Category: Uncategorized

Agakiriro ka Gisagara gaherereye mu Murenge wa Save gakoreramo abantu 322 barimo urubyiruko 174 n'abakobwa batewe inda imburagihe hamwe n'abagore ndetse n'abakuze 102.

By'umwihariko abakobwa n'abagore bakoreramo ni 153 mu gihe abagabo n'abahungu ari 169.

Bibumbiye hamwe muri sosiyete zirindwi n'amakampani arindwi aho bakora imyuga irimo ubudozi, kuboha imipira, gusudira, kubaza, gukora amavuta n'amasabune, gutunganya ibikomoka mu mpu, gukora inkweto n'abakora ibijyanye n'amashanyarazi.

Bamwe mu rubyiruko bahakorera imyuga babwiye IGIHE ko babonye urufunguzo rw'ubuzima.

Nyiramahirwe Pauline ati 'Mboha imipira n'ibindi byose bikomoka ku budodo, nabyize amezi atatu. Njyewe nafashijwe ndi imfubyi none ubu maze kwiteza imbere kuko mbasha kwizigamira. Naguze ibibanza bitatu, ngura inka eshatu n'ihene zigera muri enye nziragiza abantu. Maze imyaka irindwi nkora uyu mwuga kandi wambereye urufunguzo rw'ubuzima.'

Kimwe na bagenzi be bavuga ko hari byinshi bagezeho babikesha umwuga bakorera mu Gakiriro.

Muhire Samson ati 'Nkora ibijyanye no kubaza kandi maze kumenya byinshi bizangirira akamaro mu buzima. Nzi kubaza ibitanda n'intebe n'utubati n'inzugi n'ibindi. Uyu mwuga ni mwiza kuko umpa amafaranga menshi yo gukoresha ibindi nkeneye kandi nkizigamira.'

Umuyobozi w'Agakiriro ka Gisagara, Ufiteyezu Innocent, yabwiye IGIHE ko kashyizweho hagamijwe kwita ku rubyiruko n'abanyamwuga kugira ngo babone aho bakorera ibikorwa byabo kinyamwuga.

Ati 'Akenshi wasangaga urubyiruko rwacu rugana muri Huye gushakisha ariko ubu mu gitondo cya kare babyuka baza mu Gakiriro bagakora umwuga wabo ndetse n'abaturage bakaza gukoresha ibikoresho bakeneye.'

Yavuze ko kuri ubu bifuza gushyiramo n'igaraje kugira ngo bajye bakanika ibinyabiziga birimo imodoka, moto n'amagare kuko bafite abanyamwuga bazi kubikora.

Umuyobozi w'Akarere ka Gisagara wungirije ushinzwe Iterambere ry'Ubukungu, Habineza Jean Paul, yasabye urubyiruko kubyaza umusaruro ubumenyi bafite abizeza ko ubuyobozi buzakomeza kubaba hafi no kubagira inama.

Yavuze ko muri gahunda yo kongera ubumenyi urubyiruko Akarere ka Gisagara kafatanyije n'ibigo by'amashuri byigisha imyuga aho bamaze kwigisha abagera ku 164 kandi bari gushaka ubushobozi bwo kongera ayo mashuri.

Abakorera imyuga itandukanye mu Gakiriro ka Gisagara bavuga ko ari urufunguzo rw’ubuzima kuri bo

Agakiriro ka Gisagara gaherereye mu Murenge wa Save gakoreramo abantu 322 barimo urubyiruko 174

By'umwihariko abakobwa n'abagore bakoreramo ni 153 naho abagabo n'abahungu bakaba 169

Hakorerwamo imyuga itandukanye irimo n’ububaji

Mu byo bakora harimo no kuboha imipira mu budodo n’ibindi bijyanye nabwo

Inyubako ikoreramo Agakiriro ka Gisagara mu Murenge wa Save

[email protected]

Mukandengo Athanasie

Yakinnye mu makinamico menshi mu ijwi ryiza cyane, akenshi akaba yarahabwaga gukina mu mwanya w’umukobwa cyangwa umugore w’umutima, rimwe na rimwe akanakina ari umugore w’umubisha ariko nabwo mu ijwi ritagira uko risa.

Mu makinamico yakunzwe cyane Mukandengo yumvikanamo, harimo iyitwa 'Miranzi ya nyamunsi’ benshi bakunze kwita 'Uwera’ n’indi yitwa 'Mazi ya teke’, ariko yanakinnye mu ikinamico Urunana itambuka kuri Gahuzamiryango muri gahunda y’Ikinyarwanda ya BBC, aho yamamaye ku izina rya 'Kivamvari’.

Mukandengo Athanasie ni kavukire wo mu mujyi wa Kigali mu Rugando ku Kimihurura, uwa gatanu mu muryango w’abana icumi; ariko abavandimwe be barindwi (abakobwa batatu n’abahungu bane) bicanywe na se muri Jenoside yakorewe Abatutsi mu 1994, nyina yitabye Imana azize uburwayi mu 1992.

Mukandengo Athanasie ufite imyaka irenga 60, yigeze kuba umubikira w’umunovisiya ahagana mu 1971, ariko aza kuvamo ashakana na Byabarumwanzi François.

Byinshi kuri uyu mubyeyi usazanye ibigwi, bikurikire muri iki kiganiro Nyiringanzo kuri KT Radio:

Nta muntu witabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19 ni 1,450 nk’uko imibare yatangajwe ibigaragaza.

Amwe mu mavuriro mato yongerewe serivizi zihatangirwa harimo nk’iz’ububyaza, ubuvuzi bw’amenyo, amaso ndetse no gusiramurwa (gukebwa)

Minisiteri y’Ubuzima ivuga ko bimwe mu bikubiye mu mabwiriza mashya harimo ko za Postes de Santé zigomba kongererwa ubushobozi mu bikorwa by’ubuvuzi kugira ngo barusheho gutanga serivisi nziza ku bazigana, nk’uko umuyobozi mukuru ushinzwe ibikorwa by’ubuvuzi muri Minisiteri y’Ubuzima Dr. Coloneille Ntihabose abisobanura.

Ati 'Biraza bisubiza ibyo abaturage basabaga, ndababwira nk’urugero, bifuzaga ko gupima ibizamini bikoresheje Mikorosikope (microscope), bishyirwa mu mavuriro y’ibanze, mu mabwiriza mashya bizaba birimo, bifuzaga ko ikizamini cy’inkari, umusarani, ikizamini cya Malaria bishobora kuba byakorerwa ku ivuriro ry’ibanze'.

Akomeza agira ati 'Hari no kudoda bisanzwe umuntu yakomeretse, urugero nk’abana bari barimo gukina akabuye kagakubita umwe ku mutwe agakomereka, akajya ku ivuriro ry’ibanze bakamudoda, n’ibikorwa byo kuboneza urubyaro'.

Kuri ubu ayo mavuriro harimo acungwa na Leta hakaba n’andi yeguriwe ba rwiyemezamirimo kugira ngo babe ari bo bayakurikirana aho kugeza ubu umuryango SFH Rwanda wahawe za Postes de Santé 189.

Minisiteri y’Ubuzima ivuga ko muri aya mavuriro harimo adakora ndetse n’andi adakora iminsi yose, gusa ngo hari ibyahinduwe bikubiye mu mabwiriza mashya kugira ngo arusheho gutanga serivisi nziza.

Dr. Ntihabose ati 'Mbere umuforomo ni we wari wemewe ko aza agafatanya na Leta mu mikoreshereze ya rya vuriro ry’ibanze, ariko ubu twabonye ko bisaba gufungura buri wese ufite ubushobozi bw’amafaranga n’ubumenyi bwo gucunga ya mavuriro, ni ukuvunga ngo umuryango ushobora kuza ugakorana na Leta, ukavuga ngo ndashaka ivuriro ry’ibanze kuba narikoresha'.

Akomeza agira ati 'Icyo tumusaba ni uko ashyiraho umuforomo uyobora rya vuriro, ariko we akazana ubushobozi bw’amafaranga, n’ubumenyi agakoresha wa muforomo akaba ari umukozi we, ikindi ni uko ibigo by’abikorera byemerewe kuza bigakorana na Leta mu gucunga rya vuriro. Mbere umuntu yari yemerewe ivuriro rimwe, ubu umuntu ashobora kuba yafata amavuriro arenze rimwe, akayacunga mu gihe afite ubushobozi n’ubumenyi'.

Minisiteri y’Ubuzima ivuga ko kugira ngo Leta ifate amavuriro y’ibanze yose byasabaga abakozi bagera ku bihumbi bitandatu, bangana hafi na 1/3 cy’abakozi bari mu rwego rw’ubuzima, uhereye ku kigo nderabuzima, ibitaro, kugera kuri CHUK byose bisanzwe bifite abakozi bagera hafi ku bihumbi 20.

Abaturage bavuga ko kuba hari amavuriro y’ibanze adakorana n’ubwisungane mu kwivuza (mutuelle de Santé) bibagiraho ingaruka, ari na ho bahera basaba ko aya mavuriro yose yajya akorana na mituweli. Ni mu gihe Urwego rw’Ubwiteganyirize mu Rwanda (RSSB) ruvuga ko kugeza ubu rukorana n’amavuriro y’ibanze 430 gusa, avura abafite mituweli.

Imibare itangazwa na Minisiteri y’Ubuzima yerekana ko nyuma yo gushyiraho amavuriro y’ibanze, abayagana bagenda biyongera kuko mu mwaka wa 2016- 2017 bavuye ku 71,212 bagera kuri 4,425,855 hagati y’umwaka wa 2020-2021.

Nubwo ibi byagabanyije abaganaga ibigo nderabuzima ndetse n’abavurwaga n’abajyanama b’ubuzima, ngo haracyakenewe ko hubakwa andi mavuriro y’ibanze, kuko hari utugari tugera kuri 200 tudafite ivuriro na rimwe, mu gihe kuri ubu mu Rwanda habarirwa amavuriro y’ibanze agera ku 1,157 yo mu rwego rwa mbere n’andi 21 yo mu rwego rwa kabiri atanga ubuvuzi burimo ubw’amaso, ubw’amenyo no kubyaza.