Category: Uncategorized

Urukundo ni ikintu gikomeye kandi kurujyamo ntibigombera imyaka cyangwa igitsina, ahubwo birizana nk’uko bigenda byigaragaza. Iyo bigeze ku byamamare biba ibindi kubera abakunzi baba bafite yewe n'abanzi baba bifuza kumenya uko ibyabo bihagaze ku mpamvu nziza cyangwa imbi.

Kuri ubu ariko nubwo ibyamamare ari byinshi ku isi, hari ibigezweho mu bitangazamakuru aho usanga ari byo byiharira inkuru nyamukuru kimwe n'impapuro z'imbere zabyo. Tugiye kukugezaho couple 10 ziyoboye izindi ku Isi mu kuvugwa cyane mu itangazamakuru no ku mbuga nkoranyambaga muri aya mezi ya mbere y'umwaka wa 2022.  

1.Kourtney Kardashian na Travis Barker

Urukundo rw’aba bombi rwatangiye ari abaturanyi, nyuma baza kujya kwigaragaza kuri Instagram ku munsi w'abakundana. Mu 2021 mu kwezi k’Ukwakira ni bwo Travis Barkera yambitse impeta umukunzi we Kourtney mu birori byabereye ku mucanga wo muri Montecito muri Leta ya California.

2.Megan Fox na Machine Gun Kelly

Muri Mutarama, 2022 ni bwo MGK yambitse impeta Megan mu muhango wabereye munsi y'igiti cya Banyan gifite amateka mu rukundo rwabo kuva mu ntangiro z'urukundo rwabo nk’uko babihishuye bagaragaza ko umwaka wari ushize bahagiye basaba Imana kubaba hafi no kubafasha mu rugendo rwo gukundana bari bagiye gutangira.

3.Kim Kardashian na Pete DavidsonKugeza ubu imwe mu nkuru z'abakundana ishyushye ni iya Kim na Pete cyane cyane muri Hollywood agace k’imyidagaduro ku isi. Kuva mu mezi ya mbere y'umwaka wa 2021 ubwo Kim yasabaga ko yatandukana na Kanye West bari bamaranye imyaka irenga 7, abantu bose batangiye kwerekeza amaso kuri aba bombi.

Icyaje gutungurana ni ukuntu Kim yatandukanye na Kanye West akamusimbuza Pete, ibintu ubona ko byasajije Kanye West ugikunda bikomeye Kim Kardashian. Nyuma yo gutandukana na Kim, Kanye West yagiye mu rukundo n’abandi bakobwa ariko ntirwamuhira. Aherutse gutandukana na Fox yari yishumbushije, nawe bakaba barakundanye nyuma ya Shayk bari bakanyujijeho agitandukana na Kim.

4.Rihanna na ASAP Rocky

Aba bombi ni inshuti z’igihe kirekire baje guhinduka umugabo n’umugore. Kuri ubu aba bombi baritegura kwibaruka umwana wabo wa mbere dore ko nyuma y'abagabo benshi bagiye batereta RiRi, Rocky ari we watsindiye kubyarana n'uyu muherwekazi, umuhanzikazi, umushabitsi akaba n'umunyamideli.

5.Zendaya na Tom Holland

Umuhanzi akaba n'umukinnyi wa filime, Zendaya, wamamaye muri filime nyinshi, ari mu buryohe bw’urukundo na Tom Hollanda uzwi nka Spider Man. Urukundo rwabo rwatangiye kuvugwa cyane guhera mu mpeshyi ishize ubwo bafotorwaga basomanira mu modoka.

6.Ben Affleck na Jennifer LopezAba bombi bari baratandukanye mu 2004 ariko baje kwiyunga muri Gicurasi yashize aho kugeza ubu bakomeje kuryoherwa n'ubuzima bazengurukana hirya no hino aho bagiye bagaragara bari kumwe, ahazwi ni nko muri Montana no mu Butaliyani aho bongeye no gutambukanira ku itapi y'umutuku nyuma y'imyaka 18.

7.Zoe Kravitz na Channing Tatum

Urukundo rw'umunyamideli, umuhanzi n'umukinnyi wa filime, Zoe ndetse n'umukinnyi wa filime unazitunganya Channing, ni rumwe mu zikomejes gufata intera no kuvugwa cyane mu itangazamakuru. Aba bombi batangiye kumenyekana ko ari inyoni ziri mu rukundo mu mpeshyi ya 2021 ubwo bagaragaraga bari kumwe baseka banatwaye igare bombi.

Nyuma muri nzeri Channing yaje gusangiza bwa mbere abamukurikira ifoto ye na Zoe ubwo bari bagiye mu birori bya Alicia Keys. Baje no kugenda bagaragarana mu bice binyuranye bya Leta Zunze Ubumwe za Amerika nka New York n'ahandi.

8.Adele na Rich Paul

Mu mwaka ushize wa 2021 ni bwo urukundo rw’aba bombi rwatangiye kwamamara nyuma yo gutandukana na Simon Konecki, maze mu birori biheruka bya Grammy Awards, Adele atanga Rich nk'umukunzi we mushya, icyamamare mu mikino ya Basketball aho agenda areberera inyungu z'abakinnyi banyuranye barimo LeBron James.

9.Michael B. Jordan na Lori Harvey

Urukundo rwa Jordan umukinnyi wa filime unazitunganya n'umunyamideli ukiri muto ugereranije na Jordan rwatangiye kwamamara mu ntangiriro z'umwaka wa 2022 ubwo Lori yashyiraga ifoto yabo bombi hanze. Kuva icyo gihe bahisa batangira kwigarurira imitima ya benshi muri Hollywood no ku isi muri rusange. 

10.Kristen Stewart na Dylan Meyer

Nubwo bakundana bahuje ibitsina, urukundo rwabo rukomeje guhagarika imitima ya benshi ku isi. Aba bombi ni abakinnyi ba filime b'ibyamamare. Kristen yamamaye mu rukundo na Robert Pattison na Stella Maxwell mbere y’uko yihebera Dylan. Nk’uko Kristen yabitangarije Howard Stern, we n’umukunzi we Dylan Meyer baritegura kurushinga kuko bamaze gushimana kandi bakaba banahuriye kuri byinshi birimo no gukina filime no kuzitunganya.

Nubwo iyi couple itari kuri uru rutonde rw’icumi za mbere zikomeje kuzonga isi ku mbuga nkoranyambaga no mu itangazamakuru, ariko Couple ya Britney Spears na Sam Asghari nayo ni imwe mu ziri kugarukwaho cyane.

Perezida wa Repubulika, Paul Kagame

Umukuru w’Igihugu ubwo yagezaga ijambo ku bitabiriye iyo nama, yavuze ko politiki n’imiyoborere myiza ari nk’umubiri muzima.

Yagize ati “Iyo imiyoborere ibangamiwe, ni nko kugira ubudahangarwa bw’umubiri bworoshye, bituma bwibasirwa n’ubwoko bwose bw’indwara.”

Perezida Kagame yakomeje avuga ko nta kuntu hakubakwa amahoro n’umutekano birambye, haba imbere muri Afurika ndetse no ku migabane yombi, udashyize imiyoborere hagati.

Yavuze ko hakenewe ibitekerezo bishya hamwe n’ishusho nshya, kugira ngo habeho gufatanyiriza hamwe kurwanya iterabwoba no gushyigikira ibikorwa byo kwimakaza amahoro.

Ati “Ntidushobora kwihagararaho ngo turebere igihe ubuzima bw’abaturage b’inzirakarengane bugeramiwe. Umutekano w’u Burayi nawo uri mu kaga. Turi abaturanyi kandi iterabwoba ryambukiranya ibihugu n’imipaka.”

Perezida Kagame mu ijambo rye kandi yavuze ko hari uburyo bwinshi bworoshye, bujyanye no gukemura ibibazo iyi migabane ihura nabyo. Agaragaza ko buri makimbirane afite imiterere yayo ariko kandi hari n’ibisubizo bifatika.

Ati “Birakenewe ko hashyirwaho uburyo bunoze kandi burambye ku mpande zombie, bwo gutera inkunga ibikorwa by’Ingabo mu karere.”

Umukuru w’Igihugu yavuze ko nanone, nta ngabo cyangwa inkunga zishobora gutanga amahoro arambye.

Ati “Tugomba icyarimwe gukemura ibitagenda neza mu buyobozi, arizo ntandaro z’umutekano muke.”

Perezida Kagame yagaragaje ko hifuzwa umubano hagati y’Ubumwe bw’ibihugu by’u Burayi n’Umuryango w’Ubumwe bwa Afurika ufite ireme, kandi utanga ibisubizo bifatika. Ati “Twese turakeneranye, kandi bivuze gukorana nk’abafatanyabikorwa buzuye.”

Iyi nama ya gatandatu ihuza Afurika n’u Burayi ikaba izasozwa kuri uyu wa Gatanu tariki 18 Gashyantare 2022, yari igamije kwigira hamwe iby’ingezi byihutirwa ku bufatanye bw’ahazaza.

Ibi byagarutsweho kuri uyu wa Kane tariki ya 17 Gashyantare 2022, ubwo Urwego rw'Igihugu rw'Imiyoborere (RGB) rwagaragazaga ibyavuye mu igenzura rwakoze ku miyoborere n'imitangire ya serivisi mu bigo bifashwa na Leta ku bw'amasezerano.

Iri genzura ryakozwe mu 2020-2021 mu bigo 85 byo mu turere 11 turimo Bugesera, Gatsibo, Kicukiro, Musanze, Ngororero, Nyanza n'utundi two mu Ntara zose n'Umujyi wa Kigali.

Nyuma basanze mu mashuri yigenga afashwa na Leta hakiri ibibazo by'imiyoborere n'imitangire ya serivisi bigira ingaruka ku burezi buhabwa abanyeshuri.

Mu igenzura ryakozwe ikigero cy'imiyobore kiri kuri 43.95% naho imitangire ya serivisi iri kuri 63.17%.

Bigaragaza ko hakiri ikibazo mu buryo ibigo biyoborwa bukiri hasi no kwakira abantu bikaba birimo ikibazo ndetse no mu burezi bw'abafite ubumuga haracyari icyuho mu kubaha serivi ziborohereza.

Iyo miyoborere ikiri hasi ndetse na serivisi itanoze ngo biri mu bigira ingaruka ku myigire y'abanyeshuri bamwe bakava mu ishuri abandi bagasambanywa.

Abafite aho bahuriye n'aya mashuri bigajemo abanyamadini n'amatorero bitabiriye uyu muhango, bagaragaje ko kuba ibi bikiri hasi bigirwamo uruhare n'amasezerano bafitanye na Leta atuma hari ibyo batabasha gukora.

Amashuri yigenga afashwa na Leta ni 54% by'ari mu gihugu. Leta iyafasha nko kwishyura abarimu, kugura ibikoresho n'ibindi biri mu masezerano bafitanye.

Amasezerano agenderwaho kugeza ubu ni ayasinywe mu 1987 atandukanye cyane n'uburyo uburezi buhagaze muri iki gihe.

Kuri ubu hari ibikorwa byo kuvugurura aya masezerano akajyana n'igihe n'imiterere y'uburezi iriho.

Umuyobozi wungirije w'Ihuriro ry'Amashuri yigenga afashwa na Leta, Musenyeri Laurent Mbanda, yavuze ko amasezerano akwiye kwihutishwa kuko azatuma buri wese amenya inshingano ze abonereho kuzishyira mu bikorwa b

Umuyobozi wungirije w'Ihuriro ry'Amashuri yigenga afashwa na Leta, Musenyeri Laurent Mbanda, yavuze ko amasezerano akwiye kwihutishwa kuko azatuma buri wese amenya inshingano ze akazishyira mu bikorwa, ibizatuma batongera kwitana ba mwana.

Ati 'Aya masezerano akwiye kujyaho kugira ngo hashyirweho umurongo ugaragara dukwiye kugenderaho twese, buri wese amenye uruhande rwe kandi bidufashe kumenya uko tubazwa inshingano ashinzwe kandi azishyire mu bikorwa.'

Yakomeje ati 'Iyo amasezerano adasobanutse neza atuma abantu bitana ba mwana, bigatuma umuntu adafata inshingano ze kuko aba yumva undi azabikora ariko iyo ahari buri wese amenya icyo ashinzwe kandi akagishyira mu bikorwa.'

Umunyamabanga wa Leta muri Minisiteri y'Uburezi ushinzwe amashuri abanza n'ayisumbuye, Twagirayezu Gaspard, yavuze ko hari amasezerano yateguwe agomba gusinywa kugira ngo Leta imenye inshingano zayo n'abafatanyabikorwa bayo bamenye izabo bityo ireme ry'uburezi rizamuke.

Ati 'Aya masezerano asobanura imikorere akanavuga inshingano za buri mufatanyabikorwa kuko amashuri menshi ni ayabo, birakwiye ko tugira umurongo ngenderwaho usobanura neza ibyo Leta ikora n'ibyo na bo bakora.'

'Twizeye neza ko mu gihe ibyo bisobanutse neza n'imiyoborere y'amashuri igenda neza bigatuma ireme ry'uburezi ritera imbere.'

Yakomeje avuga ko nubwo aya masezerano atari yaravuguruwe ariko imikoranire yasobanukiraga mu yandi mategeko arebana n'uburezi.

Ati 'Hari hasanzweho imikorere isobanukira mu yandi mategeko hari nk'ikibazo cyakunze kugaragazwa cy'uyobora amashuri ariko ibyo byose birasobanutse. Mu mategeko no muri sitati y'abarimu bivuze ko ibizongererwamo ingufu byari bisobanutse no mu yandi mategeko ariko kugira ayo masezerano bizafasha gusobanura neza ibyo twari dusanzwe dukora.'

Umuyobozi w'Urwego rw'Igihugu rw'Imiyoborere (RGB), Dr Usta Kaitesi, yavuze ko iri genzura ryakozwe rigamije kwibutsa impande zombi uruhare rwazo mu kurengera uburezi.

Yakomeje avuga ko amasezerano ari ngombwa ariko igikwiye gushyirwa imbere ari ibiyakubiyemo kurusha inyandiko kandi akubahirizwa bityo ireme ry'uburezi rikazamuka.

Abafite aya mashuri na bo basabwe kubahiriza ibyo basabwa bagashyira imbaraga mu kubaka umuryango kuko abenshi ari abanyamadini n'amatorero kandi afite umwanya munini mu muryango Nyarwanda.

Basabwe kandi kumenya amategeko y'uburezi, kugira uruhare mu mfashanyigisho, guhashya abasambanya abana no guhuza ibyo bigisha bijyane n'ukwemera n'amasomo yo mu ishuri.

Abafite aho bahuriye n’aya mashuri bari bitabiriye uyu muhango

Mufti w’u Rwanda, Sheikh Hitimana Salim yari yitabiriye uyu muhango

Umunyamabanga wa Leta muri Minisiteri y'Uburezi ushinzwe amashuri abanza n'ayisumbuye, Twagirayezu Gaspard, yavuze ko hari amasezerano yateguwe agomba gusinywa kugira ngo Leta imenye inshingano zayo n'abafatanya

Umuyobozi w'Urwego rw'Igihugu rw'Imiyoborere (RGB), Dr Usta Kaitesi, yavuze ko iri genzura ryakozwe rigamije kwibutsa impande zombi uruhare rwazo mu kurengera uburezi

Umuyobozi w’Umujyi wa Kigali, Rubingisa Pudence, yasabye abanyamadini kugira uruhare mu guhangana n’ikibazo cy’abana bo mu muhanda

Amafoto: Nezerwa Salmon

Kuri uyu wa 17 Gashyantare 2022, USAID na Minisiteri y’Ubuhinzi n’Ubworozi (MINAGRI), batangije iyi gahunda yiswe ‘Feed the Future Rwanda Kungahara Wagura Amasoko’, ikaba yitezweho kunganira igishoro cya miliyoni 300 z’Amadolari, Leta y’u Rwanda n’abafatanyabikorwa bashoye mu guteza imbere ibyoherezwa hanze bikomoka ku buhinzi n’ubworozi.

Abagenerwabikorwa b’iyi gahunda bakaba ari abashoramari bato n’abaciriritse mu buhinzi n’ubworozi, mu bucuruzi no mu gutunganya umusaruro wa kawa, icyayi, imboga n’imbuto ndetse n’ibikomoka ku matungo birimo ibikorwa mu mata no mu mpu.

USAID ivuga ko iyi gahunda ya Feed the Future igamije kurwanya inzara ku isi, yitezweho kuzamura ubukungu bw’u Rwanda n’imibereho y’ingo z’Abanyarwanda zirenga ibihumbi 127, mu gihe cy’imyaka itanu iri imbere, hashingiwe ku kudaheza ibyiciro byihariye by’abaturage (nk’abagore, urubyiruko n’abafite ubumuga).

Umuyobozi wa USAID mu Rwanda, Jonathan Kamin atangiza umushinga Feed the Future Rwanda Kungahara Wagura Amasoko

Ubwo yatangizaga iyi gahunda, Umuyobozi wa USAID mu Rwanda, Jonathan Kamin yagize ati “Intego y’iki gikorwa ni ukongera umusaruro w’ibyoherezwa hanze bikomoka ku buhinzi n’ubworozi, byibura ku rugero rwa 12% buri mwaka ku rwego rw’Igihugu”.

Kamin avuga ko umusaruro (amafaranga) w’ingo nibura ibihumbi 127 mu Rwanda, na wo ugomba kwikuba inshuro zirenga ebyiri, kuko uziyongera ku rugero rubarirwa hagati ya 50%-75%.

Ibigo n’inganda 500 bigize uruhererekane nyongeragaciro rw’ibikomoka ku buhinzi n’ubworozi na byo bigomba kuzahabwa ku nkunga yatanzwe na USAID, mu rwego rwo kongerera agaciro uwo musaruro kugera ku rugero rungana na 168%.

Dr Ngabitsinze Jean Chrysostome Umunyamabanga wa Leta muri MINAGRI

Umunyamabanga wa Leta muri MINAGRI, Dr Jean Chrysostome Ngabitsinze, ashimangira ko hazabaho ubufatanye bw’inzego za Leta, abikorera n’imiryango ya Sosiyete Sivile mu gushyira mu bikorwa gahunda ya Feed the Future Kungahara Wagura Amasoko.

Dr Ngabitsinze yakomeje agira ati “Isoko, bisobanura gushyira hamwe kw’ibikorwa byose by’abatanga umusaruro, abawukenera, abacuruzi n’abanyenganda, kandi bose bakabona ibyakozwe ku giciro cyiza n’ubwo kitanyuze buri wese, ariko hakabaho kugabanya icyuho cy’ubusumbane hagati y’abakennye n’abakize, abo bakennye bariho kuko hari abandi benshi bakize”.

Abacuruzi b’ibyoherezwa mu mahanga bikomoka ku buhinzi n’ubworozi bavuga ko bamaze kumenyana n’amasoko yo hanze y’Igihugu ku migabane yose, aho bashobora gushora umusaruro w’ibikomoka mu Rwanda uko uzajya wiyongera buri mwaka.