitaro bya Lady Reading mu mugi wa Peshawar, muri Pakisitani afite umusumari wa santimetero ebyiri mu mutwe we, akigera kwa muganga yabwiye abakozi b'ibitaro ko yiteye umusumari mu mutwe abibwiwe n'umupfumu ngo bizamufasha kubyara umuhungu.

    Uyu mugore usanzwe ufite abakobwa batatu, yongeye gutwita abaganga bamubwira ko atwite umukobwa. Umugabo we akimara kubimenya, yamuteye ubwoba ko azamuta niba atwite undi mukobwa, ibyo byatumye uyu mugore ajya gushaka umpfumu ngo amufashe kubyara umuhungu.

    Nk'uko ikinyamakuru Geo News dukesha iyi nkuru kibitangaza ngo Muganga Haider Khan yavuze ko uyu mugore utwite yageze mu bitaro bya Pakisitani nyuma yo kugerageza kwikuramo umusumari.

    Icyuma gikoreshwa kwa muganga kizwi nka 'X-ray' cyerekanaga umusumari wa santimetero ebyiri winjiye mu mutwe w'uyu mugore. Muganga yavuze ko uyu mugore yari ari afite uburibwe budasanzwe.

    Pollisi ya Peshawar muri Pakistani yavuze ko abashinzwe gufasha abahohotewe basabwe guhura n'uyu mugore kugira ngo bamenye amakuru y'ibyabaye kuri uyu mugore. Bongeyeho ko kandi bazakurikirana ababigizemo uruhare bose bakabiryozwa.

    Umuyobozi wa polisi mu mujyi wa Abbas Ahsan yavuze ko bamaze gukusanya amashusho ya 'CCTV' yafatiwe mu bitaro ubwo uwo mugore yari ariyo. Ikindi kandi ngo bagiye gushakisha uwo mupfumu washutse uyu mugore.

    Muri Aziya y'Epfo, abantu bemeza ko abahungu batanga ubukire ku babyeyi kurusha abakobwa bityo bakita ku bana b'abahungu gusa, aho baba bizeye ko abahungu bazabakiza mu buryo budasanzwe.

    Source : https://yegob.rw/biratangaje-umugore-wari-utwite-umukobwa-yiteye-umusumari-mu-mutwe-yibwira-ko-azabyara-umuhungu-none-bimukozeho/

  • IFOTO Y'UMUNSI: Wa mukarane Samuel yagaragaye yifunze mu myenda ya Kositimu – YEGOB #rwanda #RwOT

    Kuri uyu wa 10 Gashyantare 2022 twabazengurukiye imbuga nkoranyambaga zitandukanye kugirango tubategurire ifoto y'umunsi. Ifoto twabateguriye ni iya wa Mukarane witwa Samuel aho yari yambaye imyenda ya Kositimu. Iyo foto ni iyi ikurikira:

    Source : https://yegob.rw/ifoto-yumunsi-wa-mukarane-samuel-yagaragaye-yifunze-mu-myenda-ya-kositimu/

  • Umugore yategetse ko nimwa ibiryo murugo. Nahukanye Inshuro 5. Umugabo aratinyutse avuga ihototerwa yakorewe n'umugore – YEGOB #rwanda #RwOT

    Benshi iyo uvuze ihototerwa rikorerwa mu ngo, benshi bahita bumva cyane ihohoterwa rikorerwa abagore bitewe nuko ingero nyinshi zigaragara ari iz'abagabo baba bahohoteye abagore. Gusa hari benshi bavuga ko hari umubare munini w'abagabo babayeho bakorerwa ihohoterwa mu ngo ariko bagaceceka bitewe nuko kubivuga bigaragara nabi ku mugabo ndetse bamwe bakavuga ko niyo wabivuga nko mu nzego z'ubuyobozi bitakirwa kimwe nkuko umugore yabivuga.

    Nubwo nta ngero nyinshi ziboneka z'abagabo bahohoterwa n'abagore, abenshi bemeza ko ari ikibazo cyafashe indi ntera, ndetse hakwiye ubukangurambaga kugirango umugabo uhohotewe yo kugira ipfunwe zo kubivuga ndetse anafashwe kurenganurwa mu nzego bireba.

    Umwe mu bagabo wakorewe ihotorwa aherutse gushirika ubute , avuga uko yashatse umugore akamubera ibamba kugera aho uyu mugabo yahukanye incuro zirenga 5 ndetse akaza kujya no hanze y'igihugu arimo guhunga umugore.

    Uyu mugabo witwa Innocent Gakarama ufite imyaka 50 yavuze uburyo muri 2009 yashatse umugore maze aramuhinduka bagirana amahane n'amakimbirane. Nkuko Innocent abivuga ngo umugore we yajyaga amushakaho impamvu zirimo kumushinja abagore, kujya mu bapfumu… byose ari ugushaka impamvu yo kumunaniza.

    Uyu mugabo waciye mu bigeragezo byinshi yashyirwagamo n'umugore we avuga ko umugore we yagezaho akerura akamubwira ati 'Sha naraje kugirango isi ikubone' aza kongera aramubwira ati 'Nzakora ibishoboka byose kugirango ibyo ukora byose biguhombere' bisa nkaho ibyo yakoraga ari ibintu yari yarafite muri gahunda kuva kera.

    Innocent avugako umugore we yageze aho ategeka ko umugabo we atazongera guhabwa ibiryo mu rugo, ndetse akajya atwika n'imyenda ye, kugeza ubwo umugabo yahukanye inshuro zirenga 5, ajya no mu mahanga arimo ahunga umugore.

    Innocent avugako kubera guhora mu makimbirane n'umugore we, agize imyaka 50 nta kintu agezeho ku buryo aho atuye ariwe mu kene uhari. Amakimbirane ye n'umugore kandi akaba yarayakuyemo uburwayi.

    Reba amashusho uyu mugabo asobanura ibyamubayeho:

     

    Source : https://yegob.rw/umugore-yategetse-ko-nimwa-ibiryo-murugo-nahukanye-inshuro-5-umugabo-aratinyutse-avuga-ihototerwa-yakorewe-numugore/

  • Umwe mu bagize Inteko ya Amerika yitambitse umwanzuro usaba guhatira u Rwanda kurekura Rusesabagina – #rwanda #RwOT

    Ntabwo bisanzwe ko muri Amerika cyangwa mu Burayi, humvikana umwe mu bagize Inteko Ishinga Amategeko udasaba ko Paul Rusesabagina arekurwa n'ubutabera bw'u Rwanda cyane ko bushinjwa guhonyora uburenganzira bwe.

    Kuva Rusesabagina yatabwa muri yombi, amahanga yanjamye u Rwanda arushinja guhonyora uburenganzira bwe, ko rwamushimuse, ndetse ko ibyaha ashinjwa bidafite ishingiro ahubwo ko ari 'intwari' biturutse kuri filimi yamushimagije ya Hotel Rwanda.

    Ilhan Omar wanyuranyije imvugo n'abandi benshi bagize Inteko Ishinga Amategeko ya Amerika, ni umugore w'imyaka 39 uhagarariye Minnesota. Yavukiye muri Somalia gusa yimukiye muri Leta Zunze Ubumwe za Amerika akiri muto ubwo umuryango we wahabonaga ubuhunzi mu 1995.

    Yagize ati 'Ndashaka gushimira Castro ku mushinga w'itegeko yazanye, ndifuza kumenya ko twumvikana ko ibyaha Rusesabagina ashinjwa na Leta y'u Rwanda biremereye. Nubwo mpa agaciro raporo zigaragaza impungenge ku buryo yafashwe n'uburyo yaburanishijwe, uyu mugabo ashinjwa ibyaha by'iterabwoba, yaraburanishijwe kandi ahamwa n'ibyaha.'

    Yakomeje ati 'Nubwo numva ibyifuzo byo kumurekura ku bw'impamvu z'ubugiraneza, ntabwo mbishyigikiye. Nta kintu gishobora kumubuza gukomeza gushyigikira ibikorwa by'ubugizi bwa nabi n'iterabwoba mu gihe yaba arekuwe. Ndabyumva neza ko iki kibazo kigoye, gusa ndashimira ubuvugizi bwakozwe na Castro ariko ntabwo nemeranya n'uyu mwanzuro.'

    Ntibyari bisanzwe kumva umwe mu bagize Inteko ya Amerika avuga amagambo nk'aya. Mu bihe bishize ahubwo basabiraga u Rwanda ibihano, intero iharawe cyane mu Nteko y'Umuryango w'Ubumwe bw'u Burayi, mu Bubiligi n'u Bwongereza.

    Nko mu Ugushyingo umwaka ushize, Inteko Ishinga Amategeko ya EU yasabye Leta y'u Rwanda kurekura no kohereza Paul Rusesabagina mu Bubiligi.

    Mbere y'aho gato Abadepite bo mu Bwongereza bari basabiye abayobozi batandukanye bo mu Rwanda ibihano barimo uwahoze ari Minisititi w'Ubutabera, Busingye Johnston n'Umuyobozi Mukuru wa RIB, Col Ruhunga Jeannot.

    Umwanzuro Ilhan Omar yamaganye wari watanzweho igitekerezo na mugenzi we witwa Joaquin Castro. Asanzwe ari umuntu utavuga neza u Rwanda, ndetse mu minsi yashize yumvikanye ashimangira ko azakora ibishoboka byose Paul Rusesabagina akarekurwa.

    Icyo gihe yavuze ko ibiro bye biri gukorana n'umuryango wa Rusesabagina kugira ngo abe yarekurwa. Yanashinje u Rwanda ko rwinjiriye telefoni y'umukobwa wa Rusesabagina hakoreshejwe porogaramu ya Pegasus.

    Icyo gihe amagambo ye yamaganiwe kure n'Abanyarwanda cyane abakoresha imbuga nkoranyambaga, bamugaragariza ko nta bushobozi afite bwo kuba yafunguza umuntu ukurikiranywe n'ubutabera bw'u Rwanda.

    Ilhan Omar yamaganye umwanzuro usaba ko Paul Rusesabagina arekurwa

    Source : http://igihe.com/amakuru/u-rwanda/article/umwe-mu-bagize-inteko-ya-amerika-yitambitse-umwanzuro-usaba-guhatira-u-rwanda

  • Depite wa Amerika Ilhan Abdullahi Omar uherutse mu Rwanda yasabye ko Rusesabagina atarekurwa #rwanda #RwOT

    Uyu mugore w'Imyaka 39, yavukieye muri Somalia gusa aza kwimukira muri Amerika mu 1995. Mumashusho yakwirakwiye kumbuga nkoranyambaga byumwihariko twitter, agaragara arwanya yivuye inyuma umwanzuro wo kotsa igitutu Leta y'u Rwanda ngo irekure Paul Rusesabagina.

    Avuga ko uyu mugabo akurikiranyweho ibyaha bikomeye by'iterabwoba kandi ko yanabihamijwe ninkiko. Ati;”Ndashaka gushimira Castro ku mushinga w'itegeko yazanye, ndifuza kumenya ko twumvikana ko ibyaha Rusesabagina ashinjwa na Leta y'u Rwanda biremereye. Nubwo mpa agaciro raporo zigaragaza impungenge ku buryo yafashwe n'uburyo yaburanishijwe, uyu mugabo ashinjwa ibyaha by'iterabwoba, yaraburanishijwe kandi ahamwa n'ibyaha.”

    Omar ntiyumva irekurwa rya Paul Resesabagina

    Uyu mugore Omar ukunze gushyira imbere ibikorwa bigamije kuzamura agaciro k'Abanyafurika n'Abirabura by'umwihariko, muri Amerika, yongeyeho ko ntampamvu ihari igaragara yatuma uyu Rusesabagina aramutse arekuwe ntacyamubuza gukomeza gutera inkunga ibikorwa by'iterabwoba.

    Ati“Nubwo numva ibyifuzo byo kumurekura ku bw'impamvu z'ubugiraneza, ntabwo mbishyigikiye. Nta kintu gishobora kumubuza gukomeza gushyigikira ibikorwa by'ubugizi bwa nabi n'iterabwoba mu gihe yaba arekuwe. Ndabyumva neza ko iki kibazo kigoye, gusa ndashimira ubuvugizi bwakozwe na Castro ariko ntabwo nemeranya n'uyu mwanzuro”.

    Uyu Omar aheruka mu Rwanda kuwa 10 Ukwakira 2021, muruzinduko rutari urw'Akazi aho yasuye na Imbuto Foundation. icyo gihe urukuta rwa Twitter rwa Imbuto rwavuze ko bishimiye Kwakira Nyakubahwa Madam Ilhan Omar uri muruzinduko rutari urw'Akazi.

    Bati”Uyu munsi twakiriye Nyakubahwa Madamu Ilhan Omar uri mu Rwanda mu ruzinduko rutari urw'akazi, tuganira ku mishinga itandukanye ya Imbuto Foundation n'ibindi bikorwa by'Umuyobozi wacu Nyakubahwa Madamu Jeannette Kagame.”

    Depite Omar ubwo yasuraga Imbuto Faundation umwaka Ushize

    Uyu munsi twakiriye Nyakubahwa Madamu @IlhanMN uri mu Rwanda mu ruzinduko rutari urw’akazi, tuganira ku mishinga itandukanye ya Imbuto Foundation n’ibindi bikorwa by’Umuyobozi wacu Nyakubahwa @FirstLadyRwanda. https://t.co/xfEicjXF9h

    — Imbuto Foundation (@Imbuto) October 9, 2021

    Source : https://umuryango.rw/amakuru/article/depite-wa-amerika-ilhan-abdullahi-omar-uherutse-mu-rwanda-yasabye-ko

  • Manchester United yasinyishije umwana wa Cris… – #rwanda #RwOT

    Ku buryo bwemewe, Cristiano Ronaldo agiye gukina mu ikipe imwe n’umuhungu we nyuma yo gusinya amasezerano ya kinyamwuga mu bana b’ikipe ya Manchester United.

    Ni igikorwa cyabaye nyuma y’ukwezi Ronaldo Jr yitoreza muri Manchester United y’abakiri bato, nyuma yo kugaragaza ubuhanga bikaba byatumye ashyira umukono ku rupapuro. Itangazo ryagiye hanze rigaragaza ko Ronaldo Jr yasinye we na mugenzi Gabriel bazakina mu ikipe imwe.

    Nyuma yaho Ronaldo ahisemo kuva muri Juventus akagaruka muri Manchester United yatangaga amahirwe ko umwana we ashobora kuzasinya amasezerano ya mbere muri Manchester United. Ubwo Ronaldo yaherukaga gukinira Manchester United, Ronaldo Jr yari ataravuka. Ronaldo Jr yahawe nimero 7 isanzwe yambarwa na Se mu makipe yose yanyuzemo.

    Ronaldo Jr akigera muri Manchester United

    Ronaldo Jr asanze muri Manchester United umwana wa Wayne Rooney nawe uheruka gusinyamo

    Ronaldo Jr ari kumwe na se bagikina muri Juventus

    Source : https://inyarwanda.com/inkuru/114400/manchester-united-yasinyishije-umwana-wa-cristiano-ronaldo-aho-azajya-yambara-nimero-ya-se-114400.html

  • Dr. Usta Kaitesi arasaba abayobozi guharanira ko abaturage babagirira icyizere #Rwanda #RwOT via @kigalitoday #rwanda #RwOT

    Dr. Usta Kaitesi

    Dr. Usta Kaitesi

    Dr. Kaitesi avuga ko abaturage b’Akarere ka Nyagatare babona imikorere n’imiyoborere ya Perezida wa Repubulika ku gipimo cya 99.8%, inzego z’umutekano ku gipimo kiri hejuru ya 95% naho inzego z’ibanze bakazishima ku gipimo kiri munsi ya 80%.

    Mu byo abaturage b’Akarere ka Nyagatare bifuza ko bihinduka harimo urwego rw’ubuhinzi n’ubworozi, aho ubuhinzi buri munsi ya 60%.

    Yasabye abaturage kugira uruhare mu guhashya bimwe mu bikorwa bibabangamiye nk’ubujura, aho abaturage bavuze ko buhari ku kigero cya 80% ndetse no gukubita no gukomeretsa mu miryango biri hejuru ya 50%.

    Ati 'Ubujura muvuga ko buhari hejuru ya 80% byaba bibabaje tubyuka tugakora, hagati muri twe hakabaho abatwara iby’abandi. Buri wese akoze inshingano ze ku mudugudu aho ari, ibyo mutubwira bibabangamiye mwahangana na byo.'

    Avuga ko u Rwanda rwahisemo imiyoborere ishyira umuturage ku isonga aho ibikorwa byose bikorerwa mu nyungu ze kugira ngo atezwe imbere.

    Ikindi ni uko umuturage afite inshingano zo kubaza abayobozi inshingano bakora ndetse agatanga n’isura y’uko abona ibimukorerwa ariko nanone akaba umufatanyabikorwa.

    Yasabye abayobozi gukora batekereza ku wo bakorera kandi na we agahora abaza abayobozi inshingano akanabibutsa ko iyo asiragijwe aba yangirijwe umwanya w’iterambere.

    Yagize ati 'Dukwiye gukora dutekereza uwo dukorera, na we agahora atubaza inshingano, agahora atwibutsa ko iyo tumusiragije, tumwangiriza umwanya w’iterambere, agahora atwibutsa ko tumwakirana urugwiro, agahora atwibutsa ko dukwiriye kumukorera icyo adukeneyeho nk’uko twakabaye tubimukorera.'

    Dr. Usta Kaitesi yibaza impamvu abaturage bizera Umukuru w’Igihugu ku kigero hafi 100% naho abayobozi bashyira mu bikorwa ibyo yemereye abaturage bakizerwa ku gipimo gito.

    Ati 'Nibutse inzego y’uko inshingano turimo ni iz’abaturage, abaturage bizera Perezida wa Repubulika hafi 100%, twe turi hano dushyira mu nshingano ibyo yabemereye, nta mpamvu n’imwe ituma tutajya kuri icyo kigero kuko icyo gihe tuba tumutengushye.'

    Guverineri w’Intara y’Iburasirazuba, Emmanuel K. Gasana, avuga ko nyuma y’ubu bukangurambaga bushishikariza abayobozi kurushaho gutanga serivisi nziza hazakurikiraho isuzuma kandi abayobozi bizagaragara ko badatanga serivisi nziza bazahanwa hakurikijwe uko abayobozi babazwa inshingano.

    Source : https://www.kigalitoday.com/politiki/amakuru/article/dr-usta-kaitesi-arasaba-abayobozi-guharanira-ko-abaturage-babagirira-icyizere