Category: Uncategorized

Ibi babitangaje kuri uyu wa Gatandatu tariki ya 12 Gashyantare 2022,ubwo bifatanyaga n'abaturage bo mu murenge wa Bweyeye mu gikorwa cy'umuganda.

Nyirahagenimana Gaudence wabaga mu nzu iva, yavuze ko yari abayeho mu buzima bubi.

Yagize ati 'Nari mbayeho nabi kuburyo imvura yagwaga nkarara mpagaze, nkacungana no kudaha amazi kugira ngo mbone aho ndyama.'

Uyu mubyeyi yishimiye guhabwa inzu yo kubamo, akaba avuga ko atazongera kunyagirwa.

Seniteri Dr Nyinawamwiza Leatitia yavuze ko abubakiwe inzu badakwiye gushyira amaboko mu mifuka kuko n'Imana ifasha uwifashije.

Yagize ati 'Abubakiwe amazu ntimushyire amaboko mu mifuka mutegereje ko bazabubakira, abayobozi bababe hafi ndetse n'abaturanyi. Namwe mushyireho akanyu. Ibyiza tugezeho ntitukabipfushe ubusa ahubwo mujye mubisigasira.'

Muri Bweyeye hubatswe inzu ebyiri ku muganda. Muri rusange inzu umunani nizo ziteganyijwe kubakirwa abatishoboye mu gihe muri Rusizi hose hazubakwa inzu 32.

Senateri Dushimimana Lambert na Nyinawamwiza Laetitia bafatanya n’abatuye Bweyeye kubakira utishoboye

Abaturage bakurikiye impanuro nyuma y’umuganda

Senateri Nyinawamwiza yasabye abubakiwe gufata neza inzu bahawe ndetse no kuvana amaboko mu mifuka

Senateri Dushimimana aganiriza abaturage nyuma y’umuganda

Ni umwiherero witabiriwe n'abantu 70, ukaba wari ufite insanganyamatsiko igira iti ''Mugore, gira uruhare mu gukemura ibibazo biri mu muryango Nyarwanda, ubashe kuzuza inshingano z'umugore w'umunyamuryango.''

Mu gutangiza uyu mwiherero, Uwamariya Marie Goretti uyobora abagore bibumbiye mu Muryango FPR-Inkotanyi mu Bubiligi, yashimiye buri wese wagize uruhare kugira ngo uyu mwiherero ushoboke.

Mu batanze ibiganiro harimo n'abagore baturutse mu Rwanda nka Ingabire Marie Immaculée uyobora Umuryango urwanya Ruswa n'Akarengane, Transparency International Rwanda, wagarutse cyane ku gaciro umugore afite muri FPR-Inkotanyi ndetse no mu gihugu muri rusange.

Mu bandi batanze ikiganiro harimo Oda Gasinzigwa wavuze ku nsanganyamatsiko 'Uruhare rw'umugore mu kubohora no kubaka u Rwanda', aho yagarutse ku ruhare rw'abagore bafashe iya mbere mu rugamba rwo kubohora u Rwanda.

Ati “Umugore yagize uruhare mu bikorwa bitandukanye by'u Rwanda aho rugeze, ariko kandi yanahawe uruhare mu bikorwa by'iterambere byose muri iki gihugu bikaba ari umwenda ukomeye, bikaba byiza kubyibutsa urubyiruko rwo musingi [w'iterambere]. Dufite abagore bagiye ku rugamba, dushimira n'abandi bakoze indi mirimo itandukanye nk'ubukangurambaga, bakora ibijyanye n'imibereho myiza y'abajyaga ku rugamba, ni ibintu byo kwishimira.”

Gasinzigwa kandi yagarutse ku ruhare rw'abagore mu rugamba rwo kubaka u Rwanda ati “Nyuma yo kubohora igihugu ntibyahagarariye aho kuko ibikorwa byaragaragaye ubu [by'iterambere ry'abagore] biragaragara mu miyoborere myiza, mu mibare (statistique) mu buryo umugore yabigizemo uruhare mu miyoborere y'Igihugu. Ubu twize ubufatanye hagati y'umugabo n'umugore w'Umunyarwanda.”

Nyuma y'ibiganiro, ababyitabiriye bagiye mu biganiro by'amatsinda aho barebeye hamwe ingingo zitandukanye zirimo inyungu zo gukorera mu matsinda, akagoroba k'ababyeyi n'ibindi.

Uyu mwiherero uzanakomeza ku Cyumweru tariki ya 13 Gashyantare, aho Jack-Abby Habimana Uyobora Umuryango FPR-Inkotanyi mu Bubiligi azatanga ikiganiro gifite insanganyamatsiko igira iti “Imigabo n'imigambi bya FPR-Inkotanyi.”

Mu bandi bazatanga ibiganiro harimo Pulcherie Nyinawase uzavuga ku 'Imikorere n'imyifatire y'umunyamuryango' na Dr. Eric Ndushabandi uzavuga ku ngingo yo “Kubaka no kubumbatira umwuka w'amahoro mu muryango nyarwanda.”

Ikiganiro na Ingabire Marie Immaculée wari witabiriye uyu mwiherero

Uwamariya Marie Goretti, uyobora Abagore mu muryango FPR-Inkotanyi mu Bubiligi

Ibi biganiro byitabiriwe n’Abanyamuryango batandukanye

Ibi biganiro byari bifite insangamatsiko igira iti “Mugore, gira uruhare mu gukemura ibibazo biri mu muryango Nyarwanda, ubashe kuzuza inshingano z'umugore w'umunyamuryango.''

Hagaragajwe uruhare rw’abagore mu iterambere ry’Igihugu

Abitabiriye iri huriro bagize umwanya wo kwishimira ibyiza byagezweho

Abanyamuryango ba FPR-Inkotanyi batanze ibitekerezo ku biganiro byatanzwe

Hatanzwe ibitekerezo bitandukanye bigaragaza iterambere bamaze kugeraho

Uyu mwiherero witabiriwe n’abagore 70

Uyu mwiherero uzamara iminsi ibiri

Ingabire Marie Immaculée uyobora Umuryango urwanya Ruswa n'Akarengane, Transparency International Rwanda, wagarutse cyane ku gaciro umugore afite muri FPR-Inkotanyi ndetse no mu gihugu muri rusange

Abagore bibumbiye muri FPR-Inkotanyi bari bitabiriye uyu mwiherero ku bwinshi

[email protected]

Meteo ivuga ko iyi mvura izaba iri hagati ya milimetero 50 na 200, mu gihe impuzandengo y’imvura isanzwe igwa muri iyi minsi iba ibarirwa hagati ya milimetero 10 na 70.

Mu bice byinshi by’Intara y’Iburengerazuba n’Amajyepfo, ibice bimwe by’Umujyi wa Kigali n’uturere twa Rulindo, Ngoma na Rwamagana, ni ho hateganyijwe imvura nyinshi iruta izagwa ahandi hose mu Gihugu.

Ni mu gihe ibice by’uturere twa Gatsibo, Kayonza na Nyagatare byo biteganyijwe kugwamo imvura nke ugereranyije n’ahandi mu Gihugu.

Meteo Rwanda ivuga ko iyi mvura izagwa mu gihe cy’iminsi ibarirwa hagati y’ine n’umunani, izaturuka ku nkubi y’umuyaga iri mu gice cy’epfo cy’inyanja y’u Buhinde, ikaba izazana umwuka w’ubuhehere bwo ishyamba rya Congo mu majyepfo y’Akarere u Rwanda ruhereyemo.

Imvura nyinshi iri hagati ya milimetero 150 na 200 iteganyijwe henshi mu turere twa Rusizi, Nyamasheke, Karongi, Rutsiro, Nyamagabe, Nyaruguru, Gisagara, Huye, Nyanza, Ruhango, Ngoma no mu bice bitandukanye bihegereye by’uturere twa Rubavu, Muhanga, Rwamagana, Rulindo n’Umujyi wa Kigali.

Imvura nyinshi iri hagati ya milimetero 100 na 150 iteganyijwe mu turere twa Nyabihu, Kamonyi, Bugesera, Kirehe na Gicumbi, mu bice bisigaye by’uturere twa Rubavu, Muhanga, Rwamagana, Rulindo, n’Umujyi wa Kigali, mu majyepfo y’uturere twa Gakenke, Burera na Kayonza no mu burengerazuba bw’uturere twa Gatsibo na Nyagatare.

Imvura iri hagati ya milimetero 50 na 100 iteganyijwe mu Karere ka Musanze no mu bice bisigaye by’uturere twa Gakenke, Burera, Nyagatare, Gatsibo na Kayonza.

Inama za Meteo Rwanda

Bitewe n’uko henshi mu Gihugu hateganyijwe imvura nyinshi idasanzwe kandi izaza isanga ubutaka bumaze kubika amazi menshi kubera imvura isanzwe igwa, ibiza byiganjemo imyuzure n’inkangu bishobora kwibasira cyane cyane ahagaragajwe imvura nyinshi.

Meteo Rwanda iragira inama inzego zifite mu nshingano zazo gukumira ibiza n’abatuye aho biteganyijwe ndetse n’Abaturarwanda muri rusange gufata ingamba zo gukumira no guhangana n’ibiza.

Hateganyijwe kandi ibiza bishobora guturuka ku muyaga mwinshi birimo kuguruka kw’ibisenge no kwangirika kw’imyaka. Abahinzi n’abafatanyabikorwa mu buhinzi baragirwa inama yo kubungabunga umusaruro ndetse no gukoresha amazi y’imvura imaze iminsi igwa n’iteganyijwe mu kurangiza ibi bikorwa byo gutegura ubutaka hitegurwa igihembwe cy’ihinga 2022 B.

Uretse imvura, hazaza n’umuyaga wenda kuba mwinshi

Ikigo Meteo Rwanda cyanagaragaje ikarita yerekana umuvuduko w’umuyaga, mu gice cya kabiri cy’ukwezi kwa Gashyantare 2022, ko hateganyijwe umuyaga uringaniye ushyira umuyaga mwinshi, ufite umuvuduko uri hagati ya metero 4 na 10 ku isegonda.

Umuyaga mwinshi ufite umuvuduko uri hagati ya metero 8 na 10 ku isegonda uteganyijwe muri Pariki y’Igihugu y’Akagera, iy’Ibirunga no mu bice bimwe by’uturere twa Ruhango, Kamonyi, Gisagara na Rusizi. Ibice byinshi bisigaye biteganyijwemo umuyaga uringaniye ushyira kuba mwinshi, ufite umuvuduko uri hagati ya metero 4 na 8 ku isegonda.

Iki kibazo cy’amazi yangiriza Abanyekongo cyagaragaye cyane ubwo hakorwaga umuhanda wa kaburimbo uva ku mupaka muto ugana ku ibagiro rya Rubavu, aho amazi abererekera uyu muhanda akomeza inzira igana mu mujyi wa Goma.

Ibikorwa byo kuyobya aya mazi byahereye imbere y’ahubatswe isoko ryambukiranya imipaka ku mupaka muto uhuza imijyi ya Goma na Gisenyi. Icyakora mu mwaka wa 2021 nibwo rwiyemezamirimo wahawe ikiraka cyo guca inzira iyobora amazi yatangiye imirimo ariko ayita itarangiye. Byateje igihombo ahacukuwe icyobo kizanyuzwamo amazi kuko byabangamiye ingendo ndetse n’abahakorera ubucuruzi bafunga inzu.

Umuyobozi w’Akarere ka Rubavu, Kambogo Ildephonse, avuga ko gutinda kurangiza iyi ruhurura ibuza amazi kujya kwangiriza abaturage byatewe na rwiyemezamirimo wataye imirimo kandi gushaka undi bibanza kunyura mu nzira ndende, ariko avuga ko yamaze kuboneka.

Yagize ati 'Uriya mushinga urahenze, kandi iyo birenze miliyoni 500 bigira inzira binyuramo kugera muri MINIJUST. Ubu twamaze kubona uzawubaka naho mu kwezi kwa Werurwe LODA (ikigo gishinzwe guteza Imbere imishinga y’inzego z’ibanze) yatwemereye kuduha abagenzura ibikorwa bazanareba ikorwa ry’umuhanda wa Rugerero – Byahi.'

Biteganyijwe ko kubaka icyobo kiyobya amazi yajyaga gusenyera Abanyekongo bizatwara miliyari eshatu z’amafaranga y’u Rwanda, kikazaba kireshya na metero 1000, harimo metero 500 zitwikiriwe n’izindi metero 500 zidatwikiriwe.

Ibikorwa byo kubaka umuhanda uhuza Byahi n’Umurenge wa Rugerero uzaba ureshya n’ibirometero 9 n’igice bizatwara miliyari 12 z’Amafaranga y’u Rwanda.

Umuyobozi w’Akarere ka Rubavu ahumuriza abaturiye ahazanyuzwa iki cyobo cyatumye basubika ibikorwa byaho ko imirimo izihuta kuko imirimo nitangira bizatwara amezi atatu.

Sadio Mane ubu arafatwa nk’intwari muri Senegal nyuma y’uko atsinze penaliti yabahesheje igikombe cya Afurika bwa mbere mu mateka

Uyu mukinnyi usanzwe ukina asatira muri Liverpool yo mu Bwongereza, ni we winjije penaliti yavuyemo intsinzi ubwo ikipe y’Igihugu ya Senegal (Lions de la Teranga) yatsindaga Misiri kuri penaliti 4-2, maze itahukana ku nshuro ya mbere irushanwa rya Afurika mu mupira w’amaguru, nyuma y’uko umukino wa nyuma warangiye amakipe yombi anganya 0-0.

Ibitego bitatu yatsinze akanatanga imipira ibiri yavuyemo ibitego ku ikipe ye y’Igihugu muri iryo rushanwa byatumye ahembwa nk’umukinyi mwiza w’irushanwa (Most Valuable Player, MVP).

Sadio Mane wavukiye ahitwa Bambali mu mujyi wa Sedhiou, byemejwe n’Umuyobozi w’uyu mujyi Adboulaye Diop, yavuze ko sitade igiye kwitirirwa uyu mwana wabo akundwa cyane.

Diop yagize ati: 'Mu kwitirira Sadio Mané iki kibuga Stade de Sedhiou, nashakaga gushimira abahungu n’abakobwa bose bo muri iyi ntara, mbicishije ku mugabo wamenyekanishije ku isi yose, Bambali n’umurwa mukuru wayo Sédhiou'.

Ati 'Ni ukuri Sadio Mané akwiye guhabwa iki cyubahiro'

Sadio Mane aherutse gutumirwa na Perezida wa Senegal, Macky Sall amushimira intinsi bagezeho. Sadio Mane na we yasabye Perezida kumushyigikira mu mushinga afite wo kubaka ibitaro mu gace avukamo ka Bambali

Mané yakunzwe n’amamiliyoni y’abantu kubera ibikorwa bye byo gufasha mu karere avukamo nyuma yo kubemerera amafaranga yo kubaka ibitaro n’ishuri, imisigiti, ndetse atanga amafaranga yo gufasha kurwanya Covid-19.

Urugendo rwa Mane mu mupira w’amaguru rwabaye rurerure kugeza abaye umukinyi w’icyamamare ku isi yose, atangiriye muri Metz mu Bufaransa kugera muri Liverpool abanje guca muri RB Salzburg yo muri Autriche no muri Southampton yo mu Bwongereza.

Uyu mukinyi w’umwaka ku mugabane wa Afurika yifuzaga cyane gutwara igikombe cya Afurika nyuma yo gutwara shampiyona y’u Bwongereza (Premier League) n’irushanwa ry’i Burayi rihuza amakipe yabaye aya mbere iwabo (UEFA Champions League) ari kumwe na Liverpool.

Nyuma yo kwegukana CAN 2021 muri Cameroun, Sadio Mane yavuze ko gufasha Senegal gutwara igikombe cya mbere cya Afurika mu mupira w’amaguru ari cyo kintu cya mbere gikomeye agezeho mu mwuga we wo gukina umupira w’amaguru.